للعازبين و العازبات فقط

[Banbon]

هذا الموضوع بس للعزاب والعازبات
دائما مايطرح في وجهك سؤال ماذا تتمنى في شريك المستقبل
(( وتكون الاجابة نموذجية مثالية بدون احلام خاصة ))








:icon11: بس هنا الوضع يختلف:icon11:



:icon31: :icon31: :icon31:



:icon9: نتمنى من كل واحد و وحده تقول شو تتمنى في شريك المستقبل :icon9:

[ابنة الشتات]

اخي اول شي شكرا كتير
موضوعك حلو
انا لسا بدي كتير علي
(مفعوصة)
ما بعرف ليش بس دايما متل ما قلت الاجابة نموذجية ومالوفة على هاد السؤال
وللاسف الكل بعد ما يتجوز ما بحقق الشي يلي كان يحلم فيه

أنا عن حالي أهم شي يكون بحبني كتير
وبحلم يكون رجل اعمال وانا دكتورة يا سلام
وبحب يكون شاعر او بخربش يعني هيك شي

عن الشكل والله مو فارقة بس ما يكون عجبة يعني مقبول
الشي الي بهمني يكون طوييييييل عشان ما استحي لما اوقف جمبو

بدك الحق بيتمناه يون حبيبي الي راح بس (ليس كل ما يتمنى المرء يدركه.. تجري الرياح بما لا تشتهي السفن)

والحياة قدامي طويلة
والله يوفق الجميع

[ابنة الشتات]

إن شاء الله كانت اجابتي مختلفة

[Banbon]

يسلموو..على المرور و على ردك الحلو .....و انشالله بكون احسن من حبيبك اللي راح بكتييير ..و الله يوفقك

[ابو جروح]

الي بجيبو ربنا امنييييييح
يا دلوعه

[Banbon]

يا دفش ......صح اللي بيجيبه الله منيح ....بس اكيد كل واحد عنده احلام و تخيلات....
ولا انت ما عندك ؟؟؟

[ابو جروح]

انا عندي بدي شهر ما بخلص ههههههههههههههههه

[Banbon]

ههههههههههه........طيب منيح انه عندك ....

[Abu Shadi]

اشكرك بانبون علي الموضوع الرائع
ولكن عندي تعليق بسيط علي ابنة الشتات اختي معلش اعذريني انا اسمعت انك بتحكي هذا الكلام


بدك الحق بيتمناه يون حبيبي الي راح بس (ليس كل ما يتمنى المرء يدركه.. تجري الرياح بما لا تشتهي السفن)


اختي انا بتهيئلي من كلامك انو الشخص هذا باعك
خيتي انا صحيح شب صغير بس باخد الحكمه من الكبار والي بفهمو وبعمل نفسي مو مهتم بيها في يوم من الايام اجا خطاب لبنت عمي فكانت مع واحد قريبنا علي علاقة حب زي الي بيصير يعني وكان واعدها انو يتزوجها ولكن الشب هذا تزوج وحده تانيه فكانت البنت متعلقه فيه ورافضه كل خطيب بجها وفي يوم اجا شخص زوق وخلوق ومحترم جدا ومعاه منصب اكويس مهندس معماري وشغلانتو الف التمام
فكانت بنت عمي تبكي وكان عندهم شخص صاحب العايلة فهمان وعجوز
فبحكي لبنت عمي وانا كنت قاعد انا وولاد عمي وبنضحك يعني وبنمزح رغم انو كنا نمزح والدوشه الي موجوده الا عند الحكمه لقطتها فالحكمه الي حكالها ايها هي (الي بشتريكي يا بنتي اشتريه ) يعني ما ترمي نفسك علي اي شخص هو ما بدو اياكي دوري علي شخص بدو اياكي وارمي نفسك عليه بتعرفو انها اتزوجت الشب وقبلت فيه وهي الشب الي كان يدو ايها واتزوج غيرها بتمنا اتمنى ترجع هذيك الايام ويتزوجها ليه شاف جمالها زاد وشاف العز الي هي فيه زاد شو بدها اكثر من هيك وهيهم بحبو بعض ومبسوطين وخلفو كمان
لذلك نصيحتي اختي ما تحاولي ترجعي الذكرى ال راحت الراح مات

