بدي اعرف رايكن بهذه الظواهر؟ [الأرشيف]

مشاهدة النسخة كاملة : بدي اعرف رايكن بهذه الظواهر؟

قاهر الصعاب

11-03-2010, 09:50 AM

السلام عليكم

كيف الحال

ان شاء الله تكونو بخير اخواني واخواتي .

احممممممممممممممممممممم

بدي ابلش بالموضوع

اه الان بدأنا :

قال تعالى ( قل من حرم زينة الله التي أخرج لعباده والطيبات من الرزق) اذن الله يحب ان يرى اثر نعمته على عبده ، لكننا اليوم اسرفنا كثيرا . ادخل في صلب الموضوع.
أولا : ظاهرة في الاعراس والمناسبات : قيام الامهات بتزيين البنات الصغار من سنتين فما فوق في الصالونات . فمثلا بنت صغيرة عمرها لسا 3 سنوات مكياج وتسريحة وعطر ولبس اخر موضه .
طبعا هذه التسريحة واللبس غالي الثمن والبنت لسا ما هي واعية على الدنيا يعني تضييع اموال .
كذلك الامر لما البنت وهي صغيرة تتعود على اللبس المفصل والمكياج والتسريحات ايش بتصير حياتها لما تكبر ( بصير هدفها فقط الصالونات والتزين) .

اريد معرفة رأيكن في هذه الظاهرة وبدون زعل ، احنا في قسم نقاش وحوار حر .

ثانيا : قيام الفتاة بحمل ابنها الرضيع في عربة وجر العربة في الطريق(يعني تحضر ) طيب هذا المراة المسلمة المنقبة مش قادرة تحمل ابنها الي وزنة 4-5 كيلو وحتى 8 كيلو .
والمشكلة لما تصل هذه المراة المسكينة لطريق مرتفعة (صعود) بتصير تجر في العرباية والناس بينظروا لها . طيب ليش ها المعاناة فقط من اجل الموضه وتبين للناس انو وضعها المادي ممتاز ومتحضرة . الله يعينها على الجر .

والي ذايقني مرة انه شاب من اقاربي مرق عني ومعاه زوجته تجر في العربة وهو ماشي معها شوي شوي .

هل انت مع او ضد جر العربة .

ما رايك بهذه الظاهرة؟

انا اعرف ان الموضوع محرج نوعا ما لكنه ظاهرة في المجتمع الفلسطيني منتشرة واريد مناقشتها ومعرفة هل هي صحيحة او خاطئة .

طبعا انا ضد هذه الظواهر وارفضها ؟ وبنشوف راي الاخوات وبنحكم راي الاغلبية.

انتهى موضوعي وبانتظار ردودكم الحلوة.

لالا-فلسطين 48

11-03-2010, 10:52 AM

يسعد صباحك قاهر الصعاب...

رح فوت بالنقاش دغري...

أولا : ظاهرة في الاعراس والمناسبات : قيام الامهات بتزيين البنات الصغار من سنتين فما فوق في الصالونات . فمثلا بنت صغيرة عمرها لسا 3 سنوات مكياج وتسريحة وعطر ولبس اخر موضه .
طبعا هذه التسريحة واللبس غالي الثمن والبنت لسا ما هي واعية على الدنيا يعني تضييع اموال .
كذلك الامر لما البنت وهي صغيرة تتعود على اللبس المفصل والمكياج والتسريحات ايش بتصير حياتها لما تكبر ( بصير هدفها فقط الصالونات والتزين) .

بدي احكيلك شغلة انو هالظاهرة منتشرة كتيييييير عنا ومش من اليوم من زماااااااان، من لما وعيت عالدنيا وانا اشوف انو اللي عندهم عرس او حفلة زفاف كل اهل الدار من كبيرهم لصغيرهم بروحوا بلبسوا بالصالون، وتسريحة ومكياج ولبسة بتليق بسهرة...

انا مش شايفة انو في مبالغة بهالشغلة ازا اللبس بالصالون اقتصر فقط على اعراس الاشخاص القريبة من الدرجة الاولى في القرابة، يعني مش كل ما صار عرس بالبلد من قريب والا بعيد العيلة بالليلة تركض عالصالون...
يمكن انو سبب تجذر هالعادة فينا خلاني اشوفها انو اشي عادي بس لما بالاشي المعقول...

