لكل أهالي فلسطين الحبيبة

[ابنة الشتات]

اخوتي ....
لطالما حيرني هذا السؤال
واريد اجابة


بلأبدأ



لنعيش في عالم الاحلام
اليوم فلسطين حرة ابية


وهنا نعود للواقع
في هذه الحالة فلسطين ستكون بالطبع بحاجة الي اعادة اعمار
ولكن ليس هنا سؤال
انما هو( هل اهالي فلسطين سيقبلونا بينهم نحن فلسطينيون الشتات لنشاركهم اعمار الوطن والعيش فيه وهم من حرروه)


انا عن نفسي كنت بالحالتين ازا اه بيقبلونا او لا بعذرهم
بس والله نحنا يكم ما قادرين نعمل شي بس قلوبنا معكم والله
وشو ردكم يا اهلي
وخلينا منطقين وصريحين

شكرا للكل

[عاشق الحور]

انت اهلنا ،، منا وفينا ،،، واخوتنا

والله والله والله انا شخصيا ،،، انتظر هذا اليوم لنسعد بكم بيننا ،،

ولتسعد كل أم ابعد عنها ابنها ،، وكل اخ اشتاق لرؤية أخيه

والله انتم سندنا في الخارج ،، ادامكم الله ،،،، وان شاء الله يتحقق النصر قريبا باذن الله

لنكحل أعيننا بالبيت المقدس ،،،

[ayman]

اختي ابنة الشتات ............بدك الصراحة انا سمعتها من اكتر من شخص قال لي : انتم ليس لكم حق فيها

اختي عندهم اسبابهم ........وممكن بحالة واحدة فقط انها تكون صحيحة ..

[ابنة الشتات]

أخي عاشق الحور يا ريت النصر يكون قرين يارب
اخي ايمن... الي قالولك انو ما لك حق فيها شو كانت اسبابهم وكيف بدها تكون صحيحة
متل ماهي بلدهم بلدنا
هم الي حررو بافعالهم وقلوبهم بس نحنا ارواحنا عندهم....

[Banbon]

فعلا هالسؤال احيانا بيخطر على بالي .....بس ما بلاقي جواب ...و كتير بنقهر
لانه انا مو بايدي اني ما بقدر ادخل فلسطين و اني اشارك الفلسطينيين اوجاعهم ....و امنيتي اني بس اشوف فلسطين و لو لساعه وحده ...........و بتمنى انه تحرر فلسطين و نقدر نرجعلها و انه اهلها يستقبلونا..........و انا حابه اعرف آرائكم كلكم و يا ريت تحكو بصراحه

[عاشق الحور]

إخواني انتم من الذين هجروا وعذبوا

فكما نحن نذوق الموت والقصف ،،

انتم ذقتم ما هو أصعب ،، وهو البعد عن أرض الوطن


والله أنكم منا وفينا ،،،،، وبدونكم لن نذوق حلاوة النصر

[ayman]

اختي ابنة الشتات ..........المبررالوحيد اللي بيحكوا انه احنا انسينا الوطن ..وصار في داخلنا شعار الوطن البديل، وانه هم اللي قاتلوا وخسروا ابنائهم ........اكيد اعتقادهم خاطئ لانه ما بيعرفو انهم هم مرتاحين اكتر منا ( يكفي هم في وطنهم ) ، وكل مصاب جلل كان يصيبهم احنا كنا نشعر فيه ، وعمرنا ما نسينا وطنا ( كل العالم لهم وطن يعيشون فيه .............الا نحن لنا وطن يعيش فينا ) ...

[ابنة الشتات]

عزيزتي بون بون ازا هاد السؤال بيخطر ببالك انا موعم يروووح من بالي ابدا

عاشق الحور ازا كل الناس بتفكر زيك فانا رح اريح قلبي بس ياري يارب


ياريت اسمع ارائكم كلكم

[ابنة الشتات]

عزيزتي بون بون ازا هاد السؤال بيخطر ببالك انا موعم يروووح من بالي ابدا وشكرا الك


عاشق الحور ازا كل الناس بتفكر زيك فانا رح اريح قلبي بس ياري يارب
شكرا لكم

ياريت اسمع ارائكم كلكم

[ابنة الشتات]

( يكفي هم في وطنهم )
( كل العالم لهم وطن يعيشون فيه ..الا نحن لنا وطن يعيش فينا )

أخي أيمن هدول الجملتين على طول على لساني
يمكن كل ساعة ولكل فلسطيني مقيم بفلسطين او في الشتات ازا بنخوض بهاد الموضوع

بس انت وانا في الشتات ....

