المساعد الشخصي الرقمي

مشاهدة النسخة كاملة : عسل او مش عسل.. مش احنا لسه اخوة؟؟


Dr.Yaso
08-03-2010, 12:56 PM
السلام عليكم

حابة اتناقش بموضوع و اسأل سؤال بس ما حدا يوخدو بطريئة تانية

يعني افهمو الموضوع بطريئة صح و تناقشو فيه بموضوعية

يعني ما حدا يأيّد او يعارض لمجرد ابداء الرأي :ShababSmile108:

بدي سبب مقنع.. و يا بقنعكو يا بتقنعوني.. اتفئنا؟؟

اول شي حابة انبه: انو انا الموضوع ما بأصد فيه حدا معين.. بس في موئف

صار معي فـ خطر ع بالي هالسؤال.. يعني كلامي عام مش عن حدا معين..

هلأ لو فرضا بنت دخلت ع موضوع و لئت شب ابلها كاتبلها ( يا عسل، او يا سكر ، او يا قمر، او او ....)

و لو شب دخل لئت بنت ابلو كاتبيتلو هيك.. مع العلم انو كلنا هون اخوة و لما نكتب

هيك شغلة لبعض فأكيد اكيد الكل فاهم انها اخوية و ما المأصود منها تمادي او تكوين علاقات

غير الاخوّة و الصداقة..

سؤالي هلأ.. لو انت دخلت ع الموضوع و لئيتني هيك كاتبة إلك و انت فاهم اصدي من وراها شو

رح ترد علي؟؟ رح تزعل او تؤولي ( لو سمحتي ما ترجعي تكتبيلي هيك؟؟)

و سؤالي التاني لو لئيتني هيك كاتبة لشخص تاني.. شو رح تعمل برضو؟؟

و السؤال موجه للصبايا كمان بس ما فيني اعيد بصيغة المؤنث :ShababSmile116: ايدي تعبت :ShababSmile109::ShababSmile109:

و برجع بأكد انو كلامي عااام و ما اصدي فيه شي :ShababSmile116:

اعطونا رأيكو يا حلوين.. و ازا اجمعتو انو هالحكي مش مزبوط و برهنتولي بالادلة و الاثباتات

ابؤوا امسحو كلمة حلوين من فوء :ShababSmile221:

ورد الج ـوري
08-03-2010, 01:38 PM
موضوع جميل غاليتي [ Dr.Yaso ]


بالنسبـة لرأيي .. فأنا راح أتكلم عن تجربتي بالرقابة بأحد المنتديـات

كنّا في البداية ما نشدد على الأعضـاء .. يعني عادي يتكلموا براحتهم .. بس طبعاً بحدود

وشفنا ببعض الردود صارت هاي الكلمات تنتشر بين الجنسين .. فـ صار عضو يرد على عضوة ويحكيلها ياقمر وياعسل !

والوضع زاد شوي عن حده .. فـ اضطرينا وقتها إنه نفتح الرسائل الخاصة لهؤلاء الأعضاء ونراقبها

وفعلاً كما قال الشاعر ( نظرة فـ كلمة فـ لقـاء ... الخ ) .. وجدنا تراسل بينهم يتضمن أعظم من تلكَ الكلمات !


فـ إحنا ليـش نفتح باب لأنفسنـا .. نعلم بأنه ( مشتبه فيه ) .. وبهاي الحالة فالأفضل إنو نتقي الشبهـات

ومن جهة أخرى .. فـ هناكَ أصحاب قلوب ضعيفة .. تتحرك بـ كلمة حلوة واحدة .. وما حد بيقدر ينكر هالشي

فـ فعلاً فيه بنات قلوبهم تتأثر بسرعة بهاي الأمور .. فـ بتلاقيها أول ما واحد حكالها ( يا عسل ) .. تعلقت فيه !

وبالمقابل كمان في شباب نفس الشي .. قلوبهم ضعيفة ..!


