[.. أحلى ريتاج.. ] و ذكـرى الطفولة .. ~

[اسد 22]

هههههههه خليه - بلاش فضايح

[أســـآمـة]

;1582616']كنت تحب تلعب بمكنسة الكهربا !

والله شيء عظيم

يعني الأطفال بيخاااافوا منها

بس ما شاء الله عليك قلبك قوي :p



بيخافو !؟ يمكن :ShababSmile250:

هلآ إسلام :)
هههههههه خليه - بلاش فضايح

:ShababSmile233: ؟

[اسد 22]

انت عارف هههههههه عامل حالك غشيم

[اسد 22]

الفطور عامل شغل

[أســـآمـة]

انت عارف هههههههه عامل حالك غشيم

آي دونت نو :ShababSmile250:

:ShababSmile233: ؟

[الفتاة المشرقة]

والان

ننتظر اسلام

^.^

[أســـآمـة]

بإنتزارها ^^

[[ Islam ]]

جميل جميل ..

بس ما اعتقد اني متزكرة شي من طفولتي ههههههـ

امممم ..

شوو كآنت لعبتك المفضلـه و أنت صغير ؟

والله ما بتزكر ازا كان إلي لعبة او هيك شي

بس وانا بيبي لما كنت اعيط ما كنت اسكت إلا ازا جابولي شرشف " إحرام يعني " فيه

شراشيب :ShababSmile221:

نشيد كنت تحبه أيام الطفولـه ؟

أنا سمسمة ومقطقطة دخلت الروضة ضربت سلامَ والأنتي أعطتني بوسة كمانَ:ShababSmile229:

:شخصيه كرتونيـه كنت تحبهآ ؟

كتييييييييييير

سالي ، جودي أبت ، تاما ، ساندي بل ، كابتن ماجد ، التوأمان ، الحديقة السرية ،

مدينة النخيل ، بيل وسبستيان ، سوسان ، وفي كرتون تبع الفيل بس مش متزكرة اسمه

وحاجات تانية مش جاية على بالي

كيف كنت أيام طفولتك شقي و لا مؤدب ؟

كتيييييييييييير هادية .. :ShababSmile229:

ما هي المواقف اللي عرضت فيها أهلك للإحراج ؟

اممم ..

لا كنت محترمة وما أعمل حاجات فيها احراج :ShababSmile226:

هل كانت شخصيتك قوية أم مغلوب عليها ؟

لا مش قوية :ShababSmile239:

موقف حصل في طفولتك كان له دور في تغيير مجرى حياتك ؟

اووف !

غير مجرى حياتي !

هههههه

ما بعرف ..

بس يمكن وانا عمري 5 سنين رحت مع اختي ع المدرسة عشان تاخد شهادتها

واحنا مروحين خبطتني سيارة

فيمكن بعديها حرمت اطلع مع اختي ههههههههههه

أكبر عيديـه جمعتها كم ؟ و من مين ؟

اممم تقريبا 350 شيكل

من اخواني وخواتي وعمي وخالي ^^

يوم كنتِ صغيره شوو كآنت تسريحتك المفضلـه ؟

عئصتين :ShababSmile250:

من كـآن يدلعك أكثر البابا أو الماما ؟

امي ..

لانو اصلا الوالد توفى وانا صغيرة .. !

اســم دلعك بالطفولـه لحد الآن ينادونك فيـه ؟ و ما هو ؟

كتير إلي اسماء دلع

عدوا على اصابع ايديكم ورجليكم ههههههه

سلووم ، سلومة ، سمسم ، ساسا ، سوس ، سوسو ، سُلُم ، سُلُّم

:ShababSmile109:

بطفولتك كنت تبكي إذا ماجلست بالاول بالطابور أو الفصل ؟

هههههههه

لا ابداً .. بالعكس كنت ما احب غير اكون اخر شي بالطابور والصف :ShababSmile240:

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

امم .. عندي شنتة اهدتني اياها صحبية اختي في يوم ميلادي وانا بصف تاني

شوو اكـثـر حلا كنـت تحـبهاا ؟

امممممم !

شوو اسم اول مـدرسـه أو مدرس درسك ؟

مدرسة غزة أ

المعلمة ناهدة

موقف بطفولتك ما تنساه ؟ وليـه ؟

هو موقف عادي بس هادا الي متزكراه حاليا :ShababSmile248:

مرة كانت وداني تجعني فرحت ع الدكتور واعطاني دوا حبوب

ولما روحت ع البيت كنت لسة بعيط من الوجع

المهم شربت الحبة

في بني ادم سألني بس مش متزكرة مين هو

بيقولي وين الحبة

قولتله في بطني :ShababSmile237:

فالكل قعد يضحك عليي :ShababSmile227:

أجمل رحلـه طلعت فيها بطفولتك ؟

بصف عاشر

برده طفولة ليش لأ :ShababSmile226:

مكان معلق في ذاكرتك من طفولتك ؟ ولماذا ؟

ما في !

