بدي اعرف بصراحة ليش الي بيعجب الشب بالدخان؟؟؟؟

[قمر الشام]

بدي اعرف بصراحة ليش الي بيعجب الشب بالدخان؟؟؟؟
او ليش انت بدخن وشو احساسك وانت قاعد بتقتل نفسك بايدك؟؟؟؟؟؟

[RiNoXE]

الحمد لله انا مش مدخن :icon31:

بس حاب اعلق على شغله عنا بيحكوها في فلسطين:: بيحكو :: " زينه الشب سيجارته " :showoff: :icon9:

جد هاي مقوله يمكن بتأثر كثير على الشباب بطريقه مباشره او غير مباشره لانو معظم الشباب
بدخن عشان يورجي حالو :: تعالو شوفوني يا بنات انا كبرت وصرت ادخن :showoff: :matrix: ::
وفي ناس بتفكر انو الدخان بيعمل تهدءه للاعصاب لكن اتضح انو العكس :: الدخان لا يتعدى كونه مخدر :wacko: ::

وبدي احيطكم علما بمسأله انو التبغ قبل ما يتعبأ يتم نقعه في مواد كحوليه " يعني خمر " :icon6: عشان السيجاره ما تنطفي وانت بتدخن فيها ..

وطبعا ما حد بيجهل مخاطر الدخان الصحيه :: بس :: لا حياه لمن تنادي --- شايفين الغلط وبيعملوه
فوق كل هاد اسراف وتبذير عالفاضي .:.:

اما من الناحيه الشرعيه ."."." صدرت فتوى رسميه بتحريم الدخان من بعض العلماء ".".".

ولو لقيت نص الفتوى رح اجيبه ان شاء الله .

انا الصراحه من اشد المعارضين للدخان ."."." وبتمنى من كل واحد بدخن يعيد النظر في موضوع الدخان ".".".

ودمتم بخير
:icon26:

[سمى فلسطين]

اه والله سؤال مهم.........اساليهم؟؟؟؟؟ ال بفكروا التدخين مرجله..

....وانا كمان بدي اعرف الجواب

مشكوره اختي قمر الشام

[قمر الخليل]

والله معاك حق رينوكس ومعاكي حق سمى

الشباب بفكرو حالهم زلام لما يدخنو مع انو البنت بتكره الي بدخن لانو ريحة الدخان بتموت مووووووووت

وقال ايش بفكرو انو بهدي الاعصاب وبخفف من الهموم والله هبل هادا هيك بموتو حالهم موت بطيء

اخ يا قمر الشام وين قرايبك وقرايبي يسمعونا يمكن لو سمعونا الا يطخونا

هههههههههههههههههههههههههههههه هه

يسلمو حبيبتي

[قمر الشام]

يسلمواااااااااااااااااااااااااااااا ااااا

[ayman]

انا اولا مش مدخن ولكن في مثل بحكوه
الدنيا بلا سيجارة خسارة
ويسلمويا قمررررررررر

[فلســـ جريح ـــطين]

ههههههههههه
والله منا عارف ليش
انا لا بدخن ولا غيرو
بعرفوش انو القاتل البطيئ
يوم ورى يوم (هههه اجيب هاد الاغنية)
عن جد اصلا في جواه مادة اسمها الكيوتين
ابتعرفوها ازا دخلت الجسم
بصير الي بدخن لازم يحافظ على هادي الكمية من هادي المادة
وعشان هيك ازا دخن من اول مرة
بسيبش التدخين الي بالعافية
وفي ناس ما بقدروا بالمرة

[حكيم فلسطين]

انا بعتقد انو العادة هادي صارت منتشرة بشكل رهيب جدا
وكلها مخططات خارجية للاطاحة بهاذا الشعب
اما بالنسبة للشباب
فانا برايي
انه ما يمر به الشباب عندنا من اوضاع داخلية
لها سبب مباشر لهذا العادة
فالشاب عندنا عليه مسؤوليات اكثر من غيره في هذه المرحلة
ولااااااااااااااااااااااااااااااااا ااااااااااااااااكن
من الممكن ان يتم السيطرة على الذات وعلى المشاعر

[ZaMorANo]

السؤال:
ما هو السبب في تحريم التدخين؟.

