انا بحب ..ومو عارف شو اعمل حدا ينصحني

[انس 1988]

مرحبا
كيف الحال
اولا ...ارجو من المشرفين عدم حذف الموضوع ولا نقله ....لانو بدي نصيحة ومساعدة وما لقيت غير المنتدى هوون

القصة وما فيها
انو انا حبيت ..وحبيت بجنوووووووووووووون
بحب بنت من قرايبي بفلسطين
هي بنت خالي بتكون ...وهي بتحبني كمان
وانا بحب ادخل البيت من الباب
فحكيت لام البنت ولسيدي وستي ..اهل امي ..اهل ابوي متوفيين
وحاب اني اخطب البنت وارتبط بيها

بس المشكلة

انو اهلي ولا حدا منهم موافق وخصوصا امي
البنت رسبت بالتوجيهي وهلا بتعيد بالتوجيهي عشاني
واهلها وضعهم ..مستور يعني ..مو كويس ..والبنت لساها مو متعلمة

وانا مهندس وهلا مسافر عالسعودية براتب كويس بحدود 1000 دينار اردني زائد سكن وسيارة وعمولات
بس امي معارضة واهلي ما حد واقف معي
لانو باعتقادهم البنت مو مناسبة الي ...انها مو متعلمة ومو من مستوانا
وامي مو حابة تناسب اهلها ....

وفي شب كمان اجا خطبها بس ما وافقو اهلها ..الحمدلله ..بس ازا بترد ترسب بالتوجيهي هاي المرة بده يرد يخطبها ويمكن يعطوه لا سمح الله

رغم اني بحبها من سنتين وكل سنة بسافر لفلسطين عشان اشوفها
والبنت ما بخبي عليها اشي وبحبها مووت وبدي ارتبط بيها
بس مو عارف شو اعمل ؟؟؟؟؟؟؟
وكمان بدهم يجوزو اخوي الاكبر مني بالاول
و امي ما بتحب امها ....بس المهم اني بدي اخودها ولو غصب عن اهلي .....اهل البنت موافقين ..بس لازم موافقة اهلي تا يزبط الموضوع
وانا ما بدي البنت تحس بانها قليلة او ينكسر خاطرها

انا اول خطوة فكرت بيها انها تعييد التوجيهي وتنجح بادن الله وتفوت الجامعة ..يمكن هالسبب يساعد ..والله اعلم
وبترجاكم ما حد يحكي رد عاهلك وانساها واهلك ادرى واعرف ...لانو ما حد بعرف كم حبها بقلبي كبييير ..وقد ما احكي ما رح اقدر اوصف جزء من حبي الها

فشو رأي حضراتكم ...شو ممكن اعمل وكيف ممكن اقنع اهلي ..بلا ما اكسر بخاطر البنت

[حسام المصرى]

خد حد كبير من العيلة وبيفهم فى الدين كمان يحكى ..

وفهمهم أن التعليم والكلام ده مش كل حاجة ..

وأنك بتحبها وهتزعل اوى لو متجوزتهاش ومش شايف بنت أفضل منها ..

وأهم شئ أنها محترمة وبتحبك وهتخاف عليك .. وأنت عارف أخلاقها كويس وأنها متربية ومحترمة ...

بس صراحة قصة زواج الأقارب هذه خطيرة .. وبتعمل مشاكل ..

عموما حاول تقنعهم بالطرق اللى حكتلك عليها وبينلهم أنك هتكون حزين جدا لو متجوزتهاش ..

هلتاقى قلب أهلك يحن ويجوزهوالك ..

