عودة كرسي الاعتراف ...مع الاخت ملكة الرومانسية..

[gold_quest]

السلام عليكم ورحمة الله


نستضيق في هذا الاسبوع الاخت ملكة الرومانسية ......

والله اوفقك .........





واقضفوها باسالتكم ......


وجزاكم الله خير

[مغرمة فلسطين]

كم عمرك ؟؟؟؟

[عاشق الحرية]

السلام عليكم
انا لازم استغل المنصه وأسأل ههههه ؟
*
*
سؤالي الأول هلئ وبعدين بسأل الباقي
)
(

هل أنتِ انسانه غامضه ؟
صراحة لا أعلم ولكني أشعر بأنك غامضه جدا رغم أني لم أكلمك أبدا
هناك شيء عظيم يتعبك

واخيرا بتمنالك كل خير وسعاده

وشكرا

[عاشق الحور]

احم احم احم الله يكون بعونك ,,,,

شو شعورك لو انسرق ايميلك ؟؟

شو شعورك لو سكر المنتدى بالمرة ؟؟

شو شعورك لو خرب كمبيوترك ؟؟

شو شعورك لو نزل قرار من القيادة العليا بفصل النت من البيت ؟؟

شو شعورك لو لقيتي نفسك راسبة في مادة ظلم ؟؟

اجى دور الاعضاء

عضو مهذب ؟؟

عضو عبقري ؟؟

عضو دمو خفيف؟؟

عضو محرج ؟؟

عضو لسانو حلو ؟

عضو يا ريتو ما سجل ؟؟

عضو يا رب يصير مدير عام ؟؟

عضو ما بيستحق مكانو كعضو ؟؟

عضو قلبو طيب ؟؟

عضو في عندو كتير بس بخيل ؟؟

عضو حابة تتعرفي عليه اكتر؟؟

عضو انت تشعرين انك مقصرة معه ؟؟

عضو بتدعيلو بدو ما يعرف ؟؟

عضو غايب ؟؟

عضو لو غاب يوم بتفتكريه .؟؟

عضو لو كان معاكي طول اليوم ما بتزهقي منو ؟؟


المشرفين ,,,,

مشرف ما بيستحق الاشراف ؟؟؟

مشرف لو بمنتدى تاني بيكون احسن الو ؟؟

مشرف انت شايفة انو المفروض يكون من زمان ؟؟؟

مشرف انت ما بتعرفيه ؟؟

افضل مشرف واتعس مشرف ؟؟

اجى دورك انت ،،،

كم عمرك ؟؟

شو هواياتك ؟؟

شو امنيتك ؟؟

شو اكلك المفضل ؟؟؟ والاكلة اللي ما بتحبيها ؟؟

شو لونك المفضل ؟؟

كيف مستواكي الدراسي ؟؟؟

امنيتك في الحياة ؟؟

العائلة ،،

كم عدد افراد اسرتك ؟؟

اقرب افراد الاسرة الى قلبك ؟؟

فرد بيغلب في البيت ؟؟

كم ترتيبك في البيت ؟؟

فرد في البيت بتحسي انو ما أئر فيكي كتير ؟؟



نكتفي حاليا ،،، بس لسه في عندي كتير ما تخافي

[مغرمة فلسطين]

الصراحة ما في اسئلة ضلت النا الصراحة نشو كفى و وفى

[Banbon]

عاشق الحور.........اسألتك روووعه (((( عقبال ما تسألوني ...هههههه))))
انا بدي اسال ليه اخترتي هالاسم بالذات؟؟؟؟
اخترتيه لانك رومانسيه و لا بس عجبك الاسم؟؟؟؟؟؟؟

[محمود]

أختي ..

انا راح اسأل سؤال اليوم

وراح كمل بعدين..

هلا انتي بفلسطين أو من الخارج ..

وهل من سكان الضفة أو من سكان قطاع غزة ..


وشكرا الك ..

ولي عودة

[ملكة الرومانـسية]

gold_quest

مشكور خيي

بارك الله فيك

وهلا بأسئلة الجميع

مجنونة فلسطين هلا بيك

عمري 19 عام



اخي ابن الجليل (الي استغل المنصب :showoff: )


هل أنتِ انسانه غامضه ؟

صراحة لا أعلم ولكني أشعر بأنك غامضه جدا رغم أني لم أكلمك أبدا

هناك شيء عظيم يتعبك

ربما انا غامضة في بعض الامور التي تستوجب ذلك

اما باقي الامور فانا شخصية عادية جدا

في حياتي شيء عظيم يتعبني...

