ملاحقة الشباب للبنات موضوع للنقاش

[ملك فلسطين]

المهم
حبيت انو تكون بموضوع مستقل
لإنو صراحة هاد موضوع خطير جدا
وإلو إنعكاساته على الشباب والبنات
وهو ملاحقة الشباب للبنات
طيب وبلاش كترة حكي
بدي أعرف أراء الشباب والبنات
والمضايقات إلي بتصير للبنات

وتحياتي لكم

[Banbon]

والله هالشي بصير دايما:icon28: ....حتى يمكن البنات تمسحو من كتر هالشغله......هههههه

:icon9: انا برأيي انه هالظاهره مو منيحه بالمره.....و لاكتر من سبب......

اول شي حرام و بناخذ آثام و احنا طبعا مو ناقصين ....و اذا انتشرت هذه الظاهره ...بصير المجتمع فاسد....و ما اله فايده...لو طبعا بتصير الشوارع و المراكز كلها فاسده و منظرها مو حلو....و بيبطل حدا من الاهالي يأمنو على بناتهم يطلعو من البيت (( من خوفهم عليهم )).....


و اكييد هيك بيصير لاكتر من سبب

الشباب اللي بيعملو هالحركات ...بكونو فاضيين و عندهم فراغ ...و على قولة الخليجيين
((( ما عندهم سالفه))).....فبروحو على اي مول و بصيرو يشتغلو بهالبنات....

و كمان ما ننسى ....انه في بنات مايعات زياده شوي ((( طبعا مو الكل )))....و منظرهم مو حلو بالمره....فلما يشوف الشب بنوته حلوه ...و قاعده بتضحك و بتدلع بصوت عالي
(( كانها عامله استعراض))...هوه ما بصدق و بقول لحاله:
(( اكيد مو سائله عن حدا ..يلا هلأ بروح اتسلى شوي)))


و طبعا قلة الوازع الديني و اهمال الرقابه (( من الاهل و من السؤولين ))

انا هاد رايي ....:icon31:


شكرا على الموضوع الحلو....و انشالله بنخلص من المعاكسات و الملحقات....

[Abu Shadi]

اخي مين قلك انو كل الشباب بلاحقو في البنات عشان اريحك اخي
البنت المحترمه لو شب لحقها بطنشو ما بتعملو اهتمام ولا اكنو موجود ولكن البنت الي بدها الشب يلاحقها
اقل اشي بتعملو بتلف وجها عليه وبتقلو ما عندك خوات يعني زي الي بتحكي تعال خيو الحقني افهمت خيو
وبعدين في مثل بقلك ان بين ناب البنت الحقها ولا تهابها
والشباب ما بلاحقو اي بنت بالعكس بالحق البنت الي بدها لمن يعرفو انو مثلا هي البنت محترمه بتمشي علي العجين مبترخبطوش عمرهم ما بقربو عليها بالعكس بحترموها كثير
وبعدين تعال هالايام انا شايف العكس في البلد صارو البنات يلاحقو الشباب ويوقعو فيهم ههههههههههههه

[ابو جروح]

صلو على النبي 0000اول اشي هاي الظاهره منتشره بكل مكان في الشارع في المدارس في الجامعات وين مكان بتشوفوها 0000 بس لو ارجعنا للسبب ايش الحق اولا على اهل الشب او البنت 0000ما بيكون عنده شخصيه فا بده يثبت حاله امام البنات00000واذا كان مراهق سلامتك محلى بجامتك يعني امتك كلها ما بتغير فيه اشي على شان الشباب في هاي المرحله بالذات بيكون ميوله للبنات مش طبيعي طبعا كل واحد فينا جرب حياة المراحقه والي مجربش رح يجبرب
لا تنسو برضو البنت بتلعب دور كير في الموضع كيف بواسطة لبسها اذا كانت لا بسه من غير هدوم شو بده يمسك الشباب انهم ما يلاحقوها يعني هيه بنفسها كأنها بتحكي يا شباب الحقوني 00000ويا حبيبي اذا كانت بتتمايع وبتضحك بصوت عالي في الشارع انا بقول الله يستر من هل اليوم 000
الله يعطيكم العافيه

[محبة الأقصى]

