هل هذا هو فعلا عالم حواء ؟؟ سؤال للبنات حوا الي هون

[عاشق الوطن]

مرحبا :s (43):

بصراحة نفسي اسئل هالسؤال من زماااااااااااان

بس الحمد لله

هيني بدي اسئلو :icon31:

ممكن تجاوبوني بصراحة بس وتفهموني ليش


يعني انا بلاحظ البنات (الاغلبية العظمى طبعا)

الا من رحم ربي

ما بيهتمو الا لهاي الشغلات

الاكل والطبخ والبس وشو عملت هاي وشو سوت هاي وشو بدي البس اليوم ومين تجوزت ومين حبت

وهيك ومن هالحكي ....الخ طبعا انتو عارفين :icon11:

وقليل من البنات بهتمو للوطنيه او للسياسه او للاشياء الي فيها تفكير جاد وتعب شوي

يعني البنات بيطالبو في المساواه بينا وبينهم بس عمري ما حسيت البنات بيقدرو يملكو احساس بالمسؤولية عنجد او يفكرو في الدنيا متل ما بفكرو فيها الرجال

فا بدي اعرف ليش يعني البنات هيك لانو طبيعتهم هيك او لانهم ما بحبو يوجعو راسهم

او انو هادا الكلام فاضي بالنسبه الهم

بتمنى تكونو فهمتوني صح :icon31: وما تزعلو مني لانو بس فضول هيك :icon9:

تحياااااااااااتي

وطبعا هادا الحكي مش عن كل البنات

بس معظمهم :b:

سلام

[AnGeLa]

وعليــــــكم الســلام و رحمــة الله وبركاتهــ ..

أولا يســلمو ع طرح هادا المــوضوع

بالنسبة إلي أنا الصراحة ما بهتم بالأمور هاي ،، الصراحة بحسها هبل

وهدول الأشياء آخر شي بفكر فيهن ..

بالنسبة لسياسة وما بعرف شو.. كمان ما بهتم فيهن ،، بس اهتمامي أكتر فيهن من قصص البنات ..

والاكسسوارات وما بعرف شو ..

ولعلمك أنا بحس البنات هن ياللي دايما حاملات المسئولية ..

أكبر مثال عنا ،، أخي واختي ياللي بمصر

اختــي حاملة المسئولية كلها فوق راسها ،، عليها شغل البيت ،، طبخ ،، تنضيف

وغير هيك دراستها .. لكن أخي ،، طشات ،، قعود على النت ،، لا مبالاة ..

وبرضو بالبيت نفسو احنا البنات علينا كل شي .. محملينا فوق طاقتنا ..

مش هاي مسؤلية برضو ولا شو ؟؟

هاي ياللي عندي

ويسلمو ع طرح الموضوع ^^

[~ | Mazaj]

وعليــــــكم الســلام و رحمــة الله وبركاتهــ ..

أولا يســلمو ع طرح هادا المــوضوع

بالنسبة إلي أنا الصراحة ما بهتم بالأمور هاي ،، الصراحة بحسها هبل

وهدول الأشياء آخر شي بفكر فيهن ..

بالنسبة لسياسة وما بعرف شو.. كمان ما بهتم فيهن ،، بس اهتمامي أكتر فيهن من قصص البنات ..

والاكسسوارات وما بعرف شو ..

ولعلمك أنا بحس البنات هن ياللي دايما حاملات المسئولية ..

أكبر مثال عنا ،، أخي واختي ياللي بمصر

اختــي حاملة المسئولية كلها فوق راسها ،، عليها شغل البيت ،، طبخ ،، تنضيف

وغير هيك دراستها .. لكن أخي ،، طشات ،، قعود على النت ،، لا مبالاة ..

وبرضو بالبيت نفسو احنا البنات علينا كل شي .. محملينا فوق طاقتنا ..

مش هاي مسؤلية برضو ولا شو ؟؟

هاي ياللي عندي

ويسلمو ع طرح الموضوع ^^

اعتقد اختي انجيــــــــلا كفت ووفت بكلامها هــــــــاد ..

