المساعد الشخصي الرقمي

مشاهدة النسخة كاملة : مشكلة ليس لهاحل ساعدوني رجاء


اميرة الدموع
08-06-2010, 12:39 AM
السلام عليكم ورحمة الله

اخوتي واخواتي الكرام

كيف حالكم يارب تكونوا بخير ،،،، انا جيتكم اليوم واول مرة افوت هنا

وبتمني اكون ضيفة خفيفة عليكم

اناجياكم اليوم وعندي مشكلة كبيرة جدا مشكلة تجسد حياتي وتهدد مستقبلي المجهول اولا اعرفكم علي نفسي

انا فتاة من غزة ابلغ من العمر 23 ربيعا لكن فتاة حياتي مدمرة قلبي مجروح ومستقبلي ضائع

واعاني من الوحدة بشكل رهيب وليس لي من اشتكي له حالي ورغم ذلك فتاة طيبة ولكن ليس لي مكان في هذه الدنيا

وعندي مشكلة وبتمني منكم تعطوني االحل الاسلم منوجهة نظركم

انافتاة ضيعت 5 سنوات من عمري هدرا بدون فائدة وهدف
طبعا خلصت توجيهي لكن بمعدل قليل جدا
ولكني دخلت الجامعة دبلوم ولحتي الان لم اتخرج منها

من 4 سنوات ولم احصل علي شهاده حتي
لدرجة اني احسست بالاحباط والالم والندم لاني ضيعت من عمري سنين هدر
وما بعرف كيف بدي اصلح من حياتي طبعا انا الان ماجلة دراسة نظرا لحالتي المادية

يعني بين نارين لا قادرة اسيب الدراسة والمستقبل والشهادة ولا قادرة اكمل

وغيرهيك انا مسئولة عن ضياع نفسي لدرجة اني احسست بدونية شديدة

ومن ايام ابي طلب مني اني اعيد توجيهي
فتخيلوا فتاة عمرها 23 سنة تعيد توجيهي

محتارة شو اعمل والدراسة ما ضل الها كتير


ساعدوني اعطوني قرار صح

اعيد توجيهي متل ما اهلي عوزين ولسة افوت جامعة اربعة سنوات

ولا اكمل دراسة مع العلم اني دبلوم وماحصلت علي معدل جيد ولا اخدت شهادتي
ونا متل كل البنات نفسي اتخرج وعيش حياتي متل اي بنت

حاسة اني ضيعت عمري ساعدوني شو اختار

وحكون شاكرة الكم تعاونكم معي

بارك الله فيكم

نور الهدى
08-06-2010, 12:53 AM
أول بدي رحب فيكي

اهلا و سهلا اختي و ان شاء الله تلاقي ضالتك هون :)

//

مشكلتك مش معقدة زي ما انتي متصورة و مش بهالحالة اللي بتخليكي تقولي انه ما الها حل

لانه لو فعلا ما الها حل كان ما دورتي على حد يساعدك

و حطي ببالك شغلة

ما في شيء اسمه مستحيل احل المشكلة .. كل مشكلة الها حل هاي قاعدة :)

//

بدي افهم بعض التفاصيل لو سمحتي

شو اسباب تضييعك لخمس سنوات ؟

و شو اسباب عدم تحصيلك لمعدل جيد في التوجيهي ؟

و انتي حاليا بتدرسي باي تخصص ؟ ولا ما بتدرسي نهائي ؟

محتاجة لاجوبتك عشان اقدر اساعدك

//

شغلة أخرى : قلتي انه

واعاني من الوحدة بشكل رهيب وليس لي من اشتكي له حالي ورغم ذلك فتاة طيبة ولكن ليس لي مكان في هذه الدنيا

اياكي يكون سبب لتوقعي بشباك قصص عاطفية و من هالاشياء لانه للاسف كثير بنات بيضعفوا

و بالاخر يتدمروا اكتر

اشكي همومك لربنا .. هو خير من يستمع لك .. ولا بيمل من كلامك معه .. بل هو اللي بايده يفرجها عنك :)

كوني على ثقة ^^

//

و كمان :

ومن ايام ابي طلب مني اني اعيد توجيهي
فتخيلوا فتاة عمرها 23 سنة تعيد توجيهي

فكرة ابوكي مش بطالة ابدا .. بل هي جيدة بنظري

و يا اختي والله العمر مش مقياس ..

