بتغازل؟؟ جاوب بصراحة!!!

[لولو اليبناوية]

بتغازل؟؟ جاوب بصراحة!!!
المغازلة مشكلة......... (التحرشات)
يتعرض نسبة كبيرة من البنات او حتى الشباب للتحرش من قبل الجنس الاخر سواء بالاماكن العامة كالاسواق والحدائق والمطاعم برمي كلمة او بنظرات زايدة او بحركات...وغيرو..
انت منهم بيغازل او بتغازلي؟؟.......... ليش ؟؟..
ابتتغازلي او ابتتغازل؟؟؟..................ليش؟؟
على مين الحق؟؟ الحق مع مين؟؟؟
المهم شو واجب الشب او البنت في الشرع الاسلامي من هالموضوع؟؟
شو موقفك من هالموضوع؟؟:icon9:

[لولو اليبناوية]

انا وجهة نظري .........بنات بالايام هاي الوحدة بتفكرحالها انو والله هية لو اتغازلت معناتو انها حلوة؟؟؟!!!
الشباب بالايام الي بغازلو....اغلبهم بكونو بتسلو مش اكتر؟؟....او حابين يستعرضو حالهم قدام الشلل بتاعتهم حد معين ... الي البنت بكون لبسها مش شرعي .....او لبسها شرعي وحركاتها زايدة مما بتخلي الشب لانو يطاول ويتجرا للمغازلة....... انا بنظري انو البنت والشب السبب في هاي المشكلة

[روعة]

السلام عليكم و رحمه الله

انا معك يا اختي العزيزة بهالحكي و في عدة نقاط انتي حكيتي عنها و باحب أأكد عليها

اولا : انو الشباب و البنات هم المشكلة بالموضوع يعني من الملاحظ انو مش الشباب بس اللي بيغازلوا كمان صاروا الصباي يغازلوا الشباب و هاي بحد ذاتها مشكلة خطيرة لازم تتعالج باسرع وقت ممكن لانه تمس اول شي عفة الفتاة المسلمة وبالتالي فهي تجرح في كرامة الدين الاسلامي فمن خلال منبر منتدي شباب فلسطين باوجه نداء عاجل لكل الصبايا انهم يتقوا الله و يبتعدوا عن هيك شغلات لانهم بيدمروا اول و اخر شي طهارة الدين الاسلامي
بعدين نداء للشباب باقولهم افرض انو كانت اختك من ضمن البنات اللي بيتعاكسوا وسمعت انت هيك شي هل بتقبل هيك موضوع اكيد راح يطير عقلك و ما تصدق تمسك الشب اللي عاكس اختك ..عشان هيك باحكيلك حط نفسك بهالموقف هل بترضاها لاختك؟؟؟ اكيد الجواب لا .. فكيف بترضاها لاخواتك في الدين و اخواتك في الله اللي الرابطة بينكم اقوي من رابطة الدم؟؟؟؟

ثانيا اختي في نقطة كمان اشرتي الها و باحب احكي فيها كمان انو السبب اللي بيخلي الشباب يعاكسوا البنات هو اللي بنشوفه كل يوم بالشوارع من لبس غير شرعي وملفت للنظر ... لشو هادا يا صبايا ؟؟؟؟
باترجي كل بنت تلتفت لدينها وتراجع مواصفات اللبس الشرعي اللي بيضمن انه ما حدا يحكي معها كلمة بالشارع لما تمشي بالعكس الكل بينظر الها بنظرة احترام ووقار..

بالنهاية باشكرك كتير اختي لولو علي طرحك للموضوع لانه بجد هاي المشكلة زادت عن حدها خصوصا بالشارع المسلم.. و باتمني من كل شب وكل بنت انهم يحافظوا علي الامانة اللي وضعها ربنا بين ايدينا وهي صون كرامة الدين الاسلامي و البعد عن كل ما الشوائب التي يمكن ان تضر بسمعه هذا الدين الحنيف

اللهم اني لا اسالك رد القضاء ولكن اسالك اللطف فيه

[روعة]

السلام عليكم و رحمه الله

انا معك يا اختي العزيزة بهالحكي و في عدة نقاط انتي حكيتي عنها و باحب أأكد عليها

اولا : انو الشباب و البنات هم المشكلة بالموضوع يعني من الملاحظ انو مش الشباب بس اللي بيغازلوا كمان صاروا الصباي يغازلوا الشباب و هاي بحد ذاتها مشكلة خطيرة لازم تتعالج باسرع وقت ممكن لانه تمس اول شي عفة الفتاة المسلمة وبالتالي فهي تجرح في كرامة الدين الاسلامي فمن خلال منبر منتدي شباب فلسطين باوجه نداء عاجل لكل الصبايا انهم يتقوا الله و يبتعدوا عن هيك شغلات لانهم بيدمروا اول و اخر شي طهارة الدين الاسلامي
بعدين نداء للشباب باقولهم افرض انو كانت اختك من ضمن البنات اللي بيتعاكسوا وسمعت انت هيك شي هل بتقبل هيك موضوع اكيد راح يطير عقلك و ما تصدق تمسك الشب اللي عاكس اختك ..عشان هيك باحكيلك حط نفسك بهالموقف هل بترضاها لاختك؟؟؟ اكيد الجواب لا .. فكيف بترضاها لاخواتك في الدين و اخواتك في الله اللي الرابطة بينكم اقوي من رابطة الدم؟؟؟؟

ثانيا اختي في نقطة كمان اشرتي الها و باحب احكي فيها كمان انو السبب اللي بيخلي الشباب يعاكسوا البنات هو اللي بنشوفه كل يوم بالشوارع من لبس غير شرعي وملفت للنظر ... لشو هادا يا صبايا ؟؟؟؟
باترجي كل بنت تلتفت لدينها وتراجع مواصفات اللبس الشرعي اللي بيضمن انه ما حدا يحكي معها كلمة بالشارع لما تمشي بالعكس الكل بينظر الها بنظرة احترام ووقار..

بالنهاية باشكرك كتير اختي لولو علي طرحك للموضوع لانه بجد هاي المشكلة زادت عن حدها خصوصا بالشارع المسلم.. و باتمني من كل شب وكل بنت انهم يحافظوا علي الامانة اللي وضعها ربنا بين ايدينا وهي صون كرامة الدين الاسلامي و البعد عن كل ما الشوائب التي يمكن ان تضر بسمعه هذا الدين الحنيف

اللهم اني لا اسالك رد القضاء ولكن اسالك اللطف فيه

[Twin]

وانا كمان معك يالولو ....لان لو البنت سكتتله بالاول وعجبها الموضوع رح يتمادا ...