الجواب:
الحمد لله
لعلك تعلمين أن جميع أمم الأرض الآن _ مسلمهم وكافرهم _ أصبحوا يحاربون التدخين لمعرفتهم بضرره الشديد . والإسلام يحرم كل ما هو ضار لقوله عليه الصلاة والسلام : " لا ضرر ولا ضرار " .
ولا شك أن المطعومات والمشروبات منها ما هو نافع طيب ، ومنها ما هو ضار خبيث ، وقد وصف الله سبحانه نبينا صلى الله عليه وسلم بقوله تعالى : ( ويحل لهم الطيبات ويحرم عليهم الخبائث ) سورة الأعراف - الآية رقم (157) ، فهل الدخان من الطيبات أو من الخبائث ؟
ثانيا : جاء عن النبي عليه الصلاة والسلام أنه قال : " إن الله ينهاكم عن قيل وقال ، وكثرة السؤال وإضاعة المال " . ونهى الله سبحانه عن الإسراف فقال تعالى : ( وكلوا واشربوا ولا تسرفوا إنه لا يحب المسرفين ) ووصف عباد الرحمن بقوله : ( والذين إذا أنفقوا لم يسرفوا ولم يقتروا وكان بين ذلك قواما )
ويدرك العالم أجمع الآن أن المال المهدر في الدخان عبارة عن مال ضائع لا يستفاد منه ، لا بل ينفق فيما فيه ضرر . ولو أن أموال العالم التي أنفقت في الدخان جُمعت لأنقذت شعوبا ممن أهلكتهم المجاعة ، فهل هناك أسفه من الذي يمسك دولارا ويوقد عليه النار ؟ ما الفرق بينه وبين المدخن ؟ بل المدخن أعظم سفها فالذي يحرق الدولار ينتهي سفهه عند هذا الحد ، وأما المدخن فيحرق المال ويضر بدنه .
ثالثا : كم من الكوارث التي سببها الدخان ، بسبب أعقاب السجائر التي تلقى وتتسبب في حرائق ، وغير أعقاب السجائر ، وقد احترق منزل بأكمله على أهله بسبب تدخين صاحب المنزل ، وذلك حين أشعل سيجارته والغاز متسرب .
رابعا : كم الذين يتأذون بروائح المدخنين وبخاصة إذا ابتليت به وهو في جانبك في المسجد ، ولعل الصبر على الروائح الكريهة أهون بكثير من الصبر على رائحة فم المدخن عقب قيامه من النوم . فالعجب من النساء كيف يصبرن على روائح أفواه أزواجهن ؟ وقد نهى النبي صلى الله عليه وسلم من أكل ثوما أو بصلاً عن الصلاة في المسجد حتى لا يؤذي المصلين برائحته ، ورائحة البصل والثوم تهون عن رائحة المدخن وفمه .
خامسا : لانه مضر بالصحة , مسبب للسرطان , وهو قتل للنفس , والله تعالى يقول
( ولا تقتلوا انفسكم ان الله كان بكم رحيم )

هذه بعض الأسباب التي من أجلها حرّم التدخين .

شكرا على الموضوع الرائع

[بشوش]

بداية أشكر الأخت قمرة الشام على الموضوع...

طلبت في احدى المرات من صديق لي وكان مدخنا أن يعطيني "خمسة ريالات" أي ما يعادل قيمة باكيت دخان، أخذت الخمسة ريالات ولففتها كالسيجارة وطلبت منه أن يشغلها لي!

أصر صاحبي على أنني جننت فكيف لعاقل ان يحرق المال؟؟!! :icon6:
أخبرته حينها بأنني لست مجنونا على الإطلاق فما سأفعله يفعله كل مدخن في اليوم عشرة مرات أو أكثر ثم تراجعت وأخبرته بأنه هو المجنون لأنني لو أحرقت خمسة ريالات فسأضر جيبي ولكن لن أضر صحتي فما بالك بالمدخن الذي يضر جيبه وصحته؟؟!!