انا نفسي ضاعوا مني سنتين و اعدت صفين مع طلاب اصغر مني

و بعرف بنات كمان ضاع منهم سنين اكتر ..

لكن في عزيمة و ارادة

انتي لو حددتي هدف .. حتهون عليكي

لكن بما انه ما عندك اي هدف .. صعبانة عليكي تعيدي توجيهي و عمرك 23

اطمني

ما فيها اي شي والله .. المهم مصلحتك .. و انك تنجحي بحياتك :)

شهيد
08-06-2010, 12:58 AM
مع ما قالت نـور قلباً وقالبا :)

اميرة الدموع
08-06-2010, 01:11 AM
اختي هلا راح جاوبك


بدي افهم بعض التفاصيل لو سمحتي

شو اسباب تضييعك لخمس سنوات ؟
لاني كنت بالجامعة واجلت بعدتوجيهي سنة وبعدها كنت ااجل فصل او فصلين وارجع اكمل فصل نظرا لظروفي المادية
صعبة شوي لهيك كنت ااجل

و شو اسباب عدم تحصيلك لمعدل جيد في التوجيهي ؟
السبب اني كنت اخر فترة مريضة لاخر يوم فامتحاناتي ما بعرف كنت حتي نجحت ولكني صدمت برضوا بالنتيجة لاني كنت احلم بمعدل ومرضت لهيك اهلي دخلوني الجامعة

و انتي حاليا بتدرسي باي تخصص ؟ ولا ما بتدرسي نهائي ؟
انا ادرس في كلية المجتمع في غزة درست الفصل الماضي وما قدمت امتحانات لاني تعرضت لصدمة كبيرة افقدتني توازي لحتي هذه اللحظة اعيش حالة حزن وكآابة افقدتني كل حلو وامل في الدنيا

محتاجة لاجوبتك عشان اقدر اساعدك

ونا يا اختي مش صعبانة عليا اني اعيد
بس فكرة اني مخيفة جدا ووصعب اني افقد الامل مرة تانية وخايفة ان يضيع باقي عمري هدر

نور الهدى
08-06-2010, 01:18 AM
هينة والله يا أميرة :)

أنا هلأ لازم امشي ضروري اعذريني ..

بوعدك من بكرة الصبح ان شاء الله رح ارد عليكي

و ان شاء الله بترتاحي :)

و صدقيني انتي بامكانك تنجحي و انه تكون حياتك غير ..

بس حطي براسك انك بتقدري و ثقي بنفسك ..

مهما كانت العقبات كبيرة بامكانك تجاوزها بعون الله اذا كان عندك هدف و حلم تطمحيله :)

و واضح انك انسانة طموحة والله ^^

ثقي بربنا

//

غدا ان شاء الله تلاقي جوابي :)

سلامي ^^

sadness eyes
08-06-2010, 05:03 AM
اولا لا تيأسي الدنيا مابتستاهل والله
اسمعي صلي استخاره وشوفي انا دايما ازا بحتار بأشي بصلي استخاره وبوكلها ل الله
والله ببعتلك اللي بمصلحتك بعدين مافيها اشي ازا عدتي التوجيهي الا ازا مورك ماشيه بالجامعه
يعني ازا ضايلك لتخلصي الجامعه مده ققصر من انك تعيدي التوجيهي فالافضل تكملي جامعتك
وبعدين مافي حدا ماعندو هموم كل واحد وهمو عاقدو بس لاتيأسي ابدا وخلي عندك ايمان والله بترتاحي
هيني انا مافتت جامعه عشان ماجبت مجموع صح مقهوره بس الحمدلله اكيد خير لئلي
لاتزعلي ياحلوه
:)

أحلى سعوديه
08-06-2010, 06:53 AM
‏ هلا فيك يالغلآ ,,,

اولا في سبب اهو اللي مخليك معقده الامووور بتعرفي شو ؟ التشائم والتحطيم ,, ياحبيبتي تفائلي شو بيضرك لما تتفائلي ,,,
وللمعلوميه ترى اعرف بنات كتتتتتير نفس مشكلتك لكن في فرق بيناتكم انو هم حاطين امل كبييير انهم بينجحوا لدرجة انو وحده اعرفها درست الجامعه ثمان سنوات بالله شو رايك فيها,,,
وانتي لسى صغيره اذا كنتي تقدرين ترفعين المعدل في الجامعه كملي ,,
واذا ماتقدري اخذي بقرار اهلك وابوكي

