// حديث بين ريتّا ونمّولة //

[.. ريتّـــا ..]

السلام عليكم ورحمة
الله وبركاته


قبل ما أبدا موضوعي
بدي أعرّفكم على صديقتي الجديدة


نمّولة

http://files.shabab.ps/vb/images_cash/up15/120510175534y6CJ.gif






أكيد هلأ بتسألو حالكو كيف تعرّفت عليها :ShababSmile116:


هادا يا طويلين العمر وأنا ماشية بأرض خضرا شفتلكو تجمّع نمل
غاظني بصراحة كثرتهم ، ووقفت أتفرّج عليهم
بس إستفزّوني لدرجة
فقررت أقتل كم نملة منهم
وأشوف ردة فعل الشعب كيف

http://files.shabab.ps/vb/images_cash/up15/120510175536vE1g.jpg



إلّا هيّ هالنملة بتصرّخ عليا وبتقولّي
هيييييييه ! إنتي عميا ولّا مبتشوفيش؟

والله أنا ضحكت من كل قلبي
وقلتلها:
مالك ولي! بدي أقتلك عندك مانع؟

قالتلي:
والله حرام عليكي :(

هان أن تراجعت شويّ ، وقلت لنفسي كيف بعمل هيك
واستغربت كتير إنو نملة بتحاكيني !!
فرقّقت صوتي شوي وقلتلها:
إنتو شو بتعملو هان؟

قالت لي:
وقّفي مشان الله ، إحنا عوائل بريئة
معملنلكيش إشي عشان تقتلينا :(

هنا أنا رأفت شويّ
وحبّيت نصير صحاب أنا وهيّ :icon26:



.

.

~


رح أكمّلّكو قصتنا بعد شوي :ShababSmile116:

[.. ريتّـــا ..]

من يوم ما صرنا صحاب
حصل بينّا كتير نقاشات لإني كنت كتير مستغربة من حياة النمل
وصحبيّتي النمّولة كمان قعدت تستفسر عن البشر وحياتهم
والله النمل ماخد عنا فكرة كتير بشعة
مش عارفة لو إحنا اللي معطيينهم هالفكرة عنا ،
ولّا همة بشوفونا هيك لإنا أكبر منهم بالحجم أضعاف أضعاف

وهاد حديثنا الأخير:

إي .. كيفك نمولتي؟
نمولتك؟ الله يرحم ههههه
ههههه .. سامحيني عاد بعرف قلبك كبير
يا ريت كل البشر قلبهم كبير زي قلبك
ليش؟ والله في منّا المنيح .. وفي منا العاطل
لأ إنتو 99.99% منكم مش منيح ، لأ حتى كلكم .. بس إنتي طالعة طفرة يا ريتا
أنا؟ هههههه .. ليش بتحكي هاد الحكي يا نمولتي؟ إحنا إيش عاملينلكو؟
شو عاملين؟ :( كل هالإجرام وشو عاملين !! :(
يكفي هالبف باف اللي دبحتو الشعب فيه
إي أكيد نمولتي بدنا ندبحكم ، لإنكم أذيتونا
لو سمحتي احترمي نفسك ، ومتستخدميش أسلوب الهجوم
إحنا فحالنا وإنتو اللي بتقتلونا بدون أي ذنب
طيب أنا آسفة مش قصدي .. بس إنتي بتستفزيني
طيب خلص سامحتك .. بس ممكن تقوليلي شو اللي ضايقكو فينا إحنا النمل؟
أنا بقولك .. لو إجينا ننام وجمبينا كاسة فيها شاي ، بنصحى نلاقيكو عاملين هجوم جماعي عليها
بالمطبخ .. فتافيت الخبز مشطركو في سرقتها
وأحياناً بنلاقيكو بالفرن
وأحياناً فوق المغسلة
حتـّــــــــى بالصالة مكان ما بنستقبل الضيوف !!
مش عيب كل اللي بتعملوه هاد؟ آآى؟ .. مش عيب؟
امممم أسفين :ShababSmile250: بس إحنا بندوّر ع مصدر رزقنا وعيشتنا قبل ما يجي الشتا
زي كل البشر اللي بدوّرو ع رزقهم
آآى بس إحنا بشر مش نمل
يا ريتّا يا حبيبتي ، كل كائن بهالوجود الله كاتبلو رزقه ، إنتي إيش حارق رزّك؟ ولّا عشانا صغار بالحجم مش ماليين عينك؟ :(
مش قصة مش مالية عيني .. بس يعني .. حشرة صغيرة
ما إلك أثر بالوجود
أنا ما إلي أثر بالوجود؟ يا بشر يلّي الله كرّمك بالعقل ،
أنا أثري موجود ، وأكتر ما بتتصوري كمان .. إحنا إنذكرنا بالقرآن ، وفي سورة سممها النمل
وإنتو عاملينلنا أفلام كرتون كتيرة ، وألعاب فيديو
تنكري؟؟
لأ منكرش ولا بأكّد بس أنا مبتفرجش على أفلام كرتون بصراحة
بس أنا بعرفلكوش إلا هادا :ShababSmile226:
http://www.tt2b.com/vb/image.php?u=1776&dateline=1280107373