اما انا في حلمي لشريكة حياتي
اخي مش مهم مين تكون شريكة حياتي بالمستوي الاجتماعي
فقيره غنيه المهم انها تكون شرياني زي ما شاريها
واما بالنسبه للحب فشي طبيعي في فترة الخطوبه راح تلقيه من نفسو اجا ويمكن اقابل فتاه مناسبه الي قبل ما افكر في الزواج ونحب بعض وبعدها نتزوج يعني انا كل الي بهمني انو تكون خلوقه وبتفهم الدين ولبين ما افكر في الزواج لسا قدامي كثير وقدامي قردين مو راضين يتزوجو ههههههههههههههههه

[Banbon]

يسلمو هالايدين با ابن فلسطين كلامك رووعه ...و انا معك (( اللي بيشتريني بشتريه و اللي بيبيعني ببيعه))

[سهم المحبة]

معاااااااااااااااااااااااااكم حق كلكم

بالنسبة الي انا المهم يكون عندي انه مش عصبي وما بدخن

ويكون حنون ويخاف علي ويغير كمان

ويكون جميل وطويل

[محبة الأقصى]

انا ازا ما كان شيخ ودين كتير ما باخدو

وما بدي اياه يكون بدخن

وشرط انو يكون متعلم ومتكلم وواثق من نفسو وقادر على اتخاذ قراراتو واجتماعي

ويكون طويل وحليوة وعندو سيارة

ان شا الله يا رب تجتمع كل هاي الصفات في بني ادم واحد

الله يوفقني ويوفق الجميع

[Banbon]

والله ما توقع انه في كل هالصفات الحلوه بانسان واحد........ههههههه
بس و الله ياريت يكون في حد هيك .........انا اول وحده بدي هالصفات......يسلمو على ردودكم ((( عاشقة الاقصى ...و ......سهم المحبه )))

[ابو جروح]

اول اشي انه تكون خلوقه وعلى دين ...... وكمان تكون محجبه ........... وما تكون عصبيه على شان بكفي انا عصبي ........ وبس

[Banbon]

ابو جروح........شي حلو ....شكرا لمرورك و لردك

[نهال]

والله
انا بالنسبة الي انه يكون
راجل بمعنى الكلمة
مش قصدي انه يكون عصبي ويضل يصرخ يمين وشمال
لا قصدي الرجولة انه يكون واحد يعرف يتحمل المسؤولية ويكون انسان متفهم
ومقبول الشكل

[.:.!دموع الرحيل!.:.]

مممممم
شو اقوووول ؟؟!!!
انا بحبو أكيد يكون بيخاف رب العالمين ،، وتكون شخصيتو قوية يعني بس يقعد بمجتمع يثبت وجودو
وأكيد تكون أفكارو وأراؤوا راقيه
ويكون بيحترمني وبيقدرني وبيحبني
ويكون يعني امور مش بالضرورة الجمال بس يعني شي ومنو ....
ويكون مرح بالإضافه إلى تدينو ....
ويكون وطني يعني بيحب فلسطين كتير
ممم وشو بعد اذا طلع معي بعد شي بخبرك هههههههه
تسلم ايديكي يا امورة عالموضوع الحلو
الله يرزق كل واحد الزوج او الزوجه اللي بإجتماعهم بيرضوا رب العالمين
أختد دموع

[زهرةاللوتس]

انا والله اهم شي عندي يكون بيخاف الله وبيصلي واخلاقه منيحة ومحترم
وما بدخن طبعا والشكل مش مهم كتير بس يكون مرتب يعني وصفات كتيييييييييييييييييييير يعني بدي شهر لما اخلص وكمان ما بلاقي حدا زي هيك
يسلمو على الموضوع

[ayman]

الشرط الاول ان تكون مرتدية زيا اسلاميا محتشما، والثاني ان تتمتع بخلق حسن، وان تكون حافظة لكتاب الله، وان تصوم النهار وتقوم الليل، يعني عابدة لله بحق........
هكذا يفتتح اي شاب ملتزم حديثه عن الصفات التي يطلبها في نصفه الاخر؛ حتى تصطدم عيناه باول مشهد ساخن من الكليبات، فتنقلب الموازين، ليصرخ قائلا: انا بدي اعف نفسي، ولكن الدين وحده لا يكفي......