احنا عنــا بالبيت اخوتي ما بيشتغلو ولا شغلة .. ولا حتى بيرضو يلبو طلبات امي متل انهم يروحو ع سوبر ماركت او اي مكان تاني ,,

ولا لما يروحو يشترو اللي ولانجيلا بيطلعو روحنا وياريت بيجبو يلي بنحبو ..:b:

وكل هاد ولسا بتحكو عن المسؤوولية ..

بالنسبة لمنتدى حواء .. بعتقد انو بيلزمو شغل كتير .. وبلاقي معظم مواضيعهن ع الاكسسوارات والملابس .. وما بلاقي مواضيع تهتم بشخصيتها وتنميها .. او مواضيع نصح لالهن الا ما ندر ..

ولو بدي انزل .. ما بلاقي هالاقبال .. :icon7:

الله يعينك اختي مغرمة ع المسؤولية الكبيرة :wacko:

ويسلمو لطرحك اخي حبيبتي فلسطين

[شذى الياسمين]

ممممممم كلامك منطقي وفي منو كتير وكتير كمان
بس هلأ بدي اسئلك انا كمان سؤال
ومنو حتعرف اجابتي على سؤالك
هلأ انتا كشاب كمان في شباب منكم بحبو الكرة وفي شباب تانية بتحب الياسة وفي شباب بتحب النت وفي شباب عندها هوايةةةة شي اسمو بنات
يعني كل انسان حسب ميولو حسب افكارة حسب ما اتربي ونشأ
يعني ممكن تلاقي صبية بتفهم بالسياسة اكتر من اجدع شب متل ما بشوف...
بس هالشي كان عندها من وهيا صغيرة ... من كتر ماشافت اهلها كيف..
يعني بالنهاية الانسان حسب ما اتربييي وحسب البيئة الى عاش فيها...
ومع ذلك نحنا علينا مسئولياااات وبنطالب بحقوقنا وما بنتنازل عنها اكيد
وخلص طبيعة البنت هيك متل ما طبيعة الشب الكورة الرياضة السياسة
طبيعة الصبيةة التركيبة الفسيولوجية الها هيك ... وطبعا هذا مابيعني انها تكون ملمة بكل هالامور
اختك
شذى الياسمين

[هلــون]

موضوع حلو .. وحتى انا احترت في جوابه ..

فعلا انا بدي احكي عن حالي انا ما بهتم بالسياسيه بلمرة ولا الي دخل فيها .. بس لو تسالني عن محل او عن شي بخص البنات ممكن اعطيك كل شي بدك تعرفوا ..

ويمكن انا لاني ما تربيت بمكان ممكن احس فيو بمسؤليه كتير .. وممكن لاني دلوعه كتير وكل شي بدي اياه بيجيني بسرعه .. ما بعرف ,,,


وكتير حكولي لازم اتكبري مخك اشوي وفي اشياء اهم من القطط والمنكير والحكي الفاضي .. بس يلا الايام جايه وانحس بلمسؤوليه ويكون عنا اشياء كتير مهمه ونهتم فيها ,,,


يسلمووووووووووووو

[سحر العيوون]

انا بصراحه بوافق شذى في كل ما قالتو انا لكل جنس طبيعة فسيولوجية ونحن ما بنقدر نغيرها
واكيد طبيعة البيئة كتييير بتأثر في هالشي ، سواء كانت اجواء هادية بتحب البنت تهتم بحالها ، او أجواء عنف وحرب بكون هون على البنت انها تهتم بسياسة و تثقف نفسها كمان,,, أما الشب بيكون بيهتم بالكورة والحب واشيا كتيرة ،، وفي المواقف الصعبة بيوقف بحزم وشده ولا كأنه الرايق اللي بيحب الكورة وغيره
يعني لازم نتفهم انوووو كل شي في وقتو حلوووو

وشكرا على طرح الموضوع

[حكيم فلسطين]

موضوع صريح فعلا وواقعي
وانا بقول انو البنات بقدر ما ل يقدمن شيئا الا انهن قدمن فعلا
وضحن من اجل الوطن هنا في فلسطين
وانا اعتقد انهن فعلا يتحملن مسئوليات نحن لا نستطيع ان نتحملهن
فلو قلت لشاب او لرجل ان يجلس في البيت للطبيخ واللاكل والتنظيف
فلن تجد شخصا يستطيع ان يفعل هذا
فلهذا الحياة سائرة بنا
والكل يتحمل بعض المسؤوليات

