تم منع الرسائل الخاصة عن كافة الاعضاء ..

[محمود]

السلام عليكم ورحمه الله وبركاته ..

أحبائي الاعضاء ..

بعد التشاور مع المشرفين العامين ..

تم منع الرسائل الخاصة عن كافة اعضاء المنتدى ..

وذلك لكثرة المشاكل ،، والشكاوي التي حصلت منهــا ..



وللتواصل معــي ،، يوجد منتدى الدعم الفني ،،

لا يشاهد المواضيع الا المدير العام وصاحب الموضوع فقط ..

ودمتم بخير ..

واي تعليق الرجاء الكتابة هنــا ،، وانا تحت أمركم ..

[anos]

ur .. Ok

يعطيـــــــ ــكــ العاافية

[محمود]

تسلم انوس ،،

الله يخليك يا ورد ..

[AnGeLa]

شوووووووووووووووووووووووووو !!

لا أنا مش موافقة .. ما بـــــــــــــــــدي ..

طيب افرض بدي ابعــت رسالة لصحبيتـــي ..

شو اعمـــــــــل ؟؟

ما بــــــــــدي أنا بحتـــــــــــــــج

[محمود]

راح اعمل تصويت ..

ويا أنجيـــــــــلا ،، صدقيني أحب ما علي اني اشوفكم مبسوطين ،،

لكن الموضوع مش سهـــــــــــل ..

والقرار قراكم ،، لأنو المنتدى منتداكم ..

ودمت بخير

[AnGeLa]

نأسف لا يمكنك ارسال رسائل جديدة قبل 16000 مشاركة لديك الأن 5010 مشاركة
الإدارة.

يمــا على الخبــث ! هدول شو ياللي بدو يوصلني ياهن !!! طيب قللهن عشان اوصلهن :icon11: :icon11:

طيب خــــلص .. ما دامها في مصلحة المنتدى .. مش حعترض ^__^

[محمود]

ههههههههههههههههههههههـ

لا والله اعملت هيك مشان امنع الكل عن الارسال ..

لانو في رسائل ادارية بتوصل لو بدي امنعها بشكل كامل ..

ما رح يشوفها العضــــــــــو ..

فحليتها بهيك موضوع ^^ ..

[بيســان]

السـ عليكم ورحمة الله وبركاته ــــلام

بداية .. كنت أعتبر الرسائل الخاصة وسيلة للتواصل بين الاعضــاء

ربما لأنني مشاركة بمنتديات فلسطينية اخرى ... جميعهــا تمنع الرسائل الخاصة

لذلك كان شباب فلسطين برأيي يبفرد بهذا الخاصية

على الرغم من اني حزنت على ذلك .. بس لا عليك مش مشكلة .. الافضل لمصلحة المنتدى اعملـــه

دمتم بود جميعــــاً

[ابن جباليا الصمود]

وانا يا محمود مش موافق لانها وسيلة للتواصل بين اصدقاء المنتدى


وتسلم

[عاشق الحرية]

السلام عليكم

ما ترونه مناسب فأعملوه ولكن تابع الملاحظة


ملاحظة صغيرة : على ما اعتقد لا داعي للاستفتاء اعلاه ما دام العملية لمنع الرسائل قد تمت فأنه لا فائدة من هكذا استطلاع

دمت بحفظ الرحمن ويعطيك العافية
حياكم الله ويعطيكو الف عافيه على مجهودكم

دمتم بخير جميعا

[القسامي أبو عصب]

لا عيب في الأمر و لا حرج عليه .. يا إدارتنا الغالية : أي أمر ترينه مناسبا لا تترددي في تطبيقه
و لكن بإمكاني الافصاح عن رأيي .. من الجميل جدا التعارف على الرسائل الخاصة خاصة و تكون هناك نوع من السرية و بالامكان تبادل البريد الالكتروني و ذلك نظرا لمنع إدراج البريد الالكتروني خلال المشاركات
ولكن .. هذه مهمتكم .. و هذا عملكم .. و هذا اختصاصكم .. و نعلم أن من أهم أهدافكم اسعاد الإخوة الاعضاء .. و نحن نثق بكم .. فما ترونه مناسبا نفذوه

[هلــون]

الي بناسبك اعملوا ..

