رجـــــاء حــار لكــل شــاب قبــل المشــاركة ::

[~ | Mazaj]

السـلام عليكم ورحمة الله وبركاته ..

هاد موضوع خاص للشباب ..ممكن يشارك فيه الشب .. لكن قبل يتعهد ع نفســو انو بعد هالمشاركة في بالموضوع ما برد بمنتدى حواء ابــدا ..

في الفترة الأخيرة كترت مشاركة الإخوة الشباب هون في منتدى حواء ..

وهاد بيدايق البنات اولا .. تانيــا انتو يلي بتخسرو ..

ممكن البنت تنزل فساتين .. انتو لما تدخلو رح تشفوهن وبهيك رح البنت تحمل وزركم .. فليش هيك ..؟؟!!

غير هاد الحكي .. هاد منتدى خاص بعالم حواء .. للبنات يعني .. ما بيصح انكم تشاركو فيه .. او حتى تشفو :icon9:

من هادي اللحظة بأكد :: انو رح يتم حذف اي موضوع او اي مشاركة بموضوع من قبل اي شاب ..

ان شاء الله الرسالة تكون وصلت .. ويارب تكون متفهمين الموقف :b:

اختــك :: فجــر

[عاشق الحور]

السلام عليكم وحمة الله وبركاته

أول شي انا ما شارت في منتدى حواء الا في موضوع واحد

اللي هو بيخص الاواني ،،

يعني كلو صحون بصحون

وانا عارف انو المفروض ما ادخل

وانا باقول متاسف لكل الاخوات

وان شاء الله ما تنعاد

خلاص تووووبة يا حجة

[فلســـ جريح ـــطين]

انا مريح صح
ما الي لا موضوع ولا مشاركة فيه
احسن
صح
وثانك فجر
يلا وين باقي الشباب
ههه

[بو هبه]

فجر يا ستي انا حطيت موضعين او تلااته بس بخصو الديكوور



يعني انا مشاركااتي كانت بالديكوور



يعني لمن بدي انزل مواضيع الديكور والمزل ويين احطها ؟؟



سلاامي لكي

[~ | Mazaj]

بارك الله فيــكم ..

وشكرا للاستجابة ..

اخي بو هبــة .. ممكن تنزل لمنتدى الصــور ..

يلا وين البقيــة ..؟؟!!

[لمسة وردة]

تسلمي خيتو على القرار الرائع

[ABU-NOUR]

بارك الله فيك اختي فجر

بس شو الفرق يعني لمن يشارك ولا ما يشارك ما بتفرق ما بيدخل عيل الموضوع وبيشوف الي بده اياه وما بيشارك


يعني ما بتفرق

[لمسة وردة]

انا بحكي نعم موافقة
100/100

[~ | Mazaj]

اختي احلى رورو .. بدو يشوف وياخد ذنوب براحتو .. بس ما يطلع بلى علينا ماشي ..

الله يخليكي اختي لمسة ..

[القلعة الأخيرة]

عبال مين ياللي بترقص بالعتمة

على العموم اخت فجر الحياة ، العضوة اللي بتحترم حالها ما بتنزل موضوع فيه اي اشي مخالف لقوانين المنتدى ،،،

بعدين صراحة انا هي اول مرة ادخل فيها القسم هاد لأنه ابدا مش من اهتماماتي ،،،

وما تقلقي مش حدخلو تاني ،،،

بس برضو نصيحة مني لكل بنت ، قبل ما تحط اي موضوع ، تتذكر انه هاد منتدى عام بيشوفه كل العالم ، يعني بلاش الحكي الفاضي ، والكلام اللي ما اله طعمة

يعني مش تقول هاد منتدى حواء ، وتاخد راحتها فيه علااخر وتنزل شو ما بدها ، كأنها قاعدة بتحكي مع صحبتها وبيحكو باللي بدهم اياه

واقتراح مني انكم تخلو القسم هاد بكلمة سر احسنلك علشان ترتاحو من الشباب

يا ريت تكون الفكرة وصلت

واسف مرة تانية على دخولي وتطفلي لهذا القسم

http://rooosana.ps/upload/783152a06a.gif

للجميع

[~ | Mazaj]

شكرا اخي القلعة الاخيرة ع التعليق ..

مرة تم اقتراح هاد الأمر .. بس ما قبلو ..!!