فترى الى ايهما يرضخ الملتزم في اختيار نصفه الاخر ملتزمة ام هيفاء........ممكن يكون موضوع نقاش
المرأة الجميلة.. الذكية.. المثقفة.. الغنية.. المتعلمة..ام صغيرة السن
اشارة استفهام وتكهنات كثيرة حول هذا السؤال............ما هي صفات شريكة المستقبل ؟؟؟؟؟
لاشك ان لكل رجل مقاييس معينة يتمنى ان يجدها في فتاة احلامه، وعموما يرغب الرجل بالارتباط بالمراة الجميلة، وكثيرا ما يصرح امام امه او اخته بطلبه هذا قبل ان تذهبا لاختيار عروسة له، الا ان هذا المطلب لم يعد الهدف الاساسي الذي يبحث عنه الرجل في المراة مؤخرا وذلك لعدة أسباب منها: ان التجارب اثبتت للرجل ان الجمال يتلاشى شيئا فشيئا مع مرور الوقت، كما انه قد يعتاد هذا الجمال فلا يرى في زوجته ذلك البريق والجاذبية التي كانت تشده إليها، بل قد لا يرى الجمال فيها رغم جمالها الذي يلحظه الاخرون بسبب فظاظة فيها أو طبع لا يستحبه بها.. فيكون جمالها بالنسبة له ليس الا لوحة باردة صامتة لا تحرك به شيء.......
ولعل ظروف الحياة فرضت على الرجل أن يخرج من هذا الموروث الاجتماعي رغم كل ما تبثه كثير من وسائل الاعلام العربية التي تكرس هذا المفهوم في عقلية الرجل...........
لا خلاف في ان الرجل يريد المراة صاحبة الفضيلة والاخلاق الكريمة التي تحافظ عليه وتحفظه في نفسها وماله واولاده، الا ان هناك بعض الصفات التي يجد سعادته معها ان وجدها في زوجة المستقبل.
يريدها ذكية وصبورة:
في هذا الوقت الصعب ومع متطلبات الحياة الكثيرة اصبح الرجل يفضل المراة الذكية والصبورة التي تشاركه افكاره ، اهتماماته وتدخل عالمه وتهتم بهواياته وعمله، تستطيع ان تشاركه حياته بكل مسؤولياتها ومتطلباتها وتتحمل معه اعباءها، ويلتقي معها بنقاط مشتركة لتغدو جميع الاشياء مشتركة؛ الاماني والاحلام وحتى الهموم، يجمعهما طموح مشترك نحو هدف مشترك يسعيان الى تحقيقه.
تقدر ما يفعله:
المراة التي يفضلها الرجال تلك التي تقدر ما يبذله زوجها من اجلها وما يقدمه لها، وتشعره زوجها بالامتنان والتقدير، فالرجل يحتاج الى الحب الذي يحمل معه الثقة به وقبوله كما هو، ويريد منها ذلك الحب الذي يعبر عن تقدير جهوده ،
يريدها مثقفة:
ويحبها ان تكون متعلمة و مثقفة عكس ما هو معتقد عند كثير من النساء بان الرجل يهرب من الارتباط بالمراة المتعلمة المثقفة وان الرجل لا يهمه الا الانثى في المراة، والحقيقة ان الرجل يحب ان يجتمع في زوجته العلم والثقافة والذكاء والوعي لان هذه الصفات تريحه في حياته، اذ يجد فيها سندا له تفهمه وتساعده دون جهد منه، وتكون قادرة على تربية ابنائه بشكل سليم.............
لكن الذي يحصل ان بعض النساء عندما تحصل على شهادات عليا تنسى انوثتها و تتمرد عليها، وتجد ان لها دورا اخر في الحياة بعيدا عن انوثتها فتوليه كل الاهمية على حساب زوجها وبيتها واطفالها مما يولد فجوة كبيرة بينها وبين الرجل فيرفضها هكذا.
يريدها خفيفة الظل:
يريدها ان تكون خفيفة الظل تمسح عنه الاعباء التي تثقل كاهله وتجلي بروحها الجميلة همه، ففي المرح علاج لكثير من المشاكل الزوجية ومن اهمها الملل، والرجل يعشق المراة المرحة التي تتمتع بروح الدعابة وخفة الدم، اذ ان اكثر ما يكرهه الرجل ان يدخل حياته الملل او النكد...........
يريدها قنوعة:
يحب الرجل المراة القنوعة التي تقنع بالرزق وتسلم لامر الله سبحانه وتعالى والتي تبين له الرضى لما يقدمه لها ولا تتهمه بالبخل كما هي عادة الكثيرات، وان تعلم ان زوجها يجمع المال بالجهد والعرق ليوفر لها حياة كريمة فتضع ذلك في اعتبارها، ولا تثقل عليه بطلباتها فان اثقل كلمة على مسمع الزوج كلمة..................هات.......... .
يريدها طاهية ماهرة:
يحب الرجل في زوجته ان تحترم مواعيد الطعام الخاصة به وتتفنن في اعداد اجود انواع الاطعمة ليجد طعاما طيبا اذا ما عاد الى بيته بعد يوم شاق من العمل.....والى غضب الله سوف يحل بها ....
يريدها حلوة اللسان:
يحب الرجل في المراة ان تكون حلوة اللسان سلسة عذبة في حديثها لطيفة ودودة ، فالرجل يطرب لسماع كلمة جميلة ويحب ذلك كثيرا، فان لم يجد الكلمة الطيبة عند زوجته سيبحث عنها في مكان اخر، كما ان الكلمة الطيبة تشبه قوة خفية دافعة لكلا الزوجين لينعما بحياة هانئة وجميلة......
ومشكورة بانبون .....

