المساعد الشخصي الرقمي

مشاهدة النسخة كاملة : :: لساتك صغير .. !


أنين
06-14-2010, 06:56 PM
هالو

زمان عن هـ القسم :ShababSmile111:

خلينا بموضوعنا

اكيد كلنا مرينا بمرحله ما بحياتنا

مر علينا موقف فيها خلانا نسمع

كلمة

لساتك صغير

من أهلنا

يعني انت شحط قد الحيط :ShababSmile248:

وانتي الي بعمرك عندهم ولاد :ShababSmile341:

ويسير موقف ما .. وتسمع/ي هـ الكلمه



:

انت/ي شو ردة فعلك لما سمعت هـ الكلمه .. !

شايفين ما احلى الموضوع

لزيز وخفيف

يلا

فيعوا

:ShababSmile224:

أبومجاهد
06-14-2010, 07:17 PM
مممم ما بتذكر اني اسمعتها منهم قبل هيك

واذا يعني حكولي اياها مثلا فش فيها اشي

اذا انا في نظرهم لسة صغير عادي احنا بدنا انلاحقهم على كل شغلة

والله ما بتمشي الحياة سانطي واحد

خلي الكبر الهم بالناقص يعني مش مستاهلة القصة ،،

يعطيكي العافيـــة انين :)

أنين
06-14-2010, 07:59 PM
مممم ما بتذكر اني اسمعتها منهم قبل هيك

واذا يعني حكولي اياها مثلا فش فيها اشي

اذا انا في نظرهم لسة صغير عادي احنا بدنا انلاحقهم على كل شغلة

والله ما بتمشي الحياة سانطي واحد

خلي الكبر الهم بالناقص يعني مش مستاهلة القصة ،،

يعطيكي العافيـــة انين :)



اكيد مش راح نعد نلاحقهم

لكن قصدي من السؤال .. راح تحاول تتفاهم معهم . توصللهم وجهة نظرك ولا لاء ؟

وشو حايكون شعورك .؟

:)

عاشقة فلسطين..
06-14-2010, 08:15 PM
أولآ يعطيكي العافيـــة انين موضوع حلو..

والله اه في كتيير كانو يحكيلو انتي لسا صغيرة وهيك
بس بعرفش على شو ههههه
والله ما بذكر شي عني وانا صغيرة..*_^

بحاول اتزكر وبرجع...

أبومجاهد
06-14-2010, 08:36 PM
اكيد مش راح نعد نلاحقهم

لكن قصدي من السؤال .. راح تحاول تتفاهم معهم . توصللهم وجهة نظرك ولا لاء ؟

وشو حايكون شعورك .؟

:)


اهاا

والله لو جيتي الي انا عادي حتقبل الامر بكل اريحية :)

ممكن الواحد يتدايق شوية بس خلص سكر ع الموضوع وانهي القصة

بسملة
06-14-2010, 08:42 PM
لساتكـ صغيرة .. عاد العكس انا باسمع .. انت هلأ كبرتي ما لازم تكوني هيك او تعملي هيك ....


بس هي كلمة مستفزة ..]

شهيد
06-14-2010, 08:56 PM
يا ربي يا انين شو تعذبت تحت وطأة هذا الكلمة !!

شو أيام كنت ينحرق دمي ، وقد توصل لأبكي .. بسبب أن يقف

أمامي حاجز .. لساتك صغير!!

لي رجعة !

freedom lover
06-14-2010, 09:49 PM
مووووووووووووضوووووع كتيييييييييييير حلوووووووووووووووووووووووووووو

وكتييييييييييييييييير بيئوووووووووولوووووووووووووووووووها

أم ريان
06-14-2010, 11:04 PM
صحيح بس بلاش الحمد لله طول عمره بينقال الي اني اكبر من سني مش تفكير لا
بطلب شغلات وبعمل شغلات اكبر من سني
بعمر ال17
انحكتلي هالكلمه ومن يومها عزمتالامر اتكل على نفسي وفعلا انزلت للشغل من عمر ال17
وهيني
19 والحمد لله حققت كتير شغلات من وراء هالكلمه

::حمادة::
06-14-2010, 11:11 PM
والله للأسف أنا الكلمة هاي عايش معاها بنام معاها وباكل معاه وطلع برى معاها لو أنها كائن حي كنت تزوجتها مابعرف ليش دايما الناس بعتبروا الصغار بلا قيمة بينما انه المرحلة هاي هي الي بتحدد شخصية الطفل وأكبر دمار للشخصية الأهانة وهاد من رأي الشخصي طبعا ^_* موضوع في غاية الروعة شكرا

شهيد
06-14-2010, 11:25 PM
أنها كائن حي كنت تزوجتها

http://rooosana.ps/Down.php?d=ovDK

صدقا يا انين هالكلمة عقدتني في حياتي من بدايتها

يعني كنت انوي اخد دورات في مجالات متعددة .. تسمع لأ لساتك صغير

انوي اشتري جوال .. لأ لساتك صغير

انوي اطلع مع صحابي .. لأ لساتك صغير

أنوي العب تنس وكرة قدم مع فريق مثلا المسجد .. لأ لساتك صغير

بس الحمدلله

رغم كل هذا فرضت مواقفي بالحكمة و بالعمل واثبت اني صحيح صغير

لكن تفكيري اكبر ^^

و تعديت هالمرحلة المقرفة من الاخر

::حمادة::
06-14-2010, 11:41 PM
http://rooosana.ps/down.php?d=ovdk

صدقا يا انين هالكلمة عقدتني في حياتي من بدايتها

يعني كنت انوي اخد دورات في مجالات متعددة .. تسمع لأ لساتك صغير

انوي اشتري جوال .. لأ لساتك صغير

انوي اطلع مع صحابي .. لأ لساتك صغير

أنوي العب تنس وكرة قدم مع فريق مثلا المسجد .. لأ لساتك صغير

بس الحمدلله

رغم كل هذا فرضت مواقفي بالحكمة و بالعمل واثبت اني صحيح صغير

لكن تفكيري اكبر ^^

و تعديت هالمرحلة المقرفة من الاخر

سايق عليك الله شهيد يمكن نحتاجك عشان تعطينا شوية دورات بهالفترة المقرفة هاي ، كمايبدوا أنه عندك خبرة فيها ، وعندي سؤال ممكن أطرحه ؟ أه أكيد يعني والي بقولي لأ ، بدي أقوله أوكيه

السوؤال:- هل سوف تتعاملي مع طفلك بنفس هذه الطريقة

نور الهدى
06-14-2010, 11:43 PM
يمكن مش هاي الكلمة اللي بتزعجني

ما سمعتها من حدا ..

