يا طخه ...يا اكسر مخه !!!! [الأرشيف] - منتديات شباب فلسطين

المساعد الشخصي الرقمي

مشاهدة النسخة كاملة : يا طخه ...يا اكسر مخه !!!!

Banbon

07-20-2006, 01:19 PM

عاشق الحور

07-20-2006, 01:21 PM

ههههههههههههههههههههههههههه

NO Comment

بس على فكرة العنوان حلو ،،، وأنا من رأيي طخوووووووو

Banbon

07-20-2006, 01:35 PM

يا هلا عاشق الحور ....... نورت .......

يا ريت نطخو و نخلص والله

:icon31: و شكرا كتير على مرورك :icon31:

alaa_sabbah

07-20-2006, 02:03 PM

هههههههههههه
بان بون بدري عليكي
بعدين وين الكبت مدامك على النت هلا
يلي صحلك ما صح لكتير غيرك
احمدي الله

Banbon

07-20-2006, 03:34 PM

ممممممممم.......والله معاك حق يا علاء:icon9:

بس برضه بشكل عام في((( عنصريه ))) ...
و الوضع مو عاجبني ....و بدي حل :icon9:

:wacko: مع اني عارفه انه ما في حل:wacko:

ابو جروح

07-20-2006, 08:59 PM

يا ماما يا دلوعه اصلا لازم البنت الي اهلها بيحاكوها وين رايحه وين جايه هدول اكيد بدهم مصلحتها مو اكثر وعلى شان هيك البنت الي اهلها بيسألو عنها لازم تفرح مو تزعل على شان اهلها بدهم مصلحتها وما بدهم اياها اضيع
اما بالنسبه للشباب طبيعيا وبديهين غير يعني لو الشب سهر لساعه2 باليل عادي يمكن يدبر حاله كونه شب اما البنت اضل لساعه تنتين مشكله واهلها بيخافو عليها ولو ما بيخافو عليها ما بيسألوها اصلا واظن هاد اشي بيفرح البنت مو بزعلها وبدل انها مميزه اكتر من الشب على شان دايما اهلها بيسألو عنها
ومشكوره على هذا الموضوع الحلو

Banbon

07-20-2006, 09:05 PM

...و الله فرحتني يا ابو جروح......منيح طيب

شكرا كتييير على المرور الرائع ...نورت

حكيم فلسطين

07-20-2006, 10:48 PM

ههههههههههههههههههه
ههههههه
بصراحة انتي طرتي الموضوع بشكل رائع
وملفت للانتباه
وانا بقول انو الشباب عنا بيديرو بالهم على حالهم
وبيرتكن عليهم
اما البنات
فعقولهن خفيفة
وبيصير الكل يجري وراهن ليوقعهن
وما بيرتكن عليهن باشي
بس البنت اذا كانت في حالها ومحترمة حالها
ما في حدا بيحكي عليها كلمة واحدة
فمثلا احنا لمن نشوف البنت متعرية ولابسة لبس وكانها مش لابسة فاحنا من طرفنا بنغلط عليها
ويمكن اذا احتاجت شغلة من احدج يمكن ما يلبيها الها
اما اذا كانت متحجبة ومحترمة ولابسة لبس شرعي
الواحد بيحترمها غصبن عنو
وبيعمل اي اشي الها

ومشكووووووورة على الموضوع الرائع

عاشق الوطن

07-20-2006, 11:06 PM

اختي الصغيره بونبون

مع انك صغيره بس ما شاء الله عنك

بصراحه بدي اشكرك على هالموضوع وبدي احييكي على شجاعتك بانك كتبتيه

وهو فعلا موضوع بتعاني منو بعض مجتمعاتنا وليس كلها

يعني مثلا انا بعرف ناس منحلين كتير وبخلو بناتهم تروح وتيجي متل الشباب

ولكن هل هاد هو الحل الصحيح ؟

البنت لازم تسئل نفسها الاول انا شو بدي اكون

وبايا درب بدي امشي ؟؟؟

درب الدين او درب الضياع

وازا اختارت درب الدين فا اكيد ما رح يهمما شو بيعملو الشباب بس رح تحاول انها تجرب تهديهم ولكن ما رح ياثر فيها لانها عارفه حالها من جوا وبتصبر وبتكسب ثواب

اما ازا اختارت طريق الضياع فا حتصير متل المجنونه وتتصرف تصرفات هبله وتصير تعاير الشباب مشان تلاقي حجة تا تعمل الي بدها اياه