[حنووو اليبناوية]

والله مشكله بنات هالأيااااااااااااااااااام
انا برأيي الغلط الاول والاخير على االبنت سواء كانت بتتغازل أو بتغاااازل
وشكرا لولو على الموضوع
حنوووو

[لولو اليبناوية]

تسلمي حبيبتي روعة..........مشاركتك روعة...وكلامك جميل جدا
وشكرا لتوين نورتي حبيبتي انتي وحنووووووو

[عاشق الحور]

برضو في بنات بدهم طخ

لانو بجد بجد كتير مرات بيكون الشب في حال سبيلو

فيا اما ما بيكون محترم ،، وعينو زايغة ،، بالتالي بيسكتو

او بيكون غلبان وما الو على اللون ،، فبينضحك عليه

او بيكون عقال وراطز بس شرس وبيخوف

فيشردوا منو

طبعا مو كل البنات ،، خخخخخ

[خيـرَ أُمـة]

اختي روعة

كلامك على اسمك روعة ... فهل يعقل ان نضع الكبريت في النار فلا يحترق


اختي Twin

معك حق لو سكتت البنت سيتجرأ الشب اكثر عليها ... انا راي ان حصل معكن موقف من شاب اهوج بالشبب وعلى راسو :) ..... ما بمزح.


اختي حنووو اليبناوية

انا بفضل ان يتقاسم الطرفين المسؤولية ... فلا يحق لنا ان نحمل الفتيات المسؤولية كاملتا.


اخي عاشق الحور

بدك اتطخ البنات .... شو بتخبص يا زلمة :)

على العموم الهم اهدي شباب وبنات المسلمين
امـــــــــــــــــــــــــــــــــ ـــــــــــــــــين

[Abu Shadi]

اول شي الغزل مش عيب الغزل نوع من المجامله
يعني انا انسان بحب اغازل مش غلط سواء شب ولا بنت ببقا اغازل بنت لحتى اسعدها لاني بعرف هالاشي بسعد البنت
وببقا بين اصحابي اتغزل فيهم بس نوع من المزح
طبيعتي هيك
حتى بتقدرو تقولو انا اجيت علي الدنيا مختلف تماما علي الناس يعني اخواتي محمود بعرفهم يعني لو واحد شافني ممكن يعرفهم انو اخواتي بالشكل بس بالتصرفات نهائينا بتختلف
طريقتي في التعامل مع الناس مختلفه ما بحب اكون ماشي علي التقاليد
فلذلك انا اخدت الغزل مع الشب والبنت نوع من انواع المزاح والتصرفات
ممكن اي شخص يفتكر انو الغزل عيب وغلط ومش كويس باعكس انا بشوف الغزل الو لازم كثير في مجتمعنا
لكان كيف الرجل حيحب مراتو وكيف المرأة حتحب جوزها
في مثل بنقال اقرب طريق الا قلب الرجل هي المعدة هذا غلط
شو اصلا الي خلا الرجل يحب المرأة
اكيد تصرفاتها غير هيك شو الي خلا هالفتاه تقبل فيه اكيد الغزل الي صار منو
الا في حال انو كان شخص معقد
والي ما بستعمل الغزل انسان معقد
وادلع يا حبيبي .......ههههههههههههههههههه

[Twin]

اول شي يا ابن فلسطين مين الك انوو هادا الشي بيعجبنا بالعكس بيعجب البنت المش محترمه ... ولما حد يغازلنا دليل انوو بيشك باخلاقناا ...وسؤااال الك يا ابن فلسطين ؟؟؟؟ لو مره طلعت بالصدفه وشفت شباب بيغازلوو بأختك وبيدايئوهاا زي ما بتعمل ...بتضحك ولا بتاخدها بمزحه ؟؟؟؟؟

[Abu Shadi]

اول شي ما الي خوات ماشي وتجيبيش العايلة تعتي علي لسانك ماشي
غير هيك مين قلك اني بقصد الغزل الي بالشارع
للاسف انا مش مستعد اغازل بنت في الشارع او اني ادايقها ومحمود بعرف الكلام هذا ممكن اطلع ولكن اني ادايقها او احكي معاها ما بعتقد وانتي افهمتيني غلط
انا بقصد الغزل بين الزوج والزوجه بين الاصدقاء بين الاخوه بين الاقارب بتمنا تستفهمي قبل ما تحكي
واياكي تقولي تخيل اختك لاني ما الي خوات غير اخت والله يسهل عليها وخواتي الي بتحكي عنهم اتخيل اني القي اختي بالشارع اكيد انتو خواتي ما بسمح لنفسي اني القي شب بدايق بنت وانا اقف اتفرج
ولكن طالما هي راضيه عن نفسها فانا ساعيتها ما الي كلام عند الشب افهمتي توين بتمنا تفهمي وتوضحي وعمرك ما تحللي كلام علي كيفك

[Twin]

اقرأ الموضوع صح وافهم انه انت اللي مو فاهم معناه كويس ونحنا شو بنقصد ....
وانا ما دخلت جوه البك مشان اعرف شو بتقصد كان مفرووض توضح قصدك ...
على كلن انا آسفه اذا ما فهمتك ... آسفه

[Abu Shadi]

معلش حصل خير وانا اسف انا فكرت الغزل بشكل عام ما فكرت الغزل بالشارع المفروض حكت بتقبل تشوف بنت في الشارع او شب بتعرض لمدايقه مش غزل المعروف انو الغزل للزوج والزوجه والي بيصير بالشارع مش غزل مدايقه مش اكثر صح ولا غلط

[Twin]

لا ولا يهمك بس كان نفسي تحترمني اكتر من هيك ... كيف يعني ما تجيبي سيرة اهلي على لسانك ... انا ما غلطت بأهلك بشي واذا ما عندك خوات انا اصدي لو كان عندك خوات ؟؟ او اعتبرناا خواتك ... على كلن حصل خير ... وشكرا

[Abu Shadi]

لو ما بعتبركم خواتي يا خيتي كان ما لقيتيني بحاكيكم هيك انتي عمركيش شفتيني زمان سبحان مغير الاحول خيتي

الحمد لله انك ما لحقتي اول ايام للموقع هذا
ربنا يوفقك خيتي

[لولو اليبناوية]

