هل تشتاق للماضي كثيراً ؟ ... إذاً أنت غير سعيد بحاضرك

[وليف الدمعة]

كـ أن تشتاق لأيام الطفولة

أو أيام الثانوية

أو أيام بيت الأسرة

أو أيام ما قبل الزواج

كثير الاشتياق

حتى تحس أحياناً بحالة من الحزن و الغم على تلك الأيام الحلوة

لكن ...

قد يكون هذا أكبر دليل على عدم تأقلمك مع وضعك الراهن

و أنا تمنيك العودة إلى الماضي برهان على واقعك الغير سعيد



فإلى أي مدى تتفقون مع هذه القاعدة ؟

[محبة الأقصى]

انا ما بشتاق للماضي بالمرة
ولا بشتاق لطفولتي ...لانها كانت طفولة مش حلوة :icon5: للاسف
وما بشتاق للمدرسة ....لاني ما خلصتها ....لسه جاي على الشقى والتعب
توجيهي = توجيعي:icon5: :icon5: :icon5:

خلص الماضي راح بحال سبيلو
خلينا بالحاضر والمستقبل وان شاء الله بكونو احلى

[شـهيد]

انا كمان ما بحب الماضي مع انه كان في لحظات حلوة...بس بصراحة بكره ايام زمان كتييييير...

شكرا إلك اخي

[سارة]

انا ببصراحه بحن لايام زمان بس لحتى يرجع لبنان متل قبل
او بحن لايام الثانويه بكل ما كان فيها من عناء لحتى التقي بصديقاتي

[dody]

انا بحن كتير لايام الماضي
و طفولتي اللي عشتها بابوظبي و كانت احلى ايام عمري و ما بخفي عليكم شي انو بتمنى ارجعلها
بس هاد هوي الحاضر و مافينا نخفيه

شكراا عالموضوع

[وليف الدمعة]

اشكركم كثير احبائي علي ارائكم وكل الاحترام للردودكم الرائعة وانشاء تكون ايامكم ومستقلكم مليئ بالسعادة
مع خالص تحياتي لكم جميعا

[ابو جروح]

الي ما اله ما ضي ما اله حاضر بس احيانا الواحد بيشتاق للماضي واحيانا ما بيصدق وهو ينسى الماضي
وبس

[صمود]

جدا جدا بشتاق للماضي ......... لانه الماضي دائما يكون احلى بكل ما فيه بحلوهي وبمرهي اجمل بكثير من الحاضر .......................... ربما لانني كنت طفلة ولا افقه شيئا من الامور حولي
على كل حال يا رب تكون ايامنا الحاضرة والجاية حلوة وخير وفيها سلام وسعادة للجميع ان شاء الله

[ayman]

غياب طال شهور عديده عن قلم ساكن
مساء عمته البحار بنسيمها ودموع تحلق بنعيمها وعمق للمصير لا مراد له
انطفأت ساحة الغربة منذ اللقاء واكترثت الافكار طريقها
مجد لا يليق بقلم صغير وقلب ميت عاش لكي يدوم
كلمات قطفت من البعيد لنلقيها بحاضر غريب على اوتار القريب

من يصدق ان للحاضر مكان وان المستقبل موجود باي مكان
ساحة كبيرة نلعب بها بنغمات بسمات تلاحقها ضحكات هاتفه
هتفت بسماع ما اقول ونطقت بما اريد حتى ان ازول
رياح صارمة ببرد قارص لا تدفأه غير الدموع الحاره من الاعماق
غربة مجتمع ووحده قبلة لاحضان المستحيل
نعتلي الزمان بآمال نتمنى ان تعود
ولكن ستكون امل لكي بالفعل نعود
نظرات تملأها الفرح
وقلب لا يحمل الا تلك العيون الحزينه
عاشا على ملىء امواج تغدو بنا حتى اخر مشوار بلا نهاية

متى سنوقض احلامنا من حلمها ونحلم بما يجب ان نحلم به
سؤال حيرنا جميعا ولم نجد له غير الاحلام لتكون جواب لذاتها
ساحة غريب بين عالم معرفة كبير المعاملم
هل هناك من يدلني باحساس ؟
فليست الحروف التي تجدي لنا طريقا

[Banbon]

اول شي بس بدي قول للأخ ايمن ........وين هالغيبه ؟؟؟
منور اليوم ....انشالله على طول هيك

و تاني شي... انا لا اشتاق للماضي ابدا .........و امنيتي اني انساه و ارتاح
و انا هلأ مبسوطه اكتر .... و بتمنى انه يكون مستقبلي احلا و احسن ياااا رب

و اكيد كل شخص بتختلف نظرته للماضي او للحاضر حسب التجارب اللي مر فيها و حسب حياته
...و بس

يسلمو ايديك عالموضوع ...حلو كتييير

[عاشقة فلسطين]

اولا شكرا على الموضوع الجميل
ثانيا اذا بدي اتكلم عن نفسي انا بشتاق للماضي من ناحية اني كنت اشوف أهلي واني كنت بفلسطين حتى لو كانت أيام معدودة
ولكن لا اتفق معك في انه الي بيشتاق للماضي اذا الانسان غير سعيد بالحاضر ، ممكن يكون بمنتهى السعادة بس لازم يشتاق ولو للحظات للايام الماضية لانها هي الدافع للوصول للي ما هو عليه الان .
وشكرا مرة ثانية

[وليف الدمعة]

في الحقيقة اشكركم كثير علي ردودكم الرائعة واتمني ان يكون حاضركم اجمل واسعد ومستقبلا مليئا في تحقيق احلامكم وطموحاتكم الجميلة .
لكم مني مودتي وخالص تحياتي

[wa6n]

موضوع حلو كتير..

انا شخصيا كتير بحن لايام الطفولة, بس مش معناتو انو هلأ مش مبسوطة بحياتي ..
او بحن لايام اللي كانت احسن من هلأ..
بس الانسان بتمر عليه لحظات بحياتو اللي بكون مضغوط متلا او الامور متثاقلة عليه شوية فبصير يحن للماضي..

وفي شغلة بامن فيها وهي من ليس له ماضي ليس له حاضر يعني الانسان دايما لازم يفتخر بماضيه حتى ولو كان يحمل الاسى والحزن..

[وليف الدمعة]

اشكركم بشدة علي المرور الطيب والعطر
مع خالص تحياتي لكم

[Bent Palestine]

وبالنسبة الي مو كل شي بالماضي بحب اتزكره أو ولا شي بالماضي مابحب اتزكره
يعني اللحظات اللي مابحبها بنساها
واللحظات الحلوة بتضل معي
ويسلمووووووووووووووووووووو ع الموضوع الحلوووووووووووووووو

[وليف الدمعة]

يسلماو كثير بنت فلسطين علي مرورك الطيب والعطر وانشاء الله حاضرك بيكون اجمل ومليئ بالسعادة
مع خالص تحياتي