[الوطن\ وجواز السفر] حوار [الأرشيف]

القلب النابض

08-22-2011, 08:34 PM

[الوطن وجواز السفر] حوار

كما قال الشاعر

ولي وطن آليت أن لا أبيعه وأن لا أرى غيري له الدهر مالكا؟

( يسألونكَ عن المدينةِ الّتي تسكن , لا عن المدينةِ الّتي تسكنك )

هكذا قالت الأحلام مسغانمي وهكذا يفعلُ الناس في الدول الأخرى

يعترفون بالوطن الذي تسكنهُ لا الذي يسكُنكَ كل الناس لهم وطن يسكنهم الا نحن فلنا وطن يسكننا :ShababSmile111:

كثيرون همْ الذين تركوا أوطانهم ورحلوا بعيداً منهم من ذهبَ ليواري

سوءة صبرهِ على الوطن المُتألم

ومنهم من ذهب للتعلم ولم يعدْ

ومنهم الذين أخذوا جنسيات خارجية وإستقروا بالخارج

والوطنُ تكاثفت لحيتهُ حُزناًعلى أبناءهُ

سؤالنا ؟

ما رأيكم بتغيير الجنسية؟

هل هي ضرورية أم من باب الترف؟

هل تنم عن إنكارك للوطن أم هي حرية شخصية ؟

هل ستغير جنسيتك لو أُتيحت الفرصة لذلك؟

دعوة للحوار الهادف والفكر النير

Maram .. ~

08-22-2011, 08:43 PM

موضوع خطير مس اريج :ShababSmile237:

ما رأيكم بتغيير الجنسية؟شوفي هلا بحكي عن حالي انا ..

هلآ نحن معنا [ الوثيقة المصرية ]

يعني مش جواز :ShababSmile250:

و هالوثيقة ما بتدخلنا ولا دولة الحمدلله :ShababSmile221:

لهيك انا بأيد انو الواحد لو صحّلو ياخد الجنسية ما يحكي لا

سواء جنسية البلد الي عايش فيها ، او انو يهاجر لدولة غربية لياخدها ~

هل هي ضرورية أم من باب الترف؟لا ضرورية كتير ..

هل تنم عن إنكارك للوطن أم هي حرية شخصية ؟لا طبعا ما بتنم عن انكارنا لوطننا

بس شو نعمل ازا وطننا مو معطينا جواز عدل :ShababSmile111:

هل ستغير جنسيتك لو أُتيحت الفرصة لذلك؟لة بصحّلي اسافر لأوروبآ و آخد الجنسية ما بئول لأ .. :))

القلب النابض

08-22-2011, 08:47 PM

ممكن برضو مروم

منورة حبيبتي

يمكن لانكم انتو شايفين اكتر منا

منتزرة ارائكم :)

Dr.Yaso

08-22-2011, 09:08 PM

ما رأيكم بتغيير الجنسية؟

ممم بصراحة بالنسبة إلي بأيدها وبشدة

خاصة للمتاعيس اللي متلنا نحنا،،

معنا وسيقة مصرية منيلة "دفتر رسم"

مكتوب عليها بالخط العريض (مسموح السفر لكل دول العالم)

وفعلياً ما حدا بدخلك وازا بدك تدخلي بدك تتمرمطي وتتزللي

فأنا اول وحدة بأييد تغير الجنسية و بلا رجعة كمان

هل هي ضرورية أم من باب الترف؟

اه ضرورية بس اكيد مش من باب الترف،، يعني الجواز الاماراتي امتيازاتو حلوة ومنيحة

ويا ريت بصحلي آخدو بس مش منشان الامتيازات،، انا بدي اياه تمشاية حال

لا اكتر ولا أئل

ع الأليلة مشان الواحد ما ينحرم شوفة اهلو بسبب جوازو ولا وسيقتو!!

هل تنم عن إنكارك للوطن أم هي حرية شخصية ؟

لأ مش شرط،، انا مستحيل اتنكر لأصلي،، وشو ما يكون الجواز اللي رح آخدو

بضل احكي انا فلسطينية وما عمري بنكر هالشي،، اصلا انا بشوف حالي بجنسيتي

هل ستغير جنسيتك لو أُتيحت الفرصة لذلك؟

بلا تردد

دعوة للحوار الهادف والفكر النير

:ShababSmile221:

ماشي يا نيّرة انتي

القلب النابض

08-22-2011, 09:13 PM

منورة يا هبلة

ربنا يفرجها عليكم يارب :)

Dr.Yaso

08-22-2011, 09:23 PM

منورة يا هبلة

ربنا يفرجها عليكم يارب :)

ولي انتي ما عم تناقشي

انتي عم تشفئي علينا :ShababSmile227:

