في كل صورةٍ حكاية ××فلسطيننـاَ في صـورهـ \\\ مع × ‏:: رأفــت ] :: ×

[عاشقة فلسطين..]

:)
كلهم اختيرو ما عدآ رماد الحب

خلص على بركة الله (ماد الحب)

:)))

[~ثــلــج~]

أوك

بالانتظار

[عاشقة فلسطين..]

إن شاء الله هلـأ بخبرهـآ عالـإهدآئآت :)

[إيمـان]

يبنستنآ رمــآد :)

مكنن تختــآرو دموع الغربه ,وآشوآق العودة :)

[عاشقة فلسطين..]

الذين يشاهدون محتوى الموضوع الآن : 2 ( الأعضاء 2 والزوار 0)
‏عاشقة فلسطين.., ‏رماد الحب+

هلا رماد نوورتي :))

[عين غزة]

موضوع كتييييييييييييير رائع

يسلموا اخي علي الموضوع

حلوا انوا كل شخص يتعرف علي بلد غيروا

ومعلش انا هيك متأخر علي الرد بالموضوع

لاني عضوة جديدة ولسه اجديد شفتوا http://hh7.net/Mar4/hh7.net_13003399061.jpg مركز تحميل صو%

[~ثــلــج~]

في الانتظااااااااااااار

[عاشقة فلسطين..]

في الانتظااار . . !

[~ثــلــج~]

طيب غيروو اسم الموضووع

[عاشقة فلسطين..]

غيرنآ :)

[~ثــلــج~]

خلـص ازا مر كمان يوم

الاحسن نختارو واحد تاني


لانو خلو الموضوع فيه حركـة 3 مرو وولا واحد اجاا

بـدنـآ واحـد نشـيـط وبدخـل يوميـآ

والشور الكـم:p

[جزائرية **فلسطينية]

موضوع كتير رائع اعجبني شكرا لصاحب الموضوع
بانتضار التالي...............

[سارة ’]

موضوووووع حلو كتير تسلم ..

ياا شموخ انسااان ع هالمجهوود الطيب ..

[~ثــلــج~]

رمااد تعالي هاان

[عاشقة فلسطين..]

زي مين؟؟؟

[~ثــلــج~]

رماد بتشيك ع المنتدى بس ما معها خبـر

حد ينبها تنتبه

استنو لبكرا المسا ازا ما اجت

اختارو عضـو متل بلاستين فلاور

أو ابو يقين مثلا

او اي حدآ

[عاشقة فلسطين..]

إن شاء الله :)

[اسد 22]

طولت ؟

[~ثــلــج~]

كتيــر !!

[عاشقة فلسطين..]

........!
الاخ ‏محمد 99
خبرو ليجي هون
حيا الله

[عاشقة فلسطين..]

........!
الاخ ‏محمد 99
خبرو ليجي هون
حيا الله

[إيمـان]

محمد ,,؟


وينج يمآ

[اسد 22]

وصلتلوا الخبر إن شاء الله لما بفضى ويشوف الرسالة بدخل على موضوعكم

[مُـحَـمَّـدٍ]

........!
الاخ ‏محمد 99
خبرو ليجي هون
حيا الله

هينى اجيتكو بلحمى وعضمى كمان:ShababSmile237:

شو بدكو منى :ShababSmile108:

حلو عنى ولا حد يقربنى بتفهمو :ShababSmile116:


الليله ان شاء المولى برد عليكو الان بدى اطلع على المزرعه سلام:ShababSmile236:

[~ثــلــج~]

ههههههه

طيب لليلـة ،‘

[عاشقة فلسطين..]

بالانتظار :)

[مُـحَـمَّـدٍ]

1. ما هي قريتك او بلدتك الأصلية ؟

[/quote]
غزةرمز العزة

2. صورة أو أكثر لبلدتك .

مش راضى يزبط معى احمل صور النت زى الزفت
بعدين كلكو بتعرفو غزة هههه

3. نبذة بسيطة عنها

غزة تعد أكبر المدن الفلسطينية من حيث تعداد السكان وثاني أكبر مدينة بعد القدس من حيث المساحة حيث أن عدد سكان المدينة وحدها بلغ ال500.000 نسمة وعدد سكان محافظة غزة إجمالا بلغ ال 850.000 نسمة، وبهذا فإن غزة تعتبر أكبر تجمع للفلسطينيين، وهي تشكل نسبة 60% من اجمالي سكان قطاع غزة الذي بلغ تعداد سكانه في عام 2009 ال 1.600.000 نسمة وتعد مدينة غزة العاصمة الثانية لفلسطين لأهمية موقعها الاستراتيجي والأهمية الاقتصادية والعمرانية للمدينة ووجود

. ماذا تعني لك بلدتك ؟ وما هو حلمك نحوها ؟

تعنى كل شئ فهى رمز العزة والشموخ وحاملة رايه المقاومه والتحرير
حلمى نحو مدينتى ان تصبح اكثر تقدما وحضارة وجملا

5.كلمه توجهها لدوله الاحتلال الصهيوني

ان فجر الحريه ات لا محاله والنصر حلفينا والله مولانا ولا مولى لكم

6. من ترشح بعدكـ ليروي لنا الحكاية

ابو يقين

يعطيكم ربنا الف الف عافيه يا اخت عاشقه وفرفوشه وشموخ ويحيى واحمد

[اسد 22]

جميل

حفظك الله وحفظ بلدك من كل سوء

بانتظار محمد (أبو يقين)

[عاشقة فلسطين..]

رااااااائع ما جآوبته أخي محمد
بآرك الله فيك وحرر غزة وأبعد عنهآ كل الشر ♥
حيآآآآك الرحمـن..


وبانتظآآر الأخ ابو يقين ..{

[اسد 22]

نادتولوا

بدكم تطولوا بالكم عليه ما اجاش ببعتله رسالة

[عاشقة فلسطين..]

إن شاء الله..

[اسد 22]

وصلتله رسالة متأسف على التأخر

[عاشقة فلسطين..]

لا مشكلة
بالانتظار :)

[أبو يقين]

محمد مستوي

هلأ مروح من الرجلة وقريت الرسالة من الأخ أسد

في الليل

رح أرد عليكو

سامحوني

بس والله مستوي وكسر اتكسر

انهلكت في الرحلة

[عاشقة فلسطين..]

الله يعطيك العافية ..
مش مشكلة
إحنآ بننتظر =)

[أبو يقين]

1. ما هي قريتك او بلدتك الأصلية ؟
البطاني الغربي 36 كم شمال شرقي غزة
2. صورة أو أكثر لبلدتك .
http://rooosana.ps/Down.php?d=jU1iL
3. نبذة بسيطة عنها ~
كانت القرية قائمة على رقعة منبسطة من الأرض على بعد 36 كلم شمال مدينة غزة و كانت توأمها البطاني الشرقي تقع إلى الشرق منها .

يقع موقع القرية إلى الشمال الشرقي من أسدود. بحوالي ثلاثة كيلومترات .
يرجع اسم القرية إلى اسم قبيلة كنعانية سكنت المكان ، كما تعرف بأنها كانت ضيعة للخليفة الأموي معاوية بن أبي سفيان.

سقطت القرية بعد هجمات صهيونية بدأت في شهر آذار 1948 للسيطرة على أكبر قرى المنطقة و هي قرية بيت دراس حيث كانت القرى المجاورة تشارك في الدفاع عن بيت درا1948 م احتلال قرية بيت دراس و من ثم القرى المجاورة و منها البطاني الغربي بعد تنفيذهم لمذبحة في قرية بيت دراس مما أدى إلى فرار الكثير من سكان القرى المجاورة ومنها البطاني الغربي .

