سؤال للمشرفين والمدير العام

[احلى رورو]

انا حابة اسالكم سؤال

انتو ليششششششش كل موضوع بحطو بتلغولي اياه بعد شوي

اي حتى توقيعي رحتي قمتو الاغنية منو انتو ما بدكم اياني بالمنتدى بطلع وما برجع

بس ما اضلو تمحولي مواضيعوو وازا كمان مرا بتلغو انا مش راجعة بالمنتدى

واتشرفت بمعرفتكم

احلى رورو

[ريما الفلسطينيه]

شو مااااااااااااالك توقيعك متل ما هوي
خلص ما تزعلي
احنا ما قلنا هيك
بس انتي حطي مواضيع حلوه عشاان ما نحذفها

و بعدين تعالي لهون حد بحط توقيع مكتوب فيه عاشقه مصطفى كامل!!!!!!!!!!!

عاشقه الاقصى ..عاشقه القدس..عاشقه فلسطين ..غزه..حماس ..فتح عاشقه اي شي تاني
مش مصطفى كامل....صح ولا لأ!

[بو هبه]

رورو روقي يا بنت


شو تطلعي ما تطلعي علىكييفك الشغله http://www.shabab.ps/vb/images/ehdaa_smilies/eh_s(5).gifhttp://www.shabab.ps/vb/images/ehdaa_smilies/eh_s(5).gif


ولك عاادي انا اليوم انحذفلي موضوعيين مش مكررين


بس ما بيتطابقوا مع القوانين


هههههههههههه مش تروحي تزفي

ولا انتي منورانا والله


ويلا طيري وابدعي بربووع المنتدى


سلاامي لكي

[شذى الياسمين]

ممم رورو ياهلا فيكي
بس انا ما بتوقع انهم ما بدهم اياكي
الى بتوقعو انو في قوانين معينة
بتمنع مثلا وضع مواضيع معينة
او ممكن يكون موضوعك مكرر
وموجوده بهالقسم

http://www.shabab.ps/vb/forumdisplay.php?f=60
وبالنسبة للتوقيع الاغنية ممم ممكن لانو في موسيقي
وهالشي كتير مزجع ممكن يكون
مابعرف ممم

[احلى رورو]

يا حلووووووووووة في اشي اسمو الحريه الشخصيه صح

يعني انا بكتب اشي ما بدي


بس لحدود الادب يعني انا لما كتبت عاشقة مصطفى كامل شو فيها كفرت لسمح الله

حبي للاقصى وللرب بقلبي ما بعلنها وازا بدي اعلنها بعلنها

بس انا حرا بتوقيعي يعني ازاااااااااااااااا كتبت عاشقة مصطفى كامل بكون كتبت اشي مبارح او اشي خارج الشرع والدين

بعدين انتو لغيتو مقطع صوتي حاطتو بتوقيعي على الريال بلير ممكن اعرف ليش

وانا خلص قربت اطفش من المنتدى لانو بتعب بمواضيعي بالاخر بتلغوهم

مع احترامي

[ريما الفلسطينيه]

اوك انا ما اتعديت على حريتك
حريتك على عيني وراسي و انا ما قلت انك كفرتي
حبي للاقصى وللرب بقلبي ما بعلنها وازا بدي اعلنها بعلنها
بعرف انك بتحب الله و بتحبي الاقصى
بس انا شايفه انك فضلتي تعلني حبك لهيدا المغني على انك تعلني حبك لفلسطين مثلااااا
وبالنهايه انتي حره بكل شي بتعمليه ....لانك عاقله و بتفهمي
بس انا حبيت اعلق على هالشي ...

[احلى رورو]

شكرا حبيبتي خلص انسيني اطلعيني من راسك

[~ | Mazaj]

اختي احلى رورو ..

انتي رح تنحشري مع يلي بتحبي .. كلنا بنحب ربنا ثم الأقصى .. وهاد اكيد والحمد لله ..

بس لكن لازم تطبقي يلي بقلبك ..

وحبك لمصطفى كامل يعتبر خارج عن حدود الشرع .. بعدين ما تنسي انو الاغاني حرام ..