مين أقرب صديق في طفولتك وهل كانت بنت ولا ولد ؟

والله انا لحد صف رابع ما كنت بعرف غير أولاد :ShababSmile250:

أقلكم أساميهم :P

[CoOl GiRl..~]

أسآمهـ لآ تعليق هههههههههههه

مجرم :s

و آرجع و آخدها من جديد و ألعب معها،، :ShababSmile222:


كمآن معهآ مش فيهآ ههههههههههههههههههههههه

يعطيك العآفيهـ ..

إسلآم // حلوهـ إجآبتك ههههههه

[أســـآمـة]

أسآمهـ لآ تعليق هههههههههههه

مجرم :s



كمآن معهآ مش فيهآ ههههههههههههههههههههههه

يعطيك العآفيهـ ..

إسلآم // حلوهـ إجآبتك ههههههه


هههههههههههه

معها أدق في التعبير :ShababSmile240:

الله يعافيكِ كووول ،،

+

يعطيكِ العافيه إسلام

و بحييكِ على هداوتك :)

عجبني اسم الدلع سُلم :ShababSmile226:

[أســـآمـة]

الذين يشاهدون محتوى الموضوع الآن : 2 ( الأعضاء 2 والزوار 0)
‏.:.OsAmA.:. (http://www.shabab.ps/vb/member.php?u=10000)+, ‏دمعة أسى (http://www.shabab.ps/vb/member.php?u=22634)+

:ShababSmile239:

[زِينةْ .!]

يعطيكِ العـآفية سُلُم :)

عســل ,,

بانتظآر يللي بعدك ~

[Maram .. ~]

هههههههههههههه اسامة حلوة المكنسة

بتزكرني بأخويَ دآآيما مآسك المكنسة و الأشآطة و بكنس فالبيت :ShababSmile221:

حتى سمينآه محمند كنّآس :ShababSmile221:

:

إسلآم أحلى شي بتلعبي بالشرشف هههههههه

يعطيكي العآفية ~

:)

[شهيد]

ههههههههههههههه لا والله شكلكم شكل اطفال :p

النكست ..~

[بسملة]

شراشيب :ShababSmile221:



:ShababSmile221: فنعة :ShababSmile221:


وفي كرتون تبع الفيل بس مش متزكرة اسمه

بابار فيل زكي نبيل وعالم الأطفال عالم جميل

شوفي [هنآ]



فيمكن بعديها حرمت اطلع مع اختي ههههههههههه


يآ حرآم يا أختهـآ يعني هي شو دخلها .. :ShababSmile111: ..



عدوا على اصابع ايديكم ورجليكم ههههههه



سلووم ، سلومة ، سمسم ، ساسا ، سوس ، سوسو ، سُلُم ، سُلُّم


سنووووووم .. اس نـآآم ..



مرة كانت وداني تجعني فرحت ع الدكتور واعطاني دوا حبوب



وما بيحلالها غير بالعيد توجعها ..



والله انا لحد صف رابع ما كنت بعرف غير أولاد :ShababSmile250:

أقلكم أساميهم :P



منحرفة البنت هادي حتى من صغرها ..

.

.

:ShababSmile116:

[CoOl GiRl..~]

التآلي ..~ ؟؟

[الفتاة المشرقة]

وينك يا اسلام

: )

[[ Islam ]]

هههههههه

تسلموولي :)

..

سوري ما كنت بعرف انو انا لازم اختار !

المهم

زينة أو أحلى ريتاج ؟

[.. ليآل ~]

عسل يا اسلام ربي يسعدك :$

::

بإنتزار أموره من هالأمورتين

[PaLeSt!Ne SouL]

هههههه

نورتي سمسمة
و تعليق بسملة ضحكني ^^

بانتظار الزواتنية

[شهيد]

يلا يا زواتينة وحدة تجاوب ههههههههههههههه

ملولي عين يللي فوقي :p

[الفتاة المشرقة]

بنات العمّ

رح نختارهم مع بعض

:p

تفضلوو

زينه احلى ريتاج

[PaLeStiNe FlOwEr]

بانتظارهم :)

[Dr.Yaso]

ام رنة و زينة يلاااا

[زِينةْ .!]

