كآن يآما كآآن .. يا سآده يا كرآم .. ~

[نَـبـضْ الـمَـشآعِـرْ]

ஐ كَــانْ يَـامَـا كَــانْ .. يَـا سَــادَةْ يَــا
كِــرَامْ ஐ



سلسلة قصصية...من التراث الشعبي الفلسطيني..


فلسطين بعتت سلام للجميع..
و حكتلي...
قول لولادي..
اشتقت كتير للقعدات الحلوة..
و ضو القمر..و قلوب الحبايب..
و القصص التراثية..
و الحكواتي..
وايام زمان..


يوم ما كانو اجدادنا يلمو الحارة ويقعدو يرون الحكاية و قصص زمان..



تعالوا لنرَجع ايام زمان..


كل يوم قصة ..كل يوم حكاية..
مش لحتى انّام..
عشان يصحَ فينا اشي ما بينام..


ليالي كانت في فلسطين..
و قصص نحكيلها لنبقى احنا في الوطن عايشين.


عم بننظر مشاركاتكم في قصصنا الشعبية..
ارائكم... اقتراحكاتكم..جديديكم


فلسطين بتسلم عليكم..


و بتقولكم


كان يا ما كان يا سادة يا كرام ..

تحيآتي ~

[جورية القسام]

فـكرة كتـير حلوة ~
مـتـابعة ان شـالله :)

[نَـبـضْ الـمَـشآعِـرْ]

نُريد المتآبعة والمشآركـة ^^
أنرتِ الصفحة أختي ..,

[Arabian girl]

رائعة الفكرة , القصص اللي كنت بعرفها قصص أشخاص وقصص أطفال
ومنها حكاية أبي حكالي اياها عن تنين كانو عايشين بمنطقتنا واحد فيهم بصلي وبصوم وما بيجي بحدا والتاني لا بصلي ولا بصوم ومن هالحكي .. فاللي ما بصلي وما بصوم بضلو يحكي للي بصلي أموت أنا وإياك بيوم واحد عشان امسكك وتشفعلي _ طبعا بتعبيرو البسيط على حد ما وصلني الكلام ^_^ _ المهم مات اللي بصلي وبصوم بيوم من الايام الصبح وبنفس اليوم مات الشخص اللي بضلو يحكيلو أموت أنا وياك بنفس اليوم العصر :)))

حبيتها وحبيت أحطها هون ,,, هي يمكن قصة عادية أكتر من انها شعبية بس صارت بإحدى قرى فلسطين وحبيت أنقلها ^__^

[نَـبـضْ الـمَـشآعِـرْ]

بآركـ اللهـ فيكـي أختي ..~
وضلكـ حطيلنا قصص حلوة زي هيكـ :)

ننتظـر المشآركـة من جميع الأعضـآء

[§عاشقة غزة§]

كثير حلوة الفكرة
اكيد راح اكون من المتابعين
تسلم ايديك

[نَـبـضْ الـمَـشآعِـرْ]

جبينة

كان يا مكان في قديم الزمان هالمرة(إمرأة) لا بتحبل ولا بتجيب . يوم مر بياع هالجبنة ؟ قامت قالت :" يا طالبة يا غالبة تطعمني بنت يكون وجهها أبيض مثل قرص هالجبنة ؟" الله نطق علسانها حبلت وجابت هالبنت وجهها أبيض مثل قرص الجبنة , وسمتها ( جبينة )



لمن كبرت جبينة صارت حلوة كثير , وصرن بنات الحارة يغرن منها ., يوم رحن رفقاتها قالنلها :" يللا يا جبينة نروح نلقط دوم ". قالتلهن :" غير ما تقولن لإمي " .




رحن قالن لإمها :" ياإم جبينة بحياة جبينه تخلي جبينة تيجي معانا نلقط دوم ." قالتلهن :" أنا بخصنيش . روحن قولن لأبوها ."



رحن قالن لأبوها:" يا أبو جبينة بحياة جبينة تخلي جبينة تيجي معانا نلقط دوم ." قالهن :" أنا بخصنيش . روحن قولن لعمتها ".


رحن قالن لعمتها :"يا عمة جبينة بحياة جبينة تخلي جبينة تيجي معانا نلقط دوم ."


قالتلهن:" أنا بخصنيش رحن قولن لخالتها ".