لكن اللي تعرضت اله هو :

انتي بنت ! بشكل غير مباشر ..

أظن انه هالشي بمنعني من كتير اشياء ..

//

لو أنها كائن حي كنت تزوجتها

هههههههههههههههههههههههههه

صدقا والله .. موتتني ضحك

فعلا الناس ما بيعرفوا انهم بيدمروا شخصية و ارادة الانسان لما بحكوله هيك ..

مع انه ممكن يطلع منه الكثير .. بل و اكثر من بعض الكبار ..

للاسف صغرنا الشباب .. و صغرنا معاهم الهمم و الطاقات

لحد ما صار الواحد يوصل للـ19 و الـ 20 و هو مش عارف يعتمد على نفسه ..

الله يعين

شكرا على الموضوع ^^

شهيد
06-14-2010, 11:44 PM
السوؤال:- هل سوف تتعاملي مع طفلك بنفس هذه الطريقة

صحيح .. نسيت اقولك انك لسا صغير ع الجيزة http://rooosana.ps/Down.php?d=OzFIq

بالنسبة لسؤالك لا طبعا

هذا منطق اعوج بأني اقيد ابني في حدود عمره

بالعكس لو كان مبدع وعنده مهارات عليا انميها واوفرله الجو المناسب

ليبدع وينتج مش اقيده بسنه و حجمه !!

بعدي لساتني صغير ليجيني ابن .. بس نلاقيه امه http://rooosana.ps/Down.php?d=OzFIq

شهيد
06-14-2010, 11:46 PM
لحد ما صار الواحد يوصل للـ19 و الـ 20 و هو مش عارف يعتمد على نفسه ..

في الدول الاوروربية بيكون في هذا السن معاه شهادات عليا !!

ولسا ليش متخلفين احنا ؟!!

نور الهدى
06-14-2010, 11:53 PM
في الدول الاوروربية بيكون في هذا السن معاه شهادات عليا !!

ولسا ليش متخلفين احنا ؟!!

بيكون بالجامعة

بينتقل لسكن مستقل و بيشتغل عشان يسد احتياجاته و مصاريف دراسته ..

امه و ابوه ببطلوا يصرفوا عليه

بيتحمل مسئولياته كاملة ^^

//

بشوف انه العيب فينا اننا أسر محافظة زيادة عن اللزوم .. سواء بالنسبة للبنات او للشباب ..

ما بنخلي الهم حرية رسم مستقبلهم لحالهم .. اصلا حتى لو رسم .. ما في مقومات لتخلي المشروع تاعه يتم

و ازا في .. فبكون بصعوبة بالغة ..

شهيد
06-14-2010, 11:55 PM
بشوف انه العيب فينا اننا أسر محافظة زيادة عن اللزوم .. سواء بالنسبة للبنات او للشباب ..

ما بنخلي الهم حرية رسم مستقبلهم لحالهم

البعض بربطها بقضية الدين ؟!

كيف البنت تطلع لحالها ؟

طيب مش درء المفاسد أفضل من جلب المنافع ؟

نور الهدى
06-15-2010, 12:06 AM
البعض بربطها بقضية الدين ؟!

كيف البنت تطلع لحالها ؟

طيب مش درء المفاسد أفضل من جلب المنافع ؟

بتطلع لحالها لوين ؟؟

و كيف ؟؟

مهو الوضع بيختلف .. و طبعا انا ما عم بحكي انه والله لازم تروح من بيت اهلها و تستقل لحالها

بس قصة درء المفاسد هاي احيانا بشوف فيها مبالغة والله .. في بعض الاوقات بشوف الناس برسموا سيناريوهات مختلفة لاشياء ممكن تحصل او لا لو انها طلعت لحالها ..

و تحت مسمى درء المفاسد بقولوا لا .. ما بتطلع

لا ما بتدرس

لا ما بتشتغل

لا ما بتسافر

لا ولا ولا

ليش ؟؟؟

مهو شوف شو من المحتمل انه يصير !!

شيء خيالي صراحة

الدين حط حدود اكيد .. بس ما حكالنا ادفنوا هالبنات !!

العصر اختلف .. و ضروري الفقه يعاصر الزمن اللي عايشين فيه ..

أم ريان
06-15-2010, 12:39 AM
البعض بربطها بقضية الدين ؟!

كيف البنت تطلع لحالها ؟

طيب مش درء المفاسد أفضل من جلب المنافع ؟



مشكلةكيف البنت تطلع لوحدها
هاي جديد لحتى اتخطيناها
والحمد لله
ياعمي طالما البنت قد حالها وواثقه من حالها شو فيها
لمنتشوف مستقبلها ولا لسه متل ما بيحكو المستقبل عند الهم الزوج

أم ريان
06-15-2010, 12:46 AM
اهاا

والله لو جيتي الي انا عادي حتقبل الامر بكل اريحية :)

ممكن الواحد يتدايق شوية بس خلص سكر ع الموضوع وانهي القصة




صح يا ابو مجاهد والله انت واحد زيي جالي دماغك من المشاكل والبرم
يا عمي المهم يخلص الواحد شغله باله مرتاح والبطن مليان كله تمام

نور الهدى
06-15-2010, 12:57 AM
متل ما بيحكو المستقبل عند الهم الزوج

و اللي عنست ما الها مستقبل

شهيد
06-15-2010, 12:59 AM
صح يا ابو مجاهد والله انت واحد زيي جالي دماغك من المشاكل والبرم
يا عمي المهم يخلص الواحد شغله باله مرتاح والبطن مليان كله تمام

http://rooosana.ps/Down.php?d=OzFIq

لا اهم شيء هاي

لو ما كان مليان العقل ما بيفكر وبهيك بتزبط قصة لساتك صغير

وبطلع موضوع انين بلوووش وبتروح انين تمسح ايديها في الحيطان

طلعت بصفر كبير و فش نتيجة والسبب ؟

البطن فاضي http://rooosana.ps/Down.php?d=OzFIq

أنين
06-15-2010, 01:10 AM
http://rooosana.ps/Down.php?d=OzFIq

لا اهم شيء هاي

لو ما كان مليان العقل ما بيفكر وبهيك بتزبط قصة لساتك صغير

وبطلع موضوع انين بلوووش وبتروح انين تمسح ايديها في الحيطان

طلعت بصفر كبير و فش نتيجة والسبب ؟

البطن فاضي http://rooosana.ps/Down.php?d=OzFIq

http://rooosana.ps/Down.php?d=OzFIq http://rooosana.ps/Down.php?d=OzFIq http://rooosana.ps/Down.php?d=OzFIq

