. . |♥| جَلسـَة العيـْد |♥| . .

[Maram .. ~]

width=1 height=1
.http://rooosana.ps/Down.php?d=BZXW.



أوّل شي و ئبـل كل شي ،،


علّــو السمآعــآت :ShababSmile237:

.http://rooosana.ps/Down.php?d=BZXW.



شبآب و صبآيآ المُنتدى ،،


[ كـــُلْ عـَـِـِآم و إنتـِـِو بـ ألـْف خ،ــِير يَ ـآ رب ]


و ينعـآد علينـآ و عليـــكم بـ الخيــر و البركــة ~

.http://rooosana.ps/Down.php?d=BZXW.


المـُهم ، ندخل بالموضوع :ShababSmile248:

زي كلعيـد ،، و زي فرض الصلآة :D

بدنآ يآكم تخبرونآ كيف العيد معكـُم :ShababSmile237:

و كيف هَالأجوآء الحلوة ؟

و الخرفآآآن الي معبية البلد :ShababSmile226: ،

ميِن دبـح و مين ئرِف يئرّب :ShababSmile233: ؟

و طبعاآ أهم أهم شي ، [العيدية ] !!

اتعيّدتو هَـ السنة ولآ عيّدتو ؟ :ShababSmile226:

يلآ يَ حلوينْ ، بدي اشوف كل واحد كاتب موضوع تعبير:ShababSmile237:

و صبوّ الـgـهوة و هآتو الكعْـك :ShababSmile226: ،،

مـــع ~

{ جَلْسِةْ العْيدْ }
.http://rooosana.ps/Down.php?d=BZXW.

[PaLeStiNe FlOwEr]

هـــــــلا بــالـع ــيد http://www.shabab.ps/vb/images/smilies/NewSmile/ShababSmile237.gif

حــلو , لــي عـودات ان شـــاء الله ^^

[sofy]

؛



إن شـآء الله بكولكم أشيـآء حلوة ^^

[جورية القسام]

كل عااااااااااااام وانتوو بالف خير ان شاالله

ينعاد علكوو بالف خيير ان شاالله


و طبعاآ أهم أهم شي ، [العيدية ] !!

اتعيّدتو هَـ السنة ولآ عيّدتو ؟

اه .. انا تعيدت ولسه ماتعيدت

اخدت 100 رياااال :p

..


يسلمووو مرمر زمااانو

كل عام وانتِ بخييير

[اسد 22]

انو عيد والناس نايمين شغل +هم الله يقطع الشغل ما في غير هالاشغال


ليل وبرجع الصبج هف اما صحتلي عيدية مرتبة من بسة

شعبطت علي وانا واق وخرمشتني ووقفت على كتفي


من اولها بين العيد

[نابلسية كححح]

صباح الخيراااااااااااات

كل عام وانتي بخيييييييييير

اول مرة بصحى بكير هييك ..!

راحو بابا واخوي واخدو الخاروف معهم
الخاروف الو من قبل امبارح عنا

لهلأ ما شفتو
هههههههههه

ع الصور بكفي

معمولات العيد بجنننوو =)

كل عام وانتو بخير

[شهيد]

صبآآآآحو 3>

[[ Islam ]]

صبآح الخير ،،

عيد سعيد :)

[sofy]

؛





حـآبة أحكي شوي ْ :$

طبعـآ الله يخلف عليـآ ما نمت سهرآنة أنـآ وأخوآتي { حششنـآ }
وطبعـآ لمن نجتمع مع أخوآني أنسوآ هستيريـآ النهـآر والليل وكل حـآجة بشعة في الحيـآة بتصير هيع

لمن حطيت على قنـآة المدينة ,
تذكرت وقت ما كنت بالمدنية وقتهـآ صـآر موقف ,
كنت مع مـآمـآ لوحدنـآ وخلصنـآ صلـآة بالحرم ,
كـآن كتير زحمة وقتهـآ وأنو بدنـآ أرجع على البيت
أنو قمنـآ أنـآ ومـآمـآ ومـآسكين بـ إيدين بعض :$
فـ جـ]أة هيك مجموعة كبيرة تدخل بيني أنـآ ومـآمـآ
وتفرقنـآ عن بعض خخخخ كـآن وقتهـآ بحكي يا مـــآآآمـآآ ههههههه
وصرنـآ نضحك أنو كيف أفترقنـآ وعند البـآب إجتمعنـآ عند المخرج
طبعـآ أول ما خلصنـآ صلـآة بلشت الـأيـآدي تتمد عليـآ
كل وحدة بتمد إيديهـآ بقوولهــآ نعم يمـآ ..!!
مسكت ومسحت بـ إيديـآ وعلى وجهـآ
بقول لـ مـآمـآ مالهـم هدوول ..
بتبـآركوآ فيهـآ , :)))))))))))))))))
الله يخلي الموبآيلـآآت , بلكي بـ إجـآزة الربيع برجع أنزل على المدينة
مشتـآقة أشووفهـآ هيـآ ومكة :$


من أهم الـأحدآث الي صـآرت تودآي
أنو أنـآ إلي شي عشر سنين ما شهدت دبح للخروف هو مشْ خروف إشي بشبه الخروف هع
وطبعـآ اليوم الدبح كـآن عنـآ بالبيت :))))
فـ إنو مفكرة حـآالي جدعة ومشْ رح تـأثر ْ علىـآ المنظر ْ
أتـآري كنت خيخة وما قدرت أتحمل حزنت عليه , { سنة الحيـآة }
لـأنو من مبـآرح بطعميه , ضربت معه صحبة ,

الله يستر من الـأحدآث الجـآية هع

[PaLeStiNe FlOwEr]

مـــرآحـــب :ShababSmile226:

صحينا ع الفجر , وع اساس بدنا نطلع نصلي بمنطقة غير منطقتنا وبعيدة كتييير عن بيتنا ,,

والا هي الدنيا مطر كيف قلب الجو سبحان الله ,,

رحنا ع المصلى الي بيعملوه بصحرا لصلاة العيد ,, الي جنب بيتنا ..