وحريتك الشخصية بتتوقف عند حرية الاخرين ..

واكيد بدنا ياكي .. لكن الاخت المتدينة ..

واهلا وسهلا فيكي

[ريما الفلسطينيه]

شكرا حبيبتي خلص انسيني اطلعيني من راسك

ليش حبيبتي ...انا اصلا حطاكي براسي عشان اطلعك منها!؟!!

[احلى رورو]

هيك انا شايفة

[ريما الفلسطينيه]

طيب اوك ....شوفي منيح المره الجايي
وما تخافي انا ما بحط حد براسي

[بو هبه]

تايم اوت


بالله عليكم مافي عندكم اشي اسمو نقاااش



اي كل وااحد خلقوا بمنااخيروا


في اشي اسمها الرووح الريااضيه



والله عجب انتو يا بناات ههههههههه



وبتمنى كل وااحد ما يعصب


وتتفهموا بعض


يا رورو انا تلغالي موضوع قبل شوي كاان في نغماات لفيرووز



وما قلت بدي اطلع من المنتدى


في قسم خااص بتستفسري منو على كل شاارده ووارده

وانا رحت استفسر لييش اتلغى الموضوع كاان الرد

هوه كالاتي هوتي هوون

http://www.shabab.ps/vb/showthread.php?t=20976


وريما ما قصدت شيء اختي رورو



وانتو اخواات بالاسلاام وبناات بلد وحده صح ولالأ




سلااامي لكن

[نـوّارة]

..no comment

[gold_quest]

السلام عليكم ورحمة الله


اختي رورو .........قبل حكيتلك استفسىي عن سبب الحذف واذا كان حد ظالمك احكي



اختي فالله كم موضوع وضعتي اليوم وكم واحد منهم انحذف



اعتقد بس المواضيع المخالفه


انا اهديتك انشوده ممكن اتردي على الموضوع


http://www.shabab.ps/vb/showthread.php?t=20937


صحيح حريتك الشخصيه ضمن قوانين المنتدى ولك جزيل الشكر

وجزاك الله خير

[محمود]

السلام عليكم ورحمة الله وبركاته

اختي الكريمة ،،

أنا صرت باعتلك رسالتين خاصات بموضوع الاغنيــة ،،

لكن ما رديتي عليهمــ سامحينــا طبعــا ..

لأنه شروط المنتدى ما بتسمح بتواجد اغاني أو مواضيع الاغاني في المنتدى ..

مواضيعك الي حذفت اختي ،، كانت عبارة عن مواضيع للأغاني ،،

يعني ماوضيع مخالفة لشروط المنتدى ..

وفيك تفوتي هون مشان تشوفيهمــ ..


http://www.shabab.ps/vb/rules.php


و اكيد انتي مقدرة هاد الاشـــــــــي ،،

وشروط المنتدى لازم تمشي عليا انا شخصيا محمود لأي عضو موجود في المنتدى ..

لانو المنتدى بلا شروط اكيد راح يفشـــل ،،

تواجدك معنا اختي بسعدنا ،، وما تفكري انو احنا ما بدنا اياك ..

بالعكس احنا بنتمنى تستمري معنا .. ونستفيد منك وتستفيدي منـــا ,,

وبالعكس انا مش حاطط ضدك ولا اشيــــ ..

لكني بلتزم بشروط المنتدى ..

وما تاخدي ع خاطرك منـــــــــا .,

والسلام عليكم ورحمة الله وبركاته ..

[وجه القمر]

ههههههههههههههههههههههههههه

واو شو عصبيات البنات والله شايفها مولعة


خلينا بعاد

[الورده الحمراء]

روئو يا صبايا انتو التنتين حلوين وعلى راسنا ومواضيعكم حلوه وانا فرأت من مواضيعك يا احلى رورو وفيها كتير عجبني خليكي معنا احنا كلنا اسره واحده نسعى للرقي بالمنتدى واعطاء وجهات النظر ما لشيء الا للمصلحه وتحياتي للجميع

[احلى رورو]

ךףמרוי ריונהי יעיה לעה הרימריע, דלה,ד,