المساعد الشخصي الرقمي

مشاهدة النسخة كاملة : هل تؤيد زواج الفتاة تحت 18 سنة ؟ أم تعليمها؟

محبة الأقصى
06-02-2006, 05:21 PM
السلام عليكم ورحمة الله وبركاته

شباب وصبايا كيفكم ، حابه أعرف رأيكم في زواج الفتاه تحت 18 سنة ، وزي ما بتعرفو احنا في عصر الانترنت والفضائيات والانفتاح على العالم ، وبسبب هالشي كثرت الفتن والفواحش ، واللي عندو بنات ما بصدق أي حد يدق باب دارو ويقللو اهلا وسهلا ويزوجو بنتو ، والبنات صارت تتجوز من 15 و16 ، وبنفس الوقت زاد معدل العوانس في مجتمعنا ، لانو الناس بدها بنت 16، وبنت العشرين والخمسة وعشرين ما حدا بسأل عنها إلا المطلق والارمل واللي بدو يتجوز على مرتو
وكمان التعليم كتير مفيد للبنت ودخولها الجامعة صار اشي ضروري حتى تواكب تطورات العصر

انا شالله تكون الفكرة وصلت ،،، وبدي اشوف ارائكم
ZaMorANo
06-02-2006, 05:31 PM
انا ضد تزوج البنت تحت سن 18

شكرا عاشقة الاقصى على الموضوع الرائع
نسرينا الفلسطينيه
06-02-2006, 05:57 PM
انا كمان ضد البنت تتزوج تحت سن العشرين حتى مش 18

مشكوره على الموضوع
~ | Mazaj
06-02-2006, 06:04 PM
انا بفضل البنت تكمل تعليمها وتاخد الشهادة ،، يعني ما تتجوز قبل 18 سنة ..
انا ما بعرف شو هالتخلف يلي نزل على الناس اليومين هدول ،، عنجد احنا عنا بالمدرسة تلات ارباع البنات مخطوبات وكم من بنت متزوجة وهن قدي بالعمر ،، ولا يلي بغيز اكتر بدهن يدرسن .. وبيجن على المدرسة كإنهن جايات على حفلة :)

يسلمــو اختي عاشقة ،، كان في بالي اطرح هالموضوع ،،
محبة الأقصى
06-02-2006, 06:08 PM
شكرا نسرينا وفلسطيني على الرد
محبة الأقصى
06-02-2006, 06:12 PM
انا ما بعرف شو هالتخلف يلي نزل على الناس اليومين هدول ،، عنجد احنا عنا بالمدرسة تلات ارباع البنات مخطوبات وكم من بنت متزوجة وهن قدي بالعمر ،، ولا يلي بغيز اكتر بدهن يدرسن .. وبيجن على المدرسة كإنهن جايات على حفلة :)



واحنا كمان فجر عنا نص بنات المدرسة خاطبات والنص التاني بيجي السنة الجاي خاطب
يعني انا مش فاهمة ليش الناس بتترك المتعلمة والفهمانة وبتروح على الزغيرة اللي بنص عقل

قال بقولو الواحد بياخد بنت زغيرة عشان يربيها على ايدو .. نفس افهم شو يعني يربيها على ايدو
الله يعين مجتمعات خربانة
~ | Mazaj
06-02-2006, 06:29 PM
ههههههههههههههههههه ،،
شو رأيك اختي عاشقة نعمل استفتاء لشباب المنتدى .. نشوف هم بيفضلو البنت تتربى على ايديهم ،، ولا بيفضلو البنت المتعلمة الناضجة

ههههههههههههههه ،، والله يعينــــــــــا عنجد الناس وصلو القمر ،، وهم لسا ........
شذى الياسمين
06-02-2006, 06:53 PM
وبنت العشرين والخمسة وعشرين ما حدا بسأل عنها إلا المطلق والارمل واللي بدو يتجوز على مرتو
عاشقة بجد ضحكتيني شو هادا على هيك صبايا الجامعة ماحدا منهم راح يتزوج
اقلك شغلة انا انا برفض مبدأ زواج الفتاة بسن 18 سنةرفضا تاااااااما
بس تعالى نكون واقعين شوية حتلاقي انو فى اهل مثلا ماراح يقدروا يكملو تعليم بناتهم
وخاصة عنا بفلسطين لو اتطلعتي على نص العائلات كيف عايشة حتلاقي الاب عندو شي 10 افراد بالاسرة يعني حيلاحق على مين ولا مين بقول يلاااا اذا اجى لبنتى المناسب بزوجها ليخف هممها شوي عنو وطبعا هالشي غلط وغلط كبير كمان بس شو بدك تقولى مستوى المعيشة ومستوى التعليم بلعب دور كتير كبير بهالقصة هادي
والله يهدى الجميع ويححسن الأحوال
ويستر على جميع ولايا المسلمين امين
شكرا الك ولطرحك هالموضوع الحساس بالفعل
عاشق البندقية
06-02-2006, 07:04 PM
والله يا بنات الموضوووع حسب .....يعني:
شو بتتوقعو واحد زلمه عفراش موتو وعندو هالبنتين الوحدانيات واخوهم صغييير لسه ومرتو ميته ؟؟؟؟
مش الاحسن يجوزهم ويسترهم احسن ما يتمرمطو وانتو بتعرفوو البقيه ....
بس بكل الاحوال البنت قبل 18 -- 19 سنه ما لازم تتجوز...
ولكم كل الاحترام .
اخوكم....
محبة الأقصى
06-02-2006, 07:05 PM
ههههههههههههههه

والله فكرة حلوة فجر
وانا موافقة على الاستفتاء
هههههههههههه
محبة الأقصى
06-02-2006, 07:07 PM
والله معك حق شذى بكلامك
بس اغلبية الاباء بحبو يجوزو بناتهم على بكير خوف ليعنسو ويقعدو جمبهم

شكرا تورنيدو على رايك