بس الاشي اللي عم نلحظو بهالايام انو بكونوا الناس ناطرين الحفلة تبلش بس علشان يتفرجوا اهل العروس/ العريس شو لابسين وشو عاملين، يعني بالزبط بتكون الناس قاعدة لتنتقد وتنقد مش بس مظهر العرسان كمان اهاليهم والايام الاخيرة صرنا نلحظ انو هالانتقادات مش موجهة بس عالبني ادمين نفسهم،كمان على مراسيم الاحتفال: يعني كيف زينوا القاعة، استخدموا الالعاب النارية والمفرقعات، أي فرقة موسيقية جابوا، عملت العروس "نوف" (هالكلمة عبرية والله ما بعرف شو بتحكولها بالعربي، بس القصد فيها انو العرسان بطلعوا قبل العرس على شي محل يتصوروا ويعملوا فيديو كليب)>> بصراحة عادات سيئة، بس متجذرة فينا وللاسف!!!!!!

ولدرجة انو الترقب والانتقادات لا تقتصر فقط على اهل الحفل وكمان عكل المشتركين بالحفل، يعني الام بتكون ناظرة كمان فلانة شو لابسة وشو عاملة وكيف ملبسة بناتها (ان كان الها دخل بالعرس ا ولع)
وبشكل تلقائي هالعادة رح تنتقل من الام لبناتها ومن وهني زغار ويصيروا يطلعوا عالبنات كيف ووين وشو بلبسوا.. ورح يبلشوا بتطلبوا كمان!!! فاشي طبيعي انهم رح يقتدوا بامياتهن!

كمان انا ضد انو البنات وامياتهن ما يخلين ولا عرس يزعل عليهن والا لازم يحضرنو (بغض النظر عن تزينهن) لانو بصير الاشي مبالغ فيو ومش حلو انوالواحد يعودحالو عمتل هي طبع، انو ازا في عرس لازم نكوناول المشرفين، طبعا بس اللي من واجبو الواحد يحضرو ومالوش خلاص منو هاداشي تاني...

وبحب الفت نظرك انو عنا كمان الاشي دارج عند الذكور بس بنسبة اخف!!!!!

وصفتلك الظاهرة، بس اللي انا بشوفو معقول انو اوكي عندكو عرس روحوا تزينوا بالصالون واشتروا الاواعي اللي بتحبوها، حلو انو العيلة اللي عندها عرس يعملو تغيير بطريقة لبس وتزينهن الاعتيادية، بس شرط تناسبكو وتناسب ازواقكو ومش عشان فلانة وبناتها اشترين من هاد المحل ولبسن هيك، وبالاضافة الى انها تناسبكو من ناحية مادية ومش لازم تشنقوا حالكو علشان تبينوا يوم العرس بهالمظهر!!!

بس السؤال كيف انو عادة الاسراف واللبس اللي بناسب السهرات متتعودش عليه البنت، هون بيجي دور الام وشطارتها انها تربي بنتها انو كل مناسبة وكل موقف الو اللبس اللي بناسبو واكيد لبس السهرات غير عن لبس اليوم يوم، والتزين بالصالونات مش والمكياج هاد يقتصر بس ازا كان العرس عند حدا قريب جدا من العيلة ومش لازم عكل عرس..

بالاضافة انو البنت الزغيرة مش لازم ترافق امها عكل عرس>> والله شو بدو يطلع منها هالبنت ازا من زغرة تعودت متفوتش ولا عرس؟؟؟؟؟؟؟!!!!!!!!!

ثانيا : قيام الفتاة المنقبة بحمل ابنها الرضيع في عربة وجر العربة في الطريق(يعني تحضر ) طيب هذا المراة المسلمة المنقبة مش قادرة تحمل ابنها الي وزنة 4-5 كيلو وحتى 8 كيلو .
والمشكلة لما تصل هذه المراة المسكينة لطريق مرتفعة (صعود) بتصير تجر في العرباية والناس بينظروا لها . طيب ليش ها المعاناة فقط من اجل الموضه وتبين للناس انو وضعها المادي ممتاز ومتحضرة . الله يعينها على الجر .

هل انت مع او ضد جر العربة .
ما رايك بهذه الظاهرة؟

بالنسبة للظاهرة التانية: يعني المستهدف هون بس المسلمة المنقبة؟! انو شو دخل ازا كانت منقبة بالظاهرة؟!

شوف، رح احكيلك كيف الوضع عنا..

العرباية والسلة اللي بنحط فيها البيبي وبتنحمل بالايد، من مرة ما بتدل على وضع مادي ممتاز ولا حتى على تحضر..