القلب النابض

08-22-2011, 09:26 PM

ههههههههههههههههههه

شوفي الفكرة كانت عندي غير انا يا دوب

اذا سافرت بروح الاردن وان بعدت سوريا

لهيك كنت متخيلة شي ولما قرات ردودكم تكونت عندي فكرة جديدة :)

انا ما بشفئ يا ياسو بالعكس انتو بالقلب واحنا واحد

انا معي جواز فلسطيني :)

بانتزار ارائكم

سوري اذا وصلك هيك شي

Dr.Yaso

08-22-2011, 09:38 PM

انتي ويت عايشة؟

بس بدك فيزا صح؟

القلب النابض

08-22-2011, 09:40 PM

فلسطين نابلس

اه بس تصريح

Doc yous Khaled

08-22-2011, 09:41 PM

من رأيي ، هيا بتساعد ، بس حتى لو انت كنت وحابب تنسى اصلك ، ما حتقدر

انا معي جنسية غريبه ، والحمد لله نعمة منه وفضل هاي ، وما حد بغلني بالسفر ، لاي دولة بالعالم

بس هنا مفيده ، اما اليوم مثلا كنت بستخرج سيارة ليا في دولة مصر ، وانا جايبها من الخارج على جواز سفري الغربي
وكانت الامور ماشية واني غربي ومحترميني ، وبساعدوني

صدفت حدثت مشكلة في الاوراق ، فبقولولي انت شو اصلك ، حكيتلهم فلسطيني ،
كاني رميت الماء على النار ، هبوا كلهم ، ولغوا تعب اسبوع كامل ودفعت كتير فلوس ، وحكه حنرجعهم إلك وما حنقبل ندخلها كده ، عصبت ، وانت عمله وانا عشان فلسطيني وكلام كده ، قالولي كلكم نصابين (( على وشك اضربه )) بس شو بدنا نعمل ، الفكرة الي صنعها الفلسطيين في مصر كانت سيئة ،

انا من رأيي اغلب الفلسطينيه إلي استقبلهم الرئيس السابق ( الجحش السابق ) ملعون مو مبارك ، كانه من اختنا حركة فتح الشقيقه ،

عموما ، مهما ضاقت الظروف ، لن اتنازل عن فلسطين ، حتى لو كنت الوحيد ، وفي ارضي سجين

يكفينا يوم القيامة يقول ربنا هؤلاء عبادي ، ومن جاهدوا في سبيلي في وقت اشتدت فيها الازمات ،
يكفيني هذا الشرف من اكناف بيت المقدس

القلب النابض

08-22-2011, 09:44 PM

حلو انتمائك اخي :)

بس هاي خلطة وقايمة وما بحترمو حد وشفت شو صار معك

المشكلة مش فينا فيهم

الله يعدل الحوال وبنرجع دولة مستقة يارب :)

إيمـان

08-22-2011, 09:48 PM

سؤالنا ؟

:ShababSmile226:

ما رأيكم بتغيير الجنسية؟

آنـآ لو يموتوني مآبغير جنسيتي :ShababSmile250:

بس للضروره آحكآم :ShababSmile111:
هل هي ضرورية أم من باب الترف؟

والله بحسب الشخص يعني في نآس بحتآجوهـآ في نآس لـآ :ShababSmile237:
هل تنم عن إنكارك للوطن أم هي حرية شخصية ؟

لـآ طبعـآ آنآ آفتخـر بأني فلسطنيـه ومآبنكـر بس والله مشان نحسن ضروفنا في بلاد مش بلادنا :ShababSmile111:
هل ستغير جنسيتك لو أُتيحت الفرصة لذلك؟

لـع والف لـع :ShababSmile250:

تسسلمي اريج :ShababSmile240:

القلب النابض

08-22-2011, 09:50 PM

يسعدووو امون :)

§عاشقة غزة§

08-22-2011, 10:28 PM

ما رأيكم بتغيير الجنسية؟
ممكن الواحد يغير جنسيته
لانه الانتماء للوطن ليس بالجنسية

هل هي ضرورية أم من باب الترف؟
غالبا بتكون ضرورة
هل تنم عن إنكارك للوطن أم هي حرية شخصية ؟
مثل ما ذكرت فوق الانتماء للوطن شي
وتغيير الجنسيية تكون لظروف او اوضاع
يكون مضطر الواحد يغيرها

هل ستغير جنسيتك لو أُتيحت الفرصة لذلك؟
ممكن اصلا في بلدنا عندنا الاحتفاظ ب 3 جنسيات في نفس الوت
مش ضروري تتخلى عن جنسيتك

شكرا لطرح الموضوع

إسراء الفلسطينية

08-22-2011, 11:02 PM

ما رأيكم بتغيير الجنسية؟

يعني الواحد لو كان معو جواز سفر ..