4.ماذاتعني لك وما هو حلمك نحوها

الكثير الكثير

كان حلمي وما زال أن أعوووود اليها وأرى المدينة التي تربى فيها جدي وجد جدي وأجداد جدي

كثيرا ما اتحدث الى أصدقائي وأقووول لهم

آه يا ولاد لو نرجع على فلسطين

بتعرفوا فلسطين من أجمل البلدان في العالم

بس اليهود حارمينا منها

كلهم ينووون الرجوع الى أرض الوطن الى فلسطين كل فلسطين

من شرقها لغربها

ومن شمالها الى جنوبها

وانا واحد منهم متلهف جدا جدا

لكي أرى فلسطين كل فلسطين وننهي الاحتلال
5.كلمه توجهها لدوله الاحتلال الصهيوني

تنعموا تنعموا بخيرات بلدنا لكن سيأتي يوم


وندوسكم دوسة الكلاب

لان ما اخد بالقوة لا يسترد بالقوة

وعهدا سنربي أجيالنا على حب الوطن لتحقيق العودة والحرية

6. من ترشح بعدكـ ليروي لنا الحكاية ؟

اختاروا انته

[اسد 22]

جميل جداً

وقريتك جميلة بالفعل نهب خيرات بلادنا

اليس الصبح بقريب

بوركت على المشاركة المميزة

[اسد 22]

صحيح الحمد لله على سلامتك اخي محمد

[عاشقة فلسطين..]

راااااااائع جدآآآ
ومدينتك جدآ جميلة
يعطيك العافية ...


من ترشحون بعده؟

[إيمـان]

رآئــع آبو يقيــن :)


بنستنآ الي بعدو ^^

[عاشقة فلسطين..]

منورة فرفش :)

[اسد 22]

مين اخترتم

التالي شو رأيكم بمجاهد

؟

[عاشقة فلسطين..]

إزآ الأخ أبو مجآهد بدخل بنحطـه :)

[اسد 22]

الحوت متواجد نادوا عليه في الاهدائات قبل رحيله

اخوكم بلال ورطوه وشوفوا؟

[~ثــلــج~]

ازا ما دخل لمدة 3 ايام

بنحـط حدا تانـي

ولو الكـل تم اختيارو بنحط من الجداد

ما في مشكلة ولا الموضع يستكـر

[شموخ انسان]

يلا يا جماعة

مالكم نايمين

[عاشقة فلسطين..]

!!!
عنجد إرسو على حدآ ^^
يلأ بدنآ نرجع الموضوع زي أول :)

[شموخ انسان]

خيتي لو سمحتي اختاري عضو

[تونسية]

شكرا الموضوع رائع وراح نتعرف اكثر على كل مدن فلسطين الحبيبة

[عاشقة فلسطين..]

خيتي لو سمحتي اختاري عضو

‏نابلسية كححح :ShababSmile116:
وهلأ بخبرهآ عالاهداءات ^^

[عاشقة فلسطين..]

شكرا الموضوع رائع وراح نتعرف اكثر على كل مدن فلسطين الحبيبة

:ShababSmile229:
نورتينآ :ShababSmile109:

[نابلسية كححح]

اجيت
^_______^

[~ثــلــج~]

اهلا وسهلا

انا كتبت عن نابلس

بس بدي اشووف مشاركتك ،،

أكيـد حلوه ’’

في الانتظار

[نابلسية كححح]

http://files.shabab.ps/vb/images_cash/up14/110404181849W130.jpg


1. ما هي قريتك او بلدتك الأصلية ؟
http://files.shabab.ps/vb/images_cash/up14/110404181849TJnb.gif
انا فلسطينية ,,,
من مدينة ناابلس ,,,:ShababSmile194::s (25):

2. صورة أو أكثر لبلدتك .
من تصويري ~

http://rooosana.ps/Down.php?d=jpqO

http://rooosana.ps/Down.php?d=6O21

http://rooosana.ps/Down.php?d=qVPB

http://rooosana.ps/Down.php?d=ZLEt


3. نبذة بسيطة عنها ~
إذا كانت فلسطين قلب الوطن العربي لربطها شماله بجنوبه وشرقه بغربه، فإن نابلس هي قلب فلسطين لربطها شمالها بجنوبها وشرقها بغربها.
نابلس إحدى أكبر المدن الفلسطينية سكانًا وأهمها موقعًا. هي عاصمة فلسطين الاقتصادية ومقر أكبر الجامعات الفلسطينية. تعتبر نابلس عاصمة شمال الضفة الغربية إضافةً إلى كونها مركزاً لمحافظة نابلس التي تضم 56 قرية ويُقدر عدد سكانها بقرابة 321,000 نسمة حسب إحصاءات عام 2007.
تُعرف أيضا بأسماء جبل النار ودمشق الصغرى وعش العلماء وملكة فلسطين غير المتوجة

تشتهر المدينة بالكثير من المنتجات الزراعية والمصنعة أهمها:
الصابون النابلسي: ازدهرت صناعة الصابون في نابلس واشتهر صابونها الذي يصنع من زيت الزيتون حتى أصبحت مصابنها جزءاً من تراث المدينة.[57] كانت صناعة الصابون أحد أعمدة الإقنصاد النابلسي ووصل عدد المصابن إلى أكثر من ثلاثين مصبنة،[58] توقف معظمها عن العمل بفعل إغلاق الأسواق الخارجية وغياب الابتكار والتجديد.[59]
الحلويات النابلسية: أهم حلوياتها على الإطلاق الكنافة النابلسية الشهيرة في كل أنحاء المشرق العربي وتركيا. دخلت نابلس موسوعة غينيس للأرقام القياسية بأكبر طبق (صدر) كنافة في 18 تموز 2009.[60] تشتهر نابلس أيضاً بالمدلوقة والحلاوة المصنوعة من السمسم ( خوالي بشتغلو بالحلاوة ,,,) امممم ازكا شي :ShababSmile226: :ShababSmile226:
والكلاج والقطايف والفطير وحلاوة الزلابية إضافة إلى الحلويات الشامية مثل البقلاوة.
من المنتجات الأخرى التي تمتاز بها نابلس عن غيرها الطحينة والحلاوة والقزحة،:ShababSmile226: :ShababSmile226:
والأخيرة عبارة عن مائع أسود اللون يستخلص من حبة البركة، يؤكل غمساً وله استعمالات طبية مهمة .دايما برمضاان القزجة والطحينة والحلااوة ,,,:ShababSmile229:

4. ماذا تعني لك بلدتك ؟ وما هو حلمك نحوها ؟

نابلس ,, يا نور الله ع الأرض ,,,
بتعني لي الكثير طبعا ,,
هو وطني ,, وحبيبي ,, وأحس بكل مشاعري تهيج عند الوصول الي باب نابلس ,,,
عند قراءة لافتة .. ( نابلس ترحب بكم ,,)
http://t1.gstatic.com/images?q=tbn:ANd9GcRPBY7KSpCShqo8SQ nkFBCIlwCu7Scl1Ii4F2_kh6r-k5edvfo_XQ&t=1

حلمي .. انها تكون في المستقبل ان شاء الله أفضل حالا ,,
وأكثر تطورا ,,,وأكثر نظافة ,, وانفتاحا ,,
وياريت لو بعض العادات تتغير ,,:ShababSmile239:

وبعيده عن الانقسام الطائفي :ShababSmile111:
أحبك يا بلدي ,,

ولكن صار مهرجان عام 2009 فرحت فيه كتير ,, تحرك الاقتصاد ورجع زي اول
وهي أكمن صورة
http://files.shabab.ps/vb/images_cash/up14/110404181850TLI5.jpg

http://files.shabab.ps/vb/images_cash/up14/11040418185150b0.jpg

5.كلمه توجهها لدوله الاحتلال الصهيوني



الله يزلكم ,,
ويورجينا فيكم يوم ياارب
وترجع لنا حيفا وياقا وعكا ,, وكل بلادنا
شبر شبر ,,
بيت بيت
زنقه زنقه
وكل الفلسطينية يصلو في الأقصى ,,
ويدخلو كل المغتربين .. :ShababSmile111:





6. من ترشح بعدكـ ليروي لنا الحكاية ؟

اذا لم يتم اختيارها ,,,
حورية فلسطين ,,

واذا اختاروها من قبل
بختار
pink Rose
واذا اختاروها

بختار
اسراء الفلسطينية ,,,
:ShababSmile116:

[عاشقة فلسطين..]

