أخواني الفلسطنيين في الداخل ، أريد الصراحه ، واخواني المغتربين أريد نظرتكم في الموضوع

[.:.!دموع الرحيل!.:.]

أحبابي ،،
لقد دار حديث بيني وبين صديقتي (فلسطنيه
مغتربه ) حيث كنا نتبادل حديث الشوق للوطن وعذاب الفراق عنه ،، والأمل في العودة إليه ...
فبادرتني بسؤالها قائله:
وهل تظنين بأن أهل فلسطين سيستقبلوننا ان عدنا يوما ..
فدهشت لسؤالها حيث انه لم يخطر على بالي يوما ،، وكأنها نبهتني على شيئ
لم يكن لأفكر به او حتى ان أشك به
ولم انت في شك من ذلك وما رأيك انت ؟
فجاوبتني قائله :
أنا أظن أنهم لن يفعلوا ،، وأنا لا ألومهم ...

دهشت ،، وسئلتها ،، لم ؟
قالت: لإنهم سوف يرون أنهم احق بكل تلك الأراضي التي قضوا الأعوام والأعوام يضحوا من أجلها ويقدمون الشهداء ويدفعون من حياتهم وتجارتهم وعمارة البلد
وأننا لو عدنا سنعود لنتمتع بكل ما تعبوا من أجله ولم نقدم نحن من ذلك الجهد شيئا...

ولكن رأيي كان كالآتي :
لا شك بما قدمه شعبنا بالداخل
ولا شك بقدر التضحيات ،، التي دفعها وما زال يدفعها كل يوم وكل دقيقه وثانيه
وأني شخصيا لا أشك بشهامة شعبنا في الداخل ،،
ولكن بالوقت نفسه لا استبعد تماما ان يقفوا هذا الموقف .. فلربما لسبب أو آخرقاموا بذلك ..
ولكنني إن فعلوا لسوف ألومهم
لأنهم يعلمون أننا لا نقيم خارج بلادنا بناء على رغبة منا
ولم يعاملنا أحد يوما كما يعامل غيرنا كأي مواطن يعيش بكرامة ويستحق كل الحقوق،، بل دائما ولا يخفى على احد ما هي معاناة اللآجئ الفلسطييني
أينما حل وأينما ارتحل ..
وهم يعلمون كم نحن نحترق شوقا للعودة إلى وطننا
وأنه مهما وسع علينا المكان والبلد الذي نقيم فيه
فالغربة تلاحقنا ،، اينما وجدنا
وأن أرض الوطن مهما حصل عليها ومهما فعلت لسوف تحتضنك لأنها امك الأصليه
ولم تكن المربية كالأم التي ولدت في يوم من الايام
ولا يخفى عليهم ما يعانيه كل لاجئ فلسطيني خارج بلده
فإنه بمجرد أنه فلسطيني فقد كتب عليه الشقاء في الدنيا أينما حل وأينما ارتحل
ونحن لا نعترض على هذا أبدا ،، ونجد أن الجنسية الفلسطنيه غاليه ،، ولا بد من دفع الضريبة ،، ولا اعتراض طالما أنه في سبيل الحفاظ عليها
وأننا لم نرضى بالتوطين يوما ... ولا استغناء عن حق العودة
وعداك عن ذلك كله
فإنها أرضنا ولا يستطيع ان ينكر ذلك احد علينا
علما بأني أتكلم عن أن يعود كل فلسطسني الى ارضه الأصليه
بعد ان يتم التخلص من الاحتلال ان شاء الله
وليس ذلك على الله ببعيد

وقد يكثر الكلام الكلام في ذلك
لا اريد أن أطيل أكثر
هذا ما دار بيني وبين صديقتي
وكل منا تقبل فكرة الطرف الآخر غير مستبعد لها
على أنني لا انكر أنها ايقظت عندي فكرة لم تكن لترد عليي
مع العلم أنني قد سمعت هذا الكلام من صديقة لي أيضا
تقيمة في فلسطين في مدينة ما
قالت لي بالحرف الواحد
لا تظنوا أنكم لو أتيتوا هنا ،، ان الشعب سوف يستقبلكم
تحسست يومها من كلامها ،، غير أنني رفضت ذلك رفضا قاطعا
وأبيت ان افكر فيه ..
ولكن تكرار ذلك على مسمعي من قبل صديقه لي مغتربه
جعلني أعاود التفكير في الأمر
وأحببت أن تشاركوني أرائكم
وأطلب من إخواني وأخواتي الفلسطينيين الميقيمين في الداخل ان يجاوبوني
تاركين ورائهم كل عبارات المجامله
وأن يسمعوني رأيهم ،، وما قد يروه من غيرهم من باقي شعبنا في الداخل
أما من إخوتي في الخارج فأحب ايضا أن اسمع رأيهم في الموضوع وما نظرتهم فيه ...


وآسفه على الإطاله

[الورده الحمراء]

انا فلسطينيه نابلسيه من سكان نابلس وبكل صراحه وأمانه ارد عليكي بالموضوع كلنا كنا فعلا نقدر متاعب شعبنا بالخارج وبالمخيمات ونعرف انهم بيكونوا معنا بقلوبهم واحاسيسهم بكل موقف صعب نمر فيه،كنا وأنا اول الناس اللي كنا نطالب بحق العوده لجميع اللاجئين، لكن بعد فتره وبعد عوده جزء من العائدين مع بدايه السلطه وشفنا كيف كانوا يعاملونا كأننا البقره الحلوب من جهه ومن جهه اخرى عدوانيه التعامل مع المقيمين ومش انا لوحدي او عائلتي اللي لاحظنا هادا الامر معظم اهل الداخل لاحظوا لكن بعد وقفه عرفنا انه اسلوب فرق تسد لا اكثر ولا اقل والاقليه ما بتعطي انطباع كامل عن شعبنا اللي بالخارج واللي منستنى اللحظه اللي يكون النا دوله ونحتاج سواعد ولاد بلدنا اللي بالداخل والخارج لنبنيها باذن الله ،المهم امور فرق تسد الصهيونيه هي اللي بتخلق جو التفرقه والمشاحنات بين ابن قريه وابن مدينه او مخيم او من الداخل او الخارج من ناحيتي وبرائي الشخصي وبعيدا عن كل المجاملات ارحب بعوده كل اهلنا اللي بالخارج لانهم يوم ما يفكروا بالعوده بيكونوا فعلا عائدين لبناء الوطن ولملمه الجراح واتمنى ان نفضل يدا واحده وبلاش التفرقه العنصريه مع خالـــــــــــــــــــــــص تحياتـــــــــــــــــــــــى

[dody]

السيس حق العودة هو بحد ذاته نضال
و شعبنا في الداخل من المحال ان يفكر هكذا تفكير

[شـهيد]

السلام عليكم :::

اختي هيك موضوع كتير معقد لانه في كتير وجهات نظر ومختلفه عن بعضها...

يعني انا بسمع من اهل الداخل انه احنا المغتربين عايشين بالنعيم وتاركين الحرب والقتل والهدم عليهم،،، وفي ناس بتلاقيهم بدعولنا انا نرجع على بلادنا.....وفي،،،،وفي،،،،،،

انا كفلسطيني مغترب بتمنى كتيرو بدعي انه ارجع على فلسطين،،،و ازا بدك اكون اوضح احيانا بدعي انه الله ييسرلي الامور واقدر ازور فلسطين لو ليوم واحد....
في شغلة حبيت احكي عنها انه وانتي اختي ذكرتيها::: عن شوقنا لفلسطين،،،،وانا بقولك اختي انه مش كل اهل الداخل بحسو فينا انه احنا مشتاقين لفلسطين او بنحن لإلها،، يعني بفكرو انا بنحكي بس كلام....لان همي ما حسو بشعورنا كيف انه احنا عايشين بالغربة وبعيدين عن ارضنا وقرايبنا بفكرو انه احنا مبسوطين برة...

المهم هاد الكلام ما بينطق على الكل لانه كل واحد بفكر بطريقة غير...