لو مرضيوش برده .. خلاص

سيبها لحالها واسمع كلام أهلك .. رضا الوالدين أهم شئ

[برنس ♥ فلسطين]

أحكي لأهلك هو أنتو لبدكوو تتزوجوو ولا أنا

أنتو لبدوو تعيشوو معها ولا أنا

ما بدي بكره أجيب لحق عليكم اذا صار شي لسمح الله ساعيتها بلوم حالي ما بلوم حدا

انا لبدي أعيش معها وهاد مستقبلي انا ___^

عوافي

[~ | Mazaj]

انتا بتحكي هيك هلقيت .. بس بعدين لو اخدت وحدة متعلمة ومن مستوى ثقافتك رح تشكر اهلك

ولو اخدت اللي بتحبها احتمال تتندم ندم كبير

بتقول بتحبها بس بعدين لما تعيش معها ولنفرض انو البنت فعلا عقلها ع قدها

انتا حتتعب وهي حتتعب ورح اضل دايما بتفكيرها انها اقل منك وحتصير بدها توصلك وتفهمك ومش حتقدرو

وما تاخد الموضوع من جهتك بس وانو انتا بتحبها

فكر بولادك اللي حيجو بعدين ،، ان شاء الله

فانت اقعد وفكر وادرس الموضوع من كل جوانبو ،، وصلي صلاة استخارة

وكل اشي بالدنيا نصيب

قد ما سمعت هالقصص .. :s

[أبومجاهد]

اوعك تغلط غلط شباب صحابي كتااااااار

سيبك من الحب والكلام الي ما بعبي الراس

يا حجي انك تاخد بنت ع جمالها وحب هادا اشي بدمر حياتك

صاحبي اتزوج ع 20 انا نصحتو بس ما رد علي

اخد بنت عجبتو كتير واهلو وافقو هيو عمرو 23 وبناجي الله ياخدها عنو

معيشاه حياة جحيم علشان عقلها لصغير !

علي الطلاق لو يصحلو ليتزوج عليها بس علشان اولادو وما بدو يطلقها

يا عزيزي الجمال والحب مش كل شي في اشي اسمو عقل وفهم وتفاهم !

من الآآآخر ع بلاطة الحب ما بعد الزواج نقطة وسطر جديد !

كل تجارب الحب ما قبل الزواج فـآآآآآآآشلة

[حسام المصرى]

بص يا أنس

حرام بصراحة الحب هدا كله يروح على الفاضى ..

يعنى انتا كده بتظلمها ..

أكيد وعدتها بالزواج .. أو مثلا لمحتلها بأى طريقة أنك هتتزوجها

وهى كمان عشان خاطرك ..عادت التوجيهى .. يعنى .. بتحبك كتير ..

وأنا من رأيى الراجل ياخد واحدة بتحبه وعارف أخلاقها كويس قبل الزواج ..

أفضل ما ياخد واحدة هو بيحبها أكتر ..

أنتا دى متربى معاها وعارف عيلتها وأخلاقها كويس أوى ..

والعلام للبنت ملهوش لزمة .. هتعمل ايه بعلامها يعنى ..

هتعملوا مفاعل نووى فى البيت .. ههههههههههه



هى أهم شئ تكون عاقلة .. وتقدر تتحجمل مسئوليه وخلاص .. وتربى ولادك صح .. لو على التعليم ..

انتا فيك تساعدها .. تثقف نفسها وتصير كويسة علميا

ومش كل اللى ىخدين شهادات ولا دكاترة ومهندسات بيفهموا يعنى فى الذوق والأسلوب

انا واحد معنديش مانع أتجوز واحدة مش متعلمة خالص ..

كبر دماغك خيو ..

واعمل الصح .. ^^

اللى أنا حكتلك اياه ..

ومدام أنت من الأول مش قد قراراك .. مكنش لزام تعلق البنت بأى سبب

هذا غلط بيقعوا فيه كل الشباب

انا وقعت فى خطاك هدا وندمت .. ^^

وعشت العاشق الولهان لسنين .. :)

فى نفس موقفك هادا بالظبط ..

بس لما جينا اتصدمنا بالواقع وحكيت .. اهلى رفضوا جدا مع أن البنت أخلاق جدا وزينة البنات .. انا كنت شايفها هيك ..


