"لماذا نحن متواجدون في المنتديات؟؟؟؟"

[دلوع الشام]

"لماذا نحن متواجدون في المنتديات؟؟؟؟"

--------------------------------------------------------------------------------






أخواني و أخواتي منتدى شباب فلسطين
السلام عليكم و رحمةالله و بركاته

سؤال جال في خاطر و أحب من الجميع الاجابة عليه بكل مصداقية و صراحة.

نحن الان نعيش في عصر التكنولوجية الحديثة و نستخدم تقنياتها لخدمة حياتنا و افكارنا و تطلعتنا و رغباتنا . و مع اندلاع الثورة التكنولوجية و دخولها في كافة مجالات حياة الانسان أصبح من السهل علينا الحصول على المعلومات و تبادلها بين الناس في مختلف العالم. و أصبح العالم قرية صغيرة يسهل معرفتها. و قد كانت أحد وسائل انتشار المعرفة و الثقافة و تبادل المعلومات هو ظهور المنتديات بمختلف أشكالها و باختلاف تناولها للثقافة.

الأن السؤال المطروح:
"لماذا نحن متواجدون في المنتديات؟؟؟؟"

الاغراض و الاهداف من تواجدنا؟؟

ماذا قدمنا للمنتدى؟؟

ماذا قدم لنا المنتدى؟؟؟

هل لنا رسالة هادفة أم مجرد عبث و مضيعة للوقت؟؟؟

هل شخصيتنا بالمنتدى تختلف على ما هي عليه بالواقع؟؟؟

هل اكتساب المعرفة عن طريق المنتديات أجدر أم اكتسابها عن طريق الكتب؟؟؟

و آخيرا:
ما هي المظاهر السلبية و الايجابية للمنتديات؟؟؟

بكل دعوة صادقة أدعوكم إخواني لمناقشة هذا الموضوع بكل صدق و صراحة مطلقة.

مع خالص شكري و امتناني للجميع
دلوع الشام

[حكيم فلسطين]

بالتأكيد طبعا
لقد استفدنا الكثير الكثير من هذا المنتدى
من خلال كل شيئ ومن كل اقسامه
من معلومات او ما شابه
ولقد تعرفنا على اصدقاء كثر
وغير غير ذلك
فنحن هنا نعتبر انفسنا كالعائلة
الكل يمزح ويضحك مع غيره ويحبون بعضه البعض في الله

[9ada al 2lam]

طبعا منستفيد كتير

[فارس فلسطين]

"
الأن السؤال المطروح:
"لماذا نحن متواجدون في المنتديات؟؟؟؟"
نحن متواجدون في المنتدى لأن المنتدى فلسطين ويحمل رسالة سامية وهي جمع كل الفلسطينية تحت موقع واحد ولم شمل الجميع
الاغراض و الاهداف من تواجدنا؟؟
الأغراض والأهداف هي تقديم صورة جميلة لفلسطين عن طريق منتدياتنا

ماذا قدمنا للمنتدى؟؟
قدمنا للمنتدى الكتير قدمنا للمنتدى وقتنا وجهدنا وسنقدم حياتنا ان لزم الأمر

ماذا قدم لنا المنتدى؟؟؟
قدم لنا المنتدى الشباب الحلوة والصحبة الجميلة والمعلومة المفيدة والضحكة الحلوة

هل لنا رسالة هادفة أم مجرد عبث و مضيعة للوقت؟؟؟
نعم لنا رسالة نعمل على تحقيقها وسنحققها بإذن الله وهي لم شمل جميع الشباب الفلسطيني تحت موقع فلسطيني يقدم لفلسطين وللاسلام وليش للاغاني والاشياء التافهة ودخولنا المنتدى ليش مضيعة للوقت

هل شخصيتنا بالمنتدى تختلف على ما هي عليه بالواقع؟؟؟

هي تختلف ولكن ليش بالاختلاف الكلي ولكن اختلاف بسيط
هل اكتساب المعرفة عن طريق المنتديات أجدر أم اكتسابها عن طريق الكتب؟؟؟
لا طبعا الكتب هي خير وسيلة للمعرفة لكن المنتديات هي ايضا وسيلة فعالة للمعرفة ولكن ليست مثل الكتب
و آخيرا:
ما هي المظاهر السلبية و الايجابية للمنتديات؟؟؟
المظاهر الايجابية كتيرة ولا مجال لحصرها ولكن سأكتفي بذكر بعض السلبيات
المشاكل بين التنظيمات مثل حماس وفتح هي اكبر مشكلة نواجهها في المنتدى وان شاء الله تحل
بعض الشباب يحاولون اصطياد البنات عن طريق الرسايل الخاصة
اي شخص تواجهه مشكلة يضع موضوع سأترك المنتدى بلا رجعة وهي ظاهرة سيئة
وكفى
دلوع الشام
وشكرا أخي دلوع الشام على مشاركتك