اسف كتير لاني حكيت كتير بس بتمنى اني قدرت اوصلك فكرتي....

يسلمو اختي دموع الموضوع جدا مهم.....

[أنين]

أختي دموع الرحيل شكراً لأنك فتحتي المجال لنقاش بهذا الموضوع المهم
أختي منذ فترة ليست بالطويله دار حديث بيني بين فتاه فلسطينيه تذهب لزياره فلسطين كل صيف فسئلتها نفس السؤال هل لنا نحن حق للعوده وهل الشعب هناك قابل بأن نعود؟؟؟؟؟
فأجابتني بأنها عندما تذهب هناك يعتبرونها ليست فلسطينيه وليس لها حق في العوده وأنا من وجهة نظري يجب أن لا نلومهم فنحن ماذا فعلانا لفلسطين فهم الذين يعملون ويكدحون لأجلها ونحن لم نفعل شئ فأختي حتى لو لم يستقبلونا ويرضون بوجدنا فمعهم كل الحق

[بو هبه]

عزيزتي



اغلب الشعب بالدااخل بيعتبروا الي انطردوا


او بالاحرى عرب ال48 ما الهم حق العوده



وعقدوا وفهمو العالم هييك


وانو همن بيعاانوا واحنا سبنااهم يعاانوا لحالهم



وللأسف همن ما بيعرفوا انو الي اتغرب عن ارضوا عانا

والي بيتغرب عن بلدوا بينذل


واحنا مش عايشيين احسن منكم


والله بنحسدكم

انتو بفلسطيين واحنا



وسلااامي لكم

[.:.!دموع الرحيل!.:.]

انا فلسطينيه نابلسيه من سكان نابلس وبكل صراحه وأمانه ارد عليكي بالموضوع كلنا كنا فعلا نقدر متاعب شعبنا بالخارج وبالمخيمات ونعرف انهم بيكونوا معنا بقلوبهم واحاسيسهم بكل موقف صعب نمر فيه،كنا وأنا اول الناس اللي كنا نطالب بحق العوده لجميع اللاجئين، لكن بعد فتره وبعد عوده جزء من العائدين مع بدايه السلطه وشفنا كيف كانوا يعاملونا كأننا البقره الحلوب من جهه ومن جهه اخرى عدوانيه التعامل مع المقيمين ومش انا لوحدي او عائلتي اللي لاحظنا هادا الامر معظم اهل الداخل لاحظوا لكن بعد وقفه عرفنا انه اسلوب فرق تسد لا اكثر ولا اقل والاقليه ما بتعطي انطباع كامل عن شعبنا اللي بالخارج واللي منستنى اللحظه اللي يكون النا دوله ونحتاج سواعد ولاد بلدنا اللي بالداخل والخارج لنبنيها باذن الله ،المهم امور فرق تسد الصهيونيه هي اللي بتخلق جو التفرقه والمشاحنات بين ابن قريه وابن مدينه او مخيم او من الداخل او الخارج من ناحيتي وبرائي الشخصي وبعيدا عن كل المجاملات ارحب بعوده كل اهلنا اللي بالخارج لانهم يوم ما يفكروا بالعوده بيكونوا فعلا عائدين لبناء الوطن ولملمه الجراح واتمنى ان نفضل يدا واحده وبلاش التفرقه العنصريه مع خالـــــــــــــــــــــــص تحياتـــــــــــــــــــــــى


أكيد حبيبتي
انا ما فهمت عليكي مين هم اللآجئين الي رجعوا ...
وكمان اذا لاحظتي اني ذكرت فوق
انو انا بقصد بالعودة
بعد ما تنحل القضيه بإذن رب العالمين
يعني مثلا نحنا تاعول اراضي ال 48
نرجع لنفس أرضنا
يعني مش بهيك ظروف ،، نزيد على همهم
وأصلا الوضع بفلسطين هلأ مش متحمل
الواحد يزيد على الي بيتعذبوا
ما بعرف اذا فكرتي وصلت ...

على كل حال
حبيبتي بهنيكي على نفسك الطيبه
ومتل ما قلتي الأقليه ما بتعطي انطباع عن الكل ...
مشكورة يا عسل

[.:.!دموع الرحيل!.:.]

السيس حق العودة هو بحد ذاته نضال
و شعبنا في الداخل من المحال ان يفكر هكذا تفكير

فعلا أخي
والله ما حدا قابل يصدق
انو نحنا هون شو يعني انو نرفض توطين
وشو يعني نضل متمسكين بأرضنا وبحق العودة
وأنو شو الي بتفرق اذا قبل الشعب الفلسطيني بالتوطين
شو وكيف رح تتغير طريقة معيشته
بكل بساطه بقول
أنو هو هلأ مش عايش كإنسان
وما بيتمتع بأي حق
وانو وين ما التفت
بيحس لو انو الي حوالي بيصحلهم يخلصوا منو اليوم قبل بكرة ...
ورغم كل هادا ما بيقبل انو يتخلى عن ذرة من تراب بلدو
مقابل التجنيس
فعلا هادا نضال ...
ما بنكر انو هون في ناس جاهله صراحه
وبحكيها ويمكن يكونوا من اقرب الناس الي
بس هاي الناس ما بتمثل الأغلبيه
رغم معاناة الفلسطنيه خصوصي في لبنان الي حالهم ما بظن بيخفي على حدا
الأغلبيه تعارض فكرة التوطين
لما الاقي الرجل الكبير بالعمر
بيحكي عن فلسطين وعن ذكرياتو فيها وهو بيرجف وببكي
ولما الاقي البنت الصبيه الي عمرها ما شافت فلسطين
بتدافع عنها وبتبكي
ما بظن انو بيتوازو مغتربين بالخارج ما عرفو شو هي فلسطين وأعطو صورة سيئة عن اللآجئين
ما بعرف

وبالنسبه لأنو شعبنا بالداخل مستحيل يفكر هيك تفكير
انا كمان كنت واثقة زيك والله
بس الهيئة انو الحقيقة مرة
ما بعرف اذا ناتجه عن افعال غير مسؤوليه من فلسطنيين مغتربين راح فيها الصالح بعزا الطالح
ولا أنو في سوء فهم الهم وعدم تقدير حجم معاناتهم الي خلتهم يتصرفوا هيك

الله يفرجها
مشكور على ردك أخي

[وليف الدمعة]

دموع الرحيل .........
في البداية اشكرك كثير علي طرح الموضوع المهم
انا برائي كل انسان فلسطيني لة الحق في ارضة واوطنة مهما كانت الاسبابب بتمني هذا الشيئ
ما يكون ظاهرة سلبية للشعب الفلسطيني ونبدا نفكر بعنصرية انة لا يحق لاي مغترب العيش بين
ارضة واوطنة يا اخوتي لو سالنا انفسنا لماذا المغتربين عايشوا في الخارج لنجد انهم عانوا في
حياتهم وضحوا الكثير من اجل فلسطين النضال يا اخوان ليس من المهم ان تكون في وطنك وارضك
ممكن ان تضحي وتناضل وتكافح من اجل وطنك وانت بعيدا عنة فتلك هولاء الناس معظمهم تعرضوا
لنكسة وهجرة من تلك الحروب وليس باردتهم خرجوا من ارض فلسطين فيجب علينا ان نحتضنهم
ونحتويعم في ارضنا وارضهم ليس من حقنا ان نرفضهم او نجرهم بتلك الكلمات القاتلة

اسف علي الاطالة
تحياتي لك

[.:.!دموع الرحيل!.:.]

السلام عليكم :::

اختي هيك موضوع كتير معقد لانه في كتير وجهات نظر ومختلفه عن بعضها...