هاي مستلزمات للمولود الجديد لازم تكون جاهزة مع قدومه عالدنيا!!!

بس كيف ووينتا نستخدمهن ونطلع فيهن هاد الاشي برجع للام نفسها والمشوار اللي طالعة عليه..

متلا ازا طالعة على مشوار ترفيه متلا رحلة ومعها ابنها، فحلو انها تاخد معها العرباية، لانو ما بصير انها تضل حاملة ابنها عايدها طول الرحلة... وكمان ازا كانت الاغراض اللازمة للبيبي اللي لازم تصحبهن معها كتار فالحل كمان انها تاخد معها العرباية لانها بتشيل كتير من هالاغراض...

بس انا ضد انو أي مشوار، بسيط كان او بعيد انو الام تحط ابنها بهالسلة او بالعرباية وتاخدو..

اولا بكون الاشي متعب لالها خصوصي انو المشوار مش مستاهل كل هاد وهي نفسها بتعرفش كيف تدبر السلة او العرباية خصوصي انهن تقال وكبار بالحجم!

والاشي التاني والاهم، انو الطفل الزغير بحاجة لانو يحس بحنان امو، فمن وين الحنان اللي رح يحس فيو ازا دايما راميتو بهالسلة او بهالعرباية؟؟؟!!!!!!

يعني لازم يكون الاشي بالعقل وبالمعقول وحسب الحاجةوهون الام لازم توظف رايها ازا الموقف بحاجة او مش بحاجة!!!

يعني بصير اتخاذ قرار متل هيك تلقائي وعالسريع ومش بحاجة لانها تناقش في او تتطلع بهيك نظرة تحضر وناحية مادية، لانو ازا تفكيرها بهالشكل بصير الاشي اسمو تخلف ومش تحضر!!!!!

* * * * *

مشكور عالطرح..

ويعطيك الف عافية!

قاهر الصعاب

11-03-2010, 12:32 PM

الاخت لالا فلسطين 48 اهلا بك وردك ما شاء الله في الصميم

كل احترامي لرايك

وكل انسان له رايه ومعتقداته وافكاره الخاصة به.

بالاضافة انو البنت الزغيرة مش لازم ترافق امها عكل عرس>> والله شو بدو يطلع منها هالبنت ازا من زغرة تعودت متفوتش ولا عرس؟؟؟؟؟؟؟!!!!!!!!!
انا هيك نظرتي في الاساس بصير هم البنت الموضه وبتنسى دينها وثقافتها .

((((بالنسبة للظاهرة التانية: يعني المستهدف هون بس المسلمة المنقبة؟! انو شو دخل ازا كانت منقبة بالظاهرة؟!

شوف، رح احكيلك كيف الوضع عنا..))))))))

معك حق الاصل في كل البنات المنقبة وغير المنقبة وانا اعتراضي فقط على وضع الطفل في عربة بعجلات وجرها بالطريق فهذا شيء مستهجن .

ورايك وصل لنا وما شاء الله عليكي حكيمة وعقلانية في تقديرك للامور . يعني الامر يختلف حسب الحاجو والظرف .

كل احترامي وتقديري

بانتظار مشاركات اخرى

**********

اذن لالا 48 حلها وسط ليست مع وليست ضد هذه الظواهر ( انما الاصل مراعاة الظروف وفي اوقات معينة ) هذا حسب فهمي .

Moon Tears

11-03-2010, 06:01 PM

السلام عليكم :

رح ادخل بالموضوع مباشره ..زي ما حكت الاخت لالا فلسطين بموضوع انو البنات الصغار يكونو حاطين مكياج انا بأيدها بالرأي 100%
فعلا هالشغله صارت كتير منتشره ...اصلا الاطفال جمالهم الطبيعي احلى بمليون مرة من المصطنع وبمكياج هادا اللي بحطولي ياه ..وبعدين مش مناسب بالمرة ..اساسا هالايام صايرة ظاهرة المكياج الزايد مش بس بالاعراس ..بالجامعات والشوارع ..اشي بخزي
وما رح اضضيف اشي تااني الاخت كفت ووفت : )

بالنسبه للعربايات ...انا شايفه انو ما فيها شي عادي ..بالعكس كتير منيحه يعني وقت تكون الام طالعه مشوار ع السوق مثلا ..والدنيا شوب بتحطو بالعرباي تبعو عشان ما يتأثر ..كمان يعني مفكر انو شغله حمل الطفل ع الكتاف اكم ساعه اشي سهل ..والله بيهلك الادين والكتاف
اكيد الها مساوئ انو مرات بالزحمه الواحد ما بعرف يتحرك زي العالم ..بس مرات بتفيد كتير

تقبل مروري ويسلمو اخي قاهر الصعاب ع الموضوع .

