المساعد الشخصي الرقمي

مشاهدة النسخة كاملة : سَقَطَ اْلقَذَافٍي وَ سَقَطْنَا مَعَهُ

Dr.Yaso
10-21-2011, 03:03 AM
بَدَأت الإسْتهزآءات والسُّخريَآت وَالْشَتَائٍـمْ تتَوالَى على (مُعَمّر القذّآفِي) هُوَ فِي ذِمّة اللّه وَليسَ فِي ذِمّتنا

وأَعْمَاله هُو الْمَسؤول عَنْها وَهوُ مَن سَيحآسب عَلَيْها لآ أَنْتُم فَكُفّوا أَلسِنَتَكُم،

قَالَ عَليْهِ الصّلاةُ والسَّلام: "سَبُّ المَيِّت يُؤذي الحَيّ ولا يَبْلغ المَيّت"

هذَا الكَلام لآَ يَعْنِي مُسَاندَتي لَهُ، وَإِنّمَا دِفَاعًا عَنْ مُسْلِم آمَن بِاللّهِ وَرسولِه

وَلا نَعْلم مَا خوَاتيمَ أعْمالهِ.

فَلَا تَشْمَتُوا بٍهٍ فَلْا شَمَاتَة بٍالْمَوْت!!
شهيد
10-21-2011, 03:07 AM
مُسْلِم آمَن بِاللّهِ وَرسولِه

مش مسلم
Dr.Yaso
10-21-2011, 03:15 AM
من كفّر مسلما فقد كفر

هاي علمها عند ربنا!! ما تحط شي بزمتك

وبليز الموضوع متكرر امسح التاني (:
~ | Mazaj
10-21-2011, 03:37 AM
يمكن انتي سقطتي لحالك .. مش ضروري تجمعي الكل
شهيد
10-21-2011, 03:41 AM
من كفّر مسلما فقد كفر

هاي علمها عند ربنا!! ما تحط شي بزمتك

وبليز الموضوع متكرر امسح التاني (:

سيبك من الحديثين يللي حافظاهم

وبتعمميهم على هاي الحالة ،

وافهمي مقام مقالهم لحتى تتضحلك الصورة

والشعارات تعت ما تحط بزمتك وابصر شو

الدينا ما بتسع الغلابة ،

رئيس الاتحاد العالمي لعلماء المسلمين افتى بقتله

شو ضل بعد هيك ؟!

http://www.youtube.com/watch?v=YXiCKXHiqQU

لا يختلف اثنين بجرمه هذا الرجل وكفره العلني والصريح

في فيديوهات كثيرة له يتحدث عن الاسلام بطريقة غير لائقة

ويحلل ويحرم كيفما يشااء ،

ولذلك ف عليه لعنة الله الى يوم القيامة
~ | Mazaj
10-21-2011, 03:50 AM
يكفي انو حرّف في القرآن الكريم ..!!
Dr.Yaso
10-21-2011, 03:50 AM
يمكن انتي سقطتي لحالك .. مش ضروري تجمعي الكل

انا ما جمعت الكل

انا جمعت اللي ع راسو بطحة يا حلوة!
Dr.Yaso
10-21-2011, 03:59 AM
سيبك من الحديثين يللي حافظاهم

وبتعمميهم على هاي الحالة ،

وافهمي مقام مقالهم لحتى تتضحلك الصورة

والشعارات تعت ما تحط بزمتك وابصر شو

الدينا ما بتسع الغلابة ،

رئيس الاتحاد العالمي لعلماء المسلمين افتى بقتله

شو ضل بعد هيك ؟!

http://www.youtube.com/watch?v=yxickxhiqqu

لا يختلف اثنين بجرمه هذا الرجل وكفره العلني والصريح

في فيديوهات كثيرة له يتحدث عن الاسلام بطريقة غير لائقة

ويحلل ويحرم كيفما يشااء ،

ولذلك ف عليه لعنة الله الى يوم القيامة

انا ما بؤول حرام مسكين ليش أتلوه!! ركز باللي مكتوب فوء

انا حكيت اني مش معو وضدو بس انا كمان ضد اسلوبنا بالشماتة والتشهير!!

وأبل ما تؤولي القرضاوي رح احكيلك الرسول صلى الله عليه وسلم

ما كان يشمت بالكفار ولا كان يشتم ويسب ويتمصخر عليهن بعد ما يموتو!!

الدين أخلاء ومعاملة مش بس صلاة وصوم،، وهوي ما مشي ع تعاليم دينو

بنؤوم احنا بنغلط كمان بحق دينا؟!!! دينا ما بيؤمرنا نعمل هيك

اللي صاير مش طبيعي الناس شمتانة ولا تؤول اليهود اللي انأتلو ورجعتلنا البلد!!

ياخي ماشي مات وخلصنا بس ما في داعي نضل نسب ونتشمت فيه

مش عشانو!!! عشان احنا دينا ما علمنا هيك لا اكتر ولا اقل
Dr.Yaso
10-21-2011, 04:05 AM
يكفي انو حرّف في القرآن الكريم ..!!

يا فجر هاي عند ربنا وشغلة ربنا انو يحاسب مش شغلتنا

ولا حتى بحئلنا نحكم فلان كافر ولا لأ، لأنو الدين بؤولك

"لا يكفر بالشرع الا من حكم الله بكفره او حكم الرسول بكفره في الكتاب أو السنه"
~ | Mazaj
10-21-2011, 04:07 AM
انا ما بؤول حرام مسكين ليش أتلوه!! ركز باللي مكتوب فوء

انا حكيت اني مش معو وضدو بس انا كمان ضد اسلوبنا بالشماتة والتشهير!!

وأبل ما تؤولي القرضاوي رح احكيلك الرسول صلى الله عليه وسلم

ما كان يشمت بالكفار ولا كان يشتم ويسب ويتمصخر عليهن بعد ما يموتو!!

الدين أخلاء ومعاملة مش بس صلاة وصوم،، وهوي ما مشي ع تعاليم دينو

بنؤوم احنا بنغلط كمان بحق دينا؟!!! دينا ما بيؤمرنا نعمل هيك

اللي صاير مش طبيعي الناس شمتانة ولا تؤول اليهود اللي انأتلو ورجعتلنا البلد!!

ياخي ماشي مات وخلصنا بس ما في داعي نضل نسب ونتشمت فيه

مش عشانو!!! عشان احنا دينا ما علمنا هيك لا اكتر ولا اقل

طيب بس ممكن طلب ..

يا بتكتبي القاف آف وبكافة الاسطر ..

يا متكتبيش بالمرة :ShababSmile225:

أخلاء ياااااربي .. :ShababSmile227:
Dr.Yaso
10-21-2011, 04:15 AM
طيب بس ممكن طلب ..

يا بتكتبي القاف آف وبكافة الاسطر ..

يا متكتبيش بالمرة :ShababSmile225:

أخلاء ياااااربي .. :ShababSmile227:

حق والقرضاوي ما بنفع احكيهن بالـ "آف" :ShababSmile235:

بس حئك علي خلص المرة الجاي :s (43):
~ | Mazaj
10-21-2011, 04:19 AM
حق والقرضاوي ما بنفع احكيهن بالـ "آف" :ShababSmile235:

بس حئك علي خلص المرة الجاي :s (43):

واقل كمان زلت منك :ShababSmile221: ..

هههههههههههههههههههههه
محمود
10-21-2011, 04:26 AM
القذآفي مات وكل ليبيا مخطئة !

أتمنى من القيادات الحكيمة أن تفعل أفضل مما فعل القذافي ..

وسأنتظر اليوم الذي " سألعن فيه حكم القذآفي "

لكن ليس اليوم !

عندما يصنع الشعب الليبي مصلحته بذآته التي جعلت من الشعب الليبي يقتل ويستفيظ ثورة ..

من أجل الحرية ومن أجل أن يصنع من ليبيا ,,

سنى المصنوع ومن ثم سنحدد ! لربما القذآفي كان أفضل من غيره ..

أو ستكون من سيئ لأسوء !

بتمنى من الله انو الجآي يكون أفضل من الرآح .. بتمنى لكل أهلنا في ليبيا الخير ..

هذه ارادة الشعب الليبي ، وإن شاء لله ما حدا بستغل المواقف ..

وخصوصا ً الغرب ..

وما بنلاقي قاعدة عسكرية اسرائيلية او غربية فيها (: ..

أما عن موضوع الموت والسب ، " ولا تز وازرة وزر اخرى "

كل إنسان له من الله ما يستحق ، وعن نفسي أترك الأمر لله كله , ما بعنيلي أمره كثير .

الشعب الليبي حقق انتصاره وربنا يتممله ع خير . ومن أحسن لأحسن .

ورحمة الله على المسلمين أجمعين فالله أعلم بهم ..
Dr.Yaso
10-21-2011, 04:26 AM
:ShababSmile235:

لأ انتي وائفيتلي ع الكلمة ازا هيك :ShababSmile250:
محمود
10-21-2011, 04:26 AM
القذآفي مات وكل ليبيا مخطئة !