[gold_quest]

السلام عليكم ورحمة الله



انا ما عندي مانع .............والاشي البناسب المنتدى بناسبني


اخوكم جولد

[ياسر]

انا مش موافق يا محمود
الله يخليك كيف بدنا نتواصل مع بعض

[ياسر]

انا مو موافق

[عاشق الحور]

المصلحة العامة تغلب على الخاصة

محمود ////// Go On

[فلســـ جريح ـــطين]

نو انا مش موافق

[ريما الفلسطينيه]

وانا مش موافقه

؟؟؟؟؟؟؟؟؟؟؟؟؟؟؟؟؟؟؟؟؟؟

16000......من وين هدول بدنا نجيبهم

[فلسطيني وافتخر]

16000 الف مشاركه خخخخخخخخخخخخخ

لما ينور الملح بوصلهن ههههههههههههههه

يسلموووووووو

[Abu Shadi]

ههههههههههههههههههه مش مشكلة اصلك منعها عني من زمان هههههههههههههه
ما افرقت يعني امر طبيعي خيو توكل علي الله واشتغل رقاصه ههههههههههه

[dody]

انا مش موافق ياخي بلكي الواحد بدو يبعت رسالة و بعدين اسمها رسالة خاصة
كيف بدك تمنعها
و الاول و الاخر الامر بيرجع لالك محمود انت قرر
و شوف شو بدك تعمل

[نسرينا الفلسطينيه]

أنا موافقه ،،

من زمان كنت حابه هالشي يصير،،،

يعطيك العافيه محمـــــــــــــــــــود:)

[o0o عاشق الشهادة o0o]

هذا احلى قرار

الصرارحة الواحد مرات بينصدم لما يعرف شوية حاجات

لهيك المفروض من زمان ينمنع الرسايل الخاصة

[ZaMorANo]

انا مع وان شاء الله ما تنمنع ..

[o0o عاشق الشهادة o0o]

انا مع وان شاء الله ما تنمنع ..

شو هالنفاق هذا ههههههههههههه

[شهد الحياة]

انا موافقه ،،

يعطيك العافيه محمود ،،

[صدى الصمت]

انا موااااافقة 100%
محمود ماعليك سوي اللي بمصلحة المنتدى
والكل معك ولا يهمك
خلص احنا موافقين
صح؟؟؟؟؟؟؟؟؟؟؟؟؟

[o0o عاشق الشهادة o0o]

ما صدقوا البنات

[شهد الحياة]

ما صدقوا البنات

؟؟؟؟؟؟؟؟ :icon9:

[لمسة وردة]

انا الصراحة الصراحة اسفة يا محمود
انا مش موافقة
على الاقل يا خيو محمود سويها 500 او 1000 لانوا الصراحة لو بدي انتحر ما بوصل16000والمدارس كمان على الابواب يعني في المدة الي قبل المدرسة ما بقدر اوصل هالرقم
يعني خيو محمود بلييز ارحمنا
او حدد عدد الرسايل في اليوم يعني 4 او 5 او حتى 3 او 2 رسايل في اليوم
بليز بليز لاتمنعهم لانهم كتير مهمين في اعتقادي
ويسلموا و في الآخر القرار بعود الك
مع تحياتي الك
لمسة وردة

[هلــون]

في شي غريب عندي .؟؟؟؟؟

بدي تفسير

[نرمين]

يعطيك الف عافية اخ محمود

كل شي فيه مصلحة للمنتداتنا الغالي فاعمله

واحنا معااااااااااااااااااك بكل خطوة تعملها من أجل مصلحة المنتدى ( كم منتدى عنا _ هو واحد فيش غيره)

دمتم بخير وسعااااااااااااااااااادة

[ريما الفلسطينيه]

اعملو يلي بريحكم
بس انا مش راضيه

[زهرةاللوتس]

أخي محمود انا مع اي قرار في صالح المنتدى بس .....

ما في اهداءات وما رسائل خاصة كيف ممكن أتواصل مع باقي الاعضاء

تقبل فائق احترامي .................

[محبة الأقصى]

بصراحة محمود ..انا مش موافقة...:icon7:

وحاسه هاي الشغلة فيها ظلم النا...مع اني ما بستخدم الرسائل الخاصة الا نادرا ومع بعض الاعضاء
بس هادا ما بمنع انو الرسائل الخاصة تكون شغالة عندي

طيب افرض انو الواحد بدو يطلب مساعدة من احد الاعضاء ..كيف بدي يحكيلو من غير وجود الرسائل
او ازا انا حابة اتعرف على حدا من الصبايا كيف بدي اقلها :b:



انا معترضة على هذا الاجراء :icon28:

بس في النهاية انت صاحب القرار ...واعمل اللي فيه مصلحة المنتدى :smile:

[مغرمة فلسطين]

أنا رأي من رأي عاشقة الصراحة محمود أنا كل شغلي تبع المسابقة كان بالرسائل الخاصة يعني لولاها كان ما في مسابقة
يعني الصراحة أنا بحسها مهمة و بتفيد الواحد كتير
انا كمان معترضة على هادا الاجراء
لكن بالأول و الأخير القرار يعود لك انت و اعمل اللي بمصلحة المنتدى
و شكرا

[مؤيد]

أنا مبدئيا ً مع القرار ...

