ما هو شعور الفتاة عندما يراها الخاطب ويقول انها لا تعجنه ؟؟

[syef]

ما هو شعور الفتاة عندما يراها الخاطب ويقول انها لا تعجنه ؟؟

--------------------------------------------------------------------------------

بسم الله الرحمن الرحيم
إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الرجل للفتاة وهي مظهرة لما يظهر منها غالبًا
كالشعر واليدين والوجه والقدمين ولبعض العلماء أقوال أخرى ( والله أعلم )

المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!

[Banbon]

ما بعرف .........اصلا انا ما بتعجبني هالطريقه ....

[ayman]

ما بعرف .........اصلا انا ما بتعجبني هالطريقه ....

اختي بنبون ........والاكيف بدك الطريقة ؟؟؟؟؟؟

[Banbon]

كيف يعني ....ييجي الاستاذ العريس و يقعد يبحلق فيي كاني بلوزه ولا بنطلون ممكن اعجبه و ممكن لأ.....شو احنا فاتحين معرض يعني ؟؟ ..طيب افرض انه هوه مو عاجبني !!

[ayman]

اختي بنبون .....على فرض انه البنت غير معجبة بهذا العريس ......بكل بساطة قولي لا يوجد نصيب ...
ومن قال لك ان النظر الى الفتاة ........وكانه معرض .......اصلا هادا موضوع الزواج هو للجادين فقط ...

[Banbon]

طيب هلأ حتى لو كان جاد مو حلو انه الواحد يقول و الله انا جاي اتفرج على البنت ...

[ayman]

اختي بنبون ......اختلاف مجتمعاتنا ، واختفاء النمط الاسلامي في الزواج ، جعل الزواج او بالاخص ،لحظة دخول الشاب ليرى الفتاة ، وكانها سلعة سوف يشتريها ، فهو ياتي ويرى البضاعة اذا اعجبته اشتراها واذا لم تعجبه لا يشتريها ، وفي بعض الاحيان يشتري هذه البضاعة ، فتخرج البضاعة مضروبة اومغشوشة ، فربما يلقيها للمجتمع كفريسة ليسهل اكلها .....اسف جدا لهذه التعابير ولكن هذا مجتمعنا وهذه نظرته .....
فكان النمط الاسلامي في الزواج ، ياتي الرجل ويطلب الفتاة من ذويها ولا ينظر اليها الا عند الزفاف ..
اما حاليا فيذهب الشاب وينقد الفتاة ، من كل الجوانب ........وهذا الاسلوب اصبح في مجتمعنا عرفا ،والعرف في الاسلام يجب تطبيقه ........ولا نستطيع الحياد عنه ....

[Banbon]

يا عيني عليك.....خلص هيك انا معك .....فعلا والله زمان كانت الطريقه احسن شي....و ما في احسن من انه الواحد يمشي على الاسلام الصح ...هوه اللي بسهل الحياه و بخليها تحلا و تصير سهله و بسيطه......فعلا انه دين الاسلا م عظيييم....الحمد لله

[Abu Shadi]

مو النا الموضوع
بس شو رايك لو كنت خاطب وفي يوم من الايام العروسه فسخت الخطوبه شو بتساوي

[ayman]

ولا اي شي ........لسبب بسيط هادا حقها الطبيعي انها تفسخ ......
والا بس هو هادا الفسخ للرجل .......

[ابنة الشتات]

أخي سيف سؤال كتير حلو

يعني انا لسا بدي علي كتيييييير
بس خليني اتخيل شوي
ازا العريس ما كان عاجبني اوكي رح انبسط اكيد انو هيها اجت منهم
وازا كان عاجبني الخيرة فيما اختاره الله اكيد
وانا عندي بحمد الله ايمان كتير قوي انو الله بحبني وبردلي الخير دايما

ممكن اوجه نفس السؤال للشب شو بكون شعورك

[ayman]

اختي ابنة الشتات .........كل الاحترام الك (واتمنى لك الخير)
الموضوع باختصار شديد ، وراي الشخصي فيه ، ما في شي اسمه شو شعورك ؟؟؟؟
لانه من حق الشاب ان يرفض ، ومن حق الفتاة انها ترفض ، فالمفروض على كل من الشاب او الفتاة ما يتاثروا اذا واجهتهم هاي المواقف ........لانها تعتبر من الحقوق التي جائز ان تستخدم لكلا الطريفين ....