أتمنى من القيادات الحكيمة أن تفعل أفضل مما فعل القذافي ..

وسأنتظر اليوم الذي " سألعن فيه حكم القذآفي "

لكن ليس اليوم !

عندما يصنع الشعب الليبي مصلحته بذآته التي جعلت من الشعب الليبي يثور ..

من أجل الحرية ومن أجل أن يصنع من ليبيا ,,

سنى المصنوع ومن ثم سنحدد ! لربما القذآفي كان أفضل من غيره ..

أو ستكون من سيئ لأسوء !

بتمنى من الله انو الجآي يكون أفضل من الرآح .. بتمنى لكل أهلنا في ليبيا الخير ..

هذه ارادة الشعب الليبي ، وإن شاء لله ما حدا بستغل المواقف ..

وخصوصا ً الغرب ..

وما بنلاقي قاعدة عسكرية اسرائيلية او غربية فيها (: ..

أما عن موضوع الموت والسب ، " ولا تز وازرة وزر اخرى "

كل إنسان له من الله ما يستحق ، وعن نفسي أترك الأمر لله كله , ما بعنيلي أمره كثير .

الشعب الليبي حقق انتصاره وربنا يتممله ع خير . ومن أحسن لأحسن .

ورحمة الله على المسلمين أجمعين فالله أعلم بهم ..
Dr.Yaso
10-21-2011, 04:33 AM
ع رأيك الله اعلم كيف يصير حالهن بعدين

بس أريت اليوم جملة عجبتني

انو العراق كانت درس لكل العرب،، بس شكلو ليبيا ما تعلمت من الدرس

الأمريكان بكرة حيستولو ع ليبيا -لا قدر الله- وتضيع البلد :(

الله يستر وانشالله يكون فعلا اللي صار نصر إلهن مش نقمة بكرة تنئلب عليهن!
Dr.Yaso
10-21-2011, 04:33 AM
ع رأيك الله اعلم كيف يصير حالهن بعدين

بس أريت اليوم جملة عجبتني

انو العراق كانت درس لكل العرب،، بس شكلو ليبيا ما تعلمت من الدرس

الأمريكان بكرة حيستولو ع ليبيا -لا قدر الله- وتضيع البلد :(

الله يستر وانشالله يكون فعلا اللي صار نصر إلهن مش نقمة بكرة تنئلب عليهن!
Yαś
10-21-2011, 09:25 AM
معك يا ياسو
مش إذا هو غلط و إجرم
أحنا نعمل فيه زي ما عمل فينا !!

يعطيكي العآفية ~
شهيد
10-21-2011, 11:16 AM
بطلعش معاك راس يا ياسو http://rooosana.ps/Down.php?d=3ym5
PaLeStiNe FlOwEr
10-21-2011, 02:11 PM
القذافي ادعا الأولوهية واهان الإسلام والرسول وقتل الشعب وأساء للشرع ..

وما ترك جريمة الا وعملها ..

و المجلس الاسلامي نفسه كفّره رسمياً ،

::

أساسا موتو مقرفة وشكلو مقزز

ولسة عذاب الأخرة والله اعلم ..

::

احنا مو انو فرحانين بشكلو وهيك , بس بيستاهل , دبح شعبو وعجب فيهم ..

وعمل الي ما بينعمل ..


بودى أن إنسانية أولئك المشفقين على طاغية يرحل عن الدنيا تحنّ أيضاً على آلاف الأرواح التي رحلت بسببه، وتألم لصنوف معاناة صنعها في كل بيت

د.سلمان بن فهد العوده

لقيت هالمقولة بصفحة د. سلمان العودة ..

وكمان أغلب مواقع الأخبار على الفيس بوك ناشرته ..
PaLeStiNe FlOwEr
10-21-2011, 02:14 PM
في حديث فيه قصة صارت بأيام الرسول عليه السلام ..

وبتدل على جواز قتل القذافي ..

بس ليصحى بابا و أتأكد منو عن الحديث وانو صحيح وقتها بحطه هون ..
جورية القسام
10-21-2011, 03:26 PM
القذافي قتل الانسان

وربنا اقرن القتل بالشرك


شو بدنا اكتر من هيك

الحمد لله انو ريحنا منو ومن شرو

::

بس والله كان نهفه

هوه وزنقتووو

ونصايحو بغسل الماء قبل شربو

::

انا من ناحيتي الصراحه لا مترحمه ولا داعيه عليه

هوه بذمة ربنا

هوه وعملوو عند الله


::

شكرا ياسمين ع النصيحه :}
Hlaa Alrouh
10-21-2011, 03:51 PM
بصراحة أنا معك بكل الى حكتيه
يعنى خلص هو مااات وحسابه عند ربه ما فينا اصلا نحكى فلان مات كافر او مات شهيد لانه هادا شئ ما بيعلم فيه غير ربنا لانه هو الوحيد بيعرف باعمال الناس
و مو معنى الحكى انه انا معه بس انا بستغرب من كلام الناس والنكت الى كل يوم مطلعينها
يعنى هو حكم 42 سنة ما اعتقد انه كان اهبل لهدرجة وانه طول هاى السنين ما حد حكى هادا الحكى الا هلا ليش ...!!
Dr.Yaso
10-21-2011, 04:41 PM
مها انا مش ضد قتلو اصلا اللي عملو بالشعب حرام الضحايا تقدر بـ 50 ألف

من بداية الثورة لآخرها

بس انا ضد طريئتنا احنا العرب بالتعامل مع اللي صار

العقيد القذافي ارتكب جرائم، وخرج بذلك عن كل قيم الاسلام عندما عذب اسلاميين قبل ان يحرق اكثر من الف منهم في سجن ابوسليم، ولكن علينا ان نتذكر ان الثورة ضد نظامه اندلعت بفعل هذه الممارسات اللاإنسانية، وكنا نتوقع من قادة الثوار ان يقدموا لنا نموذجاً مختلفاً، وممارسات اكثر حضارية وانسانية في التعاطي مع الخصوم، ولكن توقعاتنا لم تكن في محلها للأسف.

بقلم عبد الباري عطوان

في حديث فيه قصة صارت بأيام الرسول عليه السلام ..

وبتدل على جواز قتل القذافي ..

بس ليصحى بابا و أتأكد منو عن الحديث وانو صحيح وقتها بحطه هون ..

انا معك بس انا ضد تصرفنا الهمجي ومصخرتنا عليه لحد هلأ

انو خلص الزلمة مات ومنو لربو

فـ دعوا الخلق للخالق مش اكتر
Dr.Yaso
10-21-2011, 04:46 PM
معك يا ياسو
مش إذا هو غلط و إجرم
أحنا نعمل فيه زي ما عمل فينا !!

يعطيكي العآفية ~

(y)

شكرا ع المرور

القذافي قتل الانسان

وربنا اقرن القتل بالشرك


شو بدنا اكتر من هيك

الحمد لله انو ريحنا منو ومن شرو

::

بس والله كان نهفه

هوه وزنقتووو

ونصايحو بغسل الماء قبل شربو

::

انا من ناحيتي الصراحه لا مترحمه ولا داعيه عليه

هوه بذمة ربنا

هوه وعملوو عند الله


::

شكرا ياسمين ع النصيحه :}

ربنا اعلم بالنوايا ومين احنا لنقرر هوي كافر ولا مسلم

ع العموم شكرا ع المرور حبيبتي

متل ما حكيتي صار بذمة ربنا وهوي واعمالو (:

بصراحة أنا معك بكل الى حكتيه
يعنى خلص هو مااات وحسابه عند ربه ما فينا اصلا نحكى فلان مات كافر او مات شهيد لانه هادا شئ ما بيعلم فيه غير ربنا لانه هو الوحيد بيعرف باعمال الناس
و مو معنى الحكى انه انا معه بس انا بستغرب من كلام الناس والنكت الى كل يوم مطلعينها
يعنى هو حكم 42 سنة ما اعتقد انه كان اهبل لهدرجة وانه طول هاى السنين ما حد حكى هادا الحكى الا هلا ليش ...!!