رحت لشخ .. قالى اسمع كلام أهلك .. هما اللى بقينلك ..

انت لو مسمعتش كلامهم .. ممكن تلاقى .. حياتك بعد كده دمار

مفيش اهم من رضا الوالدين

اللى خسران فى الحكاية دى هى البنت .. أنا موقفى عمره ما هيكون زيها أبدا .. هى ادمرت نفسيا .. وأنا ما عرفت شو أسوى ..

مش عارف مكنش فى ايدى اختيار

أرجوك ما تدمرها .. البنات عواطفهم جياشة أوى .. احساس صعب صدقنى ..
بس أنتا برده فكر بعقلك شوية

البنات كتير أوى .. وانتا يمكن لما تسافر وتتغرب نظرتك للامور بتختلف ..

ما تحاولش تحب تانى طالما مش أد قرارك .. رغما عنك ..

وسيب البنت فى حالها دلوقتى .. وانصحها تتقرب من ربنا وبس

والكلام اللى أنا بقولهالك ده .. من الآخر هو الصح .. بإذن الله ..

الباقى بيحكى .. مش حاطط أبدا فى باله احساس البنت هيدى ..

لازم كل واحد يحد نفسه فى الموقف عشان يعرف

[~ثــلــج~]

اطلع فوق الكرسي وقول بنتحر :/

[نور نور]

ازا انتي عنجد بتحبها وبدك البنت ازا رضيو او ما رضيو اهاك

روح اطلبها منك لحالك وتجوزها واذا ما قبلو اهلها خدها وهرب من اهلك واهلها

لانو الي بحب مستحيل ينسا الي بحبو لو اتجوز واجاه ميت ولد بضل يحب الي حبو عنجد

ويعطيني العافية شو بفهم انا هههههههه

وموفق انشالله

[Maram .. ~]

براأيي أهم شيء رضآ آهلك ..

لانو ازا اهلك ما راضيين عمرك ما رح تتوفئ ابدا !

الله يكتبلك الخير و يريح بآلك :)

[شهيد]

انا بحب ..ومو عارف شو اعمل حدا ينصحني


اعمل شاي ، واقعد مع الحجة ، وانت شطارتك .. ازا اقنعتها بالبنت كان بها :]

ما اقنعتها ، بدك ترضى بللي يملى عليك !

وبالنهاية حط ببالك الشغلة مش ساعة ولا يوم ولا اسبوع

هادا عمررر ، ولزززقة موووش طبيعية ، ف كن حذر :)

[انس 1988]

شكرا الكم كثيير ...والله ما خاب من استشار
شكرا الكم برنس ونور نور ومرام ...انا هيك حكيت لاهلي ما بوخد غيرها وانا اللي بعيش معها مو انتو ...وكنت كمان بدي اخدها غصب عن اهلي واللي عجبه عجبه لاني انا اللي بعيش معها ...بس ازا بتحط حالك محلها ..كيف بدها تكون حياتها واه جوزها بكروها ..اكيد مو حلوة ..فعشانها ما رح اوخدها الا واهلي راضيين


تحياتي ابو مجاهد ...بس لا في حب قبل الزواج صح ..الرسول حكا انظر لها لعل الله يؤم بينكما .... بس الحب بكون حب طاهر وشريف بنية صادقة ...بس كل بيت في مشاكل دون استثناء ..والشطارة اللي بحل هالمشاكل باقل قدر من الضرر ..