احلى فايده ياشهيد ولو

البطن فاضي

http://rooosana.ps/Down.php?d=OzFIq

PaLeStiNe FlOwEr
06-15-2010, 07:54 AM
صار في اكتر من موضوع بموضوع لساتك صغير

ع اي واحد نرد

ع لساتك صغير ولا طلعت البنت لحالها


ع العموم وباختصار:

طبعا لساتك صغير بتقهر.. بس بصراحة انا ما بسمعها من أهلي او من اي حدا

انا من أنا صغيرة متحملة مسؤولية كبيرة

يعني ماما عمرها ما حسستنا انو صغار

كانت تعتمد علينا كتير

ولا كيف طلعنا بنعرف نتصرف وهالصفات الي طلعت فينا

الأهل أساس كل اشي


يعني بس بصراحة كمان أنا بئولها احيانا لإخواني


يمكن لأنوا احنا اكبر فمهما هما يكبروا بنعتبرهم صغار .. بس بابا ما بخلينا نعاملهم ع انهم صغار

يعني دايما بحسسهم انهم كبروا وخلص رجال زي من هالحكي



وهينا بنحاول نلغي هالكلمة من قاموس حياتنا


المهم من هالحكي بئول انو الأعتماد الأكبر ع الاهل لو ما يحكوها لأولادهم ( طبعا في امور بتتطلب لساتك صغير ) بيطلع جيل بيعتمد عليه

اما مع هالحكي انسوا يطلع جيل فالح

بسملة
06-15-2010, 12:39 PM
صحيح .. نسيت اقولك انك لسا صغير ع الجيزة http://rooosana.ps/Down.php?d=OzFIq

بالنسبة لسؤالك لا طبعا

هذا منطق اعوج بأني اقيد ابني في حدود عمره

بالعكس لو كان مبدع وعنده مهارات عليا انميها واوفرله الجو المناسب

ليبدع وينتج مش اقيده بسنه و حجمه !!



كـلآم سليم ..]

الامر برجع لكيفية نطاق تفكير الوالدين .. وكيف تصرفهم وتعاملهم مع الابناء ..~






بعدي لساتني صغير ليجيني ابن .. بس نلاقيه امه http://rooosana.ps/Down.php?d=OzFIq


وشهد شاهد من أهلهـ .. لســاتكـ صغير :p





بيكون بالجامعة

بينتقل لسكن مستقل و بيشتغل عشان يسد احتياجاته و مصاريف دراسته ..

امه و ابوه ببطلوا يصرفوا عليه

بيتحمل مسئولياته كاملة ^^

//

بشوف انه العيب فينا اننا أسر محافظة زيادة عن اللزوم .. سواء بالنسبة للبنات او للشباب ..

ما بنخلي الهم حرية رسم مستقبلهم لحالهم .. اصلا حتى لو رسم .. ما في مقومات لتخلي المشروع تاعه يتم

و ازا في .. فبكون بصعوبة بالغة ..

مش فاهمة شو يعني تفسيرك لـ (محافظة زيادة عن اللزوم) ..!

القصة هي بيتحكم فيها أكتر من طرف ..

أول شي والأهم الدين، والشي التاني الي أعتقد الكل من الأهالي متسمك فيه وهو العادات والتقاليد الي بتقول ( البنت ان طلعت من دارها قل مقدارها)

يعني وان كان المشكلة قائمة في كيفية توصيل الصورة او الفكرة للاهالي ان ما عدنا متل زمان .. ما فينا نغير لانها راسخة ..

تعامل الاجداد للاباء ومن ثم للايناء..

يعني ما تفهمي اني ضد ان يتغير التفكير بخصوص طلعت البنت وتغير منهج ( انتي بنت) ، لاني انا بردو ممكن يواجهني هالشي ..

بشخصيتك فيك تفرضي الي انتي عايزاها .. ضمن المعقول بحيث الأهل يتماشوا معك وانتي تكوني مقتنعة وراضية ... =)

بسملة
06-15-2010, 12:41 PM
http://rooosana.ps/Down.php?d=OzFIq

لا اهم شيء هاي

لو ما كان مليان العقل ما بيفكر وبهيك بتزبط قصة لساتك صغير

وبطلع موضوع انين بلوووش وبتروح انين تمسح ايديها في الحيطان

طلعت بصفر كبير و فش نتيجة والسبب ؟

البطن فاضي http://rooosana.ps/Down.php?d=OzFIq


نظرية .. مش غلط :d

نور الهدى
06-15-2010, 02:19 PM
مش فاهمة شو يعني تفسيرك لـ (محافظة زيادة عن اللزوم) ..!

القصة هي بيتحكم فيها أكتر من طرف ..

أول شي والأهم الدين، والشي التاني الي أعتقد الكل من الأهالي متسمك فيه وهو العادات والتقاليد الي بتقول ( البنت ان طلعت من دارها قل مقدارها)


قصدي بمحافظة زيادة عن اللزوم انه الشب او البنت مقيدين بعادات و تقاليد احنا في غنى عنها ..

هاي العادات بتختلف من منظقة لاخرى .. و من بلد لآخر

و هالشي بمنع الواحد يرسم مستقبله مثل ما هو متمنيه ..

و الدين ما اله علاقة بهاي المبالغة .. انما هي عادات و تقاليد ما الها صلة بالدين

بشخصيتك فيك تفرضي الي انتي عايزاها .. ضمن المعقول بحيث الأهل يتماشوا معك وانتي تكوني مقتنعة وراضية ... =)

شيء اكيد ..

شخصيا ما بواجه هاي المشكلة مع اهلي تحديدا .. لكن المبدأ موجود حتى لو الاهل ما حكوا شي

شغلة تانية ..