لكن قبل كل شيئ واول شي أستخيري مره مرتين خمس المهم اذا حسيتي ان القرار اللي اتخذتيه صح خلاص استمري عليه وأستغفري ,اه مأعظم الأستغفار, والله اذا واجهتني اي مشكله ابد بالاستغفار على طول وتنحل باذن الله

وفي مختصين في مثل هاي المشاكل ياليت تبحثين عنهم بالنت
ونا دايم ارجع لأستاذ ياسرالحزيمي وهو مشهور عندنا في السعوديه والله اذا سمعت اشرطته او محاظراته احس ترجعلي الحياه وروح الامل ,,,

والله يوفقك ياقلبي ,,

.: بو جاسم :.
08-06-2010, 12:30 PM
اولا ... هلا بك اختي بين اخوانك واخواتك

الشكوى لغير الله مذله ... خلي شكواك لرب العالمين ... فهو وحده من يعين ...

انا ما عندي حلول ولا عندي اقتراحات اكثر من اللي تكلموا فيه الاخوان ... ولكن بذكرك بشيء واحد .. وفيه حل كل المشاكل ... المعنوية والمادية ...

عليك بتقوى الله ... فالله سبحانه يقول ..:" ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه "
ولا تنسي الدعاء ... وباذن الله ... ان الله راح يفتح عليك ...

مودتي

نور الهدى
08-06-2010, 01:49 PM
اختي هلا راح جاوبك


بدي افهم بعض التفاصيل لو سمحتي

شو اسباب تضييعك لخمس سنوات ؟
لاني كنت بالجامعة واجلت بعدتوجيهي سنة وبعدها كنت ااجل فصل او فصلين وارجع اكمل فصل نظرا لظروفي المادية
صعبة شوي لهيك كنت ااجل

و شو اسباب عدم تحصيلك لمعدل جيد في التوجيهي ؟
السبب اني كنت اخر فترة مريضة لاخر يوم فامتحاناتي ما بعرف كنت حتي نجحت ولكني صدمت برضوا بالنتيجة لاني كنت احلم بمعدل ومرضت لهيك اهلي دخلوني الجامعة

و انتي حاليا بتدرسي باي تخصص ؟ ولا ما بتدرسي نهائي ؟
انا ادرس في كلية المجتمع في غزة درست الفصل الماضي وما قدمت امتحانات لاني تعرضت لصدمة كبيرة افقدتني توازي لحتي هذه اللحظة اعيش حالة حزن وكآابة افقدتني كل حلو وامل في الدنيا

محتاجة لاجوبتك عشان اقدر اساعدك

ونا يا اختي مش صعبانة عليا اني اعيد
بس فكرة اني مخيفة جدا ووصعب اني افقد الامل مرة تانية وخايفة ان يضيع باقي عمري هدر

طيب المفروض كم ضايلك لتتخرجي من الجامعة ؟؟؟

مش فاهمة كيف نظامكم ..

هل من الممكن انه تقدمي امتحانات التوجيهي كـ طالب حر ؟؟

يعني من غير ما ترجعي للمدرسة .. بتحضري للامتحان بدون ما تكوني مسجلة بمدرسة معينة

بهيك بتكوني بتكملي دراستك الجامعية

و بنفس الوقت عندك فرصة لتعيدي توجيهي و تحصلي معدل جيد

اتصلي بالاكاديمية عندكو و استفسري ازا ممكن هاد الشي ..

//

في حالة كان ممكن .. انتي لازم تنظبطي ببرنامج طول السنة

بمعنى انه مناهج التوجيهي بتراجعيها شوي شوي طوال السنة الجاية .. مش تتركي لآخر شهر

لانه رح تتعبي كتير و رح تحسي انه العمل اللي عليكي بيوزن جبال !!

كملي في اللي انتي فيه .. و زبطي لحالك برنامج يومي

ساعة او ساعتين مذاكرة للتوجيهي

و الباقي لدراستك الجامعية الحالية

ازا مشيتي بهذا النمط حتكوني كسبتي فرصتين

تخصصك الحالي .. و معدل جديد بالتوجيهي بيخليكي تفوتي مجال آخر

و هالشي رح يفتح قدامك مجال انه تكون عندك خبرة في تخصصين .. ازا ما مشي الحال مع واحد بيضل عندك التاني

و فرص عملك بتزيد ^^

قدامك فرصة رائعة ما تضيعيها ارجوكي :)

استفسري و ردي علي

انا بانتظارك

و ربنا يوفقك ^^

PaLeSt!Ne SouL
08-06-2010, 05:49 PM
طيب المفروض كم ضايلك لتتخرجي من الجامعة ؟؟؟

مش فاهمة كيف نظامكم ..