ها ها ها ها ها
ييييييه ملقيتيش غير هادا !!
طب شوفي هالمقطع عشان تعرفي مين اللي كان مجنّن التاني :ShababSmile116:

http://www.youtube.com/watch?v=siZJRMm9VyE


هههههه إي والله صادقة
إخص والله صحيح إنكو مساخيط ، بس مش قليلين :ShababSmile226: :icon26:

طيب يا نمّولة
بما إنك ضيفتنا في شباب فلسطين اليوم
هاد المنتدى تبع البشر اللي قلتلك عنو
شو رأيك نحكي عن عالم النمل بشكل علمي شوي
عشان نفيد الأخوة ، ويمكن يحبوكو ويقدروكو أكتر من أول :icon26:

أوك أنا تحت أمرك وتحت أمر شباب فلسطين :ShababSmile229:
بس خلّيني شوي أروح ألبس شي حلو قبل اللقاء

ههههه حتى إنتي؟!
طب يا ستي روحي إلبسي ، بلكي تلاقيلك عريس منهم :ShababSmile222:

[.. ريتّـــا ..]

نمّولة أنا عندي سؤال في راسي مش راضي يحل عني
ليش دايماً بتحطو هالحركات حولين بيوتكم؟

http://files.shabab.ps/vb/images_cash/up15/1205101755372wLk.jpg



أنا أقولك يا ريتّا
أول شي بدي أفيدك بمعلومة إنو بيوتنا بنسميها " مستعمرة "
والرمل اللي بتشوفيه حولين البيوت ، هادا بالأساس بيكون داخل البيت وإحنا بنحفره
وإحنا بنسويه بشكل دائري اعتقاداً منا إنه سور لقلعتنا :ShababSmile250:

أها معلومة حلوة ،
بس كيف شكل البيت من جوة؟

سؤال حلو ، ودايماً الناس عندها اعتقاد إن بيوتنا من الداخل هيّ مجرد حفرة وبي
إحنا عنا غرف داخلية ، وعنا ممرات وسكن ،
وتصميم مستعمراتنا فن إنتو البشر ما بتقدروش عليه :ShababSmile226:

سبحان الله ، بس كيف في تقسيمات داخل بيوتكم؟

اممم ، أحياناً بالمستعمرة الوحدة ممكن تلاقي فوق الـــ 10 ملايين نملة
عشان هيك بيت النمل مقسم لغرف صغيرة
وفي غرفة خاصة للملكة
وغرف بنستخدمها زي مخازن للأكل
والنمل عنا مقسك لمجموعات ، كل مجموعة عارفة شغلها كويس
في نملات مسؤولات عن الحراسة ، وفي مسؤولات عن التنظيف ،
والبعض مسؤول عن الفلاحة ، ومنا الفرسان ، وفي نملات كسولات كمان

طيب عندي سؤال
نبيّ الله سليمان ، شو قصّته مع النمل؟

إقري هالآية
http://files.shabab.ps/vb/images_cash/up15/120510175539i8c8.png


وشوفي القصة كاملة هان

http://www.youtube.com/watch?v=dOGCqR5f6JQ


يااااا سبحان الله :icon26:
إنتو متواجدين بس عنا ولا بكل مكان؟

إحنا يا عزيزتي موجودين في كل الكرة الأرضية
ما عدا قارة أنتاركتيكا والقطب الجنوبي .. ما فيهم ولا نملة

طيب إنتو بمستعمراتكم ، كلكو نمل ولا عندكو تقسيمات وطبقات؟

وطّي صوتك لتسمعنا الملكة والله بتجلدنا :ShababSmile233:
إحنا زينا زيكو
عنا ملكات وعنا عمال وعنا وزراء
وناس شغلهم الحفر ، وناس بجيبو الأكل
بكفّي إنك تشوفي أشكالنا وإحنا بنمشي
نادراً ما تلاقي نملة ماشية لحالها
دايماً بنمشي جيش مع بعضنا
بينّا تناسق وتفاهم وخطة عمل كمان

يعني إنتو تقريباً زي النحل بالتقسيم ..