[syef]

شكرا لكم على النقاش
ولاكن لم اجد في الردود اجابة

[نهر الدموع]

ارائكو حلوه .............. بس لو الشب ما شاف البنت كيف بدهم يتعرفو يعني يكونو بتقابلو في اماكن قبل الخطوبه وكلنا عارفين انو هاي الطريقه اكييييييييد غلط
ولو ما شافو بعض متل ايام زمان الا يوم العرس كان ما رح يسير توافق بالمره بين العروسين يعني هاي الطريقه احسن شي
والنسبه انو الشب يقول ماني موافق
هادا شي عادي يتجوزها مو برضا يعني
مشكووووووووووووووره اختي

[نهر الدموع]

ارائكو حلوه .............. بس لو الشب ما شاف البنت كيف بدهم يتعرفو يعني يكونو بتقابلو في اماكن قبل الخطوبه وكلنا عارفين انو هاي الطريقه اكييييييييد غلط
ولو ما شافو بعض متل ايام زمان الا يوم العرس كان ما رح يسير توافق بالمره بين العروسين يعني هاي الطريقه احسن شي
والنسبه انو الشب يقول ماني موافق
هادا شي عادي يتجوزها مو برضا يعني
مشكووووووووووووووره اختي

[alaa_sabbah]

اهلا
شايف في ناس اليوم بتدخل بهيك مواضيع مع انها كانت قبل فترة قصيرة جدا مش عاجبها هاد الحكي او الدخول بهيك نقاشات
على العموم انا اثرت موضوع العودة الى الطرق الاسلامية الاصيلة القديمة لكن للاسف ما القيت رد
و انا كمان شايف انو في بعض الاخوات غيرو بكلامهن
متلا في بنت حكت اذا الشب حبني انا بحبو بس المهم هو يحبني بالاول
و هلا بسمع غير هيك
بعدين قصة الرفض شيء طبيعي من قبل الشب لانه رجل و مو مغصوب على الشيء متل بعض البنات في بعض الاحيان بسبب الظروف
على العموم انا صارت معي قصة متل هيك
بما اني ببحث و بدور على اقل من مهلي يعني مش مستعجل
على راحتي بختار يلي بتعجبني يعني
المهم
اتعرفت على انسان حكالي عن مواصفات البنت
و لما شفتها بالطريق ما عجبتني بنوب مع العلم انها كانت تعرف انو انا بدي اشوفها و بالتنسيق طبعا شفتها
طبعا البنت عرفت انو ما في نصيب
و شيء طبيعي بالنسبة الي لانو البنت ما دخلت قلبي بسبب اكتير امور و اولها شكل البنت و مشيتها و لبسها و اهتمامها بحالها
يعني مستحيل شب يوافق على بنت مش مهتمي بالنظافة او اللبس او الشكل او المشي او الحركات
بعدين البنت لازم ترحم حالها و جسمها مش تشتغل 24 ساعة ظهرها يقوس و اكره شيء لما البنت تصير تتصنع بالحركات و بتكون واضحة كتير عليها و بايخة اكتيييييييييييير
يعني بصراحة الشب بهمو البنت المحترمة و الانيقة و الجميلة و صاحبة المرتية و الشهادة و الذكى و العلم و الدين
و من حق البنت كمان ترفض الشب اذا كان مش متل الشباب
يعني مستحيل بنت ترفض شب متعلم مثقف طويل انيق رياضي متكلم رجل قادر على الزواج جاد و اهم شيء يكون جاد مش متل بنات اليوم بيلحقن ورى الشباب الصغار المش جادين و المصيبة بيخطبو و بيقعدو 5 سنين بدون زواج و بعدين بتعلق الطوشات و بيفسخو الخطبة هههههه
المهم انا بدي رد من الاعضاء يلي عارضو على موضوع شو بدك يا بنت و الاعضاء يلي ما ردو على موضوع لكل من يريد الاصلاح و التغيير

[محبة الأقصى]

يعني ازا الشب شاف البنت وما عجبتو ..من حقو يرفضها ويعتذر بطريقة لبقة
واكيد البنت اولها بتحز بنفسها وبتعزل خصوصا ازا كان عاجبها
بس كل اشي قسمة ونصيب ..والزمن كفيل بالنسيان
ويتركها في البداية ازا ما عجبيتو احسن ما يتزوجها وهو مش مقتنع فيها وبعدين يطلقها
يعني فسخ الخطوبة بضل اهون من انو البنت ترجع لدار اهلها مطلقة بعد اكم شهر زواج

[Yasmeen_357]

بسم الله الرحمن الرحيم
انا شايفة انو الفتاة اللى واثقة من نفسها ما راح يهمها رفض العريس الها

[هلــون]

انا ماجربت هالشعور كلو ولا عندي فكرة كيف رح يكون شعوري
... الحمد الله اجى نصيبي بطريقه حلوة وبتمناها للكل ..^^..