بس اعرفي دايما انو الاهل بيغارو على اولادهم في كل المجتمعات

حتى الاجانب واليهود وغيرو ما تفكري انو كلهم سايبه الشغله عندهم بالنسبه للبنات

وفي مجتمعات غربيه اكثر محافظه منا

ولكن وين مشكلتنا احنا ؟؟

انو في بعض الاهل بسمحجو لشباب وما بسمحو للبنات ؟؟

والبنت لما تشوف الشب بيعمل هيك يمكن تفكر تعمل متلو

ويمكن تضايق لانو اهلها بمنعوها وبيخلوه يتصرف براحتو

بس اعرفي شغلة

البنت مهما كانت بتضلها بنت وما بتقدر تصير شب يعني مثلا بتقبلي انتي او غيرك يتطبق

عليكي كل الي بيطبق على الشباب

بتقدري تشتغلي متل الشب او تفكري متل الشب .؟؟

وبعدين البنت تعتبر شرف للعيلة وازا صار عليها شي فا اكيد ما رح تكون الشغله هينه

رح تعترضي على هالكلمه

طيب ليش الله عمل للبنت غشاء بكاره وما عمل للشب هيك ؟

لازم كل مره تسئلي حالك وتشوفي شو الفرق بينك وبين الشباب ولازم تراعي انك بنت في الاول والاخر

وطبعا هادا ما بيقلل من قيمتك بالعكس بيزيدها لانو بيزيد الاهتمام فيكي

انا زاكر في موضوع في منتدى عالم حواء

وانا سئلتكم ليش انتو هيك

وقلتولي هاي طبيعتها

ازا انتو اعترفتو انتو طبيعة البنت انسانه حساسه

فا مش ممكن تصير متل الشباب

ومش ممكن تصير النظره الها متل النظره للشباب

يعني مثلا ازا انتي شفتي شب ماشي بالشارع ع الساعه 3 باليل

بتقولي الله يلعن ابوه ما بستحي ليش راجع هلاء ؟؟

لانو الشب فيو خصائص بتميزو عن البنت وبتخليه اقوى منها على الوقوف في وجه اي مخاطر يمكن يتعرضلها في متل هادا الوقت

اما مش كل البنات بقدرو هيك يعني مثلا

ازا ايا واحد شاف بنت ماشيه بوقت متاخر فا اول شي رح يبدا يسئل وين كانت وليش ومين وكيف

ويمكن ناس يحاولو الاعتداء عليها ازا كانت منطقه بتنام بدري

وبعدين مين قلك صح انو الشب يحب

عنجد الاهل الي بعملو هيك بيكونو جاهلين اكتر كمان من الي بتركو بناتهم

لانو الدين دين على الشب وعلى البنت اسمو دين

انا مثلا في البيت والله العظيم اهلي بيعاملوني متل اخواتي ازا بطلع او بروح او باجي بيسئلوني

لانو الاهل من واجباتهم انهم يحفظو شرف العائلة والمجتمع والدين

بتمنى قدرت اوصل لو شي بسيط

وبس بدي اقلك انو لازم الاهل يكونو عادلين والشب والبنت نفس الشي بس في شغلة التاخير والتصرفات ازا كان الشب عندو شغل او عمل وبيلزمو هالشي فا ما في مانع انو يتاخر وهيك

ولكن العدل لازم يكون موجود لانو البنت شرف والشب كمان ازا بيعمل غلط فهو بيعتدي على شرف ناس تانيين

وشكرا الك

Banbon

07-20-2006, 11:09 PM

أهلا حكيم فلسطين .....كلامك كله صح والله ...

وانا بقول انو الشباب عنا بيديرو بالهم على حالهم
وبيرتكن عليهم
اما البنات
فعقولهن خفيفة
وبيصير الكل يجري وراهن ليوقعهن

بس بدي ضيف شي .....هوه انه
القصه مو انه الشباب قد حالهم و البنات عقلهم خفيف ....لا لا لا

القصه انه لو انضحك على الشب و غلط ....بتمرق المشكله و بتمشي و بيقولو تاب و بيضربوله سلام
أما البنت اذا انضحك عليها و غلطت ....بتضل مكتوبه عليها هالغلطه طول عمرها و ما حدا بيسامحها حتى لو تابت و لبست خمار كمان ....بيضلو يحكو و يزيدو و يعيدو...