يعني انا بسمع من اهل الداخل انه احنا المغتربين عايشين بالنعيم وتاركين الحرب والقتل والهدم عليهم،،، وفي ناس بتلاقيهم بدعولنا انا نرجع على بلادنا.....وفي،،،،وفي،،،،،،

انا كفلسطيني مغترب بتمنى كتيرو بدعي انه ارجع على فلسطين،،،و ازا بدك اكون اوضح احيانا بدعي انه الله ييسرلي الامور واقدر ازور فلسطين لو ليوم واحد....
في شغلة حبيت احكي عنها انه وانتي اختي ذكرتيها::: عن شوقنا لفلسطين،،،،وانا بقولك اختي انه مش كل اهل الداخل بحسو فينا انه احنا مشتاقين لفلسطين او بنحن لإلها،، يعني بفكرو انا بنحكي بس كلام....لان همي ما حسو بشعورنا كيف انه احنا عايشين بالغربة وبعيدين عن ارضنا وقرايبنا بفكرو انه احنا مبسوطين برة...

المهم هاد الكلام ما بينطق على الكل لانه كل واحد بفكر بطريقة غير...

اسف كتير لاني حكيت كتير بس بتمنى اني قدرت اوصلك فكرتي....

يسلمو اختي دموع الموضوع جدا مهم.....

أنا مع الي حكيتو 100%
فعلا بشوف كتير ناس مفكرين انو نحنا عايشين بنعيم
وبدنا نرجع لأرضنا عالبارد
نحن منعرفانو مهما ضحينا مش أدد الي بيضحكي في شعبنا بالداخل
لكن والله الشعور بالمهانه هو اصعب شعور
يعني انا عندي أكوب ببلدي وعمبدافع عنها
رغم كل العذاب وهي فاتحتلي حضنها
وأكون أنا صاحبة الأرض

أهون عليي مليون مرة من أني اكون
نازلة بمكان
بمثابة (( الضيف الغير مرغوب فيه))
لو كل ما بدي اتنفس بينظرلي انو شو دخلك ما انتي فلسطنيه
ومواااقف كتـــــيرة
بلاقي مقابلها انو الدفاع عن الوطن والجهاد شرف بقلب الوطن
بينما خارج الوطن غربة وذل وضياع حقوق
بس أكيد ما مننكر انو في كتير من الشعب بيجترم اللاجئين هون
بس بحكي بشكل عامـ

عداك عن الي ذكرتو انو قلائل الي بيصدققوا مدى شوقنا لأرضنا
وفعلا الكل بقولك انت بتحكي حكي
ما انت ما شفتها كيف بتحبها
بقول ،، الله لا يحرم حدا من أرضو
وبقول يمكن ناس عايشه متل عيشتنا
هي من الناس الي بتقدر تقدر كتير منيح شو معنى كلمة وطن
لأنها فاقدتو ...غصب عنها



ولو بدي ضل احكي ما بخلص
على كل حال مشكور أخي عالرد
يا هلا فيك :)

[صدى الصمت]

موضوع مهم كتير وفي غاية الاهمية
انا والله وجهة نظري من وجهة نظر الاخ الكريم شهيد والله كلامو 100% وانا معك بكل كلمة حكيتها
مع احترامي لوجهات نظر الجميع،،
وشكر كبير كتير الك دموووع على طرح هالموضوع ...

[بو هبه]

ومن يعلم ماذا يحصل غدا



والله عرب ال48 وانا منهم كلهم شوووق انو اراضيهم ترجع



اراضيهم الي وااحد حقير زي محمود عبااس سايبها بالهوى وبدو يبيعها قااال




اي والله لو بتعرفوا شو الي بصيير معنا كاان وجهاات نظر اغلبكم تغيرت من زماان

وزي ما قااال وليف الدمعه



يعني الي بدوو يكااافح ونااضل لفلسطيين لازم يكوون فيها


وابشري يا بلدي رااااجعلك رااجعلك لو الله اعطاني العمر


ومع العلم اني ما يقدر افووت فلسطيين وازا فتتها بالدز يعني الامل 1بالميه


الا اازا بدي افوتها طااالب


الله يعطيني العمر وافووتها

وحبييت اقوول لأنين وجهة نظرك خااظئه عيني عيينك


يمكن انتي ما بتعااني مع احتراامي لكي عزيزتي بس في كتاار بيعاانو مش مصاري ولا بييت ولا ...لا والله الحمد لله ربك ما بنسى حدن

بس الدنيا بدها تلف تلف وترمينا على بلدنا


الي بيعااانوا بعاانوا بعدهم عن بلدهم وقابليين بالذل لأنو الي انذلوا مش ببلدهم وهااد امر واااقع لا محاال منه


وأنين ارجو منكي انك تعيدي التفكيير بوجهة نظرك

وطبعا كلنا بنحترمها يا خالتو

سلااامي لكي


وسلااامي لكم جميعا يا ابناااء فلسطيين

[.:.!دموع الرحيل!.:.]

أختي دموع الرحيل شكراً لأنك فتحتي المجال لنقاش بهذا الموضوع المهم
أختي منذ فترة ليست بالطويله دار حديث بيني بين فتاه فلسطينيه تذهب لزياره فلسطين كل صيف فسئلتها نفس السؤال هل لنا نحن حق للعوده وهل الشعب هناك قابل بأن نعود؟؟؟؟؟
فأجابتني بأنها عندما تذهب هناك يعتبرونها ليست فلسطينيه وليس لها حق في العوده وأنا من وجهة نظري يجب أن لا نلومهم فنحن ماذا فعلانا لفلسطين فهم الذين يعملون ويكدحون لأجلها ونحن لم نفعل شئ فأختي حتى لو لم يستقبلونا ويرضون بوجدنا فمعهم كل الحق


للأسف والله الشي الي عمبسمعو من جديد
وانا مش معك بأنو ما بتلومهم
نحنا ما منقول انو نرجع على اراضيهم هم
انا بقول نرجع على اراضينا ،،
يعني لو بدنا نحكي عن اراضي ال 48 بشكل خاص
الارض الي طلعوا منها يرجعوا عليها
وبعدين بالنبسه للي ضحى فيه الفلسطنيه اللاجئين
حكيت عنو بردودي فوق
الله يفرجها بس
الف شكر الك عالرد :icon31:

[.:.!دموع الرحيل!.:.]

عزيزتي



اغلب الشعب بالدااخل بيعتبروا الي انطردوا


او بالاحرى عرب ال48 ما الهم حق العوده



وعقدوا وفهمو العالم هييك


وانو همن بيعاانوا واحنا سبنااهم يعاانوا لحالهم



وللأسف همن ما بيعرفوا انو الي اتغرب عن ارضوا عانا

والي بيتغرب عن بلدوا بينذل


واحنا مش عايشيين احسن منكم


والله بنحسدكم

انتو بفلسطيين واحنا



وسلااامي لكم

كلامك صح والله
الله يفرجها يا رب
مشكور عالمررو

[.:.!دموع الرحيل!.:.]

دموع الرحيل .........
في البداية اشكرك كثير علي طرح الموضوع المهم
انا برائي كل انسان فلسطيني لة الحق في ارضة واوطنة مهما كانت الاسبابب بتمني هذا الشيئ
ما يكون ظاهرة سلبية للشعب الفلسطيني ونبدا نفكر بعنصرية انة لا يحق لاي مغترب العيش بين
ارضة واوطنة يا اخوتي لو سالنا انفسنا لماذا المغتربين عايشوا في الخارج لنجد انهم عانوا في
حياتهم وضحوا الكثير من اجل فلسطين النضال يا اخوان ليس من المهم ان تكون في وطنك وارضك
ممكن ان تضحي وتناضل وتكافح من اجل وطنك وانت بعيدا عنة فتلك هولاء الناس معظمهم تعرضوا
لنكسة وهجرة من تلك الحروب وليس باردتهم خرجوا من ارض فلسطين فيجب علينا ان نحتضنهم
ونحتويعم في ارضنا وارضهم ليس من حقنا ان نرفضهم او نجرهم بتلك الكلمات القاتلة

اسف علي الاطالة
تحياتي لك


كلامكـ صح كمان والله
والله انو اجدادنا وقت طلعوا من فلسطين بال 48
متلهم ومتل كتير غيرهم
كان لسى شاريين الاراضي جديد
وبانيين جديد
وورق الاراضي لسى مع بابا والمفتاح
وجدي كان وقتها قاعد ناطر
كل يوم يقول لستي خلص قربنا نرجع وبكرة ومنرجع
وكلهم كانو مفركين انو كلها شغلة كم يوم
وما كانوا بعد جربوا أديش في خيانه
مش متل هلأ
هلأ اذا اهل فلسطين او اي بلد قالوقلهم هالكلام مش رح يصدقو
لأنهم شافو شو صار بمنكوبين ال48
اما اهل فلسطين كانو محط تجربة لشتى انواع العذابات
وبتحكيلي عمتي
انو جدي مات قهر بعد ما فقد عقلو لما حس انو قصة اليوم واليومين طلعت كذبه
وغيرو كتييييير
والله انهم عانوا
وكل جيل عمبيكمل بمشوار المعاناة
طالما انو فلسطيني

الف شكر الك عالرد
يعطيك العافيه يا رب

[.:.!دموع الرحيل!.:.]