رحن قالن لخالتها :" يا خالة جبينة بحياة جبينة تخلي جبينة تيجي معانا نلقط دوم



قالتلهن خالتها :" طيب خليها تروح ". سحبن حالهن هالبنات و رحن يلقطن دوم وصلن شجر الدوم قالن :" أني اللي بدها تطلعلنا عالشجرة ؟ جبينة كانت أصغر وحدة و أعقل وحدة قالت :" أنا بطلع ".



". طلعت وصارت قطعلهن دوم وتسقط تحت الشجرة . قالنلها احنا بنملليلك جونتك (الجرة). ملين جونهن دوم وملين جونتها حلزون . صارت الدنيا مع الغياب دشرنها ع ظهر الشجرة وروحن ع دورهن .جبينة ما عرفتش تطيح عن الشجرة وصارت الدنيا ليل راحت إمها سألت رفقاتها قالنلها جبينة ما راحتش معنا .


بعدين إجا هالخيال راكب هالفرس صارت هالفرس تقدم على هالشجرة و ترجع لورا خايفة , اطلع ع هالشجرة شاف هالبنت قالها :" طيحي عن هالشجرة " مارضتش لأنها خايفة قالها :" قالها :" عليكي الأمان و أمان الله ردت هالبنت وطاحت و ركبها معاه عالفرس وروحها معاه


بالليل جبينة دهنت حالها كلها أسود عشان بدهاش حدا يعرفها , الصبح فكروها عبدة صاروا يودوها تسرح بالغنم و الطرش صارت جبينةكل يوم و هي سارحة بهالطرش تقول "




ياطيور طايرة في جبال عالية



ترعى غنم ترعى نوق وتقيل تحت الدالية



سلمن ع امي و أبوي وقولن جبينة راعية


وتصير تبكي , وتصير هالطيور تبكي و الغنم و هالطرش تبطل توكل و تصير كلها تبكي . لاحظ ابن الأمير انه هالطرش بروح عالمرعى ويروح بدون أكل , كل يوم بضعف عن يوم .

قال :" والله غير ألحقها و أشوف شومالها ."



لحق الطرش . لمن وصلوا ع المرعى قعدت جبينة و صارت تقول :


ياطيور طايرة في جبال عالية


سلمن عامي و أبوي وقولن جبينة راعية


ترعى غنم ترعى نوق وتقيل تحت الدالية


وتصير تبكي , وتصير هالطيور تبكي و الغنم و هالطرش تبطل توكل و تصير كلها تبكي, ووقف صار يبكي وكل شي موجود حوليها صار يبكي .وهو ابن الأمير وقف وصار يبكي .

المغرب , قالها :" تعالي , قري الصحيح . مين انتي , وشواللي صار معك ؟".


قالتله :" أنا اسمي جبينة , وصار معي هيذ هيذ هيذ ."


وقامت هالشحار الأسود عن وجهها المشحرة و الا هي شو ؟ مثل القمر .
إجا ابن الملك املك ( و أملك يعني عقد قرانه عليها ) عليها وقاموا هالأفراح و هالليالي الملاح , وتجوزها وجابت امها و أبوها لعندها



وجيت من عندهن وجاي

وطار طيرها و عليكم غيرها

[عاشقة فلسطين..]

حلووْ كتيييير ")))

متآبعة يا عسل ^^

[Arabian girl]

^________^ ما أحلى طريقة الرواية d: والقصة لطيفة كمان :))))

[نَـبـضْ الـمَـشآعِـرْ]

Arabian girl (http://shabab.ps/vb/member.php?u=17371)
إنتي أحلى :) ..

عآشقة فلسطين ..: نورتي حبيبتي ~

[نَـبـضْ الـمَـشآعِـرْ]