ع العموم احنا حذرنا ..

يعطيك العافية اخي

[لولو اليبناوية]

والله انا رايي من راي القلعة الاخيرة كلامي 100% ع7لى شغلة انو مافي شغلات ازيادة ابتنحط بالمنتدى تيمتنع منها الشباب انهم يشوفوها الا انها بتكون اصلا ممنوعة بالمنتدى لو هيك.... والله في مشاركات شباب ابتعجبني بالمنتدى......... وفي ما بفوتوه اصلا.........انا هاي وجهة نظري

[9ada al 2lam]

احكو لمحمود يفتحلكم عالم ادم
طيب
القسم للصبايا عالم حوا مش حوا وادم

[.:.!دموع الرحيل!.:.]

أول شي انا متفاجئه بالشباب كتير
وما كنت أتوقع هيك ردود بالمرة
الله يهديكم بس (اكيد مش الكل)

وشغله تانيه
بقول يا فجر فكرة الباسوورد أحسن
عشان المنتدى بيشوفو ضيوف
يعني ما منضمن اذا ما شافو ا الأعضاء
انو يشوفو الضيوف
وبالنسبه للي قالوا انو بيصير مواضيع كلام فاضي
عمرو ما صار هيك شي في قسمنا!!!
مواضيعنا كلها موضوعيه ومفيده !!
ولو ما فجر شافت تعليقات مش بمحلها من بعض الشباب
ما كانت نزلت هالموضوع
ونحنا معها 100%
لو انطبق فكرة الباسوورد يا فجر برأيي بيكون أحسن
ومين الي مش موافق
المصلحة العامه قبل بعض الأراء
هادا رأيي يا قمر ...
يعطيكي العافيه
والف تحيه للشباب الي تقبلوا الموضوع بكل روح طيبة
وكانوا أدد المسؤوليه

[محمود]

السلام عليكم ورحمة الله وبركاته ،،

في البدايـــة ،، يسـمى القسم عالم حواء ..

وياريـــت من كل الشباب ما يفــوتو هاد القسمـــ لأنه ما في مواضيع بتعينهم ..

والي شايف غير هيك يفوت مشاهدة بدون مشاركة ..

ولا داعــي للاحراج ،،

واختي مشرفة المنتدى والمديرة العامة فجر الحياة ،،

اي تعليق من اي شاب احذفي رده واكتبي شكوى فيه بمنتدى المشرفين ليتم النظر بامره ..

وسيتم منع المشاهدة والمشاركة بمنتدى عالم حواء كأقل عقوبة بحق العضو المخالف بعد تحذيره ..


والسلام عليكم ورحمة الله وبركاته ..


تم حذف الردود الغير لازمة في الموضوع ...

[-|| تقى ||-]

فجر تسلم ايديكي الي كتبت الموضوع ,,

لانو بجد في ردود ما كانت تعجبني بالمره ,,

وفكره الباسوورد ما الها لازمه لانو الي بدو يدخل عالم حواء بيدخل باي اسم,,

او كضيف عشان هيك الاشي وازع من داخل الشخص ,,

يسلموو كتير لذكر الموضوع

[9ada al 2lam]

صح الكلام
ويسلمووووووووووووووووو

[~ | Mazaj]

بارك الله فيكم ..

شكرن للي تفهمو الموضوع .. واستجابو ..

ربنا يهدينا الى طريق الصواب ..

بالتوفيق

[** نُسُــــكْ **]

وعليكم السلام ورحمة الله وبركاته

مديرتنا الحبيبة " فجر الحياة "
جزاكِ الله خيراً على هذا الموضوع الهام جداااااا وانا معك اختي الغالية .