[ayman]

اخواني ....اللي بيروح على سوريا او لبنان بشوف بعينه مدى الماساة اللي بيعشها الشعب الفلسطيني في الشتات ....مش زي بيفكروا البعض انهم عايشين في رغد ورهف .......هدول بيموتوا باليوم مليون موته لانهم عايشين عيشة ذل وهم بعيدين عن وطنهم ....

[ابنة الشتات]

بكل الاحوال اخي
هاد واقع وحنا عايشينه
والشعب الفلسطيني عزيز وح يضل عزيز
وين ما راح وشو ما صار
بيكفي عزة النفس الي عنا اياها
وان شاء الله قريب وقريب كتير الكل بعود لوطنه
ونعمر ارضنا ارض الاحرار

[ayman]

بكل الاحوال اخي
هاد واقع وحنا عايشينه
والشعب الفلسطيني عزيز وح يضل عزيز
وين ما راح وشو ما صار
بيكفي عزة النفس الي عنا اياها
وان شاء الله قريب وقريب كتير الكل بعود لوطنه
ونعمر ارضنا ارض الاحرار



اختي هادا الشي مفروغ منه ...

[وليف الدمعة]

اختي بنت الشتات لطلما انتى بنت فلسطين لك الحق فيها مثل ما نحن فيها فلسطين دائما العطاء وترحب بضيوفها فما بالك في ابن فلسطين ومن ارض فلسطين بغض النظر انك تعيشين خارج فلسطين فهذا حق لك وحق علينا ايضا كلنا دفعنا الثمن وضحينا من اجل ان تبقي فلسطين وسنضحي اكثر وبرواحنا من اجل فلسطين الغالية هذا ليس ذنبكم انكم تعيشون في الغربة هذا ذنب الاحتلال الغاشم الذي زج الكثير من ابناء شعب فلسطين الي الخارج .
في النهاية بتمني يا بنت الشتات ان لا تياسي وان لا تشيلي هم كبير بخصوص هذا الموضع ففلسطين بلدك واوطنك وترحب فيك وبالجميع في كل وقت
ومع خالص تحياتي لك

[ابنة الشتات]

أخي وليف الدمة والله انك بكيتني وختلطت دوعي بين الفرح لردك والحزن على وطني السلييب
بس شو بدي احكي الله ياخد الاحتلال
يمكن قلت هيك لاني عمري ما شفت بلدي اصلا ما فيني ادخلها
فلسطين بلدي ورح تضل هيك ورح اضل انا بنت فلسطين لو وين ما كنت

[falasteene]