هل من الممكن انه تقدمي امتحانات التوجيهي كـ طالب حر ؟؟

يعني من غير ما ترجعي للمدرسة .. بتحضري للامتحان بدون ما تكوني مسجلة بمدرسة معينة

بهيك بتكوني بتكملي دراستك الجامعية

و بنفس الوقت عندك فرصة لتعيدي توجيهي و تحصلي معدل جيد

اتصلي بالاكاديمية عندكو و استفسري ازا ممكن هاد الشي ..

//

في حالة كان ممكن .. انتي لازم تنظبطي ببرنامج طول السنة

بمعنى انه مناهج التوجيهي بتراجعيها شوي شوي طوال السنة الجاية .. مش تتركي لآخر شهر

لانه رح تتعبي كتير و رح تحسي انه العمل اللي عليكي بيوزن جبال !!

كملي في اللي انتي فيه .. و زبطي لحالك برنامج يومي

ساعة او ساعتين مذاكرة للتوجيهي

و الباقي لدراستك الجامعية الحالية

ازا مشيتي بهذا النمط حتكوني كسبتي فرصتين

تخصصك الحالي .. و معدل جديد بالتوجيهي بيخليكي تفوتي مجال آخر

و هالشي رح يفتح قدامك مجال انه تكون عندك خبرة في تخصصين .. ازا ما مشي الحال مع واحد بيضل عندك التاني

و فرص عملك بتزيد ^^

قدامك فرصة رائعة ما تضيعيها ارجوكي :)

استفسري و ردي علي

انا بانتظارك

و ربنا يوفقك ^^

و الله يا نور كلامك عين العقل

بنظامنا ما رح تدخل مدرسة مرة تانية بتدرس بالبيت و آخر شي بتقدم امتحانات
و ما بتقدم مع طلاب اصغر منها بالعكس ممكن يكونوا اكبر

انا خالي عمره 47 سنة ما كان معه 3 اعدادي
لكنه درس و كنا بتوجيهي سوا و الحمد لله نجح و خلص جامعةو الاول على دفعته

و الحمد لله حصل على وظيفة ما بيحلم فيها

زي ما قالت نورمن كلامك مبينة طموحة و فعلا بدك تتغيري
و هاد اهم شي لتحققي اللي بدك اياه
بس رتبي وقتك

ان شا الله بتكملي تخصصك و بتسبقي شهيد بالتوجيهي

جهزي التحلاية من الوقت :ShababSmile237:

الله يوفقك يا رب :ShababSmile224:

نور الهدى
08-06-2010, 09:41 PM
بنظامنا ما رح تدخل مدرسة مرة تانية بتدرس بالبيت و آخر شي بتقدم امتحانات
و ما بتقدم مع طلاب اصغر منها بالعكس ممكن يكونوا اكبر

خلاص لكان من شو خايفة أميرة ؟؟

توكلي على ربنا و اسعي للنجاح

بكفي احباط و احساس بالفشل :@

حسام المصرى
08-06-2010, 09:45 PM
انا شايف أنه أولا مينفعش حضراك تقولى انك ضيعتى من عمرك 5 سنوات هدرا

لأن أى انسان كل يوم بيستفاد أكيد حاجات
وأكيد خلال الخمس سنوات دول حضرتك استفدتى كتير جدا ...

بالنسبة أنك تعيدى توجيهى فدى فكرة بصراحة أنا لا أحبذها .. لو ممكن تقدمى فى كليه خاصة أو تعملى معادلة وتدخلى كليه كويسة يبقى أفضل بكتير ..

حل تانى

أن حضرتك ممكن وتكملى فى الكلية بتاعتك وبعد ما تخلصيها تحاولى تاخدى كورسات فى مجالات مختلفة برمجة وتنمية بشرية وتصميم وحاجات زى دى .. وأكيد ان شاء الله بتشتغلى

لانه ببساطة الشهادة فى زمننا وخاصة فى الظروف التعليمية الحالية ليس لها قيمة كبيرة .. ولكن القيمة تكمن فى خبرات الانسان وطرق ادارته للامور ومهاراته فى الكمبيوتر والانجلش لذلك لا تعيدى توجيهى نهائيا ..