[الورده الحمراء]

بالفعل نستفيد جدا من المنتديات ,,,وبرائي المنتديات تعطينا مساحه اوسع من الكتب للمناقشه وأخذ الاراء..لا اعتقد انه يوجد مساوىء للمنتديات لانها تقدم الثقافه الراقيه بكل الاراء..وتستطيع الاستماع لمناقضيك بالرأى بكل احترام,,والهدف منه ليس مضيعه للوقت بل العكس كسب الوقت للاستفاده والافاده..وكسر الملل ووقت الفراغ بامور تنشط بها عقلك وتتابع اخبار القريه الصغيره من حولنا,,دمت دلوع الشام,,يسلمووو عالموضوع الحلو..تحياتــــــــــــــــــــي,, ,

[دلوع الشام]

مرسي كتير كتير الكم على مروركم كتير حلة
وردودكم كلها عجبتني
بس فارس طالع مترجم اداري للمنتدى ماشاء الله ترجم كل شي

[~ | Mazaj]

"لماذا نحن متواجدون في المنتديات؟؟؟؟"

لكسب صداقات وعلاقات ودية مع بنات بلدي او بلد تاني .. بيساعدني بالحوار الجاد والتعبير عن الرأي وتفريغ الكبي يلي في بلدي .. تمضية وقتي

الاغراض و الاهداف من تواجدنا؟؟

نفس السؤال السابق وللكن بصيغة اخرى ..!

ماذا قدمنا للمنتدى؟؟

الحمد لله قدمت يلي بقدر اعملو

ماذا قدم لنا المنتدى؟؟؟

يعني بستعين فيه بابحاثي المدرسية .. كسبت صداقات عديدة من خلالو

هل لنا رسالة هادفة أم مجرد عبث و مضيعة للوقت؟؟؟

كانت البداية مجرد عبث .. ولكن مع مرور الوقت صرت اختار مواضيع للافادة .. وممكن من خلالو نهدي بعض البنات .. والحمد لله ع كل شي ..

هل شخصيتنا بالمنتدى تختلف على ما هي عليه بالواقع؟؟؟

يعني .. مش كتير

هل اكتساب المعرفة عن طريق المنتديات أجدر أم اكتسابها عن طريق الكتب؟؟؟

المنتديات تعتبر كتاب مفتوح .. ما بيختلف عن الكتاب غير بطريقة التصفح :icon9:

و آخيرا:

ما هي المظاهر السلبية و الايجابية للمنتديات؟؟؟

احتفظ لنفسي الاجابة

يسلمــــــو لطرحك اخي دلوع

[دلوع الشام]

عنجد حلو ردك كلكم حلو ردودكم
مرسي الكم واحد واحد كتير كتير كتير على مروركم كتير كتير حلو

[Twin]

تسليه مو اكتر ... والله وزياده معلومات ... وبعدين يا دلوووع الشام .. من وين هالصوره الحلوه الي موقعها هاي ...( حلوه)

[دلوع الشام]

ههههههههههههههههههههههههههههههههههه ههههههههههههههههههههههههه مرسي الك من النت طبعا هاي صورتي هع مو عجبيتك
مرسي الك كتير كتير على مرورك كتير حلو

[Abu Shadi]

"لماذا نحن متواجدون في المنتديات؟؟؟؟"
ولا شي بنلعب بس

الاغراض و الاهداف من تواجدنا؟؟

انا هدفي ادمركم ههههههههههههههه

ماذا قدمنا للمنتدى؟؟

ولا شي قدمت بديش اقدم

ماذا قدم لنا المنتدى؟؟؟

ولا شي ما قدملي شي
هل لنا رسالة هادفة أم مجرد عبث و مضيعة للوقت؟؟؟

مضيعه لوقت
هل شخصيتنا بالمنتدى تختلف على ما هي عليه بالواقع؟؟؟
اكيد كل شي بختلف

هل اكتساب المعرفة عن طريق المنتديات أجدر أم اكتسابها عن طريق الكتب؟؟؟

كل تمام عندي بس عندي الشات افضل
و آخيرا:

ما هي المظاهر السلبية و الايجابية للمنتديات؟؟؟

كلو سلبي

[Banbon]

"لماذا نحن متواجدون في المنتديات؟؟؟؟"
ولا شي بنلعب بس

الاغراض و الاهداف من تواجدنا؟؟

انا هدفي ادمركم ههههههههههههههه

ماذا قدمنا للمنتدى؟؟

ولا شي قدمت بديش اقدم

ماذا قدم لنا المنتدى؟؟؟

ولا شي ما قدملي شي
هل لنا رسالة هادفة أم مجرد عبث و مضيعة للوقت؟؟؟

مضيعه لوقت
هل شخصيتنا بالمنتدى تختلف على ما هي عليه بالواقع؟؟؟
اكيد كل شي بختلف

هل اكتساب المعرفة عن طريق المنتديات أجدر أم اكتسابها عن طريق الكتب؟؟؟

كل تمام عندي بس عندي الشات افضل
و آخيرا:

ما هي المظاهر السلبية و الايجابية للمنتديات؟؟؟

كلو سلبي

ههههههه....أفف....هيك على طول !!
روق ....الحياه حلوه والله...ليه بتضل متشائم و كرهان كل الدنيا ؟؟!!!
....روووق...و ابتسم ....هيك يعني :36_1_1[1] ...