سكروه بسبب المطر والناس كلها راحت و توزعت ع المساجد ,,

رحنا ع أقرب مسجد , والسيارات معلقة بالطريق وزحمة ومسكرة ع بعض ,,

بتبدأ الصلاة 6:16

والا الإمام بدأ والساعة 6:10

الكل وقف سيارتو ونزل ع المسجد , وتركو الشارع مسكر ,,

المهم الحقنا الركعة الأولى , لما كبر للتانية بدأ بالفاتحة بعدين تزكر انو عيد قطعها بدأ تكبير

واحنا بالصلاة الإمام خربط كمان وبعدها صلى سهو ,, ويادوب سمعنا الخطبة وروحنا ..

::

بعد الصلاة رُحــنــا جبنا فطاير , اجيت البيت نمت ربع ساعة وغفيت فيها ,,

وريحتني كمان ,, بعدها صحيت أفطرت ..

و لهلأ ما اجى حدا إلا خطيب أختي ..

بانتظار خالي ,, وبعدها نشوف وين مخططاتنا ..~

وبــــــس :ShababSmile237:


:ShababSmile236:

[عاشقة فلسطين..]

وإنتِ بألف خيييييير يااارب :)

،

بدآية نمت السآعة 1 ونص الصبح ^^
وصحيت عالفجر بعدو غفيت وراحت علي اول التكبيرات :
بس برضو حضرتهآ :))
والصلآة وكل شي كان بجننن
حآليآ الجو هآدي لساآ مآ فآعو آ الصغآر :d
والجو والله برررد وفي احتمال تمطر !!

وهلأ بدي أروح أفطر مع العيلة =)
إحنآ عنآ كل عيد لازم كل العيلة تفكر عن تيتآ :)
وهيك
وبرجعلكم p:

=)))
♥

[JojO ~]

أهلا

مرآآآم كل سنه وانتِ صقيقتي القمييله :ShababSmile109:
بدنآ نشوووفكم هالعيد بالطول بالعرض لازم :ShababSmile108:


كل سنه وانتو طيبين <3

انا مبسوووطه جدآ

* طبعا من أمس حطيت بطاريات الكاميرا بالشحن وفضيت الميموري كارد عشان صور اليوم ، :ShababSmile237:



رحنا على صلاة العيد مع تيتا و خالو واخواني
ورجعنا لبسنا ملابس العيد وهيك
وبعدين كل العائله بتيجي عشان الفطور

بس بالأول دبحوا الخرفآن :(

خروفنآ البطل الله يرحموو كتييير حزناا عليه

في وحده من الأطفال اللي كانوا معنا من امبآرح واكلوه البسكويت والكوكيز ، صارت تعيط قال وين رآح دودو "الخروف" ؟
مش قادرين نحكيلها انو اندبح فقلنالها ودوآ المستشفى وصآرت تعييط قال خايفه عليه ، بس هلأ نسييت الموضوع

صورة الخروف
http://shabab.ps/vb/showthread.php?t=132495

في كمية أطفال غير طبيعيه ف البيت :ShababSmile235: بس عاملين جوو كمان

اممم حطوا الدفعه الأولى من الفطور ، لسآ في كمان مرات تاني بدهم يحطوا

امممم بالنسبه للعيديه لسآ ما وصلني شي :ShababSmile227:

وانآ الحمدلله ما بعطي حدآ :ShababSmile250:


كمان شوية برجع اعطيكم التقرير للباقي :D

صووورت كتيييير ، إن شاء الله بحاول انزللكم صور :ShababSmile224:



يلا سلآم :ShababSmile236:



Ps .مرآآم عملتو سمآآقيه ؟؟:ShababSmile237:

[PaLeStiNe FlOwEr]

أهلي طلعو يعملو لفة العيلة ,,

بدهم يروحو عند خالي وأولاد عم بابا ,,

وانا وأختي لحالنا بالبيت ,,

بابا أخد مفاتيح السيارات معاه , كنو قارئ افكارنا , كنا ناويين نطلع انا واختي بالسيارة هههههههـ

حردنا شوي :s

بس هلأ كل وحدة مسكت جهاز وع النت ,, لهلأ بالبيجامة :

::

اتصلت بأسوم توأمتي

انبسطت كتييييييييييييير بسماع صوتها

5 دئايئ بالزبط وخلص الكرت

الدقيقة الدولية غليانة كنها :S

كان بودي أكلمها أكتر ..

بجد ملللللللللللللللللللللللللللللللللل لللل

[PaLeSt!Ne SouL]

بس يصلني الرصيد بتشبعي برم :p


/

امبارح كان محكوم عليا بالاعمال الشاقة

عملنا كعك و سماقية


و اليوم كان فطورنا منها

بالنسبة للأضحية ما ضحينا :(

/

صحينا بدري نلبس اخواتي الصغار و الكبار تزكروا الكوي قبل الصلاة بشوي

و ما رحت ع الصلاة

عملنا فطور و بعدين لبست

كلمنا عمي بالبحرين عيدنا عليه كاين مشغول بذبح الخرووف

بدو يرجع يكلمنا ع المغرب

امم عيدية ؟!

اخي اعطاني 100 شيكل

فكرتها عيدية بقله كتير

قال لا فكيها ما معي فكة

بس عيدني 20 شيكل

لسه ما حد اجا عنا


بس عنجد العيد من زمان ما حسيت بفرحته هيك :)

[PaLeStiNe FlOwEr]

عملنا شي خطيييييييييير انا وأسوم :ShababSmile226:

برمنا ع المسن مايك , ال مشان أوفر رصيدها هع

أنا ببرم وهي بتسمع وبتكتب كتابة

حششنا :ShababSmile250:

أنشدتلها انا البندورة الحمرا :ShababSmile222:

وقرأتلها قرآن آيات من سورة ق و الكهف

بس نبسطت كتييييييييييير بالبرم ,, بدل غلبت الكتابة هي :ShababSmile240:

بــــدي أعيدها تاني وتالت ومليووووووووووون :ShababSmile237:

[PaLeSt!Ne SouL]

قولي انبسطتي بالخيانة يا دبة

خلي الطابق مستور :p

/

اجو عنا اعمامي

و لسه ضايلين داخلة سرقة اشوف شو بتحكي اللي فوقي :)

[إسراء الفلسطينية]

السلآم عليكم ..