صح النيـات تختلف .. لأن فعلاً في ناس هالكلام بيكون طبيعة وفطرة على لسانهم .. يعني لا إرادياً

وهدول الي ( لسانهم حلو ) على أي حد .. فـ صعب إنهم يمسكوا حالهم .. ولكن الواحد لازم يكون أقوى شوي

ويقدر يمسك نفسـه إذا كان هالشي راح يجيبله الشبهـات والكلام ..!


وبعدين أصلاً مو حلوة بحق البنت إنه واحد يحكيلها يا عسل .. هاي الكلمات تعتبر من الغزل .. وهالشي لا يجوز

بين الجنسين .. حفاظاً على سمعـة البنت .. مهما كنّا أخوة هنـا أو في أي مكـان .. أكيد كلنا أخوة والكل نيته صافية

وطيبة .. لكن مهما كان .. فـ بالنسبـة لي أعتبـر هالشي غلط بين الجنسين .. وربنا وصانا بالتزام حدودنا بالكلام

مع الشبـاب .. والشبـاب كذلك مع البنـات .. وفي آية معروفة تقول ( ولا يخضعن بالقـول فيطمع الذي في قلبه مرض )

في دليل أكبر من دليل ربنا سبحانه وتعالى ..؟


والخضوع هنا .. هو التمايل والتغنج بالكلام .. سواء بالأسلوب أو الكلمات .. :)

والبنت الغاليـة .. الي بتحافظ على نفسهـا وكرامتهـا .. ما بتسمح لأي شب إنه يتغزل فيها أو يحكيلها يا عسل ويا قمر

حتى لو كانت نيته عادية .. مجرد كلمة ..!

البنت أرقى من أن يقول لها أي حد .. أياً كان .. تلكَ الكلمـــات .. :) !


لكن إن كانت الكلمة موجهة بشكل عام للجميـع .. بدون استثنـاء .. فـ هالشي عادي

يعني إنك تقولي للكل .. يا حلوين .. هذا عادي لأنك ما خصصتي شخص معين .. والعمـوم بهاي الحالة كويس ..!




وبالنهـاية .. كلٌ حسب تربيته .. وحسب عاداته .. وحسب قناعاته

وكانَ هذا مجرد رأي لي .. من تجاربي في الحيـاة

=)


غاليتي [ Dr.Yaso ]

أبدعتِ باختيـار الموضوع .. سلمت أناملكِ وفكركِ الراقي



...

( ورد الج ـوري )

أبومجاهد
08-03-2010, 01:52 PM
مممم

كلامك ع عيني وع راسي والله ما هي فارقة :ShababSmile116:

بس القصد في هيك امور انو نتجنبها

لاسباب اول شي في ناس مريضة بتفهم هادا الكلام ع كيفها

وبتفسرو ع مزاجها وممكن تشوه سمعت ناس من ورا هيك كلام

والاشي هادا صار كتير علشان هيك احنا بنقول الافضل بلاها

يعني عارفين انها خرجت بشكل عفوي او ممكن تكون من جانب المزاح بين الاعضاء

بس ايش بدك انسوي في الناس للي شغلانتها فلان قال وفلانة عملت

ياريت اتكون فكرتي وضحت للجميـــع

^.^

Dr.Yaso
08-03-2010, 02:05 PM
+*!*+ ورد الجوري +*!*+

يسلمو ع رأيك.. كلامك مزبوط في ناس بتوخدها بطريئة غلط و فعلا بتفهم انها كـ نوع من الغزل

او انو شي تاني و في من وراها نية تانية .. بس كمان دينا بؤول (انما الاعمال بالنيات)

يعني ماشي انا ممكن مسلا احكي هيك شي لحدا و يفهما غلط بس المهم انا نيتي شو كانت من الاول؟

مممم كلامك عجبني عنجد.. و رأيك انا بحترمو كتير :)

يسلمو ع المرور يا عسل -بما انك بنت- :ShababSmile116:

Dr.Yaso
08-03-2010, 02:09 PM
+*!*+ ابو مجاهد+*!*+

مزبوط فينا نتجنبها عشان ما حدا يحكي بس سدئني الناس الي ما إلها لا شغلة و لا مشغلة