موضوع مهم كتير وفي غاية الاهمية
انا والله وجهة نظري من وجهة نظر الاخ الكريم شهيد والله كلامو 100% وانا معك بكل كلمة حكيتها
مع احترامي لوجهات نظر الجميع،،
وشكر كبير كتير الك دموووع على طرح هالموضوع ...

يا هلا حبيبتي
نورتي
ووجهة نظر شهيد كمان لاقيتها مناسبه
نورتي يا قمر
الله يفرجها

[.:.!دموع الرحيل!.:.]

ومن يعلم ماذا يحصل غدا



والله عرب ال48 وانا منهم كلهم شوووق انو اراضيهم ترجع



اراضيهم الي وااحد حقير زي محمود عبااس سايبها بالهوى وبدو يبيعها قااال




اي والله لو بتعرفوا شو الي بصيير معنا كاان وجهاات نظر اغلبكم تغيرت من زماان

وزي ما قااال وليف الدمعه



يعني الي بدوو يكااافح ونااضل لفلسطيين لازم يكوون فيها


وابشري يا بلدي رااااجعلك رااجعلك لو الله اعطاني العمر


ومع العلم اني ما يقدر افووت فلسطيين وازا فتتها بالدز يعني الامل 1بالميه


الا اازا بدي افوتها طااالب


الله يعطيني العمر وافووتها

وحبييت اقوول لأنين وجهة نظرك خااظئه عيني عيينك


يمكن انتي ما بتعااني مع احتراامي لكي عزيزتي بس في كتاار بيعاانو مش مصاري ولا بييت ولا ...لا والله الحمد لله ربك ما بنسى حدن

بس الدنيا بدها تلف تلف وترمينا على بلدنا


الي بيعااانوا بعاانوا بعدهم عن بلدهم وقابليين بالذل لأنو الي انذلوا مش ببلدهم وهااد امر واااقع لا محاال منه


وأنين ارجو منكي انك تعيدي التفكيير بوجهة نظرك

وطبعا كلنا بنحترمها يا خالتو

سلااامي لكي


وسلااامي لكم جميعا يا ابناااء فلسطيين


والله كلامك صح وعالجرح
والله اني بكتب وبناقش بالموضوع والدموع بعيني
صعب والله
والأصعب اكتر انو اذا فعلا كان الشي صح
انك تلاقي الصد من الغربا شي
وانك تلاقي الصد من اهلك وولاد وطنك شي تاني وضربة كبيرة
انا بتمنى الموت
على انو يكون هالكلام صحيح
بس أنا بقول انو ان شاء الله ما بيكون صح
انا دايما عشمي بشعبنا الفلسطيني طيب وكبير
والله يفرجها علينا كلنا
مشكورين كلكم مشكور بو هبه
والله يقر عينننا جميعا

[شـهيد]

اسمحيلي ارجع اختي دموع واقول كلمة للاخت انين....

اختي انين لو قرأت كلام اختي دموع مرة تانية رح بتلاقيها قالت انه احنا كيف ما إلنا حق بفلسطين لانه احنا عايشين برة،،، مهوي احنا ماتركنا فلسطين بكيفنا احنا ناس انطردت "انا آسف على هاي الكلمة" من بلدها وارضها... بس شو ما صار فلسطين بقلوبنا ودمنا...وبتمنى من اختي انين والكلام للجميع انه ابدا ما تشيلو حب الوطن من قلوبكم لانه هاد هو سلاحنا لترجع ارضنا إلنا...

اختي انين بكل احترام بتمنى انك ما تزعلي من كلامي ،،هاد كله تبادل افكار....
بعتذر اختي دموع مرة تانية.. وبرجع بشكرك على الموضوع إلي بجد مهم....

[.:.!دموع الرحيل!.:.]

مية هلا والله أخي

ولا يهمك بالعكس
انا الموضوع كان شاغل بالي
وارائكم بتهمني كتير ...
مشكور وهلا فيك بأي وقت
منور
والله يفرجها

[عاشق الحرية]

السلام عليكم

أولا هذا الموضوع يتفرع للعديـد من البنود :

1 - ما المقصود بعودة اللاجئين ؟ وإلى أيــــن ؟
اخوتي , أنا كإبن للجليل الصامد , أو كما يحلو للبعض تسميتنا عرب ال 48 , ممن نسوا بأننا فلسطينيون ,
أقول لـكم بأن لا عودة عن حق العـودة لكل اللاجئيــن , وليست أي عودة , إنما عودة للبلد الأم , فمن كان من الفالوجة فالحق له بالعودة للفالوجة , ومن كان من بيســان وحيفا وعكا , فالعودة ليست إلا لهذه البلاد التي هجروا منها قسريا أصلا.
فهنا يقع مفهوم العودة , هل العودة على حسب الإرادة الأمريكية الصهيونية , إلى غزة أو الضفة , أم حسب القرار الدولي , 194 , وحسب إرادة الفلسطينيين بالرجوع إلى بيوتهم وأرضهم من 60 عاما في حيفا وعكا وأقرث وغيرهم ..


2- بالله عليكم يا من تسألون هكذا سؤال , أريد أن أسألكم أنتم سؤالا : كيف ممكن أن تطلب إذن العودة إلى بيتك وأرضك من الناس ؟ إنه حق لا غبار عليه , وإن أستغنيتم عن هذا الحق , فمن السهل الأستغناء عن كل الوطن بعد ذلك .فهل عندما تهم بدخول بيتك الخاص تطلب الإذن من الجيران بالدخول؟

3 - أرجو عدم استعمال مصطلح عرب ال 48 , والسلام .

[الورده الحمراء]

اريد ان اعقب على كلامي انه بكل مسيره او مهرجان او حتى حفل تأبين هنا بالضفه الغربيه نؤكد على حق العوده ,ومتل ما قال ابن الجليل البيت بيتنا ولا يحق لاحد مفاصلتنا بحقوقنا او التنازل عنها طالما في ناس بتسأل وبتطالب اتمنى عدم اليأس وبأذن الله الفرج قريب ودمتم بخير....

[wa6n]

اولا شكرا لك اختي على طرح هذا الموضوع..

ثانيا: لكل لاجىء حق في العودة الى بلاده وارضه , فانتم لم تخرجوا من ارضكم بارادتكم ..

واكيد لا تنازل عن حق العودة فجميع اللاجئين الذين هجروا من اراضيهم من سنة ال48 لهم حق العودة...

بدي اعقب على شغلة حكاها ابن الجليل انو ما تستعملو مصطلح عرب ال48 وانو الكل تناسى انو احنا فلسطينين..

بس احنا قبل ما نكون فلسطينين احنا عرب وانا بفتخر بعروبتي وحتى لو انو هالايامات اختلفت مفاهيم العروبة , بس عروبتي بتضل اصلية..
ومصطلح عرب ال48 لما نسمعو لاول مرة اكيد منعرف انهم بقصدو الفلسطينين اللي بقيوا باراضيهم خلال الاحتلال, وهمه اسا تحت الاحتلال..

[مؤيد]

أنا مش عارف مين الي بفكر هيك ، ومين بقول إنو مش راح نرحب باللاجئين الفلسطينين ..

