الأسئلة موجهة للبنات خاصة والاجابة تكون بصراحة

[قسامي غزة]

اشياء.. بل تساؤلات تدور في ذهني ولا اجد لها تفسيرا
او اجابه ...سوى ان زماننا وعاداتنا قد تغيرت..
التساؤل الاول(الاسم)
لماذا البنات بالتحديد يخجلون من ذكر اسمائهم؟؟!!
لهالدرجه اسم البنت أو المرأه ذنب!! و عيب !!!
في عد الرسول (صلى الله عليه وسلم) كانوا يتفاخرون بزوجاتهن واسمائهن
(رضى الله عنهم) وحتى في عصر الشعر والشعراء وفي الباديه..
فجد الرجل يفاخر بامه او اخته فيقول(وانا ابن مزنه...وانا اخو وضحى)
لماذا أصبح اسم البنت الان كارثه كبيره!!!
لدرجه ان الشاب اليوم اذا احد عرف اسم اخته او امه يااااااااااااااااااه
مصيبه طامه كبرى!!!
يمكن تجيه ازمه نفسيه مثل ناصر القصبي بطاش ما طاش(ولد منيره)
وهذا واقع!!!
التساؤل الثاني (العمر)
ليه دايم البنات والحريم يحبون يصغرون نفسهم (الاغلبيه طبعا)
خاصه من تجاوز عمرهن العشرين وخصوصا الغير متزوجات..
وحتى المزوجات..في وحده متزوجه من 15 سنه وكل سنه تحتفل مع زوجها
بعيد ميلادها..وكل ما سالها زوجها كم عمرك حبيبتي...
قالت له توني 27...من 15 سنه وعمرها 27..حشا ما تكبر راشّه مثبت!!!
يعني اكره سؤال تسأله للمرأه كم عمرك!!!!
مع انه شي عادي...هذا عمر ولازم نعيشه بالطول والعرض...

منقـــــــــــــــول

[قسامي غزة]

وينكم يا بنات يلا جاوبوا

[نهال]

اولا بالنسبة للاسم والله ما بعرف ليش اغلبية البنات يخجلوا يقولوا اسماءهم
وانا بالنسبة الي مش خجلانة لا عادي جدا بدليل اني مسجلة باسمي الحقيقي في المنتدى وانا شايفة انها مش مشكلة لو الناس عرفت اسمي
ثانيا بالنسبة للعمر عايزة اقول انه طبيعة البنت انها دايما تحب تصغر نفسها
وشكرا وهيني جاوبت بصراحة

[بنت الرملة]

والله انا بصراحه شغله الأسم مابعرف ليش الشباب بستعروا منها
بس انا عني بصراحه كان مش فارقه عندي احكي اسمي بس لما شفت البنات كيف بخافوا يحكوا وهيك صرت زيهم هههههههههههههه

والعمر فعلا طبيعه البنت ما بتحب تحكي عمرها ابصر ليش :)

يسلمووووووووووووووووو عالموضوع يا قسامي

[فلسطينية مغتربة]

بالنسبة للإاسم:- اذا إجا حدا وسألني عن اسمي وانا مابعرفوا ولا هو بيعرفني من الطبيعي إني مارح أخبروا بإسمي لانو شوبدو يعمل فيه أصلاً, أما بإمكانوا يعرف اسمي اذا في بينا معاملة سواء في الدراسة أو العمل لأنو مش من المعقول زملاء في العمل أو الدراسة وما يعرف اسمي.

بالنسبة للعمر:- هذي هي طبيعتنا احنا يا البنات.

ويعطيك العافية اخ قسامي غزة

[لولو اليبناوية]

يسلمووووووووووو يا قساامي عنجد الله يحي اصلك على هيك عقل الله معطيك اياه وعلى هيك حضارة ودين انت واصللها.........فعلا بهاد الزمن صار اسم البنت ينذكر فهو كارثة
وانا بالنسبة الي والله ما ابتفرق عندي..........والعمر:ان شالله كان عمري 60 بحكيه وبنظري من تصغر بحالها فهي انسانة سطحية وتافهة......مع احترامي للجميع.......ويسلموووووو تاني مرة

[مغرمة فلسطين]

الاسم انا مع لولو البيناوية اذا نحكى بهالزمن بتصير كارثة الله اعلم ليش!!!