و اكيد متل ما انت قلت البنات اشكال و الوان ... ونفس الشي الشباب

:s (43): و شكرا كتييير لردك و مرورك يا حكيم ....نورت :s (43):

Banbon

07-20-2006, 11:34 PM

هلا فيك (( حبيبتي فلسطين )) ....منور
انا بدي اشكرك على ردك ...روعه ...عنجد جمع كل النواحي

و بدي قول انه ...انا عم بطرح هالموضوع ...مو لانه بدي اعمل متل الشب او يصير عندي نفس الحريه تبعته...لأ....انا اكيد ما رح ارتاح على اسلوب حياة الشب لانه انا بفطرتي عندي اهتمامات غير و تفكير غير......
بس انا بتمنى انه الناس يعرفو انه ما بصير يفتحو حريه كامله للشب....لانه هيك غلط...و رح تصير مشاكل و تتأثر حياته عاجلا ام آجلا....
و كمان البنت ...ما بيصير يخنقوها بالملاحظات و الكلام و الممنوع.....و برضه الحريه الزايده مو منيحه...

و ما بيصير كمان انه الاهل يصيرو يمنعو شغلات كانت مسموحه ..بمجرد انه هالشب او هالبنت وصل/ت لمرحلة الشباب....اللي بدو يربي لازم يبدأ من بكير ....لانه انت ما بتقدر تمنح شي و فجاه تمنعه ....لانه رح يكون المنع مرفوض....و كمان التفاهم اهم شي ...بدك تمنع وضح اسباب و مبداىء مو بس تقول لأ و تمشي....

و طبعاً بالاخر ....حياة الشب و البنت بتختلف اكيد... بس يعني مو بالشكل اللي انا عم بشوفه هلأ.....
كانه كل جنس فيهم جاي من كوكب شكل ......
عنجد انا بحمد ربي مليون مره بس اسمع صحباتي بيحكو عن اخوانهم و كيف التفريق اللي عندهم ...

و اّسفه كتير طولت عليكم و تفلسفت كتير :wacko: :wacko:

Abu Shadi

07-20-2006, 11:36 PM

اسمعي اختي موضوعك في منو
ولكن انا بدي اريحك
انا بعتبر البنت الجريئة والشديده مو المايعه وجريئه لا بقصد البنت الي الشباب بحكو عنها زلميه
انا هي البنت بتعجبني بتعرفي ليه
لانو ما بتعمل بين الشب والبنت تفرقه وهذا ما بدل علي قلة الادب عند البنت لا بدل علي الثقة في نفسها
وطالما هي هيك بتعمل عمرها ما راح تقع في خطا ولكن بتعجبني الاكثر حذر في اختيار افكارها
ولكن البنت الجريئه ومايعه هي ما بطابقو مع بعض
فبكون خراب ديار عليها وعلي اهالها
وانا من رأي البنت الي بتحس نفسها مو قد حالها ما تخرج من البيت الي مع احد اخوانها لحتي ما تقع ف خطاء وهذا الصح مو غلط ولا عيب وان كل بنت بتقول ليه مو الن حريه بالعكس الكم الحريه والكم كل اشي ولكن في حدود يعني لازم يكون في طلعاتكم رفيق مو تطلعو هيك من غير اي حارس عليكم وهذا انا ما برضاه لاي بنت رغم اني بعرف طبع البنات كلهم
ومرسي علي ما حكيتي فيه بنبونه ولا تزعلي مني علي ال حكيتو

Banbon

07-20-2006, 11:44 PM

أهلا ابن فلسطين ...... انا كمان بقول انه.....
الجرأه + الوعي = perfect girl

و يسلمو ايديك على ردك... و بحترم رايك ....

Abu Shadi

07-20-2006, 11:48 PM

مين رأيك الي بتحترميه كيف هو شب زقرد ولا اي كلام ههههههههههههههه
مرسي الك خيتو علي الملاطقه معلش اعذريني ولكن بحب اخلي كل موضوع مزحه

Banbon

07-21-2006, 12:00 AM

مين رأيك الي بتحترميه كيف هو شب زقرد ولا اي كلام ههههههههههههههه

ههههههه...انا اكيد بحترم الشب من النوع الاول .....
الشب الي اي كلام بدو كف مو احترام :wacko:

اعذريني ولكن بحب اخلي كل موضوع مزحه

ولو يا ابن فلسطين...عادي ...ما انت اصلا عامل جو....