[محبة الأقصى]

والله انا رأيي متل شذى وسحر العيون
يعني زي ماالبنات بحبو اللبس والاكسسوارات واخر صرعات الموضة
كمان في شباب كتير بتضيع وقتها في الكرة والرياضة او في الصياعة او عالنت
وازا كان عالسياسة في بنات كتير بتفهم بالسياسة زي الشباب واكتر
وانا عن نفسي ما بحب السياسة ...بس الي فترة بسمع الاخبار وبتابعها
اما بالنسبة للمسؤلية ...البنات بتحملو المسؤولية اكتر من الشباب بكتيييييييييير
والبنات دايما اعقل واركز من الشباب....
0
0
0

وان شا الله بنلاقي تغيير في منتدى حوا ..ومواضيع مفيدة وهادفة للفتاة المسلمة

[عاشق الوطن]

مرحبا من جديد

اسف لاني طجولت عليكم

بس ظروف يعني

وشكرا لكل الي جاوبوني ولكل الي مرو

انجيلا

اعتقد الي متلك يعني بكونو قلال

اعتقد انو اختك صحيح بتتحمل مسؤوليه ولكن لم اقصد هذا النوع من المسؤوليه

وقصدي عن التفكير بمسؤولية حيال الاوضاع الي اكبر من هيك

وصحيح البنت يمكن تشغلها هاي الشغلات ولكن ازا اكتفت بانها تكون هيك فهي بتقلل من قيمتها كتير

انا بتصور البنات لازم يعرفو شو دورهم في الحياة ولازم يكونو تفكيرهم اوسع كمان

وما تتاثر بايا حدى تاني وهادا الي بعملو ايا واحد بيفكر يعني حتى الشباب يمكن لما يصير بدو يكون الو راي يتاثر بعوامل كتير ممكن تحبطو ولكن بيكمل طريقو

اختي فجر الحياة

باين من كلامك انك اختها ل انجيلا

وباين من كلامك انو اخوانك ايضا من النوع الي ما بيحب يتحمل المسؤوليات

ولكن تاكدي مش كل الشباب نفس بعض وحتى ازا كان الشب يبدو الكم انو مش سائل من جواتو بيكون بيفكر بكل هالشغلات وبيعبر عنها مع اصحابو ولكن بيعقد انو البيت مش بيئه مناسبه للتعبير عن هيك

ويمكن بينظر للبيت بنظره تانيه غير

شذى الياسمين

اختي كلامك صحيح

صحيح انو الشباب يمكن بيحبو الكرة والسياسة بطبيعتنهم الخشنه

وصحيح انو البنات يمكن تحب شغلات تانيه حسب تركيبتها متل ما قلتي

ويكن هل الامور الي بهتمو فيها الشباب خصوصا السياسيه مع اني بكره هاي الكلمه

ورح اعمل موضوع عنها كمان ههههه

هل هيه بس بتهم الشباب وبتنعكس ع الشباب ام على البنات كمان

هيلين

اهلا فيكي انتي عمرك 20 اه

بس انا بضم صصوتي الهم لانو عنجد يعني ممكن كتير ناس تفهمك غلط

يعني مثلا انك تكوني مهتمه في هاي الشغلات وتكون في قائمه اهتماماتك الاولى فهاي مصيبه في نظر بعض الناس او كتير من الناس ويمكن يكون معهم حق

لانو هاي شغلات ثانويه وفي شغلات رئيسيه ممكن تتحكم في مصيرنا وحياتنا

واحنا مش عارفين ؟

اختي سحر العيون

وانا بوافقكم الجوز

ولكن هل البنات طبيعتهم وتكريبتهم لازم تخليهم محدودات التفكير بهاي الشغلات بس ؟؟

يعني عنجد انا بلاحظ البنات ابصر كيف قليل ما تلاقي منهم بيفكرو تفكير واسع وبكل المجالات