انا اهلي كانو عايشين بـ ليبيا زمان وماما وبابا بحكو انو عمل كتير اشيا منيحة للبلد

يعني صح أتل وخرب البلد آخر فترة بس كمان إلو افضال

الواحد يحكي اللي إلو واللي عليه مش بس اللي عليه

تسلمي حلا انا معك (:
Mohammed Yunis
10-21-2011, 05:24 PM
أختي وأنا ماما وباب عاشوا في ليبيا ويحكوا إنه منيح بس ~~~

هوه طاغية وغير في قوانين الدين وألف كتاب أخضر يمشي عليه ومن تأليفه شو هاد ؟؟


~~~~


يذكرني بفرعون واليوم ننجيك ببدنك ~~~


هذا والله أعلم ~~~




~~~
Dr.Yaso
10-21-2011, 06:37 PM
:)

هي هاي العلم عند رب العالمين~

شكرا محمد (y)
القلب النابض
10-21-2011, 07:36 PM
وانا معك ياسو كلامك 100% احنا ما بنحاكم ولا بنحاسب ربنا بحاسب الجمييع

الله يسعدك
Dr.Yaso
10-21-2011, 08:01 PM
يسلملي الفهمان بس ;)
فلسطيني للآبد 09
10-22-2011, 10:13 AM
آإلقذآإفي مو مسلم وهو شتم آإلقرآإن والمسلمين
Dr.Yaso
10-23-2011, 09:29 PM
آإلقذآإفي مو مسلم وهو شتم آإلقرآإن والمسلمين

يا أخ فلسطيني :ShababSmile235:

ربنا بيحكم فلان كافر ولا مسلم مش نحناااا

لا انت ولا انا إلنا الحق نحكي هيك شي!!
عازفة الاحزان
10-24-2011, 08:58 PM
حتى لو كافر
هو مات ولا تجوز على الميت الا الرحمه
ربنا الى بيحاسب مو نحنا
ربنا اعلم بداخل الانسان

تحياتي
نسمة جزائرية
10-25-2011, 02:47 PM
ياسو معاكي حق

وانا معاكي في كل كلمة قلتيها
اسد 22
10-25-2011, 03:24 PM
اها شفقتي علي لما مات سنة الله في الظالمين ان يجعلل نهايتهم سوداء فنسأل الله ان يبعدنا عن الظلم
اسد 22
10-25-2011, 03:46 PM
بَدَأت الإسْتهزآءات والسُّخريَآت وَالْشَتَائٍـمْ تتَوالَى على (مُعَمّر القذّآفِي) هُوَ فِي ذِمّة اللّه وَليسَ فِي ذِمّتنا

وأَعْمَاله هُو الْمَسؤول عَنْها وَهوُ مَن سَيحآسب عَلَيْها لآ أَنْتُم فَكُفّوا أَلسِنَتَكُم،

قَالَ عَليْهِ الصّلاةُ والسَّلام: "سَبُّ المَيِّت يُؤذي الحَيّ ولا يَبْلغ المَيّت"

هذَا الكَلام لآَ يَعْنِي مُسَاندَتي لَهُ، وَإِنّمَا دِفَاعًا عَنْ مُسْلِم آمَن بِاللّهِ وَرسولِه

وَلا نَعْلم مَا خوَاتيمَ أعْمالهِ.

فَلَا تَشْمَتُوا بٍهٍ فَلْا شَمَاتَة بٍالْمَوْت!!
راح اقول قوله تعالى لمن ظلم من اهل لبيا وشتمه فاقول قوله تعالى(: لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلا مَنْ ظُلِمَ وَكَانَ اللَّهُ سَمِيعًا عَلِيمًا)

وهاي الاية بامكانك ترجعي لتفسيرها

واي حد مر على ردي لان المظلوم بطلعله يتكلم على الميت الظالم
ويدعي عليه


والحمد لله رب العالمين طبعاً رديت ردين لاني قرأت الردود فما توضحتلي الفكرة علينا الاعتبار من نهاية الظلم
ونسأل الله ان يحسن ختامنا بوركتِ
Mohammed Yunis
10-25-2011, 04:41 PM
الزلمة راح لربه هوه يحاسبة ~~~


أرجو إغلاق الموضوع ~~~


~~~
Dr.Yaso
10-25-2011, 07:32 PM
حتى لو كافر
هو مات ولا تجوز على الميت الا الرحمه
ربنا الى بيحاسب مو نحنا
ربنا اعلم بداخل الانسان

تحياتي

مزبوط عازفة الآحلام

هادا الي بحكي فيه انا من اول الموضوع

ياسو معاكي حق

وانا معاكي في كل كلمة قلتيها

تسلميلي فوفا (:

الزلمة راح لربه هوه يحاسبة ~~~


أرجو إغلاق الموضوع ~~~


~~~

ما في داعي ينغلق الموضوع!!
Dr.Yaso
10-25-2011, 07:40 PM
اها شفقتي علي لما مات سنة الله في الظالمين ان يجعلل نهايتهم سوداء فنسأل الله ان يبعدنا عن الظلم

لأ ما شفئت عليه بس ارجع للردود بتعرف ازدي

كل الاصة انو خلص منو لربو

احنا ما بيطلعلنا نحاسبو!!

راح اقول قوله تعالى لمن ظلم من اهل لبيا وشتمه فاقول قوله تعالى(: لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلا مَنْ ظُلِمَ وَكَانَ اللَّهُ سَمِيعًا عَلِيمًا)

وهاي الاية بامكانك ترجعي لتفسيرها

واي حد مر على ردي لان المظلوم بطلعله يتكلم على الميت الظالم
ويدعي عليه

والحمد لله رب العالمين طبعاً رديت ردين لاني قرأت الردود فما توضحتلي الفكرة علينا الاعتبار من نهاية الظلم
ونسأل الله ان يحسن ختامنا بوركتِ

ماشي المطلوم اكيد رح يحكي ويحكي ويا دوب يشفي غليلو

خاصة اللي ماتلو حدا بهالثورة

بس "احنـا" ما انظلمنا منو يعني لشو نشمت ونوخد الاثم؟!!

ومتل ما لازم نعتبر من نهاية الظلم

يا ريت نعتبر من اللي صار بالعراق لوين وصلت

لأنو العراق كانت درس بس ما حدا تعلم منو

تسلم ع المرور بكل الأحوال اسد (:
اسد 22
10-26-2011, 05:55 AM
لأ ما شفئت عليه بس ارجع للردود بتعرف ازدي

كل الاصة انو خلص منو لربو

احنا ما بيطلعلنا نحاسبو!!



ماشي المطلوم اكيد رح يحكي ويحكي ويا دوب يشفي غليلو

خاصة اللي ماتلو حدا بهالثورة

بس "احنـا" ما انظلمنا منو يعني لشو نشمت ونوخد الاثم؟!!

ومتل ما لازم نعتبر من نهاية الظلم

يا ريت نعتبر من اللي صار بالعراق لوين وصلت

لأنو العراق كانت درس بس ما حدا تعلم منو

تسلم ع المرور بكل الأحوال اسد (:
مية في المية صح المفتين هم بفتوا احنا ما علينا غير نصلح عيوبنا ونعتبر

من الي بصير حولينا :ShababSmile240:
Dr.Yaso
10-26-2011, 01:26 PM
مية في المية صح المفتين هم بفتوا احنا ما علينا غير نصلح عيوبنا ونعتبر

من الي بصير حولينا :ShababSmile240:

:ShababSmile240:

شكرا أخ أسد~
Hlaa Alrouh
10-26-2011, 01:46 PM
!

ومتل ما لازم نعتبر من نهاية الظلم

يا ريت نعتبر من اللي صار بالعراق لوين وصلت

لأنو العراق كانت درس بس ما حدا تعلم منو

(:

فعلا الى صار بالعراق تقريبا نفس الى بصير بليبيا هلا على اساس بدهم يتخلصوا من الظلم بس للاسف كانت لعبة امريكية حقيرة
وهلا بنرجع تانى وبندخل امريكا وغيرها من الدول الاجنبية وبنحكى (ربيع عربي)
بتمنى لو كان (ربيع عربي )بس اعتقد الاسم الحقيقي هو سايكس بيكو جديد

بعدين من متى اخلاق المسلم بتكون نتشمت بالميت ونمثل بجثته
هاى مو اخلاق المسلمين الى المفروض تكون قدوة لكل العالم
Dr.Yaso
10-27-2011, 11:07 PM
معك حأ حلا

الله يححفز الشعوب العربية بس !
حسام المصرى
10-28-2011, 03:04 AM
الثورة الليبية على عينى وراسى بس مقياس نجاح الثورات بيكون بعد فترة وليس بسقوط رأس النظام وهو القذافى

ليبيا صار المدنيين معهم أسلحة والبنية التحتية للبلد تدمرت ..

ولسة فيه قرارات هتتاخد بشان مستقبل ليبيا .. خصوصا اهتمام العالم بيها لأنها عايمة على نفط ..

عموما الله يوفق الشعب الليبى .. فى قراره

ومعك حق .. عن نفسى مش بحب أتكلم .. فى مواضيع الموت دى .. لأن ربنا أكتر حد عارف نفوس بعباده ودايما ندع الحساب لرب العباد ..

وأتذكر حديث فيما معناه .. انك مينفعش تسئ لميت لانك متعرفش آخر لحظة فى حياته نطق بايه ..

كذلك الرسول صلى على كبير المنافقين والذى اتهم السيدة عائشة فى شرفها وبرغم أن الكثير من الصحابة وأولهم عمر عرض على الرسول قتله ولكنه رفض ...

مشكور
Dr.Yaso
10-31-2011, 08:17 PM
متل ما حكيت اخ حسام

سقوط القذافي نعمة او نقمة ،، مش هلأ بنعرف

لأدام انشالله وربنا يادم اللي فيه الخير (:

تسلم ع المرور
نور الهدى
10-31-2011, 09:08 PM
سبحان الله

مش عارفة لوين بدنا نوصل بسذاجتنا ..

القذافي قبل ما يموت الكل نعته بالجنون و الكفر و الغباء و البلاهة ..