ما كان منه إلا ان ألقى باكيت الدخان بعيدا ... أتمنى أن لا يكون قد عاد للتدخين مرة أخرى :icon11:

[قمر الخليل]

مشكورين على مروركم

انا وقمر الشام واحد ( صاحبات الروح باروح )

يسلمو كتير على ردودكم

[ابو جروح]

ما بتعرفي بالمثل الي بيحكي زينة الشب سيجارته انا واحد بدخن بس مش عارف ليش وانا مش عارف اتركه

[Banbon]

أنا مره سألت واحد بعرفه و هوه عمره 16 و بدخن من سنتين ونص..... جاوبني و قال ... انتي لو كنتي مكاني بتحسي بمعاناتي و بتفهمي ليش انا بدخن...... بس انا ما عجبني جوابه و ما كان مقنع ابدا خصوصا انه بعده صغير و ما شاف شي من الحياه او من المعاناة...........

[ABU-NOUR]

والله انا كمان بدي اعرف شو بيعجب الشب بالدخان ؟؟؟
الشب بيحسب حالو لو شرب دخان انه صار راجل وكبر في نظر البنات والناس ..... هي كل شي .

[ابو جروح]

وله رينوكس مالك انت نسيت اني بدخن بعدين الله يرحم ايام زمان لما كنا على السطح بندخن بس مسكنا خالك فاكر ولا ناسي ههههههههههههههههههههههه

[ابو جروح]

غلطانيين القضيه مش قضية كبر او على شان البنات القصه رفاق السووووووووء وانا بحكيلكم بصراحه انا رافقت اصدقاءكانو الي وهم طبعا مش مزبوطين اكتير بس الحمد لله تركتهم بس ضلت شغلة الدخان هاي

[alaa_sabbah]

متل ما بفهم من الشباب انو التدخين زلومية
ههههههههههههههههههههه
هاد كلام بيدخل العقل بالله عليكم
قال يعني انو الشب بيحب الكيف و ما حد بيمنعه
يعني على مزاجه و حريته لانو زلمي على قد حاله ههههههههههه
و بيفكر انه اذا كان بين جماعة و الجامعة بيدخنو و هو لا بيكون متل الولد بينهم هههههههههه
لا حول ولا قوة الا بالله
على العموم الناس اطباع و شخصيات
انا بالنسبة الي ما بدخل و غير هيك بتعامل مع الجميع بطرق مختلفة حسب الشخص
مش برضاش احكي مع الوجهاه او الكبار بالبلد الا و بايدي سيجاره هههههههههههههه
و الشيء المحير انو في من الشباب اذا بتسالو ليش بتدخن بيحكيلك يا زلمي بدي افكر منيح هههههههههههههههههه
الله يكون بعونهم المدخنين في رمضان ولا ما الهم علاقة فيه؟؟؟!!!!
يا رب يصير حك بكيت الدخان العربي 20 شيكل
مشكورة اختي على الموضوع القيم
علوووووووووووووش

[فلســـ جريح ـــطين]

ههههههههه
كل هاد صار فيك يا ابو جروح
دخنجي
هههههههه
المرة الجاية كوك وافيون
على هالهبل
كلو كلام فاضي
الي بدخن اول مرة بسيبش الدخان

[فلســـ جريح ـــطين]

ههههههههه
كل هاد صار فيك يا ابو جروح
دخنجي
هههههههه
المرة الجاية كوك وافيون
على هالهبل
كلو كلام فاضي
الي بدخن اول مرة بسيبش الدخان

[ابو جروح]

دنا طلعت مسخره يا راجل بتعرف اني هس قاعد بدخن بس طفيتها بسرعه ههههههههههههههه
شكرا يا جريح

[فلســـ جريح ـــطين]

ههههههههههه
ليش طفيتها
خايف حدى يمسكك
هههههههههه

[ابو جروح]

ههههههههههههههههههههههه
بصراحه حكيك عملني مسخره

[فلســـ جريح ـــطين]

خلص ولا تزعل
انسى القصة

[ابو جروح]