يعني البنت بيكون تفكيرها خصوصي لشغلات معينه

صحيح يمكن طبيعتها هيك

ولكن في نظري بتكون هبله في نظر كتير من الشباب

واكيد ما بفهمو انها طبيعتها هيك

وحتى هي لازم تفكر بشغلات اكتر

يعني مثلا السياسه

مش ممكن انو حد يتضرر من نتايجها وانو يكون شب بس

متل ما منشوف شباب بستهدو او بيموتو او بينسرو في كمان بنات بيصير فيهم هيك

اخي حكيم فلسطين

صح كلامك واعتقد انو معظم البنات الي في فلسطين وجوا الوطن

بتغير طريقت تفكيرهم

وهادا نتيجة انهم بيوشو بعيونهم انهم مش ممكن يكونو بعاد عن كمل الي بيصير

ومش ممكن يغرقو في افكار تانيه وهم مش قادرين يوقفو ادانهم عن سماع الانفجرات

اختي عاشقة الاقصى

اهلا وسهلا فيكي

برضو نفس الكلام

واغلب البنات بيقولوه

ما بتحبي السياسه

ولكن الاقصى الي بتحبيه شو حارمك منو غير السياسه ؟؟

ما يسمى السياسه له تاثير كبير علينا

خصوصا الفلسطينيين والشعوب التي تتعرض للعدوان

ولي عودة في موضوع اخر ان شاء الله

[صدى الصمت]

يسلمو حبيبتي فلسطين على طرحك لهيك مواضيع وانا عن نفسي راح اجاوب وبكل صراحة خخخ
اول شي الشباب مو كلهم نفس بعض انا في شباب بيقربولي لكن عمرهم ما لبو لحدا اضغر طلب وبيروحو يدورو بالشوارع ولا شغلة ولا مشغلة يعني وجودهم زي عدمو بالضبط
لكن انا مو متل معظم البنات اللي بتحكي عنهم انا من بداية الانتفاضة الثانية وانا متابعة كل الأخبار السياسية وبطلت اشوف مسلسلات ولا اغاني بس في شغلة المسلسلات بتابع مسلسل واحد بيجي على ابو ظبي على الساعة 7 <<<<< شوفو حلو كتير هههههههه
وعن شغلة الاغاني اذا بشتهيهم ما بفتح عليهم بالتيفي ولكن على الكومب بس وانا برد وبعيد انو مو كل الشباب متل بعض بيحملو المسؤليات ولا كل البنات متل بعض بيتابعو اشيا غير اللي عددتهم
وتحيتي الكوو كلكو مرة تانية و ثانكس على هالموضوع الحلو
اختكو فري =)

[مغرمة فلسطين]

حيرتوني بالاجابة: طيب انا رح احكي وجه نظري
اولا البنت متل اي انسان الها ميول على شي مخصص بتحبو يعني الشب بيحب يتابع الكورة و الرياضة لكن البنت الصبية من طبيعتها بتحب تتابع الموضة و الازياء و هيك اشياء,,,,,طيب البنت مو شغلة ما وراها مسؤؤليات بالعكس البنت كل الدنيا فوق راسها يعني لوغابت عن البيت يوم بيصير في دمار شامل و المسؤؤليه على الصبي كتير اقل منها يعني هي بتهتم بالكل اما الصبي بنفسو اكتر شي انا ما بنكر انو ورى الصبي في مسؤؤليات في عليه كتيرمسؤؤليات متل الكل و البنات مو ما بيحبوا السياسة بالعكس انا دايما متابعة الاخبار بشوف شو عم يصير بهالدنيا مقلوبة فوقاني تحتاني لكن الله ينصر المسلميين ,,,,,و كمان انا كل ما بسأل الصبايا شو بتحبو انزل الكو مواضييع بالقسم بيحكو ازياء صور اكسسوارات و هيك يعني عمرهم ماطلبو اشياء تانية اذا بتحبوا احط اي نوع تاني خبروني وانا جاهزة و شكرا

[عاشق الوطن]

مرحبا اختي مغرمة فلسطين

طيب الشباب بيحبو يلعبو كورة وبيحبو السيارات وبيحبو كل الاشيا تبعت الشباب

بس ما بيوقفو عندها وبس صح ؟؟؟

وانتي قلتيها البنات عارفه شو بيطلبو

والبنات الي بهتمو للشغلات الي بتهتميلها انتي قلال كتير

والهل انا شب ومرات بنجلط من البنات

بحسهم ابصر كيف عنجد

مرات بحسهم اغبيا

مع احترامي الكم هههه

تحياتي

[عاشق الوطن]

