اذا سمحتوا اللي بشوف الموضوع يدخل لانو ضروري....

[-|| تقى ||-]

السلام عليكم كلكم
- - - - - - - - - - - - -
اذا سمحتولي بدي اسال سوال ويا ريت الكل يجاوب

عالمسنجر عندك اذا عملت بلوك لحدا ليش ؟؟؟؟

مش يمكن مش قادر تحكي معو وما بتعرف تقول "لا" لحدا

او يمكن متدايق وما بدك تحكي ؟؟؟؟او يمكن بتستنى شخص وما عندك وقت لحد و زي ما قلت ما بتعرف تقول لا؟؟؟

طيب السوااااااااااااااااااااااااااااااا اااااااااااااااااال
ليش الزعل من البلوك؟؟؟؟ اذا عملك صاحبك بلوك ما بصير تزعل من اول مرة مره بضل صاحبك

واذا تكررت ممكن تساله من دون زعل اما اذا تكررت ممكن تزعل

يعني اذا بدنا نزعل من البلوك لشوووووو موجود عالمسنجر اه لشووو؟؟
بدي اذا سمحتو كل واحد يحكيلي رايه ليش؟؟؟

ليش رح يزعل من البلوك
:icon5: :icon5: :icon5: :icon5:
هاد السوال مجنني لاني كتـــــــــــــــــــــــــــــــــ ــــير بعاني منو للبلوك

[ZaMorANo]

انا عالم للكل بلوك
والي بدو يزعل يزعل
مش فراقني مع

صح رينوكس 2

[-|| تقى ||-]

صح هي الحكي
فلسطيني اذا رديت دخلت الموضوع ممكن اعرف ليش عامل البلوك؟؟؟
اذا ما فيها تقلة دم
اعطينا الاسباب

[عاشق الحور]

no comment

انا من رايي انو لكل واحد طريقة تفكير

واللي بدو يعمل بلوك لسه بتكون احلى لو استاذن من الشب اللي بدو يعملو بلوك

والقصة مش زعل في الاول والاخر كل واحد حر بنفسو

[RiNoXE]

no comment too

كلامك كلو صح نشوو وكمان كلامك صح حجه ...
بس انا من النوع الي ما بيعرف يحكي لحد لأ
فالبلوك اسهل طريقه وخصوصا انو الي بتحكي معو بكون مش عارف
يعني كأنو ما صار شي..

واما عن اسباب البلوك:::: في كل واحد عندو اسبابو وانا من الاسباب
اني بكون اصمم شي .. او بحضر شي على الكمبيوتر... او ما الي مزاج احكي مع حدا... ويمكن انا مشغول بشغله وما بدي اشتت تفكيري .. وفي النهايه لو فتحت ما بعرف احكي لحدا لأ .
يعني مستعد احكي لسنه ولا احكي بدي اروح الا اذا كنت مضطر .

مشكوره حجه..
والله يعطيكي العافيه .

^_^

[ZaMorANo]

بعمل بلوك لعديت اسباب
1 - الشخص ما بدي احي معو او مش فاضي احكى معو

2 - في اشخاص بتقعد على الانترنت للهبل وانا مش فاضي

هاي الاسباب
شكرا رينوكس 2

[-|| تقى ||-]

يا نشوووووو لو كان بيقدر يستاذن الشب للبلوك كان من الول ماحطو وقلك مش فاضي

بس يمكن ما بيعرف يقول لا؟؟او .... ما بعرف يمكن بلاقي البلوك اسهل من انو يقلك ما بدي احكي معك

بالآخر لكل واحد رايه

[dody]

انا بقول البلوك للشخص تقيل الدم يعني بكفي الواحد اذا مشغول او هيك يحط busy
و خلصت القصة


مشكووور عالموضوع


محمد

[-|| تقى ||-]

فلسطيني غلبتك بس تاني سوال؟؟؟

ممكن تعمل لحد مهم بلوك... وانت رح تزعل لو انعملك بلوك؟

[عاشق الحور]

محمد 100%

[عاشق الحور]

فلسطيني طيب هل انت ممكن تعمل هذا الحكي مع واحد بيهمك وما بتحب تزعلوا ؟؟؟؟؟

يعني لو صار هذا الشي بتعرف انو هناك معزة واخوة ام انه العكس ؟؟؟

[مجهول]

العكس انا ما بزعل
بخلي كل واحد على راحتو

[عاشق الحور]

انا من رايي انو الشب اللي مش ممكن يتحمل اخوه لو حكالو عن اذنك ما بيكون يستحق انو ينضاف على الماسنجر

وبسسس ،، وما في بين الاخوة خجل يا رينوكس

[ZaMorANo]