أولاً فكل عام وانتو بألف خير :ShababSmile237:

ينعاد عليكم بالصحة والعافية ان شاء الله ..

.

.

العيد يوم عادي عندي

وهل سنة أكتر من العادي :ShababSmile235:

بالعادة بكون في قاعة كبيرة مشان نصلي صلاة العيد فيها

بس هل سنة ما قدروا يستأجروها لانو سقفها خربان :S

بابا بالحج ..يعني البيت فاضي من دونو :(

ممممم

فقت وقعدت مع امي واخواتي شوي ..

وضبينا البيت :ShababSmile221:

وكمان اكم ساعة جايين عنا تيتا وخالو من السويد وبس :ShababSmile116:

[دمع المطر]

لسا بالبيت ما عملت ولا اشي
بس أجو الناس عند بابا
اما النسوان عنا الجولة بتبلش باللليل

حاآاسة حالي بدي أطق ،زهقت من البيت ومو جاي عبالي اطلع منه

أحلى شي انه ماي تو سيستر لما شفوني بهالنفسية عملولي حفلة رقص

هههههه عجبنا وكل ما نسمع صوت باب البيت فتح و أجى عنا حد

بنسكر الأغاني ،ههههههههه

يعني تحسنت شوي بعدها

اول يوم ماله معنى بالعيد عندي

بحب كتير تاني يوم لانه بشوف خوالي

[دمع المطر]

واحنا كمان ما عنا عادة انه البنات يصلو صلاة العيد


للرجال بس ،،

[[ Islam ]]

انو على اساس اليوم عيد :(

بس شكلو زعل وراااااااااح :(:(:(

[PaLeSt!Ne SouL]

مزاجي قلب :(

[عاشقة فلسطين..]

،

على اساس انو للآن في عيد :d
الله يجعله يطول بس ^^

[حسام المصرى]

قمت الصبح بدرى ..

مشان أصلى لقيت حالى مصاب ببرد شديد ما قادر اتحرك .. الجو برد جدا والزكام تاعبنى

نمت وصحيت بدرى

اتصلنا بالجزار جاب الخروف وجه ...

دبحنا الخروف .. وساعدت فى التنظيف والتقطيع .. وصارت ريحتى خرفان ..÷ههههههه

بعدين قسمنا الخروف .. وعبيناه فى كياس لحمة ...

نزلنا على العربية مع عمى ورحنا عيدنا على أولاده ..

كمان رحنا لنشوف بيتنا اللى بيبتبنى .. رائع عن جد .. ومساحته ما شاء الله كبيرة ..

الواحد اطمن أنه رح يكون عنده شقة ..هههههههه


بعدين بالعربية ورجعنا على بيتنا .. وطول الطرق ضحك وهزار خصوصا أننا كنا ماشين فى مكان جميل جدا كله زرع وشجر وبحيرة سيدى كرير على الطريق ..

وبس دخلنا وسط البلد لقينا البلد مليانة دماء وجزارين بسبب الدبيح ..

عادة أول يوم ما بنخرج ..

مستنيين بقى ولاد خالتى أو اقاربى ..

أو ممكن اشوف صحابى

بس صراحة

البرد .. تاعبنى والجو تلج .. ^^

[ameera]

كل عام وانتو بخير ..

ببس العيـد ماالو هية هالسنـة ..

مش حاسة بالعيد ..

[[ Islam ]]

يوم سيء :)

[Hlaa Alrouh]

أول شي كل عام وانتوا بخيييييير....
العيد هالسنة عادى كتتتتتتير الصبح بابا واخوانى راحوا صلوا صلاة العيد صحيتهم انا ورجعت نمت
بعيد الفطر رحت عالصلاة جد كانت حلو كتير احلى شى بالعيد بس هالمرة حسيت الجو بارد وقصرت اقوم
وبس روحوا كلهم راحوا عند الاضحية وانا ضلت بالبيت رجعوا بعد الضهر
وبعديها راحوا كلهم يعيدوا خصوصا على تيتا واختى راحت بس انا بجد هالمرة مو حابة اطلع من البيت

كلمت حبيبة ئلبي وتوأم روحى لانو المكالمات الدولية بالعيد سعرها رخيص انبسطت معها وخلصت الرصيد وكملت من رصيد ماما بس من غير ما تعرف وبس
..............

بتمنالكم عيد سعيد

[PaLeSt!Ne SouL]

العيد السنة هذه ما في شي زيادة عن كل عيد


بس حاساه احلى عيد مر عليا


و مبسوووطة فيه كتير


اجا عنا عمي لوحده تاخر عن الباقيين عشان الذبح

بس كيفت عشان اقعد معاه


و هوي قعد شوي مش زي باقي الضيوف خطف


و ابني عمي التاني بكرا جاي

و اولاد خالتي كمان

كان نفسي يخلصوا اليوم عشان اطلع بكرا

بس ما زبطتت

و كلمت البنات و صحباتي و انبسطت كتير و تهبلنا أكتر

و سمعت اخبار بتفرح :)

فعلا احلى عيد مع انه اللي قبله اسوأ عيد


سبحان مغير الاحوال

[JojO ~]

التقرير التاني :p



نمت شوي ع العصر ،
بعدها صحيت طلعت برآ لحديقة بيتنا كان في غيوم وهيك صورت وكمان وصورت الأطفال وهما بيلعبوا وبينطّو بالنطاطة
والجو حلو كتييير

بعديين بدانا نجهز عشان العشا ، ونرتب الاشياءات وهيك
وبداوا يجوا الضيوف
الرجاال كانوا كتييير ماشاء الله بس النسوان اقل <أحسسن :p

واخددت عيديات الحمدلله

بكرآ رح نطلع احنا نزور الناس إن شاء الله

:)

كل سنه وانتو طيبين مرة تانييه

[JojO ~]

* بالنسبه للناس الحزينين والدنيا عيد :(
يعني ما ينفع كذا ،ولا رأيكم شنو ؟

[PaLeStiNe FlOwEr]

اجت عنا بعد العصر بنت جيرانا ,,

قضيناها بـرم × بـرم

نبسطنا سوا ,,

رجعو اهلي بعد المغرب وقعدو شوي وبعد صلاة العشا رجعو يكملو زياراتهم ..