لا يا عم انا مش زعلان بمزح بس والله اني مش عارف اتركه الي عنده فكره يحكيلي كيف اترك الدخان

[Abu Shadi]

بدك تعرفي اسوء شي في حياتي شفتو هو الدخان رغم اني لمن بدية كنت بفكرو شطاره
وبدية ادخن من صف خامس الصراحه ما حدا كان بدري عن الموضوع غير عبد الفتاح اخي ومره حاول انو يوز كان يومو الوان هههههههههه
وضلتني لحد ما صرت في ثانيه ثانوي قررت اني ابطل لاني شفت اشياء كثيره منو وفعلا قاطعتو صرت لمن بدي اطلع علي مشاور اخد معي فلوس بس قد ما اطلع علي المشوار وارجع لحتي ما يكون معي فلوس لاشتري دخان وظلتني ماشي علي الموضوع سنه لحتي انبارح انبارح زنت في عقلي اطلعت من الامتحان مش مستوعب الي قدامي حلفت اني ادخن دخنت وهذا دمي ما صدق الموضوع صار بدو يدخن هههههههههههه وارجعت ادخن ومش راضي عن نفسي لكن انجبرت من الي شفتو انبارح

[Abu Shadi]

اسمع ما الك الي فكرتي بس بدك تحاول اظلك ريلكس
يعني مثلا كل يوم اتدخن سيجارتين ولمن بدك تطلع علي مشاور تاخد بس تكلفة المشاور لحتي ما تشتري علبة سجيار ممن تنجح معك زي ما نجحت معي بس برضو دير بالك من العصبيه وخفف من القهوة لانو القهوة بردو بتساعد علي التدخين

[فلســـ جريح ـــطين]

لا يا عم انا مش زعلان بمزح بس والله اني مش عارف اتركه الي عنده فكره يحكيلي كيف اترك الدخان

هههههههه
نفسك اتسيبوا ما بعرف كيف
يمكن لو لنقطع الدخان من البلد
تنسى القصة
ههه

[ابو جروح]

غلطان باجي على بلدكم وبشتري ههههههههههه بعدين قصة القهوه انا واحد من الناس لازماشرب قهوه كل يوم قبل ما افطر لازم سيجاره مع كاسه قهوه اكبيره ولما انام محسوبك بيعمل ابريك قهوه

[فلســـ جريح ـــطين]

ههههههههه
كل هاد بصير لما اتنام
معناتها انسى تبطل الدخان
ههههههههههه
والا ما بتنام ولا ابتطلع من البيت
هههههههه

[ابو جروح]

والله انها غلطه وندمان عليها وبئولهالك واسمعيها

[هلــون]

الكل هلأ بطل يدخن ...؟؟؟

انا متاكدة كل الي جابوا بدخنوا او جربوا انهم يدخنوا .. ولا شب في الدنيا الا ما حاول مرة .. ممكن تعجبوا الفكرة ويكمل يمكن يستتفه حالوا ويرميها ,,,

بس غالبا شباب اليوم الكل صارت تعجبوا الفكرة ,,,


وانا بأيد رونكس بجوابوا لانو عجبني كتير ,,

يسلمو

[فلســـ جريح ـــطين]

انا جاوبت متأكدة اني بدخن
ههههههههه
بس لاتحكي شي وانتي مش عارفة
ههههههههه
طيب على كل يسلموووووو

[ابو جروح]

حبايبي اليوم البنت صارت ادخن كمان بتعمل ارجيله اذا مش عاجبك

[فلســـ جريح ـــطين]

ههههههههههه
واول وحدة هلين
هههههههه
لا هخلين ما ابتعملخا
مش زيك دخنجي
ههههههه

[ابو جروح]

بس لو اطول الي حط هذا الموضوع لو بتعرف اديش بتحلفله

[السفيرة]