فعلا ً فيه أعضاء بستغلو الرسائل الخاصة ، بدال ما يتعرفوا على الشات بتعرفوا هون ....

لكن أن من رأيي أن يتم السماح بالرسائل الخاصة للأعضاء الموثوق فيهم من قبل محمود والمشرفين والذين يحوزون على ثقة عالية ، أما الأعضاء الجدد فلا يجب السماح لهم لذلك إلا بعد التأكد من اهدافهم وشخصياتهم .

أنا معك أخي محمود ، لكن بتحفظ ، وأرجو أن تضيف رأيي وفكرتي إلى أجندتك .

ولا ألف لا للإستفتاء ، هههههههه

[مؤيد]

قال 16000 ، ههههههههههههه

هادا معناتو لما أوصل لهذا الرقم بصير ختيار ، أو بورث العضوية لأحفادي عشان بعديها يعرفو يعاكسو من دون منع ، هههههههههه

[RiNoXE]

امضي قدما اخي محمود ...
اعتقد انها خطوه في صالح المنتدى بالرغم من سلبياتها الا انو المصلحه العامه تغلب على الخاصه ..
طبعا انا مع هاي الخطوه.

++++++++++++++++++++++++++++

لكن ...!؟؟ انا بدي اطرح سؤال مش عارف ليش خطر ببالي ..
الشباب لو حبو يتعرفو على بعض فالموضوع سهل.. من خلال البريد الالكتروني مباشره ..
لكن الفتيات في المنتدى لو حبو يتعرفو على بعض فما هو السبيل ... هنا اضع علامه استفهام كبيره ؟؟؟؟؟؟

ولك خالص احتراماتي .
^_^

[ZaMorANo]

اخي رينوكس مثل انا لمى بدي اصمم لفتات توقيع ..
كيف بدي اتفاهم مهعا على التوقيع واللون ..
مع الشكر ..
وثاني شي انا كيف اعرفت ايميلك ..
مش من خلال الرسال الخاصة ..
وانا ضد هذا الاقتراح ..

[RiNoXE]

فلسطيني الدم مشكلتك محلوله من خلال الموضوع الي اسمو طلب توقيع مجاني تتفاهم على التوقيع ..

لكن انا بحكي في مسأله الاخوات لما بدهم يتواصلو مع بعض ...
لانو من وجهه نظري البنات رح يتأثرو من هاي الخطوه اكثر من الشباب ..

اترك لمحمود الاجابه..

[حركة فتح]

انا بالنسبه الي موافق لانو يا محمود انت اصلا حاذفلي الرسائل من زمان
بالنسبه الي ما راح يصير اشي جديد

[ZaMorANo]

اخي رينوكس جاوب على السوال الثاني ..
انا كيف اعرفت ايميك .؟؟
مع الشكر ..

[بنت الرملة]

ياللللللللله حرام عليكو تلغوهم همي صراحه صراحه بعملوا مشاكل اكيد مع بعض الأعضاء
بس انا بتواصل مع بنات عمي لما بدي احكيلهم إشي خاص لأنو مش دايما بكون فاتحه الماسن وفي كمان صديقات في المنتدى وعن طريق الرسائل الخاصه ممكن نتعرف اكتر واكتر على بعض ويعني نكون صداقات جديده

[عاشق الحور]

أختي بنت الرملة ،،،،

اكيد ما حدا حابب يصير هيك ،، والكل مستفيد من الرسائل

بس انت بتعرفي انو المصلحة العامة أولى من المصلحة الخاصة

ودفع الضررين بأقلهمـا ،،،،،

مشان هيك ،،، انت معي أكيد ^_^

[بنت الرملة]

اه والله اكيد معك وفعلا المصلحه العامه اولى وفعلا والله ما بتعملوا اشي وما بتقرروا اشي إلا بكون عين العقل اكيد ..............:)

[عاشق الحور]

الله يكرمك أختي

[محمود]

ما تقلقـــو ..

ان شاء الله ما بصير الا كل خير ..

ازا مش اليوم بكـــرة ^_* ،،

غيمــــة وبتعدي

[~ | Mazaj]

ما بعرف شو احكي .. بس انتو طلبتو رأي الاعضاء ..