كلمت صحباتي التنتين تفقنا نلتقي بكرا , يارب تزبط ..

بجد نفسي اطلع , خصوصي انو بعد العيد امتحانات ..

::

وسمعت خبر حلو كتيييييييييييييييييييييييييييييير

يارب يتمللها ع خير يارب ..~

[إيمـان]

هيني جنب 3 قرود :ShababSmile226:

ياي حلوين اخوان مهووش :ShababSmile226::ShababSmile226:

بررررررررررررد متلجههههههههههههه:ShababSmile250:

[clara]

ملل × ملل :ShababSmile223:

هآد مآ إسمو عيد هآد إسمو نكد وهم :ShababSmile223:

كل إشي ممل بهآ آلحيآة حتى آلنت حتى وجوهـ آلبشر :ShababSmile223:

[Maram .. ~]

احمممم :ShababSmile250:

جاية ابرم انا :D

وسسسعو :D

أول شي .. بحب احكي انو هالعيد BEST EID EVER :ShababSmile237:

كتير مبسوطة الحمدلله ^^

أول شي ، كل ارايبنا مجتمعين هالعيد عنا ،،

خالاتي ضايلين بالبلد > بالعادة هما بسآفرو ،

و تيتا وخالو الزغير اجو من الاردن هان ،

وهيكا :ShababSmile237:

فـ أوووول مرة نعيـّد كلنآ سوآ :D

الموهيـم ،،

هلا ليلة مبآرح نمت متأخر انا ، لانو خالاتي كانو بايتين عنا فـ سهرنا و هيكا ههعهع ,,

فـ طبعا راحت صلاة العيد ههههههههه

و صحينا عال 10 ع امي بتئلنا انو كل العيلة جاية عنا بعد ساعة :|

طبعا نحن زي المصاريع ئمنا نكوي و نلبس و نجهز :ShababSmile235:

الغرفة كانت ئايمة اعدة ، هاي بتكوي و هاي بتمشط و هاي بتعمل ابصر شو ههههههههه

و اكيييد خالو ما اجا عالموعد ، وصلو عنا عال 2 يمكن ههههههه

و اجو مرات خالي و البنات الزغار كلهم اجتمعو بغرفتنا ،، صارت زيي سوئ السمك هههههههه

اممم و هيكا ضلينا اعدين سوا

و من ثــم طشينا انا و اختي و اخي وخالاتي التنتين ع الفستيفال ستي :ShababSmile237:

رحنا نتغدى بمطعم ايطالي اكلو بجنننننن :ShababSmile109:

و هناك عملنا مشكلة مع المانيجر ههههههههههههههه خدمتهم كانتو زييروو

و هاداك عشان يراضينا جابلنا حلو فري :ShababSmile226::ShababSmile226::Sh ababSmile226:

كان لزييييييييز كتير كتير :ShababSmile109:

اممم وبعد الغدا رحنا نتمشى بالمول ، و وئفنا ع محل نضارات شمسية شي ساعة و اشي

و جربنا كلللللل نضارت المحل ههههههههههههه

بالاخر اهم اشي انو ما شترينا ولا نضارة :ShababSmile235:

البياااع كان نتفة و يعطي كل وحدة فينا كف ههههههههههههههه

شو هوا لازمن نشتري يعني :ShababSmile108: :PPP

و بعدين لفينا ع نص محلات الموول ،، شنط ع شوزات ع بدلات رجال ع عطور ع ساعات :ShababSmile235:

المشكلة انا من النوع الي ما بحب السوئ بالمرة ،، و كل ما افوت اي سوئ بتنزل علي حالة نعس رهيييييبة هههههههههه

فكنت ميتة نعس خلال الفترة المملة هاي :ShababSmile239:

بس عدت عطول لانو باقي العائلة الكريمة كرها لحئتنا ع نفس المول فرحنا اعدنا معهم :ShababSmile237:

و اعدنا نتمشى بعدين عالبحر الي جمب المول ، طبعا زحممممممممممممة :/

بس اخرو في هيك منطئة فاضية و هادية و بتجنن :ShababSmile109: رومنسية :PPP

اممم وهيكا :ShababSmile226:

و من سمممّ طلعنا من المول و رحنا ع بيت خالو ،، بيتو بـ أآخر الدنيااا

اعدنا شي ساعة و اشي بالطريئ

و نمت و صحيت خمستالاف مرة بالسيارة ههههههههههههه

وضعنا كمان بالصحرا :ShababSmile235:

اهم اشي وصلنا بالآخر :D

وكانو عاملين اعدة مرتبة بالحوش و الجو بجنن و خوالي مشغلين الارجلية تاعهم ههههههههه

و شاي ع الفحم و كعك العيد و حراااااات :ShababSmile237:

وسهرنا شوي عندهم :ShababSmile237:

ووو بعدين ، روحت مع خالاتي بسيارتهم ،،

و مرينا بالطريئ ع محل كرك :ShababSmile109:

و جبت براتا بالهوت دوج :ShababSmile109: عال 1 بالليل ههههههههههه

و وصلنا بالبيت بسلام و أمان :D

احلى صياعة والله :)))

كان يوم من الآآآآخر :)))

سو هآبي الحمدلله

يارب بكرا ننبسط كمان :D

و بس ،، خلصنا نشرة الاخبار

مع اننو اشك انو حدا حيقرا كل هالقصيدة ههههههههههه

بس يلا لازم ابرم والا بنفجر :D

[PaLeSt!Ne SouL]

لا يا مرمر قرأتها كلها و هيكا

بيغظيزوني اللي بيجننوا البياع و ما بيشتروا :p

صحة و عافية

[شموخ انسان]

بيغظيزوني اللي بيجننوا البياع و ما بيشتروا :p


ههههههه

ياما صارت معي

بيجن البنات ع باب المحل بشمشمن كل العطر وبجربن كل الشناطي والطواقي

وبطلعن بدون اشي ههههه

عادي خلي هالشعب يعيش

[RaNa <3]

أوول شـي كل عـام وإنتو بألف خيـر ..

تـاني شي هـاد العيـد أحلى عيـد بمـر عليا .. ( قضيتو طلـعة )

تالت شي :

رح أحكي عن أول يوم عيـد :)
................

