عربي غربي

[ابو جروح]

طولت بغيــابك مـأي لف
ترجع لنــا ثاني آي هوب
بسبـــابك آي كانت سليب
النوم مــا جاني أت نايت
واعطف على أحبابك كم هير
عليك ولهـاني ماي هارت
واصبر على حسابك آي ويت
تصبر على شاني يو مصت
يالترف خطــــابك رفيوز
تنســـاني آي كانت بليف
يا حظ من جــابك أت لاست
ثم عــاش وحداني أت هوم:icon26: :icon28:

[ياسر]

سلام الله على من هو نزل دمعـه علـى خـده
بكى خشية عذاب الله وضيـق القبـر واهوالـه
وسلام الله على شيخ(ن) على الماضي كثر وجده
كبير السن وعاش بجيل مخالف عـادة اجيالـه
وسلام الله على صوت(ن) يدوه لمقفـي ويـرده
بدوي(ن) يتبع المربـاع فـي حلـه وترحالـه
وسلام الله على قرم(ن) بناء صيته بفعـل يـده
كريم والجود به عـاده وفعـل الخيـر يسعالـه
وسلام الله على من هو خوي اليسـر والشـده
خوي(ن) يالفاك الضيم يجـي ويضلـك ضلالـه
وسلام الله على من هي تربـي الابـن وتعـده
ليوم(ن) لاغـدا رجـال تفاخـر بـه بأفعالـه
وسلام الله على بنت(ن) حياها فاق عـن حـده
مع حشمه ومع شيمه وعلى الاسـواق ماتالـه
سلام الله عليهم عد وبـل(ن) ماحصـي عـده
وعدد خلق(ن) خلقـه الله باأنواعـه واشكالـه
هذولاء وين ابلقاهم وزمنهـم فـات لـه مـده
وبواقيهم كبيـر السـن وتبـروا منـه عيالـه
عليهم رحمة المولـى عسـى يكسيهـم بـوده
عظيم الشان سبحانه يجـازي الكـل بااعمالـه
زمنهـم روح وعـدا ولالــه رجـعـه ورده
زمان(ن) ماكساه الـذل عزيـز بعـزة رجالـه
هنـا ابـو(ن) مخلفهـم وكـد وخلفـوا كـده
هذاتا اللي يقال انـه اسـد تطلـع لـه اشبالـه
ولدهم نصرة المظلـوم ياقـف للظلـم ويصـده
ولدهم مايخيـب اللـي نصـى بيتـه وتعنالـه
ولدهم ماعتنى بشكله خشن مع حزم مع شـده
ولا بالبنـت يتشبـه ولا اهتـم بدلـع حـالـه
ولدهم مالبس الجنز ولا مكيـج طـرف iخـده
ولا قص الشعر تقليـد شعـر مايكـل وامثالـه
ولدهم ماسهـر ليلـه غـزل وهايـم بوجـده
ولدهم مانـزل للسـوق يقطـط رقـم جوالـه
ولدهم مالبس ثـوب(ن) ماهـو ثوبـه ولاقـده
عزيـز النفـس مابـدل ثيابـه يقلـد حثـالـه
ولدهـم حامـي لدينـه ديـن ابائـه وجــده
ولايرضـى بغيـر العـز لدينـه بكـل احوالـه
ولدهم مارضي بالعار ولو جيـش الامـم ضـده
ودونه يرخص الغالي ويرخص روحـه ومالـه
الا يالي رجـال بحـق زمنكـم راح مـن مـده
ورسخ ذكر(ن) لكم باقي طويل الوقـت مازالـه
وبزمنا الرجال بحـق قليـل اللـي نبـي نعـده
زمان اليوم شاف الـذل بفعـل وذلـت عيالـه
نشوف الـذل ونتجاهـل ونظرنـا عنـه نلـده
نبي نجهل حقايق شعب عليـم الله فـي حالـه
بنات(ن) ينتهك عرضه ولا له حـول فـي يـده
وابـو مكتـف الايـدي وبناتـه تهتـك قبالـه
وبنت تفجر بنفسـه مـن الضيـم الـذي حـده
وام(ن) ذايبـه كبـده تشاهـد مقتـل اطفـالـه
وطفل(ن) صاح وين امي؟ يايمه عجلـي الـرده
ولانه من العرب ماتت ولااحد(ن) قـد تعزوالـه
رجال مـن اعـز امـه تهـان وينوطـا خـده
وبنات من اعز امه سلب عرضـه مـن حثالـه
الا يأمة(ن) عزة قـرون(ن) واعتـلاء مجـده
الا يأمـة(ن) عـزة بعـز وغـيـرة رجـالـه
وهنتـي مـن فعايلنـا وعـزك حنـا انـهـده
يكفـي شوفنـا للـذل ونغنـي لالـه ولالــه
وحنا الموت قافينـا ولـو طالـت بنـا المـده
ونبي نلقـاء فعايلنـا ويجـازا الكـل بافعالـه

ياسر منصور