بعد الثورة و الظلم اللي شفناه منه الكل قعد يدعي عليه و ربنا يهلكه و ربنا و ربنا ..

لما تم القصاص صاروا الناس يتباكوا عليه قال مسلم و قال ما بنعرف بشو نطق باخر عمره ..

اصحوا ..

فرعون قبل ما يغرق قال آمنت .. هل هذا بيعني انه العبرة دائما بالخواتيم ؟؟

القذافي جهل شعبه و ظلمه .. و شفت انه في اخوة حكوا عن البنى التحتية

لمعلوماتكم ما كان في بنى تحتية الا بالمناطق اللي فيها اقارب للقذافي ..

مصالح ليبيا الاقتصادية كانت مدمرة تماما .. ليش عم تقارنوا العراق بليبيا مش فاهمة ..!!

ما في اي علاقة بين الوضعين اطلاقا

انا فرحت جدا بموت القذافي بهالطريقة و كان نفسي ينذل و يذوق مر الهوان الف مرة و يتمنى الموت و ما يلاقيه ..
Dr.Yaso
10-31-2011, 09:47 PM
لما نؤول اتركو الموضوع لربنا يحكم فيه

واحنا كـ بشر ما بحئلنا نكفّرو بنكون ساجذين؟!! غريبة انتي يا نور !!

ازا البشر بدها تحاسب بعضها ما كان في يوم قيامة تتحاسب فيه كل الخلائق على ادين ربنا سبحانه وتعالى

برجع بعيد للمرة المليون انا ما تعاطفت معو ولا زعلت عليه وما همني

كل اللي بحكيه انو احنا مش من حئنا نحكم على فلان ولا علان!

واقتصاديا عمرنا ما سمعنا عن ليبيا انها بأزمة اقتصادية ولا عمرنا سمعنا انو الشعب الليبي

اشتكى من الجوع او الفقر او او !! انا اهلي كانو عايشين بليبيا وبعترفو انو القذافي فيه إلو

اشيا منيجة عملها للبلد،، ولا هوي بس يوئع الجمل بتكتر سكاكينو؟؟!! الواحد يحكي الحئ

وبالنسبة للعراق وجه الشبه انو عم يستعينو بقوات خارجية تديرها امريكا وبكرة البلد رح توئع بئيدهن

-بعيد الشر طبعا- هون وجه الشبه! شوفي لوين وصلت العراق،، واستني دور ليبيا كمان كم سنة

وبالنسة إلك اشمتي وانبسطتي واتمني شو ما بدك بالآخر كل واحد بتحاسب على اعمالو

متل ما هوي رح يتحاسب انتي رح تتحاسبي على شماتك وانا رح اتحاسب على كلامي

فكل واحد حر بتعاطيه مع هالموئف (:

شكرا على المشاركة~
نور الهدى
10-31-2011, 10:08 PM
لما نؤول اتركو الموضوع لربنا يحكم فيه

واحنا كـ بشر ما بحئلنا نكفّرو بنكون ساجذين؟!! غريبة انتي يا نور !!

ازا البشر بدها تحاسب بعضها ما كان في يوم قيامة تتحاسب فيه كل الخلائق على ادين ربنا سبحانه وتعالى

برجع بعيد للمرة المليون انا ما تعاطفت معو ولا زعلت عليه وما همني

كل اللي بحكيه انو احنا مش من حئنا نحكم على فلان ولا علان!

واقتصاديا عمرنا ما سمعنا عن ليبيا انها بأزمة اقتصادية ولا عمرنا سمعنا انو الشعب الليبي

اشتكى من الجوع او الفقر او او !! انا اهلي كانو عايشين بليبيا وبعترفو انو القذافي فيه إلو

اشيا منيجة عملها للبلد،، ولا هوي بس يوئع الجمل بتكتر سكاكينو؟؟!! الواحد يحكي الحئ

وبالنسبة للعراق وجه الشبه انو عم يستعينو بقوات خارجية تديرها امريكا وبكرة البلد رح توئع بئيدهن

-بعيد الشر طبعا- هون وجه الشبه! شوفي لوين وصلت العراق،، واستني دور ليبيا كمان كم سنة

وبالنسة إلك اشمتي وانبسطتي واتمني شو ما بدك بالآخر كل واحد بتحاسب على اعمالو

متل ما هوي رح يتحاسب انتي رح تتحاسبي على شماتك وانا رح اتحاسب على كلامي

فكل واحد حر بتعاطيه مع هالموئف (:

شكرا على المشاركة~

واضحة المغالطة :)

و بما انه احنا هون آعدين نحكي الحئ

شوفي ياسو .. للمرة المليون بقولها بهالمنتدى .. ما بحقلنا نحكم او نحكي على شخص ما لقراراته اي تاثير علينا لا من قريب ولا من بعيد ..

لكن السياسيين وضعهم مختلف تماما لانه قراراتهم الحمقاء ضيعت امتنا كليا .. و بالتالي مهما قلنا فيهم قليل

رجع لربه اكيد و الحمد لله انه ربنا زي ما هو رحيم هو كمان شديد العقاب و عادل و ما رح يضيع حق المظلومين

و يا ستي نحنا ما استنينا لوقع القذافي لحتى حكينا عليه اساسا سياسته كانت واضحة جدا .. ببساطة ما كان اله اي سياسة

قدم اشياء منيحة للبلد ؟؟ كثر خيره والله نهب ثروة مش عارفين نعدها و فتح لولاده حسابات في الخارج و ما عمل حتى بنى تحتية تستحق هذا الاسم

و اذا كان على المستوى المادي للناس فهاد يا ياسو مش مقياس للعيش الرغيد لانه قبل المادة في عوامل اخرى تخلي المواطن سعيد ..

عمرنا ما سمعنا بازمة ليبية ؟؟ احزري ليش

كل البلدان المنغلقة و اللي ما بتصدر شيء ولا بتعمل شيء طبيعي ما تصيبها ازمة و بما انه قوة النفط موجودة يبقى مفيش مشكلة و طبيعي هذه النتيجة ..

فما تحطيها بحسنات القذافي لانه مش عارف اساسا انه هذا هو السبب هههههههه

وجه الشب بين العراق و ليبيا مرفوض تماما

لانه لعلمك القذافي ما كان بيدير البلد .. بل الامريكان و الاوروبيين هم اللي كانوا بيديروها سياسيا و اقتصاديا و اداريا ^^

فكرك يعني لما يكون في وعي و ناس بالمستوى بالحكم رح يكون نفس التحكم من الجهات الغربية ؟

و مش عارفة ليش الخوف من الانفتاح .. مهو قدامك الخليج يعني هما عم يديروا سياساتهم الاقتصادية على كيفهم يعني ؟؟

ليش ما حدا حكى عن هالموضوع ؟

و كمان المغالطة في موضوع العراق انها كانت حرب الها اسبابها و كان في مؤثرات مختلفة تماما عن المشهد الحالي ..

و بالنسبة لانه ربنا رح يحاسبنا .. اكيد بيحاسبا جميعا .. و ما بعتبر فرحي بسقوط الطاغية و التعبير عنه ذنب بالعكس :)

انتي كمان حرة بنظرتك لموئفك ^^

سلامي
Dr.Yaso
10-31-2011, 10:31 PM
ما رح اناقشك بس برجع بحكيلك في رب بيحاسب كل عباده

مش نحنا الي بنحاسب البشر (:

و ازا كان القذافي هلأد عبيط وما عارف شي ما كان استمر 42 سنة!!!

ما كان عمل ثورة من 42 سنة وإدر يوخد البلد ويحكمها!!

عموما البائي رأيك واللي ابلو رأييّ

وانا رح اتركها لربنا لأنو كل واحد إلو اغلاطو اللي ما بيعلم فيها الا ربو

مش بس القذافي :ShababSmile224:

دمتي
دمع المطر
10-31-2011, 10:39 PM
الله يرحمه ويرحم كل اموات المسلمين
Dr.Yaso
10-31-2011, 10:43 PM
آمين~
نور الهدى
10-31-2011, 11:02 PM
ما رح اناقشك بس برجع بحكيلك في رب بيحاسب كل عباده

مش نحنا الي بنحاسب البشر (:

و ازا كان القذافي هلأد عبيط وما عارف شي ما كان استمر 42 سنة!!!

ما كان عمل ثورة من 42 سنة وإدر يوخد البلد ويحكمها!!

عموما البائي رأيك واللي ابلو رأييّ

وانا رح اتركها لربنا لأنو كل واحد إلو اغلاطو اللي ما بيعلم فيها الا ربو

مش بس القذافي :shababsmile224:

دمتي

واو القذافي صار عبقري لانه قدر يحكم 42 سنة ههههههههههههه

شوفي ياسو

بتفهم كونه قلبك رئيئ .. لكن ما في مكان لرقة القلب بالحكي السياسي ^^

بمعنى اوضح

واضح انه ما عندك اي خلفية عن الملف الليبي :)

و فعلا بهالحالة اتخذتي القرار الصحيح بعدم المناقشة ..