عاشق الحوووووور.......كلامك صح 100%.....فعلا الوقت الحالي صارو البنات اكتر من الشباب
ابن فلسطييييييين........يسلمووووو اكتيييييييير كلامك روعة....وماشالله عليك تلقائي دايما
احمديكس................يسلموووووو اكتييير عالمشاركة نورتنا

[لولو اليبناوية]

حبيبتي تولين......سوء تفاهم عادي
ابن فلسطين .....انا افهمت انو فعلا كان قصدك الغزل المشروع مش غزل الشوارع....
وحصل خير يا حلوييييييييين واحلى وردات الكم:s (43): :s (43): :s (43): :s (43): :s (43): :s (43): :s (43):

[صدى الصمت]

اول شي بدي اشكرك لولو على هالموضوع المهم واللي بيخص حياتنا الشخصية والعامة
وثاني شي :::
البنات المش محترمات والله تمادو في حقوقهم وزادت سخافتهن وقلة ادبهن
بتلاقي الشب ماشي بحال سبيلو والبنت بتقعد تتطلع فيو وبتغمزلو والحركات التافهة هي
واللي بشوفها بيشرد يا لطيف،،
مفكرين حالهن حلوات وعندهن ثقة بنفسهن لحتى يقعدو يعملو هالحركات
والعكس تماماً ،،، الشباب زيدوها كتير وحتى لما تكوني طالعة مع اهلك ما بتسلمي منهم،،، حركات في غاية التفاهة
انا بس بدي افهم شغلة وحدة
انو همي بيقعدو يتغزلو ويغازلو في البنات
ولما ييجو يتجوزو اي بنت اول شي بيسألو عن سمعتها
يا اخي اذا انتا ما بتحب تتجوز وحدة عليها طراطيش كلام ،، ليش بتعمل هالحركات وبتنزل من مستواك ومن مستوى الامة العربية
بلاد الاجانب صارو يتشمتو فينا وصارو يضحكو ويتمسخرو علينا احنا العرب
الله يهيدهم بس ياربي ويفتح عقولهم اكتر واكتر،،، وفي كتير احيان بيصير هيك معنا بس الحمد لله البنت اللي بتهمها سمعتها وشرفها وشرف عيلتها ما بتستجيب لهيك شغلات وانا بهالحكي بقصد غزل الشوارع ،،،
وشكراً مرة تانية لولو^_ ^
مع احترامي لبقية آراء المشاركين في التعليقات ,,,

[Eagle of Palestine]

بدون تعليق

مشكورة اختي على طرح الموضوع ، انا اسف ما بقدر اجاوبت ، الله يهدينا اجمعين:icon31:

[أحلى غزوية]

مشكورة حبيبتي لولو على هل موضوع
وبعدين المشكلة بصراحة على البنت لأنها بحركاتها الزايدة هي بتدفع الشب إنو بيتحركش فيها
وهاي وجهة نظري
مع فائق الاحترام

[بنت الرملة]

(Eagle of Palestine )
(خلص من غير ما تجاوب انت بتغازل بس صغير انت عهالكلام صح..؟؟ انت بهالسن لازم تشرب حليب مش تغاااااااااااازل هههههههههه :)

عكل حال انا رأي انو البنااااااااااااات بدهم طلق من بين عنيهم لأنهم بإيدهم يخلو الشب يحكي معهم ولا مايحكي

واكيد في شباب كمان بدهم طلقين مش طلق واحد بتحركشو بالمشخلعه وبالمحتشمه ...وبنفس الوقت هالشباب ما برضو عخواتهم حد بس يطلع فيهم وهوي مش قاصد كمان


عكل حال انا بكره الشباب إلي بغازلو كتييييييييير وخصوصا إلي بلزقووو هدول قسما بالله لو بكون معاي مسدس لأخلص عليهم من كتر ما بفقعواااااااااااااااااا

[مؤيد]

الحمد لله ما بغازل ، لإنو أنا لما أغازل بستحقر حالي وبحقر حالي ، وبنظر لنفسي بذنب

بس للأسف إنو أنا بتعرض لمعاكسات من البنات يالي عنا في الجامعة ، بس الحمد لله ما بتطلع لحد منهم ، ويخرب بيتهم ما بيستحوا ، أنا بستحي أخلي عيني بعين وحدة ، وهم ما بستحوا بالمرة ....

وبصراحة بنات هالأيام راح يتفوقوا على الشباب بالمعاكسة .

بس كلاهما بنظري لا يستحقون نظرة احترام ، بل نظرة استحقار .

وشكرا على موضوعك يا لولو اليبناوية

[Twin]

هههههههههههههه والله انا لسه ما مر عليه انو بنت تعاكس شب ... هاي اول مره اسمع ....غريبه انقلبت الموازين.....
ههههههههههههههههههههههههههههههههههه هههههههههههههههههههههههههههههه هه

[بنت الرملة]

بصراحه اصلا البنات إلي بعاكسو هاليومين وفعلا الموازين كلها انقلبت

[مؤيد]

هههههههههههههه والله انا لسه ما مر عليه انو بنت تعاكس شب ... هاي اول مره اسمع ....غريبه انقلبت الموازين.....
ههههههههههههههههههههههههههههههههههه هههههههههههههههههههههههههههههههه
ليش حضرتك وين ساكنة .... للأسف بفلسطين بصير هيك شغلات

بقلك الشغلة صارت معي أكتر من مرة ، بجد ما بكذب ...

لإنو الشباب والبنات هالأيام ما عندهم ترباية وأخلاق ، فتوقعي منهم أي شيء.

[بنت الرملة]

ومش بس بفلسطين عنا بالإمارات كمان وبكل مكان البنات بطلو زي بنات زماااااااااان

صاروا همي إلي يلحقوا الشباب !!!!!! وانا يعني لازم اعترف مش يعني لأنو بنات نحكي لأ اكيد مش كل البنات زي بعض بس كتييييييير منهم

[Twin]

والله هاي اول مره اسمع ... مع اني بطلع وبشووف العجب من الناس... واذا في بنت بتعمل هيك بتستاهل الشنق هاي مو محترمه ....على كلن الله يهدي كل الناس

[Eagle of Palestine]

(Eagle of Palestine )
(خلص من غير ما تجاوب انت بتغازل بس صغير انت عهالكلام صح..؟؟ انت بهالسن لازم تشرب حليب مش تغاااااااااااازل هههههههههه :)

عكل حال انا رأي انو البنااااااااااااات بدهم طلق من بين عنيهم لأنهم بإيدهم يخلو الشب يحكي معهم ولا مايحكي