بالعكس نحنا راح نرحب فيهم ، وبنتمنى يرجعو ، وحكومتنا الفلسطينية الجديدة من أحد أهم ثوابتها عودة اللاجئين .

وكل الي بقول إنو نحنا ما بنحب اللاجئين هو لا يعبر عن أهل فلسطين ، وهو واحد لا يستحق مني الاحترام .

وشكرا على موضوعك ، بس أنا ما بحب إنو يصير بين أبناء شعبنا هيك تفكير ، لإنو إذا اللاجئين صاروا يفكروا بالهطريقة راح يصير اللاجئين يكرهوا شيء اسمه فلسطينين وفلسطين ، ومش راح يخططوا للعودة إلها .. وراح ينسوها ، وهذا ما تريده الدولة الصهيونية .

[.:.!دموع الرحيل!.:.]

السلام عليكم

أولا هذا الموضوع يتفرع للعديـد من البنود :

1 - ما المقصود بعودة اللاجئين ؟ وإلى أيــــن ؟
اخوتي , أنا كإبن للجليل الصامد , أو كما يحلو للبعض تسميتنا عرب ال 48 , ممن نسوا بأننا فلسطينيون ,
أقول لـكم بأن لا عودة عن حق العـودة لكل اللاجئيــن , وليست أي عودة , إنما عودة للبلد الأم , فمن كان من الفالوجة فالحق له بالعودة للفالوجة , ومن كان من بيســان وحيفا وعكا , فالعودة ليست إلا لهذه البلاد التي هجروا منها قسريا أصلا.
فهنا يقع مفهوم العودة , هل العودة على حسب الإرادة الأمريكية الصهيونية , إلى غزة أو الضفة , أم حسب القرار الدولي , 194 , وحسب إرادة الفلسطينيين بالرجوع إلى بيوتهم وأرضهم من 60 عاما في حيفا وعكا وأقرث وغيرهم ..


2- بالله عليكم يا من تسألون هكذا سؤال , أريد أن أسألكم أنتم سؤالا : كيف ممكن أن تطلب إذن العودة إلى بيتك وأرضك من الناس ؟ إنه حق لا غبار عليه , وإن أستغنيتم عن هذا الحق , فمن السهل الأستغناء عن كل الوطن بعد ذلك .فهل عندما تهم بدخول بيتك الخاص تطلب الإذن من الجيران بالدخول؟

3 - أرجو عدم استعمال مصطلح عرب ال 48 , والسلام .

هلا بأخي ابن الجليل
كلامكـ صح
وفعلا لا عودة عن حق العودة
ومتل ما حكينا قبل هادا حقنا
وأرضنا ما حدا بقدر ينكرو علينا
وما بعرف ااذا كنت تقصد او فهمت مني بالرد الي قبل اني قلت عرب ال 48
انا كمان بشوف هاي الكلمة غلط ومش صح نحكيها
لأنو مش زي ما بتقسمنا اسرائيل منكون
نحنا كلنا عرب وكل الي بداخل فلسطين عرب رغم انوفهم جميعا اولئك المحتلين
ولكن انا كنت قلت
اجدادنا وقت الي طلعوا من فلسطين سنة ال 48
للتوضيح بس
يا هلا فيك أخي
نورت

[.:.!دموع الرحيل!.:.]

اريد ان اعقب على كلامي انه بكل مسيره او مهرجان او حتى حفل تأبين هنا بالضفه الغربيه نؤكد على حق العوده ,ومتل ما قال ابن الجليل البيت بيتنا ولا يحق لاحد مفاصلتنا بحقوقنا او التنازل عنها طالما في ناس بتسأل وبتطالب اتمنى عدم اليأس وبأذن الله الفرج قريب ودمتم بخير....


هلا والله حبيبتي
الله يعزكم وقويكم
ويوحد كلمتنا كلنا على الحق
وفعلا طالما الإنسان بطالب بحقو
وما بينسا الحق ما بيموت أبدا
والله يفرجها
نورتي

[.:.!دموع الرحيل!.:.]

اولا شكرا لك اختي على طرح هذا الموضوع..

ثانيا: لكل لاجىء حق في العودة الى بلاده وارضه , فانتم لم تخرجوا من ارضكم بارادتكم ..

واكيد لا تنازل عن حق العودة فجميع اللاجئين الذين هجروا من اراضيهم من سنة ال48 لهم حق العودة...

بدي اعقب على شغلة حكاها ابن الجليل انو ما تستعملو مصطلح عرب ال48 وانو الكل تناسى انو احنا فلسطينين..

بس احنا قبل ما نكون فلسطينين احنا عرب وانا بفتخر بعروبتي وحتى لو انو هالايامات اختلفت مفاهيم العروبة , بس عروبتي بتضل اصلية..
ومصطلح عرب ال48 لما نسمعو لاول مرة اكيد منعرف انهم بقصدو الفلسطينين اللي بقيوا باراضيهم خلال الاحتلال, وهمه اسا تحت الاحتلال..


هلا والله أخي
كلامكـ صح
نورت
مشكور لمرورك

[.:.!دموع الرحيل!.:.]

أنا مش عارف مين الي بفكر هيك ، ومين بقول إنو مش راح نرحب باللاجئين الفلسطينين ..

بالعكس نحنا راح نرحب فيهم ، وبنتمنى يرجعو ، وحكومتنا الفلسطينية الجديدة من أحد أهم ثوابتها عودة اللاجئين .

وكل الي بقول إنو نحنا ما بنحب اللاجئين هو لا يعبر عن أهل فلسطين ، وهو واحد لا يستحق مني الاحترام .

وشكرا على موضوعك ، بس أنا ما بحب إنو يصير بين أبناء شعبنا هيك تفكير ، لإنو إذا اللاجئين صاروا يفكروا بالهطريقة راح يصير اللاجئين يكرهوا شيء اسمه فلسطينين وفلسطين ، ومش راح يخططوا للعودة إلها .. وراح ينسوها ، وهذا ما تريده الدولة الصهيونية .

هلا أخي
والله للأسف والله اني سمعت هالحكي من عدة اشخاص من داخل فلسطين
بس كمان منقول اكيد ما بيمثلوا الكل
وبالنسبه لأنو اذا فعلا اثبت هالكلام انو اللاجئين رح يصير يكرهوا شي اسمو فلسطنين وفلسطين
او انو نبطل نفكر بالعودة
ابدا ومستحيل
ان شاء الله ما في اي شي
بيوقف قدام حبنا وولائنا لوطنا
وتمسكنا بحق العودة
وحبنا لشعبنا بالداخل
نحن ولاد هاي الأرض
ولا اي شي بيغير او بقلل ذرة من عشقنا الها
وبالعكس اي شي بوقف بوجنا رح يخلينا نتمسك فيها اكتر
نورت يا اخي
والله يخليلنا حكومتنا الجديده ويوفقها يا رب
ويلهمها كل الخير ويوفقها الو
بإذن الله
مشكور أخي مؤيد حماس
نورت

[أنين]

أخي شهيد وهذه وجهة نظرك وأنا بحترمها .....