لكن هناك خالق كريم ..يساعدني



كل الاحترام اليك اخي

وفي انتظار اي سؤال منك بكل سرور



مع الشكر

[دنيا الامل]

مرحبا اختي
الله يعينك على كل هاي الاسئلة
انا مش حسال دي الوقت
خليها لبعدين اما تخلصي من الاسئلة دي
0
0
0
0
متسبيش اي سؤال

[ملكة الرومانـسية]

عاشق الحور

هلا بيك خيي..( شكلك بتنتقم من اسئلة الكل الي توجهت الك فيني :showoff: )

شو شعورك لو انسرق ايميلك ؟؟

مو مهم..بعمل ايميل جديد

وبضيف كل اصدقائي عليه...

وبقدر ارجع ايميلي المسروق

انسرق منا اشياء كتير بتستحق انا نزعل عليها..لكن ايميل لا اظن له تأثير كبير

ويكفي ان وطننا قد سرق



شو شعورك لو سكر المنتدى بالمرة ؟؟

حزن...عميق...مع ذكريات سعيدة



شو شعورك لو خرب كمبيوترك ؟؟

:icon5: :icon5:

بحزن عليه ..وبصلحه في نفس اليوم



شو شعورك لو نزل قرار من القيادة العليا بفصل النت من البيت ؟؟

ليه..هي بلادنا تواكب التقدم..ولا تتراجع

اكيد بغضب



شو شعورك لو لقيتي نفسك راسبة في مادة ظلم ؟؟

احاول استرجاع حقي المظلوم..بشتى الطرق

واستخدام العقل ..والا انجرف وراء طاقة الغضب




اجى دور الاعضاء

عضو مهذب ؟؟

نسرينا

عضو عبقري ؟؟

محمود

عضو دمو خفيف؟؟

تورنيدو


عضو محرج ؟؟

ما في كلنا حلوين :showoff:



عضو لسانو حلو ؟

قمر الخليل


عضو يا ريتو ما سجل ؟؟

انا...( ما بعرف تعودت على هون ..كارثة لو تركت المنتدى :showoff: )



عضو يا رب يصير مدير عام ؟؟

انا :showoff:


عضو ما بيستحق مكانو كعضو ؟؟

ما في كل منا يستحق تلك المرتبة


عضو قلبو طيب ؟؟

ايمن

عضو في عندو كتير بس بخيل ؟؟

انا كمان :icon9:

عضو حابة تتعرفي عليه اكتر؟؟

كل بنات المنتدى :showoff:


عضو انت تشعرين انك مقصرة معه ؟؟

ابن الجليل

عضو بتدعيلو بدو ما يعرف ؟؟

الكل

عضو غايب ؟؟

امين...ما شفته اليوم

عسى المانع خير


عضو لو غاب يوم بتفتكريه .؟؟

امين..محمود..عاشقة الليل..ابن الجليل..نسرينا


عضو لو كان معاكي طول اليوم ما بتزهقي منو ؟؟

الكل


المشرفين ,,,,

مشرف ما بيستحق الاشراف ؟؟؟

انا :showoff: ( مقصرة كتيييييييييييييييير )


مشرف لو بمنتدى تاني بيكون احسن الو ؟؟

انت ( بتعمل نشاط في المنتديات النايمة :showoff: )


مشرف انت شايفة انو المفروض يكون من زمان ؟؟؟

كل المشرفين...طبعا


مشرف انت ما بتعرفيه ؟؟

كلهم


افضل مشرف واتعس مشرف ؟؟

كل اخوتي المشرفين مميزين

وليس هناك مشرف تعيس بيننا


اجى دورك انت ،،،

كم عمرك ؟؟

19

شو هواياتك ؟؟

الشعر...الخاطرة...فن القصة..الحاسوب وعالم الانترنت

السباحة..السفر...

وكمان اشياء كتير:showoff:



شو امنيتك ؟؟

رضا ربي عني

رضا والداي

رضا اهلي والناس

وطموحي: رسم الابتسامة على شفاه جميع الناس لو بالقلم على ورقة



شو اكلك المفضل ؟؟؟ والاكلة اللي ما بتحبيها ؟؟

المعكرونة بكل انواعها

البيتزا

الكبة

الكبسة


والاكلات التي لا افضلها متعددة منها

السمك


شو لونك المفضل ؟؟

الازرق بجميع تدرجاته



كيف مستواكي الدراسي ؟؟؟

ممتاز

ما عدا اخر فصل كان 96.5 :icon5: :icon5:





العائلة ،،

كم عدد افراد اسرتك ؟؟

5

اقرب افراد الاسرة الى قلبك ؟؟

الجميع..دون استثناء


فرد بيغلب في البيت ؟؟

انا:showoff:



كم ترتيبك في البيت ؟؟

الابنة الاكبر


فرد في البيت بتحسي انو ما أئر فيكي كتير ؟؟

لا احد





نكتفي حاليا ،،، بس لسه في عندي كتير ما تخافي

فعلا بيكفي بس كتير قليل هيك كان لازم تكثر الاسئلة:icon5: :icon5:



مع الشكر

[ملكة الرومانـسية]

اختي مجنونة فلسطين

فعلا خيي عاشق الحور كفى (بيكفي ايدي تعبت من الكتابة :showoff: )

مع الشكر



Banbon

انا بدي اسال ليه اخترتي هالاسم بالذات؟؟؟؟

اخترتيه لانك رومانسيه و لا بس عجبك الاسم؟؟؟؟؟؟؟

اسمي...ملكة الرومانـسية يتكون من شقين

الاول هو ملكة

وذلك لاني ملكة على عرش الرومانسية

ملكة في زمن صنعته بفكري...وقلبي

ملكة في كل شيء

الرومانسية : هي عنواني


مع الشكر

محمود :


انا راح اسأل سؤال اليوم

وراح كمل بعدين..