كـان تحفففة بمعنى الكلمـة صحيت السـاعة 9 عملنـا الفـطور وجهزنـا لغـاية ما بـابا وإخواني رجعـو من الصـلاة . أفطرنـا وضبيت الصالة ..
إنتقلت ع الغرفة وبلشت أكوي .. طبعـا المكوى كانت منحسـة وانهـا تكوي أبـداااا ..

قعدت أخبط فيها لغاية ما صارت تشحط بالكوي :)

خلصت الكوي ..
رحت ألبس وأتزبط ..
صارت الساعة يمكن 12 او 1 بهالحدود

طلعنـا من الدار انطلاقـا ع دار عمتي ..
قعـدنا عنهدم لغاية الساعة 3 ونـص طبعـا تنحـوا ما حـدا راضي يطـلع قال الجو مش مسـاعد راحو جابو الغـدا من المطـعم وقعـدوا ياكـلو في الدار ..
الساعة 4 انا وبنت عمتـي بدينـا طشـات
راحت لبست وتجهزت وانطلقنا ع الشارقة .. رحنـا على البحيـرة وميلنـا ع كرسبي كريـم أخدنا منو كوفـي ودونت وبدينـا نتمشـى ..

بعـدين ع آآذان المغرب ميلـنا ع المسجد اللي عند البحيرة وصلينـا هنـاك .. ورحنـا ع صحـارى لمـا خلصـنا..

رجعت ع الدار الساعة 9 يمكـن ..

اجيت وإلا هيا ماما كانت بدها تعيـد ع جيرانـا طبعـا انا ما سدقت رحت معـاها قعدنا عنهدم لـ الساعة 10 ونـص ..

الساعة 12 بالزبـط نمــت لأني كنت مهـلوكة ..

بس بجد هـاد أحلـى عيـد :))

[شموخ انسان]

يلا جاييكم متأخر شوي

الموهيم

طبعا نمت بدري ليلة العيد لاني يوم الوقفة ولا فتت الدار ضليتي في السوق داير اشتري غراض

صحيت ع الـ 6 وطلعت ع صلاة العيد صلينا وخلصنا وتلفون الي جنبي رن عشرين مرة ولا يطفيه

الموهيم

روحت ع الدار لقيت اختي لصغيرة صاحية ضلينا نعايي في امي لحد ما طقت

طلعت ع دار ستي عيدت عليهم لحد ما اجتمعو عمامي وبلشنا نفرر ع القرايب

الله ويلكم هالعيد كلو فت مصاري :(

مش ضايل فجيبتي ولا مليم

يلا بهمش خلي هالناس يعيدو ويفرحو :)

واليوم طلة عمتي الي تجوزت

ويوم السبت عرس ابن عمتي

يعني اسبوع كلو مشااغل

وبس :)

[[ Islam ]]

الله يفرحها على هيك عيد :o_O

المشكلة بدي أدرس بس مش قادرة :(

[Maram .. ~]

لا يا مرمر قرأتها كلها و هيكا

بيغظيزوني اللي بيجننوا البياع و ما بيشتروا :p

صحة و عافية


ههههههههه حاسة كانو عدت هالكلمة كتير :biggrin:

ههههه لالا عادي لازم هيك اصلن :P

[[ Islam ]]

صحيح مرام وانا قرأت ردك كلو وعحبتني هيكا

يمكن حكتيها مش اقل من تلتين ألف مرة وهيكا :p

[CoOl GiRl..~]

مع اننو اشك انو حدا حيقرا كل هالقصيدة ههههههههههه

صحيح إنك رغآيهـ ههههههههه

بس قرأت حلو دووم مبسوطهـ يآرب ^^

..

مآفي دآعي احكي عن يوم لنو متل كل يوم بنروح بنتغدى عند ستي أم بآبآ

وبعد العشآ بنروح عند ستي ام امي وبث شايفين مآ أحلى العيد هههههههههههه

[Maram .. ~]

أهلا

مرآآآم كل سنه وانتِ صقيقتي القمييله :ShababSmile109:
بدنآ نشوووفكم هالعيد بالطول بالعرض لازم :ShababSmile108:


يس يس يس لااااازم :ShababSmile223:

خلي مامتي و مامتك يرتبو شي طشة ع مششرف ولا الخور :ShababSmile226:




Ps .مرآآم عملتو سمآآقيه ؟؟:ShababSmile237:



يس يس اكيد :ShababSmile226:

اهم شي هادا :ShababSmile226:

[Maram .. ~]

;1752121']صحيح مرام وانا قرأت ردك كلو وعحبتني هيكا

يمكن حكتيها مش اقل من تلتين ألف مرة وهيكا :p

هههههههههههه ابببصر مالها هالكلمة معلئة معي :ShababSmile235:

:biggrin:




صحيح إنك رغآيهـ ههههههههه

بس قرأت حلو دووم مبسوطهـ يآرب ^^

.


هههههههههههه مالو الرغي حلوووو :ShababSmile222:

تسلميلي :ShababSmile229:

[CoOl GiRl..~]

هههههههههههه مالو الرغي حلوووو

تسلميلي

أكيد حلو ههههههه


الله يسلمس مرمر

[Maram .. ~]

منووورين فردا فردا :)))

/

اليوم صحينا الصبح ع المطر :ShababSmile109:

كتير كان الجو حلووو

كنت متشهونة عليه والله :D

يآرب دآآيمن تمطر :ShababSmile237:

الموهيم ،، خالاتي لسة عنا طبعا ،، صحينا عزلنا الغرفة لانو كانت مقققرفة :/

و عملنا فطور >> طبعا الدنيا ضهر المفروض غدا :/ بس فطور عنا :ShababSmile221:

وو لهلا ما عملنا شي تاني

اختي و خالتو حيروحو ع السوئ يجيبو كم شغلة ،،

و بعدين بالليل رايحين مع خالو ع بحر الفجيرة :ShababSmile226: رح نروح نخيّم و نباات :ShababSmile237:

يارب تمطر علينا هناك :ShababSmile237:

و يارب ما يسير اي شي يخرب الطشة :/

[PaLeSt!Ne SouL]

تاني يوم :)

امبارح نمت تقريبا 8 و نص لانه كنت مييتة و نعسانة ع الآخر

و بعد ما نمت اجا عنا ابن خالتي و بنت عمي و زوحها

طبعا ما شفتهم بس شفت المطبخ وراهم

/

امي و اخي الكبير طلعوا يعيدوا ع خالاتي الباقيين

و بابا طلع يعيد ع صحابه و الجيران

و اخواني اللي بالجامعة راحوا ع خانيونس و باتوا هناك

و الصغار بيلعبوا برا و بيطشوا هان و هان

ما بشوفهم الا لما يفلسوا

و شيمو هيها نايمة عندي

و قاعدة بعمل بالتكاليف للجامعة

/

صحبيتي و عدتني بكرا تيجي عندي و الله أعلم

توفي و لا لأ !