واكيد في شباب كمان بدهم طلقين مش طلق واحد بتحركشو بالمشخلعه وبالمحتشمه ...وبنفس الوقت هالشباب ما برضو عخواتهم حد بس يطلع فيهم وهوي مش قاصد كمان


عكل حال انا بكره الشباب إلي بغازلو كتييييييييير وخصوصا إلي بلزقووو هدول قسما بالله لو بكون معاي مسدس لأخلص عليهم من كتر ما بفقعواااااااااااااااااا


و الله انت اول وحدة بدك طخ و لو بعرفك كنت دفنتك عايشة يا دبة

مش عشان بس اذيتيني بردك على مشاركتي بس لأنك من اعضاء المنتدى و بتشاركي في موضوع زي ده و انت مش فاهمة اي شي حتى لدرجة انك مش عارفة انك انت كمان عم تخلي الشباب يغازلوك يا دبة

[Twin]

له له هدووو يا جماعه .. ما بيسوي ... كلكوو خير وبركه ..

[خيـرَ أُمـة]

الله يرحم ايام زمان وبنات زمان

بكن البنات معدلات

هههههه

الله يعينك مؤيد حماس اهم اشي اتدير بالك على حالك

اما الأخت الي في الامارات حكيها مزبوط الامارات سلامتكو

للأسف في كل مكان صارت هي الظاهرة ... لكن دايما الخير موجود وأهل الخير موجودين والدليل انتو

[بنت الرملة]

بدك الطخني يما خفت ههههههههههههههههههههههه

امانه ما تزعل مني ياخي عم نمزح :)

افا عليك انت بس بالله ما تزعل عنجد بمزح معاك اصلا انت مش شكل ولد بتغازل والله مشالله عليك

[خيـرَ أُمـة]

و الله انت اول وحدة بدك طخ و لو بعرفك كنت دفنتك عايشة يا دبة

مش عشان بس اذيتيني بردك على مشاركتي بس لأنك من اعضاء المنتدى و بتشاركي في موضوع زي ده و انت مش فاهمة اي شي حتى لدرجة انك مش عارفة انك انت كمان عم تخلي الشباب يغازلوك يا دبة

طول بالك .... شو بتخبص انت.!!!

[Twin]

[QUOTE=ahmadix][SIZE="3"]الله يرحم ايام زمان وشباب زمان

بئوو الشباب معدلين

هههههه

[Eagle of Palestine]

ههههههههههههههههههههههههههههههههه

و لو يا توين بس كمان هي اللي بدات

و انا ما طبيت فيها هالدبة

هه اسف

و الله ولي التوفيق

[Twin]

عادي نحنا عارفين ان كلنا بنمزح مع بعض ..

[مؤيد]

بدك الطخني يما خفت ههههههههههههههههههههههه

امانه ما تزعل مني ياخي عم نمزح :)

افا عليك انت بس بالله ما تزعل عنجد بمزح معاك اصلا انت مش شكل ولد بتغازل والله مشالله عليك
ما تقلقي ،،،،،،،،،، أنا معك

شو بدو يطخك ؟؟؟ بيحلم هذا ههههههههههه

ما تخافي نحنا بنحمي بنات حماس والي بأيدوها ، وراح أجيبله شباب كتائب القسام و قوات المساندة التنفيذية

ولا يهمك

[Eagle of Palestine]

بدك الطخني يما خفت ههههههههههههههههههههههه

امانه ما تزعل مني ياخي عم نمزح :)

افا عليك انت بس بالله ما تزعل عنجد بمزح معاك اصلا انت مش شكل ولد بتغازل والله مشالله عليك

اطلع الناقصو و لك انا جبت سيرة اني انا بغازل ، انا كتبت فقط بدون تعليق ، و الا حضرتك باقية الساحرة ويني في زمناتك و باقية بتقرا افكار ، و بعدين كمان انا ما جبت سيرة اني انا ياللي بدو يطخك انا بس بدي ادفنك انت و مؤيد حماس ان شاء الله

ما تقلقي ،،،،،،،،،، أنا معك

شو بدو يطخك ؟؟؟ بيحلم هذا ههههههههههه

ما تخافي نحنا بنحمي بنات حماس والي بأيدوها ، وراح أجيبله شباب كتائب القسام و قوات المساندة التنفيذية

ولا يهمك


قال بحميها قال ، و لكو انتو لسا ما بتعرفوني و اذا بدكم اسالو عن صقر فلسطين

و الله ولي التوفيق:icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon26:

طيب:icon28:

[بو هبه]

انا مرييت من هوون

وحبييت احكي السلام عليييكم


هههههههههههه


وههرب
لا جد


موضوع بدي اكوون فيه صرييح مليوون بالميه


ولي رجعه

ورأيي الخااص


سلاامي لكم ولصااحبه الموضوع الاميره

[مؤيد]

اطلع الناقصو و لك انا جبت سيرة اني انا بغازل ، انا كتبت فقط بدون تعليق ، و الا حضرتك باقية الساحرة ويني في زمناتك و باقية بتقرا افكار ، و بعدين كمان انا ما جبت سيرة اني انا ياللي بدو يطخك انا بس بدي ادفنك انت و مؤيد حماس ان شاء الله




قال بحميها قال ، و لكو انتو لسا ما بتعرفوني و اذا بدكم اسالو عن صقر فلسطين

و الله ولي التوفيق:icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon28: :icon26:

طيب:icon28:
طيب ، هههههههههههههههههههههههههههه

[لولو اليبناوية]

خخخخخخخخخخخخخ حد الله يا جماعة
عالعموم يسلمو لمؤيد حماس ......نورت والله يعينك على البنات
اينجل اوف فلسطييييين............نورتنااا اااا

[Eagle of Palestine]

ههههههههههههههههههههههه

شو يعني ههههههههههههههههههههههههه

مؤيد خماش

والله ولي التوفيق

و انها لمعركة مناقشة حتى النصر حتى النصر حتى النصر

[لولو اليبناوية]

مالك يا ايجل؟؟؟؟؟؟؟؟؟
بنت الرملة ما غلطت كانت ابتمزح معاك بس شكلو روحك مش رياضية.......
.ولا حابب تعمل مشاكل وخلص ؟؟؟؟
رجاءا

[خيـرَ أُمـة]

الموضوع مش مستاهل

مش محرزة كل دقيقة يوصلني ايميل عشان هيك موضوع

تيجو نفتح موضوع مهم ونحكي فيه بكون احسن ....

