هل كلمة .. آسف .. تداوي الجراح؟؟؟؟؟؟؟؟؟

[alaa_sabbah]

السلام عليكم ورحمة الله وبركاته

"هل آسف تداوي الجراح ؟؟؟؟؟؟"



موضوع ليس بالأمر البسيط، من أجل الحوار ومناقشة أخطائنا وتجاوزاتنا مع الآخرين، فما مصير أخطائنا وتجاوزاتنا مع الآخرين؟؟!! أولاً وقبل كل ذلك هل نحن مستعدون للاعتذار إذا أخطأنا بحق الآخرين؟؟، ففي أسوأ الأحوال نتمادى بالخطأ والتجاوز ونحن نعلم، ولا نبالي بأخطائنا ولا نبالي بالآخرين ومشاعرهم فنتجاوزهم دون أن نرد لهم أدنى اعتبار، وفي الوضع الأفضل على الإطلاق هو عندما نعتذر منهم، فيسامحونا فهل آسف تداوي الجراح برأيكم؟ ولو كنت أنت الجريح، هل اعتذار الآخرين يرد لك اعتبارك ؟؟ وإن سامحت هل تكون نفسيتك مرتاحة؟؟ تساؤلات مطروحة للنقاش بموضوعية تامة.


لا تبخلوا علينا بآرائكم في الموضوع.
اخوكم علاء

[Banbon]

..... علاء...موضوعك اجا بوقته ..لاني اليوم عرفت شي مو منيح...و اجا الشخص اللي عمل هالغلط اعتذرلي ... و انا سامحته...بس بعد وقت قليل ..قعدت و فتحت مناحه...... و بكيت كتير مع اني قلت اني سامحت.....يعني من الاخر الاسف بريح اللي تأسف بس اما الشخص التاني بيبن انه رضي بس من جواه هوه مو راضي و مجروح كتير....كتير و اسألوني انا...

[alaa_sabbah]

هاي بون بون
كيفك؟
مبروك التوقيع
بدي اضيف كمان شغلة انو طبع الناس و اختلاف التفكير يمكن يكون سبب في سوء الفهم و الوصول لكلمة آسف
هل المصارحة حل؟؟ متل الدخول في نقاش تفصيلي و توضيحي تبرير الموقف

علوووووووووش

[العمر ماشي]

انا برئي على حسب الجرح الي الشخص جرحك ايا يعني اذا كان كبير صعب جداً انك تئبل الاعتذار صعب صعب
اإما اذا كان اشي بسيط فمن السهل انك تسامح
و thank u
على الموضوع الحلووو

[Banbon]

هلأ لو كانت القصه سوء تفاهم او بعذر قوي .... الاسف بيكون نافع و بتطيب الجرح....اما اذا ماااا في عذر و الغلط بدون مبرر و الواحد انجرح ...مليون كلمة اسف ما بتكفي حتى لو بينَا العكس....

[أنين]

يعني حتى لو كان الجرح أكبيرو أجى الشخص وعتذر
فهاد بيترك عندك أحساس أنو متندم أو عرف غلطوه بس ما بداوي الجروح
شكرا أخي على هذا الموضوع الرائع

[فلســـ جريح ـــطين]

يسلمو علاء على الموضوع الحلو
والله كتير بشوف هيك مواضيع
وانا برايي مش كل شي اسف
يعني ممكن تعمل شي مسلا جريمة ولا تعملك شي بالغلط ولا تعور واحد وتخلي قاعد في المستشفى
وبعدين اتقول اسف
وايش الفايدة من الاسف بعد ما عورتو
يمكن الي اتأسف يطنش يقول خلص خلصت القصة معو
بس التاني مو راضي على الي صار فيه مع انو ممكن يسامحك
في حالات كتير صارت هيك
يسلمووو

[ابو جروح]

الاعتذار اشي حلو بس احيانا ما بينفع الاعتذار على سبيل المثال يا علاء لو انا اغلط عليك او على دلوعه او على اي شص في لنتدى واجرح مشاعره وبعدين احكيله انا اسف فكرك انه رح يرضى بكلمة اسف؟
هو بيرضى وبيحكيلي مش مشكله بس بداخله بضل شوية حقد علي
ومشكور على هذا الموضوع يسلمو اديك

[ayman]

يا جماعة مواضيعكوا مممممممممممممم تتستاهل النقاش ............
الاعتذار أدب اجتماعي في التعامل الإسلامي، ينفي منك شعور الكبرياء، وينفي من قلب أخيك الحقد والبغضاء، ويدفع عنك الاعتراض عليك، أو إساءة الظن بك، حين يصدر منك ما ظاهره الخطأ.
ومع أن الاعتذار بهذا المعنى حسن، فالأحسن منه أن تحذر من الوقوع،
ولا تنتظر من نفسك أن تسيء لتعتذر، بل يمكن أن يكون الاعتذار توضيحا للموقف، أو بيانا للقصد.
شكرا على الموضوع

[السفيرة]

الاعتذار شي حلو كتير بس في مجتمعنا والوقت الحاضر الاعتذار صار شي بسيط بها الايام الكل بيعمل الغلط وبقول اسف انا اذا كان الغلط كبير شو رح استفيد من اسفي باي بنك بدو ينصرف هذا الاسف اما اذا كان بسيط رح نقول اوك يالله بسيطة وبتسامحو وعدك مايرجع بالغلط ورد رجع ورديت سامحتو وبعدين ولنهاية رح يبقى هيك انا براي انو الاسف شي حلو بس مو دايما واذا كان عالغلط فالانسان مو معصوم عن الغلط وكل الناس بتغلط صغير او كبير مريض او مو مريض عجوز او شب هي هي الحياة

[حكيم فلسطين]

دايما دايما الكمة الطيبة بتاخد كل اللى بدك اياه وبتحل اصعب المشاكل
طبعا الا في بعض المشاكل
ولاكن انا اعتقد انها تقوم بالواجب كلمة اسف لحل المشاكل بين الطرفين

[alaa_sabbah]

شكرا على المرور