لكن برضو الحنان هذا في غير محله .. و بكرر نحنا مش بنحكي عن انسان لا بيقربلنا في شيء

بل عن واحد احمق ودى البلد في داهية .. شتان بين الوضعين

سلامي :)
Dr.Yaso
11-01-2011, 12:43 AM
انا ساذجة ،، وألبي رئيئ - على اعتبار انها ما كانت مسخرة (: - وما عندي خلفية

عن شي انتي اللي عندك خلفية عن السياسات وانا حنونة

وما بدي اناقشك

ما عندي مشكلة ^^ المهم ما بشمت بواحد ميت وما بكفّر حدا

الله يسلمك.. ابئي طلي ;)
نور الهدى
11-01-2011, 03:48 PM
انا ساذجة ،، وألبي رئيئ - على اعتبار انها ما كانت مسخرة (: - وما عندي خلفية

عن شي انتي اللي عندك خلفية عن السياسات وانا حنونة

وما بدي اناقشك

ما عندي مشكلة ^^ المهم ما بشمت بواحد ميت وما بكفّر حدا

الله يسلمك.. ابئي طلي ;)

:)

وجهة نظرك عن الموضوع و عن نفسك و بحترمها :)

ما حدا قال انا بس اللي عندي خلفية لانه هالشي مش صحيح طبعا .. في امور ما عندي خلفية عنها طبعا و بالتالي ما بتدخل فيها ^^

اكيد انت حرة تناقشي او ما تناقشي هاد برجعلك كمان .. ما بنغصب حدا يناقشنا الامر بسيط جدا

شكرا ع الاستضافة .. اكيد رح طل ازا في جديد في الموضوع :)
SHOROOQ
11-01-2011, 04:04 PM
مرحبا ياسو

بالنسبه للقذافي
بعد الأشياء الـ ..... الي سواها
مابطاوعني قلبي إني ادعيلو بالرحمه
وربنا سبحانه وتعالى ماحيضيع حق المظلومين
والي انقتلوا بآخر فتره
وحيحاسبو عكل اشي سواه
حسبي الله ونعم الوكيل بس

إحترآمــــــي
حسام المصرى
11-01-2011, 04:59 PM
سبحان الله

مش عارفة لوين بدنا نوصل بسذاجتنا ..

القذافي قبل ما يموت الكل نعته بالجنون و الكفر و الغباء و البلاهة ..

بعد الثورة و الظلم اللي شفناه منه الكل قعد يدعي عليه و ربنا يهلكه و ربنا و ربنا ..

لما تم القصاص صاروا الناس يتباكوا عليه قال مسلم و قال ما بنعرف بشو نطق باخر عمره ..

اصحوا ..

فرعون قبل ما يغرق قال آمنت .. هل هذا بيعني انه العبرة دائما بالخواتيم ؟؟

القذافي جهل شعبه و ظلمه .. و شفت انه في اخوة حكوا عن البنى التحتية

لمعلوماتكم ما كان في بنى تحتية الا بالمناطق اللي فيها اقارب للقذافي ..

مصالح ليبيا الاقتصادية كانت مدمرة تماما .. ليش عم تقارنوا العراق بليبيا مش فاهمة ..!!

ما في اي علاقة بين الوضعين اطلاقا

انا فرحت جدا بموت القذافي بهالطريقة و كان نفسي ينذل و يذوق مر الهوان الف مرة و يتمنى الموت و ما يلاقيه ..

انا اللى حكيت عن البنية التحتيه ..

حلوة بالأماكن اللى فيها أقارب القذافى دى أجمل نكتة ضحكتنى .. ههههههههه

وايش علاقة هدا بهدا ..

البنية التحتية دى بتشمل مستشفيات حكومية ومدارس حكومية .. وحكات كتير

ما أتوقع أن اقارب القذافى يروحوا المستشفيات الحكومية هيدى .. :ShababSmile237:

الدولة كان فيها بنية تحتيه بس ضعيفة جدا ...

بالنسبة لقصة فرعون الوضع يختلف فرعون .. قال أنه الرب .وما كان مجنون ..

القذافى كان مجنون .. جدا وتجرأ على الله .. وأفعاله كانت كافرة ..

لكن لا يمكن نكفر شخص ولكن تكفر أفعاله .. ومثلما ذكرت لا نستطيع الحكم على عقليته

عموما .. القذافى ساعة ما عمل ثورة الفاتح من سبتمبر دى .. الشعب الليبى كله هتفله ..

وكان عايز يعمل كام مشروع زى مشروع البحر الأعظم بتاعه ده اللى اتكلف مليارات لكن على الفاضى لأن المشروع مكنش متخطط ليه صح ..

عموما نقدر نقول أن القذافى مش هو لوحده سبب الفساد ولكن المنظومة فى ليبيا كلها كانت فاسدة ..

وفى الأخير احنا شعب عاطفى جدا ..

يعنى صدام حسين ياما ذبح وكان دكتاتور وأعلن الحرب على الكويت يعنى ساهم فى ان المسلمين يقاتلوا بعض مثلما فعل القذافى .. وشفنا كيف الحفلات اللى كان بيعملها اولاده ورقص ومسخره وكل شئ ...

لكن بعد ما مات حزن الجميع عليه إلا شعب العراق ..

وفى الأخير ربنا يرحم صدام ولندع الحساب لرب العباد ..

وأرى أنه لا فائدة ولا جدوى بأى شكل من الأشكال وبأى منطق من التغنى بموت أى شخص ..

ولكن إرادة الله فى موته كانت لكى يعتبر من لا يعتبر ...

ولولا الناتو ما كانت نجحت الثورة الليبية ..والتى أراها انقلاب عسكرى .. بالقوة على الحاكم ..

ولكن الناتو قتل الكثير من المدنيين اللليبيين ..

عموما .. دعنا من صفحة القذافى التى لن تفيد ولن تغير شئ ..

ولننظر إلى مستقبل الشعب الليبى .. الذى يتمتع بإمكانيات خارقة وخاصة البترول هل سيستغله .. ويتم بناء دولة قوية حرم أهلها من تعليم سليم وصحة وجيش وطنى ..

أم ماذا يحدث ..

حينها فلتفرحى يا نور الهدى ولنفرح كلنا ... بالنصر ..


عن نفسى لو كان فى مصر ومبارك مات ما كنت أتوقع أن غالبية الشعب المصرى رح تفرح هكذا ...
لأن موته لن يغير شئ لهذا الشعب العظيم .. وله رب يعاقبه أشد العقاب وهو أعلم به ..

واستغربت من طريقة حوارك مع ياسو وكشخص ولى رأى أيا كان يهمك او لا إلا أنى سأقوله ..الطريقة لم تعجبنى بالمرة ..

وما زلت أفضلها ثورة سلمية .. مثل الثورة المصرية والتونسية

:ShababSmile226:
نور الهدى
11-01-2011, 07:25 PM
انا اللى حكيت عن البنية التحتيه ..

حلوة بالأماكن اللى فيها أقارب القذافى دى أجمل نكتة ضحكتنى .. ههههههههه

وايش علاقة هدا بهدا ..

البنية التحتية دى بتشمل مستشفيات حكومية ومدارس حكومية .. وحكات كتير

ما أتوقع أن اقارب القذافى يروحوا المستشفيات الحكومية هيدى .. :shababsmile237:

الدولة كان فيها بنية تحتيه بس ضعيفة جدا ...

بالنسبة لقصة فرعون الوضع يختلف فرعون .. قال أنه الرب .وما كان مجنون ..

القذافى كان مجنون .. جدا وتجرأ على الله .. وأفعاله كانت كافرة ..

لكن لا يمكن نكفر شخص ولكن تكفر أفعاله .. ومثلما ذكرت لا نستطيع الحكم على عقليته

عموما .. القذافى ساعة ما عمل ثورة الفاتح من سبتمبر دى .. الشعب الليبى كله هتفله ..

وكان عايز يعمل كام مشروع زى مشروع البحر الأعظم بتاعه ده اللى اتكلف مليارات لكن على الفاضى لأن المشروع مكنش متخطط ليه صح ..

عموما نقدر نقول أن القذافى مش هو لوحده سبب الفساد ولكن المنظومة فى ليبيا كلها كانت فاسدة ..

وفى الأخير احنا شعب عاطفى جدا ..

يعنى صدام حسين ياما ذبح وكان دكتاتور وأعلن الحرب على الكويت يعنى ساهم فى ان المسلمين يقاتلوا بعض مثلما فعل القذافى .. وشفنا كيف الحفلات اللى كان بيعملها اولاده ورقص ومسخره وكل شئ ...

لكن بعد ما مات حزن الجميع عليه إلا شعب العراق ..

وفى الأخير ربنا يرحم صدام ولندع الحساب لرب العباد ..

وأرى أنه لا فائدة ولا جدوى بأى شكل من الأشكال وبأى منطق من التغنى بموت أى شخص ..

ولكن إرادة الله فى موته كانت لكى يعتبر من لا يعتبر ...

ولولا الناتو ما كانت نجحت الثورة الليبية ..والتى أراها انقلاب عسكرى .. بالقوة على الحاكم ..