اما العمر انا بالنسبة الي عادي لوكان عمري 100 سنة رح احكيه

يسلموووو ع الموضوع

[براءة]

اجيت ازود علي الكلام :showoff:

عادي بأحكي اسميه لانو عاجبني كتير بس برايكم لو احكيه

الكم بأكون في نظركم ايشي تاني طبعا لانو مش معقول احكي لناس انا ما بأعرفهم

او من غير اسباب بس يعني لو لحظة تعارف عادي بأقول اسمي

اما شغلة العمر هادي قصة تانية بس والله كمان عادي يعني احيانا

بيكون باين علي الشخص وليش الكذب من الاصل

عادي جدااا بالنسبة الي وربنا يقدم اللي فيه الخير

مشكوووووور قسامي غزة للموضوع

دمت

[AnGeLa]

في شــي اسمو خصوصيــة !

يا أخي البنت وما بدها تحكي اسمها شو بصير يعني ؟؟

بتنخرب الدنيا !!!

عادي يعني ،، أنا وحدة منهن هدول البنات وما بدي احكي اسمي ..

بنسبة للسن ،، ما بعرف أنا عادي بحكي كام عمري

لأنو هيك هيك رح يبان لشو اخبي ؟؟

[منار إبراهيم]

السلام عليكم اخي الكريم

والله بالنسبه لحكايه الاسم دي فدي حريه شخصيه وفى ناس بتلتزم بالعادات والتقاليد اللى اصلا مش معروف مصردها يعنى فى عادات وتقاليد بنعملها ومصدرها فرعونى مثلا يعنى مش اسلامي حتى

بس حنعمل ايه فى الناس والعقول الغريبه

اما بالنسبه للعمر فانا اظن بالنسبه لكل الجنسيات يعتبر من الوقاحه سؤال المرأه على عمرها ميصحش ليه بقى مش عارفه تصدق !!!!

[احلى رورو]

السلام عليكم اخوي وشكرا على الموضوع الحلو وانا راح اجاوب اول سؤال انو فعلا راح تسير كارثة ازا حكينا اسمنا لشاب وانا صراحة ما بحكي اسمي الحقيقى في النت لانو االاحتياط واجب

اما بالنسبة للعمر فبالعكس ليه نخجل من انو نقول عمرنا بالعكس حلو كتير نعيش كل عمر ومش لازم نخجل انو انقول اديه عمرنا لانو هااي طبيعة الدنيا انو المفروض نكـــــــبر

وشكرا اخوي على طرح الموضوع

[ملكة الإحساس]

مرحبا قسامي غزة ..
بالنسبة لسؤالك الأول ..؟
مو كل البنات من نفس النوع ..
وبالنسبة للخجل ..
أنا ما بعتبرو خجل .. بس مجرد عادات وتقاليد
وطبعا هدا على حسب المكان اللي عايشة فيه
ومن جهه تانية
ممكن يكون من باب الخوف انو حدا يعرف اسمها
ويسببلها مشاكل
او تتورط في شي موضوع ..!!
أو انو يكون خوف من الأهل
وهدا الشي بيرجع لتفكيرهن ونظرتهم للحياة
وعلى فكرة اخي قسامي غزة
أنا عايشة بالسعودية
ووضع البلد من عادات وتقاليد
عيب انو حدا يعرف اسم امك .. اختك
حتى لدرجة كمان بنتك
يعني تخيل لوين وصلو بالتفكير .!!!!!
وبالنسب لمسلسل طاش اللي بتحكي عنو
فهدا مسلسل بيعيش المجتمع السعودي
والدراما لواقعهم
وانا ما بعتقد انو كمان بفلسطين عندهم نفس النظرية
...
وعلى فكرة انتا كمان لازم تسأل الشباب لهدا السؤال مو بس نحنا البنات
لأنو انا ما عندي مانع أو حتى مشاكل انو حدا يعرف اسمي
وكتيير بنات متلي ما بهمهم الموضوع
لأنو كتييير تافه ..
... ... ...
أما بالنسبة لسؤالك التاني
بعتقد انو البنات لما يتعدو العشرين
بحسو بالتهديد من قبل الحياة
خصوصا الغير مزوجات
يمكن لأنهم بخافو انو ما حدا يتأدملهم
فبصغروا حالهن
وبيني وبينك ..
من باب الغرور .. "انو لساتني صغيرة"
ويا ارض اهتزي ماحدا قدي
أما المزوجات
فهون المشكلة عند أكترهن
انو كبرت يعني خلاص انتهت الصلاحية
ولازم تشرف وحدة جديدة محلها
يعني بتخاف انو زوجها يتزوج عليها
او انو يصير يعايرها
انو خلص انتي كبرتي
ولازم يتزوج
... ... ...
وانا معاك انو هدا عمر لازم ينعاش
بالطول وبالعرض
بس على فكرة ...
الحريم اللي من هدا النوع اعرف انو التفكير عندهم عليه السلامة
يعني ... انتهى .
... ... ...
وبالنسبة لألي ولأغلب البنات هلاء
انو هدا الشي عادي وانو مو من الأولويات
طول ما الوحدة منا حلوة ومهتمة بحالها
يعني العمر ما راح يهم
ومن جهتي أكبر دليل على هدا الشي
المغنية اللبنانية صباح
راح تصير 100 سنة
ولساتها حلوة .. وباين عليها صغيرة
وشوف أديه عمرها ..!!
يعني كل القصة
اهتمام مو اكتر
وأسألتك بترجع بالنهاية
للمجتمع اللي انتا بتعيشو
وكمان لطبيعة البنت
وتفكيرها
ولا تنسى تسأل الشباب لأنو الهم دور كبيير في هيك مواضيع ..
والله معك
تمنياتي لألك بالسعادة
... ملكة الإحساس ...