واخر شي بتنفدو يلي براسكم

احترامي

[قسامي غزة]

السلام عليكم
انا صراحة مش موافق علي منع الرسائل الخاصة لاني اعتبرها تواصل بين الاعضاء
وانا مش شايف منعها شئ صحيح

[إسلام سالم]

لالالالالالالالالا محمود

اعرف انه صارت مشاكل من ورا هالشغله

بس هي وسيله ممكن توصل فيها معلومه لعضو او راي او طلب و اشياء اكتيره اتمنى عليك ما تلغي الرسائل :)

[نسرينا الفلسطينيه]

اكيد ما حدا حابب يصير هيك ،، والكل مستفيد من الرسائل

بس انت بتعرفي انو المصلحة العامة أولى من المصلحة الخاصة

ودفع الضررين بأقلهمـا ،،،،،


بعد هالكلام ما في كلام برأيي

بتمنى من الجميع يتفهم :icon31:

[Bent Palestine]

محمود هيك مو منيح .. هاد غلط كبير لازم ترجع الرسايل
لان هاد الموديل مو حلووووووووووووووووو وانا معارضة الغاء الرسايل اوتي

[anything]

انا لاني عضو جديد المفروض يكون الي راي ، وانا ضد الفكرة ، وشايف الاعضاء كلهم ما عندهم راي محدد الجميع بيحكي المناسب اعمله ،وهذا المناسب ، وارجو من جميع اخوتي الاعضاء يكون عندهم مبدا واضح وراي محدد ، ولا تكونوا هيك دائما بدون راي .

[aamin]

:s (43):
من خلال اضطلاعي على ردود الاخوة والاخوات في هذه الصفحات
تبين ان هناك متضررين من موضوع منع تبادل الرسائل الخاصة
بين الاعضاء.وخاصة تواصل الاخوات فيما بينهن
والمعروف ان المشاكل التي تترتب على ذلك تقوم
الادارة مشكورة بالغاء خاصية الرسائل عن العضو المعني بذلك.
فهل وصلت المشاكل الى تكون ظاهرة عامة خطيرة ؟
ان كان كذلك فالمنع اولى . ولكن ان كانت الامور على مستوى
يمكن ضبطه وحرمان المتسبب في المشاكل من خاصية الرسائل
الخاصة فالاولى عدم منعها وقد تسبب المنع في عدم تمكن حتى
المشرفين من التواصل مع اعضاء المنتدى . فهذا تقدم له شكر
والاخر تشجعه على الكتابة والثالث يطلب منك تصحيح او استشارة
وهكذا فان منتدى اللغة الانجليزية قد تضرر من المنع لضرورة
التواصل مع الاعضاء والتفاهم معهم على الكتابات الادبية .

لذا آمل ان تجد الادارة الحل لهذه المشكلة وان تجد حل للمشرفين
للتواصل مع الاعضاء . وشكرا .

[محمود-87]

انا أؤيد منع الرسائل الخاصة وبكون اريح وما في الها هالضرورة
وسيائاتها صارت اكتر من حسناتها
وللا شو رأيكم

[محبة الأقصى]

يلا محمود ......وقتيش ناوي ترجع الرسائل الخاصة

عاقبتنا لمدة اسبوع خلص بكفي

يلا رجعهم

[عاشقة الليل]

شو هاد يا محمود

انا كتير بتواصل مع ناس على المنتدى

بس خلص اللي صار صار

بس انا مش راضية

[ayman]

بسم الله الرحمن الرحيم
اولا اخي محمود الرسائل ضرورية جدا للجميع ...واذا يوجد هنا اشخاص اساؤوا استعمال الرسائل الخاصة ...فما ذنب باقي الاعضاء .....وصدمت من بعض الاعضاء اللذين اشادوا بالعمل هادا وكأنهم فعلا لا يرغبون بارسال رسائل خاصة ...ولا ادري لماذا هم هكذا دائما .....او هم من اصحاب المثل الذي يقول ( الموت مع الجماعة رحمة ) .......او (حط راسك بين الرؤوس وقول يا قطاع الرؤوس ) ....
لا ادري متى سنصبح امة يعتمد عليها ...صاحبة قرار وراي سديد
اللهم اصلح شأننا جميعا ............

[محبة الأقصى]

بسم الله الرحمن الرحيم
اولا اخي محمود الرسائل ضرورية جدا للجميع ...واذا يوجد هنا اشخاص اساؤوا استعمال الرسائل الخاصة ...فما ذنب باقي الاعضاء .....وصدمت من بعض الاعضاء اللذين اشادوا بالعمل هادا وكأنهم فعلا لا يرغبون بارسال رسائل خاصة ...ولا ادري لماذا هم هكذا دائما .....او هم من اصحاب المثل الذي يقول ( الموت مع الجماعة رحمة ) .......او (حط راسك بين الرؤوس وقول يا قطاع الرؤوس ) ....
لا ادري متى سنصبح امة يعتمد عليها ...صاحبة قرار وراي سديد
اللهم اصلح شأننا جميعا ............