معلش نسيت ارد ع صدى الصمت فري سابقا

اختي صدى شكرا على المرور

وانا ما بحكي عن بنات المنتدى

ولكن حبيت اسئلكم

لانو البنات الي في هالمنتدى عنجد غير شكل

وانا بحترم كل وحده فيكم

ولكن عن بحكي عن البنات التانيين

يعني اكيد بتعرفو منهم ؟؟

البنات الي راسهم فاضي

ولو تفتحوه بطلعلكم عصفور وبيطير هههههههه

وهادا النوع اكتر نوع بكرهو من البنات

مشان هيك قلتلكم

من قهري

تحياتيييييييي الك

[فلسطينية والنعم]

انا رح ارد عليك اخي مع اني كل مابمر على موضوع الك بتكون مقهور ودمك فاير مش عارفة ليش
ابصر .........
المهم انا برايي انو مش غلط البنت تهتم بشغلات الموضة وتهتم باناقتها لانها بالاصل انثى ومافيها تبطل عن هاي الشغلات زيكم انتو ياشباب مافيكم تبطلوا لعب كورة وسيارات هي طبيعية وغريزة موجودة منذ الأ زل في آدم وحواء ومافيك تعمم كلامك على كل البنات لانه في كتير بنات ماشاءالله بتلاقيهم الهم معرفة بكل اشي بصير حوليهم يعني بتلاقي لكل سؤال جواب عنهم وفي طبعا العكس مابيغرفوا وين الله حاطهم وهاد بيرجع للبيئة والتنشئة الي تربوا عليها يعني زي ماتعودوا من وهم صغار كيف ربوهم اهلهم فبيكبروا وراسهم فاضية بهاي الشغلات ازا سؤالك ممكن يكون موجه للآباء اكتر من الابناء بجوز التدليل الزايد عن اللزوم وانهم ماجربوا يحملوهم المسؤلية وكتير اسباب لو قعدنا نعد فيها مش حنخلص بس اخي لازم تعرف انو البنت فيها تتحمل المسؤلية اكتر من الولد ولاتستهين بالمرأة ابدا فالمراة بمقدورها ان تفعل كل شيئ ولو نظرت من حولك لوجدت زوجات الرسول خديجة والسيدة عائشة فلنتخذهم قدوة لنا في حياتنا وانظر الى ماري كوري واغاثا كريستي وشجرة الدر كيف استطاعوا ان يحققوا انجازات عظيمة في حياتهم قلبت الموازين لقد استطاعوا ان يحافظوا على بيتهم وفرقوا بين عملهم وبيتهم ياريت احنا نكون زيهم واخيرا
وراء كل رجل عظيم امراة عظيمة بس وين هاد الرجل العظيم ؟؟؟!!

تحياتي لك اخي ولطرحك القيم
اختك فلسطينية والنعم

[لمسة وردة]

هاي خيو حبيبتي فلسطين
اولا يسلموا على الردود
ثانيا اغلب رايي متل راي فلسطينية والنعم و كلامها صح
ثالثا انا الحين بدي احكي عن وجهة نظري :---
البنات البنات البنات غيظ الاولاد الاول والاخير ........ما بعرف ليش لانهم بيهتموا بحالهم بحبواالترتيب بيلبسوا اكسسوارات بيزبطوا حالهم.....شوبدوا يصيربالدنيا لانوا بنت يتعمل هالشي لنفسها......طيب انتوا يا شباب ما بتتطلعوا على حالكوا نسبة منكوا اكل ومرعى وقلة صنعة....
احنا البنات بنظف وبنرتب بالبيت ولو انتوا اتوليتوا شئون البيت لكان صار دمار شامل فيه....وبالنسبة الكوا شوفوا حالكوا قبل ما تتكلموا بتحطوا الجل وقصات الشعر الغير شكل و البناطيل الي الله اعلم بتجيبوها من وين.... الله يعلم
وبالنسبة للسياسة اكثرية البنات بيهتموا فيهاو الدليل الواضح انوا احنا يالبنات بنجاهد معكم و بنسندكم والعمليات الفدائية ما بتقتصر عليكوا بس و احنا كمان
يعني فيك تقول انوا البنات تلاتة في واحد اناقة وجهاد و حس بالمسؤولية..........
وشكرا..
مع تحياتي الك