روووووووعة نآآآبلسية
والصور أكتر من روعة والله
والله يحقق حلمك وتصير نآبلس أحسن وأحلى يااارب
يعطيكِ الف عافية يااااارب
وبشكرك على حضورك المميز يا غالية ♥

والي ما اخترنآهآ إلـي همـي pink وحوورية
فبدنآ وحـدة منهم نشيطة وبتدخل ^*

منوووووورة نآبلسية ومنووورين جميعآ :)

[إيمـان]

رآئــع نآبلسيـــه :)

[~ثــلــج~]

ازا بدكم تيجي حورية

احكولها ابو مجاهد عملها توقيع

اما ازا ما بدكم تكزبو

استنو 4 اشهر ولا 5 عشان تيجي بانك

[~ثــلــج~]

ازا بدكم تيجي حورية

احكولها ابو مجاهد عملها توقيع

اما ازا ما بدكم تكزبو

استنو 4 اشهر ولا 5 عشان تيجي بانك

[نابلسية كححح]

الله يخليكم ,,,
^_^
خلص جيبو حورية ,,
غيرو العنوان

[عاشقة فلسطين..]

آشي :)
بانتظآرهآ

[أبو يقين]

رائع نابلسية

امممممم

والله نابلس أبوي بقلي بتجنن

وناسها طيبين كتير

قبل فترة أبوي تعالج هناك راح هوا وأمي

اممممممم

ونورتي

وايد وايد حجة نابلسية

بانتظار التالي

[إيمـان]

ياحجه

[شموخ انسان]

شكرا لتواجدكم جميعا

وشكرا لمشرفة القسم على المتابعة

بنستنا حورية فلسطين

[عاشقة فلسطين..]

العفــو :)
أنــآ فـي الخدمــة دومـآ =)

وإذآ حـوريـة مش رح تيجـي رح أختـآر وحـدة جديدة ورح تعجبكمــ :)

[~ثــلــج~]

ممم

طولت علينا حورية

بقترح تحطو غيورة ع وطنها

[عاشقة فلسطين..]

طيب مآشي :)
بدنــآ تجــري جرآآي هـــــــــــــون ^*
يلا تفضلي حبيبتي غيورة على وطنهآ :)

[إيمـان]

بنستنا غيوره

[عاشقة فلسطين..]

:)
بالإنتظآآآآر

[مشتاق الاقصى]

رائع نابلسية

امممممم

والله نابلس أبوي بقلي بتجنن

وناسها طيبين كتير

قبل فترة أبوي تعالج هناك راح هوا وأمي

اممممممم

ونورتي

وايد وايد حجة نابلسية

بانتظار التالي
السلام عليك ياااااااااااااااااارب ينصر شعب فلسطين الله يلعن اليهود الله يشهد اني اتمنى اشوف فلسطين بعيوني انا اتمنى من ربي يكتبلي ركعتين في الاقصى انا من سلطنه عمان احنا قلوبنا مع الشعب الفلسطيني يارب ينصر اهلي غزه اتمنى اكون صديق واخ لكم وضيف خفيف ع قلوبكم تحيات ***مشتااااااااااق الاقصى العماني *****

[عاشقة فلسطين..]

حيآك الله:)

[عاشقة فلسطين..]

والآن سأستشيف صديقتي :)
فلسطينية ولي الشرف لأنهآ موجودة حآليآ
تفضلي حبيبتي :)

[فلسطينية ولي الشرف]

حبيييبتي :)
راااجعة

[فلسطينية ولي الشرف]

1. ما هي قريتك او بلدتك الأصلية ؟ الخليل

2. صورة أو أكثر لبلدتك .

http://www.google.jo/url?source=imgres&ct=img&q=http://files.shabab.ps/vb/images_cash/up8/081013114731sDYw.jpg&sa=X&ei=CJKoTfyeFIet8gPn14GoBg&ved=0CAQQ8wc&usg=AFQjCNFOQAiP8fR8243FFU4Htk-IjvUMYA

http://www.google.jo/url?source=imgres&ct=img&q=http://www.qattanfoundation.org/w-palestine/hebron2.gif&sa=X&ei=JpKoTdvYA4vF8QPG3OmnBg&ved=0CAQQ8wc4UA&usg=AFQjCNH_uQVb03SmSfXKR88rbdEhEac xCA


3. نبذة بسيطة عنها ~

تعد مدينة الخليل أو حبرون مدينة فلسطينية تقع إلى الجنوب من القدس في الضفة الغربية وتبعد عن القدس حوالي 35 كم، وتعتبر أكبر المدن الفلسطينية من حيث عدد السكان والمساحة بعد مدينة غزة، وهي مركز محافظة الخليل. ويتحدثون اللهجة الخليلية المميزة والتي لا تختلف كثيراً عن اللهجة الفلسطينية.

4. ماذا تعني لك بلدتك ؟
كلللللللللللللللللللللللل شيئ والله

وما هو حلمك نحوها ؟
ان اعووود إليهآ وأرآآآآهآ :(


5.كلمه توجهها لدوله الاحتلال الصهيوني

عااااااااااااااااااااااااااااائدون ....


6. من ترشح بعدكـ ليروي لنا الحكاية ؟

بترك الخيار الكم ... وششششششششكرآآآ جزيلآ إلك عشوقة لإنك إخترتيني

وشكر لصاحب الموضوع المميز :) ♥

||

[عاشقة فلسطين..]

حبيبتي فلسطينية :)
الله يسعدك يارب
يعطيكِ اللللللللف عاافية يا عسل
مميزة كتير بلدتك
والله يرجعك الها ويتحقق حلمك ♥
يسلم إديكِ
نووووووورتينآآآآآآ ^*

[اسد 22]

جميل جداً والخليل بلدي اهلي ولدوا فيها اما انا بشوفهاش إلا في العيد

سابقاً

جديد بعيدش

[بسملة]

يعطيكم العافية ، متـابعـين معكم . .

[عاشقة فلسطين..]

حيآآآآكم :)

[~ثــلــج~]

اخترتو بسملة ؟؟

[عاشقة فلسطين..]

لأ....

:)

[~ثــلــج~]

طيب حطوهاا يلا

[عاشقة فلسطين..]

:) حآضر

يلا يا بسملة تفضلي ♥ ^*

[نابلسية كححح]

يالله بانتظار بسملة
^.^

[عاشقة فلسطين..]

بسملة طلعنآ مختآرينهآ وأنا نآسية ^*
يلـآ علليكم هسـآ تختـآرو حد نشيـط زي مأنآ إخترت :)*

[إيمـان]

:ShababSmile237:

[عاشقة فلسطين..]

^*

[أبومجاهد]

بنستنــــآآآ

[عاشقة فلسطين..]

إنت اضيف التآآآلي :)
تفلضل أبومجاهد
هآد دووورك =)

بنستنآ ^^

[أبومجاهد]

إنت اضيف التآآآلي :)
تفلضل أبومجاهد
هآد دووورك =)

بنستنآ ^^

مممم

مــآشي الحين بشوف الوضع

زقيقة

:ShababSmile224:

[عاشقة فلسطين..]