غير انو تحكي بسيرة الناس ،، فهاي بتحكي سواء عملت شي او لأ.. يعني ما ناطرين انك

تحكي كلمة ليحكو عليك.. و انا اصدي والله بنية صافية.. اغلب الي بالمنتدى هون ازغر مني

و مش بسنة و لا سنتين اكتر.. يعني اكيد اكيد ما رح اكون مسلا "بزبط" حدا منكو لما اكتب هيك شي

بس انو بتطلع مرات معي عفوية.. يعني يا بدك تسمحلي يا بدك تعد تعدل وراي طول النهار

ههههههههههههههه لا بمزح معك بحاول ان شالله بس انو ممكن ما انتبه لائيلك حل انت

ركبلي فلتر ع مشاركاتي :ShababSmile109:

يسلمو يا مش عسل على مشاركتك :ShababSmile222:

((منيح هيك؟؟؟ ;) ))

Anonymous Gril
08-03-2010, 02:11 PM
بلا عسل بلا بصل ..

خيتا هي مو ممنوعة من لا شيء ..

صحيح أخوية وعفوية بس متل ما قالوآ في ناس شغتلهم القيل و القال

وفلان سوى وفلان صار .. ومش عارف شو ..

وكمان شي في ناس بدايقوآ من هيك كلام ممكن لأنهم متحفظين / متعصبين / غير متفهمين / غيورين .. وغيرهـ

شكرآ لطرحك الرآئع ..

بس اللي انا بلاحظه هوون انه الصبايا بس بحكوها لبعض .. ماشفت غير هيك يعني ..

Dr.Yaso
08-03-2010, 02:24 PM
+*!*+ Anonymous Gril +*!*+

نفس الشي.. الي بدو يحكي لو شافك بتصلي طول نهارك رح يؤول انك منافقة

لأنك مأضيتها صلاة.. يعني الناس المريضة هاي ما بتنطر تمسك عليكي شغلة لتحكي فيها!!

هدول الناس بحكو بـ سبب و بلا سبب..

و فعلا ما في غير البنات بحكوها لبعض و ضيفيني انا بحكي للشباب (مش عسل) ههههههههه

عشان ما حدا يزعل او يتحسس

ع العموم تسلمي على رأيك يا أمر :ShababSmile116:

نور الهدى
08-03-2010, 02:34 PM
مش مسألة قيل و قال بقدر ما هي مسألة التزام حدود

اخوة اوكي لكن الاخوة هاي مش فعلية .. هي اخوة في الاسلام و بس ..

ليش يحكيلي يا عسل يختي !! ما يحكيلي يا اختي !

طبعا لا يمكن اتقبلها تحت اي مسمى .. لانه في حدود لا يجب تخطيها

و كمان حتى لو الكلام ع النت احنا مراقبين من ربنا .. ما اظن هالشي بيرضي ربنا اساسا !!!

و هاد مش تشدد .. انما هاد هو الوضع الطبيعي ..

بيكون الوضع مش طبيعي ازا قلبت مياعة .. و يا عسل و يا قمر و مدري ايش كمان ..

و اي واحد يجي يرمي للبنت اي كلام ..

او انو شي تاني و في من وراها نية تانية .. بس كمان دينا بؤول (انما الاعمال بالنيات)

طيب ما حكينا عن النوايا .. الله وحده العالم بها

لكن ما بيمنع انه خطأ .. و تجاوز حدود

Dr.Yaso
08-03-2010, 02:38 PM
+*!*+ نو الهدى +*!*+

انتي فهمتي الموضوع غلط.. انا ما بؤول ائلبوها مياعة مت ما حكيتي!!