مش لازم يتفسر كلامي على انه دعوة للصياعة و انه تكون سايبة و من غير حدود ..

لكن هناك اشياء لازم تتغير .. و مفاهيم لازم تتصحح

شهيد
06-15-2010, 02:24 PM
مش لازم يتفسر كلامي على انه دعوة للصياعة و انه تكون سايبة و من غير حدود ..

لكن هناك اشياء لازم تتغير .. و مفاهيم لازم تتصحح

ولو تغـيرت المفاهيم ، رح يفتح باب لكتير من الشباب والبنات يصيعوووا وحيلاقوا

الدنيا قدامهم انفتحت بكل ابوابها المنيح والعاطل

بالاخر الامر بده تجديد .. لكن برده بقيود ومتابعة

نور الهدى
06-15-2010, 02:33 PM
ولو تغـيرت المفاهيم ، رح يفتح باب لكتير من الشباب والبنات يصيعوووا وحيلاقوا

الدنيا قدامهم انفتحت بكل ابوابها المنيح والعاطل

بالاخر الامر بده تجديد .. لكن برده بقيود ومتابعة



الشغلة مش رح تصير بين يوم و ليلة ..

و كمان مش ممكن تصير من غير تربية صحيحة ..

والله اللي بلاحظه و خصوصا في دول الخليج انهم كانوا منغلقين لدرجة كبيرة

فجأة انفتحوا و اخدوا العاطل و تركوا المنيح !!

كأنه كان في ظغط و فجأة صار الانفجار ..

مش لازم المبالغة في الانغلاق .. عشان نعرف نختار المنيح من السيء ازا صار في انفتاح !!

مش نصير زي الجعان اللي فجأة انعرضله كل انواع الاكل !!

مش هيك برضو ؟

شهيد
06-15-2010, 02:36 PM
كأنه كان في ظغط و فجأة صار الانفجار ..

بالزبط .. حيكونوا زي المتعطشين لاطلاع ومخالطة الثقافات الاخرى :)

فتاة مسلمة
06-15-2010, 03:03 PM
والله اللي بلاحظه و خصوصا في دول الخليج انهم كانوا منغلقين لدرجة كبيرة

فجأة انفتحوا و اخدوا العاطل و تركوا المنيح !!

كأنه كان في ظغط و فجأة صار الانفجار ..

مش لازم المبالغة في الانغلاق .. عشان نعرف نختار المنيح من السيء ازا صار في انفتاح !!

مش نصير زي الجعان اللي فجأة انعرضله كل انواع الاكل !!

مش هيك برضو ؟

معلش قبل الاجابه علي السءال جذبتني مشاركه الاخت نور

والي عندها سؤال

اعتقد انك من فلسطين اذا انا مش غلطانه >> تعتقدي انو عنا الاسر منغلقه والبنت مش ماخده حريتها
؟؟؟؟

لا اعتقدددددد بتاتاااااااااااااااااااا بالعكس في كتير حريه معطاه للبنت

وبزياده عن اللزوم كمان <> >

الصح انو الفتاه كالجوهره طبيعي المحافظه عليها وصيانتها بزياده .. مع ذلك ببلدنا هي حره ومعاها حريتها وزياده حبه كمان

هادي
06-15-2010, 03:03 PM
(صلو عالنبي) ....
انتو لساتكو صغار علشان هيك بتحكالكو كلمة ( لساتك صغير)!! بكل بساطه:ShababSmile226:
هلأ صح إنو مهما كبرنا بنضل صغار بنظر الإم والأب ( الله يخليهم ويحفظهم)..
بس كمان في شي مهم إنو كل واحد منا بيفكر حالو ناضج وقراراتو سليمه وبس يكبر كمان شوي بيكتشف إنو كان لسه زغير! ( هيك الدنيا):ShababSmile108:
هلأ الأكيد إنو كلمة (لساتك صغير) رح تضل تنحكالك لحد ما يشعروا إللي حواليك إنك كبرت .. يعني باختصار فتره وبتعدي .. ربنا يجعلها آخر الأخزان .. كلنا بنمر بهالسن الحرج:ShababSmile109:
وكل هالحكي بيصير ذكريات ..:ShababSmile235:

فتاة مسلمة
06-15-2010, 03:05 PM
بالنسبه لسؤال الاستاذه انين
اكيد انو هاي الجمله انحكتلي
ويا الهي شو كنت ازعل منها
وكنت ابكي وازعل واحرد

لكن ههه بعد ما كبرت صرت اضحك علي حالي
وصارت مواقف سعيده اللي كانت تنحكالي عليها

بالعكس كمان باحكيها لغيري تلقائي ولا اعتقد الامر غلط لهالدرجه

حسب الموقف >> اذا الموقف محتاج احكي لاخوي او بنت اخوي انتي لسا صغيره يا عمتو مش غلط
بس المهم مراعاه مشاعر الاطفال هدول >> واحكيها وانا عارفه انها لتوصيل فكره
مش لاستهزاء بشخص او مواهبه

وانا مش ضد هالكلمه المهم انها تنحكي بوقتها وهي الاهم

وشكرا كتير الك اخت انين علي الموضوع والنقاش الجميل من الاعضاء الكرام

فتاة مسلمة
06-15-2010, 03:09 PM
بس كمان في شي مهم إنو كل واحد منا بيفكر حالو ناضج وقراراتو سليمه وبس يكبر كمان شوي بيكتشف إنو كان لسه زغير! ( هيك الدنيا)

بالزبط وهي الاساس
الصحيح انو احنا جد صغار
ولما نكبر بنحس الموضوع

مش كلمه بتخلي الانسان لهالدرجه يسمها احزان
وتقهره
بزياده هيك :)

::حمادة::
06-15-2010, 03:51 PM
(صلو عالنبي) ....
انتو لساتكو صغار علشان هيك بتحكالكو كلمة ( لساتك صغير)!! بكل بساطه:ShababSmile226:


:ShababSmile225: :ang79: :ShababSmile253: :ang97: :ang22: :ShababSmile275: :ang58: :ShababSmile261:

بسملة
06-15-2010, 04:11 PM
مش لازم يتفسر كلامي على انه دعوة للصياعة و انه تكون سايبة و من غير حدود ..

لكن هناك اشياء لازم تتغير .. و مفاهيم لازم تتصحح

العفو مش القصد ..