غفوا من اللي بدخنوا بالمنتدى


هيلن انا رح اجاوبك بجد لي الكل بدخن شب او بنت اول سبب يمكن الشب والبنت بدهم يورجوحالهم قدام الناس او يجذبوا النظار متلا ولد بدو يورجي حالو قدام بنت بحط السيجارة بتمو ةالبنت نفس الشي هذا بسن المراهقة ومابتعرف البنت انو منظرها بكون خسيس قدام المجتمع وبنظروا اليها بنظرة استهزاء عفوا من اللي بدخنوا بس هاي هي الحقيقة ويمكن بفكروا انهم اذا دخنوا بفرجوا عن همومهم او بهي الطريقة رح يكملو شخصيتهم او شي ناقص عندهم بس هذا غلط نيجي للمنطق مين اخترع الدخا ن؟؟؟؟؟؟؟؟؟؟؟؟ الغرب بس اللي استخدموا الشرق الغرب ربحوا مصاري والشرق خسروا صحتهم لي مو العكس اللي يصير مو اللي بدخنوا بس كمان الي بكونو بجانب اللي بدخنو همي اللي بتاذوا اكتر لي مانوفر مصاري التدخين ونحطهم بمشروع خيري بجمعية يستفيد ةمنو النحتاج صحيح انو بهاي الايام 10 او 15 درهم مافي منهم فايدة حق دخان بس شي احسن من ولا شي وياريت يبطلو الناس التدخين ويكملو اللي ناقصهم بلا تدخين

[ابو جروح]

يا سفيره حكيك مزبوط بس في شغله انوه مش كل واحد بخن على شان بنت اتشوفه انا بدخن بس مش علاشان البنات يشوفوني اني بدخن لأ
بس في شغلات بتحرق الدم والشخص بيكون مجبور انه يدخن مثلا انا اذا بعصب لازم ادخن واذا ما بدخن الي واقف بجنبي الله يرحمه يعني بضربه

[Banbon]

ههههههههه....ابو جروح ..يعني بدل ما تضرب الناس بتحرق حالك؟؟؟
والله شكلك بتحب الإيثار............هههه

[ابو جروح]

مين ايثار هاي انا ما بعرف حدا بهذا الاسم هههههههههههههههههههه
المشكله شكله ماحدا بدخن في النتدى الا انا على شان هيك كل واحد بيحكي كلمه بلزق فيه انا على طول بس اخ لو امسك الي نزل الموضوع

[السفيرة]

اوك بس لي بتروح عن نفسك بالدخان لي مو بشي تاني وانا ذكرت كامن انو من شان ترويح عن النفس

[ابو جروح]

بصراحه يا سفيره انا ما فهمت شي من حكيك ممكن توضيح

[ابو جروح]

يا جماعه ما في حد في المنتدا يدخن غيري الله اكبر شو هل ورطه الي ورطها انا
مع هيك هاي انا ولعت سيجاره

[السفيرة]

ابو جروح انت قللت مو منشان تروجي حالك من شان تحرق دمك لي تحرقو بالتدخين مو بشي تاني انا مو ضد الفكرة ولا معها وسط كل ماينحرق دمك بتدخن وانا ذكرت بتعليقي من شان تروح عن نفسك او بمشكلة فبتدخن في منهم بفكروا اذا دخن بتنحل المشكلة بس هذا غلط للي هيك بفكروا

[ابو جروح]

سفيره بدي اسألك انتي لما اتعصبي ايش بعتعملي
انا لما اعصب بدخن على شان اريح اعصابي او من التفكير بدخن سيجاره مع فنجان قهوه

[السفيرة]

والله انا مابدخن ولا حدخن ان شاء لله لاني صغيرة بعدني يمكن مابنحرق دمي لانو عندي برودة اعصاب واذا انحرق بطلع وبغير جو يا اما بقعد عالنت ياما بحكي على التليفون او اي شي يخليني انساه وبقعد بفكر لوحدي او بنام

[Banbon]

سفيره ................انا متلك او ما اعصب عالتلفون او عالنوم على طوووووووووووول

[السفيرة]

وهو احسن شي بلا دخان بلا نيلة

[alaa_sabbah]

الحمد لله انا ما بدخن
و اسف لقلة مشاركتي بالموضوع هاد

[السفيرة]

ولو ياعلاء عادي واسفك مقبول مانت منا وفينا

[ابو جروح]

هلا على شان انا بدخن يعني بتعملو فيه هيك

[قسامي غزة]