عزيزي ايجل بنت الرملة زي اختك الكبيرة فشوية احترام الها ...

[عميد كلية الحب]

مرحبا انا جيت متأخر على الموضوع 000000000000000
بس عندي خبره في هيك شغلات 000000انه الشب لما يعاكس بنت او باللغه العاميه (بطقص) عليها لعددة اسباب00000منها
1. البس يعني لما تكون لابسه بنطلون جينز مش اله بيكون لاختها الصغيره وانتو طبعا عارفين شو قصدي في نوعية هاد البنطلون000000او بتكون لابسه بنطلون تاع الشطف هاد بيكون نص بنطلون
يعني شرط
2.حركاتها المايعه والمايصه
وغيرها من الدواوين هاي0000بتجبر انه الشب يزاود عليها ويسمعها حكي

ومع احترامي للجميع

[Eagle of Palestine]

بنت الرملة انت ما غلطت كانت ابتمزح معاك........ولا حابب تعمل مشاكل وخلص ؟؟؟؟
رجاءا

مع احترامي الشديد الك بس انت فهمت الموضوع غلط و ما تبعتيلي رسالة هلا عشان افهمك ها ؟

اطلعي على صورتي و اسالي حالك هادي وجه شخص بحب المشاكل يا دبة

ههه اسف

و الله ولي التوفيق

[صدى الصمت]

بتكون لابسه بنطلون تاع الشطف هاد بيكون نص بنطلون

لا تعليق
ههههههههههههههههههههههههههه

[Eagle of Palestine]

ههههههههههههههههههههه

حلوة هاي عن جد

[خيـرَ أُمـة]

مرحبا انا جيت متأخر على الموضوع 000000000000000
بس عندي خبره في هيك شغلات 000000انه الشب لما يعاكس بنت او باللغه العاميه (بطقص) عليها لعددة اسباب00000منها
1. البس يعني لما تكون لابسه بنطلون جينز مش اله بيكون لاختها الصغيره وانتو طبعا عارفين شو قصدي في نوعية هاد البنطلون000000او بتكون لابسه بنطلون تاع الشطف هاد بيكون نص بنطلون
يعني شرط
2.حركاتها المايعه والمايصه
وغيرها من الدواوين هاي0000بتجبر انه الشب يزاود عليها ويسمعها حكي

ومع احترامي للجميع

عزيزي عميد كلية الحب ... احكي بالعامية مافي مشكلة بس بلاش الهجة السوقية الي اسمعناها كثير من شباب مثل "بطقص" و "تاع الشطف" في عنا اخوات في المنتدى بنحترمهن و ما بنرضى يسمعن مثل هيك كلام....

اما عن ان الشب مجبر على ان يسمعها كلام .. فلا اخي الكريم مش شرط في شباب بخافو ربنا..

تحياتي

[لولو اليبناوية]

يسلمووووووووو اكتيييييييير عميد كلية الحب
كلامك صيحيح.ورائع.....فعلا انا بشوف انو تلتين الغلط عالبنت
نورتينا صدى الصمت

[ayman]

اكتفي بكتابة هذه المعادلة :


ارقام + مواعيد + سهرات + هدايا + كلام حلو + وهم الحب + كذب + شعر + اغاني + مصلحة + فراغ – الصلاة – واجبات عائلية – فلوس – اخلاق * سيئات واثام كثيرة = خسارة في الدنيا والاخرة ...

[خيـرَ أُمـة]

اكتفي بكتابة هذه المعادلة :


ارقام + مواعيد + سهرات + هدايا + كلام حلو + وهم الحب + كذب + شعر + اغاني + مصلحة + فراغ – الصلاة – واجبات عائلية – فلوس – اخلاق * سيئات واثام كثيرة = خسارة في الدنيا والاخرة ...

100%

[Eagle of Palestine]

ههههههههههههههههههه

[VIP.]

هههههههههههههههههههههههههههههه ههههه المعادله حلوه
المهم انا بنظري انو مش بس الشب بيغازل في كمان بنات بيغازلن وكترن هاي الايام على فكره
المهم انا بالنسبه لالي ما بعتقد انو الشب بيغازل وحده محترمه ولابسه الزي الاسلامي ولا اصلا بسترجي يغازلها
اما البنت ما بتسترجي كمان تغازل شب الا لو كان في بينهم نظرات و ابتسامان يعني بتكون البنت عارفه شو رد فعله ههههههههههه يعني واضحه بدهاش تنين يحكو فيها

و حلو الموضوع
حلوه منك

[Twin]

عجبتني المعادله .. وياريت كل الناس يعملووو عكسهااا


وسوري يا عسوله .. نسيت اشكرك على الموضوووع المميز ...

[لولو اليبناوية]

اهلا نورتتي في اي بي ..يسلموو عالمشاركة الحلوة

[بنت الرملة]

مشكووووووووووور مؤيد حماس ههههههههههههههههه

عفكر ه الولد هاد وانا اسفه لأني هيك بحكي مخو صغير وفعلا ما عندو حترام Eagle of Palestine

ولو انك ما بتتقبل مزح ابعتلي رساله خاصه وانا رح احذف مشاركتي مش تروح تبعت رساله خاصه وتخبص فيها كمان ..يعني ياريت تحترم حالك يا محترم.. وبعدين انا متل اختك لكبيره اعرف تكلم منيح؟؟؟ بالمره ما عندك مزح انت ؟؟؟؟ بس والله الحق عليه انا

[عميد كلية الحب]

انا بحكيلك الواقع.....وبالنسبه للبنات الي موجودات معانا انت مش احرص مني على مشاعرهن
انا يمكن اخطات في التعبير بس هاد الي بصير........وهذا واقعنا
وانا اسف اذا اسأت في التعبير

[الورده الحمراء]

ليش حضرتك وين ساكنة .... للأسف بفلسطين بصير هيك شغلات

بقلك الشغلة صارت معي أكتر من مرة ، بجد ما بكذب ...

لإنو الشباب والبنات هالأيام ما عندهم ترباية وأخلاق ، فتوقعي منهم أي شيء.

له يا مؤيد حماس ..هلأ بنات فلسطين هم اللي بيعملوا هيك شغلات؟؟ على كل لو ممكن شويه بنات غير محترمات عملوا معك هيك..ما بيصير تعمم انه بفلسطين هيك البنات..بجد زعلتني..
وبالنسبه للموضوع بشكل عام كله بيعود للتربيه وجو البيت..وكتير بنات لبسهم محتشم وبيتعرضوا للمغازله كمان...يعني مش كل الحق عالبنات...يسلموو لولو عالموضوع..