لكن .. ما ننسى ان نحنا ضمن مجتمعات عربية ونطاقها بهاد الأمور ضيق لحد مـآ

وصراحة المجتمع حاليا صار بخوف وبنسمع شغلات والله بتشيب شعر الراس

فشي طبيعي تكون ردة الفعل من الاهل هيك .. بس انا ما قلت لدرجة الانخناق .. :)

اعتقد طلعنا عن نطاق الموضوع المطروح ..

أتمنى تكون الصورة وصلت لكـ أختي ..


احترامــيــ،

أمل
06-15-2010, 05:05 PM
احم احم ما قدرت أمنع نفسي من الرد لاهمية الموضوع:ShababSmile258:

شخصيا ما عندي مشكلة من هالناحية لانو من صغري متعلمة أعتمد ع حالي و خاصة أبي الله يحفظو مأسس عنا مبدأ الحوار ما فيه شي بيتققر حتى تتم مناقشتو حتى لو إنك صغير بالسن لأنو بيضل عندك تفكير و محتاج لبلورة..

نيجي لبعض ما ذكرت نور



قصدي بمحافظة زيادة عن اللزوم انه الشب او البنت مقيدين بعادات و تقاليد احنا في غنى عنها ..

هاي العادات بتختلف من منظقة لاخرى .. و من بلد لآخر

و هالشي بمنع الواحد يرسم مستقبله مثل ما هو متمنيه ..

و الدين ما اله علاقة بهاي المبالغة .. انما هي عادات و تقاليد ما الها صلة بالدين

داك اليوم ما كملت معك نقاش و كنت راح اطلب منك تنزلي موضوع هون لنسمع رأي الشباب:ShababSmile226:

بس هي أنون جابتها :ShababSmile248:

المشكلة يا نور إنو فيه كثير ناس صارت معلبة الدين بعادات و تقاليد لا تتناسب و الدين نفسه..

و كمان الناس مجرد كلمة محافظ و محافظة بثتير هالقيود من حيث لا تدري

بس السبب كمان بيرجع للبنات او الشباب نفسهم

بس بما إنك بتحكي عن البنات بشكل خاص

بدي أحكيلك إنو بيرجع السبب في كثير من هالمفاهيم لالهن

بسبب سلبيتهن

يعني من اول عقبة بتلاقيها مستسلمة و راضخة لكل القيود الي فرضت عليها و إن كانت باطلة..

الأساس يا نور هو و هذا مبدإي شخصيا:

إعرف ما لك و ما عليك ثم انطلق

يعني أنا واجب علي أتفقه في ديني و أعرف الحدود الي مرسومة [الرجال كمان مرسومة الهم حدود مش نحنا بس مع اختلاف هالحدود ..]

و بعدها أشق طريقي [ حتى لو كان المجتمع عندو فكر اعوج ] لأنو مين الي راح يغير هالأفكار لو ما طلع منا الي يبرز النموذج الي بنحكي عنو

مشان هيك قلتلك فيه سلبية كبيرة و السبب فيها البنات أولا و هي الركون للأماني..

مافيه شي بيتغير إلا إذا صارعتي لأجلو..

أما مسألة العادات و التقاليد الي بتحكم فهاي وضعت لمن لا يقوى على المجابهة و انتزاع حقه..

فبأكد إنو مادام عنا وعي و إدراك و تفقه في ديننا فلا شيء بعده يهم..



لكن .. ما ننسى ان نحنا ضمن مجتمعات عربية ونطاقها بهاد الأمور ضيق لحد مـآ

وصراحة المجتمع حاليا صار بخوف وبنسمع شغلات والله بتشيب شعر الراس

فشي طبيعي تكون ردة الفعل من الاهل هيك ..

اسمعي حبيبتي بسملة

الصراحة ردود افعالنا السلبية هي الي خلت مجتمعاتنا هيك

نحنا الي ضيقنا الخناق ع انفسنا فكادت قيود المجتمع تقضي علينا إن لم تقضي على فئات كثيرة من الشباب..

الطبيعي إنو تكون عنا نحنا ردة فعل إيجابية نقدر نثبت من خلالها مواقفنا و آرائنا..

المشكلة الي بنعاني منها كأسر عربية هي عدم إعطاء كل ذي حق حقه.

يعني كل فرد في العيلة بيلعب الدور الي بحدود عمرو بس

الأب أب و الأم ام و الأخ الكبير بس أخ كبير و الصغير بيضل صغير مهما كبر

فش هالتواصل الي ممكن يجعل من الاسر خليط متجانس

الي ممكن تتعدد فيه الأدوار..

.
.

الصراحة فيه كثير حكي عندي بس الوقت مش مكفي

.
.

و سلامتكم :)

نسمة جزائرية
06-15-2010, 05:05 PM
فكرتيني بالي كاااان

كانت تقهرني الكلمة هادي

ساعات نتنرفز وساعات نتقبل وهي رايحة

خاصة ايام رمضان كنت نحب نصوم وجدتي ماتخلينيش

يااااااا كنت نبكي هههههههه

يا ريت واحد اليوم يقلي لساتك صغيرة lool

أم ريان
06-15-2010, 08:17 PM
كبرانه الكصه يا شباب

::حمادة::
06-15-2010, 08:33 PM
كبرانه الكصه يا شباب

اه والله

أنين
06-15-2010, 08:45 PM
أولآ يعطيكي العافيـــة انين موضوع حلو..

والله اه في كتيير كانو يحكيلو انتي لسا صغيرة وهيك
بس بعرفش على شو ههههه
والله ما بذكر شي عني وانا صغيرة..*_^

بحاول اتزكر وبرجع...

اهلين حبيبتي .,

بأنتظارك

:)

أنين
06-15-2010, 08:49 PM
اهاا

والله لو جيتي الي انا عادي حتقبل الامر بكل اريحية :)

ممكن الواحد يتدايق شوية بس خلص سكر ع الموضوع وانهي القصة



شكلك من النوع الي بتريح راسك .. وبلاه وجع الراس

انا هيك بأغلب مواقف حياتي

بس احياناً مابيمشي هـ الحكي .. في مواقف بتحتاج منا رد ..

منور خيو :)

أنين
06-15-2010, 08:50 PM
لساتكـ صغيرة .. عاد العكس انا باسمع .. انت هلأ كبرتي ما لازم تكوني هيك او تعملي هيك ....