[قسامي غزة]

انا بحييكي علي صراحتك يا نهال واكيد في طبع في البنات انهم بصغروا حالهم هادا كلوا قلة عقل
مشكورة علي مرورك

[قمر الخليل]

اول شي بحب احكي

مسا الخير انا هون وان شالله رح اضل معاكم وما رح انقطع عنكم بعد هيك لانو انا هلأ بدبي

بحب اشكرك كتير قسامي غزة الي كتير اشتقت لنقاشاتك ومواضيعك وكلامك

وطبعا ما بنسى ( احلى ... عالساحة)

المهم

بالنسبة للاسم والله انا بالنسبالي ما بخجل وبحكي اسمي واسم ابوي وعيلتي بس الشباب الي ما بحبو وبعملو مصيبة لو انعرف اسم خواتهم او امهم

بعدين لانو ممكن الشب يقول اه والله هاي البنت بنت فلان حكيت معاها وعملنا علاقة

عشان هيك

وبالنسبة للعمر متل ما الشب بحب يكبر بحالو البنت بتحب تزغر بحالها عشان اتضل تتدلع على جوزها واهلها
هههههههههههههههههههههههههه

هادا تحليلي ما بعرف لو صح او غلط

شو رأيك.. ؟؟ ابو ياسر؟؟
ههههههههههههههههههههههههههههههههههه ه

( حسابك بعدين)

يلا بشوفك بمواضيع تانية
يسلمو كتير

[قسامي غزة]

بس يا بنت الرملة الواحد ما لازم يصير زي الناس انا بعرف كل واحد عنده راي خاص بيه وهوا بيقرر بعد هيك وقصة العمر ما بحبوا يحكوا عن عمرهم الحقيقي
يلا الله يهديكم يا بنات

[قسامي غزة]

انا الي حسابي بعدين يا قمر ماشي يا قمر بنشوف مين حسابه بعدين
انا مش عارف مين الي يحاسب مين

[قسامي غزة]

كلامك صحيح يا ملكة الاحساس ومشكورة علي مرورك الطيب

[قسامي غزة]

مشكورة اختي رورو علي ردك الجميل والمقنع

[قسامي غزة]

كمان انا معكم يا لولو ويا مغرمة علي كلامكم ومشكوره يا لولو اليبناوية علي ردك الجميل ولا ننسي اختي مغرمة ايضا
كلامك 100% يا براءة ومشكورة علي ردك الجميل
واكيد كلامك صحيح يا منار توجد عادات وتقاليد تقيدنا ولكن السؤال هنا هل هي صحيحة ام خاطئة
واكيد يا انجيلا الخصوصية موجودة عند الكل مو عند البنات بس كمان الشباب عندهم خصوصية كمان
ومشكورين يا جماعة علي ردودكم الجميلة

[نرمين]

انا بدي ارد ولكن مش هلأ

الي عودة ان شاء الله

انا هلأمستعجلة وبرد عليكم بعدين ان شاء الله

الي عودة سلالالالالام

[محبة الأقصى]

انا بالنسبة الي ما بخجل من اسمي

بالعكس بحب اسمي كتير...وازا حدا سـألني عن اسمي بحكيلو اياه...شو رح يصير يعني
كلو شقفة اسم ههههههههه....اما اسم العيلة يمكن يكون في شوية تحفظ وخاصةعالنت

اما بالنسبة للعمر في ناس بتزغر حالها حتى ما تبين كبيره
وانا ما بحب هالشغلة يعني عمري 17 يحكي 17 عادي لشو احكي 15 اصلا عمر الوحدة ببين على ملامح وجها الا الفنانات

[قسامي غزة]

اهلا وسهلا فيكي اخت نرمين وقت ما تردي

[قسامي غزة]

طيب كويس انك ما بتخجلي من اسمك يا عاشقة بعدين معك حق في قصة اسم العيلة
بس نقطة تانية يعني انتي ما بتزغري عمرك بس علي الله ما يكون عمرك 25 وبتحكي النا 17