لك كيف احنا التنتين

بجآوب انا وبس اخلص بتجاوب رتآج

بس تروح من المدرسة هع

/

بس ديروا بالكوا من هان وطالع بديش ولا حدا يورطني

مفهـوم :ShababSmile240:

[زِينةْ .!]

تسدقوا الي ساعة بكتب

رحت عملت كترل + V

لصق شي تاني وراح كل الرد :ShababSmile111:

حلوااا

[أســـآمـة]

هههههههه

بسيطه يا زِينة :)

لو ضغطِ باليمين على الماوس على زر تراجع قبل تحديث الصفحه كان رِجِع المكتوب ؛

بإنتظارك من جديد ْْ

[Maram .. ~]

:ShababSmile221:


بانتزار زينة و رتآج ~

[زِينةْ .!]

شوو كآنت لعبتك المفضلـه و أنت صغير ؟

اممم , ما بعرف !


نشيد كنت تحبه أيام الطفولـه ؟

ذهب الليل طلع الفجر والعصفور صو صو صو صو

شاف القطة قلها بسبس قالتلو نو نو نو نو

ههههههههههه


شخصيه كرتونيـه كنت تحبهآ ؟

سالي , ريمي , ماروكو >> لهلآ بموت فيهم


كيف كنت أيام طفولتك شقي و لا مؤدب ؟

اممم مؤدبة , كان ينضرب المثل بأدبي واسألوا عني مين أشطر وحدة بئولولا :ShababSmile222:


ما هي المواقف اللي عرضت فيها أهلك للإحراج ؟

مش انا هادي :ShababSmile240:


هل كانت شخصيتك قوية أم مغلوب عليها ؟

انا كنت رئيسة البنات في الحارة

وكلامي هوا المسموع وفي الصف كمآن :ShababSmile221:

بس إلآ تمر مواقف أكون مغلوبة فيهـآ


موقف حصل في طفولتك كان له دور في تغيير مجرى حياتك ؟

امممم بصف رابع كنا نلعب مع الولاد في الفورسة

الا راحوا سكروا الباب ع اصبعي

انا شفت الدم بنزل منو وصرت أصرخ وهما شردوا > خيآنة

بس ما رضيت أخد غرز ,,

بعدهـآ حرمت ألعب مع الولاد تآني >> وحوش :ShababSmile222:



أكبر عيديـه جمعتها كم ؟ و من مين ؟

بحبش العيديآت :)



يوم كنتِ صغيره شوو كآنت تسريحتك المفضلـه ؟

كنت أعمل عئص معئص او اربط شعري لفوق من دون تعئيص او شي

ما كنت احب العئصين نهاائي :ShababSmile221:


من كـآن يدلعك أكثر البابا أو الماما ؟

البابا ,, :ShababSmile229:


اســم دلعك بالطفولـه لحد الآن ينادونك فيـه ؟ و ما هو ؟

بحبش اسماء الدلع :)



بطفولتك كنت تبكي إذا ماجلست بالاول بالطابور أو الفصل ؟

امممممم .. ما كنت ابكي , كنت أخد حقي لحالي ,, يعني لازم اصف اول وحدة

اما هلآ بسألش لا عن اول ولا تاني //



هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

لا ,, بحبش الالعاب الطفولية , كنت أحب ألعب في الحارة مع الولاد والبنآت :ShababSmile221:


شوو اكـثـر حلا كنـت تحـبهاا ؟

امممم .. ما بعرف !



شوو اسم اول مـدرسـه أو مدرس درسك ؟

مدرسة اسمها وصفية ابو حمدة بمدرسة الزيتون الابتدائية المشتركة ب


موقف بطفولتك ما تنساه ؟ وليـه ؟

امممم .. بتزكر بصف اول لما كنت عند الانطي وصفية غبت عن المدرسة وكان عندي امتحان يومها

من كتر ما كانت تحبني راحت بعتتلي الامتحان ع البيت مشان احلوو

هههههههه ,, وانتو عارفين البقية :ShababSmile221:

و لمـآ كنا نروح من المدرسة كانوا الولاد يضربونا بالبرابيش ع الرواح :ShababSmile111:

مرة كمآن رموا عليا كيس الزبالة بعيد عنكم وكانت معي رتآج

رحت تاني يوم رميت شنتة واحد بالمجآري :ShababSmile222:



أجمل رحلـه طلعت فيها بطفولتك ؟

بصف عاشر :)



مكان معلق في ذاكرتك من طفولتك ؟ ولماذا ؟

ابصر !