بنت الشتات
هاد الموضوع كان طوشني زي ما هسا انت بتفكري فيو
انا عشت بالشتات و نص اهلي ماتو بالشتات بصبرا و شاتيلا
3500 فلسطيني بصبرا و شاتيلا بس اندبحو على ايدين عربيه صهيونيه
مثلا بلبنان, ما النا حقوق
ممنوع نشتغل , ممنوع يكون عنا بيت برات المخيمات
ممنوع نملك سياره باسمنا...
يعني عايشين من قلة الموت
بالكويت نفس الشىء, التاريخ قرف من المجازر اللي عملوها بشعبنا بالكويت , و اكنو احنا اللي احتللناها
و اول ما ابو مازن استلم المريسه اعتذر للكويت , مع انو امراء و شيوخ الكويت كانو دايرين على الخمارات بلندن و فلسطينيه الكويت هم وحدهم دافعو ضد صدام
و رغم هيك ما تركو فلسطينيه الا اغتصبوها
لانو عارفين يوصلو لصرمايه اوسخ وحده فلسطينيه بضل عندهم حلم...
و بالعراق و بالاردن( ايلول الاسود) و بسوريا
و بكل بلاد العرب اوطاني
لما كنت بمطار لبنان حبسو اهلي بالحمام نص ساعه و انا ابوس ايدين الزلمه و كان ناقص ابوس طيزو
بمطار دبي مسك الوثيقه الفلسطينيه اللي معي و صار يصيح و ثيييقه فلسطينيه و ثيقه فلسطينيه
تقول من عالم تاني جاي انا, و صار يسالني اساله اقل شىء كان لازم ابزق بوجهو , بس اتطاولت عليه كتير و ما كان بدو يخلليني اطلع الطياره, بس لما حكيتلو خالتي بتكون سكرتيره الشيخ زايد الخاصه , صار مثل الكلب ما عرف كيف بدو يلهت...
و هيك كل فلسطينيه لبنان و الشتات بتعاملو...
و اكيد اخوانا بفلسطين عارفين هالقصص , بس للاسف في ناس بتحكي غير هيك
بس معذورين لانو اللي شافو لسا ما حدى شافو و لا حيشوفو
و انا اكتر من واحد حكالي : اللي ايدو بالنار ما زي الايدو بالماي
و صدقو
بس اكيد هاد ما بدل انو بفلسطين ناسيننا
لانو اللي عمبصير عليهم صار على جدودنا و اهالينا
بس شو ما صار لما بنتطلع على هدى و هي بتدور على العضام اللي ضللت من اهلها بكره كل شىء اسمو انسانيه و بعرف اني مقصر , لاني شو ما اعطيت بضل قليل
فانشاءالله بنكون عند حسن ضن اخوانا بفلسطين الكنعانيه( مش العربيه) و الله يجيرنا من العفن العربي كللو و يسلمو عالموضوع فتحلنا المواجع

[فلسطينية والنعم]

والله يااختي الدموع تحجرت بعيوني مش عارفة شو بدي احكي بس اكيد احنا ما النا ذنب واحنا عشنا بالغربة لانو هاد الاشي مو بايدنا هاد نتيجة الاحتلال وطبعا الي بيحكي انو احنا عايشين احسن عيشة لانو بالغربة بكون ستين غلطان لانو قلوبنا معاهم دايما وهو بالبال ومابنتوقف عن الدعوة الهم بالثبوت والصمود على العدو الغاشم الصهيوني ولمان نشوف القصف والتشريد والاغتيالات والله قلوبنا بتتقطع تقطيع من هل مناظر حسبي الله ونعم الوكيل فيك يا اسرائيل ربنا ينتقم منك ........
ياريتني اشوفها مع انو هاد الاحتمال بعيد كتير لانو مامعي لاهوية ولاتصريح الله بعين كل الي بزي حالتي والله يصبركم وان شاءالله بنشوف بلادنا يوم التحرير وبتتحقق امنيتنا ياااااااااااااااااارب قولوا آمين

[Abu Shadi]

انا عن نفسي لو اسمعت انو بعد انتها الاحتلال عودة اهل الشتات اعلمي اختي اني راح اطخ كل واحد فيهم حامل البطاقة الفلسطينيه وكان باستطاعتو يجي لانو احنا كنا باحتياج كل شخص فيهم ولكن ما لبونا وربنا معنا مو بحتياج احنا حدا يكون معنا وانا اسف علي الي بحكيه انا واحد من الناس كنت الصيف هذا حطلع خارج البلد فعلا ولكن بدالي بدو يطلع والدي وانا لازم اقعد بدالو في البيت لذلك ما طلعت
ولكن اعلمي اني بحترم كل شخص بقول انا فلسطيني بقوة في كل مكان
مش زي ناس قالو بنحب فلسطين وحسسوني انهم بدهم يموتو ليجو هين ولمن بقللهم لو قلنالكم تيجو علي غزة وانا اجي مكانكم شو قلتم ردهم البايخ شو طلع
لا كل واحد يظل مكانو شوفي الجبن لوين يعني اختي لا تنغرو دايما معلش اسف يا ابنة الشتات في اهلنا الفلسطينيه في الخارج والي بقلك غزة وفلسطين افضل كلو انتا كزااااااااااااب وبس
لانو فعلا بكون كزاب
اخي محمد الي هو اكبر مني وطلع زمان ورجع اول ايام امتحاناتي ورجع سافر في نصهم
فبسألو شو رايك في غزة وهو لعلمكم لمن طلع علي الامارات ما كان حابب يطلع وبالعافيه والدي زنق عليه وبالاخر طلع علي انو طشه مو عمل فرد علي يرجال غزة مين كل انسان فيها عايش بوهم اسمو غزة قلي لو لقيت اكثر الناس يأس وقرف راح تلقيهم في غزة
لذلك اختي انا من رأي انو لو تحررت فلسطين وان شاء الله راح تتحرر ما تغلبو حالكم لانكم فعلا بحكيلكم بصراحه راح تلاقو الوجه الكشر من اهل غزة خاصه وما تنغرو بالكلام الي بحكوه الاعضاء لانهم هين اخوه وبحبوكم ممكن يلاقوكم بابتسامه لكن غيرهم راح تلاقوهم بوجه كشر والله يستر من الي جاي
تحيتي الكم