تحياتي : )

PaLeSt!Ne SouL

11-04-2010, 01:27 PM

السلام عليكم ~

- التزين للصغار بالافراح

انه لو من قرابة درجة اولى عادي ما فيها شي
و لكن جمالهم الطبيعي احلى لكن هاد بيرجع لعادات الاهل
لكن لو فرح حد بعيد مش شرط تروح اصلا .

- الغرباية ~

انه هي مهمة و بتخفف عن الام يعني اذا معها اغراض رح تحمل الصغير و لا الاغراض .
و هذا شي ما بيتعارض مع حنان الام او شئ من هذا القبيل لانه الام خلال المشورا يعني المشي بس رح تحطه
لكن لما توصل المكان بترفعه و بتحمله

لكن سؤالي ليش خصصت المراة المنقبة و شاب امام مسجد ؟

اجمل احساس

11-04-2010, 07:16 PM

بالنسبة لسؤالك الأولاني تبع الأعراس

أنا برأيي انو ما فيها اشي لو كان العرس للأقارب انها تروح البنت وتتزين بالصالون

يعني انت حكيت بمقدمتك انو الله بيحب يشوف اثر نعمتو على عبادو لكن بدون مبالغة

لكن لو كان العرس لناس بعاد ما في داعي انو الاطفال يروحوا من الاساس

ولو راحت البنت بتكون زينتها معقولة مش لازم تسريحة واخر طرز إنما بحدود المعقول

وبالنهاية بحكي انو هاي الشغلة كمان بتتبع العادات والتقاليد تبع العائلة نفسها

وعلى الأم انها تعوّد بناتها من صغرهم على التقرب لربنا عشان هدول البنات حيطلعو بالمستقبل

يربّوا اجيال يعني ما يكون كل اهتماهم الجمال والموضة بمعنى تاني ما يكونوا فاضيين من جواتهم وتافهين .

أما بالنسبة للطرح التاني برأيي انو ما فيها اشي لما الام تاخد معها بمشوارها عربة للطفل عشان ترتاح من حملو على إيدها وعلى كتفها بالعكس هاي امور أسهل وربنا حكى انو ديننا دين يسر مش عسر فليش التشدد بأمور مش حرام اصلا وكمان مش ملفتة للنظر

شو الملفت فيها اصلا ؟! لما تجر الطفل من درج او غيرو مش مشكلة طب ما هو في مناطق لكراسي ذوي الاحتياجات الخاصة بتقدر تجر الطفل منها باعتبارها ماسكة عربة وما حدا بيمنعها

ما بعرف ليش بنبالغ في شغلات مش المفروض انو نبالغ فيها ناخدها ببساطة عموما اخي قاهر الصعاب بتمنى أكون فدتك ولو شوي بفكرتي وشكرا لطرحك المميز دايما ربنا يحميك:)

زهرة الايمان

11-05-2010, 12:59 PM

بالنسبة للاعراس والتشخيص والتسريحات
فانا برأي انه من حق الطفلة تتزين مش تكون مشرشرة بس بردو بحدود ,, يعني مش ضروري مكياج وتسريحات وكوافير
يعني والله لو في البيت يمكن احلى واوفر كمان ... ااما عاد ازا بدهم يحجزو للبنت عريس من 3 سنين ففش اشكال تروح على الكوافير خخخ .
والان بالنسبة للمنقبة والعرباية فئلت عئل يبعد عنك
كلو مظاهر وبتلائي الفلوس عندهم كتير والي معاه قرش محيرو بيشتري حمام وبطيرو
فخليهم يشترو هدول عرباية ويتحضرو ..
تحياتي

§عاشقة غزة§

11-05-2010, 02:29 PM

وعليكم السلام ورحمة الله
بالنسبة للضاهرة الاولى
فعلا هي منتشرة في مختلف مجتمعاتنا العربية
ولا اعلم لماذا كل هذه المبالغة
فالبنت لساتها صغيرة وما توعى على شي
طيب شو لزوم تزيينها وكأنها مهرج
اصلا جمال الطفولة في طبيعته
ومن جهة اخرى اذا فعلا بيحكمنا الدين
وليس عادات وتقاليد دخيلة
ولا اساس لها ومضاهر كذابة
فلنتقي الله في بناتنا
ولنعلمهم الحشمة من نعومة اضفارهم
فقد تتعود البنت على هذا شيأ فشيأ
وحين تكبر يحصل ما لا يحمد عقباه
هذا رأيي بصراحة