آآى تقريباً .. وللمعلومية ، إحنا ننتمي لرتبة غشائيات الأجنحة
هاي الرتبة تشمل كمان الدبابير والنحل والذباب

امممم !!
متى نشأ النحل؟

نشأ يا حلوة في العصر الطباشيري من أكتر من 110 مليون سنة

سبحان الله
طيب في أنواع للنمل؟ أنا بشوف في منكم لونه بني في أحمر في أسود ، وفي منكم صغير وفي كبير !

آآى أنواعنا كتير
عنا أكتر من 12000 نوع
بس بدّي أقولك عن الأنواع المشهورة منا :ShababSmile116:

النمل الأسود الكبير
http://files.shabab.ps/vb/images_cash/up15/120510175540mZaN.jpg

هذا النوع اللي يقرص وقرصته مؤلمة جدًا ، وأحسن حل لها ثلجة مباشرة بعد القرصة توضع على المكان
وهالنوع مايموت بسهولة لأن جسمه أقوى من اجسام باقي النمل
وللمعلوميه هالنوع دائماً يمشي كل فرد لحاله عكس باقي أنواع النمل


النمل الأحمر
http://img.naseej.com/images/News/world/282318_300821k.JPG

وهادا تاني الأنواع إنتشاراً ، وفي منه فئة قاتلة
وتكثر هالفئة في أمريكا
على فكرة كمان ، الصينيين بيستخدمو هالنوع من النمل في العلاج الشعبي


النمل العادي
http://files.shabab.ps/vb/images_cash/up15/1205101755405IRa.jpg

هادا اللي أنا منه :ShababSmile226:
وهادا النوع هو الأكثر إنتشاراً في العالم

وفي أنواع كتيرة ، زي ما قلتلك منها القاتل ومنها اللي يطير
منها الأبيض ومنها الناري
وأسماء وأشكال كتييييييييييرة

هادي بعض الأنواع
http://files.shabab.ps/vb/images_cash/up15/120510175541xQ5u.jpg






برب يا جماعة
اللي بردّ بقرصه :ShababSmile226:

[.. ريتّـــا ..]

طيب شو دور الذكور عندكم؟ أنا بسمعك بتقولي نملة .. ملكة .. ما جبتي سيرة الذكور
عندكم ذكور بالعيلة؟

على فكرة تقريباً جميع مستعمرة النمل إناث :ShababSmile226:
الإناث بالمستعمرات نسبتها 95%
والكور دورهم محصور في التزاوج والتلقيح مع الملكات بس
وخديلك هالمعلومة ، الذكر بعد إجراء عملية التزاوج والتلقيح يموت :ShababSmile226:

شو !!
شكلي حقلب زلمة وأطالب بحقوق الذكور عندكو :ShababSmile227:

إسكنّك زلمة تعالي :ShababSmile226:

هاه؟
لا أصلاً أنا بحبكم :icon26:
>> من خاف سلم
طيب بالنسبة لوضع البيض والولادة والتكاثر .. كيف؟

عادة الملكة هيّ المسؤولة عن الخلفة :ShababSmile222:
بس ملكة النمل تختلف من نوع لآخر
ملكة النمل الأفريقي تضع بالشهر على الأقل 4 ملايين بيضة :ShababSmile226:
وغالباً الإنتاج يكون من الإناث
وسلالة الإناث أضعاف أضعاف الذكور

أها :ShababSmile239:
طب كم تصل أعماركم؟

الملكة غالباً تكون معمرة
وبيوصل عمرها لفوق الــــ 20 سنة

اممم .. طيب بينكم مشاكل؟ يعني تصير حروب بين قبائل النمل؟

آآى .. أحياناً بصير هجوم من القبائل الأخرى
والهدف دائماً الأكل والمخازن
وعلى فكرة ، عنا نظام أسرى وحروب
ومعلومة تانية .. يمكن كتار لاحظوها
النملة الميتة لا تُترك بمكانها
دائماً النملة الميتة بيحملوها أصحابها النملات وبيرجعو فيها للمستعمرة