وين البنات ....ليه ما بينين ؟؟؟

مؤيد

07-21-2006, 11:16 AM

:icon28: ان عملنا صح ما حد بيرضى..و ان عملنا غلط برضو ما حد بيرضى:icon28:
اذا البنت اسم الله عليها بتحترم حالها و ما بتتعدى الخطوط الحمرا تبعة المجتمع..
:z060: بتطلع متخلفة و معقدة
و اذا البنت جريئة , و قد حالها و ما بيهمها حدا..
:z060: بتطلع قليلة ادب
الشب على كيفه..اوعو حد يفتح تمه بكلمة مع شب هه:36_6_2[1] ..ديرو بالكم
الشب لو سمحتوا..الشب غير..بيسوي اللي بدو اياه..هو حر :36_9_4[1]
البنت :36_19_1[1 لااااء..يي يي ازا شي يوم تأخرت عن البيت دقيقتين عشان مواصلات وللا عشان ازمة..بتلاقي البهادل بتنزل عليها متل المطر من كل حدب و صوب:wacko: :wacko:
اخوها يتأخر لل11 و لل12 عاااادي
اما هي و الله و الله ان تأخرت عن البنت دقيقة وحدة بعد ما يخلص دوامها الا تاكل هوا :ang56:
******
اخوها بيحكي مع بنت (بالعربي مع حبيبته) قدام اهله و قدام ابوه و بصوت عالي..عادي جدا..
:icon26: اي يوووه انتو التانيين خلوه يعيش حياته و يحب!!:icon26:
اما اخته لو استرجت تقول الو و طلع ابن الجيران عالتلفون ابصر شو بده يصير
:icon28: و الله و الله لأشل أملك يا قليلة الحيا..بتحكي مع شباب وله؟؟
****
ان قالت يا اخوي لو سمحت بدي غراض من السوق الله يخليك وصلني بالسيارة..بتطلع كتيرة غلبة و مصرفجية...:wacko:
و ان قالت بدي اخد رخصة مشان لا تتغلبوا فيي..... بتطلع ما بتعرف تسوق و وقحه!
يعني اذا حجتكم الدين هيك ....
فالدين ما بيسمح بالعنصريه و لا انه الشب يحب !!!
صح ولا لأ ؟؟؟
و اذا رح يضلو الناس هيك .....كتيرين حكي و غلبه و شب اه و بنت لاااااء
..... رح يصير انفجار و رح تولع الدنيا ...لانه لآخر الكبت و التعقيدات انفجار .......
اي حيرتونا!! شو بدكم بالزبط؟؟ حدد موقفك يا ابيض يا اسود.
.بس الظاهر افكار المجتمع عنا كلها رمادية!!
عجبي!!
شو رايكم شباب و بنات ؟؟؟؟
أولا بشكرك بان بن على موضوعك الحلو ....... بس مين هيك قالك إنتي غلطانة شوي .
ومين قلك البنت الي محترمة حالها متخلفة ، لأ إنتي غلطانة ، بالعكس صدقيني أنا شاب وبعرف ، بس بدي اياك تعرفي الشغلة هاي في الشباب :

- الشباب قد تلفت نظرهم الفتاة الي شكلها ولبسها مغري ، بس صدقوني مستحيل يقبلوها كزوجة ، ممكن يقبلوها كصديقة ، كي يمرروا سياساتهم لمجرد التسلاية والاستمتاع بالوقت ، لكن الشباب بكونوا ينظرون لهذه الفتاة نظرة دونية من جوا قلبهم ، لكنهم مضطرين لمجاملتها عشان يلاقو حد يتسلو معاه .

- الشاب قد لا تلفت نظره الفتاة الملتزمة بالزي الإسلامي ، وهم فعلا ً لا ينظرون لها من أجل المعاكسة ، لكن رغم أن بعض الشباب يعتبرون الفتاة الملتزمة متخلفة ، لكنهم يحترمونها من داخل أعماقهم ، وصدقوني لو الشاب بدو يتزوج ويرتبط بفتاة ، فهي أكيد راح تكون من نفس هذا النوع ، الي هو النوع الملتزم

وبالنسبة للبهادل صدقيني في شباب بتبهدلوا من أهلهم كمان متل البنات ، وفيه بنات ما بتبهدلوا بالمرة لما يتأخروا على البت .

ورجاء من الكل ما تدخلو الدين بهيك سلوكيات ، الدين برئ منها .والبعض بعتقد إنو تصرفات الآباء مع الأبناء نابعة من الدين ، بس هاذا الشي ءغلط ، هي تقاليد وعادات مش أكتر ..

