مهم للغاية وخاص بأعضاء المنتدى

[محمود]

بسم الله الرحمن الرحيم

تحياتي الطيبة لكم وبعد ..

اخواني الكرام ، يؤسفني أن أقول لكم بعض الاخبار المزعجـــة

الخبر الأول ..

1- بعض الشباب عم تفوت المنتدى بأسماء بنات وعم تشارك فيه لحد الان بهذه العضويات ،، واهدافهم معروفة ...

2- ازعاج بعض الاعضاء لشباب المنتدى باضافتهم على الماسنجر ، والتفوه بعبارات الاستفزاز والاستهتار والتعالي ..

3- الرسائل الخاصة ، شايف بعض الاعضاء عم تستغلها بأسلوب مش سليم وأخر فترة كثرت الشكاوي منها وأصبحت مكان لتوزيع البريد الالكتروني ... وهذا سيدفعني لاغلاق نظام التراسل الخاص في المنتدى .

4- العديد من اعضاء المنتدى عم يقضي وقته في الالعاب ويهمل الاقسام التانية الي هي أهم ..

5- المنتدى الاسلامي ،، رمز عزتنا المواضيع كتيرة لكن الأقل ردود :icon28: ونطمح للمزيد .

6- الاقسام الفلسطينية ،، التي هي نواة هذا المنتدى ملاحظ انو المشاركات فيها متدنية على خلاف باقي الاقسام .

8- منتدى الاناشيد الاسلامية ،، الزيارات رائعه وتعجبني ، لكن الردود واضافة الاناشيد فقط تقتصر على القليل من الاعضاء ..

7- منتدى البرامج العامة ،، تجاهل تام من قبل الاعضاء واضافة البرامج ..

8- منتدى حواء ،، مشاركة بعض الشباب في هذا المنتدى الخاص بهن..

9- منتدى دعم الرسول ، اظن الكل ما زال متمسك بمقاطعه المنتجات الدنماركية ، والكل بحب الرسول

لكن ما بعرف شو سبب عدم الاهتمام في هذا القسم ..

الرجاء الحار منكم .. أخذ الموضوع بعين الاعتبار

وهنا قوانين المنتدى يرجى الالتزام بها ... (http://www.shabab.ps/vb/rules.php)

وفي كمان منتدى اسمه الدعم الفني ، أي حد عنده مشكلة بقدر يفوت هناك ، وما حدا راح يشوف موضوعه

غير المدير العام والعضو ،،

وأنا الان بقف قدامكم على استعداد تام لتقبل انتقاداتكم لمحمود ...

وسلامي الكم

[aBo SaLeeM]

كلامك صح يامحمود وانشاءالله وضع المنتدى يتحسن

[محمود]

شكرا لك اخي أبو سليم على ردك السريع ،،

اتمنى منكم المشاركة الفعالة في هذه الموضوع

واخد الموضوع بشكل جدي والتركيز على كافة اقسام المنتدى ..

وما تنسووو اهم شي انتقدوني اذا حابين ،،

وسلامي الكم

[ابوخضر]

اخي محمود اشكرك كتير


بس عندي اقتراح للك منتدي الالعاب انك تسكرها

لانها بصراحه مالو لازمها

[Abu Shadi]

ان شفت اشي مني يا محمود فاحكي واحدف عضويتي
واما بنسبة الك محمود انتا مش عجبني هالكم من يوم صاير تحلقلي كثير ههههههههههه هذا مش حلاقه بعرف محمود ما بحلقلي وهو بقدر يحلقلي وان شاء الله اسم شباب فلسطين راح تسمعو في كل مكان وفي الراديوهات
والشروط كثير ممتازه وانا بتعاهد بس انت عارف ظروفي محمود اعذرني وردودي في عالم حواء يعني ما تزعل مني وان في حدا زعلان مني انا بعتزر جدا منهم ولكن مشاركتي فيه هي عبارة بس عن تسلايه وبحب امازح الكل وانا عارف انو ماسه زعلانه مني بس قبل ما تزعل مني تعرف اني انا زعلان منها اكثر منها لانو احنا اخوه والمفروض نصيحتها تيجي الي بطرقه ما حدا يشوفها ولا حدا يدري في الموضوع لانو الواحد لمن بدو ينصح شخص علي سلوك مش لازم يكررو او سلوك خطا بنصحو بالسر مش يعمل نشر ملابس
وعلي العموم متشكر وبتمنا من الجميع يسامحني وبعتزر للكل واحد اسئت الو ولكل واحد ما غلطت في حقو برضو وبالمناسبه بتمنا انكم تعذروني هالاشهر االي فاتت والي جاية لاني بصراحه مخنوق جدا جدا ومش طايق ملابسي الي علي ويمكن معظمكم مر في هالمرحله
ومتشكر اخي محمود مره تانية وثالثه ورابعه وكل كلمة بتحكيها متشكر عليها لاني بجد بعزك وبحبك رغم المشاكل الي صارت بينا عمرو ما بفرق الاخوه عن بعض

[هلــون]

محمود كلامك كلووووووو صح ..