حسنآ ^^

<:

[~ثــلــج~]

في الانتزار

[أبومجاهد]

.

[أبومجاهد]

الســـلآم عليـــهم

تسلم ع الموضوع الرآئـــع ابوحمــد

وشكرا كتير ع الاختيـــآر عــآشقــة فلسطيـــن ..~

...

ما هي قريتك او بلدتك الأصلية ؟

المسميــة الكبيــــرة :ShababSmile229:

صورة أو أكثر لبلدتك

http://www.yaghi.ps/mod.php?mod=gallery&modfile=view&imgid=6
.
.

http://www.yaghi.ps/mod.php?mod=gallery&modfile=view&imgid=4



نبذة بسيطة عنها ~

كانت القرية قائمة في السهل الساحلي الجنوبي, ويحدها واد من جهة الشمال. وكانت تقع عند مفترق طرق عامة تؤدي إلى مدينةالمجدل في الجنوب الغربي, وإلى الرملة في الشمال الشرقي, وإلى طريق القدس- يافا العام. وقد أتى إلىذكر المسمية الرحالة المتصوف الشامي مصطفىالبكري الصديقي, الذي زارالمنطقة في أواسط القرن الثامن عشر( [الرحلة] مذكور في الخالدي). في أواخرالقرن الثامن عشر أشار الرحالة والعلامةالفرنسي فولني إلى أن المسمية تنتجكميات كبيرة من القطن المغزول. أما نعت (الكبيرة) فقد أضيف لاحقا أسمالقرية لتمييزها من توأمها المسميةالصغيرة, التي أقيمت قبل قرن من الزمنتقريبا.
في أواخر القرن التاسع عشر كان للمسمية الكبيرة شكل شبه وكانت قاعدة سبهالمنحرف هذا مواجهة للغرب. وكانت القرية محاطة بالجنائن ومنازلها مبنيةبالطوب أو الاسمنت. أما البناء الأحدث عهدا فيها, فقد امتد نحو الغربوالجنوب الغربي. وكان سكان المسمية الكبيرة من المسلمين ولهم فيها مسجدانومدرستان: احداهما للبنين والأخرى للبنات, وقد بنيت هاتان المدرستان فيسنتي 1922و1944 على التوالي. بلغ عدد تلامذة مدرسة البنين 307 تلاميذ, ومدرسة البنات 39 تلميذة, في أواسط الأربعينات. وكان في القرية مجلس بلديوكانت مياه الاستعمال المنزلي تستمد من الآبار.
كانت الزراعة عماد اقتصاد القرية, والحبوب والحمضيات محصولها الأساسيين. في 19441945, كان ما مجموعه 1005 من الدونمات مخصصا للحمضيات والموز و18082دونما للحبوب, 597 دونما مرويا أو مستخدما للبساتين. وبالإضافة إلىالزراعةكان السكان يربون المواشي والدجاج, كما كان بعضهم يعمل في المعسكرالبريطاني المجاور. وكان فيها محطة للوقود, وكانت سوقها الأسبوعية التيتقام كل يوم خميس تستقطب سكان المنطقة المجاورة.

ماذا تعني لك بلدتك ؟ وما هو حلمك نحوها ؟

اكيد بلدتي الاصلية هي هويتي ,, و حلمنا جميعا نرجع لبلادنا ونشوفها

وان شاء الله بنشوفها قبل ما نموت

كلمه توجهها لدوله الاحتلال الصهيوني
إنا باقون ما بقي الزعتر والزيتون ,,,

و لن تنكسر لنا ارادة بإذن الله

من ترشح بعدكـ ليروي لنا الحكاية ؟

نابلسية

السلام عليكم ورحمة الله وبركاته

وعليكم السلام والرحمة والاكــرآم

يعطيكم الف عافيـــــة

= )

[اسد 22]

بدي ارزغرط اخيراً اقدرنا نكمشك

ونجيبك

هههههههه
اجابتك رائعة واندهشت

إن شاء الله بترجدع كل فلسطين وبترجع لبلدك اخي بلال

[عاشقة فلسطين..]

المسمية الكبيرة :ShababSmile229:
والله بحبهآ :)
عنجد راائعة
وإن شاء الله يتحقق حلمك وحلم الجميع يااارب
يعطيك الف عافية .. إجآبآت روعة =)

وبالنسبة لنابلسية جآوبت ^*
حنـشوف حـد تآني
وإزا فـي عندك حد إطرح :)

[~ثــلــج~]

روووعــة أبو مجااهد

اهلا فيك وفل كل بلدك

منوورنا

بانتظار التالي~

[بسملة]

بشو بتشتهر المسمية ؟

عـوآفـي { أبو مُجـآهد ] وكل النّاس الطيّبة الي هنـا ..

[عاشقة فلسطين..]

يا هلـآ :)

[إيمـان]

رآئـع آبو نجـآهد


http://files.shabab.ps/vb/images_cash/up14/1104181958407pjc.gif


يـآرب آكتبلنآ زيآرتهـآ ^^


يعطيك العآفيـه **

بنتظآر !

[شموخ انسان]

دمت

ودامت فلسطين حرة ابية

برونقها وعروبتها الحرية

في الانتظار...

[عاشقة فلسطين..]

طيب إختآآرو :)

[اسد 22]

ممم مين يا ترى ما شارك

؟

اسراء فلسطينية


غيورة على وطنها



نسمة جزائرية


اسامة؟

حد ما اختارتوهوش

[عاشقة فلسطين..]

اسامة :)
وأنـآ رح اخبـر إن شـآء الله :)

[~ثــلــج~]

بالانتظار

[عاشقة فلسطين..]

:)

[اسد 22]

بالانتظار

[عاشقة فلسطين..]

:)
بالإنتظـآر

[أبومجاهد]

اختارو غيرو

اخونا اسامة مشغول في امتحاناتو

: )

[عاشقة فلسطين..]

اختارو غيرو

اخونا اسامة مشغول في امتحاناتو

: )


آهآ :)
مآشي

عليـــكم تختــآروآ حـدآ نشيـــط

[~ثــلــج~]

ممم ،،

أمل ، شيري ، شوفو الطاقم الاداري ونقو واحد

أو من المتواجدين حاليا

[عاشقة فلسطين..]

فــي ‏محمد 99 ..........

هلـأ بخــبر عالاهدآآءآآت :)

[اسد 22]

محمد 99 تم اختياره

يرجى تغيره وشارك

[إيمـان]

اه وبعدين :p

طايب بنستنا

[مُـحَـمَّـدٍ]

شو مالكو انتو كنكو صيرين تخرفنوا انجنيتوا

لساتى قبل شهر كنت هاااان انا هيا سيرة فكو عنى ههههههه

[عاشقة فلسطين..]

:(

[إيمـان]

معلش حبيبتي هلا بضرب محمد مابسمع الكلام :p

اختاري دموع الغربه واشواق العوده :)

[عاشقة فلسطين..]

خلـص مآآشــي :)

تفضلـــــي يـــآ غآآليـة ^*
♥
بتنـــــوري :$

[دموع الغربة واشواق العودة]

بصرآآآآحة موضوع راآآآئع جداً جداً ..
وبتشرف أني أكون فيه ....أحم ..أحم
و
شكراً لعشوقتي
عاشقة فلسطين ع الاختيار هههههه
يلا ثواني واجاوب
..^.^..

[عاشقة فلسطين..]

بصرآآآآحة موضوع راآآآئع جداً جداً ..
وبتشرف أني أكون فيه ....أحم ..أحم
و
شكراً لعشوقتي
عاشقة فلسطين ع الاختيار هههههه
يلا ثواني واجاوب
..^.^..