[بو هبه]

Eagle of Palestine


يا ابو الشباب


معلش انتا انعجئت فقلبت الموضوع مزح اولا بعديين خبصت حكي
بعديين عملت مشكله


فرجااء انو يكوون الك رد بالنقااش مش خاارج النقااش


وصفاات الناس مش انتا الي بتختارها الك بحاالك وبس

وما عملوه الناس مش شغلك صح يا معلم

لأنو من تدخل بما لا يعنييه لقي مالا يرضييه

يعني المزح الو وقتوا والو حدود وكماان الجد الو وقتوا والو حدود


ويارييت الكل يرووق

وبالذاات بنت الرمله معلش خدي هي كاااسه لموون بس رضااكي يا حجه


وجااييكم برأيي ان شااء الله بالموضوع

[بو هبه]

انا مرييت من هوون

وحبييت احكي السلام عليييكم


هههههههههههه


وههرب
لا جد


موضوع بدي اكوون فيه صرييح مليوون بالميه


ولي رجعه

ورأيي الخااص


سلاامي لكم ولصااحبه الموضوع الاميره


زي ما حكييت رااجعلكم برأيي الخاص


بادئ ذي بدئ

طاالب النصح لمن اكبر مني سننا اذا كنت خااطئا


وهلأ كل وااحد منا مر بسن المرااهقه

صح ولا لأ

وفي نااس ما مررت وفي نااس لسا بسن المرااهقه


وفي نااس للأسف بالتلاتيين ومراقيين بعرفش كييف المهم


ميين مناا ما غلط وبالذااات بالهشغلاات وبالذااات بسن المرااهقه


سوااء هو او هي سواء مغاازل او مغاازله او العكس


يعني يا شباب


بصرييح العبااره المجتمع طبقااات كتيير


وفي طبقه بتضم فئه اسمها فئه الشباب اي المرااهقيين


وهااي الفئه بتحتااج لرقاابه من الاهل والابنااء يحتااجوون ثقه الاهل

وانا عن نفسي في علاااقاات صغييره جدا بل قليله كاانت تربطي بالجنس الناعم


ولاكن كنت مش بغاازل بالضبط

يعني اياامن ما كنت صغير ههه


يعني زي ما تقولوا علااقه زمااله مش صدااقه لأنو الزمااله علااقه محدوده والصدااقه علااقه مفتووحه


وفي نااس بااخدهم من نااحيه بناات بلدي وهييك شغلااات وبتربطني بيينهم علااقه اخوه


يعني ان فعلت فلا اشطط وعلى قدري

وسن المرااهقه هااد انا فييه

يعني معرض للأخطااء الكثيير

واحتااج للنصح الكبيير

مع انو سن المراااهقه سن مش لقبوول النصح

سن للي يمشي على هوا الكندره الي براااسي صح ولا لأ


وبدكم الصراحه انا لفييت ودرت

وعلييكم انتو طلعوا الملخص الصرييح


وارجووا اني اكوون جااوبت وفدت وما تقلت


والي ما فهمني منييح بوضح ان شااء الله


وسلاامي لكم


ثلملموووو يا بنااات http://www.shabab.ps/vb/images/icons/icon10.gifخخخخ

[لولو اليبناوية]

يسلموووووووووووووووووووووووو ..........يا بو هبة نورت والله اتحفتنا بكلامك الجميل

[خيـرَ أُمـة]

انا بحكيلك الواقع.....وبالنسبه للبنات الي موجودات معانا انت مش احرص مني على مشاعرهن
انا يمكن اخطات في التعبير بس هاد الي بصير........وهذا واقعنا
وانا اسف اذا اسأت في التعبير

هذا املنا فيك

[روعة]

سبحان الله

يا جماعة والله هالكلام كله ما بيصير

يعني بالاول وبالاخر بنضل اخوة واخوات ولازم تكون صدورنا اوسع وارحب من هيك

لازم نتقبل بعضنا ونتقبل اراء بعض وما نقلب المزح جد ونخلي بيننا مشاكل

الله يوفقكم يا رب

تقبلوا تحياتي

[ملاك العمر]

ايوه يا نشووو كل الشباب هيك...محترمين
احنا البنات الي غلط يعني؟؟؟
مهي الوحده بتكون ماشيه بحال سبيلها وبيبلشو الشباب تطليعات وسف حكي على يا حلو ويا قمر ويا ابصر شوو!!!
وانتو مثلا بتقولو عالبنت الي لابسه ومتلبسه انو الحق عليها يعني تخرج من بيتها مشرشحه؟؟؟
وحتى لو لابسه حجاب راح يطلعو رح يطعو ما فيها شك...

مشكوره حبيبتي عالمووضوع..

[ملاك العمر]

حتى لو مرت وحده مو حللوه بيطلعو عليها لانها مش حلوه..
واو مرت وحده حلووه ولييييي شو بيصير كلهم انظارهم عاليه كتير ما شاء الله ...

[alaa_sabbah]

هههههههههههههههههههههههههههههه
شو هالموضوع المهم في ظل الحصار الغربي علينا
يلا منيح
شايف انو الشغلة فيها طخ و دفن مؤيد حماس و قوته التنفيذية
مع انو اليوم ابو هنية كان قاعد مع ابو مازن و ضحكتو من الذان للذان
يا شباب ما بصير نختلف و نهدد و نشتم
يا ريت نضل نحترم ردود بعضنا البعض و نبعد عن القذف و الاتهام و التنابذ
بالنسبة للموضوع و بدون زعل من عنوانه ما اهتميتلو و لاني زهقان قلت اشوف و ادخل و اقرأ الموضوع و اشوف الردود
يعني بصراحة الموضوع اتكرر اكتر من مرة بمواضيع تانية بس مختلفة عناوينها
و نفسي اعرف ليش البنات بحبو المواضيع اللي متل هيك