يسلمو ايديك ,, واي غلط علي احكولي ,,

[ابن الانتفاضة]

محمود حكينا قبل هيك بهالموضوع ، وقلتلك الحل الوحيد ، لاي عضو بيخالف قوانين المنتدى انه تطبق عليه العقوبات النفروضة بقوانين منتديات شباب فلسطين ، برايي اذا اطبقت كل شي بيصير احسن ، لان هاي النوعيه من الشباب ما لازمهم وجود بيناتنا .

[نسرينا الفلسطينيه]

كلام سليم ميه بالميه

انا بدي اعلق بس على هاد البند بالدات

9- منتدى دعم الرسول ، اظن الكل ما زال متمسك بمقاطعه المنتجات الدنماركية ، والكل بحب الرسول

لكن ما بعرف شو سبب عدم الاهتمام في هذا القسم ..

منتدى الا محمد قليل للأسف الي بفوتو فيه وبحطو مواضيع وبشاركو

ما بعرف شو السبب مع انو هاد حبيبنا ورسولنا وقدوتنا جميعـــا

كيف ممكن ننساه بهالسهوله وننسى كل الي اعتدو عليه وننسا انو لازم نضل ننصروه لآخر يوم بعمرنا

كيف ممكن نعيش بهالبرود والاعتداءات لهلا بتطاول ع اغلى الناس

طبعا وجود المنتدى هاد أقل شي وأضعف الايمان لممكن اقدمو لنصره نبينا

فبتمنى انو الكل يتفاعل بهاد المنتدى تحطو ايديكم بيدين بعض لنصره محمد صلى الله عليه وسلم

[بنت الرملة]

كلامك صحيح اخي محمود وانا صراحه من إلي كتير بركزو على قسم الألعاب وبهمل الباقي وانا اااااااااااسفه جدا جدا وشكرا على هالأخبارإلي ماكانت مزعجه بل خلتنا ننتبه على حالنا شوي
................... :)

[رولينا]

يالله قد ما حكينا في هالمواضيع

ان شاء الله خير
سوي اللي تلاقيه مناسب

[jikoo]

إن شاء الله خير

[رولينا]

بصير خير

[رولينا]

بصير خير

[وطني]

حلووووووو كتير كلامك اخي محمود بس كان من الأفضل ان تذكر قسم تطوير المواقع لأنه ما في أعضاء عم بشاركو فية وما بيعطوة حقة في المشاركات 0000000

[بيســان]

كلام جميل اخي محمود

ولا غبار على اي حرف كتبتــه

سوى .. ( مسألة مشاركة الشباب بقسم عالم حواء )

بصراحة لا أرى اي مشكلة فيهـــا .. وخاصة انه مواضيع هالقسم متنوعة .. وليست فقط عروض ازياء

.

.

دمــت بود

[محمود]

شكرا لكل من شارك ...

خلاص يا اخت بيسان البنات بدهم هيك وحكم القوى على الضعيف :(

ههههههههههه

الافضل انهم يدخلو يقرأوا بس بدون ما يشاركوا ..

لانو تعليقات بعض الشباب بعض الاحيان بتكون سخيفة ...

[nashow2007]

يسلموا اخ محمود والله ملاحظاتك في محلها

ربنا يوفقك ويجعل هذا في ميزان حسناتك

اخوك المحب : نشوووو

[مجهول]

ان شاء الله
نقاط مهمة...مشكور محمود

[وجه القمر]

ان شاء الله

[البتار الصارم]

والله اخرتها الشباب تصير بنات اخي محمود ممكن هذول ال عندهم ميول شاذة فالله يخليك ما بدنا اياهم
واما بالنسبة للمشاركات فكل انسان وهوايته وقدراته لا يكلف الله نفسأ الا وسعها
ولا يهمك راح نعمل الي بيرضيك وجيد انك تحط ملاحظات او اي اخ من فترة لفترة حتى الواحد يراجع نفسه
ومشكور وكل الاخوة على لفت الانتباه