أها .. طيب أنا بلاحظ كمان إنكو أحياناً بتحملو شغلات أكبر منكو ! كيف؟

الله سبحانه وتعالى أعطانا قدرة للإستشعار بقروننا
فنقدر من هالإستشعار نحدد وزن وكتلة وحجم القطعة اللي بدنا نحملها
وأحياناً نتّحد نملتين تلاتة أو أكتر ونتساعد في حمل قطعة واحدة

طيب ما تحسّي إنّا طولنا ع الجماعة؟ المعلومات كتيرة .. هل نكتفي بهذا القدر يا نمّولتي العزيزة؟

والله معك حق .. بدناش نتقّل دمّنا ع الجماعة
لذلك رح أعطيكو هاد اللينك
وإنتو أقرو براحتكو لو حابّين :ShababSmile229:







طيب نمّولة رح نختم الموضوع هلأ
عندك كلمة أخيرة تقوليها لشباب فلسطين؟

آآى
بقولهم قول الله تعالى
{وَمَا مِنْ دَابَّةٍ فِي الأَرْضِ وَلا طَائِرٍ يَطِيرُ بِجَنَاحَيْهِ إِلاَّ أُمَمٌ أَمْثَالُكُمْ
مَا فَرَّطْنَا فِي الْكِتَابِ مِنْ شَىْءٍ ثُمَّ إِلَى رَبِّهِمْ يُحْشَرُونَ (38)}
(سورة الأنعام).

وهالآية بتدل على إنو كل صور الحياة الله خلقها في تجمعات شبيهة بالتجمعات الإنسانية
كل مخلوقات الكون بتبدا بأب وأم ، وبتربطهم حياة واحدة

وقال ابن كثير:
أَيْ أَصْنَاف مُصَنَّفَة تُعْرَف بِأَسْمَائِهَا. وَقَالَ قَتَادَة الطَّيْر أُمَّة وَالْإِنْس أُمَّة وَالْجِنّ
أُمَّة وَقَالَ السُّدِّيّ " إِلَّا أُمَم أَمْثَالكُمْ " أَيْ خَلْق أَمْثَالكُمْ

يعني باختصار محدّش يستهزيء فينا :ShababSmile226:

هههههه لا والله بعد هالشرح عمري ما أستهزيء فيكي يا صديقني النملة :icon26:
وحتى أصحابي بشباب فلسطين حيصيرو يعملو زيي :ShababSmile116:





والحمد لله تمّ الموضوع بعد ساعات من البحث والتنقيب
والتجميع وإعادة الصياغة والترتيب والبحث عن الدلائل والصور والفيديوهات

الموضوع هاد بمناسبة شهر رمضان ، كل عام وإنتو بخير
ومقدّم هدية خاصة لصديقة خاصة جداً
هيّ بتتابعنا من خلف الأسوار
وأتوقع منها بيوم من الأيام تسجل معنا
هالموضوع هدية لعيونك أسوم :ShababSmile116:








برعاية

http://www.oldamasc.com/vb/uploaded/4_1209627312.jpg



:ShababSmile222:

[دموع الغربة واشواق العودة]

يآي ..
شو هالمشآعر هآي ..
النمل بخآف ع بعض وبحبو بعض ..وإحنآ ..
عجبتني ..
يلآ بنكمل معك ..
..^.^..

[.. ريتّـــا ..]

الموضوع خلّص عزيزتي ^^
أهلا وسهلا فيكي :icon26:

[§عاشقة غزة§]

طريقة سردالموضوع رائعة
ومقدمة فيها من التشويق والاثارة
ذكرتيني بمحادثاتي مع صندوقي العجيب دودي
ايام الله
ومرسي ع المعلومات الرائعة
والموسوعة الكاملة ع النمل
ماشاء الله عليك
وشكله راح نصير كثير أسوم بالمنتدى :ShababSmile116:

يعطيك الف عافية
ع الموضوع الشيق
بس اضن انسب قسم اله كنوز المعرفة

[القلب النابض]

ريتا شو هيدا يما :)

شوي برجع اتمعن قراتو جززؤ بس رح كمل اكييد

يخليلك نمولتك يارب

[.. ريتّـــا ..]