حكاية الكووك

كان يا ما كان.... في قديم الزمان، وما يحلى الحكي إلا بذكر النبي... عليه الصلاة والسلام...
كان في عصر الجيش العسملي... يعني أيام الأتراك لما كانت تحكم فلسطين...
كان في فلاح اسمه درويش... وهو مسكين درويش... يمعط الجاجات ويسرق الريش... أهبل على باب الله... وكانت زوجته فهيمة ...فهمانة... بس غلبانه بعيشتها وبمشاكلها مع زوجها الأهبل درويش... يوم ضاقت الدنيا بوجهها... وطفرت الحالة عندها... قالت له:
خذ البقرة اللي حيلتنا... وروح على المدينة وبيعها في السوق... يمكن تجيبلك عشره أو عشرين ليره...
وقامت فهيمه حطت الزاد والزواده لدرويش، وسحبت البقرة وسلمتها له... وقالت له:
اتكل على الله وروح للمدينة... وإرجع قبل ما تغيب الشمس.
سحب درويش البقره... وفي الطريق تعب وجلس يرتاح تحت شجره... وربط البقرة في الشجرة... وفرش منديل الزاد والزواده... ولسه بيقول بسم الله... سمع صوت القوقه (الغراب) فوق الشجره... نظر درويش فوق... وقال لها:
إيش يا قوقه بدك تشتري البقرة...
قالت القوقه:
كوك.... كوك.... كوك
قال لها:
طيب... بتدفعي عشرين ليره.
قالت القوقه:
كوك.... كوك.... كوك
قال لها:
وين المصاري.... تحت الشجرة....
قالت القوقه:
كوك....كوك.... كوك
قام درويش حفر تحت الشجرة... شاف جرة فخار كبيره مليانه ذهب... ليرات ذهب عسمليه... عد عشرين ليره ذهب... ورجع الباقي... ودفن الجرة زي ما كانت... واتطلع فوق... وقال:
هذه البقرة الله يبارك لها فيها... وأنا أخذت حقها والباقي رجعته مطرحه....
قالت القوقه:
كوك.... كوك.... كوك
ودع القوقه وروح على بيته...
استغربت زوجته فهيمة برجوع زوجها قبل موعده... فقالت له:
ما أسرع ما رجعت... وين البقره؟
قال لها:
بعتها للقوقه بعشرين ليره ذهب.
شافت المره الفلوس الذهب وانهبلت... وشدت في خناقه... وما فكته إلا لما حكى لها القصه من طقطق لسلام عليكو...


قالتله:


الله يعطيك العافية



وراحت بسرعة لعند الشجرة... وشافت البقرة مربوطة في مطرحها... بحشت على الجره... ولقتها مليانه ذهب عسملي... حملت الذهب وخبته في أواعيها، وسحبت البقره ورجعت ع البيت... لما شافها درويش صار يصرخ ويلطم على وجه ويقول:

حرام عليك يا مره تسرقي بقرة القوقه


خافت فهيمه أن يشكيها الأهبل للحاكم.... راحت عملت زنقل و زلابيه (حلوى مثل العوامه "لقمةالقاضي") وطلعت فوق السطوح وصارت ترمي عليه... وهو فرحان يلقط ويوكل... ويقول:


يا سلام يا أولاد... الدنيا بتمطر زنقل وزلابيه


وفي يوم زعل درويش من مرته فقال والله لروح للحاكم وأقول أنك سرقت بقرة القوقه واخذت مصاريها...


ما اهتمت فهيمه من كلامه وتهديده....


راح الأهبل للحاكم وحكى له القصة من طقطق لسلام عليكم... استدعىالحاكم التركي فهيمه وسألها عن البقرة وجرة الذهب... فقالتله:


سلامه تسلمك يا سيدي الحاكم... زوجي أهبل ومجنون... بيتهيء له أشياء مابتصير.... وإذا مش مصدقني اسأله وقتيش صارت هذه الحكايه؟؟؟


سأله الحاكم... فقال الأهبل:


يوم ما مطرت الدنيا زنقل و زلابيه...


ضحك الحاكم وقال لفهيمه:


الله يعينك على هاالزوج...خوذي زوجك وروحي على بيتك


قامت فهيمه ولمت عفشاتها ورحلت من بربره على بيرالسبع...






وتوته توته خلصت الحدوته

[Arabian girl]

يييي اتخيلت نهاية تانية :p
بس حلوة القصة ^___^
يسلمو نبض :))

[نَـبـضْ الـمَـشآعِـرْ]

قصة يا ظريف الطول من التراث الفلسطيني

عناة هو الاسم لأحدى آلهات الكنعانين.....وهي كانت آلهة الخصب ...يعنى التجدد و الولادة ظريف الطول ...اسم كان يطلق على شاب لأنه كان جميل الطول....والظرف من الاستحسان والتجميل والزريف من الزرافة وهو تشبيه بعنق الزرافة الطويل .
من أجمل اللّوحات التُّراثية الغنائية في فلسطين هي (يا ظريف الطّول )والتّي ارتبطت بالدبْكِة الفلسطينية زريف الطّول صفة شائعة في الأغنية الفلسطينية التّي تستطْرِق الى العِشق و الجَمال ..... ووصف المَحبوب الوسيم والمَمْشوق القوام , ولزريف الطّول قصة وحكاية من حكايات تراثنا الشّعبي .....أوردلكم ايّاها هنا على صفحتنا وأتمنى أن أكون قد أفدتكم في معرفة تراثنا الشعبي والغنائي الذي ارتبط بالدبكة الفلسطينية :::ـــ



يحكى أن في احدى القري الشمالية من فلسطين .كانت تسكن هناك فتاة اسمها على اسم الآلهة عناة ...... احبت عناة ظريف الطول وهو احبها حب قوي وكانو لا يفترقوا ابدا ....يلتقون على نبع ماء بالخفاء .