فجر الحياة ...لا مو ضروري الشهادة ...لانو الشهادة ما بتدل عالفهم ولا التعليم بالمدرسة ...في ناس ما دخلو المدارس بس بفهمو اكتر من دكاترة الجامعات

حسام ...تحياتي الك ...انتا اللي فاهمني ...انا حكيت لاهلي انو ما بدي اياها متعلمة ..لاني ما بدي تشتغل ولا اشي ..ازا بدها تتعلم حب بالعلم اه مفيش مانع وانا معها ..اما الشغل ..لا انا بعارضه ..الا ازا شغل بسيط وهي اللي اصرت عليه بس بالاخير لما يصير في اولاد مملكة المراة بيتها ..بتربي الاولاد احسن من كل شغل
وانا كمان قبل اي قرار بحط نفسي محلها وبشوف فكرها وموقفها .....عشان هيك مستحيل اتخلى عنها او اسيبها ...لانو حاسببلها جرح عمره ما يشفى ...وانا ما برضاها
ومن ناحية تانية انا مش حاوخدها الا ازا اهلي موافقين ...عشانها هي نفسها ما تحس بصغر او بقلة او بكره من اي حد ...وبالخير انا حارضى باللي كاتبه ربنا ..وحاظل احكي مع اهلي تا اقنعهم بالعقل والتفاهم من جهة ومن جهة تانية ...هي حتدرس وتنجح بادن الله
واللي كاتبه ربنا بصيير وانا راضي فيه ..ازا من نصيبي الحمدلله ..وازا مو نصيبي الحمدلله برضو وبتمنلاها تعيش حياة سعيدة كيف ما يكون
وشكرا الكم للنصائح

[برنس ♥ فلسطين]

بأذن الله واحد أحد حتكون من نصيبك


مش تنسانا عشان نيجي نرقصلك :ShababSmile244:

[حسام المصرى]

ربنا يتتملكم بخي ر..

ويجمع بينكم يارب فى الحلال وبرضا الله والوالدين ..

اللى بيحكى بس التعليم وهيك ومستوى الثقافة ..

أنا أمى معاها شهادة إعدادية ..

ولله الحمد ..

بطلع من الأوائل طول عمرى وجبت 100 % فى توجيهى ودخلت اعلى كلية فى مصر ..

أخويا جاب 99 % فى ثانوى وبيدرس هندسة ميكانيكا ..

أختى طالعة الخامسة على كليتها كلية تربية .. ومتزوجة ..

ما شاء الله ..

وامى أحلى ست بالكون وبتفهم وبخاد رأيها فى كل شئ ..

ومتخلوش الواحد يتأثر بهيك كلام .. منكم

[.. ليآل ~]

مرحبا خيو أنس
كيف حالك ؟


//

انا قرأت الموضوع كلو
وقرأت كمان ردود الأعضاء
ماعندي شي احكيلك ياه
غير ان (تحاول) تفكر بموضوعيه وجدية
وتحسم الأمر بينك وبين حالك
هل بالفعل هالبنت هي الي انت بدك ياها ولا لأ ؟
جرب تشوف الموضوع من نفس الزاوية الي شايفينو منها اهلك
يمكن ساعتها تقدرر تبرر رفضهم !!

أنا أكيد بفضل انو الزوجه تكون متعلمه لكن كون انا مش متعلمه هاد ابدا مش عيب ومش غلط
وعدم وجود شهادة تعليمية مابيعني انها مابتنفع تكون زوجه ولا ام ؟
ياما في مش متعلمين وبيوتهم جنة
ومتعلمين وحياتهم تعيسة :)

بالنهاية ~

حاول تمسك العصا من النص وماتخسر حدا على حساب حدا
لانو بالنهاية انت شخصيا ماراح تكون مرتاح
لو تجوزتها واهلك مش راضين مش حترتاح انت ولا هي
صعب على الكنة تحس انها مرفوضه من اهل زوجها
ورفض اهلك الها حينعكس عليك بالمستقبل
وازا ما تجوزتها حتى ترضي اهلك برضو ماحترتاح وحتظلمها
اعمل زي ماحكولك الإخوة قبلي
حاول تحكي بالطيب والحنية مع الست الوالده
وتقنعها بوجه نظرك
وحسسها انو سعادتك مع هالبنت بالزات
ووضحلها الشغلات الي مخليتك معجب فيها << يمكن تعذرك
والله يكتبلك الي فيه الخير
والي الله بيختارة الك هو الأفضل شو ماكان
الله يوفئك بشغلك الجديد وترتاح فيه يكونلك بالسعودية مستقبل منيح :)