انا ما بزعل
واذا شي مهم ببعثله رسالة

وانا اي حد مهم ولا مش مهم
حتي ابوي بلوك

شكرا

[-|| تقى ||-]

نشات المعزه ما بتيجي وتروح ببلوك وكبسه ماوس

يعني انا لو عملتلك بلوك او لغيررك بكون ما بعزك؟؟؟؟

وما تاخد bussy حل لانو يمكن اللي زعلت منو ما خطر ببالو يعمل هيك

[فداء فلسطين]

اكيد انا معك rinoxe 2
وكلامك كلووو صح

يسلمووو على الموضوع

[-|| تقى ||-]

انت متعود هيك بس انا لو جيت احكي عن حالي ما بقدر هيك طبيعتي

ما بقدر اقول لأ لاي حد مهما كان

حتى لو كانت الشغله بتزعجني

[عاشق الحور]

نرجع ونحكي لكل واحد قناعاتو

[عاشق الحور]

100 % جنان والله كلامك صح

[-|| تقى ||-]

بس الواحد لازم تكون عندو القناعه صح وما بتعملو مشاكل وقصص ويكبر الموضوع

[RiNoXE]

كلامك درر
المعزه ما بتيجي وتروح ببلوك وكبسه ماوس

وانا من النوع الي ما بحب يعمل bussy لانو في ناس ما بتفرق معهم
وممكن انو يدخل محادثه معك حتى لو كنت مشغول ..

وبالنسبه للاذن مش معقول كل ما بدي اعمل شي
امر على كل الي فاتحين ايميلاتهم عشان احكيلهم ::: عن اذنك والله عندي شغله لازم اعملها :: فما تزعل مني ما بقدر احكي معك هلأ ...
أكيد رح يضل شايلها في نفسو لانو يمكن يفكر انك ما بدك تحكي معو ويصير يحكي :: شو عندو اهم مني هاد اكيد قرفان مني ... وغيرو وغيرو

بس البلوك :::: ما حد بيكتشفو الا بالصدفه عشان هيك ما حد رح ينتبه للموضوع وكل شي رح يضل طبيعي...

^_^

[ZaMorANo]

انا ما بهمني اذا واحد عملي بلوك

واذا واحد انا بكون صاحبه انا متاكد انو ما بعملي بلوك
واذا بدو يعملي بكون مشغول
وانا بقبلها عادي

[عاشق الحور]

هذي ما الها في القناعة يا رينوكس - 2

لانو في الاول والاخر كل واحد الو وجهة نظر وبيتعامل مع الموضوع بطريقتو

[-|| تقى ||-]

طبعا بحترم آراكم جميعا..

بس يلي حكيتو نعمل بلوك لما تكونو مشغولين اوغيروه

حطو حالكم محل الي انعمل إلو بلوك..

يعني انته متلا فايت اتكلم حد..ويروح يعملك بلوك..
شو بكون شعورك؟؟

انا من ناحيتي بشوفها قلت احترام إلي ..لانو إلي مشغول يجي يحكيلي ويستأذن
انو مشغول ورح بكلمني بعدين..ورح اتفهم..بس يعمل إلي بلوك..مش حلوه..
لانو انا بنظري المسنجر متل بالبيت والموجودين عندك كأنهم ضيوف ببيتك..وحركه لبوك هاي بشعه كتير بنظري..

هاد رأي وبتمنى تقبلوه :icon15:
مشكوره جنان لرايك......

بس لو انتي لقيتي باب غرفه مسكر وما بتعرفي انو في حد في الغرفه

وبس حرج الشخص او طلع صوت بتزعلي مع العلم انو الباب مسكر بوج الكل؟

[RiNoXE]

طبعا بحترم آراكم جميعا..

بس يلي حكيتو نعمل بلوك لما تكونو مشغولين اوغيروه

حطو حالكم محل الي انعمل إلو بلوك..

يعني انته متلا فايت اتكلم حد..ويروح يعملك بلوك..
شو بكون شعورك؟؟

انا من ناحيتي بشوفها قلت احترام إلي ..لانو إلي مشغول يجي يحكيلي ويستأذن
انو مشغول ورح بكلمني بعدين..ورح اتفهم..بس يعمل إلي بلوك..مش حلوه..
لانو انا بنظري المسنجر متل بالبيت والموجودين عندك كأنهم ضيوف ببيتك..وحركه لبوك هاي بشعه كتير بنظري..

هاد رأي وبتمنى تقبلوه



كلامك 100% بس مش كل الحالات

انا لما بكون عامل بلوك قبل ما يدخل هاد الشخص عندها انا ما جرحتو لانو ما بيعرف..