عاشقة غزة ،
هوة شكل كل الأسومات مميزات ومحبوبات :ShababSmile116:
أنا مرضيتش أحط الموضوع في كنوز المعرفة لإنو
مرتادي القسم بكونو بدوّرو ع معلومة موثقة أو تقارير معينة ممكن يستخدموها بأبحاث أو هيك شي
لكن موضوعي بسيط بأسلوب عامّي وبيجمع بين المعلومة والترفيه .. مش المعلومة فقط
هاد كان السبب إني حطيته بالعام
وبيني وبينك أنا حاطة عيني ع القسم *_^


القلب النابض ،
أهلا وسهلا فيكي بكل وقت :icon26:

[القلب النابض]

يسعدو يا ناس

[.. ريتّـــا ..]

ههههه ويسعد قلبك حبيبتي :icon26:

[ع’ـبير]

برعايـهـ بف بـآف
:ShababSmile237:



غير لتقوم بينكـ الحرب
العالميـة الـ3 أنت و نمولـة
:biggrin:

لـآ بجد عجبتني المعلومـآت
ملخصـة و مفيـدة هلــء يـآ مس ريتـآ
صرت أعرف أنو في أكثر من 10 ملآين
نمـولهـ جوهـ مستعمرآت النمـل و فيهـآ النوع
الخطيـر و بقوموآ بإستشعـآر الأشيـآء
قبـل حملهـآ
و أكتر شي عجبني الفيديو تـآع
العريفي سبت المقـآلة و رحت أكملـو
:ShababSmile222:

لـآ مزح كملت المعلومـآت للأخر
و صرت أعرف كمـآن أن الذكور هنـآك
مأكـول حقهم و بقـوووة كمـآن
:ShababSmile111:

مـآ شـآء الله عليكـٍ
مـآ ننـحرمـ ... =)

[حسام المصرى]

الموضوع جميل بشكل لا يوصف ..

يخليكى عايزة تكملى تقريه من كتير جماله ..

معلومات كتير قرتها أول مرة اقراها ..وكان من ضمنها حكاية ان النملة ممكن يكون عندها 20 سنة .. وحكاية الحروب دى ..
كمان فعلا بلاحظ لما أقتل نمل وأجى بعد شوية بيختفى ..

عن جد سبحان الله سبحان الله له فى خلقه حكم .. لعلنا نتعظ نحن البشر ..

النمل الأسود صعب فعلا .. مرة واحدة قرصتنى ايديا ورمت ورم غير طبيعى .. كنت نايم .. معظم النمل فى مناطق زراعية .. الأسود ..

كمان الشيخ العريفى عجبنى ..

بس كنت بدى أعرف هل قرصة النملة مفيدة .. ولما بتقرص بتمص دم ولا بيكون غرضها ايه ..
وإيه الأكل المفضل للنمل .. ؟؟

وعدد أرجلهم ..

عن جد ريتا مواضيعك منسقة .. استمتعت جدا بس لو كنتى تغيرى اللون الباهت ..

ياريت الموضوع يتثبت فى قسم المعرفة ..

وبنتمنى صاحبتك .. تدخل

[حسام المصرى]

نسيت أحكى ..

النمل صعب عليا أوى ..

بس بلاحظ حاجة ..

لما أجى أضربهم .. وبيكونوا شايلين أكل ..

المفروض اللى شايلة الأكل ترميه عشان بيبطئ حركتها .. لكن ده مبيحصلش ..

كمان لو ماشيين قصاد بعد .. لازم الأول يقفوا لحظات من الثانية أدام بعض بعدين كل واحد بياخد طريق بس بلاحظ أنهم مش بياخدوا نفس الطريق

وده معناه أن فى اللحظة دى بيحصل تواصل بينهم ان واحدة تدخل يمين والتانية شمال..

بجد سبحان الله

[Maram .. ~]

:ShababSmile237:

حبيت هالـ نمولة والله :ShababSmile221:

>> المرة الجاية صآحبي صرصور مآشي ؟ هههههههههه

موضوع بجنن ^^

استمتعت بقرآءته ^^

[.. ريتّـــا ..]