آخر شي بحب اركز على نئطة أشار الها الاخ حسام
انو دايما نفكر بالطرف التاني
لانو شريك بالنتيجه والسبب
قله من الناس الي بتفكر هيك
والأغلب بهملو قصه المشاعر على اعتبار انها تفاهه وشي متروك للزمن
وهالشي مش صح
لانو تجربة وحده فاشله وقاسية كفيله تغير مجرى حياه بأكملها !!

//

انا اسفه انو طولت بالحكي
سلام :ShababSmile236:

[~ | Mazaj]

اهل زمان غير .. ما كان في وسائل تعليم وسهولة بالتعليم زي هلقيت

هي ستي بردو بتعرفش تكتب ولا تقرا " امية بالعربي " بس ابوي طلع التاني ع قطاع غزة بتوجيهي وهيو دكتور ما شاء الله عليه

وهي امي معها معهد والحمد لله اخوتي الي منهم دكاترة واللي منهم مهندسين واللي بدرس تخصصات تانية

بس هلقيت ايش حجة البنت الي مش متعلمة او الي ما بتنجح

مهي يا غبية .. يا بدهاش تدرس

واخر اشي ولادك مين اللي حيعلمهم ويفهمهم

مش بنت الجيران .. زوجتك

وما تقلي المتعلمة زي اللي مش متعلمة

" قل هل يستوي الذين يعلمون والذين لا يعلمون " ..

هاد ردي بس علي بقول في مش متعلمين بس بفهمو اكتر من الدكاترة

واللي بحكي المستوى الثقافي ما الو دعوى ..

روح شوف حالات الطلاق معظمها لانو في فرق في المستوى التعليمي والثقافي بين الزوجين

والله يوفقكم في حياتكم .. وان شاء الله بتكون من نصيبك احنا زعلانين يعني :)

[حسام المصرى]

ما شايف ضرورة للتعليم الدنيوى من الأساس .. فى اختيار الزوجة

عدم وجوده لا يعنى أنى أرفض واحدة ..

وبعدين الرسول قال " تنكح المرأة لجمالها وحمالها ونسبها فاظفر بذات الدين تربت يداك "

يعنى التربية أهم شئ والدين ..

والام أهم شئ تعرف تربى ولادها وتنشاهم تنشئة دينية .. وتخليهم يذاكروا وتهتم بيهم .. مش لازم تكون واخدة دكتوراه يعنى ..

استخدام آية " قل هل يستوى الذين يعلمون والذين لا يعلمون "

فى غير موضعها .. ^^ بناء على وجهة نظرك فى التعليم ..

ولو على المستوى الثقافى .. كتير حالات طلاق بسبب أن البنت شايفة حالها زى جوزها فى كل شئ .. وانها تشتغل زيه وتجيب فلوس زيه .. وتحط راسها براسه .. وده بقى سبب حالات طلاق كتير

أحسن شئ الواحد يتجوز واحدة تشوف جوزها أفضل منها بكتير ..

وتتعلم منه .. هو نفسه هيرتاح .. ووسائل الاتصال دلوقتى والانترنت والإعلام .. خلت الناس يكون عندها ثقافة .. غير زمان كانت الأشياء هدى صعبه

والتعليم بتاعنا ده أساسا بيعلم الانحراف وبيغير الفطرة .. من وجهة نظرى

هو ايه اللى خلى فيه انفتاح بطريقة بايخة غير أم التعليم المتدهور اللى ولا علم الناس دينيا ولا حتى علميا الا من رحم ربى ..

[~ | Mazaj]

ما شايف ضرورة للتعليم الدنيوى من الأساس .. فى اختيار الزوجة


:ShababSmile225:

والام أهم شئ تعرف تربى ولادها وتنشاهم تنشئة دينية .. وتخليهم يذاكروا وتهتم بيهم .. مش لازم تكون واخدة دكتوراه يعنى ..