في فرء بين مزحة و حكي عادي و بين المياعة.. و اكيد انتي مرائبة

من ربنا على النت او غيرو.. ليش انا حكيت انو اكتبيها من ورا اهلك و ما تخليهن يشوفوكي

لحتى تؤولي انك ربنا شايفك؟؟ و ازا بدك تحكي عن تعدي الحدود و تكون دئيئة كتير

فـ حتلائي كتير اشيا الواحد ما لازم يعملا او يحكيها هون او بالحياة العامة و فينا

نحطها تحت خانة "تعد الحدود" صح ولا لأ ؟

نور الهدى
08-03-2010, 02:46 PM
+*!*+ نو الهدى +*!*+

انتي فهمتي الموضوع غلط.. انا ما بؤول ائلبوها مياعة مت ما حكيتي!!

في فرء بين مزحة و حكي عادي و بين المياعة.. و اكيد انتي مرائبة

من ربنا على النت او غيرو.. ليش انا حكيت انو اكتبيها من ورا اهلك و ما تخليهن يشوفوكي

لحتى تؤولي انك ربنا شايفك؟؟ و ازا بدك تحكي عن تعدي الحدود و تكون دئيئة كتير

فـ حتلائي كتير اشيا الواحد ما لازم يعملا او يحكيها هون او بالحياة العامة و فينا

نحطها تحت خانة "تعد الحدود" صح ولا لأ ؟

لا ما فهمته غلط :)

و المزح اله آدايه و حدوده .. بين البنات ما عندي مشكلة

اما يجي شب يحكيلي يا عسل و اقول والله عم يمزح معي .. او انه احكيله هيك

لا والله ما برضاها ..

و انتي حكيتي عن الاهل

فكرك لو حكيت هيك رح خليهم يشوفوها هههههههههه

لا طبعا .. لانه غلط ^^

خلاصة كلامي انه

نوايا مش نوايا .. مزح او مش مزح

كل شي اله حدوده .. و كل كلمة الها موضعها ..

سواء على النت او غيرو ..

مش مثالية .. يمكن انا نفسي ارتكبت اخطاء

بس ما بدنا نبررها بانه والله النوايا .. و مزح

الخطأ بضلو خطأ لو شو ما سميناه

و سلامتكم و تعيشوا :)

Dr.Yaso
08-03-2010, 02:49 PM
بحترم رأيك.. بس انا متنحة شوي ع رأي و اصة انو نوايا فهاي مش حجة

عشان نخفي وراها اغلاطنا و نبررها.. بس في اشيا فعلا بتكون نيتك من وراها هيك

ع العموم يسلمو ع الرد.. و متل ما حكيت هاي آراء :)

إيمـان
08-03-2010, 06:06 PM
بسيطه | الشبآب يحكي للشب عسسل :ShababSmile233:

والبنت تحكي للبنت بصـل :ShababSmile222:

//

سؤالي هلأ.. لو انت دخلت ع الموضوع و لئيتني هيك كاتبة إلك و انت فاهم اصدي من وراها شو

رح ترد علي؟؟ رح تزعل او تؤولي ( لو سمحتي ما ترجعي تكتبيلي هيك؟؟)

:ShababSmile108: بحكيلو انطز :ShababSmile222:

و سؤالي التاني لو لئيتني هيك كاتبة لشخص تاني.. شو رح تعمل برضو؟؟

بسيطه :) بعطيه كم كله بخليه يعرف شو يعني عسسل ؟!


:ShababSmile108:


تتتتتتتتتتسسلمي ياقشطه بدال الشغله يها عسل :ShababSmile221:

Dr.Yaso
08-04-2010, 11:12 AM
♥Farfo0osha♥

:ShababSmile108: بحكيلو انطز :ShababSmile222:



و لما يكون هوي اصدو فيها عادي مجرد كلمة و طلعت معاه ما ازدو شي عاطل من وراها؟

بتحسي انو رد الفعل الطبيعي انو واحد حكاكي بحسن نية و بطريئة منيحة ترديه هيك؟

ممممم ما بعرف هادا رأيكو و كل واحد إلو رأي حر فيه

بس انا بدي اعرف يا أشطة شومعنى كلمة عسل؟؟ ههههههههه :ShababSmile221:

يسلمو حبيبتي على الرد.. حلو البنت تكون اد حالها :ShababSmile116:

sadness eyes
08-04-2010, 07:29 PM
انا عن حالي بحبش هيك حكي للبنت لانو احسن الها بس بين الصبايا ماظن فيها اشي
وزي ماحكيتي في ناس الكلام هادا دايما على لسانهم بينحكى بكونو اتعودو عليه وفي ناس بتتقبل وناس لاء
بس نصيحه مني تحكيهوش احسلك عشان تريحي راسك لانو كل بني ادم الو تفكير شكل
شكرااعلى موضوعك الحلو وتقبلي ردي ومروري يعطيكي العافيه
:)
................................... ................................... ................................... ................................... ........

haya-jor
08-04-2010, 07:33 PM
والله من شب لا الواحد ما بتقبلها انو من وين لوين يا غراب البين !!!!

Dr.Yaso
08-05-2010, 10:35 AM
sadness eyes

نصيحه مني تحكيهوش احسلك عشان تريحي راسك لانو كل بني ادم الو تفكير شكل


للأمانة انا ما حكيتا غير مرة و نبهوني عليها انو الناس رح تفهما غلط و هيك و بطلت احكيها

بس انو انا بحكي كـ فكرة مش اكتر :)

يسلمو ع المرور حبيبتي :)

haya-jor

والله من شب لا الواحد ما بتقبلها انو من وين لوين يا غراب البين !!!!

ههههههه حلوة غراب البين.. هلأ بزعلو الغربان هون ههههههههههههه بس انو ما احنا بكل مواضيعنا

عم نمزح مع بعض و نطئ حنك و صحبة و اخوية!! مش اكتر :)

يسلمو ع المشارد و الرد حبيبتي :)

دمع المطر
08-05-2010, 11:04 AM
بجد . . . بجد . . . طرح رائع للغاية ،،أنا شخصيا ما بحب أكتب هيك حتى يفهمني حدا خطأ والناس لمل ياخدوا فكرة ما بغيرها حتى ولو اقتنعو وعرفوا شو ئصدك ،،ف مشان هيك الواحد يختصر وما يفتح على حاله بواب،،دمتي متألقة يختي

Dr.Yaso
08-05-2010, 12:25 PM
ممممم ممكن مزبوط... بس برجع بعيد الي بدو يفهمني غلط او يحكي علي بضهري مش ناطرني

على غلطة.. يعني مش رح يترك كل شي بكبتو و يمسكلي بـ عسل ليحكي عني اني

مش منيحة او هيك شي...

يسلمو حبيبتي ع المرور :)

[ عاشقة الرسول ]
08-05-2010, 04:17 PM
مشكورة كتير يا هيا ع الموضوع

Dr.Yaso
08-08-2010, 07:50 AM
مشكورة كتير يا هيا ع الموضوع


اهلين حبيبتي .. بس انا اسمي ياسمين :ShababSmile109:

حسام المصرى
08-08-2010, 11:59 AM
هو غلط بصراحة نقول كده . يعنى بالذات لو لبنت .. فيه ناس ممكن تظن ان البنت دى free أو عادى .. فتلاقى الكل يقولها ايه يا جميل .. منور الدنيا يا قمر .. حجات زى دى ..

وبصراحة هو حسب المنتدى فيه منتديات بتبقى طريقة الحوار كده للأسف لكن منتدى شباب فلسطين منتدى محترم لا نريد أن تنحدر طريقة الحديث لهذا الأسلوب ...

لكن مفيش مانع يعنى لو بنت قالت لشب يا عسل ..هههههههههه

بهزر

Dr.Yaso
08-09-2010, 08:22 PM
ههههههههههههه متأكد معلش؟؟ ههههههههههههه

هوي شوف ما حلو اكلمة تكون ع لسانك مسلا دايما و تؤلها للجميع بكل وئت

بس انا بؤول انو لو مرة طلعت مسلا معك بالغلط مش معناها اسلوبك "واطي"

يعني كلمة و بتطلع مرات و ممكن تتمرء انو طلعت بحسن نية..

يسلمو اخ حسام ع مشاركتك معنا :) نورتنا ^^