وعلى العموم اعملى استخارة ..

نور الهدى
08-06-2010, 09:51 PM
انا شايف أنه أولا مينفعش حضراك تقولى انك ضيعتى من عمرك 5 سنوات هدرا

لأن أى انسان كل يوم بيستفاد أكيد حاجات
وأكيد خلال الخمس سنوات دول حضرتك استفدتى كتير جدا ...

بالنسبة أنك تعيدى توجيهى فدى فكرة بصراحة أنا لا أحبذها .. لو ممكن تقدمى فى كليه خاصة أو تعملى معادلة وتدخلى كليه كويسة يبقى أفضل بكتير ..

.

مهي اصلا مش حتخسر شي لو عادت توجيهي لانها بنفس الوقت حتكمل دراستها الحالية

فليش تضيع فرصة انه تحصل على معدل جيد و تدخل تخصص تاني هي حاباه ؟؟

حسام المصرى
08-06-2010, 09:59 PM
يا آنسة نور ..

ازاى تكمل توجيهى وتكمل دراستها فى نفس الوقت ..

خلينا واقعيين أكتر من كده

هى تعمل معادلة سنة تنجح فيها تدخل كلية كويسة جدا ان شاء الله ..

او تكمل فى الكلية تاخد الشهادة وتحاول تطور نفسها فى الانجلش والكمبيوتر والشخصية ..

ده الحل المنطقى من وجهة نظرى .. وبلاش احنا نتجادل عشان صاحبة المشكلة متهوشى

خليها هى اللى تبدى رأيها فى آراءنا من فضلك

نور الهدى
08-06-2010, 10:09 PM
يا سيد حسام

هي ممكن تقدم امتحانات التوجيهي من غير ما ترجع للمدرسة زي ما حكينا في البداية

و هذا بيعني انه بتكمل في اللي هي فيه كمان بنفس الوقت :)

الشغلة بدها تنظيم وقت بس .. و هالشي بيرجعلها

اما بالنسبة للانجلش و الكمبيوتر فممكن جدا تطورهم من غير ما تترك فكرة اعادة التوجيهي

بكل الحالات مش حتخسر شي

بالعكس حتكسب فرصة تانية :)

و انا مش بجادلك

انا بعطي رأيي

تماما زي ما انت بتعطي رأيك ^^

و بالنهاية الامر برجعلها

حسب قدرتها و طاقتها

سلامي

حسام المصرى
08-06-2010, 10:15 PM
نستناها برده تقول رأيها ..

حضرتك بتقولى رأيك فى راى حد تانى .. المفروض رأيك فى الموضوع الأساسى ..

ومدام قلتيه يبقى خلاص ممكن نستنى صاحبة الموضوع تقول رأيها لان رأيك ممكن يعملها تشتت
احنا بنساعدها وكل واحد بيقول فكرة

وبالرغم من أنى معتقدشى حكاية انها تقدم امتحانات علطول دى بصراحة وحتى لو قدمت الموضوع هيبقى صعب ..

أنثـــى
08-06-2010, 10:24 PM
أختي الكريمة :

من وجهة نظري الذكاء يعطينا 20 % من المعدل فقط
وال 80 الباقية تعتمد على المذاكرة والدراسة بتركيز
أنا استسمحك عذرا أختي فالحل بين يديك
لماذا لا تنظمي وقتك جيدا
لدينا 24 ساعة في اليوم الواحد لماذا لا تجعلي للدراسة 5 ساعات فقط
وادرسي فيها بشكل متقطع يعني مثلا ادرسي ساعتين أو 3 ساعات ثم فترة راحة بمقدار ساعة مثلا
ثم عودي وادرسي الساعتين الباقية


لا تفكري بأشياء محبطة
رددي بينك وبين نفسك سأنجح
صدقيني الفتاة التي تضع قدمها الأولى نحو النجاح ثم وضعت قدمها الأخر في مكان آخر صدقيني لن تنجح
لأن قدميها الاثنتين يجب أن تثبتا على تلك الدرجة حتى تنهيها وتنتقل للدرجة الأخرى

أنا استنبطت من موضوعك أن الحالة المادية لديك ضعيفة
فإذا كنت فعلا جادة وصادقة في حلمك بانهاء الدراسة فعليك البحث عن عمل والاعتماد على نفسك
في دفع رسوم المعهد .. وصدقيني سيكون ذلك دافعا قويا لكِ حتى تنجحي .. لأنك تعبتِ في دفع الرسوم
يعني بتصيري دفعتِ عرقك وتعبك فبتصيري مهتمة أكثر بإنك ما ترسبي ..