ولكن الناتو قتل الكثير من المدنيين اللليبيين ..

عموما .. دعنا من صفحة القذافى التى لن تفيد ولن تغير شئ ..

ولننظر إلى مستقبل الشعب الليبى .. الذى يتمتع بإمكانيات خارقة وخاصة البترول هل سيستغله .. ويتم بناء دولة قوية حرم أهلها من تعليم سليم وصحة وجيش وطنى ..

أم ماذا يحدث ..

حينها فلتفرحى يا نور الهدى ولنفرح كلنا ... بالنصر ..


عن نفسى لو كان فى مصر ومبارك مات ما كنت أتوقع أن غالبية الشعب المصرى رح تفرح هكذا ...
لأن موته لن يغير شئ لهذا الشعب العظيم .. وله رب يعاقبه أشد العقاب وهو أعلم به ..

واستغربت من طريقة حوارك مع ياسو وكشخص ولى رأى أيا كان يهمك او لا إلا أنى سأقوله ..الطريقة لم تعجبنى بالمرة ..

وما زلت أفضلها ثورة سلمية .. مثل الثورة المصرية والتونسية

:shababsmile226:

هي النكتة ضحكتك لكن هذا هو اللي كان حاصل :)

و ما اظن انه الشعب الليبي كان بيضحك زيك عليها ^^

اما عن البنى التحتية فيا ريت تراجع التقارير عن هالموضوع .. و هتشوف كيف كان وضع البنى التحتية :)

لما اقول اقارب القذافي اقصد الحاشية و القبائل اللي متمركزة في مناطق معينة و معروفة بولائها للقذافي و قرابتها اله .. كمان راجع التشكيلة الاجتماعية للمجتمع الليبي :)

و قضية الانقلاب هذه كانت نتيجة طبيعية و منطقية للقوة اللي استعملها القذافي ضد المظاهرات اللي بلشت .. حضرتك اكيد يا حسام تابعت تطورات الثورة و كيف وصل الامر لتدخل الناتو ..

مش رح اقعد اشرح كيف تطورت الثورة و اي اسباب خلت الناتو يتدخل .. ناس بيشوفوا انه كان شيء مفيد و ناس بيتخوفوا من اي تدخل عسكري

لكن بما انك قاعد تقارن بين الثورة المصرية و الليبية .. فقارن مثلا كيف كان تصرف الجيش المصري و كيف كان تصرف القوات الليبية .. و اللي تدريجيا احدثت انشقاقات الى ان تدخلت قوات اجنبية ..

اكيد الحساب لرب العباد و الحمد لله انه هيك .. الا انه نهاية الظالم اكيد تسر اي واحد :)

و يا سيدي نحنا مش قاعدين نحاسب .. لكن ربنا حكالنا شو بده يعمل بالظالم و بالتالي النتيجة معروفة :)

اما عن مسالة انه فرعون قال انا ربكم و القذافي كان مجرد مجنون .. فيك تلاحظ انهم وجهان لعملة واحدة

بمعنى فرعون قالها صراحة و القذافي و غيره من الظلام قالوها بطريقة غير مباشرة .. بكلا الحالتين الغطرسة و الطغيان واضح :)

و النهاية واحدة .. و الحساب ربنا عالم بيه .. لكن اتمنى يكون واحد

و اكيد يا حسام كلنا متلعين لمستقبل ليبيا بل و للامة كلها و نحنا في الوقت الحالي ابعد ما نكون عن شيء اسمه نصر و استعادة للكرامة العربية :)

لكن الخطوة الاولى في الطريق بعد سبات عميق دام لعقود طبيعي تفرحني :)

فيكم ما تفرحوا انتم احرار ^^

اما بالنسبة لطريقة حواري انا مش شايفة فيها شيء غير انه رايي ما اعجب ياسو و هي حرة و هذا الشيء لا يزعجني :)

سلامي
حسام المصرى
11-01-2011, 08:46 PM
البنية التحتيه زى الكهرباء والمياة والصرف موجودة فى معظم المدن الكبيرة ولا علاقة لها بقبائل القذافى ..

انظرى إلى مدينة بنى غازى .... مدينة فيها خدمات كثيرة جدا .. على سبيل المثال

ما زلت مصر على هذا ..

وأى دولة كذلك البنية التحتيه بتبقى قوية فى المحافظات الكبرى يعنى زى مصر تلاقى القاهرة وإسكندرية أكتر محافظتين فيهم بنية تحتيه وخدمات ..

عموما راجعى أنتى تقاريرك ... :)

لولا البترول والمصالح الأوروبية ما كان تدخل الناتو وجازف .. والعالم كله بيعرف هيك .. ^^

جيشنا احنا حمى الثورة لأنه جيش وطنى وعمر ما شعبنا كان هيرضى بالتدخل الأجنبى أيا كانت أشكاله ....

نهاية الظالم تخلى الناس تعتبر ويزيد إيمانها مو تفرح وتتريق وتطلع نكت ... هيك بشوف أنا

ولكل منا وجهة نظره ....

وشايف أنه ما شاء الله .. تونس ومصر التيارات الإسلامية أخذت حقوقها المسلوبة والجاى فيه خير كتير ..
نور الهدى
11-01-2011, 09:02 PM
البنية التحتيه زى الكهرباء والمياة والصرف موجودة فى معظم المدن الكبيرة ولا علاقة لها بقبائل القذافى ..

انظرى إلى مدينة بنى غازى .... مدينة فيها خدمات كثيرة جدا .. على سبيل المثال

ما زلت مصر على هذا ..

وأى دولة كذلك البنية التحتيه بتبقى قوية فى المحافظات الكبرى يعنى زى مصر تلاقى القاهرة وإسكندرية أكتر محافظتين فيهم بنية تحتيه وخدمات ..

عموما راجعى أنتى تقاريرك ... :)

لولا البترول والمصالح الأوروبية ما كان تدخل الناتو وجازف .. والعالم كله بيعرف هيك .. ^^

جيشنا احنا حمى الثورة لأنه جيش وطنى وعمر ما شعبنا كان هيرضى بالتدخل الأجنبى أيا كانت أشكاله ....

نهاية الظالم تخلى الناس تعتبر ويزيد إيمانها مو تفرح وتتريق وتطلع نكت ... هيك بشوف أنا

ولكل منا وجهة نظره ....

وشايف أنه ما شاء الله .. تونس ومصر التيارات الإسلامية أخذت حقوقها المسلوبة والجاى فيه خير كتير ..



مدينة بنغازي مثال سيء جدا لانها اكثر مدينة كانت مهملة من النظام السابق :)

عموما بيرجعلك لو حبيت تصر على موقفك ^^

و نحنا ما عم نحكي على صعيد حجم المدن .. بل كون مدن معينة مهملة تماما لاسباب سياسية و قبلية :)

قضية البترول و المصالح يا حسام واضحة جدا حتى للاعمى .. لكن القوات الليبية طبعا بقيادة القذافي اعطت مبرر جيد لتدخل الناتو .. و ايضا كون العرب ما عندهم قوات موحدة تتدخل في هيك مواقف اعطى مبرر كافي بطريقة غير مباشرة :)

يعني هذه المسالة محسوم بامرها

اكيد بنعتبر من نهاية الظالم .. و ما بيمنع اعتباري بالفرح لنهايته ^^

سلامي
حسام المصرى
11-01-2011, 09:17 PM
يا ستى افرحى .. براحتك ..

أنا ما دخلت لأحجر رأيى عليكى ..

ولكن دخلت لما لقيتك بتتريقى أو بتحاولى تفرضى رأيك على اللى بيحكى أنه لا لازم نفرح فى القذافى واللى ما يفرحش ده يا عينى يبقى عاطفى وهيك اشياء ....


وفيكى تقرى عن بنى غازى .. لأنى بعرف منيح ها المدينة لان قرايبى يعملوا فيها وبيقولوا من المدن الجميلة جدا وتحس أنها زى إسكندرية .. ^^ مقارنة بباقى الصحارى الليبية ..
حسام المصرى
11-01-2011, 09:21 PM
صراحة أنا أرفض التدخل العربى فى مثل هذه القضايا أيضا ..
لأنه ممكن يحصل مشاكل بين الدول ..

شوفى مثلا بشار الأسد .. تخيلى لو الأردن قدمت تسهيلات .. أو كانت دخلت قوات .. بشار ده مجنون وممكن يضرب الأردن أساسا .. والعرب يخبطوا فى بعض والعالم يفرح .. بعدين هما ما عندهمش إمكانيات كويسة للتدخل .. هما يدوب دولتين ولا تلاتة اللى يعرفوا يحاربوا وعندهم جيش قوى فى المنطقة ....

كنت افضل أنهم حتى يفرضوا عقوبات اقتصادية او لا تعترف الجامعة بالنظام السورى .. ولكن هذا فى نظر القانون غير شرعى لأن بشار يعتبر رئيس حتى لوب الفعل وله مدة يجب تقضيتها ..