لكن يوجد عندي عدة اقتراحات لهذا القسم اتمنى أن يأخذ بها الأخ مدير الموقع بعين الاعتبار:
هناك اقتراح من اثنين لهذا القسم :
الأول :
1. أن يكتب تحت القسم في الصفحة الرئيسة ( خاص بالبنات ممنوع الدخول للشباب )، بذلك يكون قد اخلى من نفسه اي مسؤولية إذا دخل أي شاب هنا ..
2. أن توضع ضمن الشروط العامة للمنتدى التي نوافق عليها قبل التسجيل أن قسم حواء هو قسم خاص بالبنات ورجاء حار لكل شاب عدم دخوله حتى نترك الخصوصية لبنات فلسطين والتنبيه بوجود بعض الصور الذي يمكن لشاب ان يراها أن يتحمل الوزر هو ولسنا نحن ( لا ادري ربما خانني التعبير لكن ارى ان هذا الشرط ضرورياً وبذلك تخلوا انفسكم من المسؤولية أمام الله عز وجل )
3. أن يكون هذا القسم غير متاح للزوار رؤيته وايضاً مواضيعه لاتوضع ضمن شريط العناوين بالاعلى ضمن الصفحة الرئيسية أو من أسفل الصفحة الرئيسية ، وذلك لأن من الممكن أي شاب يفتح الموضوع دون أن يعلم انه خاص بحواء فيرى بعض الصور الخاصة مثلاً بالمكياج أو الازياء .

إذا لم يعجبكم الأول ارى أن تأخذوا بالثاني وهو :
أن يمنع وضع أي صورة لفتاة متبرجة أو من دون الحجاب إذا اراد أن يبقى هذا المنتدى مفتوحاً للجميع ، أي أن الجميع زوار واعضاء متاح لهم رؤية مواضيعه .

هذا ما لدي حبيبتي فجر الحياة فإن اخطئت فمن نفسي وإن اصبت فمن الله ..ولكن يشهد الله العلي العظيم أنني ما اردتُ من قولي هذا إلا كل خير لكم وحباً لكم في الله .

واعتذر على الإطالة ، وجزاكم الله خيراً على هذا الموقع الرائع لشباب وفتيات بنات فلسطين .

اختك في الله : نسك .

[~ | Mazaj]

هلا والله باختي نسك ..

منورة بمرورك وتعليقاتك الحلوة وع العين والراس ..

ولو تعرفي كم من مرة اقترحنا اقتراحاتك ما رح تصدقي ..

طبعا الامر مرفوض من قبل لحتى ما يصير تحزبات بين الصبايا والشباب .. (( بتعرفي مراهقين وشو بدنا نعمل ))

ع العموم .. رح ارجع زن لحتى هالامر يتنفد ..

في اقتراح جديد انتي كتبتي انو يتم التنزيل بشروط المنتدى قبل التسجيل .. ان شاء الله رح اعمل ع تنفيدو ..

وبارك الله فيك ..

[مغرمة فلسطين]

ان شاء الله انا كمان رح انزل قريبا قريبا
شروط المشاركة في عالمحواء
و الله يعطيكو العافية
سلملم

[Eagle of Palestine]

خيتو فجر قبل ان تحذفي هذا الرد برجاء صريح ان تقرأيه :

اولا : اذا من شان دخول قسم عالم حواء فنحن و انا اؤكد لا ندخله بداعي القصد أو حب الاستطلاع ابدا و لكن ما يحدث هو ان مواضيع الصبايا تنشر في الصفحة الرئيسية تحت عنوان آخر مشاركات و هذا ما يحدث ما الجميع على حد سواء و لكن دون ذكر القسم الذي وضع فيه هالموضوع و متل ما بتعرفي انو الصبايا بيحطوا عنوانين لافتة و جذابة و هذا ما يستلفت انتباه البعض وانا منهم بصراحة و لكن المفاجأة تكون بعد ان يقع الفاس بالراس و بعد مشاهدة الموضوع ، فما تحطوا الحق علينا ، ان شاء تكون الفكرة وصلت :s (43):

ثانيا : - بعض المواضيع و الصور التي يضعها الأعضاء ( بخاصة الصبايا ) تكون عن الأزياء و التي نرى منها العيب هذا لا يجوز شرعا و لا يجوز حتى للفتاة ان تفعل ما تفعل لأنها اولا و اخيرا ( ان كانت مسلمة و اذا لم تكن فهي معذورة ) لن تلبس مثلها او تحصل عليها فيتبقى ان لا داعي لوجودها اصلا :b:

ثالثا : لحل هذه المشكلة من جذورها بقترح يكون عنا في الصفحة الرئيسية قسمين لآخر مشاركة واحد ياللي موجود حاليا و واحد اخر لمتل هيك شغلات و هيك ببطل في اختلاط ههه !