بس هي كلمة مستفزة ..]



طيب منيح

هاد بشجعك لـ حتى تعطي اكتر .. وبحملك مسؤوليات

مستفزه كتير كمان

:ShababSmile224:

أنين
06-15-2010, 08:51 PM
يا ربي يا انين شو تعذبت تحت وطأة هذا الكلمة !!

شو أيام كنت ينحرق دمي ، وقد توصل لأبكي .. بسبب أن يقف

أمامي حاجز .. لساتك صغير!!

لي رجعة !

والله شكلك ياشهيد محروق من هـ الكلمه

هي عنجد احياناً بتكون كبيره كتير ع الانسان

خصوصا لو كان طموح متلك

أنين
06-15-2010, 08:53 PM
مووووووووووووضوووووع كتيييييييييييير حلوووووووووووووووووووووووووووو

وكتييييييييييييييييير بيئوووووووووولوووووووووووووووووووها
:)

أنين
06-15-2010, 08:54 PM
صحيح بس بلاش الحمد لله طول عمره بينقال الي اني اكبر من سني مش تفكير لا
بطلب شغلات وبعمل شغلات اكبر من سني
بعمر ال17
انحكتلي هالكلمه ومن يومها عزمتالامر اتكل على نفسي وفعلا انزلت للشغل من عمر ال17
وهيني
19 والحمد لله حققت كتير شغلات من وراء هالكلمه

طيب منيح .. يعني هـ الكلمه كان ئلها تأثير ايجابي عليكي

منوره حبيبتي

أنين
06-15-2010, 08:58 PM
والله للأسف أنا الكلمة هاي عايش معاها بنام معاها وباكل معاه وطلع برى معاها لو أنها كائن حي كنت تزوجتها مابعرف ليش دايما الناس بعتبروا الصغار بلا قيمة بينما انه المرحلة هاي هي الي بتحدد شخصية الطفل وأكبر دمار للشخصية الأهانة وهاد من رأي الشخصي طبعا ^_* موضوع في غاية الروعة شكرا


ههههههههههههه

لهدرجه ..

صح معك حق .. بالمرحله هاي الانسان بيحتاج دعم مش تكسير مجاذيف .!

وبيحتاج معرفه كبيره من الاهل لحتى يصقلوا شخصية ابنهم صح وبالاتجاه الصح

أنين
06-15-2010, 09:00 PM
http://rooosana.ps/Down.php?d=ovDK

صدقا يا انين هالكلمة عقدتني في حياتي من بدايتها

يعني كنت انوي اخد دورات في مجالات متعددة .. تسمع لأ لساتك صغير

انوي اشتري جوال .. لأ لساتك صغير

انوي اطلع مع صحابي .. لأ لساتك صغير

أنوي العب تنس وكرة قدم مع فريق مثلا المسجد .. لأ لساتك صغير

بس الحمدلله

رغم كل هذا فرضت مواقفي بالحكمة و بالعمل واثبت اني صحيح صغير

لكن تفكيري اكبر ^^

و تعديت هالمرحلة المقرفة من الاخر


واضح حجم المعاناه .,

بس للحظه ماحسيت انو هـ الكلمه حبطت من عزيمتك لـ كتير شغلات ؟

بس ما شاء الله عليك مابينخاف عليك :ShababSmile248:

أنين
06-15-2010, 09:06 PM
صار في اكتر من موضوع بموضوع لساتك صغير

ع اي واحد نرد

ع لساتك صغير ولا طلعت البنت لحالها


ع العموم وباختصار:

طبعا لساتك صغير بتقهر.. بس بصراحة انا ما بسمعها من أهلي او من اي حدا

انا من أنا صغيرة متحملة مسؤولية كبيرة

يعني ماما عمرها ما حسستنا انو صغار

كانت تعتمد علينا كتير

ولا كيف طلعنا بنعرف نتصرف وهالصفات الي طلعت فينا

الأهل أساس كل اشي


يعني بس بصراحة كمان أنا بئولها احيانا لإخواني


يمكن لأنوا احنا اكبر فمهما هما يكبروا بنعتبرهم صغار .. بس بابا ما بخلينا نعاملهم ع انهم صغار

يعني دايما بحسسهم انهم كبروا وخلص رجال زي من هالحكي



وهينا بنحاول نلغي هالكلمة من قاموس حياتنا


المهم من هالحكي بئول انو الأعتماد الأكبر ع الاهل لو ما يحكوها لأولادهم ( طبعا في امور بتتطلب لساتك صغير ) بيطلع جيل بيعتمد عليه

اما مع هالحكي انسوا يطلع جيل فالح


صح حكيك

بس كمان مافينا نعمم انو الجيل بيطلع فاشل

يعني من الردود هون اتضح انو اغلب العضاء تجاوزا هـ الكلمه لـ شي احسن

وممكن لو ماحكينا هـ الكلمه وماحسسنا الولد انو لا لساته بدوا دعك بالحياه

ما يعطينا نتائج .!!

انا برأي انو الكلمه هاي .. لازم تنحكى بمواقف .. ومواقف لا

يعني زي كل شي هلأ بحياتنا

لو استخدمنا صح بكون ئله نتائج عظيمه

ولو استخدمناه غلط .. بتطلع على راسنا

أنين
06-15-2010, 09:13 PM
يمكن مش هاي الكلمة اللي بتزعجني

ما سمعتها من حدا ..

لكن اللي تعرضت اله هو :

انتي بنت ! بشكل غير مباشر ..

أظن انه هالشي بمنعني من كتير اشياء ..

//



هههههههههههههههههههههههههه

صدقا والله .. موتتني ضحك

فعلا الناس ما بيعرفوا انهم بيدمروا شخصية و ارادة الانسان لما بحكوله هيك ..

مع انه ممكن يطلع منه الكثير .. بل و اكثر من بعض الكبار ..

للاسف صغرنا الشباب .. و صغرنا معاهم الهمم و الطاقات

لحد ما صار الواحد يوصل للـ19 و الـ 20 و هو مش عارف يعتمد على نفسه ..