اما بالنسبة لموضوع المغازلة
طبعا بتعرفو الشب و البنت بمرو بفترة المراهقة
و بصيرو الشباب كشلة بتطلعو على البنات المش محتشمات و يقيسوهن من فوق لتحت و الحكي المصحوب طبعا للنظرات
و بصيرو الشباب بتوشوشو على حلاوة البنت على لبسها على مشيتها على عيونها على المكياج و الدهان اللي على وجهها على طريقة المشي المصطنعة على تطليعاتها و حركاتها على انها مهتمي بالشباب و لا لأ على هبلها على تحركاتها و تصرفاتها على كل شيء فيها
طبعا نرجع و نقول الشباب بالفترة هاد بكونو مراهقين
اما بالنسبة للموضوع انا برأيي انو المغازلة و التلطيش بالحكي من اتفه الامور و ابيخها و ازنخها
و البنت اللي كل يوم والتاني بتطلع على السوق عشان تشتري لبسة و بتقعد شيء شهرين و هي رايحة و جاي على نفس المحل و مرة ترجع و مرة تبدل و مرة صغير و مرة كبير و مرة حشر و مرة مش حلو شي ثسع او عشر مرات و هي كل يوم و التاني رايحة و جاي وين على المحل ليش عشان الفستان ماله الفستان حشر ولا بايخ و لا بلدي ولا غجري ولا نوري ولا بدوي مش عارف شو في كمان صفات بيعرفوها البنات
و في الواقع بيكون هم البنت انها تطلع و تستعرض امام العالم و تراقب الشباب اللي غازلوها امبارح رح يرجعو اليوم يغازلو ولا ما اهتمو
اي يا ناس يا عالم صار كل هم العرب السوق و السيارة و اللبس على آخر موضه
نفسي اروح يوم على السوق و اقضي حاجتي و انا مبسوط
الا تيجيك بنت و تبحلق فيك او تخبط كتفها فيك او تشوفلك شلة ولاد لاحقين بنت و بسمعوها بحكي
اي انا يا الله و يا الله انزل على السوق الا اذا بدي شيء تلت اربع شغلات ضرورية بكون بحوش فيهم عشان انزل الهم مرة و حدة
اما قصة انو الشب يسمع بنت كلمة وجه لوجه و الله بشوف انها قلة ادب و سفلنة و لانو ما في وعي من الاهل لينصحو الشب او يراقبوه او يسالو عنو وين بروح و شو بيعمل
و برضو ما شاء الله على بنات اليوم و على الدروس اللي بياخدوها من الديجيتال و من ستار اكاديمي و سوبر استار و نانسي و هيفاء و روبي
و الحل
القرآن موجود بين ايدينا
بنقرأ القرآن
و بنلتزم فيه
و كل واحد حسب عمله
و الجزاء من عند الله
و الاهل محاسبين قبل الابناء على التربية الصالحة و النصائح المقدمة لهم
و خاصة البنات الله يستر عليهم
ما جاب المصايب لهالامة الا البنات
و ما خرب الشباب الا البنات
و ما ضاعت البلاد الا بعد ما صار الرجل ياخد بكلام مرتو
و ما بصير طوشة او مشكلة الا و المرة الها دخل فيها او السبب فيها
و ما بتتحرر البلاد الا بعد ما يتحرر الفكر العربي من اسر النساء
و الله يكون بعون الرجل اللي برد على مرتو
و الله بجازي الرجل اللي مفلت بناتو
و الله يسر للبنت الفالتة شب خالص كازو و هامل و داشر و صايع عشان بعد اكم من شهر جيزة يتركها و يسافر على امريكا و يتجوز عليها امريكية
و الله يعين الامة الاسلامية على هيك ناس صايعين و فالتين و يسلط عليهم مين يعكر عليهم حياتهم متل ما شوهو سمعة المسلمين في بلدهم
و الله يهدي كل بنت و كل شب عربي مسلم
و الله يبعد عنا اصحاب السوء

و السلام عليكم و رحمة الله

[لولو اليبناوية]

يسلموووووووو اكتييييييييير لكل الحلوين الي نورونا.....

[بنت الرملة]

Eagle of Palestine
هاااااااااي اخر تحذير إلك يا محترم اي رساله خاصه بتبعتلي ياها بعد هيك غير احطها بموضوع لحالها وأفضحك قدام الأعضاء ..واي قله ادب بعد هيك غير انشالله تنطرد من المنتدى كلو

[بو هبه]

للأسف اولااد صغاار


وبايعيين ضمييرهم

معلش يا بنت الرمله

مافي حدن حقو ضاايع


سلاامي

[بو هبه]

للأسف اولااد صغاار


وبايعيين ضمييرهم

معلش يا بنت الرمله

مافي حدن حقو ضاايع


سلاامي

[لولو اليبناوية]

ما شالله عليك يا بو هبة الله يحميك......ويسلموووو

[بو هبه]

ويحميكي ويزوجك ..بس مش قبل بنت الرمله http://www.shabab.ps/vb/images/ehdaa_smilies/eh_s(6).gif

[لولو اليبناوية]

ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههه.......... ...مش طبيعي .

[ماري]

حرام عليك حنو
اسمع والله انا محجبة وصغيرة بتعرض لنظرات من بعيد بدتيقوني كتير متير
يعني مش حكي بس نظرات ويمكن بوجعو اكتر من الحكي

[غريب الوطن]

انا معاكي يا اخت لولو بس والله انا في بلد ما بقدر اغازل فيه بنت بس البنات هون بدهن يوكلنا ادعولنا نروح لفلسطين بسلامة منهن
ههههههههههههههههههههههههههههههههههه هههههه

[مؤيد]

خلص سيبونا من هالسيرة

على كل حال الحق مش عليكو الحق على لولو

[Eagle of Palestine]

Eagle of Palestine
هاااااااااي اخر تحذير إلك يا محترم اي رساله خاصه بتبعتلي ياها بعد هيك غير احطها بموضوع لحالها وأفضحك قدام الأعضاء ..واي قله ادب بعد هيك غير انشالله تنطرد من المنتدى كلو

بصراحة ، و الله هددتيني ......... بتصدقي صار قلبي بين رجلي من الخوف و بدني صار يرج ، اي روحي شوفيلك شوفة ، و اذا انت تفهمي اصلا بتنشري الرسالة اللي ارسلتها الك اليوم ( بقى انا شو سويتلك لما رديت على موضوعك بكلمات بسيطة لم اقصد منها سوى اني لا اريد التحدث في الموضوع و انما قصدت منها زيادة عدد مشاركاتي ن و مش ما حضرتك تخيلت انت و الاخ ياللي طلعلي جديد ( بو هية ) و هو مش فاهم شي عن الموضوع بقول :

للأسف اولااد صغاار
وبايعيين ضمييرهم
معلش يا بنت الرمله
مافي حدن حقو ضاايع

يا اخي انت مين طلب رايك ؟ بدي افهم اشي ما الك علم في لشو تظلم غيرك في ، يا ريت ما تزعل مني لأنو قصدي تفهو موقفي بصراحة :icon8: :b:

و كمان مرة بقولك خلص ابعدي عن طريقي و حاجة تبربري كلام ما منو فايدة و يا ريت الادارة الكريمة ما تسمعلك لأنك اكيد حطيتي ضدي و راح تقوليلهم شو صار و شو ما صار ( بصراحة مش خايف منك خايف انك تكذبي علىالادارة و بعدها انا اخسر المنتدى و الاعضاء بسبب طيشك !