رابعا : اعذروني ان كنت قد اذيت او ضايقت احدا :b: :b: :b: :b: :b: :b:

رمضان كريم
و الله ولي التوفيق :icon8:

[قمر الخليل]

احلى مديرة والله يا هيك الاقتراحات يا بلا والله بدهم هيك

يسلمو حيبتي ياريت لو تتنفز فكرة الباسوورد خلينا نوخد راحتنا اكتر

يسلمو

[أسيرة فلسطين]

إذا لم يعجبكم الأول ارى أن تأخذوا بالثاني وهو :
أن يمنع وضع أي صورة لفتاة متبرجة أو من دون الحجاب إذا اراد أن يبقى هذا المنتدى مفتوحاً للجميع ، أي أن الجميع زوار واعضاء متاح لهم رؤية مواضيعه .

وأنا رأيي من هالاقتراح

وشكرا على الموضوع ،،

[مغرمة فلسطين]

إذا لم يعجبكم الأول ارى أن تأخذوا بالثاني وهو :
أن يمنع وضع أي صورة لفتاة متبرجة أو من دون الحجاب إذا اراد أن يبقى هذا المنتدى مفتوحاً للجميع ، أي أن الجميع زوار واعضاء متاح لهم رؤية مواضيعه .

وأنا رأيي من هالاقتراح

وشكرا على الموضوع ،،

طيب الحين القسم اسمو عالم حواء و يعني كيف ما نحط بنت متبرجة و حاطة ميك آب طيب افرضي بدنا نحط مواضيع للمكياج كيف يعني يا ريت تفهمو وجهة نظري بس القسم لحواء و الازياء يعني القسم للصبايا مش حاطينهم للشباب يعني يفترض من غيرما نحكي ما يدخلو يتفرجوا لأنو هما عارفين ازياء الصبايا في الحفلات كيف و الغلط منهم
و احترامي لكل الآراء
سلملم

[- أبوالوليد]

شو انتو عاملين هالموضوع ضد الشباب :icon28:

أصلا لما شاب بشوف اسم الموضوع ( رجـــــاء حــار لكــل شــاب قبــل المشــاركة)

بدخل عالم حوا .......... بفكر في حاجة تخص الشباب
بس ندخل وننطرد :icon28: ........... مش حلوة :icon11:

أصلا فش فيه حاجة مفيدة إلنا الشباب ليش ندخلو :wacko: ............. :icon8:
واقتراح عدم وضع المتبرجات كتير حلو :showoff: ....... مع انو القسم خاص بالنساء بس لا تنسو الزوار الفضوليين :icon15:

وتقبلو تحياتي
ومش داخلو بعد هالبهدلة إلنا

[قسامي غزة]

تعرفي اختي انا قديش الي في المنتدي بس اول مر اقرا هاد الموضوع وما كنت اعرف
اختي انا متاسف
ان شاء الله ما راح ادخله تاني
مشكورة اختي للتنبيه

[7amood]

يسلمووووووووووو على الموضوع

[عبوووش]

مرحبا_انا عند راي مغاير
انا دخلت منتديات خير الله اخواني_ انا بحكي عن حالي_انو لما بدي شارك بمنتدى حواء ما هدفي بكون في وضع الموضوع غير انو زيد رصيد مواضيعي,وفيدكم_هلا ازا بدكم تعملو هيك بتكونو حطمتو الرقم القياسي بين كل المنتديات لانو ما حد عاملها باسورد وممنوع دخولنا ما في منتدى من الدخلتهم شفتو مطبقها-بعدين بامكانكم تعاقبوا اي واحد ما بلتزم بحدود الادب ولالاخلاق وانا مني وعلي لشو بدي ادخل ع منتدى الصبايا واقعد الف وادور فيه ما بلزمني-بس ارجو انكم ما تحرمونا من وضع المواضيع في هادا المنتدى-انا عندي صور للموضة للصبايا كتييير-شو يعني باسورد ومن هالحكي الفاضي يصير المنتدى فوق تسجيل الدخول مقسم باسوردات-شو هالتعقيد اللي ما الو لازمة والمصيبة انو فايديتو محدودة والاخ المدير العام محمود_انا اعتقد انك تفكر باحسن من هادا الراي, بانو يتم حذف ردودنا وكمان نحط مشاركة وما نرجعلها مش منطق ازا بدك ما بنحط المواضيع من اصلوا اما نحط الموضوع وبلا ردود منا ما بزبط الحكي.... وانا اسف وسامحوني بس هادا رايي.