:ShababSmile229:
وجودك الارووووووووع
بنستنى :ShababSmile229:

[دموع الغربة واشواق العودة]

. ما هي قريتك او بلدتك الأصلية ؟
أنا فلسطينية ور أبقى فلسطينية طووول عمري ..
ومابتفرق معي شو ماكنت ..من غزة او من أسدود او من يافا او من القدس أو من جنين أو من الخليل ..أو ...او ...أو ..........إلخ
كلهم بالنسبة إلي واحد ..فلسطين وبس
كلمة حبيت أحكيها قبل ما أبدأ
أنا من مدينة إسدود أو مايعرف حالياً بـ إشدود

2. صورة أو أكثر لبلدتك .
http://files.shabab.ps/vb/images_cash/up14/110426143717XIGj.jpg
http://files.shabab.ps/vb/images_cash/up14/110426143718g1gP.jpg
http://files.shabab.ps/vb/images_cash/up14/110426143721RC81.jpg
http://files.shabab.ps/vb/images_cash/up14/110426143722Y3RN.jpg
http://files.shabab.ps/vb/images_cash/up14/110426143722UZBo.jpg
ياآآآآآرب

يارب أموووت فوق ترابك

[دموع الغربة واشواق العودة]

شبعتو صور ..صح ..ههه

. نبذة بسيطة عنها ~
مدينة اسـدود

الموقع والتسمية

تقع اسدود شمال غزة على الطريق بين يافا وغزة، تبعد عن مدينة غزة 42 كيلومتراً ، ترتفع 42 متراً فوق مستوى سطح البحر وتبعد عن شاطئ البحر المتوسط حوالي5 كليومتر، والى الجنوب من نهر صقرير بـ 6 كيلومتر، وترتبط بمدينة القدس بطرق معبدة، وبها خط للسكة الحديد الذي يمتد من القنطرة إلى حيفا.
وقد جاءت كلمة اسدود من الكلمة الكنعانية اشدود التي تعني الحصن أو القوة، وقد عرفت بأسماء أخرى فقد أطلق عليها اليونانيون في عهد الاسكندر المقدوني باسم أزوتوس وعرفت عند كتاب المسلمين باسم اسدود.
المدينة عبر التاريخ :
يرجع تاريخ المدينة إلى القرن السابع عشر قبل الميلاد ويعتبر العناقيون من أقدم من سكن المدينة.
في القرن الثاني عشر قبل الميلاد وقعت اسدود تحت سيطرة الفلسطينيين القادمين من جزيرة كريت، وأصبحت إحدى مدنهم الخمس الرئيسية وجعلوها مركزاً لعبادة الههم داجون، وفي العام 1050 ق.م. تمكن الفلسطينيون من الانتصار على اليهود الذين هاجموا المدينة في معركة رأس العين قرب يافا واستولوا على تابوت العهد الذي كان يحفظ فيه اليهود شرائعهم ووضعوه في هيكل داجون، وقد دلت الحفريات الأثرية أن مدينة اسدود كانت على جانب كبير من الحضارة والغني المادي إلا أن وقوعها على الطريق الساحلي جعلها تقاسي كثيراً من الحروب التي نشبت بين الفراعنة المصريين والآشوريين.
وفي سنة 715 ق.م، أثار شبانا الفرعون المصري ثورة ضد الآشوريين واستمال اليه ملك اسدود "آسوري" إلا أن الملك سرجون الثاني استولى على المدينة عام 711 ق.م،واخضع ملكها إليه.
بعد ذلك هوجمت اسدود من قبل الملك المصري ابسمتيك الأول 663-609 ق.م. وتعرضت لأطول حصار عرفه التاريخ، حيث استمر لمدة 29 عاماً .
وفي القرن السادس كانت اسدود عاصمة للفلسطينيين مدينة مزدهرة،إذ دفعت هيرودوتس بإطلاق سوريا الكبرى عليها، وفي أواخر هذا القرن خضعت اسدود لسيطرة الفرس.
وفي القرن الرابع قبل الميلاد خضعت لسيطرة الاسكندر المقدوني.
وفي عام 165 ق.م. استولى المكابيون على المدينة وقاموا بتدميرها وهدم أسوارها.
في عام 63 ق.م. دخلت مدينة اسدود تحت الحكم الروماني، حيث استولى عليها القائد الروماني بومبي وجعلها جزءاً من ولاية سوريا، وقد وجدها الرومان مدينة مهدمة فأمر القائد الروماني غابينوس ببنائها عام 55 ق.م.
في عام 38 ق.م. دخلت المسيحية مدينة اسدود و تنصر سكانها مع غيرهم من سكان الساحل من اسدود الى قيسارية ، وفي القرن الرابع الميلادي كانت مركزاً لابرشيه واشترك أسقفها الأول سيلفانوس في مجمع نيفيه عام 325 م ، وفي عام 400 م أصبحت اسدود مركزاً لعدد من القرى حولها وهي عامر وقطرة وأذنبة.
في القرن السابع الميلادي دخلت اسدود في حوزة المسلمين وكانت محطة للبريد بين مصر والشام. وذكرها المقدسي في كتابه أحسن التقاسيم."ازدود بين البلدان التي كان فيها ربط للمسلمين، محصنة بالأبراج على الشواطئ الفلسطينية في القرن الرابع الهجري".
ثم فقدت المدينة أهميتها بعد ذلك،وعندما احتلها الصليبيون عام 1118م وجدوها قرية صغيرة فعسكروا فيها مدة ثلاثة أشهر .
أما الآن و في أعقاب حرب 1948، فقد أقيمت بدلاً منها مدينة وميناء اشدود.
السكان والنشاط الاقتصادي:
جذب موقع مدينة اسدود الكثير من السكان للإقامة فيها فبلغ ، عدد سكانها عام 1922م، 2566 نسمة، ارتفع إلى 3138 نسمة عام 1931.
وقد مارس السكان فيها عدة أنشطة اقتصادية منها:
الزراعة: حيث توفرت التربة الخصبة والمياه وأهم منتجاتها الزراعية الحمضيات والعنب والتين والحبوب.
التجارة: وهي الحرفة الثانية التي مارسها السكان وكان سوق اسدود يعقد يوم الأربعاء من كل أسبوع وكان يرتاده سكان القرى المجاورة.
النشاط الثقافي :
كان في المدينة قبل عام 1948 مدرستان،واحدة للبنين وأخرى للبنات .
معالم المدينة
لقد دمر اليهود المدينة ليقيموا بدلا منها مدينة وميناء اشدود، إلا أنهم عثروا مكان المدينة القديمة على أثار مكونة من أسوار وأبراج ومعابد وتماثيل تشير إلى أن أهل اسدود العناقيين الكنعانيين كانوا يعبدون الإله عنات ، إلهه الحب والجمال والحرب.
وكان يوجد في مدينة اسدود مسجدان و العديد من المزارات مثل:
1- مزار سلمان الفارسي الذي أقيم في عهد الظاهر بيبرس، وهو مسجد يقال أنه لسلمان الفارسي الصحابي المعروف.
2- مزار الميتولي ويقع إلى الشرق من عزبة سلمان الفارسي وهو من الأولياء الصالحين.
وكان هناك العديد من الخرب والآبار وصهاريج الماء .مثل:
1- بئر الجو خدار جنوب شرق اسدود
2- خربة الداويات أو أم رباح.
3- خربة ياسين
4- مبنه اسدود
5- جسر اسدود
6- تل مرة أو الاخيضر
7- ابو جويعد



4. ماذا تعني لك بلدتك ؟ وما هو حلمك نحوها ؟
آآآآآه شو بدي أحكي عن فلسطين لحتى احكي ..
يآآجمآآعة انا إنولدت بمكان ..وروحي إنولدت بمكان تاني بعيد عني ..
فلسطين اثبتتلي أنو الواحد ممكن يحب بلد ويعشقها ويكون مستعد يموت كرمالها
وهوا ماشافها بعمرو
فلسطين روحي وعمري والشغلة الوحيدة يلي أنا عايشالها ..
فلسطين حلمي الي بصبرني وبأكدلي بكل يوم جديد ..أنا انا رح أرجع شو ماصار بهالدنيا ألا مايجي يوم وأرجع ..
حبي لفلسطين صار يخليني أحس أنو روحي لو قدمتها لفلسطين أشي كتير رخيص ومالو ثمن بالنسبة ألي ..بس لو في شي أكتر والله لكنت قدمتلها ..
والأشي ألي بستغربو أنو معظم الناس بتعتبر حبي لفلسطين ودفاعي عنها
حب سياسي ..أو ..إنساني ..أو شوفة حال ..أو تعصب قبلي ....ليش ..ليش
.....؟؟
ورح أضل أحبها وأدافع عنها على قد مابقدر ولآخر نفس فيي وبكل ما بملك بهالدنيا وكل أشي بحياتي إلها ..
5.كلمه توجهها لدوله الاحتلال الصهيوني
الصهيوني صار عارف شو بدي أحكيلو ..
وأعتقد..أنو حفظ هالكلمة إلى كل فلسطيني بيحكيها ..
شو ماعملت وشو مادمرت مدن ..قرى ..طرق ..جسور ..مباني ..وبيوت ..وسلبت منا أراضي .. وحقول ..وقتلت منا رجال وشباب ونساء وأطفال وشيوخ ..
كل محاولاتك الفاضية لحتى تمحي أثر الفلسطيني من الوجود
حتفشل ..
لأنو الأرض حتتكلم بيوم عنا وتقول ...."رجعولي صحابي "...
وتحكيلك سيرة بطولاتنا وأمجادنا
وتنفضك من على ترابها برة ولبعيييد ...
آآآآه يمكن طولت صح ..
بس فرصة لحتى أطلع كل اشي مخبا ومكتوووم
موضوع راآآآآئع
وشكراً
..^.^..

[إيمـان]

شبعتو صور ..صح ..ههه

. نبذة بسيطة عنها ~
مدينة اسـدود

الموقع والتسمية

تقع اسدود شمال غزة على الطريق بين يافا وغزة، تبعد عن مدينة غزة 42 كيلومتراً ، ترتفع 42 متراً فوق مستوى سطح البحر وتبعد عن شاطئ البحر المتوسط حوالي5 كليومتر، والى الجنوب من نهر صقرير بـ 6 كيلومتر، وترتبط بمدينة القدس بطرق معبدة، وبها خط للسكة الحديد الذي يمتد من القنطرة إلى حيفا.
وقد جاءت كلمة اسدود من الكلمة الكنعانية اشدود التي تعني الحصن أو القوة، وقد عرفت بأسماء أخرى فقد أطلق عليها اليونانيون في عهد الاسكندر المقدوني باسم أزوتوس وعرفت عند كتاب المسلمين باسم اسدود.
المدينة عبر التاريخ :
يرجع تاريخ المدينة إلى القرن السابع عشر قبل الميلاد ويعتبر العناقيون من أقدم من سكن المدينة.
في القرن الثاني عشر قبل الميلاد وقعت اسدود تحت سيطرة الفلسطينيين القادمين من جزيرة كريت، وأصبحت إحدى مدنهم الخمس الرئيسية وجعلوها مركزاً لعبادة الههم داجون، وفي العام 1050 ق.م. تمكن الفلسطينيون من الانتصار على اليهود الذين هاجموا المدينة في معركة رأس العين قرب يافا واستولوا على تابوت العهد الذي كان يحفظ فيه اليهود شرائعهم ووضعوه في هيكل داجون، وقد دلت الحفريات الأثرية أن مدينة اسدود كانت على جانب كبير من الحضارة والغني المادي إلا أن وقوعها على الطريق الساحلي جعلها تقاسي كثيراً من الحروب التي نشبت بين الفراعنة المصريين والآشوريين.
وفي سنة 715 ق.م، أثار شبانا الفرعون المصري ثورة ضد الآشوريين واستمال اليه ملك اسدود "آسوري" إلا أن الملك سرجون الثاني استولى على المدينة عام 711 ق.م،واخضع ملكها إليه.
بعد ذلك هوجمت اسدود من قبل الملك المصري ابسمتيك الأول 663-609 ق.م. وتعرضت لأطول حصار عرفه التاريخ، حيث استمر لمدة 29 عاماً .
وفي القرن السادس كانت اسدود عاصمة للفلسطينيين مدينة مزدهرة،إذ دفعت هيرودوتس بإطلاق سوريا الكبرى عليها، وفي أواخر هذا القرن خضعت اسدود لسيطرة الفرس.
وفي القرن الرابع قبل الميلاد خضعت لسيطرة الاسكندر المقدوني.
وفي عام 165 ق.م. استولى المكابيون على المدينة وقاموا بتدميرها وهدم أسوارها.
في عام 63 ق.م. دخلت مدينة اسدود تحت الحكم الروماني، حيث استولى عليها القائد الروماني بومبي وجعلها جزءاً من ولاية سوريا، وقد وجدها الرومان مدينة مهدمة فأمر القائد الروماني غابينوس ببنائها عام 55 ق.م.
في عام 38 ق.م. دخلت المسيحية مدينة اسدود و تنصر سكانها مع غيرهم من سكان الساحل من اسدود الى قيسارية ، وفي القرن الرابع الميلادي كانت مركزاً لابرشيه واشترك أسقفها الأول سيلفانوس في مجمع نيفيه عام 325 م ، وفي عام 400 م أصبحت اسدود مركزاً لعدد من القرى حولها وهي عامر وقطرة وأذنبة.
في القرن السابع الميلادي دخلت اسدود في حوزة المسلمين وكانت محطة للبريد بين مصر والشام. وذكرها المقدسي في كتابه أحسن التقاسيم."ازدود بين البلدان التي كان فيها ربط للمسلمين، محصنة بالأبراج على الشواطئ الفلسطينية في القرن الرابع الهجري".
ثم فقدت المدينة أهميتها بعد ذلك،وعندما احتلها الصليبيون عام 1118م وجدوها قرية صغيرة فعسكروا فيها مدة ثلاثة أشهر .
أما الآن و في أعقاب حرب 1948، فقد أقيمت بدلاً منها مدينة وميناء اشدود.
السكان والنشاط الاقتصادي:
جذب موقع مدينة اسدود الكثير من السكان للإقامة فيها فبلغ ، عدد سكانها عام 1922م، 2566 نسمة، ارتفع إلى 3138 نسمة عام 1931.
وقد مارس السكان فيها عدة أنشطة اقتصادية منها:
الزراعة: حيث توفرت التربة الخصبة والمياه وأهم منتجاتها الزراعية الحمضيات والعنب والتين والحبوب.
التجارة: وهي الحرفة الثانية التي مارسها السكان وكان سوق اسدود يعقد يوم الأربعاء من كل أسبوع وكان يرتاده سكان القرى المجاورة.
النشاط الثقافي :
كان في المدينة قبل عام 1948 مدرستان،واحدة للبنين وأخرى للبنات .
معالم المدينة
لقد دمر اليهود المدينة ليقيموا بدلا منها مدينة وميناء اشدود، إلا أنهم عثروا مكان المدينة القديمة على أثار مكونة من أسوار وأبراج ومعابد وتماثيل تشير إلى أن أهل اسدود العناقيين الكنعانيين كانوا يعبدون الإله عنات ، إلهه الحب والجمال والحرب.
وكان يوجد في مدينة اسدود مسجدان و العديد من المزارات مثل:
1- مزار سلمان الفارسي الذي أقيم في عهد الظاهر بيبرس، وهو مسجد يقال أنه لسلمان الفارسي الصحابي المعروف.
2- مزار الميتولي ويقع إلى الشرق من عزبة سلمان الفارسي وهو من الأولياء الصالحين.
وكان هناك العديد من الخرب والآبار وصهاريج الماء .مثل:
1- بئر الجو خدار جنوب شرق اسدود
2- خربة الداويات أو أم رباح.
3- خربة ياسين
4- مبنه اسدود
5- جسر اسدود
6- تل مرة أو الاخيضر
7- ابو جويعد