عندما علم اهل القرية بهذا التقارب بين عناة وظريف الطول بدأت المشاكل والحروب لتفرقة عناة عن ظريف الطول وقام اهل عناة بسجنها داخل المنزل يحرسها اخواتها واولاد عمومتها حتى لا ترى ظريف الطول .


وذلك بسبب العادة المتبعة انذاك ,اي تفضيل الزواج من ذوي القربة اي اولاد العم وما شابة....لهذا حزن ظربف الطول حزنا شديدا وبدأ لا يطيق المكوث في قريتة حيث منع من مشاهدة حبيبتة .ومن جهتها حاولت كثيرا رويتة ولكن دون جدوى تدهورت حال عناة كثيرا عندما علمت ان ظريف الطول ينوي الرحيل من القرية ونقلت صديقتها الكلام وهي تعتصر حزنا على عناة وصلت الى ظريف الطول وقالت له على لسان عناة

. ..

يا ظريف الطول وقف توا اقولك ......رايح عالغربة بلادك احسنلك .......خايف يا المحبوب اتروح وتتملك ......واتعاشر الغير وتنساني انا

جن حنون ظريف الطول عندما سمع هذا الكلام من حبيبته وحزم امتعتة ورحل ولام عناة بهذا الكلام كيف تفكر بهذا التفكير وهل من المعقول ان انساك بعد كل هذا الحب وهذة المعاناة وتحمل مرارة الفراق كيف تشك بي ... انا راحل حتى ترتاحي انت واهلك يطلقون سراحك بعد ان يتأكدوا اني رحلت ..... اني اضحي بحياتي من أجلك ولم اهجرك لأتملك اراضي في بلد غير قريتي التى ولدت فيها وترعرت وحبيتك بمحبة ارضي الا اني اعتبرك انت و الارض لا تتجزأن وانا لا افكر بأن احب غيرك .


تأثرا كثيرا من هذا الكلام ورحل طريف الطول عن قريته حزينا مهموما وبدأبتنقل من بلد الى بلد دون ان يحاول شراء أرض او بيت فعاش بعيدا عن ارضة وحبيبته والحزن يرافقة وألم في داخله , ومن بعد هذه الحكاية انتشرت أغنية يا زريف الطول في فلسطين ....وأضحت من أشهر الاهازيج التي تصف المحبوب وكذلك الوطن ايضا وحتى الغربة طالها من ظريف الطّول الكثير من الأبيات

يا زريف الطول ويلاّ يا شعّارْ نحيي هالليلة ونخلّيها نهارْ

ترى دمع العين بالغربة أنهارْ والقلب مشتاق لكلّ حبابِنا

وبعد الشّتات الفلسطيني أصبحت أهازيج زريف الطّول للتغَنِّي بالوطن والارض والشوق لها .....والتمني للعودة من المنافي لأحضان الوطن

وطُبِعَ عليها طابع الحزن والألم والشوق والكثير الكثير من الحسرات كحال شعبنا

ومنها بعض الابيات ـأوردها هنا :-


يا زريف الطول وين رايح تروح .....وبقلب بلادنا تعمّقت الجروح


ما في غيرنا يبَرِّد لَها الرُّوح ....واسمع ليل نهار صوت رصاصنا


يا زريف الطّول امشي التّل التّل .....واسأل عنّا الرِّيح يا زريف تِنْدَل


الطَّريق معروف والرَّصاص الحَل ....وبْعِزِّة واصرار نِصْنَع دَربِنا


يا زريف الطّول من وادي لَواد ....تناديني الثُّوار وشوقي للبلاد

ابشر يا ظريف سراج الثّورة انقاد....ويا سراج الثُّوار سيفك دَمِّنا


يا ظريف الطّول ارسُم يا رسَّام ....صورة لفلسطين وصورة لثوار


وعيون الثّوّار والله ما بتنام ....كرّ ولا فَرار هذا شْعارِنا