ومو معقول لو أى دولة عملت ثورة العالم يعترف علطول بالرئيس الجديد .. هيك كل يوم لو معجبناش رئيس رح نلاقى ثورة .. ^^

لا أقلل من الثورات ولكن سياساتنا سياسات حمقاء بسبب ضعف .. للأسف

عوافى نور
نور الهدى
11-01-2011, 09:49 PM
صراحة أنا أرفض التدخل العربى فى مثل هذه القضايا أيضا ..
لأنه ممكن يحصل مشاكل بين الدول ..

شوفى مثلا بشار الأسد .. تخيلى لو الأردن قدمت تسهيلات .. أو كانت دخلت قوات .. بشار ده مجنون وممكن يضرب الأردن أساسا .. والعرب يخبطوا فى بعض والعالم يفرح .. بعدين هما ما عندهمش إمكانيات كويسة للتدخل .. هما يدوب دولتين ولا تلاتة اللى يعرفوا يحاربوا وعندهم جيش قوى فى المنطقة ....

كنت افضل أنهم حتى يفرضوا عقوبات اقتصادية او لا تعترف الجامعة بالنظام السورى .. ولكن هذا فى نظر القانون غير شرعى لأن بشار يعتبر رئيس حتى لوب الفعل وله مدة يجب تقضيتها ..

ومو معقول لو أى دولة عملت ثورة العالم يعترف علطول بالرئيس الجديد .. هيك كل يوم لو معجبناش رئيس رح نلاقى ثورة .. ^^

لا أقلل من الثورات ولكن سياساتنا سياسات حمقاء بسبب ضعف .. للأسف

عوافى نور

طبعا بوضع العرب الحالي مش ممكن اصلا نفكر في انه يكون تدخل .. للاسف

و لذلك قلت في البداية انه تدخل الناتو كان منطقي و مش ممكن نتصور شيء غير هذا :)

و مسالة سوريا الان تدمي القلب لما نشوف كل الظلم و القمع و التنكيل اللي صاير هناك

و لسة اللي بالتلفزيون ولا شيء مقارنة بالواقع .. بعرف ناس كانوا هناك و حكوا اشياء فظيعة ...

للاسف ما في اي حراك من الدول الاسلامية ما عدا قمم لا تسمن ولا تغني من جوع كالعادة

طبيعي يكون تدخل اجنبي :)

اذا مش بالعقوبات فـ بالتدخل العسكري و طبعا هذا بسبب حمق حكامنا الاعزاء و تمسكهم بمناصبهم

عموما .. ربنا عادل و يمهل ولا يهمل ..

و الله يكون بعون الجميع

السلام عليكم
Hlaa Alrouh
11-01-2011, 10:04 PM
صراحة أنا أرفض التدخل العربى فى مثل هذه القضايا أيضا ..
لأنه ممكن يحصل مشاكل بين الدول ..


لا أقلل من الثورات ولكن سياساتنا سياسات حمقاء بسبب ضعف .. للأسف



ول مرة الاقى حد يوافقنى بالراى دون أن يؤيد الثورة لمجرد ان الجميع يؤيدها
بالاول حابة احكى انه تدخل الناتو بليبيا كان بطلب من جامعة الدول العربية بالتدخل عندما رأت انتهاكات حقوق الانسان
للاسف اردنا ان نحمى الليبين بتدخل الناتو ولم نرى كيف تدمرت ليبيا بالكامل جراء القصف وغيره
تعتقد ان تدخل الناتو كان من اجل ليبيا ومصلحتها من اجل انه تخلصها من ظلم القذافى أو من اجل اقامة ربيع عربى كما يدعون العرب
منذ متى يصبح العدو صديق؟.....
برأيي سنرى بعد فترة الهدف الاساسى الذى تدخل به الناتو وكيف سيحاول اقتسام ثروات ليبيا
كيف نفرح ونرى ان السلاح اصبح بيد الصغير والكبير والاختلافات وربما الحروب بينا المؤيدين والمعارضين
سنرى ان ما يفعله الناتو وتدخلها كان سايكس بيكو جديد للدول العربية
وإضافة للنقطة الى حكيتها عدم تدخل الدول مثال بشأن سوريا
فأى دولة لا تستطيع التدخل وتعلن موقفها دون ان تعلم بنتيجة ما يحصل لانه بذلك بتكون انهت علاقاتها مع هاى الدولة
مثال لا يمكن للاردن روسيا الصين وغيرها من الدول موقفها دون ان تدرك من الذى سينتصر والا وقعت مشاكل دولية مع المنتصر لو كانت اعلنت موقفها ضده

(حكيت كتير صح بس حابه احكى انه هادا فى مجال تخصصى وعم بدرسه هلا بكل تفاصيله بمادة اسمها القانون الدولى العام)لهي حبيت اعبر عن رايي حسب دراستى له
بتمنى تتقبلوا رايي
حسام المصرى
11-01-2011, 11:06 PM
ول مرة الاقى حد يوافقنى بالراى دون أن يؤيد الثورة لمجرد ان الجميع يؤيدها
بالاول حابة احكى انه تدخل الناتو بليبيا كان بطلب من جامعة الدول العربية بالتدخل عندما رأت انتهاكات حقوق الانسان
للاسف اردنا ان نحمى الليبين بتدخل الناتو ولم نرى كيف تدمرت ليبيا بالكامل جراء القصف وغيره
تعتقد ان تدخل الناتو كان من اجل ليبيا ومصلحتها من اجل انه تخلصها من ظلم القذافى أو من اجل اقامة ربيع عربى كما يدعون العرب
منذ متى يصبح العدو صديق؟.....
برأيي سنرى بعد فترة الهدف الاساسى الذى تدخل به الناتو وكيف سيحاول اقتسام ثروات ليبيا
كيف نفرح ونرى ان السلاح اصبح بيد الصغير والكبير والاختلافات وربما الحروب بينا المؤيدين والمعارضين
سنرى ان ما يفعله الناتو وتدخلها كان سايكس بيكو جديد للدول العربية
وإضافة للنقطة الى حكيتها عدم تدخل الدول مثال بشأن سوريا
فأى دولة لا تستطيع التدخل وتعلن موقفها دون ان تعلم بنتيجة ما يحصل لانه بذلك بتكون انهت علاقاتها مع هاى الدولة
مثال لا يمكن للاردن روسيا الصين وغيرها من الدول موقفها دون ان تدرك من الذى سينتصر والا وقعت مشاكل دولية مع المنتصر لو كانت اعلنت موقفها ضده

(حكيت كتير صح بس حابه احكى انه هادا فى مجال تخصصى وعم بدرسه هلا بكل تفاصيله بمادة اسمها القانون الدولى العام)لهي حبيت اعبر عن رايي حسب دراستى له
بتمنى تتقبلوا رايي

بصراحة مش فاهم ايش علاقة كلامك بالاقتباس تبعى ..
عموما ليبيا رح تمر بمنعطفات خطيرة الفترة المقبلة خصوصا مع انتشار الأسلحة ...
حسام المصرى
11-01-2011, 11:11 PM
طبعا بوضع العرب الحالي مش ممكن اصلا نفكر في انه يكون تدخل .. للاسف

و لذلك قلت في البداية انه تدخل الناتو كان منطقي و مش ممكن نتصور شيء غير هذا :)

و مسالة سوريا الان تدمي القلب لما نشوف كل الظلم و القمع و التنكيل اللي صاير هناك

و لسة اللي بالتلفزيون ولا شيء مقارنة بالواقع .. بعرف ناس كانوا هناك و حكوا اشياء فظيعة ...

للاسف ما في اي حراك من الدول الاسلامية ما عدا قمم لا تسمن ولا تغني من جوع كالعادة

طبيعي يكون تدخل اجنبي :)

اذا مش بالعقوبات فـ بالتدخل العسكري و طبعا هذا بسبب حمق حكامنا الاعزاء و تمسكهم بمناصبهم

عموما .. ربنا عادل و يمهل ولا يهمل ..

و الله يكون بعون الجميع

السلام عليكم

مفيش دول إسلامية .. ^^

الدول العربية حتى الآن يحكمها كلها العلمانيون .. ولا يطبق فى أى حكم منها .. الإسلام

الإسلام الذى يقول أنه إذا لم تهتم بشئون المسلمين فلست منهم ..

لكن فيه بعض الدول بتعمل اللى ربنا يقدرها زى دور مصر بعد الثورة ..

المصالحة الفلسطينية فى القاهرة وقضية تبادل الأسرى مع إسرائيل ... هذه الأدوار ما كانت أن تتم لولا إذن الله أولا .. وجهد مصر ثانيا وتعاون مسئولين حماس وفتح .. ^^

وهذا فى الفترة الحالية أراه دور متميز ..

ولكن قضية سوريا قضية مختلفة تماما ..
صعب التدخل العسكرى حاليا ..

نعم مصر تدخلت أيام حرب الخليج ..

لكن الوضع حاليا مختلف .. البلد ما زالت فى ثورة ..

وصراحة لا أدرى ماذا يفعل الشعب السورى العظيم ...

عليهم استكمال ما بدأوه والدعاء لله ..