وتذكري أختي بان بن ، احنا لما نخطب مش راح نتطلع للفتاة الفري ، راح نتطلع للفتاة المحترمة أو المتخلفة على زعم البعض .
وشكرا لك مرة أخرى صاحبة الموضوع .

بنت الشرق

07-21-2006, 01:06 PM

أختي بان بون ,البنت اللي الها أهل يسألوا عنها ويوجهوها الى الطريق السليم أحسن الف مرة من البنت اللي ما الها أهل أو انه مش سائلين عنها...كمان في بعض العائلات المحافظة حتى الشب مش مسموح له يسهر برة البيت بعد ساعة معينه لأنه يمكن يندل على شلة أصحاب سيئين ويورطوا بشكل او بآخر .فهذا الكلام ينطبق على البنت والشب..وكمان أنا متأكدة انه لو انتي أم فرايحة تتعاملي مع بنتك بنفس الطريقة ,مش لانك بتميزي الولد عن البنت بس لانه البنت وضعها حساس أكثر ولأنك بتحبيها ..
وهالايام صار الخوف على الشب أكثر من البنت ....

Abu Shadi

07-21-2006, 04:22 PM

الجو جو الموضوع والو بهجتو ودايما انتي الي بتعملي مواضيع رائعه
وتحيتي الك اختي علي ما قدمتي وعلي الاراء الرائعه

Banbon

07-21-2006, 05:06 PM

أهلا فيك:s (43): :s (43): مؤيد حماس :s (43): :s (43): ......
نورت الموضوع ...و شكرا لرايك الحلو.....برضه كلامك صح :icon31:

:s (43): :s (43): بنت الشرق :s (43): :s (43):
يسلمو ايديكي.....على مرورك و ردك الحلو......هلا فيكي:icon31:

:s (43): :s (43): ابن فلسطين :s (43): :s (43):
شكرا كتييير الك ..... مرورك اسعدني .... انشالله دايما شوفك بمواضيعي :icon31:

Abu Shadi

07-21-2006, 05:11 PM

خلص انتي كل موضوع رني علي رنه بأجي ههههههههههههههههه
هيك زودناها ههههههههههههههههههه

Banbon

07-21-2006, 05:47 PM

ههههههههه.....خلص رح رنلك رنات مو رنه وحده .... و جيب العيله معك كمان ههههههه

Abu Shadi

07-21-2006, 05:51 PM

هههههههههههههههههههه
ماشي من عيوني اي واحد بدك من العيله ولا كلهم بس العيله انا تعتي لو فاتت هون ما راح يشتغل بعد هيك الموقع اصلو كثااااااااااااار والمساحه ما بتكفيهم ههههههههههههه

Banbon

07-21-2006, 05:56 PM

اختار انت على ذوقك و جيب اللي بدك اياه ...هههههههه
منور انت و عيلتك و كل الحاره و البلد كمان هههه

Abu Shadi

07-21-2006, 06:13 PM

يسلموووو كثير الك خيتي ولكن خجلتيني هيك لحسن اصدق حالي بعدين هههههههههههه
حولنا الموضوع شات هههههه

Abu Shadi

07-21-2006, 06:15 PM

يسلموووو كثير الك خيتي ولكن خجلتيني هيك لحسن اصدق حالي بعدين هههههههههههه
حولنا الموضوع شات هههههه