الله يعين

شكرا على الموضوع ^^


هلأ كلمة انتي بنت بتحبط كتير .. وانا ماره بهـ الموقف هاد

لكن برأي الي حكاها .. مش مستوعب الحياه صح وبنفس الوقت

احيانا احنا تصرفاتنا بتفرض من الي حوالينا يحكوا هيك حكي ., :)


وانا معك انو بالحكي هاد بندمر جيل كامل ..

ونمسح اي معالم لشخصيتهم .. لكن ماممكن يكون الغلط من الشباب نفسهم ؟

يعني احيانا بيعموا مواقف بتتطلب من الأهل انهم يوقفوهم .؟

أنين
06-15-2010, 09:15 PM
في الدول الاوروربية بيكون في هذا السن معاه شهادات عليا !!

ولسا ليش متخلفين احنا ؟!!

يعني انت مع انو لما يسير عمرك 18 تنعطى الحريه الكامله .؟

أنين
06-15-2010, 09:23 PM
بيكون بالجامعة

بينتقل لسكن مستقل و بيشتغل عشان يسد احتياجاته و مصاريف دراسته ..

امه و ابوه ببطلوا يصرفوا عليه

بيتحمل مسئولياته كاملة ^^

//

بشوف انه العيب فينا اننا أسر محافظة زيادة عن اللزوم .. سواء بالنسبة للبنات او للشباب ..

ما بنخلي الهم حرية رسم مستقبلهم لحالهم .. اصلا حتى لو رسم .. ما في مقومات لتخلي المشروع تاعه يتم

و ازا في .. فبكون بصعوبة بالغة ..

المشكله مش انو احنا محافظين

المشكله بالفهم المعوج لـ الدنيا .. او بالأخص لـ الدين

المحافظه عمرها ما منعت شخص من انو يبني احلامه ويرسم مستقبل

لكن الفهم الغلط للدين والي صار بالنسبه للكتر عادات وتقاليد

هي المشكله

أنين
06-15-2010, 09:31 PM
البعض بربطها بقضية الدين ؟!

كيف البنت تطلع لحالها ؟

طيب مش درء المفاسد أفضل من جلب المنافع ؟



بتطلع لحالها لوين ؟؟

و كيف ؟؟

مهو الوضع بيختلف .. و طبعا انا ما عم بحكي انه والله لازم تروح من بيت اهلها و تستقل لحالها

بس قصة درء المفاسد هاي احيانا بشوف فيها مبالغة والله .. في بعض الاوقات بشوف الناس برسموا سيناريوهات مختلفة لاشياء ممكن تحصل او لا لو انها طلعت لحالها ..

و تحت مسمى درء المفاسد بقولوا لا .. ما بتطلع

لا ما بتدرس

لا ما بتشتغل

لا ما بتسافر

لا ولا ولا

ليش ؟؟؟

مهو شوف شو من المحتمل انه يصير !!

شيء خيالي صراحة

الدين حط حدود اكيد .. بس ما حكالنا ادفنوا هالبنات !!

العصر اختلف .. و ضروري الفقه يعاصر الزمن اللي عايشين فيه ..


الدين عمره مادفن البنت زي ماحكت نور تحت التراب

درء المفاسد الي بتحكي عنها .. هي سد ذرائع للي ممكن يسير ..

يعني مافي نص تحريم على منع البنت من مختلف الاشياء ..

وزي ماحكت نور .. العصر اختلف

وهاد بيطلب فهم اخر لـ سد الذرائع

أنين
06-15-2010, 09:33 PM
مشكلةكيف البنت تطلع لوحدها
هاي جديد لحتى اتخطيناها
والحمد لله
ياعمي طالما البنت قد حالها وواثقه من حالها شو فيها
لمنتشوف مستقبلها ولا لسه متل ما بيحكو المستقبل عند الهم الزوج


صح يا ابو مجاهد والله انت واحد زيي جالي دماغك من المشاكل والبرم
يا عمي المهم يخلص الواحد شغله باله مرتاح والبطن مليان كله تمام

اهلين حبيبتي عاشقه

حبيتها كتير البطن مليان :ShababSmile224:

أنين
06-15-2010, 09:37 PM
[




مش فاهمة شو يعني تفسيرك لـ (محافظة زيادة عن اللزوم) ..!

القصة هي بيتحكم فيها أكتر من طرف ..

أول شي والأهم الدين، والشي التاني الي أعتقد الكل من الأهالي متسمك فيه وهو العادات والتقاليد الي بتقول ( البنت ان طلعت من دارها قل مقدارها)

يعني وان كان المشكلة قائمة في كيفية توصيل الصورة او الفكرة للاهالي ان ما عدنا متل زمان .. ما فينا نغير لانها راسخة ..

تعامل الاجداد للاباء ومن ثم للايناء..

يعني ما تفهمي اني ضد ان يتغير التفكير بخصوص طلعت البنت وتغير منهج ( انتي بنت) ، لاني انا بردو ممكن يواجهني هالشي ..

بشخصيتك فيك تفرضي الي انتي عايزاها .. ضمن المعقول بحيث الأهل يتماشوا معك وانتي تكوني مقتنعة وراضية ... =)








100%

:ShababSmile236:

أم ريان
06-15-2010, 09:39 PM
و اللي عنست ما الها مستقبل




الها الله والكاميرات

أنين
06-15-2010, 09:46 PM
الشغلة مش رح تصير بين يوم و ليلة ..

و كمان مش ممكن تصير من غير تربية صحيحة ..

والله اللي بلاحظه و خصوصا في دول الخليج انهم كانوا منغلقين لدرجة كبيرة

فجأة انفتحوا و اخدوا العاطل و تركوا المنيح !!

كأنه كان في ظغط و فجأة صار الانفجار ..

مش لازم المبالغة في الانغلاق .. عشان نعرف نختار المنيح من السيء ازا صار في انفتاح !!

مش نصير زي الجعان اللي فجأة انعرضله كل انواع الاكل !!

مش هيك برضو ؟


وجهة نظرك عن الخليج .. مش بمحلها :)

هاي مشكلتنا احنا ماخدين فكرة عن شيء معين .. من الاعلام الغبي الي بصورلنا الدنيا بشكل غلط .!