[مجهول]

بس ليش الحساسية من هالشغلة
بكون الواحد عندو ظروفو وهي الي اجبرتو يعمل هيك

[عاشق الحور]

لا انتم شردتوا عن الموضوع الاصلي

يعني لو كان الواحد مشغول ،،، بيقدر متلا يعمل مشغول واي واحد بيدخل ممكن تحكيلو انك مشغول وما

بيحملها ابدا // واذا حملها متل ما حكيتلكم ما بيستحق انو يكون في الماسنجر

وانت يا فلسطيني حكيتها انو لو الشب بيعزك ما بيعملك بلوك واذا عمل بتتقبلها صح ؟؟

بس يا ترى لو كان بيعزك اصلا ما كان عمل بلوك وما كان خجل يحكيلك مشغول

[RiNoXE]

no more comments
!!!!!!!!!!!!!!

[-|| تقى ||-]

No more comments

[dody]

يعني لشو الواحد عملها قصة انا لما اكون مشغول و بكون حدا من صحابي الاجانب بقلو مشغول و بتاسف
و بقلي
its ok
و ما بعود يحكي معي الا لما انا احكي معو
بس نحنا العرب ليش مكبرين الموضوع ما بعرف اذا كل ما حكا الواحد انو هوي مشغول ضرب على خاطرو و زعل هيك ما منخلص

[-|| تقى ||-]

بس اخر شي قلتها من قبل المعزة مش بكبسه ماوس

[RiNoXE]

بس يا ترى لو كان بيعزك اصلا ما كان عمل بلوك وما كان خجل يحكيلك مشغول

لو كان ما بعزك :: كان تركك عادي ولو حاولت تحكي معو ::: بيحكيلك والله مشغول .. ممكن نحكي وقت تاني.. بس لانو بعزك وبيعنيك ... ما بتحب تحسسو انك ممكن تنشغل عنو لاي سبب من الاسباب عشان هيك بتكون انت عامل بلووك قبل ما يدخل وما رح يشعر انك متجاهلو ::: طبعا تجاهل مؤقت ::: لانو انت عندك طبيعه معينه وسببك الخاص الي منعك تحكي معو .

[مجهول]

بس يا نشو كل واحد الو طريقتو
ومش شرط يكون الواحد بعزك لحتى ما يعملك بلوك
صحيح انو بامكانو يحكيلك انو مشغول بس كل واحد الو طريقتو زي ما حكيت
وبالنسبة الي انا بتقبل الي بيعملي بلوك ....... بس بفضل انو يحكيلي انو حضرتو مشغول

[عاشق الحور]

مس معاك أبدا يا رينوكس بكلامك

[RiNoXE]

Discussion is Over
.
.
.

No more comments

[عاشق الحور]

need more

ok

[~ | Mazaj]

ههههههههههههههههههه ،، انا شفت الموضوع قولت قضية الشرق الأوسـط بدنا نحلها ..!!!
+...............+

نيجي للنقاش ::
بعتقد انو قصة البلوك هادي اشي عــادي ،، مع اني ما استعملتها غير مرة عشان امي ما تكتشف اني قاعدة ع النت ..!!

بس والله بيكون احراج للشخص انك تعملو بلوك وانتا قاعد بتكلم بواحد تاني ،،اما انتا تكون مشغول ويجي يتغالس عليك وتكون حاطط (( مشغول )) ممكن بدون بلوك تقولو والله مشغول ومش رح اقدر احكي معك وخلص ،، يعني لو كان الواحد ما بيتحمل ولا كلمة بأسلوب راقي ممكن تحكيلو هادا الكلام وخلص

بس نصيحة ما تستخدمو البلوك الا للضرورة القصــــــوى :)

+..............+
وتسلمي رينـــــــوكس ..2 ع الموضوع ^...*

[alaa_sabbah]

