ماذا لو قال لك شخص اكرهك؟؟؟؟

[وليف الدمعة]

ماذا لو قال لك شخص اكرهك؟؟؟؟ ..


--------------------------------------------------------------------------------
ماذا تفعل لو قال لك شخص انه يكرهك ..؟؟؟
لو جاءك انسان فجاه وقال لك انه يكرهك ما هو موقفك ؟؟
هناك من سيغضب ،، أو يحقد على هذا الانسان ،، ومنكم من سيتعجب من جرائته ولن يصدق ما يسمعه ،، وبعضكم من الممكن أن يطنش الموضوع ولا يهتم فيه ..
او انه كان الشخص هذا مقرب منه
ايش بتكوون رده فعلك هل تعتقد انه الحب ممكن يعود بعد هذه الكلمه!!
و اتمنى اعرف أنتم من أي فئه من هذه الفئات؟
مع خالص تحياتي لكم

[ريما الفلسطينيه]

عادي بكل بساطه بحكيلو في ناس غيرك بتحبني

ما خلصو الناس:icon31:

[بنت الرملة]

انا حنصدم كتييييييييييير كتتتير حضل افكر انو انا شو عملت ؟؟؟ معقووول اقرب الناس إلي او الشخص المهم نسبالي يحكيلي هيك ..حفكر منيح سعتها إزا انا عملت لهاد الشخص إشي اكيد حضل اشوي اشوي لما اتأسفلوا بس مش بطريقه مباشرة لأنو انا مش من النوع إلي بحب يحكي أسف مابعرف ليش بستحي احكيها ..بس إزا انا ما عملت لهاد الشخص إشي وفكرت منيح وعنجد طلع اني ماعملت إشي سعتها الكلام كلو بتغير انا من النوع إلي بضلي ساااااااكته إزا حد آذاني وبقهرواا بسكوتي بس بضل حاطه ببالي انو حيجي يوم ويرجع زي أول ويحس على دموو سعتها بورجي العين الحمراههههههههههههههههه لا والله المشكله اني سعتها بحزن على الشخص...وشكرا الموضوع اكتيييييييييييير عجبني

[ABU-NOUR]

اذا كنت انا الغلطان وفي سبب وجيه يكرهني بشوف حل لهي المشكلة
اما اذا هو اجا علي مزاجه انه يكرهني مع الف سلامة وبندعيله الله يهديه
واذا انا كمان اكرهتو وهو كرهني عادي بيصير امر طبيعي
[line]

[حكيم فلسطين]

بصراحة
لن يأتي لك شخص يقول لك اني اكرهك من الطريق
الا اذا كنت اما ان اكون قد فعلت له شيئا خاطئ
او ان اكون لم ااتي على هواه
وهذا ليس من ذنبي
ولاكن عندما ياتي لي ويقول لي اني اكره
فهو الافضل
لكي اعرف ماذا افعل وماذا اقول عندما اراه
وليس يكون يكرهني في ظهري ويقول عني كل الاشياء وفي وجهي يكون يمدح بي
ولاكن سأحاول ان اصحح السبب الذي جعله يكهرنر
لاكن لايكون على حساب شخصيتي وطبيعتي
وطبعا في الاخر
الله لايجعل حدا يكره حدا
ويعمم المحبة في الاراضي

ويسلمووووووووووو على الموضوع

[بنت عكا]

اكيد مش راح يقلي بكرهك من دون اسباب بالنسبة الي راح اعرف شو هي الاسباب الي دفعتو لهذا الكلام

واذا انا كنت مخطئة بحقو وقتها لا حول ولا قوة الا بالله

اما اذا ما في سبب مقنع يزحط يكرهني يكرهني شو هو معيشني الله معووووووووووووووووو الي جابو بجيب غيروووووووووووووووووو

[خيـرَ أُمـة]

ححترم صراحتو

تحياتي

[بنت الشرق]

انا مع الاخوة في بعض ردودهم ..
فعلا سأحترم صراحته ..واحاول أن أعرف لماذا هذا الشعور
فالكراهية لن تأتي من الباب للطاقة فلا بد من سبب وجيه
وربما أكثر من سبب ....
حيث أن خطأ واحد بحق هذا الانسان لن يؤدي الى الكراهية
ممكن الى انه ياخد على خاطره أو يزعل شوي ..ومع توضيح النوايا
والمقاصد ستعود المياه الى مجاريها..
ولكن كلمة أكرهك ...فأعتقد انه سيكون فعلا مجروح مني وجرح كبير
سأبحث عما جعله يشعر هكذا وأغير من نفسي ان كنت غلطانة
واذا كان ولا بد سنفترق بأقل قدر من الكراهية
وشكرا على الموضوع... لقد جعلتني أقف مع نفسي لبعض الوقت

[وليف الدمعة]

اشكركم جزيل الشكر احبائي علي مروركم وردودكم الطيبة والرائعة
دومت دائما ودامت حياتكم وايامكم كلها هناء وسعادة مع احبائكم واصادقائكم
الله لا يجيب الزعل ولا الكرة بينكم
مع خالص تحياتي لكم

[شمس العروبة]

اكيد رد فعلى بيتوقف على علاقة هذا الشخص بية

ادا كان مقرب وبيعنى لية الكثير او ان علاقتى بية علاقة عابرة

اذا كانت علاقتى بية قوية هانصدم اما اذا كانت علاقة عادية مش هارد اصلا علية لانة مابيهمنى

مشكووور

[ابو فوزي]

اشووووووو بتكوول يا ابني

حدا بيجي يكول لابو الفوز انا بكرهك :icon6:

اه وليش لا اهذيك المرة اجت وحده من النسوان

واشترت من عندي كيلو بندورة

من الكيلو طلعت بندورة وحده امش مليحة

واشووو هااظ هاي اجت وقلبت المحل كلوووو

كال ابتحكيلي اشوووووو هااااااااظ يا ابو فوزي

عزيييش شو هالبظاعه هاي

اولله انا ابديش اشتري من عندكم واسا ابدي المصاري :icon6:

وانا بكرهك وبكره بظاعتك!!

ابس اذا تكرر اهاظ الموقف

نفس الاشي بكول

" اصلا مين معبر رأيك ..
اذا ااتتك مذمتي من ناقص فهي الشهادة باني كامل"

وبقلو يلا وروح والله معك :showoff:

يثلمووووووو ع الموضوع

ابس نصيحة مني

الي ابحكي معك وكأنو امش ايف حدا كدامو
امتعبروش واثبتلو انه انت مش شايفو
ابيييي لو تعملو هيك رح يفقع :icon11:

يثلموووووووووووو :s (43):