مين أقرب صديق في طفولتك وهل كانت بنت ولا ولد ؟

ولد : محمد مهنـآ . ياسين . مؤمن ,, يييي كتاار :ShababSmile221:

بنت : شهد

[Maram .. ~]

ههههههه كل هاد و آل هآدية :ShababSmile222:

نورتي زينة :)

[زِينةْ .!]

ههههههه كل هاد و آل هآدية :ShababSmile222:

نورتي زينة :)


والله نورك يا عسل

ولكْ اه فش اهدى مني في الشقاوة :ShababSmile233:

[*أحلى رتآآج*]

شوو كآنت لعبتك المفضلـه و أنت صغير ؟
اممم ..مآ كنت أحب الألعآب ..

نشيد كنت تحبه أيام الطفولـه ؟
متل زينة كنآ كتير نغنيهآ واحنآ صغآر ..:ShababSmile233:


شخصيه كرتونيـه كنت تحبهآ ؟
مآوكوآ وأنآ وأخي وكونآن وريمي ..(:


كيف كنت أيام طفولتك شقي و لا مؤدب ؟
لآ أكيد كنت مؤدبة ..:ShababSmile226:


ما هي المواقف اللي عرضت فيها أهلك للإحراج ؟
مآ في ..

هل كانت شخصيتك قوية أم مغلوب عليها ؟
هيك وهيك ..:ShababSmile221:


موقف حصل في طفولتك كان له دور في تغيير مجرى حياتك ؟
ما في ..

أكبر عيديـه جمعتها كم ؟ و من مين ؟
ما بحب العيديات ..:ShababSmile226:


يوم كنتِ صغيره شوو كآنت تسريحتك المفضلـه ؟
اممم ..كآنت مآمآ تعملي فيه أشكآل وألوآن .. كل يوم تعملي شكل ..:ShababSmile221:


من كـآن يدلعك أكثر البابا أو الماما ؟
اممم ..الماما ..


اســم دلعك بالطفولـه لحد الآن ينادونك فيـه ؟ و ما هو ؟
اممم ..{ سبول } .. الكل ما بنآديني الا بهدآ الدلع ولهلآ ..بس نفسي أعرف شو معنآه .:ShababSmile221:


بطفولتك كنت تبكي إذا ماجلست بالاول بالطابور أو الفصل ؟
ههههه.. مآ كنآ نسأل ولا على اول ولآ ع تانى ..

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
ما بحبهم ..

شوو اكـثـر حلا كنـت تحـبهاا ؟
اممم .. مو متذكرة ..


شوو اسم اول مـدرسـه أو مدرس درسك ؟
مدرسة اسمهآ هبة .. يآ الله ئديش كنت أحبهآ وتحبني ..
:ShababSmile229:


موقف بطفولتك ما تنساه ؟ وليـه ؟
ههههه..موقف ولآ عمرى بنسآه فش غيرو ..
مرة كنآ نلعب بالشآرع أنآ وزينة وكآن معهآ بربيش رآحت حطتوا بالنآر واجي على رآسي وعلم دائرة بيضة ب هلا مو مبينة من الشعر ..زي القردة كانت :ShababSmile222:


أجمل رحلـه طلعت فيها بطفولتك ؟
مممم ..مآ بتذكر ..


مكان معلق في ذاكرتك من طفولتك ؟ ولماذا ؟
مآ في ..

مين أقرب صديق في طفولتك وهل كانت بنت ولا ولد ؟
اممم

الاولاد كان في توفيق وابراهيم وفي كمان كتير ..:ShababSmile221:

البنت سهيلة ..

[Dr.Yaso]

مرة كمآن رموا عليا كيس الزبالة بعيد عنكم وكانت معي رتآج


:ShababSmile221: :ShababSmile221: :ShababSmile221:

المهم مين فيكو الي كانت مأصودة؟؟

[Dr.Yaso]

اســم دلعك بالطفولـه لحد الآن ينادونك فيـه ؟ و ما هو ؟
اممم ..{ سبول } .. الكل ما بنآديني الا بهدآ الدلع ولهلآ ..بس نفسي أعرف شو معنآه

زكريني احكيلك xd

[Maram .. ~]

ههههههه

حلو كتير

نورتي ^^

[PaLeStiNe FlOwEr]

ههههههــ

باين عليكي هادية زنزون .. بس طلعتي مو ئليلة

رتوجتي نورتي بأجوبتك


الله يوفئكم :)