ليش بنحب رام الله ..

[Dr.Yaso]

لانه في رام الله الواحد بطلع من الكوفي شوب عشان يروح ع مطعم و بالعكس... لانه في رام الله ما بتحتاج لموعد مع اصحابك لانك كل يوم بتشوفهم...
لانه في رام الله اطيب ناس... لانه في رام الله اول واحد بهنيك في رمضان صاحبك المسيحي....
لانه في رام الله في عيد الميلاد اول واحد بيهنيك صاحبك المسلم...
لانه في رام الله كل الناس بتحب بعض بس ما بتتدخل في بعض... لانه في رام الله البنات حلوين بدون عمليات تجميل...
لانه في رام الله ممكن انك تنبسط وما تصرف الا شيكلين ( أبصر ).... لانه في رام الله ممكن تفطر فلافل وتتغدى اكل صيني وتتعشى بيتزا ايطالية...
لانه في رام الله بتعيش احلى شتا و بتصيف احلى صيف... لأنه في رام الله احلى شباب و الطف صبايا...
لأنه في رام الله بتشوف الناس رايحة على شغلها الصبح وطالعة تسهر بالليل...
لأنه في رام الله بتكزدر في ركب وبتاكل بوظة ركب وأروع قعدة في ركب... لأنه في رام الله اول ما اتروح عند صاحبك بدخلك ع المطبخ وبطعميك من اكل بيتهم....
لأني لو مش من رام الله لتمنيت اكون منها... لأنو رام الله مدينة حزينة يوم الخميس بكونو أهل الشمال روحوا...
لأنو برام الله الخضرجي بحبك تاكل كويس، عشان هيك ما ببيعك إلا بالرطل...لأنو ازا انقطعت من المصاري إلا ما تلاقيلك صاحب يدفع أجار الطريق...
وإذا ما لقيت اركب السرفيس وحيتخانقوا 3 عشان يدفعو عنك...
بدكو كمان اسباب؟؟

اوك هاي أسباب أخرى ....

لأنه في رام الله الكل متواطئ على سماع فيروز الصبح ...لأنه في رام الله بس بتدفي قلبك بشيكل ازا شريت كيس فستق محمص وسخن...
لأنه في رام الله بس رح تسمع الكلمات القروية بلهجة اجنبية... ناولني كرسي >> give me a تشرسي...
لأنه في رام الله بطير نص الراتب بدون ماتحس فيه وحضرتك مبتسم... لأنو في رام الله ثوب مطرز فلسطيني اصيل ...
لأنو أسماء الاشارة برام الله فريدة من نوعها هيذا وميذا وهمّا... لأنه في رام الله كل الناس بتستنى بعض عند البنك العربي حتى الاجانب...
لأنو في رام الله 4 من 5 من اصحابك شعراء او صحافيين او الهم تجارب واهتمامات ادبية... لأنو في رام الله ازكى معجنات بالتاريخ .. كل التحية للشهباء وبنت الشام...
لأنو في رام الله اي واحد اتعرفت عليه ع المسنجر بتلاقي بكزدر بشارع ركب... لأنو هون مابتعرف وين بتخلص رام الله وبتبلش البيرة...
لأنو برام الله وانت نازل بشارع المنتزه ,, بترتدلك الروح... لأنو فيروس الحب منتشر برام الله .. وكل الناس مزكمين...
لأنو في رام الله الكل بيدخن غولواز أحمر يعني باختصار مثل دخانك وبالتالي ما راح تنقطع ولا يوم من سيجارة ....
ولأنو في رام الله في اشي أسمه رام الله التحتا ويا عيني على رام الله التحتا وأحلى الناس....
ولأنو في رام الله ريحة شجر وورد الياسمين ولا في الخيال...
ولأنو في رام الله في كثير ذكريات لا بتزهق ولا بتمل وانت بتتذكر... مرة هون صار كذا وهناك شفنا فلان وكان مش عارف شو ماله...
دخيلك يا الله طيب يعني لو رام الله مش مهمة ومش حلوة على قولة وحدة صاحبيتي كان الله لزق إسمه فيها أي لا والله...


~م*ن*ق*و*ل~

[sadness eyes]

ههههه حلوه
كل بلاد فلسطين حلوه هي وناسها
يسلموو ايديكي موضوع حلو عجبني
>_<

[بنت فلسطين الحرة]

ولأنو في رام الله في اشي أسمه رام الله التحتا ويا عيني على رام الله التحتا وأحلى الناس....
ولأنو في رام الله ريحة شجر وورد الياسمين ولا في الخيال...


يا نيالي انا هههههههههه خجلتوني يا جماعة هههههههههههههه
والله كل فلسطين حلوة باهلها وناسها ,,
واكلاتها الطيبة ( اهم شي الاكلات ) ههههههههههه
واحلا شي برام الله بالفعل رام الله التحتا ممممممم
تسلم هالايدين حبيبتي على الوصف الرائع ,,
اذهلتني حروفك وسحرني نسيم حبرك ,,
سلمت ِ لنا اختاه ,,
كل التحية لسمو شخصك ,,

[تاريخكم اسود يايهود]

يعجبني في رام الله القساميين واهله الطيبين

[عاشقة فلسطين..]

ههه
حلوة
يسلمو إيديكِ أختي

[Dr.Yaso]

*(* sadness eyes *)*

الله يسلم عمرك يا رب و انتي احلا ^^


*(* بنت فلسطين الحرة *)*

احلا ناس يا عسل .. نورتينا و يلا مين ادك

ما صحت لحدا يجي مين يمدحلو بلدو هلأد :ShababSmile240:


*(* تاريخكم اسود يايهود *)*

الكل خير و بركة.. احلا ناس :)


*(* عاشقة فلسطين *)*

الله يسلمك حبيبتي نورتي ^^

[بنت الياسين]

سؤالك حلوووو
بكل بساطة لانو رام اله جنة بتجنن صح؟
لانو فيها تطور اكتر شي وفيها ناس من مختلف البلاد
وفيها بنات...........

[ترانيم العندليب]

ههههههه

اي لانو رام الله


والله بجد رام الله كتيييييير حلووة خصووصا بالليل بتجنن

والملاهي وو وكل شي فيها حلووو

ليه انتي من رام الله؟؟

يعني احنا جيران:p

واكيد بنحبها لانو جارة الخليل:p:p

[Dr.Yaso]

+*!*+ بنت الياسين +*!*+

المهم فيها بنات حلوين متلكو ;)

+*!*+ ترانيب العندليب +*!*+

لا والله حبيبتي انا من حيفا

بس عجبني الايميل و حبيت احطو لأهل رام الله

بس برضو تشرفنا ^^