ولكل ظالم نهاية ..
Hlaa Alrouh
11-02-2011, 08:01 AM
يعنى سياساتنا سياسات حمقاء كان لابد انه يكون فى طرق افضل وخسائر اقل ودون تدخل عنصر اجنبى
Dr.Yaso
11-08-2011, 01:41 AM
مرحبا ياسو

بالنسبه للقذافي
بعد الأشياء الـ ..... الي سواها
مابطاوعني قلبي إني ادعيلو بالرحمه
وربنا سبحانه وتعالى ماحيضيع حق المظلومين
والي انقتلوا بآخر فتره
وحيحاسبو عكل اشي سواه
حسبي الله ونعم الوكيل بس

إحترآمــــــي

:ShababSmile235:

ليش ما حدا راضي يفهم ازدي؟؟ انا ما طلبت من حدا يترحم عليه

وما طلبت من حدا شي غير انو خلص "كف!وا ألسنتكم" إلو رب يحاسبه

مش احنا اللي بنحاسب!! ولا كان ربنا ما عمل يوم الحساب!!

ياخي افهمو مش شغلتكو خاصة انو انتو ناس ما تضررتو من اللي صار لا من بعيد ولا من أريب!

انا ما تعاطفت معو كمان بس ما بشمت لك هادا مووووت!!!! إلو حرمته!!

عموما تسلمي ع المرور (=
Dr.Yaso
11-08-2011, 01:47 AM
يعنى سياساتنا سياسات حمقاء كان لابد انه يكون فى طرق افضل وخسائر اقل ودون تدخل عنصر اجنبى

اكيد متل ما حكا حسام،، بس ما فينا نعممها،، بالامارات مسلا

الشعب الاماراتي كلو بدون استثناء راضي عن الحكومة وبحبها بطريئة غريبة ما شالله

بس كمان من ناحية تانية ازا ما كان في ادام الشعب غير هالطريئة طبيعي يسلكو هالمسار
Dr.Yaso
11-08-2011, 01:50 AM
حسام تسلم ع رأيك انت ونور

وللأمانة انا بعرف انو الشعب الليبي استعان بالأول بالدول العربية

ولما ما لئى تجاوب استعانو بالناتو،، بس مع زالك انا لسه ضد هالشي

متل ما حكا حسام من ايمتى العدو بصير صديق؟!!!

عموما كل الي بحكي انو الثورة نجحت بنرجع بنحكيلهن الثورة لسه ما نجحت ولا خسرت

الثورة حئئت مطلب واحد،، لنشوف رح يحئئوا اللي بائي ولا شلنا القذافي وانبسطتنا وبس!!!

تسلمو ع المرور جميعا (:
أحلام وطموحات
11-09-2011, 08:47 PM
الله يرحمه ....
SHOROOQ
11-09-2011, 10:21 PM
:shababsmile235:

ليش ما حدا راضي يفهم ازدي؟؟ انا ما طلبت من حدا يترحم عليه

وما طلبت من حدا شي غير انو خلص "كف!وا ألسنتكم" إلو رب يحاسبه

مش احنا اللي بنحاسب!! ولا كان ربنا ما عمل يوم الحساب!!

ياخي افهمو مش شغلتكو خاصة انو انتو ناس ما تضررتو من اللي صار لا من بعيد ولا من أريب!

انا ما تعاطفت معو كمان بس ما بشمت لك هادا مووووت!!!! إلو حرمته!!

عموما تسلمي ع المرور (=

حبيبتي أنا فهماكي 100 %
بعدين أنا ماشمتت ولا تمسخرت ولا حكيت انو احنا الي حنحاسبو
وراجعي ردي
أنا حكيت انو ربنا حيحاسبو عكل اشي سواه
وربنا ما برضى بالظلم
والي حكيتو مش غلط
قال تعالى " ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما "
وبالنسبه لانو ما تضررنا لا من قريب ولا بعيد لا ياحبيبتي انتي غلطانه تضررنا ونص لانو هدول الليبيين
إخواننا بالإسلام يعني الي بضرهم بضرنا

شكرا الك
Dr.Yaso
11-12-2011, 01:35 AM
اوكي شروء (:
دموع الغربة واشواق العودة
11-12-2011, 03:34 PM
بصرآحة ..
كل ما تنزِكر سيرتوا قدَّامي ..بيسير نفسي ..أمسِكو وأقطعوا إرباً إرباً ..وأعلقوا ع أبواب ليبيا
أخلي الكِلاب الشَّاردة تاكل من لحمو لمَّا تجوع ..
وبيسير نفسي اتمسخر عليه وأشمت فيه شمآتة اليهود ..
بس بعدين برجع أحكي ..هآي مُش مِن أخلاق المُسلم في التَّعامل مع أمثالو ..ومش هيك ديننا علَّمنا ..
ولو الرَّسول صلَّى اللهُ عليه وسلَّم كان عايش بينا اليوم ما كان رح يتعامل معو بـ هالوحشية ..هآي ..

بس خلص مات ..والباقي بينو وبين الي خلَقو .. ولو إنو كنت أحب هلوساتو الغبية ..بتمووت مِن الضِحِك ..
ولو إني مُتَأكدة إنو مش مسلم زي ما حكيتي ..
وبيستحِق الموت ع فكرة ..
بس خلص مات وإرتحنا منو ..
ومش رح أترَّحم عليه ..الله لا يردو ..


موضوع مُثِير للجَدل ..يآسو ..
بس حلو كتير ^^
شكراً كتيير ^^
Dr.Yaso
11-12-2011, 05:48 PM
ههههههههههههه

دموع حيرتيني برأيك :p

عموما برضو للمرة المليون مش نحنا الي بنحكم مسلم ولا لأ

خليكي ع كلامك اللي بالنص انو بينو وبين ربنا

وانسي اللي بالأول وبالآخر :p

نورتي يا عسل ^^
دموع الغربة واشواق العودة
11-13-2011, 02:47 PM
بس بعدين برجع أحكي ..هآي مُش مِن أخلاق المُسلم في التَّعامل مع أمثالو ..ومش هيك ديننا علَّمنا ..
ولو الرَّسول صلَّى اللهُ عليه وسلَّم كان عايش بينا اليوم ما كان رح يتعامل معو بـ هالوحشية ..هآي ..

ههههههههههه حبيبتي يآسو .. وهادآ كمآن بالنُّص هههه

أكيد مُش إحنا إلي بنحكم إزا كآفِر ولا لأ لكن ربنا أعطانا حدود وإذا تجاوزناها بنكفُر صح ولا لأ ..
وع العُموم مش انا إلي حكيت إنو كافر ..لإنو بيني وبينكْ بفهمش بـ هالشَّغلات أنا ..هههههه هيني إعترفت ^^..
كِبار عُلماء عصرنا أفتو ..وياستي كفر ولا ماكفرش ..زي ما حكيتي بينو وبين ربو ..شو بيدرينا ألله شو ممكن يعمل فيه يسامحو أو يرميه في جهنَّم ويعذبو ..
وبعدين إحنا جايين بعد موتوا نتناقش إزا كفَر ولا لأ ..المُهم إنو مات وخلصنا من هيك طآغية ..

تقبلي مروري يآسو ^^
§عاشقة غزة§
11-13-2011, 03:10 PM
فعلا الموضوع مثير للجدل
وانا من الي انتقذو كثير القذافي
وانا مع اخلاق الاسلام ونهج الحبيب المصطفى
عليه الصلاة والسلام ومعاملته للاسرى
وضد السخرية المبالغ فيها ..
والتمثيل بالجثث
واعتبرت القذافي اسير حرب يجب تقديمه للمحاكمة
القصاص منه ليكون عبرة لغيبره للجرائم
والمزاجر التي اقترفها في حق شعبه
ويستاهل ابشع العقوبات بس في ايطار قانوني صحيح
واقولها بصراحة ما بيستاهل الرحمة ..
لاسباب عديدة ..
منها قتل النفس التي حرم الله
قال الله تعالى ( وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

كما ثبت على القذافي الشرك ..
بتعاطيه السحر والشعودة وما شابه ذلك ..

عن أبي هريرة -رضي الله عنه- عن النبي -صلى الله عليه وسلم- قال ( اجتنبوا السبع الموبقات ) قالوا : يا رسول الله وما هن ؟ قال ( الشرك بالله والسحر وقتل النفس التي حرم الله إلا بالحق وأكل الربا وأكل مال اليتيم والتولي يوم الزحف وقذف المحصنات المؤمنات الغافلات ) رواه البخاري

تقبلي مروري
Dr.Yaso
11-15-2011, 04:52 AM
دموع الغربة

متل ما حكيتي كلو بينو وبين ربنا سبحانه وتعالى (:

منورة يا عسل من جديد

عاشقة غزة كلامك صح،، كان فينا نحاكم وكل واحد يوخد حئوا

بس من دون كل هالبلبلة اللي صارت

لأنو نحنا كـ مسلمين مش اخلائنا هيك نتعامل مع الأسرى

ممم بالنسبة للشرك ناس حكت كفر وناس حكت شرك

وانا بؤول العلم عندي ربنا (:

بتوريني انتي بأي وئت ^^