أخي نحن لم نترك فلسطين وبيوتنا واراضينا بمزاجنا أنا معك بهذه النقطه ولكن الأًن هل نسطيع العوده لها وهل بقت ؟؟؟
ولكن أخي أنا سؤالي نحن الفلسطينين في الخارج ماذا فعلنا لفلسطين؟؟؟ وهل نستحق العوده اذ تحررت
أخي لان يستطيع كأن من كان ان يسلب مني حب وطني فهو في قلبي قبل ان أولد وبعد ان اموت
دمت اخي

[أنين]

ومن يعلم ماذا يحصل غدا



والله عرب ال48 وانا منهم كلهم شوووق انو اراضيهم ترجع



اراضيهم الي وااحد حقير زي محمود عبااس سايبها بالهوى وبدو يبيعها قااال




اي والله لو بتعرفوا شو الي بصيير معنا كاان وجهاات نظر اغلبكم تغيرت من زماان

وزي ما قااال وليف الدمعه



يعني الي بدوو يكااافح ونااضل لفلسطيين لازم يكوون فيها


وابشري يا بلدي رااااجعلك رااجعلك لو الله اعطاني العمر


ومع العلم اني ما يقدر افووت فلسطيين وازا فتتها بالدز يعني الامل 1بالميه


الا اازا بدي افوتها طااالب


الله يعطيني العمر وافووتها

وحبييت اقوول لأنين وجهة نظرك خااظئه عيني عيينك


يمكن انتي ما بتعااني مع احتراامي لكي عزيزتي بس في كتاار بيعاانو مش مصاري ولا بييت ولا ...لا والله الحمد لله ربك ما بنسى حدن

بس الدنيا بدها تلف تلف وترمينا على بلدنا


الي بيعااانوا بعاانوا بعدهم عن بلدهم وقابليين بالذل لأنو الي انذلوا مش ببلدهم وهااد امر واااقع لا محاال منه


وأنين ارجو منكي انك تعيدي التفكيير بوجهة نظرك

وطبعا كلنا بنحترمها يا خالتو

سلااامي لكي


وسلااامي لكم جميعا يا ابناااء فلسطيين



أخي بو هبه هذه وجهة نظرك
أخي من قال لك بأني لم اعاني من البعد عن وطني ؟؟؟؟
أخي انا كانت وجهة نظري بأن نحن الفلسطينين في الخارج ماذا فعلنا لفلسطين وهل نستحق العوده؟؟ أخي الأبطال الذين دفعوا كل عمرهم لأجل فلسطين والشهداء الذين ضحوا بأروحم لأجل فلسطين نحن ماذا نكون امامهم ؟؟؟؟ أخي أنا اعيد ما كتبت أن لم يقبلوا بوجودنا فهذا حقهم

[شـهيد]

اختي انين.....
نحن لنا حق العودة مهما كان ومهما حصل.... اتمنى ان يكون هذا في قناعتك....

وتأكدي انه لنا في فلسطين كما لاهل الداخل...... لربما نكون نحن لم نعاني الحرب وويلاتها... ولكننا عانينا من الغربة والاهانة لاننا غرباء.... نحن عشنا في الغربة بدون اقرباء نحن عشنا ونحن محرومين من معنا الوطن الذي يسري في عروقنا....... لا ادري ماذا اقول لكي... لكن اختي ثقي بي لنا في فلسطين حق وكل اهل فسطين يؤمنون بهذا فنحن اهلهم.....

كل التحية لكي اختي الكريمة.... " اجعلي حب الحياة في فلسطين هدفك .. فهوسيتحقق بإذن الله:

[Abu Shadi]

شو رأيك لو قلت لصاحبيتك في انسان بقلك بتكوني مجنونه ان بتيجي علي هي البلاد
وكل واحد اجا بالصيف هذا علي غزة اتندم ندم عمرو ما يعيدها
ولذلك خليها مطرح ما هي موجوده ولا بدها الشوق للوطن

[شـهيد]

اخي ابن فلسطين.... ممكن انه إللي بتقوله صحيح لانه عن تجربة... بس اخي لازم ما نفكر بهاي الطريقة. لانه فلسطين بشدة واحنا بنكون مع فلسطين بشدتها ورح نفرح بس تتحرر انشاء الله لانه احنا اهلها... واذا مش احنا إللي بنوقف مع فلسطين فمين هوي اللي بيوقف معها.؟؟!!...انشاء الله هاي الاموركلها ازمة وتعدي...
صحيح هي طولت بس الفرج قريب بإذن الله....

مع كل احترامي...

[.:.!دموع الرحيل!.:.]

أخي ابن فلسطين
لو بدك تقول انو نحنا ما جربنا العيشه بفلسطين عشان هيك ما عارفين شو بنحكي
شو رأيك لو بقول
انو اانا بعرف كتير ناس جوا فلسطين
عانوا معاناة ما حدا شافها
وفقدوا من اهلهم واصدقائهم منهم الي استشهد ومنهم الي بالأسر
ولسى لهلأ حبهم لبلدهم راسخ بقلوبهم
ومستعدين يضحوا اكتر
واكتر لحد ما يوصولو للي بدهم يا
والي بيقول يا ريت ما جيت وبيتندم
للأسف وجد اسفه اني اقول
هادا ما عرف يحب فلسطين ،،
وما مقدر شو يعني وطن
لأنو حب الوطن وحتى نستحق هادا الوطن لازم نضحي عشانو
وما تقولي لو انتي عايشه بفلسطين كنتي حكيتي غير هيك
شفت كتير من الي عايشين بفلسطين
ومستعدين يضحوا بكل ما بيملكو
أخي
نحن لازم نعرف انو نحن على حق
وطالما نحن على حق
لازم نضل متمسكين بحقنا
ان أهلنا بفلسطين بالداخل
او المغتربين
لأنو رب العالمين معنا
والنصر إلنا
اكيد ان شاء الله لا محاله
بس يا اخي
والله القصه محتاجه للإخلاص بالحب والتضحيه
وانو نعرف شو يعني فلسطين
فإذا كل العرب اتخلو عنها
نحن مستحيل نتخلى عن ذرة رمل فيها
وبرجع بقولك نحن منقدر الي بيعاني منو أهلنا جوا فلسطين
بس كمان بقولك
يا محلى التضحيع وشرف الجهاد والصمود امام العدو داخل البلاد
أمام الإهانه وضياع الحقوق والكرامه
وانت خارجها ..
فإنه لن تضمنا إلا ارضنا ...
سامحني ابن فلسطين
طولت عليك
بس انا بلاحظ منك دايما هالكلام
وفي نوع من التقليل من قدر الحفاظ على فلسطين
هاي شغله لازم ننتبه الها
لأنو اذا نحنا ابناءها تخلينا عنها فعلى الدنيا السلام
الله يعزك اخي
اعد التفكير
وفلسطين بحاجه النا كلنا وشعب فلسطين كمان
:)

[أنين]

اختي انين.....
نحن لنا حق العودة مهما كان ومهما حصل.... اتمنى ان يكون هذا في قناعتك....

وتأكدي انه لنا في فلسطين كما لاهل الداخل...... لربما نكون نحن لم نعاني الحرب وويلاتها... ولكننا عانينا من الغربة والاهانة لاننا غرباء.... نحن عشنا في الغربة بدون اقرباء نحن عشنا ونحن محرومين من معنا الوطن الذي يسري في عروقنا....... لا ادري ماذا اقول لكي... لكن اختي ثقي بي لنا في فلسطين حق وكل اهل فسطين يؤمنون بهذا فنحن اهلهم.....

كل التحية لكي اختي الكريمة.... " اجعلي حب الحياة في فلسطين هدفك .. فهوسيتحقق بإذن الله:


أخي أنا لم أقل لك ليس لدينا حق العوده نحن نملك حق العوده ولكن أنا قلت عن الذين داخل فلسطين الذين يتعذبون كل يوم بسسب الحرب ونحن نتعذب كل يوم بسبب الغربه ولكن عذابهم لا يقارن بعذابنا أم هذا غير صحيح..................
((( " اجعلي حب الحياة في فلسطين هدفك .. فهوسيتحقق بإذن الله))))
أخي حب وطني يجري في عروقي وأنا على يقين بأنه أذا تحررت فلسطين لن يرفظونا لكن أن رفضونا فهذا حقهم فهم الذين دافعوا عن فلسطين
دمت أخي

[أنين]

((((شو رأيك لو قلت لصاحبيتك في انسان بقلك بتكوني مجنونه ان بتيجي علي هي البلاد
وكل واحد اجا بالصيف هذا علي غزة اتندم ندم عمرو ما يعيدها
ولذلك خليها مطرح ما هي موجوده ولا بدها الشوق للوطن ))))

بديتاً أخي أعتقد بأن هناك أسلوب ثاني لنقاش...................
ثانياً أخي هي لم تذهب لغزه بل لنابلس وأعتقد هناك فرق بين غزه ونابلس هذه هي ليست السنه الأولى التي تذهب الى فلسطين ويقال لها نفس الكلام ..........أخي لا اعتقد بأن لك حق التكلم عن شوقنا لفلسطين ولذلك فل تحترم شعورنا كما نفعل نحن.....