و أحلى سلام إلك و للكل
:s (43): :s (43): :s (43): :s (43):








"لماذا نحن متواجدون في المنتديات؟؟؟؟"
انا بتسلى و بستفيد من المعلومات بنفس الوقت ...و أحياناً بنكون صداقات جديده ...

ماذا قدمنا للمنتدى؟؟

مواضيع و ردود و وجهات نظر...و ممكن انه نوصل رساله معينه عن طريق المنتدى..
مثلاً(( عن الدين....عن اعتقادات خاطئه في المجتمع...عن السياسه ...إلخ...))


ماذا قدم لنا المنتدى؟؟؟
معلومات و ثقافه....و صرت اجتماعيه أكتر من اول...كنت خجوله زياده عن اللزوم:b:
و في مفاهيم و تعابير فهمتها...او بالأحرى اول مره بسمع فيها هون بالمنتدى...
مفاهيم ((علميه و عاميه )) *_^ هههههه

هل لنا رسالة هادفة أم مجرد عبث و مضيعة للوقت؟؟؟
ما في رساله معينه....بس برضه مو عبث ....
انا سجلت المنتدى لانه بالمنتدى بتسلى و بستفيد...بس أكتر اكيد بستفيد:showoff:
و كتير شغلات عرفتها و اتعلمتها من المنتدى ...
.و أهم شي حاببته..اني بقدر أعبر عن رأيي و أوصل كل شي ببالي


هل شخصيتنا بالمنتدى تختلف على ما هي عليه بالواقع؟؟؟
لا مو كتير بتختلف.....


هل اكتساب المعرفة عن طريق المنتديات أجدر أم اكتسابها عن طريق الكتب؟؟؟
المنتديات
عندي أحسن من الكتب.....لاني بقدر ألاقي فيها أي شي و أي معلومات بدي اياها..و بتكون بطريقه مختصره...يعني باخد الزبده على طول....و ما بدي وقت كتير....ثانيه و بلاقي طلبي...
اما الكتب....
طويله...و كتيرة غلبه....و أحياناً الواحد بضل يدور بالكتاب على شي معين ساعه...بس ما بلاقي طلبه
....بس اكيييييييييد ما بنستغني عنها..
.ولــو!!... أصلاً أساس المعلومات اللي عالنت من الكتب...


ما هي المظاهر السلبية و الايجابية للمنتديات؟؟؟
ما بعرف ....بس أعتقد انه الايجابيات اكتر من السلبيات بكتير ...




و شكراً :icon31:

[عاشق الحرية]

"لماذا نحن متواجدون في المنتديات؟؟؟؟"

الصراحة تواجدي الأساسي والأكبر بمنتدى الشعر والخواطر بهدف صقل موهبتي , مين عارف يمكن يكون المنتدى أول درجة على طريق الشهرة ^.^

ماذا قدمنا للمنتدى؟؟

مواضيع هادفة وتثقيف


ماذا قدم لنا المنتدى؟؟؟
معلومات ,أصدقاء جدد مش ممكن يلتقي فيهن ببلدو ... بالأضافة لتنمية هوايتي بكتابة الشعر . نوع من صق الموهبه والخروج للناس وسماع أراءهم

هل لنا رسالة هادفة أم مجرد عبث و مضيعة للوقت؟؟؟
حسب تقدير الشخص نفسو


هل شخصيتنا بالمنتدى تختلف على ما هي عليه بالواقع؟؟؟
من مجرد اختيار لقب ومش الاسم الحقيقي من هون اكيد رح يبدا الاختلاف عن الواقع ولا لأ؟



هل اكتساب المعرفة عن طريق المنتديات أجدر أم اكتسابها عن طريق الكتب؟؟؟
المنتديات أسهل وأكتر جاذبية


ما هي المظاهر السلبية و الايجابية للمنتديات؟؟؟
اعتقد السلبية الأساسيه هي انو الواحد ممكن ياخدو الوقت - هالمشكلة بكل الانترنت مش بس المنتدى -

[دلوع الشام]

مرسي الكم كتير كتير على مروركم كتر حلوووووووووو