رحلتي ع نابلس :) بعد غربة 7 سنين :(

[شموخ انسان]

الصلام عليكو

مسا الانوار

كيفكم يابشر وكيف رمضان معكم؟

هاد يا جماعة الخير

الاسبوع الماضي كنت في الدار كاعد وزهكان

شوي الا التلفون برن

ابوي

بقولي عليك دروس

حكيتلو اه الساعة 8:30

سألتو عاوز اشي يعني

حكالي تروح ع نابلس

قولتلو يس يامان

انا الي بروح :ShababSmile226:

والله ولبست وجهزت حالي واتعطرت وحطيت هالهوية بالجيبة ومية شيكل في التزدان

واجا ابوي في السيارة طبعا كان يومها مرخصها لسا جديد يعني

والله وطلعنا ووصلنا في ربع ساعة والحمدلله الطريق مسهلة

اول ما فتنا نابلس شفت جامعة النجاح

الله اكبر ما اكبرهااااا :ShababSmile237:

وجمبها سجن الجنيدي وهالحراس في كل مكان :ShababSmile248:

والله واحنا مسرعين في هالسيارة والا يطلعلنا مطب في الشارع

الا المطب ارتفاع عمارة من كثر ما هو عالي

الا صاحب ابوي بقول هاد خصوصي معمول هههه

كال عشان في سكن طالبات عند الجامعة والشباب طول ليلهم بفحطو :ShababSmile239:

الموهيم

خشينا نابلس والله وصفينا السيارة عن قرابة صاحب ابوي

الا جمبهم في واحد ببيع عصير رمان

قربت عليه وقلتلو زي هالزلام..حطلك قنيتين

بلش يعصر

سألتو كديش القنية

الا بحكيلي 20 شيكل

هههههه

حسيت حالي بسة ..قولتلو قنية وحدة بالله عليك

الموهيم وخشينا ع السوق في البلدة القديمة على ما اظن

والله وبلشنا نلفلف في هالحارات

الا كل حارة بلد من كثر ما فيها حارات نابلس والله طلعت كبيرة

واشترينا كنافة وعصائر خروب وجوافة ومش عارف شو يمكن 10 قناني هههه

واشترينا خبز

بس شفتلكم واحد حاطط خبز ع باب المخبز

علي زي السمسم الاسود

شكلو زاكي :P

الموهيم والله ولفينا شوي

بس للاسف تأخر الوقت وقرب يأذن المغرب

لانا طلعنا الضهر

بس اتكسرن رجلي من كثر المشي

بس احلى طلعة

اخر مرة فتت نابلس قبل سبع سنين

بس تغيرت كثيييييير

كثير متغيرة والله

بس حلوة :ShababSmile229:

بس تخافوش

اول ما تطلع الرخصة بصير كل يوم هناك :ShababSmile250:

بايووو :ShababSmile240:

[سنيورت فلسطين]

مبارك عليك الطشه يلا يا عمى اكيد كيفت وانبسطت بس صحيح وين الهدايا ولا حالئلنا

[شموخ انسان]

هههههههههههه

الله يبارك فيكي

خلص معناتو بكرا كل المنتدى معزومين عندي ع الافطار

هلا خيتي منورة

[إيمـان]

يآعيني يآعيني طيب كآن ع الكليل جبت النا كنافه :ShababSmile108:

بديش مش راضيه الا بكنافه :ShababSmile226::ShababSmile226:

يآعيني يآريتني آززور نآبلس آهم شي آنبسطت آحمد :ShababSmile237:

[شموخ انسان]

ههههههههههه

له يابنت

ع حسابك ول هسا احلى صدر كنافة

بس والله انبسطت

الي زماااان عنها

[إيمـان]

بدي آيآهآ تمط مط من كتر الجبنه :ShababSmile221:

^^

اللله يسعدك يارب

[شموخ انسان]

ههههههههههه

صبحتي رايكة بشوف

طيب ماشي

هسا بوديها مع الحمام الزاجل :p

[انس 1988]

مبروك الطشة وشمة الهوا اخوي هههههه
والله نابلس بتجنن ...رحتها قبل سنتين مع ابن خالي ...لما بكيت بفلسطين
احلى شي البلدة القديمة ( السيابيط ) يا الله شو بتجنن وما اكبرها ...لا واكلنا قطايف يوميتها (ما كان رمضان ) ازكا قطايف دقتها بحياتي .....يسعد الله ما احل نابلس ...وفلسطين كلها
اااااااخ شو مشتاااااااااااااااق

[PaLeSt!Ne SouL]

علي زي السمسم الاسود

يمكن حبة البركة


الموهم بتخيل شكلك لما عرفت انه العصير ب20 شيكل ههههه

قول امنيح انه كان معك فلوس اصلا


الله يسعدك دايما و تروح عليها

و تبقى بيوم تاخدنا معك :)

[Maram .. ~]

ههههههههههههههه خطيير والله

اهم شي المطب الي زي البرج

و الاهم سبب وجود المطب ههههههههههههههه

يسلمو شموخ عالرحلة

المرة الجاي خودنا ع غزة :(

[عاشقة أرض جنين]

آآآآآآآآآآآخ الله يطعمنا زي م طعمك

[القلب النابض]

الله يسامحك يا زلمة كان فطرناك عنا :)

راحت عليك شفت نابلس شو حلوة وخصوصي باليل وما ازكى الكنافة وخصوصي عن الاقصى بعشقها انا :(

شو احكيلك بس لو صورت كان احلى واحلى

[فلسطينيه48]

أه والله حلوه نابلس كتيرررررررررررررررررر أجيتها مرتين
بس أنت من وين

[§عاشقة غزة§]

هههههههههههه

الله يبارك فيكي

خلص معناتو بكرا كل المنتدى معزومين عندي ع الافطار

هلا خيتي منورة
لا لا لا هيك ما ينفعش ياعم:ShababSmile227:
بدناش عزومة مراكبية :ShababSmile116:
العزومة راح تكون
في عزومتنا الرمضانية
مباشرة بعد عزومة شهيد
يلا مبروكة عليك الفسحة
نفسي مرة اذوق عصير الخروب:ShababSmile111:
ما بيعملوه عندنا