هلا انتي بفلسطين أو من الخارج ..

وهل من سكان الضفة أو من سكان قطاع غزة ..


انا من فلسطين بكل فخر

ومن غزة ايضا

ارض الصمود


مع الشكر


دنيا الامل :

مرحبا بأسئلتك في اي وقت


مع الشكر

[نسرينا الفلسطينيه]

نورتي ملكه الرومانسيه كرسي الاعتراف::

*من هو قدوتك من بعد الرسول عليه الصلاة والسلام؟

*هل فكرت مرة بالإستشهاد في سبيل الله؟

*مين شاعرك المفضل؟

*كلمة تحب ان تهديها لامك؟

*ما الشيء الذي تمنى ان تملك؟

*امنيتك بالحياة؟

*شو هواياتك ؟

*شو نفسك تطلع لما تكبر ؟

*شو شعورك تجاه الجنس اللطيف ؟

*من هو اكتر عضو يلفت انتباهك ؟؟

[ملكة الرومانـسية]

نسرينا الفلسطينية :



*من هو قدوتك من بعد الرسول عليه الصلاة والسلام؟


خير قدوة لنا هو الحبيب المصطفى عليه افضل الصلاة والتسليم

من بعده الصحابة

من بعده جدي ووالداي

انا ذات شخصية مستقلة...اخذ من كل شخصية ما هو حسن منها واتبعها




*هل فكرت مرة بالإستشهاد في سبيل الله؟

الشهادة ...اسمى امانينا

ومن منا لا يحب ان يلقى الله بوجه حسن

بعدما دافع عن ارضه..واهله




*مين شاعرك المفضل؟

اقرأ الشعر لجميع الشعراء..واعجب بالكثير خاصة شعراء امي فلسطين





*كلمة تحب ان تهديها لامك؟

امي لا تمتلك قلب انسان...وانما تمتلك

قلب امة كاملة

قلبها كبير لدرجة انها وطن...

اصول فيه واجول

اجد فيه دفء الاوطان وحدبها

على ابنائها...

المس فيه حب امهات العالم

لاولادها...

ان قلب امي هو الحنان وليس

فقط فيه حنان...

فيه وفاء وعطاء ...يشعرني

اني اعيش في امان

هل بعد كل هذا..

قلب امي وطن ؟!

لا..بل قلب امي هو

جميع الاوطان....



*ما الشيء الذي تمنى ان تملك؟

اتمنى ان املك قلبا..يسع الدنيا وما فيها

اتمنى ان املك اصابعا..تعبر عن نفسي وامانيها

اتمنى ان املك وطنا..احتضن ذرات ترابه وادفيها

اتمنى ان املك حبا..يغير سير ايامي ولياليها

اتمنى ان املك رضا ربي وجناته..وازور اراضيها





*امنيتك بالحياة؟


ان ارسم البسمة على شفاه طالما عانت وقاست..ولو برسمها بالقلم ..على ورقة




*شو هواياتك ؟

الشعر...فن الخاطرة

الحاسوب..وعالم الانترنت والتكنولوجي

السباحة ..والسفر

التأمل في الطبيعة

وغيرها...




*شو نفسك تطلع لما تكبر ؟

كاتبة السطور..ورائدة الفكر..

على اعلى مستويات العلم

لخدمة اهلي..ووطني




*شو شعورك تجاه الجنس اللطيف ؟

المرأة...نصف المجتمع

وروح الحياة




*من هو اكتر عضو يلفت انتباهك ؟؟

امين...محمود...نسرينا...هيلين...ابن الجليل...رينوكس...عاشقة الليل...تورنيدو..ابراهيم نصر

والكثير ..لا استطيع حصرهم



مع الشكر

[عاشق الحرية]

السلام عليكم ورحمة الله

انا عدت .. وفي جعبتي سؤال واحد

ههههههه ديما بسألوا نفسو

السؤال : لو فزتي بجائزة السفر للقمــر

ويحق لك اصطحاب شخصين ..

من هما ??

[ملكة الرومانـسية]

السلام عليكم ورحمة الله

وعليكم السلام ورحمة الله وبركاته



السؤال : لو فزتي بجائزة السفر للقمــر

ويحق لك اصطحاب شخصين ..

من هما ??

والداي


مع الشكر