عليه الصلاة والسلام

والله هادا الموضوع خطير ومنتشر في كل المجتمعنا
بس لو كان في شوية دين ووعي ومتاعبعة الاهل لولادهم كان اتقلصت هاي الظاهرة
بس الحق على مين
في ناس بتقلك البنات همى السبب في لبسهم ومياعتهم ودلعهم في الطريق ...يعني الشب غصب من عنو بدو يعاكس ...وفي ناس بتقلك الشباب همى السبب بصياعتهم وتسكعهم في الشوارع
بس انا رأيي انو لو كانت البنت واثقة من حالها..ومتقية الله في لبسها وبتمشي مشية محترمة ...ولا حدا بقرب منها او بحكيلها كلمة وحدة...بل على العكس الشب يمكن ازا شاف حدا بدو يعاكسها بعمل معو طوشة..وهي ما بتقربلو

[نهر الدموع]

والله ييعني هاي ظاهرة منتشرة مو قليل كتير
بس انا رأيي انو في حق على البنات وعلى الشباب
يعني لو البنت لابسة لبس محترم وماشية في احترامها ما حد بكلمها ولو حد كلمها الي بترد على حد
يعني بتقلو عاكس اما الي ما بتعطي اهمية ما اظن رح يرجع يعاكس الا اذا كان مانو محترم بالمره
ولو الشب شاف اي بنت شو ما كانت لابسة وبخاف على خواته لازم يخاف على بنات الناس
وكمان في حق على الاهالي
يعني لو الاهالي بتابعو وين ولادهم رايحيين وشو بيعملو كان ما بسير هاد الكلام
وبس
وكمان على قولك اخي ابن فلسطين انو هالأيام البنات ايرة تعاكس الشباب ههههههه
لا حول ولا قوة الا بالله

[فتــ(الجليد)ـــــاة]

موضوع كتيرررررررررررررر حلو انا براي انو هي الظاهره منتشره بكل مكان بس الي زايد انتشارها
للاسف البنات بصراحه انا بدي احكي من خلال بعض النماذج الي بشوفها بالجامعه بتكون البنت مش مخليه لبس وميك اب وبتضحك وبكون صوتها مسمع كل الجامعه ولو اجى شب بتقلك هادا قليل الادب بطقس علي
شي طبيعي يطقس طالما انو انت مش محترمه حالك وبنفس الوقت في بنات بكون محترمات وعين الله عليهم وبيجي شب مش محترم حالو لا بطنش بحل ولا بتبهدلو بحل


مش عارفه هل هي الظاهره مرتبطه بالانفتاح الي احنا بنعيشو او مرتبطه ببعدنا عن دينا وعاداتنا

تحياتي

[Bent Palestine]

الموضوع كتير حلو
وبرأيي انو الشب لو كان محترم مابعاكس اي بنت سواء كانت مايعة او لاء لان هاي الشغلة بترجع للشب نفسه ومابحكي انو البنت مو غلطانة لاء البنت بتغلط بلبسها بس هاد مابخلي الشب يعاكسها ... ولازم الشب يفكر ازا كانت هاي البنت اخته بيرضى هيك يصير فيها وكمان احيانا الشب بعل البنت وهوا بضل يلحقها يعني عندكم انا اكبر مثال لما حد يضل يجلطني برد عليه وبشرشحوا قدام الكل مين ماكانو ومابستنى حد يدافع عني وانا برايي كمان انو هاد اللي بستحقوه الشباب اللي بعاكسو البنات

[مستحيل أنساك]

الصراحة شئ مؤسف اللي عم بصير في هالزمن

يعني بتلاقي البنت ماشية محترمة في لبسها ومشيتها وعيونها في الأرض ورغم هيك بتتلاحق من الشباب

بس هالبنت نادراً ما بتتلاحق مش متل البنت اللي ماشية زي المهرج في الشارع

يعني لو البنت محترمة نفسها ما رح تسمح لحد انو يلاحقها

والشب لو عامل لنفسه قيمة ما بسمح لنفسه يلاحق بنات في الشارع

سؤال للشب

هل انت من قيمتك انك تلاحق بنت في الشارع ؟؟ وكيف بترضى لحالك انك تنزل لهالمستوى انك تلاحق بنت في الشارع؟وهل الإسلام حثك على انك تلاحق بنات الناس ؟