4. ماذا تعني لك بلدتك ؟ وما هو حلمك نحوها ؟
آآآآآه شو بدي أحكي عن فلسطين لحتى احكي ..
يآآجمآآعة انا إنولدت بمكان ..وروحي إنولدت بمكان تاني بعيد عني ..
فلسطين اثبتتلي أنو الواحد ممكن يحب بلد ويعشقها ويكون مستعد يموت كرمالها
وهوا ماشافها بعمرو
فلسطين روحي وعمري والشغلة الوحيدة يلي أنا عايشالها ..
فلسطين حلمي الي بصبرني وبأكدلي بكل يوم جديد ..أنا انا رح أرجع شو ماصار بهالدنيا ألا مايجي يوم وأرجع ..
حبي لفلسطين صار يخليني أحس أنو روحي لو قدمتها لفلسطين أشي كتير رخيص ومالو ثمن بالنسبة ألي ..بس لو في شي أكتر والله لكنت قدمتلها ..
والأشي ألي بستغربو أنو معظم الناس بتعتبر حبي لفلسطين ودفاعي عنها
حب سياسي ..أو ..إنساني ..أو شوفة حال ..أو تعصب قبلي ....ليش ..ليش
.....؟؟
ورح أضل أحبها وأدافع عنها على قد مابقدر ولآخر نفس فيي وبكل ما بملك بهالدنيا وكل أشي بحياتي إلها ..
5.كلمه توجهها لدوله الاحتلال الصهيوني
الصهيوني صار عارف شو بدي أحكيلو ..
وأعتقد..أنو حفظ هالكلمة إلى كل فلسطيني بيحكيها ..
شو ماعملت وشو مادمرت مدن ..قرى ..طرق ..جسور ..مباني ..وبيوت ..وسلبت منا أراضي .. وحقول ..وقتلت منا رجال وشباب ونساء وأطفال وشيوخ ..
كل محاولاتك الفاضية لحتى تمحي أثر الفلسطيني من الوجود
حتفشل ..
لأنو الأرض حتتكلم بيوم عنا وتقول ...."رجعولي صحابي "...
وتحكيلك سيرة بطولاتنا وأمجادنا
وتنفضك من على ترابها برة ولبعيييد ...
آآآآه يمكن طولت صح ..
بس فرصة لحتى أطلع كل اشي مخبا ومكتوووم
موضوع راآآآآئع
وشكراً
..^.^..






:ShababSmile223:

:ShababSmile223:


:ShababSmile223:

[شموخ انسان]

فلسطين مهما علت واشرقت

فلسطين مهما نمت وانبتت

فلسين في الروح بعد المحرقة

فلسطين يا قطعة من الروح

روحي فداكي والقلب مرهون

ان شاء الله تكون هالسنة خير

والي بعدها نصر

والي بعدها تحرير

فمهما دما قلبك اختي

فمازلنا اخوة في الدم والارض والقضية

[عاشقة فلسطين..]

يعنـي كلامك أروع من الرووعة
وصور وكل شي روعة يا غالية
والله يجمعنا سوى عتراب فلسطين الغااااااالية
يعطيكِ الف عافية
سعدنا بتواجدك ♥ :)

[عاشقة فلسطين..]

فلسطين مهما علت واشرقت

فلسطين مهما نمت وانبتت

فلسين في الروح بعد المحرقة

فلسطين يا قطعة من الروح

روحي فداكي والقلب مرهون

ان شاء الله تكون هالسنة خير

والي بعدها نصر

والي بعدها تحرير

فمهما دما قلبك اختي

فمازلنا اخوة في الدم والارض والقضية

:ShababSmile240:



:)



رآآئع جدآآ

[شموخ انسان]

:ShababSmile240:



:)



رآآئع جدآآ



شووووكرا

http://shabab.ps/vb/images/icons/icon10.gif

[شموخ انسان]

خيتي - عاشقة فلسطين-

اتفضلي احكيلنا شوي عن نشأتك

واختاريلنا عضو بعدك اذا ما شاركتي

[~ثــلــج~]

ممم

بالانتظار ،، عاشقـة تفضلي

[عاشقة فلسطين..]

شكرآ إلكم :)
راجعتلكم

[عاشقة فلسطين..]

بس هلأ بدكم عن نشأتي ووين نولدت وهيك :)

[شموخ انسان]

لالا خيتي

قصدي تجاوبي عن الموضوع

واذا بدك تحكي عن نشأتك ما في مشكلة

لانو اليوم انشالله رح اطرح موضوع بهالفكرة

[عاشقة فلسطين..]

اااه .. إزا هيك انا إخترتوني :)
أول وحدة إستضفتني ^*
ازا بتحبو شوفو حد موجود ما أجى لهوون :)
وشكرآآآ لك

[شموخ انسان]

موش مشكلة

[عاشقة فلسطين..]

:)

[شموخ انسان]

صراحة ما كنت متابع مين كان معنا

اذا ما فيها مشكلة تختارلينا حدا خيتي

[عاشقة فلسطين..]

ماشي :)

بنختآر وَطنْ~♥ ^*

[وَطنْ~♥]

مـشـكـوريـن ع الـدعــوة ~ ^^

لــي عـودة ..!

[شموخ انسان]

اختيار موفق

منورنا وطن

في الانتظار

[عاشقة فلسطين..]

:)
بانتظآآرك

[أبوسمير]

الله يجزاك خير على هذا الموضوع
ويجعله في موازين حجسناتك

[عاشقة فلسطين..]

آمين يارب :)
حيآآك الله

[شموخ انسان]

لعدم تواجد الاخ وطن

رح نختار

القلب النابض

يلا يما خوشي ع الدش

[عاشقة فلسطين..]

:)
رح أغير العنوان
بانتظارك :)

[القلب النابض]

:ShababSmile223: :ShababSmile223: :ShababSmile223:

شكرا يا اولادي على الاستضافة


ثانكس يو :ShababSmile222:



طيب يما شموووخ اصبر شوي هلا بجاوووب

عاشقة اجيت ما رح خليكي تستني كتيير :ShababSmile116:

[عاشقة فلسطين..]

:)
بنستنآكِ يا غالية

[القلب النابض]

السلام عليكم

1. ما هي قريتك او بلدتك الأصلية ؟ يافا عروووس البحر

2. صورة أو أكثر لبلدتك .