[falasteene]

حبيبي ابن فلسطين
التعميم ما بكل المواقف بيزبط و اكيد انت عارف هيك
بعدين كم واحد ما بمثلوو شعب فلسطين
و احنا كمان عارفين في ناس عنكو ناسين القضيه و بتذكروها بالمناسبات و فنطزيه ما اكتر
بس احنا عمبنحكي على الناس اللي كل همها فلسطين
الناس اللي ما بتضحك اللي لحتى ترجع فلسطين و ينلم شملنا
و انبطل مشردين بهالدول
و احكيلك كل واحد فلسطيني و معو وثيقه انو لاجىء او مشرد ممنوع يفوت على فلسطين
و رغم هيك في ناس دخلت و استشهدت
ارجو ان لا تتكلم بالنيابه عن اهل غزه , و هاد رايك و بنحترمو
بس اذا الناس بتفكر هيك بفلسطين لكن هزلت
اتمنى ان يكون هناك شباب فلسطين الواعي المثقف اللذين عانو ما عاناه اهلنا بالشتات
لا اله الا الله

[ابنة الشتات]

بداية اختي فلسطينية والنعم... انتي صاحبتي وعارفة انو راي متل رايك تمام
اخي ابن فلسطين مع احترامي لكل الي قلته بس ازا بدي اححكي عن حالي انا ما عندي هوية ولا فيني افوتها من اصله ... اخي بس بحب احكيلك انو الي ناسي فلسطين بأرمتها مش رح يتذكرها بس تتحرر..صح
أخي حبيبتي فلسطين....انا معك بردك التاني على ابن فلسطين

ويا اخوتي تتحرر فلسطين واحنا بخير يعني الباقي بهون

[فلسطيني وافتخر]

السلام عليكم

اختي العزيزه فلسطين لكل الفلسطينيين وأغلب الشعب الفلسطيني هو خارج فلسطين فأغلب اهل غزه والضفه الغربيه هم لاجئين وليسو في ديارهم وفلسطين هي من النهر الى البحر وليست الضفه وغزه

وفلسطينيو الشتات عانو آبائهم وأجدادهم من التقتيل والتهجير وعانو ولا زالوا يعانون من التمييز العنصري

في البلاد التي يعيشون فيها وانشاء الله كل فلسطيني برجع لبدو الأصلي وليس إلى غزه أو الضفه

وأنبهكي اختي ان تحرير فلسطين سيكون على أيدي المسلمين الصادقين من كل الجنسيات وليس الفلسطينيون

وحدهم بقيادة المهدي عليه السلام كما ورد في الأحاديث النبويه بهذا الخصوص

وشكرآ على الموضوع

أرق التحايا سلاااام

[ابنة الشتات]

أخي فلسطيني وأفتخر...
كلماتك زرعت ابتسامة في نفسي ...
يارب يكون التحرير قريييب..

[الم الغربة]

مشكور

[دلوعة غزة]

مرسي كتييييييييييييييييييييير

[ابنة الشتات]

الم الغربة ودلوعة غزة
العفو
بس حابه أعرف رأيكم بالموضوووع