الصراحة انا بشوفه انه امر تافه للغاية

وزي مإنت ما بتحترم أعراض الناس الناس ما رح تحترم عرضك

واسمحولي على الاطالة

سلاااام

[ملك فلسطين]

مشكورين اخواني ارائكم كتير حلوة وانشالله البعض استفاد منها هو الحئ مش ع طرف واحد الحئ ع الطرفين
تحياتي

[ملك فلسطين]

مشكورين اخواني ارائكم كتير حلوة وانشالله البعض استفاد منها هو الحئ مش ع طرف واحد الحئ ع الطرفين
تحياتي

[ملك فلسطين]

مشكورين اخواني ارائكم كتير حلوة وانشالله البعض استفاد منها هو الحئ مش ع طرف واحد الحئ ع الطرفين
تحياتي

[Abu Shadi]

عليه الصلاة والسلام

بس انا رأيي انو لو كانت البنت واثقة من حالها..ومتقية الله في لبسها وبتمشي مشية محترمة ...ولا حدا بقرب منها او بحكيلها كلمة وحدة...بل على العكس الشب يمكن ازا شاف حدا بدو يعاكسها بعمل معو طوشة..وهي ما بتقربلو

اختي فعلا البنت لو احترمت نفسها راح تلاقي كل الشباب بحترموها حتي عارفه لو شب مشلط علي الاخر وما في علي لسانو غير الوساخه مستحيل مستحيل جدا يقربها وانا هذا الي حكيتو

تحيتي خيتي عاشقة علي رأيك الرائع
وتحيتي الك اخي نهر الدموع
وربنا يوفقك الجميع ويهديهم
اخي فترت المراهقة ما حدا بسلم فيها غير الي بكون قريب لدين يعني انا لساتني في فترة المراهقة وسن فترة المراهقة بنتهي لسنه 20
ولكن كل انسان ببعد عن الدين بتجه في طريق الخطاء فمن واجب الاهل تربايه ابنائهم علي الدين الصحيح لحتي لو وصل فترة المراهقخ يستطيع يطلع منها
وتحيتي الكم جميعا وهذه تحيتي اتمنا ان تقبلوها واسأل الله ان يهدينا جميعا

[محمود]

الحمد لله ..

الناس قناعات ..

البنات شو فيهم زيادة عن الشباب ..

الناس يلي عقولها فاضية الي عم تطلع على البنات ..

الي ما بخاف على شرف او عرض ..

والمصيبة الاكتر البنت بتاخد بحالها مقلب لما يطلع فيها شب ..

بكونو البنات يقولو اطلع علي انا لا مو عليكي علي انا ..

وبهيك صارت البنت تقدر حالها بنظره شاب حقيرة ..

لكن ما بنكر انو في بنات الله يحفظهم .. متل ما في شباب الله يحفظهم ..

والله يهدي الجميع .. ويهدي مجتمعنا المتغرب

[نغوم]

في مجتمعنا العربي و بالاخص الفلسطيني بنلاحظ انتشار هاي اظاهره بشكل
لكن على مين بنحط الحق؟

لو جينا للبنت احتمال هي الي كون عليها الحق انه شب ايلاحقها و يعاكسها و بتوقع اغلب الملاحقت بتصير بسبب البنت
لعدة اسباب اولا من لبسها من حركاتها بشارع تصرفتها مشيتها كله هاد ممكن يخلي اي شب انه يلحق البنت و يعاكسها
طبعا على عكس اذا كانت البنت ماشيه باحترامها
طبعا انا مش بحكي انه كل الحق على البنت لانه مرات بكون البنت ماشية بكل احترام
بس الشب بكون ما عنده عرض يخاف عليه او يحط اخته مكان البنت الي عم بيلاحقها

نصيحة صغير للشباب انه اذا حبيت تعاكس بنت حط اختك مكانها وحط شب اخر مكان نفسك بتقبل؟
و للبنت لو شفتي وحدة بتتصرف تصرفاتك و شباب بلاحقوها شو اول فكرة بتكونيها عنها او بلاش هيك
لو اخوكي شافك شو رح يكون موقفك؟

وسلام