أما الضاهرة الثانية
الصراحة لسة ما جربتها
بالنسبة لي ممكن الام تستعمل العربة
في حالة البيبي يكون وزنه كثير (ما شاء الله)
اما اذا الوزن الطبيعي ممكن تحمله ليش لا
بس في شغلة يستعملوها الستات عندنا
لحمل الاطفال وهي الكنغر
والزوج طبعا اله دور اذا كان مع الزوجة فمن الافضل انه يحمل الطفل كذلك
فما في احلى من ضم البيبي للصدر
لان الطفل يحس بحنان الابوين
وهذا يزيد من الرباط العاطفي بينهم
وهذا كمان رايي

وانا برد ع الموضوع اجت ببالي ضاهرة اخرى
واستاء كثير لما اراها بالشارع ..
او حتى بالاوتوبيس والاماكن العامة
أم تحمل طفلها وبمجرد ان يبكي
تطلع ثديها على مرئى الجميع وترضعه
وهي منقبة او محجبة او متبرجة
فشو رايك بها الشي؟؟؟

اسعدني الرد على موضوعك
وتتبع كل مواضيعك
تقبل مروري اخي

قاهر الصعاب

11-07-2010, 10:48 AM

قاهر الصعاب

11-07-2010, 10:51 AM

قاهر الصعاب

11-07-2010, 10:54 AM

الاخت اجمل حساس اهلا بك ومشكور لتواصلك

(((((((ما بعرف ليش بنبالغ في شغلات مش المفروض انو نبالغ فيها ناخدها ببساطة عموما اخي قاهر الصعاب بتمنى أكون فدتك ولو شوي بفكرتي وشكرا لطرحك المميز دايما ربنا يحميك:) ))))))

انا اذا لاحظت مواضيعي اناقش قضايا اراها في المجتمع اريد معرفة هل هذه الظاهرة صحيحة ام خاطئة ومعظم الاراء اما متوافقة مع رايي او حل وسط .

ورايك مناسب ايضا ومتوافق مع اخوات اخرى رددن على الموضوع.

قاهر الصعاب

11-07-2010, 10:57 AM

الاخت زهرة الايمان اهلا بك

ومشكور لردك ******************

*******************

الاخت عاشقة غزة

اهلا بك

شكلك متشددة مثلي هههههههههههههههه

رايك متوافق معي وطبعا جميل جدا ورائع ما خطه قلمك .

والله احنا طرحنا الفكرة وكل واحد بنام على الجنب الي بريحه

ونتمنى ان نكون قد افدنا غيرنا

((((((وانا برد ع الموضوع اجت ببالي ضاهرة اخرى
واستاء كثير لما اراها بالشارع ..
او حتى بالاوتوبيس والاماكن العامة
أم تحمل طفلها وبمجرد ان يبكي
تطلع ثديها على مرئى الجميع وترضعه
وهي منقبة او محجبة او متبرجة
فشو رايك بها الشي؟؟؟)))))))))))

ظاهرة سيئة جدا طبعا

ارفضها وليست معقولة

PaLeSt!Ne SouL

11-07-2010, 05:03 PM

الاخت دمعت اسى مشكور لتواصلك

هذا رايك

لكن سؤالي ليش خصصت المراة المنقبة و شاب امام مسجد ؟

الجواب : ظاهرة رايتها في بلدي وهذا الشاب رايته عدة مرات وانا وغيري استهجنا هذا الشيء .

انا بحب المراة لما تمشي في الشارع ما تلفت النظر لنفسها .

اتمنى ان اكون قد وضحت الفكرة

:ShababSmile239:

للاسف ما وضحت الفكرة ...!

الشي الغلط سواء عملته منقبة و لا متبرجة

امام مسجد او شخص عادي بيضل غلط و مستهجن من الكل :ShababSmile250:

.... اما ارضاع الاطفال ما عمري شفت هيك انه بالسيارة :ShababSmile225:

ممكن بين قريباتها او صديقاتها و بتكون مغطية

بارك الله فيكم عاشقة غزة & قاهر الصعاب