وبينسمحلو انو يسافر وين ما بدو

وعندو الحرية يسافر لوين ما بدو وايمتى ما بدو بدون عذاب ،

فما كان في داعي لانو الواحد ياخد جنسية تانية اصلا !

هل هي ضرورية أم من باب الترف؟

بما اني لاجئة فلسطينية .. ما بصحلي اسافر الا ع اكم بلد بنعدو ع الاصابع

( ومن بعد مية اجراء ) فأكيد بشوفها ضرورية :)

هل تنم عن إنكارك للوطن أم هي حرية شخصية ؟

أكيد لا !

انا معي جنسية دنماركية .. معناها اني تخليت عن وطني ؟

حب الوطن ما الو ببسبور حاملينو كرمال نوصل للبلد يلي بدنا ياها :)

هل ستغير جنسيتك لو أُتيحت الفرصة لذلك؟

طول عمري عايشة بالدنمارك ..

والجنسية الدنماركية صحتلي .. فأكيد ما برفضها

بما انها بتسهّل عليّ ، وبتفتحلي ابواب كتير كانت مسكرة بوجهي قبل

فليش لحتى أرفضها ؟ :)

.

.

مشكورة ع الموضوع حبيبتي :)

.. ريتّـــا ..

08-22-2011, 11:25 PM

أنا بشوف إنو الوطن مش بالحدود
الوطن مش فلسطين والأردن والعراق
الوطن بيتي وإمي وأبويا وإخواتي وأصدقائي
الوطن جوة بقلبي .. بعاداتي وتقاليدي .. بتعاملي مع الآخرين
وطنيّتي ما بتحكمها أي سياسة

الوطن اللي بتحكو عنّو تشرّدنا منّو ويا دوب اللي بنعرفه عنه بضع صور من الذاكرة
وقرايبنا اللي بنحكي معهم بالتليفون كل فترة
وأصدقاءنا النتّيين .. الوطنيين زيّنا

كوننا فلسطينيين ما عنا أساساً جنسية
بأوروبا بتقول فلسطيني بقولك وين هاي
بتكتب بأوراقك الشخصية أنا فلسطينية بيمسحوها وبكتبو بلا جنسية
فبتضطر تكتب جنسيتك اللي حاملها من البلد اللي عايش فيها
عشان ما تجذب الأنظار إلك ولا يشوفوك عنصري

ومع كل هاد
أنا بفتخر لما بقولولي إنتي من وين بقولهم فلسطين
وبنفس الوقت
لما كنت صغيرة وأجت معلّمتي تقولي فرجينا بلدك ع الخريطة
وقعدت أدور ع فلسطين بخريطة العالم لقيتهم كاتبين اسرائيل
قلت للمعلمة الخريطة هاي مش صح .. وين فلسطين؟
قالت قصدك اسرائيل .. قلتلها لأ فلسطين
قالتلي أقعدي مكانك :)

لهيك وطني بقلبي مش شي بلمسه
وطني ما فيّا أمتلكه ، لكن الأكيد إنه بيملك إحساسي وإنتمائي
أنا فلسطينية بدمّي .. مش بجوازي

شكراً كتير أريج
موضوعك بيفتح جروح لم تُلملم بعد http://shabab.ps/vb/images/icons/icon9.gif

عاشقة أرض جنين

08-22-2011, 11:35 PM

لقد كثر في هذه الأيام التحدث عن القومية العربية التي تعتبر دعوة عنصرية، ولكن دين الإسلام يحرم هذا التمييز العنصري،

فالنبي صلى الله عليه وسلم غضب غضباً شديداً على أبي ذر عندما قال لبلال: يا بن السوداء.

وقال له النبي صلى الله عليه وسلم (إنك امرؤٌ فيك جاهلية) وهذا يدل على عظمة هذا الدين وإلى عدله وسماحته.

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

اذا احنا ما كنا ايد وحدة رح نبقى طول عمرنا اسمنا لآآآآآآآآآآآآآآآآآآآآآآآجئين ونااااااااااااااااااااااااازحين

بتمنى تقتنعوا بالكلام وتغيروا نفسياتكم ويكون تطلعكم كله نحو تحرير فلسطين مو الكلام الفاضي هاد

ابن الخليل

08-22-2011, 11:35 PM

أنا لا أعترف بالوطن و لا الوطنية إنتمائي للإسلام فقط و كل بلاد المسلمين بلادي

.. ريتّـــا ..