و هيكا :p

[Maram .. ~]

ههههههههههههه وهيييكاااا

اعدة بشوف صور طشة مبارح

تحشيش والله :d

[جورية القسام]

والله يا مرام كان يومكم حااااااااافل

احلى عيد والله ..

..

كل سنة وانتِ سالمة يارب :)

[Maram .. ~]

^^

وانتي سآلمة يَ رب،،

احكيلنا انتي عن يومك :)

[clara]

نفسي أحضر فلم أنيميشن مرتب ومش بآيخ :ShababSmile256:

أو رآبونزول أو سلسلة هآري بوتر آلسبع أجزآء كرَّة وحدة :ShababSmile237:

أو فلم آلرعب when a stranger calls:ShababSmile237:

أو مسرحية كآسكـ يآ وطن لدريد لحآم :ShababSmile256:

عنجد رآح أطق من هآ آلتلفزيون آلفآضي :ShababSmile223:

آلمسريحآت بيعدوهآ .. كل عيد بجبوهآ :ShababSmile256:

صرت حفزآهآ وصآرت بآيخة :ShababSmile256:

[الفتاة المشرقة]

اول شي كل عام وانتو بألف خير..

وتقبل الله منا ومنكم الطاعات ..

هالعيد كان غير شوي :))

وتغير نظام العيد عشان دار عمي راحو عند قرايبهم ..

وتأخرو لحتى اجوا عنا

ولانو بابا مو موجود ربنا يرجعو بالسلامه..

امي صحيت من ال5 كالعاده وجهزت القهوره والحلو .. اما انا صحيت صليت الفجر ورجعت نمت ل9 بعدين اتصل خطيبي
:$:$
وصحيت وجهزت حالي وضليت استنى لحتى اجا خالي ومعآه الخطيب :$ وضل للعصر

وبعدين احنا طلعنا عند دار خوالي .. وروحنا المغرب.. وخلص اليوم ..

وكل عام وانتو بخير هههـ

[JojO ~]

اليوووم كان مطرر وحلوو جدا الجوو


بكرآآ امكن نطلع مع مرآآم والعائلات الكريمه :p

[Maram .. ~]

اليوووم كان مطرر وحلوو جدا الجوو


بكرآآ امكن نطلع مع مرآآم والعائلات الكريمه :p


يارب يارب يارب :ShababSmile237:

:

ما رحنا مكان اليوم :/

كل المشآريع تكنسلت :/

مئهورة كتير :ShababSmile111:

بس يلا :ShababSmile111:

بكفي مبارح :ShababSmile111:

الحمدلله :ShababSmile111:

[PaLeStiNe FlOwEr]

مبارح نمنا 11

وصحيت اليوم ع 11 ههههههـ

بس كان في فاصل صلاة الفجر ع 5

قعدنا شوي مع ماما وبابا نبرم

وتجمعنا احنا الـ 6 وكل واحد صار يعرض طلعتو ع السلطة العليا <ماما & بابا > ههههـ

ولأول مررررررررررررررة احنا الـ 6 يتم التوقيع بالموافقة على طلبنا مرة وحدة هـع

::

اخواني التوأم معزومين ع شوي بالبحر :s << نيالهم :(

وأختي الكبيرة طلعت مع خطيبها وأختو يدوروا ع صالات أفراح ويحجزوا للعرس , وراحو استلمو مفتاح شقتهم الجديدة ,,

واخوي راح مع صاحبو

وانا واختي طلعنا مع بنت جيرانا :)

::

أخدنا السيارة وطلعنا لحالنا

أدن العصر اول ما طلعنا من البيت , رحنا ع مجمع صلينا وطلبنا أكل , طبعاً زحمممممممممممممممة

أخدنا الأكل وقبال المجمع في شاطئ بحر مجهز بالكامل ومراجيح وهيك

ما لقينا مكان نصف السيارة فل ع الأخر والسيارات ع الرصيف صافة

::

صرنا نلف بالسيارة , والبيبسي نكب فيها :(

وسخولي السيارة :(:(

بعدين رحنا ع شط بحر جنب بيتنا بس من جهة تانية

قعدنا ع الكراسي نتغدى ونتصور

وحسينا حالنا بالهند كلههههههههم من شرق اسيا كانو

::

بس خلصنا رحنا عند السفن وصورنا وتصورنا ,,

وهناك التقينا بأخوي وصاحبه

وقبل أدان المغرب بـ 5 دئايئ ركبنا السيارة وروحنا أخوي معنا

وبسسسسسسس

::

اجو عنا ناس من شوي وهلأ روحو

وأهلي معزومين ع العشا عند دار حما أختي ,,

وأخواني التوأم لسة ما رجعو

وأنا وأختي لحالنا بالبيت ,,

خالي بدو يجي عنا هو ومرتو بعد شوي يعيد عليا انا وأختي

::

برب أجهز القهوة العربية ^^

[نابلسية كححح]

اليوم حسيت بالعيد
لما اجو عنا اختي وزوجها ونورا حيات خالتها

قال صرنا دار جد p:

[PaLeSt!Ne SouL]

طوول اليوم ع نفس الحال :ShababSmile256:

منتدى

و تكاليف

و مطبخ

و تلفزيون

و زهق

أخويا الصغير عشاني شاورما و عيدني 5 شيكل :ShababSmile237:

و هلقيت فاتحة اناشيد افراح عشان الأفندية شيما تهدى

كسررت الكيبورد مع الفوعان :ShababSmile235:

من الصبح انا و اياها بوجه بعض :ShababSmile108:

[حسام المصرى]

اليوم ماشى بس زهقان من القعدة فى البيت ..

ولاد عمى وولاد خالى قاعدين على الكمبيوتر من الصبح

شغالين نمزح ونحكى .. ونلعب سوا على الكمبيوتر pes 10 , , pes 6

واتفرجنا على فيلم

والظاهر السهرة مطولة .. ^^

جعان

بدى أقوم أعمل فتة باللحم الضانى

[[ Islam ]]

يوم عادي :)

بكرا خواتي جايين عنا ، يعني ما في دارسة :( !

[إسراء الفلسطينية]

تاني يوم العيد يعني اليوم :ShababSmile221:

رحت الصبح ع الجامعة ، وما رجعت الا للساعة 4 وشوي !

التقيت ببنات هناك .. يقولولي كل عام وانتي بخير

وانا والله العظيم رايح من بالي انو في عيد :ShababSmile235:

متل المسطولة كنت !؟!

بعد ما رجعت من الجامعة .. قعدت مع امي والتيتا شوي :)

وباقي الوقت قضيتو دراسة :ShababSmile239:

[PaLeStiNe FlOwEr]

نكمل من بعد القهوة :p

حطيتها ع النار وزبطت العيارات والهيل , ورجعت ع النت ,,

شميت ريحت شعط ,, لقيتها متنشفة ع الأخر وعاملتها ببكرج كبير

زدت مي عليها وزبطتها ,,

اجو خالي ومرتو وابنو الصغير , انبسطنا كتييييييييييير معهم أنا وأختي ,,

برمنا وضحكنا وحكينا بالزكريات كتيييييييير

كيفنا ع الأخرررررررررر ,, وتصورنا احنا واياهم ,,

بعدين اجو أهلي , واتصل ابن خالي الي بالتوجيهي عمل مقلب بمرت خالي هز بدن الكل :s

بس اجو يروحو عند الباب بحكي خالي لماما وبابا كنا مبسوطين قبل لتيجو ههههههههههههـ

وهلأ راحت العيلة تنام , وبلشت شغل من وراهم ,,

اليوم شربت 4 فناجين أو 5 قهوة عربية , نعساااااااااااااانة بس النوم حيطير :s


كني انعديت من مرام بالبرم :p

[PaLeStiNe FlOwEr]

صح نسيت الأهم اني تعيدت ههههههههههههههــ

[حسام المصرى]

5 .. قهوة

صحتك يا مها .. ههههههههه

ده عيد لحمة ولا عيد قهوة

[Dr.Yaso]

كل عام وانتو بخير اول شي

تاني شي للأسف هادا اكتر عيد كان نكد بنكد :ShababSmile223:

ابل العيد بيومين واخواتي بلفو بالسوء ليخلصو اغراض العيد ماما تعبت

وطلعت السوء تحولت لـ طلعة ع المستشفى :ShababSmile111:

بعدين احنا بما اننا الفلسطينية لازم اليلة تكون اكتر من 6 اشخاص :ShababSmile221:

فإنئسمنا نصفين لنروح على ابوضبي ع بيت اختي ومن هناك نطلع ع مدينة تانية نشوي ونلفلف يومين العيد

المهم انا وبابا واخوي ومرتو وبنتهن الزغيرة انطلقنا ابل يوم عرفة بيوم

واخواتي التلاتة وماما واخوي كان المفروض يلحئونا يوم الوئفة،، اخوي انتكس ومرض

وتحمّل ع المستشفى برضو وما اجا !! طبعا وهوي مريض مستحيل يئدر يسوء 4 سيعات!!!

تكنسل موضوع جيتهن ع ابوضبي :ShababSmile256: وعيدت لأول مرة بدون ماما واخواتي

بس جوز اختي ودانا الكورنيش وتأجرنا سيارات وسبائات ع الكورنيش وحركات :ShababSmile229:

وبما انو ماما البنك المركزي،، ما تعيدت اولها :ShababSmile222:

طبعا بعد نقاشات حادة واقتراحات مخيفة انو اختي او ماما يسوئوا هالاربع سيعات ويجو

تم الرفض :ShababSmile225:

اليوم طلعنا ع مدينة تانية بن الطريئ بين بيتنا (محل ما اهلي موجودين) وبين بيت اختي (اللي نحنا عندها)

إلتئينا وشوينا وطلعة معترة من اولها لآخرها الحمدلله،، اكلنا بالتئسيط المريييييح جدا

وهياتني تعيدت من شوي بس :ShababSmile222: وهلكاااااانة من سباء سيارات مبارح

حاسة عضلات اجري انعطبو :ShababSmile233:

طبعا بالنسبة إلنا هالعيد كان نكد بنكد والله يستر اليومين اللي جايني :ShababSmile250:

عموما عموما ،، اتمنالكو عيد سعيد :ShababSmile237: واعرفو انو عيني بعيدكو :ShababSmile108:

اقلبو واحد واحد :ShababSmile108:

[PaLeStiNe FlOwEr]

5 .. قهوة

صحتك يا مها .. ههههههههه

ده عيد لحمة ولا عيد قهوة

لا ما اكلت لحمة بالمرة هاد العيد

مو صحبة معها كتير ,,

بس اليوم شكلي حغامر وأكل منها بالغدا

:

قهوة عربية مو تركية

التركية ولا بدوئها

[حسام المصرى]

لا ما اكلت لحمة بالمرة هاد العيد

مو صحبة معها كتير ,,

بس اليوم شكلي حغامر وأكل منها بالغدا

:

قهوة عربية مو تركية

التركية ولا بدوئها

هههههههه .. يقطع شرك ..
مغامرة .. أنا والله ما أحب اللحمة كتير .. بس فى البيت لازم العيد يكون لحمة خصوصا الضيوف يعنى كتار .. ^^


انهارده أنا وصحابى ناويين نخرج نروح مول سان ستيفانو أو نتمشى على البحر

يارب يظبط الوضع ..

العيد هدا ولا عارف أتفسح ولا عارف أذاكر ..