[Banbon]

شكرا يا صبايا على آرائكم الحلوه......و انشالله بتتوفقو ..و بتتزوجو اللي بدكم ايه....أما ayman
يا عيني عليك انت.......يا عمي لو اني خليتك تكتب الموضوع كان احسن.... عنجد انت ردودك فظييييعه
يسلمو هالايدين و هالافكار الحلوه

[محمود-87]

بدي شريكة احلامي تكون بتشبه ران مسلسل كونان ههههههههههههههههه

[Banbon]

هههههههههههههههه.......دير بالك ...هادي بتلعب كاراتيه حسب معلوماتي

[ابنة الشتات]

اخي ابن فلسطين واخي بنبون
شكرا كتير على ردكم علي واسفة على اني تاخرت بس ظروف
الحكمة الي ذكرتها مزبوطة الي بيبعني بببيعو بالرخيص كمان
بس الشخص الي رحل صدقني ما با عني
ابدا
وانا عن حالي بتمناه كل الخير وهو كمان
بس بغض النظر عن انو راح انا اعجبت بشخصيته وحبيته
وكان الحب الاول
هاي كل القصة
وكمان جديدي صاحية من الصدمة فطبيعي

شكرا اخوتي على النصيحة

[نسرينا الفلسطينيه]

والله لسا ما فكرت في الموضوع

بس أهم شي يكون على خلق ودين وبخاف ربوو

وشاريني..وبحبني وبحترمني..ويكون حنون كتير..

ومتفهم ومش عصبي بالمره :)

[مؤيد]

أن تكون الفتاة ، على دين وجمال ، أن تكون وفية لي طول العمر .
ولا أحب أن تكون صاحبة علاقات سابقة مع شباب بأي طريقة كانت . لأن العلاقات السابقة تؤثر سلبا ً بين الشريكين في المستقبل .
ولا أحب أن تكون الفتاة من النوع الذي يكرر ويلح على أمر ما .

[ريما الفلسطينيه]

بدون تعليق

[حمساوي للنخاع]

بحبها تكون زي مرتي بالظبط يعني الله وفقني في بنت الحلال يلي فاهماني مظبوط

[محمود]

مطيعـــــــــــــــــة :)

[Abu Shadi]

بس يا روح ماما هههههههههههههههههههههههه
مطيــــــعه ئطيعه تئطع الكفره والفجره

مرسي الكم كلكم علي الدخول الرائع ولكم مني اجمل تحيه الي اللقاء في حلقة اخرى من برنامج للعازبين والعازبات بييييييييييب

[Banbon]

ههههههههههههههه......شكرا لمروركم و لارائكم جميييعا و الله يوفقنا كلنا يـــــــــــا رب

[حكيم فلسطين]

كل واحد بيوخد قسمتو نصيبو
والل من ربنا يا محلاه

[ابراهيم عجوري]

وقتهااااا بقرر وشكرااااا على الموضوع