[مغرمة فلسطين]

طيب انت في اشياء بتجلطك بتصرفات الصبايا احناكمان عنا اللي يجلطنا منكو :
1- بناطلكوا الساحلة شوهادا اشلحوا أحسن عن جد شي بيقهروعلى قولة اعضاء المنتدى مشان الله بيكفي

2- الاكسسوارات شي عادي بحياة الصبية وانها تتزبط عادي كمان انتواما بتشوفو كيف سياراتكو ولا شعركوا بالجل كيف واقف ولا اذا حدا خدش السيارة ولا لمسها خلصتوا عليه <<<<ارحموا العالم يمكن بالغلط مو قصدهم

و طبيعة البنت و بأنوثتها بتحب تهتم بحالها متل الصبي رياضة وسبورت و حركاتو الصبية نفس الشي كمان الها انوثتها و اغراضها...

و انا بحترم وجهة نظرك و يسلمووو

[Banbon]

انا بقول انه كلام الصبايا اللي قبلي كفا و وفى .....
و يسلمو ايديك على الموضوع .....عنجد روعه .....كتير حلو ....
خليتني افكر انا كيف بتصرف و اذا شفتني رح تيجيلك جلطه ولا لأ .؟؟؟
هههههههههههه.ههههههه

سلام

[عاشق الوطن]

اختي فلسطينيه والنعم

تحياتي الك

يا ستي

انا مش دايما معصب ولا شي يعني انا انسان متلي متل باقي البشر عادي

بعصب وبفرح وبمزح وبزعل

بس صحيح دايما اغلب موضوعاتي جديه

بس بوعدك اصير اشارك بمنتدى ال(النكت والفكاهة)


انا بالنسبه الي بحب اشاركم لانو هادا المنتدى اغلبو شباب صغنونين وحبابين فا بحب احكي هاي

الشغلات واشوف ارائكم فيها لانها شغلات بتهمنا كلنا وكلنا منشوفها ومنعرفها بس ما حدى بيحكي

عنها بصوت عالي صح؟؟؟

واختي فلسطينيه كلامك صحيح وانا معك ويا ريت البنات بيكونو بيقتدو وبيكون فعلات في المجتمع

وبيكونو ابطال متل الرجال

بس عنجد يعني لو نظرتو على البنات بشكل عام بتلاقو انو قليلين الي هيك

وكمان لو نظرتو على الشباب بشكل عام بتلاقو الشباب قليلين الي بتقولو عنهم

انهم بيسحلو بلاطينهم وابصر شو هاد

بس الشباب برضو بيهتمو بالشغلات المهمه

اما البنات انا مش قصدي ما يهتموف ي حالهم وفي عالمهم الخاص بس برضو ياشركو في العالم التاني ؟؟؟

يعني وانتو حتى البنات نفسكم بتعرفو انو انتو ما بتحبو هاي الشغلات ولو شفنا مثلا مشاركاتكم في املنتدى بتحكم

شوفي اغلب المواضيع الي بتكون جديه وهيك الشباب الي بعملوها ومنتدى التصاميم ما في ولا بنت بتنزل مشاركات فيه

كلهم شباب وطبعا المنتديات السياسيه نفس الشي
اما البنات فا يمكن تواجدهم في منتدى حوا تبع الاكسورات ومنتدى النكت والفكاهه ومنتدى الطبخ ومنتدى الكرتون


اختي لمسة ورد كمان انتي نفس الشي

يعني عم تدافعو عن حالكم بس اه

انتو بتشاركو معنا في العلميات الاسشتهاديه اه ولكن اتطلعي على البنات الي في الخارج يعني مش اصدي على البنات الي جوا فلسطين مثلا او هيك البنات وين ما كان


مغرمة فلسطين

انتي بتحكي عن نوع محدد من الشباب وهو قليل جدا يعني هدول الشباب المايعين مش موجودين في مجتمعنا الفلسطيني الاصيل