[ayman]

اختي ..الموضوع هادا تم نقاشه قبل هيك .....
لا احد يملك حق لومنا باي شكل من الاشكال .....كلا الطرفين الفلسطينين في الداخل والخارج ..
لهم نفس الهدف ...ونفس العدو ...( لكن نحن عدونا غير ظاهر فنحن محاصرين ومحتلين ثقافيا ) ولكن اللذين في الداخل فعدوهم امامهم ....وكل له ظروفه ومعاناته ..
اذكر مثال بسيط على احدذاث الاردن وما تعرض له الشعب الفلسطيني ....كان الجيش الاردني يضرب وبلا رحمه المخيمات الفلسطينية ويقصفها من الطائرات ، حتى استشهد اعداد هائلة في ذلك الحين ..ولا تزال الى الان شوارع واحياء تسمى بمسميات لها علاقة بهذه المذبحة ..
ذكرت هاي القصة ....لان جميع الشعب الفلسطيني تعرض لاضطهادات ان لم يكن من اليهود فيكون من حكوماتنا العربية ......هذا حال الشعب الفلسطيني وكل فرد فلسطيني يجاهد وهو في موقع عمله ، في مدرسته ، في المكان والمجتمع المتواجد فيه ....كل يحب ويعشق فلسطين بطريقته الخاصة اينما كان ..في امريكا او في فلسطين ....
لا احد من ابناء الشعب الفلسطيني الداخل ان يرفض او يكون لديه ادنى شك في حق العودة ....ولا احد يستطيع ان ينكر جهاد ومحبة فلسطين لنا ..او المزاودة على ذلك ...فنحن ابناء هذه الارض مثلهم تماما ، نعاني ما يعانوه وربما اكثر ..

[بو هبه]

أخي بو هبه هذه وجهة نظرك
أخي من قال لك بأني لم اعاني من البعد عن وطني ؟؟؟؟
أخي انا كانت وجهة نظري بأن نحن الفلسطينين في الخارج ماذا فعلنا لفلسطين وهل نستحق العوده؟؟ أخي الأبطال الذين دفعوا كل عمرهم لأجل فلسطين والشهداء الذين ضحوا بأروحم لأجل فلسطين نحن ماذا نكون امامهم ؟؟؟؟ أخي أنا اعيد ما كتبت أن لم يقبلوا بوجودنا فهذا حقهم



أنين للأسف انتي هييك ضلمتي كتيير




يا ستي احنا شو عملنا صح



يمكن انا عاايش مش عشااان اجي هوون واناااقش معكم الموضوع


يمكن الله خلقني عشاان بس استشهد بفلسطيين


وانتي يمكن الله خالقك عشاان اول يوم هترووحي فلسطيين وتستشهدي هنااك


هييك انتي عملتي اشي كبيير كبيير كتيير


اولا رفعتي راااس اهلك


ورووح ما رااحت الا للي سااكنه فيكي الي هيه فلسطيين



واحنا الي بنعملوا انو في النا معاارف كتيير وقرايب وانا الي قراايب بفلسطيين كتيير


ما انسينااهم

ومتعاونين معهم وبسااهم بكل شيء لسا احنا ما عملنا شيء لفلسطييين


طيب سا ستي فيي نااس كتيير اسسو منتدياات وهمن مش بفلسطيين لييش اسسوها عشااان هبل ولا تخوت

عششان تشييل هم القضيه


وانتي نفسك بتعملي اشيااء كتييير لبلدك وانتي مش حااسه فيها يا انيين والله والله والله


واولها انك ما نسيتي بلدك الي الك فيها حق خاااوه عن اكبر راااسي فيهاا

وتاانيا انتي مشاااركه بالمنتدى هااد وهااد منتدى حااامل القضيه الفلسطيينيه

كاان بامكاانك تروحي تشااركي بمنتدى عاام تاااني

بس لييش اخحترتي هاااد عشااان هااد الي بتحسي حاالك فييه بفلسطييين وهااد شعوري




وازا ما اقتنعتي عزيزتي احكي وهااد نقااش والنقاااش جمييل لأنه يشمل الادب وتباادل الاراااء


سلااامي لكي يا انين :s (43):

[شـهيد]

أخي أنا لم أقل لك ليس لدينا حق العوده نحن نملك حق العوده ولكن أنا قلت عن الذين داخل فلسطين الذين يتعذبون كل يوم بسسب الحرب ونحن نتعذب كل يوم بسبب الغربه ولكن عذابهم لا يقارن بعذابنا أم هذا غير صحيح..................

أخي حب وطني يجري في عروقي وأنا على يقين بأنه أذا تحررت فلسطين لن يرفظونا لكن أن رفضونا فهذا حقهم فهم الذين دافعوا عن فلسطين
دمت أخي

اختي الكريمة ما في حدا بهاد الكون بيشكك بيحبك لوطنك او وطنيتك.... بس اللي بدي اوصلك اياه حقنا بفلسطين كبير ومزبوط انه احنا ما تعذبنا متلهم بس هاد الشي مش بايدنا.. تانيا لا تفكري للحظة انه اهل الداخل ممكن يظلمونا ويحرمونا حق العودة وانا نعيش في بلدنا متلهم ...ممكن يكونو اقليات بهاد التفكير....

وبرجع بقول انا بحترم كلامك والنقاش مفيد....

تحياتي لكي اختي .. للاخت دموع....

[.:.!دموع الرحيل!.:.]

هلا أخي أيمن
بالنسبه للموضوع انو تم المناقشه فيه قبل هيك
الأرجح أني لم اكن قد انضممت الى المنتدى بعد
فلم أره ابدا قبل ذلك
حتى ان الموضوع والفكرة جديده علي جدا
ومتفاجئه فيها ،، وأول مرة احكي فيها
وكان لازم اشوف ارائكم لما شعرت به من ضيق نفس ...

وبالنسبه لكلامك
انا معك باللي حكيتو أخي
الله يعطيك العافيه

[نونو الحلوة]

بسم الله الرحمن الرحيم
شكرا دموع الرحيل على هادا الموضوع
بالنسبة للردود كل واحد اسمه فلسطيني من حقه أنه يعبر عن شعوره بالنسبة لهادا الموضوع
انا فلسطينية من غزة ساكنة بالامارات، وهلا معي الجواز الإماراتي، وكان نفسي من زمان أني أروح على فلسطين، بس شو أسوي ما صار نصيب
فكل واحد منكو رد على حسب عاطفته وعلى حسب شو بشعر بالنسبة لهالموضوعأنا ما راح أحكي شي علشان ما حدا يزعل مني أو أني أزعل من حدا
بس بدي أحكي كلمة أخيرة::::
أنه إحنا كلنا فلسطينية وكلنا بننتمي لهاي الأرض مهما أخدنا جنسيات مختلفة بنضل بنحب أمنا فلسطين
اسفة طولت عليكو

[أنين]

أنين للأسف انتي هييك ضلمتي كتيير




يا ستي احنا شو عملنا صح



يمكن انا عاايش مش عشااان اجي هوون واناااقش معكم الموضوع


يمكن الله خلقني عشاان بس استشهد بفلسطيين


وانتي يمكن الله خالقك عشاان اول يوم هترووحي فلسطيين وتستشهدي هنااك
((((الله يسمع منك اخي)))))


هييك انتي عملتي اشي كبيير كبيير كتيير


اولا رفعتي راااس اهلك


ورووح ما رااحت الا للي سااكنه فيكي الي هيه فلسطيين



واحنا الي بنعملوا انو في النا معاارف كتيير وقرايب وانا الي قراايب بفلسطيين كتيير


ما انسينااهم

ومتعاونين معهم وبسااهم بكل شيء لسا احنا ما عملنا شيء لفلسطييين


طيب سا ستي فيي نااس كتيير اسسو منتدياات وهمن مش بفلسطيين لييش اسسوها عشااان هبل ولا تخوت