صحيح المقولة الي تقول زينة الشب سيجارته الشب لما يدخن الي بدفعه الي الدخان انه لما يدخن بصير شب وكبير ومعتمد علي حاله هادا في وجهة نظره
بس بدي اسال البنات سؤال هل صحيح هناك نساء او بناء بيعجبهم الشب الي بدخن لانوا
انا مرة قريت بموقع علي النت انوا في نسبة من البنات بحبوا الشب يدخن او الراجل مارايكم بهاي الجملة
وانهم بفضلوا الشب المدخن مارايكم

[السفيرة]

والله ياقاسامي غزة هاد شي صحيح للا سف انو في بنات بحبو الشب اللي بايدو سيجارة بها الايام بفكروا شخصية وللاسف انو هيك بس مو كل البنات معظمهم بنقدر نقول وكمان البنات بحطوا السيجارة والشب بحب البنت اللي بتكون بتدخن للاسف وم كل الشباب كمان

[ayman]

الشباب والتدخين علاقة حب عاصف يودي كل سنة بالآلاف منهم امراضا واصابات سرطانية قاتلة. تبدأ هذه العادة المميتة معهم ليبدوا كـ «الكبار» وترافقهم في ما بعد كبارا وشيوخا... حتى القبر، اذا سمحت لهم السيجارة بالوصول إلى عمر الشيخوخة.

فالسيجارة تؤثر مباشرة في المدخنين الشباب ملحقة الاذى المباشر بجهازهم التنفسي. كما تجعلهم مدمنين على النيكوتين ومؤهلين نفسيا للإدمان على اي نوع من المخدرات، ناهيك بانها تؤثر سلبا في انجازاتهم الرياضية، اذا كانوا يمارسون أي نوع من الرياضة.
واذا كانت المشكلة في تدخين الشاب نقول قدر الله وما شاء فعل وحسبنا الله ونعم الوكيل ، ولكن ماذا نقول للفتيات المدخنات ......هي تدخن لا لشئ ولكن في نظرها هذه هي الحضارة والرقي ، فاذا كانت الحضارة والرقي في التقليد الاعمى .........فاقول لعنة الله على هذه الحضارة.

[السفيرة]

اي والله يا ايمن بسبب امراض كتيرة والبنات بدخنوا بنسبة مو طبيعية الشب والبنت بسن المراهة بدهم يجلبوا اي شي يخليهم يلفتوا الانظار فمفكرين انو بواسطة الدخان رح يجلبوا الانظار مابعرفوا انهم بجلبوها بنظرة خاطئة وسلبية انا مرة كنت طالعة مع صاحباتي كان في بنتين يعني منظرهم بالنسبة الي كان نظرة استحقار انو مولعة السيجارة وبتدخن قدام كل الشباب وصوت ضحكتها معبي المكان غصبن عنهم كل البنات بدهم يدخنوا وعلى قولتك فاذا كانت الحضارة والرقي في التقليد الاعمى .........فاقول لعنة الله على هذه الحضارة

[ayman]

صحيح اختي والفتاة التي تدخن انا اعتبرها ليست انثى ولكن هي رجل بيهكل انثى ( مشروع رجل فاشل ) .

[ابو جروح]

اسمع انتو ما خذين الفكره او وجهة نظركم انه بس للزعرنه صح هيك انا بدخن بس مش للزعرنه وسيق وحكيت انه اصحاب السوء هم السبب الرئيسي انا كنت مصاحب اصدقاء اللهم يبعدني عنهم على شان انا دشرت هاي الصحبه بس ضلت شغلة الدخان هاي متعلقه فيه او انا متعلق فيها هدول الاصدقاء كانو شلة حراميه ومتاعين مشاكل يعني لما كنا بنفشي بالمدرسه ما حدا يقدر يرفع عينه فينا حتى المعلمين كنا نتهاوش معهم يعني كنا نضربهم وكنا بندخن بساحة المدرسه طبعا انا اخذت انذار وانا بالتوجيهي بسبب الدخان يعني الاصدقاء السوء هم السبب الله يبعدنا عنهم