عبّورتي الصغيرة ،
لأ صرنا صحاب أنا ونمّولة بس نسلم منك وخلص :biggrin:
منحرمش منكـــ يا رب
وشاكرة جداً لتعليقك http://shabab.ps/vb/images/icons/icon14.gif



باش مهندس حسام ،
بالنسبة لقرصة النملة .. إنت خليتني أبحثلك عن الإجابة
واللي تبيّنلي إنو آآى فعلاً قرصة النملة مفيدة
دي بتنشّط الدورة الدموية ، وبتزيد عدد كرات الدم الحمراء
ودة بيخلّي جسمنا أنشط وحيوي أكتر
وبتنقل إشارات حسية للدماغ ، فاللي بيحصل دة بينشّط الخلايا العصبية اللي فــ دماغ المقروص
وليها فوائد كتيرة ممكن تقراها هنا
http://www.badr1.com/vb/showthread.php?21227-%D8%B3%D8%A8%D8%AD%D8%A7%D9%86%D9%8 7-..-%D9%82%D8%B1%D8%B5%D8%A9-%D8%A7%D9%84%D9%86%D9%85%D9%84%D8%A 9-%D9%85%D9%81%D9%8A%D8%AF%D8%A9 (http://www.badr1.com/vb/showthread.php?21227-%D8%B3%D8%A8%D8%AD%D8%A7%D9%86%D9%8 7-..-%D9%82%D8%B1%D8%B5%D8%A9-%D8%A7%D9%84%D9%86%D9%85%D9%84%D8%A 9-%D9%85%D9%81%D9%8A%D8%AF%D8%A9)-..!!!!
وأتوقع إن غذاءها المفضل هوّ ورق الشجر ،
لإني وأنا بحضّر للموضوع شفت فيديو بيتكلم عن كدة
بس مرضتش أحطو علشان متصيرش عجقة كتير
في نمل وظيفته زراعة أنواع معينة من النباتات ، وبيستناه لما يكبر
علشان يقطف أوراقه ويخزنها للشتا
وبالنسبة لعدد أرجلهم .. أنا كنت شفت صورة لتركيبة جسمهم
ودوّرتلك عليها تاني ولقيتها أهوه

http://files.shabab.ps/vb/images_cash/up15/120510180024JwLA.png


من الصورة واضح إن ليها 6 أرجل
بس دي النملة العادية
يمكن والله أعلم كل نوع بيختلف عدد أرجله عن التاني
دي مفتيش فيها روح دوّر ع الجواب بنفسك ههههه
وربنا يكون في عون الدكاترة اللي بيدرسوك
دنتا كان المفروض تدرس بيولوجيا مش هندسة :ShababSmile222:
نورت يا باشا http://shabab.ps/vb/images/icons/icon14.gif



مرام ،
صاحبيلنا إنتي صُرصار وجيبي أجلو
فصفصيه خليه يقولنا معلومات عنه هههه
ولو مش عايزة أشوف أنا بقى يوم كدة يكون جاي على بالي وأعمل بحث عنه http://shabab.ps/vb/images/icons/icon12.gif
نورتي يا قُطّة http://shabab.ps/vb/images/icons/Shabab7.gif

[tUlip]

ريتــــــــــــــــــــــــا !!
شكرا الـكـــ ح ــبيبتي <3
لقد عرفتي رأيي مسبقاً في الموضــوع
وطول و أنا بقرأ بحكي "سبحان الله " .. كتير استفدت معلوماتياً :p وطريقة العرض مشوقــ ة
والاسلــوب رائــ ع ;)

والشكــر موصول لباقي الأعضــاء للترحيب :))

[حسام المصرى]

عبّورتي الصغيرة ،
لأ صرنا صحاب أنا ونمّولة بس نسلم منك وخلص :biggrin:
منحرمش منكـــ يا رب
وشاكرة جداً لتعليقك http://shabab.ps/vb/images/icons/icon14.gif