وكمان مره انا مش بطلب انو ما تهتمو بهاي الشغلات بس بسئل ليش ما بتهتمو في غيرها ؟؟

بانبون

بتعرفي انتي الوحيده الي بحس انو الموضوع عمل معروف معك

بس يا ترى هلاء كيف نظرتك لحالك ؟؟؟

انا مش رح انجلط ازا شفتك لاني بشوف بنات كتير واكيد انتي احسن منهم وانشاله يكون ظني بمحلو

ولكن الشب لما يشوف وحده زي هيك اول شي يمكن يبتسملها وهيك ويظهرلها انو معجب

ولكن في جواتو بيقول عنها تافهه وهبله وشغلات كتير كمان

فا ما تفرحي بحالك على وضعك ازا كان متل الي بحكي عنهم

لانو فعلا انهم عاله على المجتمع

لانو المراة نصف المجتمع

فاذال كانت المراة تفكيرها محدود وهيك كيف بدها تربي وكيف بدها تحفض المجتمع من الفساد

نعم كل هادا الشي في ايد المراة

وشكرا على ردودكم الحلوه يا امهات المستقبل

[Banbon]

بانبون

بتعرفي انتي الوحيده الي بحس انو الموضوع عمل معروف معك

بس يا ترى هلاء كيف نظرتك لحالك ؟؟؟

كيف يعني عمل معروف معي ؟؟؟؟ :icon9: :icon9: ما فهمت عليك

[عاشق الوطن]

اهلاااااااااااا


اصدي انو خلاكي تفكري كيف بتتصرفي و اذا شفتك رح تيجيني جلطه ولا لأ .؟؟؟

وهادا بداية في التغيير

لما يفكر الانسان بشي

بس بتمنى انك تكوني في الاحسن دايما

تحياتي الك

[Banbon]

اها.....خلص فهمت عليك....
و بعد التفكير و التدقيق في تصرفاتي و طبعا بعد ما اتصلت بصحباتي و سألتهم
قررت انه لا تخاف ما رح تيجيك الجلطه....
هههههههه

[محبة الأقصى]

اختي عاشقة الاقصى

اهلا وسهلا فيكي

برضو نفس الكلام

واغلب البنات بيقولوه

ما بتحبي السياسه

ولكن الاقصى الي بتحبيه شو حارمك منو غير السياسه ؟؟

ما يسمى السياسه له تاثير كبير علينا

خصوصا الفلسطينيين والشعوب التي تتعرض للعدوان



صح كلامك اخي
اقنعتني والله
بس الحمدلله انا مش محرومة من الاقصى ...5 دقايق بلكتير بسير فيه
الحمدلله رب العامين ...هذا من فضل ربي

[عاشق الوطن]

اختي بنبون

خلص يعني طمنتيني فيني اشوفك وانا مرتاح هيك هههههههه

بس بعدو عمرك 15 صح

ما شاء الله عليكي العمر كلو

الواحد بيقضي كل عمرو وهو يتعلم بس الشاطر الي بتعلم من غيرو يا عيوني

وانشاله ما يكون كلامي ضايق حدى

اختي عاشقة الاقصى

انتي هناك يعني في فلسطين المحتله

نيالك

انا فكرتك برا فلسطين

نيااااااااالك

انا محروم منو مشان السياسه بس

وانا اكبر مثال

تحياتي الك وازا بتروحي ع الاقصى بوسيلي اياه ووصلي شوقي الو

حلم حياتي اكون في الاقصى حتى اني دايما بتخيل القدس وبتمنى نحررها وتكون النا

ونقدر نعمل فيها ونعمرها

والقدس الاحتلال بخرب فيها مع انو بيعمر في القدس الغربية

ولكن بيضل مش اسلامي

اه يا قدس شو نفسي نعمرك احنا ولادك ولاد فلسطين

والله فتحتي جروحاتي هههه

تحياتي الك

[ماري]

اسمع انا من جهتي ما بهتم بالطبخ بس بهتم بجمال وبهتم بالسياسة بس مش كتير

[ماري]

على فكرة عاشق الوطن انا من مدينة الثدس