بتمنى محدش ييجى انهارده مشان أعرف أخرج .. ههههههه

القهوة التركى أحسن بلنسبة الى .. بس أنا عادة بشرب القهوة وبيكبس عليا النوم والله :ShababSmile237:

[ameera]

عن أول يـوم العيد .. ضليتني نايمهـ وماطلعت شفت حد ولاسلمت ع حد ..:ShababSmile250:

وبالليل مع انو لاجواء نكـد بس رحت انا وماما ع دار سيدي .. مش نتحملة اشوف حد من ئرايبي :ShababSmile240:

أما تاني يوم العيد .. فبالبيت بردو وبالليل رحنا ع دار خالتوو ..

اما اليـوم بالبيت , بدها تيجي ستي ومرت خالي ويمكن خالتي .. وبجوز نطلع ازا ضل وئت .. :ShababSmile224:

[PaLeSt!Ne SouL]

اليوم للآن ما في شي !

كلمت صحبيت نص ساعة ع الجوال ع حسابها طبعا

بالآخر قالت ما رح تقدر تيجي عندي

و خالتي اتصلت و يمكن تيجي ازا ما كان عندها ضيوف

و احتمااااال نروح ع الجتدي بعد المغرب نغير جو

و هذا بيضل احتمال ازا اهلي ما صحتلهم طلعة تانية

مش فارقة كله واحد !

[Maram .. ~]

العيد هاد كلو مش حلو الا اول يوم كان روعة

البائي :(

اليوم ممل ع الآخر

طلعنا عالبر مع خالي

بس ما انبسطتت للاسف الشديد ><

بكرا المفروض دوام مدرسة

بس مش رايحة طبعا

ولا الخميس

يمكن ادرس يمكن اطش

الله اعلم :/

[[ Islam ]]

يومن جميل :)

مليآن من أول النهار ، اليوم بس حسيت بالعيد

وهسة ميييتة من النعس


عَ النـووووووووووووم :|

[شموخ انسان]

طلعت ع الشغل الضهر روحت بعد المغرب

والله وعيدنا

[clara]

من أول آلعيد لهلأ .. لآ عيدت عَ حدآ :ShababSmile235:

ولآ لبست أوآعي عيد ولآ طلعت ولآ عملت أي حآجة :ShababSmile235:

نوم ثم نوم ثم نوم ثم نت وبس :ShababSmile250:

وهلأ زهقآنة عَ آلآخر وقآعدة بسمع لفيروز :ShababSmile229:

[Maram .. ~]

اليوم عيد ولا خلصنا ؟ :biggrin:

[RaNa <3]

هههههههههههه مرام أعتقد انو اليوم الرابـع

عـاد بعرفش إذا معلوماتي موثوقـة :d

[PaLeStiNe FlOwEr]

اليوم كان أروع من الروعة

أول يوم انبسط بهاد العيد لهالدرجة

جد كان يوم من الاخرررررر

من كتر التعب والنعس مو شايفة قدامي

ع النوووووووم ع طول هلأ


تصبحو على خير :)

[حسام المصرى]

اليوم كان مذاكرة ونت ..

ورجلى اتعورت تعويرة زى الفل ..

جبت المرهم والمطهر والقطن والالصق الطبى

وعملت فيها صيدلى وظبتها ..÷هه

يوم اصابات ..

[PaLeStiNe FlOwEr]

اليوم الصبح رحت انا وأختي وصحبيتي الفلسطينية عند وحدة من صحبيتنا من أيام المدرسة تونسية

انبسطنا ع الأخر , بابا وصلنا وع اساس ابو صحبيتي او أخوها يروحنا

ما قدرو يجو , وبابا عندو مشوار وكان مشغول

وضلينا عندها لبعد العصر لحن بابا وروحنا

كانت قعدة حلوة كتيييييييير وكلو برم بزكريات المدرسة والأيام الحلوة ..

بجد صحبة المدرسة أحلى بكتييييييييييييييييير من صحبة الجامعة :)

[حسام المصرى]

دوخة ما بعدها دوخة

العيد صارله إصابات السنادى ..

من امبارح وحاسس الأرض بتلف بيا ما عارف أقف ..

[Maram .. ~]

اليوم بجنن والله :ShababSmile229:

طلعنا ع حديقة الخور مع اهلي :)))

و اجت جوجو معنا كمان :ShababSmile237:

كتير انبسطنا والله :ShababSmile229:

احلى شي عملنا انا و هاجر حملة تصوير

ما تركت شي الا وصورتو هههههههههه

لفينا كل الحديقة و ماسكين الكامات و بنصور هان و هناك :ShababSmile221:

و احلى شي الئعدة ع شط الخور ، الجو بجنن ، و الئمر بدددرررر و طالع ابل ما تغيب الشمس

كانت اعدة من الآخر والله :ShababSmile229:

و صارت مغااامرة كمان هههههههههههههه ،، و نحن ماشيين لئينا هالولد الصغير يا حرام ضايع عن اهلو :ShababSmile223:

و الحديقة كتييييييييييييييييير كبيرة و مش عارف هوا وين الله حطو

كتير صغير الولد عمرو خمس سنين ، و باكستاني مش عربي :/

بس منيح بعرف كلمتين انجليزي ههههههه

اخدناه و اعدنا نلف بالحديقة بركي اندل ع اهلو ،،

مشينا كتيييييييييييير لحتى نوصل للبوابة الرئيسية و ينادو ع اهلو بالمايك

و هو ياححرام منزرو بحززززن شوي و حينفجر عياط :ShababSmile223:

اخر شي الحمدلله لئاهم :ShababSmile223: لئيناهم بآآآآآآآخر الحديقة و هو كان بأولها ،، ابصر شو موديه لهناك o.o

طبعا نحن انبسطنا من حالنا عملنا عمل بطولي هع هع هع :ShababSmile221:

و بسسس :D

روحنا من الحديقة بالليل طبعا مكسسسسريييييييين من كتر المشي

و هلا مش ادرة احرك حالي بالمرة هههههههه

مع زاالك مش حاسة بنعس >< :ShababSmile235:

[Maram .. ~]

يلا خلّص ابووه للعيد :d

نرآكم العيد الجآي :)

:: مغـــلــق ::