عراسي ولو يماااا

http://t3.gstatic.com/images?q=tbn:ANd9GcRGpDZXtjmgbrMbje GHD97l2tnv9jIClTvrn7djeGrCfSXokoQGh Q


http://t2.gstatic.com/images?q=tbn:ANd9GcSQSEMMUlflIzfUm_ IexGd9M9AmlUGs0yTZix3JZQvBh4SX3cg8


http://t2.gstatic.com/images?q=tbn:ANd9GcR97xfR7Kt5_aOARJ 2UlwxNnkTKbfCu7Jo-V32PymJEzYt3yHeyBQ


http://files.shabab.ps/vb/images_cash/up14/1105221111011xPL.jpg


http://files.shabab.ps/vb/images_cash/up14/110522111104CeUf.jpg

3. نبذة بسيطة عنها ~

مدينة عربية تقع على الساحل الشرقي للبحر المتوسط. وتُعتبر نافذة فلسطين الرئيسة على البحر المتوسط. وإحدى بواباتها الهامة. وقد كانت تلعب دوراً كبيراً وهاماً في ربط فلسطين بالعالم الخارجي. من حيث وقوعها كمحطة رئيسية تتلاقى فيها بضائع الشرق والغرب. وجسراً للقوافل التجارية. ويُعد ميناء يافا هو ميناء فلسطين الأول من حيث القِدم والأهمية التجارية والإقتصادية. تقع يافا على البحر الأبيض المتوسط. إلى الجنوب من مصب نهر العوجا. على بُعد 7كم. وإلى الشمال الغربي من مدينة القدس على بُعد 60كم. وكلمة يافا هي تحريف لكلمة (يافي) الكنعانية. وتعني جميلة. أطلق اليونانيون عليها اسم (جوبي). وذكرها الفرنجة باسم (جافا). يُشكل تاريخ يافا تصويراً حيّاً لتاريخ فلسطين عبر العصور. فتاريخها يمتد إلى (4000 ق.م). بناها الكنعانيون. وكانت مملكة بحد ذاتها. وغزاها الفراعنة. والآشوريون. والبابليون. والفرس. واليونان. والرومان. ثم فتحها القائد الإسلامي عمرو بن العاص. وخضعت لكل الممالك الإسلامية. إلى أن احتلها الأتراك. ثم الانتداب البريطاني. وبعده نكبة 1948 واحتلال الصهاينة لها وتشريد غالبية سكانها

4. ماذا تعني لك بلدتك ؟حياتي وما هو حلمك نحوها ؟ حلم ارجع بيوم من الايام لاراضينا لكرمتنا ااااخ شوف البحر
5.كلمه توجهها لدوله الاحتلال الصهيوني
حسبي الله ونعم الوكيل في كل ظالم
6. من ترشح بعدكـ ليروي لنا الحكاية ؟

ما بعرف مين ما روى قصتووو

بترك الاختيار الكم يما


شكرا كتييير على الاستضافة وجعتولي قلبي :ShababSmile223:


http://t3.gstatic.com/images?q=tbn:ANd9GcTnJ6RKqcV5oDUu94 XAf0NhzYpJi6Sp3llMJUUTLM1euPmqdu9W


الكم هاي على الموضوع المميز والاهتمام بفلسطين :ShababSmile223:

[عاشقة فلسطين..]

رااائع يا عسل :)
منووووووتينا والله
شكرآ لحضورك الاكثر من رائِع
♥

[القلب النابض]

تسلميلي عاشقة والله انا اللي اتشرفت بالدعوة والتوريطة العسل

الله يسعدكم

[عاشقة فلسطين..]

الله يسعدك يا غالية :ShababSmile116:

[~ثــلــج~]

رآآئــع

ممم

انا بحكـي تحطـو

ممم

شو بعرفني حطو حدا جديد اظن الكل حطينا

[عاشقة فلسطين..]

رآآئــع

ممم

انا بحكـي تحطـو

ممم

شو بعرفني حطو حدا جديد اظن الكل حطينا


أه هـو هـيك
بس فـش حدآ حآليـآ ...
بنشوف على كل حال :)

[شموخ انسان]

شكرا يبنت

وشكرا كثير الك خيتي عاشقة فلسطين

بنختار انشالله

غادة

[][ غـآدة ][ «]

1. ما هي قريتك او بلدتك الأصلية ؟
لبنآآآن ..

2. صورة أو أكثر لبلدتك .

هممم ،، مع انو ما شايفي كتير من لبنــآن ..


http://files.shabab.ps/vb/images_cash/up14/110610195956wgGE.jpg


http://files.shabab.ps/vb/images_cash/up14/110610195956PA7P.jpg

http://files.shabab.ps/vb/images_cash/up14/110610195958AXUX.jpg


3. نبذة بسيطة عنها ~

يتألف العلم اللبناني من ثلاثة اقسام أفقية، احمر أبيض أحمر ويوازي عرض الجزء الأبيض مجموع الجزئين الآخرين. وتتوسط الأرزة الخضراء وهي رمز البلآد، المساحة البيضاء ...

http://files.shabab.ps/vb/images_cash/up14/110610195959m5wK.jpg

الجمهوريّة اللبنانيّة هي إحدى الدول العربية الوآآقعة في الشرق الأوسط ..
في جنوب غرب القارة الآسيوية.
تحدها سوريــآ من الشمـآلوالشرق ، وفلسطين المحتلة وتطل من جهة الغرب على البحر الأبيض
المتوسط ..

هو بلد ديمقراطيجمهوريطوائفي غني بتعدد ثقافــآته وتنوع حضاراته. معظم سكانه من العربالمسلمينوالمسيحيين..

؛

يقع لبنان في الساحل الشرقي للبحر الأبيض المتوسط.
طوله يماثل ثلاث أضعاف عرضه.. ويضيق عرضه كلما اتجهنــآ إلى الجنوب. تضآريسه جبلية.
جباله القريبة من البحر ..

وتقسم الأراضي اللبنانية من الناحية الادارية الى ست محافظات هي:

بيروت الشمال جبل لبنان، الجنوب، البقاع والنبطية.

::


المســآحة الكلية : 560 كلم2
؛
مســآحة الميـآه : 160 كلم2
؛
طول الحدود البرية : 454 كلم
؛
طول الحدود البحرية : 210 كلم


::



4. ماذا تعني لك بلدتك ؟ وما هو حلمك نحوها ؟
بصرآحة اتمنى العودة الى بلدي ، ولكن هذآ لآ يعني انني سعيدة بمآ تفعله لبنآن !

5.كلمه توجهها لدوله الاحتلال الصهيوني
الله يثبت العقل والدين عليهن ،، وحسبنـآ الله ونعم الوكيل !..

6. من ترشح بعدكـ ليروي لنا الحكاية ؟
رأفت :ShababSmile226:

::


شكرآ ع الاستضــآفة شموخ ،، وبعتذر اني اتأخرت عليكم .. :ShababSmile226:

[شموخ انسان]

الله يعطيكي العافية خيتي

وان شاء الله تعودي للبلاد محررة من الظلم والعدوان

بنستنا رأفت ان شاء الله

[][ غـآدة ][ «]

ان شاءالله ،، تسلم شمووخ ! ..

بس يمكن لآزم يتغير اسم الموضوع ! ..

يعني متل ما صار فيني ، ما عرفت انو انا مستضـآقة عندك هههههههه ..

[شموخ انسان]

هههههههههههه

بسيطة يا بنت

بس لانو المشرفة مش موجودة

خلص انشالله لما تيجي رح تشوف الرد وتغير الاسم

يسلمو ع المرور

[عاشقة فلسطين..]

أول إشي آآآسفه عالتأخير
بس بتعرفو إمتحانات :(

يعطيك الف عافية أخي :)
وغادة حبيبتي
نوورتينا بمروك وردك عالاسئلة الرااائع يا غالية ♥
شكرآ جزيلآآآآآ لكِ
وآسفه إني ما غيرت العنوآن

وهلأ رح أغيرو إن شاء الله
بانتظار التالي (رأفت)

يعطيكم الف عافية

[شموخ انسان]

اهين خيتي

الله ينجحك يارب ويوفقك

يعطيكي العافية

[عاشقة فلسطين..]

امين يارب
الله يسعدك :)