انا اليوم بدي اشرح قصة البلوك لجيع يلي بالمنتدى اوكي
نبلش
بالنسبة للبوك او الحظر طبعا وظيفته معروفة انو يبين انك مش موجود على المسنجر
في هذه الحالة يا اما بيكون الواحد مشغول مع حدا تاني او بيكون بيبحث عن شيء بالنت و مش فاضي او بيكون وراه شغلة مهمة
على العموم نرجع للاسباب
اولا: الاهمال او النسيان
كيف؟
يعني اذا انت مشغول بشغلة او بشيء مهم و مو جاي على بالك تحكي مع واحد من ضيوفك ، لازم ما تدخل المسنخر بالمرة او اذا دخلت المسنخر اوتوماتيكيا لازم تتاكد انك داخل بحالة غير متصل
و الا بتسبب لالك كتير احراجات و اذا صدف الواحد و نسى يعمل البلوك و دخل عليه احدا الاصحاب و بسرعة عمل بلوك طبعا في هاد الحالة بيكون غلط و لازم يتحمل سبب غلطة و يوضح الصورة فيما بعد لصاحبه
ثانيا: من الاسباب الكثير في استخدام البلوك كثر الكلام المحرج و الروايات و القصص المحرجة و خاصة بين البنات ، و كتير بنات بيحبو بتبادلو الالقاب او العبارات المضحكة و اذا كانت البنت فاتحة المسجر في الصالون مع اهلها و كانت تحكي مع شي 4 او 5 صديقات بنفس الوقت بتكون البنت في وضع حساس من بعض الصديقات المعروف عنها بالمفاجآت و يمكن يمر احد اخوتها او امها و تشوف شو بيصير معها و مع صديقاتها في هذه الحالة بتضطر البنت تعمل بلوك لاكم من وحدة من صديقاتها بشكل مؤقت .
ثالثا: بلوك الحبايب
في هذه الحالة و عند فتح المسنجر ترغب او يرغب الشب او البنت في الحديث قليلا مع الحبيب او الحبيبة
و عند الانتهاء تدعي او يدعي احدهما بانه يريد الخروج و لكنه بالاصل يريد البقاء ليتصفح قليلا على النت ، ولتفادي الاحراج و الشكوك يقوم في معظم الحالات كلاهما بعمل بلوك او تغيير الحالة الى حالة غير متصل
رابعا: في حالة دخول و اضافة شخص جديد و محاولة مسائلته من اين حصل على الايميل و كيف دخل و ما الذي يريده في هذه الاثناء و لو تبين ان الشخص انسان واعي و جاد يحق للطرف الاخر بان يحذفه و ليس فقط ان يعمل بلوك ، و في اكثر الحالات يكون المتطفل نفس الشخص الذي تم حظره و لكن يقوم بالدخول بايميل آخر كي يعرف ان الاخر موجود على المسنجر ام بالفعل غادر و انا افضل ان يدخل كل شخص مسنجره و هو متظاهر بعدم الاتصال في هذه الاثناء يتحدث مع من يرغب دون مضايقات
خامسا: الاصدقاء الجدد و طباعهم ، نعلم ان طبائع البشر تختلف من انسان الى اخر فمنهم من يطيل الحديث و منهم من يتحدث بمواضيع تافهة و منهم من يزعج و منهم من يتحدث مع جنس معين و غير ذلك
فمثلا بعض الشباب يبحث عن ايميلات للبنات و يقوم باضافتها لديه و في حال اكتشف ان من يتحدث معها شاب يقوم على الفور بالحظر او الحذف او يقوم باضافته في مسنجر اخر و فتح تحقيق
و الكثير من الشباب في حال اكتشف ان من يتحدث معه شاب يقوم بحظره او حذفه لانه لا يتحدث سوى مع الفتيات
كذلك الاعمار و اختلاف السن فمنهم من يعرف انه فلان دخل حيث يقوم على الفور بحظره لانه يعلم انه لا يعرف الكتابة بشكل جيد او انه يطيل الكتابة او الرد او انه ليس لديه مواضيع و معلومات مفيده
سادسا: ابناء البلد و المعروفين، هنا في هذه الحالة تختلف لدى الكثير من الناس فمنهم من يدحث مع ابناء بلده باستمرار دون ملل و منهم من يدخل متظاهرا بعدم الاتصال و منهم من يدخل و لا يتحدث معهم بالمقابل لا يتحدثون معه لان كلا الطرفين في حالة انشغال في امور اخرى
سابعا : انتظار صديق مهم و معين للحاجة الماسة للحوار معه حيث يقوم الشخص بالتحدث مع الاخرين و الادعاء بانه سيغادر و يقوم بحظرهم الواحد تلو الاخر و ابقاء من ينتظر ليتحدث معه


هذه كل الاسباب التي لدي و من لديه المزيد فليزيد على ذلك
و شكرا على الموضوع

[ameera]

شوفيـ أنا بزعل ااذا حـد بلكني وأنا مو عاملة اشي وكان البلـوكـ ع طول ..

بس ااذا انحط البلوك شفتوا ورجعت بعد فترهـ وماشفتو يعني كان مشيـول فخلص بكون لشغلهـ خصوصيهـ

مابزعل أنا ^ ^ :matrix:

يسلمو :showoff:

[دموع الغربة واشواق العودة]

الحمد الله صحبتي ماعملتلي بلوك ولامرة واذا عملت بزعلش لأنو بعرف انو في اشي شاغلها ..شكرا كتير ..^.^..

[&نسيم الروح&]

هههههههههههههههههه

انا ازي ما بدي احكي مع حدا بحكيله حل عن راسي اف يا

اما ما بعمل لحدا بلوك الا ازا بلوك معاها دليت لانه بكون ما بدي الحدا هاد

اما ازا حدا عملي بلوك ما بهتم ولا بزعل لانه ما بدها زعل