ayman

08-04-2006, 06:19 PM

عبارة تتردد كثيرا على السنة الفتيات.. لماذا يخرج اخي في اي وقت؟ ويسافر عندما يريد، ويختار اصدقاءه بحرية كاملة، ولا تخضع (اغراضه) للتفتيش ولا يؤنب لو تاخر عن موعد عودته الى المنزل؟ تظل هذه التساؤلات وغيرها تتردد على السنة الفتيات للمطالبة بحق التمتع بما يتمتع به الشباب وتترافق هذه التساؤلات الى حياتهن الزوجية ثم يغيرن موقفهن بعد الزواج.......
تمثل قضية التعامل مع الفتاة والاشكالات التي ترافقها، معضلة مهمة، تستدعي الوقوف عندها بشكل دائم، لتأطيرها ضمن السياق العام لكل المجتمعات. فالمعروف ان مسألة حرية الفتاة المتمثلة بمشاركتها في الكثير من التفاصيل الحياتية، مثل الصداقة وغيرها... ومراعاة الجانب الانساني لديها....
المجتمع يتكون منهما الرجل والمراة، وبما ان المراة تطالب بحريتها، فان هنالك قيدا من الاهل عليها.
والحالة هذه لا تخص مجتمعا بعينه، بقدر ما تخص كل المجتمعات حتى المتحررة منها.....
هنا سؤال يفرض نفسه: كيف نحقق حرية الفتاة وعمليات التوازن بينها وبين الشاب، اذا ما كان الطرف الذي في يده القرار، غير متحرر اصلا؟؟؟؟؟؟؟؟
ان عملية التوازن هذه تتطلب اولا تحرير افكار الاهل من ترسبات المجتمع، ونظرته الى كل الاشياء التي تدفع به للسير بالاتجاه الصحيح، ومنها قضية المراة.....
وثمة استغراب من الكثير من الطروحات التي تؤكد حرية المراة، وتترك النمط الذي يفكر به الرجل، لكونه صاحب القرار الذي تسعى المراة الى استغلالها لمصلحتها......
اذن علينا جميعا البدء بتغيير نظرة الاهل الى الفتاة اولا ومن ثم المناداة بحقوقها...
ربما تكون هذه الملاحظة فيها شئ من القساوة لموقف الاهل، ولكنها هي الحقيقة التي ينبغي لنا تاكيدها، والتي من دونها تبقى قضية الفتاة معلقة في دوامة المطالبة غير المجدية، والصراخ الدائم الذي يصل الى حد الشكوى والتذمر......
في هذا العصر الإلكتروني ما زالت تتردد في الأذهان عبارات تسقط تارة المديح على المرأة مثلما يقال: "وراء كل رجل عظيم إمرأة" وفي الاتجاه المضاد تلغي الشأن العظيم للمراة ومن امثلة ذلك: (لو وصلت المراة الى المريخ اخرتها الى الطبيخ)......
كثيرة هي الامثال التي تميز بين الذكر والانثى في التربية ومنها في الماثور الشعبي العربي: اعز الولد ولد الولد، حط الجرة على فمها تطلع البنت لامها، تلتين الولد لخاله....
وكأن للتنشئة العربية نسق واحد بعينه يعكس نمطا واحدا من النهج الواجب توافره ليحيا كل من الولد والبنت على اصول صحيحة – حتما وقطعا – يجب ان تتوارثها الاجيال تلو الاجيال... لتحافظ على العرق وان تنوعت ثقافته في مجتمع ذكوري ابوي تسلطي يحصر المراة منذ نعومة اظفارها الى مماتها بعالم يصفه بالحريم والولايا التي يجب الوصاية عليه حسبما يرى الرجل الشرقي وان بلغت المراة سن الخمسين. الا ان هذه المكانة تتفاوت نسبيا حسب وجهة نظر الرجل والمجتمع ضمنا.......

ومشكورة بنبون على الموضوع الهام .....

Banbon

08-04-2006, 07:16 PM

ayman
....أهلا فيك ....و نورت الوضوع بمرورك الحلو و المميز كتير
و كلامك صح ميه بالميه ....

دلوع الشام

08-05-2006, 07:17 AM

امممممممممممممممممممممممممم ما بعرف شو راح ارد بس مشكوووووووووووورة

Banbon

08-05-2006, 06:15 PM

:icon31: يا هلا :icon31:

القلب النابض

08-05-2006, 06:58 PM

كل الردود فيها وجهت نظر والاهل لازم يسالوا على الولد والبنت ومشكورة على العنوان الملفت للنظر والموضوع الرائع والجريء

The-Game

08-05-2006, 07:58 PM

شكرا على لفت الانتباه

samed

08-06-2006, 02:34 PM

بس اختي العزيزة مش كل الناس هيك
ومش ما بتقولي انو جميع الشباب الهم حرية التصرف
لا , الي بعرفه انا انو للبنت في حاجات وللشب في حاجات تانية

مش كل العيل ما بتسمح لبنتها انها تشوق ,الا اذا هذه العيلة مش واثقة في بنتهم او مش مربيينها صح

بعدين البنات عرض ما حدا بيسمح للبنت تضل لل12 لانو بصير الفار يلعب في عب الاهل

بس الشب معروف وين بكون ( عالقهوة مع انو غلط او في كافي نت )
يعني كمان الشب مش لازم يتاخر الا بمعرفه اهله ومعرفتهم لاخلاقه