[خيـرَ أُمـة]

لا حول ولا قوة الا بالله

وبعدين معاكو ... بالله عليكو موضوع زي هاد يوخد 8 صفحات وفي موضيع مهمة يدوب اثنين يردو عليها ... والله اخرتي اسيبلكو المنتدى لأنو فعلا صارت تصرفاتكو تصرفات اطفال ...

يعني شو صار لو اعتذر حدا فيكو للثاني وانتهت المشكلة ...

عزيزي Eagle of Palestine بينك وبين بنت الرملة سنين يعني زي اختك الكبيرة حط هاد الاشي في بالك وانت كمان بنت الرملة بدك اتطولي بالك عليه هوي زي اخوكي الصغير..

اما بالنسبة للتهديدات فما تخاف مش حتنظلم لأنو محمود ممكن يفوت على الحساب تاعك او تاع بنت الرملة ويشوف الرسايل يعني مش حتنظلم اتطمن...

انا راي يتسكر الموضوع قبل ما يسير الدم للركب وقبل ما اترك المنتدى وانا اسف ...


سلام

[فراشة]

خلالالالالالالالالالالالالاص يا جماعه صلوووعلى النبي عشر مرات ... بتهدووو

[Eagle of Palestine]

و انت شو عرفك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خيـرَ أُمـة]

الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد
الهم صلي على سيدنا محمد

الحمد الله هديت

يسلمو فراشة

[خيـرَ أُمـة]

و انت شو عرفك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا شغلة معروفة ولا ليش في اشي اسمو مدير فكرك...

اسمع اذا عن جد خابص ابعت واعتذر قبل ما تنكشف من المدير و وقتها فضيحة بجلاجل

فاذا الحكي مزبوط ابعت اعتزار لبنت الرملة وخلينا انحلها.

[Eagle of Palestine]

اسمع اذا عن جد خابص ابعت واعتذر قبل ما تنكشف من المدير و وقتها فضيحة بجلاجل

فاذا الحكي مزبوط ابعت اعتزار لبنت الرملة وخلينا انحلها.

اسمع اخي احمدكس :

انا مش حمار و ما بفهم ، انا بعرف شو لازم اسوي و مش بحاجة لحد يذكرني ( و بلا ش نفوت في بعض ) على كل انا اسف اذا اذيتك بشي ، ثم مين قلك اني ما يعتلها رسالة اعتذار و بستنى قبول اعتذاري لهلا ( بس شكلو راح يطول و كاني مقدم لقبول في الجامعة ) !

تقبلو فائق اسفي و ندمي على ما حصل و برجاء خاص حذف الموضوع من شرورشه :b:

و الله ولي التوفيق:icon26:

[خيـرَ أُمـة]

انا مش حمار و ما بفهم
مين الحمار الي حكا عنك حمار...

لى كل انا اسف اذا اذيتك بشي
ما اذيتني وحتى لو اذيتني اخوي الصغير انت.

تقبلو فائق اسفي و ندمي على ما حصل و برجاء خاص حذف الموضوع من شرورشه
كنت عارف ومتأكد انك حتحس بغلطك وتعتذر لأنك انسان كويس ... وانا متأكد انها بنت الرملة حتقبل .. أهل الرملة قلبهم كبير ...

تحياتي

[Eagle of Palestine]

كنت عارف ومتأكد انك حتحس بغلطك وتعتذر لأنك انسان كويس ... وانا متأكد انها بنت الرملة حتقبل .. أهل الرملة قلبهم كبير ...

بقولها للمرة الألف انا اخوان ما غلطت ( يعني اذا رديت عليها غلطها بكون غلطت و الا اتركها تسب علي متل ما بدها و ما احكي كلمة وحدة عشان ما اغلط!!!!!!!!!!!!!!!!!!!!!!!!!!!!!!! !

و بصراحة انا لهلا ما بعرف على شو عم اعتذرلها بس يلا تكون البادرة مني احسن ، و عشان اخلص من هالموضوع بقى ( الله يلعنها من ساعة ساعة ما كتبت ردي على موضوعها شو انها ساعة ملعونة ! و الله لو اني بعرف انها راح تصير كل هالميمعة من وراها ما فتحت الموضوع اصلا اقلك و ما فتحت المنتدى كلو ساعتها منيح هيك!!!!!!!!!!!!!!!!!!!!!!!!!!!!!!!! !

و الله ولي التوفيق

[Eagle of Palestine]

كنت عارف ومتأكد انك حتحس بغلطك وتعتذر لأنك انسان كويس ... وانا متأكد انها بنت الرملة حتقبل .. أهل الرملة قلبهم كبير ...

بقولها للمرة الألف انا اخواني ما غلطت ( يعني اذا رديت عليها غلطها بكون غلطت و الا اتركها تسب علي متل ما بدها و ما احكي كلمة وحدة عشان ما اغلط!!!!!!!!!!!!!!!!!!!!!!!!!!!!!!! !

و بصراحة انا لهلا ما بعرف على شو عم اعتذرلها بس يلا تكون البادرة مني احسن ، و عشان اخلص من هالموضوع بقى ( الله يلعنها من ساعة ساعة ما كتبت ردي على موضوعها شو انها ساعة ملعونة ! و الله لو اني بعرف انها راح تصير كل هالميمعة من وراها ما فتحت الموضوع اصلا اقلك و ما فتحت المنتدى كلو ساعتها منيح هيك!!!!!!!!!!!!!!!!!!!!!!!!!!!!!!!! !

و الله ولي التوفيق

[لولو اليبناوية]

خلص امنييييييييح.......صافي يا لبن

[Eagle of Palestine]

و ان شاء حليب يا قشطة اذا هي قبلت الطلب - ههههههههههههههههه-

و الله ولي التوفيق

[فراشة]

لو لو لو لييييييييييييييييييييييييييييي يييش .... مبروووووووووووووووووووووووووك
والله انكوو طيوبين والبكووو كبير