ايمن رأيك 100% وانا موافقتك الرأي
لانو البنات في المنتدى اكتر شي متضررين من منع الرسائل

[سارة]

يلا رفعت

[o0o عاشق الشهادة o0o]

شباب خلوكي معي

في ثغرة بالنسبة للرسايل الخاصة

الحين اكيد الكل عنده رسايل خاصة من اعضاء كان يتواصل معهم

اي واحد بدو يبعث لعضو من اللي هم باعتين اله قبل هيك ما عليه الا انه يعمل رد لرسالته ورح يستقبلها العضو هذاك ويرد عليها عادي

بتمنى تجربوها

ويا بخته اللي عنده رسايل من كل الاعضاء ههههههه

[RiNoXE]

ههههههههههههههههههههههههههههههههههه ههههههههههههههههههههههههههههههههههه هههههههه
>>>>>>>>>>>>>>>>>>>> رفعــــــت <<<<<<<<<<<<<<<<<<<<؛

والله انك فنـــــــــــــــــــــــــــــــــ ـــــــــان .. شباب ما حدا يحكي لمحمود .. ^_^

[هلــون]

هههههههههههههههههههههه والله انك رهيييييييييييييب ... جد ضبطت ... خخخخخخخخخخخخخ

[بنت الرملة]

ههههههههههههههههههههههههههههههههههه هههههههههه يخررررررررررررررررب شيطانك والله انك شطور كان زمان يارفعت فدتنا

[محبة الأقصى]

والله انك فالح يا رفعت......يعني بعد ما انا حذفت كل الرسائل اللي عندي

حضرتك غردت وقلت هالجوهرة

لو من زمااااااان حكيت
:icon5: :icon5:

[ريما الفلسطينيه]

ما شالله عليك ليش ما قلت من الاول

بعد ما حذفت كل الرسايل جاي تحكي
الله يسامحك ......عندي بس 3 رسايل:icon5:

محمود ما تخلينا نستخدم الاساليب العوجه
رجع الرسايل و ريحناااااااااااااا:icon28:

[هلــون]

هههههههههه عجبتني الوسائل العوجة .. :showoff:

انا ما عندي غير رساله لمحمود .. رح اهريه من كتر ما رح ابعتلوا لاخليه رجع الخدمة هههههههه:showoff: :showoff:

[Abu Shadi]

ولا ان بترجع الرسائل الخاصه بترجعها الي لحسن بطخك وبطخ كل واحد معك

[محمود]

اوك ،، تم ترجيع الرسائل الخاصة ،،

لكن يارفعت هاي مش ثغرة ولا اشي ،،

لانو انا لو بدي امنع عنك هاد الشي كمان بقدر ..

لكن حبيت الي كان عنده رسالة وما كان رادد عليها يكفي مووضوعه مش اكتر :) ،،

بس بتمنى تكونو على قدر المسئولية ،،

[مغرمة فلسطين]

يسلموووو
محموووووود ثانكس

[هلــون]

مرسييييييييييييه .. محمود

[محبة الأقصى]

يسلموو محمود ..غلبناك

[دلوع الشام]

انا اؤيد دالك وربي انا اول واحد بئيد هادا شي ولازم يمنعو ارسائل الخاصة

[خريف فلسطين]

:icon28: :icon28: :icon28: :icon28: لا

[khader]

شكرا شكرا شكرا شكرا شكرا

يا احلى محمود في الدنيا

[محمود]

شكرا للمشاركة

واعطاكم الله ما تمنيتم من خير

وعافاكم من الشرور وطغو الشيطان

ودمتم بمحبة الله

[aBo SaLeeM]

تم منعهم على الاعضاء والمشرفين ولا بس الاعضاء

[منار إبراهيم]

طيب ايه فايده الاستطلاع لما القرار اتاخد خلاص

سؤال بس بغض النظر عن رايي

[براءة]

له له له والله ظلم ناس عندها رسايل خاصة وناس تشرب البحر يعني

طيب احترمونا شوية علشان نتفاهم بس ولا ما في طاولة مفاوضات عندكم :icon9:

لازم ارفع شكوي للحكومة الفلسطينية تاخدلي حقي:showoff:

[محمود]

السلام عليكم

يا عمي تم ارجاع الرسائل الخاصة من زمان

والموضوع مغلق ^^