عششان تشييل هم القضيه


وانتي نفسك بتعملي اشيااء كتييير لبلدك وانتي مش حااسه فيها يا انيين والله والله والله


واولها انك ما نسيتي بلدك الي الك فيها حق خاااوه عن اكبر راااسي فيهاا

وتاانيا انتي مشاااركه بالمنتدى هااد وهااد منتدى حااامل القضيه الفلسطيينيه

كاان بامكاانك تروحي تشااركي بمنتدى عاام تاااني

بس لييش اخحترتي هاااد عشااان هااد الي بتحسي حاالك فييه بفلسطييين وهااد شعوري




وازا ما اقتنعتي عزيزتي احكي وهااد نقااش والنقاااش جمييل لأنه يشمل الادب وتباادل الاراااء


سلااامي لكي يا انين :s (43):


بدايتاً أخي بو هبه لك مني كل الاحترام على ردك هذا
أخي أعتقد بأنك أستطعت أن تقنعني بوجهة نظرك لك مني كل الشكر اخي

[أنين]

اختي الكريمة ما في حدا بهاد الكون بيشكك بيحبك لوطنك او وطنيتك.... بس اللي بدي اوصلك اياه حقنا بفلسطين كبير ومزبوط انه احنا ما تعذبنا متلهم بس هاد الشي مش بايدنا.. تانيا لا تفكري للحظة انه اهل الداخل ممكن يظلمونا ويحرمونا حق العودة وانا نعيش في بلدنا متلهم ...ممكن يكونو اقليات بهاد التفكير....

وبرجع بقول انا بحترم كلامك والنقاش مفيد....

تحياتي لكي اختي .. للاخت دموع....

شكراً اخي على هذا النقاش لا اعرف هل اقول بأنك أنت واخي بو هبه اقنعتوني أم ماذا
شطرا اخي واختي دمووووع الرحيل لك مني كل الشكر

[.:.!دموع الرحيل!.:.]

هلا بأخواني بو هبه وشهيد
وأنين الأمورة كمان

منورين
وبحييكم عطريقة النقاش الرايئة

ويا أنين
بردودي الي قبل حكيت شو الي بيقدمو
الشعب الفلسطيني بالخارج
عداك عن الإهانات وانتهاك الحقوق
كل فلسطيني بيرفض التوطين
وبيرفض كل المغريات الي بيقدموها الو
وبيرفض انو يعيش متل ما هي عايشه العالم
وراضي بالطريقه الي عايش فيها
عشان ما يتخلى عن جنسيتو ولاعن فلسطين
وأرضو الي طرد منها
هاي ما بتسميها تضحيه ؟؟؟

مش أحسن من بعض ناس قاعده جوا فلسطين
ومستعده تتخلى عن هاي الأراضي مقابل المغريات الدنيوي

حبيبتي
القبول بالإهانه خارج فلسطين
ورفض كل المغريات للحفاظ على هذه الجنسيه
التي والله بمجرد ما ينعرف انو هو فلسطيني
فقد ابسط الحقوق
ما بتعتبري صمود ؟؟

عداك عن مواجهة صعوبات حياتيه
لا أرى انها تليق بأن يعامل بها انسان على وجه الأرض
كل هذا قبل به المغترب الفلسطيني والآجئ على وجه الخصوص
ورفض التوطين
بمقابل الحفاظ على ارضه
وعدم التخلي عنها
وإيمانه بعودته وان لم نعد نحن
فبتمسكنا بحقنا نضمن
ان شاء الله عودة الجيل الذي يلينا

برجع بقولك
منقدر تقدير عظيم
الي بيقدموا اخواننا الفلسطنيين المخلصين في الداخل الله يقويهم وينصرهم ويحميهم
الله يفرجها
مشكورين كلكم :)

[.:.!دموع الرحيل!.:.]

هلا بأنين هلا
العفو حبيبتي
نزلت ردي وما كان ردك نازل بعد ما انتبهت للي كاتبتي
الله يحميكي ويعزك
وبحييك على طريقة تفهمك
بالنهايه القضيه مسيرتها وحده
وكل الي بيحبو فلسطين من قلبهم وبأخلاص زيك
رح ييعرفو يقدرو كتير منيح الي انحكى
تقبلي مني أرقى تحياتي يا عسوله
واقبلي ورداتي :s (43): :s (43): :s (43): :s (43): :s (43): :s (43):

[aBo SaLeeM]

كلنا شعب واحد والله يجمع صفوفنا يارب

[.:.!دموع الرحيل!.:.]

آمين يا رب
أخي ابو سليم
مشكور لمرورك

[بو هبه]

أنين الله يبشرك بالخيير اسعدتيني



تقديري واحترامي لكي وللكل



سلاامي

[أنين]

أختي العزيزه دموع الرحيل لكي مني كل الأحترام وتقدير ...........

أخي الصغير بو هبه (( أحنا مو اتفقنا تسمع كلام الي اكبر منك يعني لازم تسمع كلامي وأنا حكي صح )) :ang20: هههههههههه بمزح خيووو :icon27: :icon27:

لك مني جل الاحترام والتقدير

[Twin]

ما بدي اطول عليكو بس بدي احكي انو بس يجي هاليوم الي نرجع كلنا على ارضنا وينقلعوا اليهود بنبئه نفكر بالموضوع ... ما تشغلوا بالكوو راح ترجعوووو على بلادكووو غصب عن عين اليهود .. ونحن اطيب شعب على وش الارض واظن انو كلكوووو عارفين ... الله يصبر كل واحد بعيد عن بلدووو ....

[.:.!دموع الرحيل!.:.]

هلا twin
آمين الله يفرجها
والشعب الفلسطيني أعظم شعب فعلا
والحمدلله على نعمة انتمائنا ونسبتنا لهالوطن العظيم والغالي
شكرا عالمرور
والله يقر عيننا جميعا ببلادنا

[Abu Shadi]

توته توته خلصت الحدوته ووصل الشنب لحتى العصفورة

[سارة]

انا بصراحه ما برجع على فلسطين غير اذا رجعونا على صفد يعني نرجع على مكان اخر بفلسطين مرفض
انا هلا قاعده بلبنان على بين ما يحلو القصه
بس خبروني اذا ارجعنا

[شـهيد]

شكراً اخي على هذا النقاش لا اعرف هل اقول بأنك أنت واخي بو هبه اقنعتوني أم ماذا
شطرا اخي واختي دمووووع الرحيل لك مني كل الشكر

اختي انين.... اكيد هيك رح بتكون ردة فعلك لانه انتي فلسطينية.. وحب فلسطين بدمك وما رح يتغير هالشي ابدا...تحياتي اختي الكريمة...


انا بصراحه ما برجع على فلسطين غير اذا رجعونا على صفد يعني نرجع على مكان اخر بفلسطين مرفض
انا هلا قاعده بلبنان على بين ما يحلو القصه
بس خبروني اذا ارجعنا

اختي سارة ما فهمت ليه هيك بتقولي،،،انشاء الله بس بترجعي بترجعي على بلدك بس كمان اي مكان في فلسطين هوي بلدنا وبضل احسن مناي مكان احنا ساكنينه برة فلسطين...هاد هوي رأي...
تحياتي ....

[.:.!دموع الرحيل!.:.]

شو اشبك يا ســارة ؟؟؟

فلسطين كلها وطننا ،، بس نحنا كمان قلنا انو كل واحد برجع ع دياره إن شاء الله بعد ما نخلص من الصهاينه

أما لو الواحد يخير بين انو يقعد وين ما كان بوطنو
او يستنى برا لبين ما تنحل القضية
لا طبعا لا
انو اكون بوطني وبقدم الو ويضحي مع شعبي
هو الي لازم اختارو ويختارو اي فلسطيني
والا ما منكون اصحاب قضيه

وانتي يا سارة الي لازم تضلي تتابعي أخبار القضية
مش (خبروني اذا رجعنا)
وتدعي لوطننا وانتصار ابناء شعبنا ...
الله يبارك فيكي حبيبتي نورتي :):s (43): :s (43):