08-22-2011, 11:43 PM

عاشقة أرض جنين

08-22-2011, 11:44 PM

بالنسبة للموضوع هلأ رح أجاوب

ما رأيكم بتغيير الجنسية؟

أنا ما بشجعها بس للضرورة احكام واحنا الفلسطينية انجبرنا على كتير شغلات ومنها تغيير الجنسية مشان

نعيش حياة أفضل من كل النواحي

هل هي ضرورية أم من باب الترف؟

أكيد للضرورة

هل تنم عن إنكارك للوطن أم هي حرية شخصية ؟

لأ طبعا مش انكار للوطن حتى لما يسألونا من وين انتو بنحكي اصلنا الحقيقي فلسطينية

هل ستغير جنسيتك لو أُتيحت الفرصة لذلك؟

لا طبعا بالعكس بدي أرجع للجنسية الفلسطينية

يعطيكي العافية ع الموضوع حبيبتي

Dr.Yaso

08-23-2011, 12:01 AM

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

مشان ما حدا يفهمني غلط بس

انا لا مع هدول و لا مع هدول

انا مع الي بدو مصلحة فلسطين بالدرجة الأولى

مين ما يكون يكون ،، لو كان بياع لبن!!

وئولتك عمرنا ما رح نحرر بلدنا ازا ضلينا نرمي بالغلط

ع كل واحد منهن

القلب النابض

08-23-2011, 12:13 AM

لا اله الا الله شباب وصبايا خلينا نعرف شو يعني نقاش وما نطلع عن صلب الموضوع

احنا هون اخوة وزي ما انقال كلناا مسلمين وفلسطين بلادنا كلنا

فلشو هالنقاشات العقيمة هاي الله يسعدكم بلاها

عاشقة أرض جنين

08-23-2011, 12:21 AM

لا اله الا الله شباب وصبايا خلينا نعرف شو يعني نقاش وما نطلع عن صلب الموضوع

احنا هون اخوة وزي ما انقال كلناا مسلمين وفلسطين بلادنا كلنا

فلشو هالنقاشات العقيمة هاي الله يسعدكم بلاها

وأنا كمان هيك رايي وهيه مو بس نقاشات عقيمة

وكمان ما في منها الا المصايب وبصير ترجيع بلادنا حلم ما رح يتحقق

القلب النابض

08-23-2011, 12:22 AM

صح لازم نتقيد بالنقاش مو نتقاتل وندق ببعض على شغلات مو لازم تكون بينا وتعمل حزازات

الله يسعدكم احنا هون اخوة

بلاها هالردود :)

إسراء الفلسطينية

08-23-2011, 03:03 PM

ومع كل هاد
أنا بفتخر لما بقولولي إنتي من وين بقولهم فلسطين
وبنفس الوقت
لما كنت صغيرة وأجت معلّمتي تقولي فرجينا بلدك ع الخريطة
وقعدت أدور ع فلسطين بخريطة العالم لقيتهم كاتبين اسرائيل
قلت للمعلمة الخريطة هاي مش صح .. وين فلسطين؟
قالت قصدك اسرائيل .. قلتلها لأ فلسطين
قالتلي أقعدي مكانك :)

:ShababSmile111:

نفس الموقف تماماً صــآر معي !

::

كلامك درر ريتـّآ :ShababSmile240:

PaLeSt!Ne SouL

08-23-2011, 03:32 PM

السلام عليكم :)

طبعا انا فلسطينية و معي هوية فلسطينية

أبعد مكان وصلتوا معبر رفح و معبر بيت حانون

يعني لسه ما طلعت برا و احتجت شي

لكن زي ما قالوا انتمائي لبلدي مش بورق بحمله

و صحيح كل بلاد المسلمين بلادنا ما بنختلف بس هذا لما يكون ما في حدود بينا و في خلافة

أما بالوضع الحالي الواقع بيحكمك لما تروح تسافر ما رح تقلهم كل بلاد المسلمين بلادي !

انا عمي اخد جنسية جديدة حتى تسهل اموره بالسفر برده

بس و لا شي بنسيه بلده مع انه ممنوع من الزيارة من 11 سنة :(

إيمـان

08-23-2011, 03:57 PM

انا معي جواز فلسطيني من السلطه :ShababSmile250:

بس لافس بابا معو وثيقه مصريه :ShababSmile111:

يعني لما نروح فلسطين ماروح بابا معنا :ShababSmile111:

بس بابا معو وثيقه دائما بسافر ع بلاد اوربا و تركيا بس العرب لع :ShababSmile108:

يعني اخي مشان الو 4 سنين بدرس في مصر مكتوب في جوازو فلسطيني مصري ههههههههههههه يعني مختلط :ShababSmile237:

عنجد والله مكتوب هيك ههههههههه :ShababSmile221: بس معو هويه فلسطينه من السلطه :ShababSmile250: بس مصري فلسطيني سبحان الله :haha1: