[ مزاجك متعكر ] .. شرفنا هـون :)

[أنين]

السلام عليكم

زمان عنكم والله :ShababSmile109:

نيجي للمهم

:

مزاجك متعكر

مسموم بدنك

نفسك تنفجر

جاي ع بالك تكسر كل شي حواليك

معناته انت بالمكان الصحيح

شو يعني هـ الحكي ؟ :ShababSmile225:
يعني ياعمي احنا هون بدنا نروح عنك

ونفرجيك بانو الدنيا بعدها بخير

ومافي شي بيستاهل

والمطلوب ؟ :ShababSmile108:
المطلوب من كل واحد منا بيدخل هون

يحكيلنا موقف خلاه يكره حياته وكيف قدر يتجاوزه

يحكيلنا حكمه

نكته

شعر , صوره

فيديو

الي بتحبوه

:

بمعنى تاني

خلينا نشوف الايجابيات بهـ الحياه

ونساعد بعض

:)

[Zaid]

هلا والله خيتوا نين

خوش فكره وربي


وبخصوص موقف كدرني وضايقني
هما كثار بس اخر واحد صار
بالجامعه
دكتور حاقد علي ما عاطاني حقي بالمشروع اتضايقت ورميت عليه
طردتي بره المكتب وقلي _- إبئى ئابلي لو نـ g ـحت السنه دي _-
مع انو الماده مهمه
طلعت لعبت بولينج
وتربل سترايك لعيون احلى دروب لأحلي ماده
لأنو لو ما بدو يهدى ويعقل حقي بعرف كيف اجيبه وما في حق بضيع عند الله
ولو ما زبطت درووووب
والله بعيني باخذها مره ثانيه

بحس اغلب المشاكل حلها انو نقتنع بداخلنا انو احنا قادرين على حلها
لأنو بكثير ساعات حلها بكون بين ادينا بس مو منتبهين

ويسلمو على هالبوست
P.S FiRsT

[Zaid]

طيب بخصوص حابين انك تجاوبي وتشاركي على موضوعك ؟؟؟؟

[أنين]

نبلش بأول درس :)

اصحى بكير

وماتخلي ليلك نهار .. ونهارك ليل

وهـ الحكي بيأثر كتير ع الشخص

لما تصحى بكير .. ابتسم واذكر ربنا

احكي بينك وبين حالك .. انو الدنيا فيها شي حلو ينعاش

واليوم مش زي مبارح

ابتسم

مافي شي بيداوي زي البسمه

:)

[زهرة الايمان]

اممممم موضوع رهيب بصرآحة
انا مش حأئول هان مواقف ,, لأنه بالاول وبالاخر بدنا نعيش
وانا عندي أمل بالحياة الحمد لله
بعدين خلي الشكوى لربنا
انا مستعدة اكون مرشدة معكـ أنينو :ShababSmile109:

[PaLeSt!Ne SouL]

الشغلة اللي بتصبرنا على الدنيا

انه ايامها قليلة

و بالآخرة رح نرتاح .)

[haya-jor]

يعني يا انوون والله اختيار موفق جدا وفكره اكثر من رائعه جد انتي بلسم للمنتدى .. الله لا يحرمنا منك

من شو ولا شو الواحد بدو يشكي .. القلب تعبآآآآآآآن من الحكي

بس الحلو بالموضوع انو ممكن نحكي اي شي فيه ونعبر عن الي فينا بأي شي فا رح احط كم بيت من
قصيده للشاعر سعد علوش بتعجبني .. بختصروا كثير كلام وكثير مشاعر ..


تدري متى الجرح يبطي وقعة ويالم
لاجاك من ناس أنت الي تعالجها



واكيد رح يكون الي طلات كثيره هون

[أنين]

لكل شخص

فيديو رائع جداً

http://www.youtube.com/watch?v=YWmDbn0NnPA&NR=1

[PaLeStiNe FlOwEr]

جميل جدا انين

لي عودة قريبة :)

[Zaid]

مرجبا خيتو
شفت الفيدو
وبجد
اختيااااااااااااااااااااااار موفق
لو هاد سستمك بالحياه بحب اخبرك
one day U'll be something
وشي كثير كبير كمان
وبجد احلى من الاخراج والتصميم ما شفت
سمبل كثير وبوصل المعلومه بكل هدوء وبطريقه سلسه
المهم هسى
اقلك كيف تغلبت على هالصبح الي كان اقشر
مبارح بالليل الدفايه خربت
وتجمدت من البرد والبيت فاضي
والنفسيه بالحضيض من مبارح
واليوم عندي عندي تدريب للسبعه الليل

اليوم واخيرا الشمس طلعت
وصار الجو دافى
لبست ورحت جبتلي الفطور الي بحبو
كوراسون وشوية باستريز
وكمان جبت كيكه
وورد
وشغلت فيروز بعدا على بالي وسألوني الناس وزبطت القعده وافطر وحليت وعشت الجو والموود الي بدي اياه
كان بإمكاني اقزرها دخان ولا دلفري
وكان بإمكاني اقلب القعده الحلوه هم ونكد واقعد افكر ليش ما عندي حدا يسأل عني او ليش ما يكون حدا معي بهالقعده احسن من قعدتي لحالي زي السايكوز

بس لأ اذا بنستنى الناس تسعدنا عمرنا ما راح نسعد
طلعت ومشيت ورحت لابوار وفلورا تبع الورد وتخوثت على هاد شوي ونرزفت على هداك
بس عادي
عملت جو لحالي
عزمت حالي
واسيت حالي
مهما كان عنا اصحاب ومعارف ويمكن حتى اهل
بتمر علينا ساعات ويمكن ايام من غير ما تلاقي حدا لما بيسألك كيف حالك بكون بيعنيها من قلبو
يمكن تنزل دمعتك وما حدا يشعر ولا يحس ولا حتى يسأل

ما حدا حيفهم شو بنحب مثل ما احنا بنعرف حالنا
فعشان ننبسط بحياتنا ونقدر ننجح
نحب انفسنا بالدرجه الأولى بعدين نستنى حدا يجي ويجبلنا ورده
ولا يرسم بسمه على وجهك او حتى يحضنك وتحس بدفى

-_- اول مره بسويها تقريبا بس حلتلي السالفه وراح اكررها كثير
جربوها ما بتخسرو
كل الود خيتو انين

[أنين]

مش غلط خيو زيد .,

بالعكس الانسان لازم مايستنى أي شي .. لانو راح يضل عايش حياته وهو زعلان من فلان وشايل ع علان

عشان هيك بحيك ع تصرفك :)

وعندي تعليق بسيط ع موضوعك .. الي ما بسال عنك اسأل عنه .. كون احسن منه

مش عشانه ولاعشان شي

عشانك انت .. عشان ضميرك يكون مرتاح

[Zaid]

مش غلط خيو زيد .,

بالعكس الانسان لازم مايستنى أي شي .. لانو راح يضل عايش حياته وهو زعلان من فلان وشايل ع علان

عشان هيك بحيك ع تصرفك :)

وعندي تعليق بسيط ع موضوعك .. الي ما بسال عنك اسأل عنه .. كون احسن منه

مش عشانه ولاعشان شي

عشانك انت .. عشان ضميرك يكون مرتاح


:ShababSmile224:

صح
وراحه الضمير اصلا شي مهم بتجلب معها رضى عن النفس وراحه نفسيه


كل الود

[~][وحيدة القمر][~]

مواقف كتيـــــــــــــــــرة مؤلمة حصلت معي في حياتي

أمرّها موقف انتهى بشعور ما ورد عليي سابقاً .. شعرت حينها بأن قلبي يخفق بقوة فائقة بشكل غير طبيعي .. خانتني عيناي وانهمر الدمع المتتالي الغير منقطع الذي شعرت بحرقته على خدودي .... اكتفي بهذا الوصف

ولكن ..

خرجت من هذا الموقف بعد مدّة ليست بالقليلة .. ووضعت نصب عيني كلمة ..

الحياة لا تتوقف عند ما مرّ بي ..

فوقفت على قدماي بعد أيام طويلة من الإحباط والإنكسار .. واستعدت قواي ولله الحمد

______

كلمة تريح القلب وتطفئ نار الألم :)

[ في الجنة لن نبكي ]


_______

أنين .. موضوع روعة .. فشكرا لك =)

[رماد الحب]

والله فى مواقف كتير حصلت بس موقف عنجد خلني اكرة حياتى
وخلني اخسر اعز الناس على قلبى بس شو بدنا نعمل الدنيا هيك
يوم الك ويوم عليك
مشكورة انين

[haya-jor]

والله انو رح امووت من القهر والحزن .. واول شي فكرت اجي الو موضوعك هاد يعني مافي شي اعملو غير اني اجي هون على عالم النت هالعالم الغبي والوهمي الخيالي واجي احكي ..
مزاجي مو بس متعكر إلا حاسه انو رح تتوقف الحياه باللحضه هاي .. خلص كرهانه حالي شخص واحد بجرح وبداوي شخص واحد بخلي الحياه بعيني حلوه وبخلي الحياه بعيني موت شخص واحد بوقف الحياه بعيني كيف هيك لييييييش ؟؟؟؟؟؟؟؟؟؟ كيف يعني اكره حالي بسبب شخص واحب حالي بسببه كيف ؟؟؟ ولمتى اصبر واسكت واعدي وانقهر واموت ولا كانو شي صار بالدنيا ؟

حليها يا انين لو بتنحل ولا تحطلي فيدو متل الي فات احسن الك

[أنين]

راجع ارد عليكم واحد واحد .,

بس جاي ع بالي افضفض

:

اليوم كان غريب كتير عليي

صار موقف معي .. خلاني اوقف مع حالي ..

ما اصعب الشعور لما تبطل تعرف حالك !

انا ماكنت هيك .. كنت استناها من اسبوع .. واحضر ئلها واصرع كل حدا حوالي

أما هلأ .. بالصدفه عرفت عن الموضوع !!

مابعرف هل هي الدنيا الي بتغيرنا .. ولا احنا الي تغيرنا ع الدنيا

وليش دايما .. بنحط الحق ع الدنيا !

مزاجي متخربط :(

[أنين]

[وحيدةُ القمر][~;1617600']مواقف كتيـــــــــــــــــرة مؤلمة حصلت معي في حياتي

أمرّها موقف انتهى بشعور ما ورد عليي سابقاً .. شعرت حينها بأن قلبي يخفق بقوة فائقة بشكل غير طبيعي .. خانتني عيناي وانهمر الدمع المتتالي الغير منقطع الذي شعرت بحرقته على خدودي .... اكتفي بهذا الوصف

ولكن ..

خرجت من هذا الموقف بعد مدّة ليست بالقليلة .. ووضعت نصب عيني كلمة ..

الحياة لا تتوقف عند ما مرّ بي ..

فوقفت على قدماي بعد أيام طويلة من الإحباط والإنكسار .. واستعدت قواي ولله الحمد

______

كلمة تريح القلب وتطفئ نار الألم :)

[ في الجنة لن نبكي ]


_______

أنين .. موضوع روعة .. فشكرا لك =)


الله ع كلامك .,

فعلاً الواحد لازم يتخطى كل عقابات حياتي ويكون اقوى من قبل

الدنيا مابتوقف عن حد .. ولا حد بستاهل نخسر دنيتنا عشانه

:)

[أنين]

والله فى مواقف كتير حصلت بس موقف عنجد خلني اكرة حياتى
وخلني اخسر اعز الناس على قلبى بس شو بدنا نعمل الدنيا هيك
يوم الك ويوم عليك
مشكورة انين

حكيتي كلمه مهمه كتير

احنا شو بدنا نعمل الدنيا هيك !!

هاد تساؤل كتير بنحكي .. بس بجد احنا بننزهم بسهوله .. وبنعطي الدنيا حق لحتى تجرحنا

بأمكنا نعمل كتر شغلات

ولهيك انا فتحت الموضوع لحتى .. نكون اقوى ونعرف نتصرف بلحظات الحزن ولحظات الجرح

:)

[أنين]

والله انو رح امووت من القهر والحزن .. واول شي فكرت اجي الو موضوعك هاد يعني مافي شي اعملو غير اني اجي هون على عالم النت هالعالم الغبي والوهمي الخيالي واجي احكي ..
مزاجي مو بس متعكر إلا حاسه انو رح تتوقف الحياه باللحضه هاي .. خلص كرهانه حالي شخص واحد بجرح وبداوي شخص واحد بخلي الحياه بعيني حلوه وبخلي الحياه بعيني موت شخص واحد بوقف الحياه بعيني كيف هيك لييييييش ؟؟؟؟؟؟؟؟؟؟ كيف يعني اكره حالي بسبب شخص واحب حالي بسببه كيف ؟؟؟ ولمتى اصبر واسكت واعدي وانقهر واموت ولا كانو شي صار بالدنيا ؟

حليها يا انين لو بتنحل ولا تحطلي فيدو متل الي فات احسن الك

مابدك احطلك فيديو :ShababSmile108:

أما عالم .. مش عشانك انا حطيته :ShababSmile226:

انتي وضعك منتهي من زمان :ShababSmile226:

حبيبتي هيا .. اعتربي الحكي ادناه من شخص مابعرف شو قصتك :ShababSmile250:

انتي دخلتي حالك بوجع الراس .. وكل انسان لازم يتحمل نتيجه تصرفاته

وكل شي ئله حل

واهم شي .. واكبر غلطه

انك توقفي حياتك ع انسان

حتى لو كان هو سبب سعادتك وحزنك .,

بعدين ياحبيبتي

في كتير بهـ الدنيا

بشوفك انتي الدنيا :ShababSmile109:

وع فكره .. انا زعلانه منك :ShababSmile108:

[MJOD ABU ELMJD]

لآ تحزن فـ رغد آلعيش يبدأ بـ إبتسآمه فـ إبتسمـ..
._._._._._._._._._._._._._._._._._. _._._._.

إمسح بـ منديل آلأمل دمعهـ آليأس..و إسخر من أحدآت آلزمن بـ إبتسآمه...
._._._._._._._._._._._._._._._._._. _._._._.

آلدنيآ
مساله حسابيه خد من اليوم عبره ومن الامس خبره ,,,اطرح منها الهم
والشقاء,,, واجمع لها الحب والوفاء ,,,,واترك الباقي لرب السماء
._._._._._._._._._._._._._._._._._. _._._._.
گن ٻآڷدنيآ كـ غريب أو عآبر سبيل..
ۈآٿرگ ورآئك كل آثرٍ جميڷ
.. مآنحن في آڷدنيآ إڷآ ضيۈف ..
ۈمآعڷى آڷضيف إڷآ آڷرحيڷ ..!
._._._._._._._._._._._._._._._._._. _._._._.
لا تدع قطار حياتك يتوقف كثيرًا على " مـحـطـة " اليأس واحتفظ دومًا بـ " تـذكـرهـ " الأمل
._._._._._._._._._._._._._._._._._. _._._._.
من عآش على آلأمل لآ يعرف آلمستحيل
._._._._._._._._._._._._._._._._._. _._._._.
أنآ من قآل للدنيآ كفآكي قهرآ فقد مللت غدرآ وتعبت صبرآ ولكني سأنتظر فرجآ لو أنتظرت دهرآ..

تقبلوآ مروري..:)

[haya-jor]

مابدك احطلك فيديو :ShababSmile108:

أما عالم .. مش عشانك انا حطيته :ShababSmile226:

انتي وضعك منتهي من زمان :ShababSmile226:

حبيبتي هيا .. اعتربي الحكي ادناه من شخص مابعرف شو قصتك :ShababSmile250:

انتي دخلتي حالك بوجع الراس .. وكل انسان لازم يتحمل نتيجه تصرفاته

وكل شي ئله حل

واهم شي .. واكبر غلطه

انك توقفي حياتك ع انسان

حتى لو كان هو سبب سعادتك وحزنك .,

بعدين ياحبيبتي

في كتير بهـ الدنيا

بشوفك انتي الدنيا :ShababSmile109:

وع فكره .. انا زعلانه منك :ShababSmile108:


كلو كوم وانتي تزعلي كوم تاني يعني !
:ShababSmile111:

مافي انسان يا انوون بختار هو يدخل حاله بشي او يطلع حاله
لو هاد الشي اختياري مافي حد تعبان والكل مرتاح