احنا بنقولش ياخد وحدة معها دكتوراه

بنقول توافق ..

استخدام آية " قل هل يستوى الذين يعلمون والذين لا يعلمون "

فى غير موضعها .. ^^ بناء على وجهة نظرك فى التعليم ..

يبدو انو في وجهات نظر بالتعليم .. ليش يعني الي متعلمة اصول دين مسلن احسن من الي متعلمة رياضيات


أحسن شئ الواحد يتجوز واحدة تشوف جوزها أفضل منها بكتير ..


اه لاحظت بحبو يبينو انهم ابو العريف قدام زوجاتهم .. نظرية مش اول مرة اسمعها


والتعليم بتاعنا ده أساسا بيعلم الانحراف وبيغير الفطرة .. من وجهة نظرى

هو ايه اللى خلى فيه انفتاح بطريقة بايخة غير أم التعليم المتدهور اللى ولا علم الناس دينيا ولا حتى علميا الا من رحم ربى ..


هادي نظريتك عن التعليم !!

انه بيعلم الانحراف

والله انا ما بدي اخلي الموضوع ينحرف عن مسارو ..

بس الله يجمع سعيد بسعيدة .. هو طلب وجهات نظر بس بالاخر انا ملاحظة انو بده حد يقلو

اتجوزها غصبن عن اهلك .. كلام هو بدو يسمعو بس

[حسام المصرى]

أختى فجر الحياة ..

فى الأخير هذه وجهة نظرك ..

انا رديت بمنظور الدين والمنطق

الدين بيحكيلك اتجوز ذات الدين ..

والمنطق بيحكى أن الواحد مش معقول يسيب واحدة بيحبها بقاله سنين .. عشان مش زيه فى التعليم ...

وفى الأخير كل شئ قسمة ونصيب ..

بشوف ان موضوع التوافق هدا .. بيكون أساسه الدين والقبول .. والقدرة على الزواج من الطرفين

غير كده .. لا أعرف ..

وبحترم وجهة نظرك ..

[اسد 22]

طبعاً كلمة حق العلم والانفتاح في العصر ارجعوا لسير الصحابة عبد الله بن العباس بعد وفاة الرسول كان اله مواعيد لتعليم الناس ليس فقط دين وفقه بل كان يعلمهم الشعر

(إن يريدا اصلاحاً يوقف الله بينهما)
المشاكل بتنحل عندما يريدوا ومعروف صبر الزوجة على الزوجها ما عند الله خير وابقى
ولكن بكل تأكيد كان القرآن اكتر شي شغلين حالهم فيه

قال تعالى(وليستعفف الذين لا يجدون نكاحاً حتى يغنيهم الله من فضله)
وقال صلى الله عليه وسلم (من يستعفف يعفه الله )صحيح

الله يكتبلك الخير

[الطالبة المتميزة]

من الآآآخر ع بلاطة الحب ما بعد الزواج نقطة وسطر جديد !

كل تجارب الحب ما قبل الزواج فـآآآآآآآشلة

بالضبط


بالإضافة إلى قول الرسول عليه أفضل الصلاة و أتم السلام:" غربوا النكاح"
ما حكى عن عبث لإنو الزواج من الأقارب بعمل أمراض كتيرة و موضوع خطير جداً فاختر جيداً
و وفقك الله لما يحب و يرضى

[ندا الروح]

مم يعني شكلك بتحبها بشكل خيالي
الجا لربنا بالدعا ءوالصلاة بيساعدك انشالله
ومالك الا حد كبير من العيلة يعني مشترك بينك وبينها
او تلائي حدن يقنع امك !!افكارها متل افكار بابا
مش مستعد يزوجني لواحد مومتعلم لو شو ما كان!!
الك ربنا
والله يجعلكم من نصيب بعض