باش مهندس حسام ،
بالنسبة لقرصة النملة .. إنت خليتني أبحثلك عن الإجابة
واللي تبيّنلي إنو آآى فعلاً قرصة النملة مفيدة
دي بتنشّط الدورة الدموية ، وبتزيد عدد كرات الدم الحمراء
ودة بيخلّي جسمنا أنشط وحيوي أكتر
وبتنقل إشارات حسية للدماغ ، فاللي بيحصل دة بينشّط الخلايا العصبية اللي فــ دماغ المقروص
وليها فوائد كتيرة ممكن تقراها هنا
http://www.badr1.com/vb/showthread.php?21227-%d8%b3%d8%a8%d8%ad%d8%a7%d9%86%d9%8 7-..-%d9%82%d8%b1%d8%b5%d8%a9-%d8%a7%d9%84%d9%86%d9%85%d9%84%d8%a 9-%d9%85%d9%81%d9%8a%d8%af%d8%a9-..!!!!
وأتوقع إن غذاءها المفضل هوّ ورق الشجر ،
لإني وأنا بحضّر للموضوع شفت فيديو بيتكلم عن كدة
بس مرضتش أحطو علشان متصيرش عجقة كتير
في نمل وظيفته زراعة أنواع معينة من النباتات ، وبيستناه لما يكبر
علشان يقطف أوراقه ويخزنها للشتا
وبالنسبة لعدد أرجلهم .. أنا كنت شفت صورة لتركيبة جسمهم
ودوّرتلك عليها تاني ولقيتها أهوه

http://files.shabab.ps/vb/images_cash/up15/120510180219Flno.png


من الصورة واضح إن ليها 6 أرجل
بس دي النملة العادية
يمكن والله أعلم كل نوع بيختلف عدد أرجله عن التاني
دي مفتيش فيها روح دوّر ع الجواب بنفسك ههههه
وربنا يكون في عون الدكاترة اللي بيدرسوك
دنتا كان المفروض تدرس بيولوجيا مش هندسة :shababsmile222:
نورت يا باشا http://shabab.ps/vb/images/icons/icon14.gif



مرام ،
صاحبيلنا إنتي صُرصار وجيبي أجلو
فصفصيه خليه يقولنا معلومات عنه هههه
ولو مش عايزة أشوف أنا بقى يوم كدة يكون جاي على بالي وأعمل بحث عنه http://shabab.ps/vb/images/icons/icon12.gif
نورتي يا قُطّة http://shabab.ps/vb/images/icons/shabab7.gif

بحب فعلا البيولوجى .. والهندسة برده

العلم مفيهوش تجزئة

شكرا ريتا على الإفادة

[.. ريتّـــا ..]

عفواً أخي ،
وأهلاً وسهلاً بك دوماً :)

[Anonymous Gril]

أعجبتني القصــ ة ،،

وأعجبنتي طريقــ ة السرد ،،

وحلـــوة المعلومـآت ~

[PaLeSt!Ne SouL]

امم ع فكرة قرأت نص الموضوع قبل


توي كملته

وين عدد رجيلن نمولتك ريتا !

بالرسمة الاولى و الكرتون 4
و باقي الصور 6

شو عرفني انه نملة بده ياسين :p


لا بجد انبسطت معك انتي و نمولتك

الموضوع لزيز بسهولته و صياغته

و مبين متعوب عليه

نيالها اسوم فيكي *_^

تسلمي يا حلوة

[.. ريتّـــا ..]

نور ،
شكراً ^^


أسوم ،
الله يسلمك يا قمرة
بالنسبة لعدد رجلين النملة العادية ذكرته بالرد رقم 16
شكراً لإنك رفعتي الموضوع تاني ،
عشان بدي أرجع أقراه
>> بحب أقرا مواضيعي p:

[Dr.Yaso]

كل مرة بشوف بتوقيعك العنوان و بؤول بدي ادخل الموضوع

و بنسى ،، هيني شفتو هلأ بس أريت نصو وبرجع انشالله بكملو

بس اروح ..

يعطيكي العافية باين انك تعبانة عليه :)

وانشالله رفيئتك بتشوفو

واهم اهم اهم شي

الراعي الرسمي ههههههههههههههه

[PaLeSt!Ne SouL]

قرأت الموضوع بس بدون الردود !

راجعة له :)


هي كمان رفع

[.. ريتّـــا ..]

دكتور ياسو ،
ههههه
شكراً قمورة تسلمي ع الرد الحلو
رفيقتي شافت الموضوع وردت عليه كمان
اسمها بالمنتدى tUlip


أسوم ،
شكراً ؛)

[عاشقة أرض جنين]

موضوعك روووعة واسلوبك مشوق كتيير

يسلمو ايديكي وسلميلنا ع النموله اللطيفة