أخيرا عليك باللجوء إلى الله .. فهو وحده القادر على تحقيق ما نريده ولو بغمضة عين .. لأن الكون كله بين يديه سبحانه

وكوني إيجابية في التفكير :)

لا تعيد الثانوية العامة بل استمري في معهدك

أتمنى لك التوفيق

اسد 22
08-06-2010, 10:27 PM
اها رأيي تكمل ومش راح تخسر حاجة

مع انه اندفع مصاري ودخلت التخصص تكمله وبعد ما تتخرج وتقدر تعمل الي هي عايزاه


وبعدين ممكن التخصص هاد خير الها لا نعرف اين الخير مكتوب لنا


شهادة حتى إن لا تريد ان تعمل بها تحصل عليها ظروفنا صعبة كتير اتعلموا وما وجدوا عمل في

مجالهم واشتغلوا في حاجات تانية مش عيب

اعقل وتوكل هكذا قال الرسول صلى الله عليه وسلم


مش لازم نكون زي الإنسان الي بتعب حتى يجيب المال وبعدين برميهم في البحر

وأنا كمان داخل تخصص اجبرت عليه وبلغة اول مرة بحصل عليها وما درست كتير وبستنى النتيجة وإن شاء الله بكمل الخيرة فما اختاره الله

اميرة الدموع
08-06-2010, 11:42 PM
بصراحة اا نا كتير بشكركم يا جماعة


تاني شي انتو اعطيتوني اكتر من حل


ونا بصراحة اخترت راي نور الهدي

اني ادرس توجيهي واكمل جامعتي

وبكون كسبت الحالتين بس يا رب اشرف

راي ابي لانه نصحني كتير لكن انا من كنت تعبة

وغيرهيك المصايب كانت موافقاني طول فترة دراستي الجامعة

وكانه المرض كاين قدري بكل نهاية فصل جامعي

وبصراحة ما بعرف ليه كنت امرض ايام امتحاناتي النهائية بشكل ممييت

وكنت اقول معقول مليش نصيب فبيها لاني كنت امررررض وما اقدر امشيي ابدا


وكنت طبعا اتغيب عن الامتحانات ما بعرف ليه هيك نصيبي


لهيك انا حزينة وما عمرري قررت شي ومشي معيي

رغم علاقتي في ربي الحمدلله مواظبةى عليها

ولما اي حدا كان يعرف ظرفي كان يقلي هدا ابتلاء

معقول الابتلاء يكون هيك بجد او النصييب

ما بعرف بصراحة حياتي قائمة عالابتلاءات بشكل صعب جداا

ولهيك انا بحاول رغم كل شي صعب اني اخلق من نفسي المليئة بالظروف الصعبة

اني اجتهد الحمدلله اعطيتوني امل ربي يجعله في ميزان حسناتكم

انا ادرس تربية طفل فيالكلية المجتمع في غزة

فراح استخير واشوف شو راح يلهمني ربي

فانا مايلة اكتر شي لرااي اختنا نووووووور الهدي

وربي يعمل اللي فيه الخير

بارك الله فيكم جميعا

حسام المصرى
08-07-2010, 11:07 AM
كويس يا آنسة انك اخترتى حل

ربنا يوفقك وان شاء الله نفرح بنجاحك فى التوجيهى والجامعة ..

اسد 22
08-07-2010, 01:48 PM
عندي سؤال هل ممكن ان اعيد التوجيهي وانا ناجح

لأنه سبحان الله كنت صباحي كانت فوضى وازعاج

ومش دراسة حولت مس ائي غياب الطلاب وبزيدوا حتى صفيت لحالي واستلمت بس امتحان واحد مش دراسة


النجاح هل ممكن يعيد التوجيهي ارجوا التوضيح

نور الهدى
08-08-2010, 05:42 PM
شو يللي يمنع انه تعيد التوجيهي حاى لو ناجح ؟؟

اعتقد انه ممكن

استفسر من الجهات المعنية اخ اسد

PaLeSt!Ne SouL
08-09-2010, 08:33 AM
اسد ممكن الاول ع فلسطين يعيد توجيهي

بالتوفيق الك و لاميرة