يمكن حكيك كان زمان قبل 20 او 30 سنه

لكن هلأ الخليج مطورا لمرحله كبيره كتير

وبالعكس قاعدين بوصلوا لـ مستوى عالي جدا

من جامعات لشركات لحتى مشاريع ضخمة

وبكل بلد في الجوعان

ومش مقياس لحتى نقيس عليه .. والانغلاق هاد موجود لحد الان لكن بعقل

يعني نسبة بسيطه من الناس الي انفتحت على الدنيا

وكان انفتاحهم بمكان صح

ولكن بالنهايه انا مابعمم

برجع بحكي كل

بلد فيها الجوعان وفيها الفهمان

أنين
06-15-2010, 09:48 PM
(صلو عالنبي) ....
انتو لساتكو صغار علشان هيك بتحكالكو كلمة ( لساتك صغير)!! بكل بساطه:shababsmile226:
هلأ صح إنو مهما كبرنا بنضل صغار بنظر الإم والأب ( الله يخليهم ويحفظهم)..
بس كمان في شي مهم إنو كل واحد منا بيفكر حالو ناضج وقراراتو سليمه وبس يكبر كمان شوي بيكتشف إنو كان لسه زغير! ( هيك الدنيا):shababsmile108:
هلأ الأكيد إنو كلمة (لساتك صغير) رح تضل تنحكالك لحد ما يشعروا إللي حواليك إنك كبرت .. يعني باختصار فتره وبتعدي .. ربنا يجعلها آخر الأخزان .. كلنا بنمر بهالسن الحرج:shababsmile109:
وكل هالحكي بيصير ذكريات ..:shababsmile235:

هههههههههه اجى يكلحها عماها ..

صح انا معك بالحكي

لكن انا مابحكي عن فتره معينه .. يعني تخيل انت هلأ بعمرك هاد تسمع هـ الكلمه .. ؟

أنين
06-15-2010, 09:52 PM
بالنسبه لسؤال الاستاذه انين
اكيد انو هاي الجمله انحكتلي
ويا الهي شو كنت ازعل منها
وكنت ابكي وازعل واحرد

لكن ههه بعد ما كبرت صرت اضحك علي حالي
وصارت مواقف سعيده اللي كانت تنحكالي عليها

بالعكس كمان باحكيها لغيري تلقائي ولا اعتقد الامر غلط لهالدرجه

حسب الموقف >> اذا الموقف محتاج احكي لاخوي او بنت اخوي انتي لسا صغيره يا عمتو مش غلط
بس المهم مراعاه مشاعر الاطفال هدول >> واحكيها وانا عارفه انها لتوصيل فكره
مش لاستهزاء بشخص او مواهبه

وانا مش ضد هالكلمه المهم انها تنحكي بوقتها وهي الاهم

وشكرا كتير الك اخت انين علي الموضوع والنقاش الجميل من الاعضاء الكرام

100%

الكلمه هاي ممكن تنحكا لكن بوقت صح وهدفها صح

:ShababSmile224:

نور الهدى
06-15-2010, 09:57 PM
وجهة نظرك عن الخليج .. مش بمحلها :)

هاي مشكلتنا احنا ماخدين فكرة عن شيء معين .. من الاعلام الغبي الي بصورلنا الدنيا بشكل غلط .!

يمكن حكيك كان زمان قبل 20 او 30 سنه

لكن هلأ الخليج مطورا لمرحله كبيره كتير

وبالعكس قاعدين بوصلوا لـ مستوى عالي جدا

من جامعات لشركات لحتى مشاريع ضخمة

وبكل بلد في الجوعان

ومش مقياس لحتى نقيس عليه .. والانغلاق هاد موجود لحد الان لكن بعقل

يعني نسبة بسيطه من الناس الي انفتحت على الدنيا

وكان انفتاحهم بمكان صح

ولكن بالنهايه انا مابعمم

برجع بحكي كل

بلد فيها الجوعان وفيها الفهمان

يبدو انه الفكرة ما وصلت ^^

و انا ما بحكي عن مظاهر التطور التكنولوجي .. مش مقياس وحيد

انا بحكي عن المفاهيم :)

راجعة بعد ما اخلص مذاكرة ^^

أنين
06-15-2010, 10:04 PM
يبدو انه الفكرة ما وصلت ^^

و انا ما بحكي عن مظاهر التطور التكنولوجي .. مش مقياس وحيد

انا بحكي عن المفاهيم :)

راجعة بعد ما اخلص مذاكرة ^^

لوول

ازا هيك قلبي معك .. روحي ادرسي .. راح اسكر النقاش :p

وع فكره ضيفي المفاهيم ع الحكي السابق .. انا بالخليج وشايفه الوضع :)

اسد 22
06-15-2010, 10:05 PM
كل مولود ولد

ههههههههه

هادي بتقبلها بروح رياضية

مشكورة على الموضوع

PaLeSt!Ne SouL
06-17-2010, 03:12 PM
السلام عليكم و رحمة الله و بركاته

اكيد سمعتها .. لساتك صغيرة ..

هاي الكلمة بتمنعنا نسوي كتير اشياء بنحبها

يمكن الوقت هاد تكون تافهة بالنسبة الي لكن كانت كتير مهمة لما كنت صغيرة

لسه صغيرة ما بينفع تروحي معنا مشوار
لسه ضغيرة بس تكبري بتفهمي
لسه صغيرة ... الخ حتى مش الخ الى ملا نهاية

بنفس اليوم بصير كبيرة سبحان الله
انتي كبيرة ليش هيك عملتي
انتي كبيرة روحي و تعالي
انتي كبيرة ..

لو كانت كل وحدة بوقت ما انقهرت زي ما تكون فرق كم ساعة بين التنين

وقت ما بدهم يكبروني و وقت ما بدهم بيصغروني

بس بصراحة انا بحكيها لاخواتي الصغار
مش لحتى ادايقهم
بس هم بنظري ضغار

و زي ما حكا امجد الاب و الام دايما بشوفوا ولادهم صغار

....

نيجي لقصة انتي بنت
كتير كنت اتمنى اكون ولد
ليش ؟؟؟

هاد لانه كل ما تعمل شي غلط انتي بنت و بيكون عيب

اما اخواتي لو عملوا اكتر مني معلش هم اولاد و ما بيعيبهم شي

الشب عادي يضلوا طالع طوول اليوم

اما البنت بدها تترجى حد يطلع معها

اخواتي بياخدوا فلوس اكتر مني

لانهم شباب و ما لازم ينحرجوا قدام صحابهم
و ابصر شو ... و بيضلهم يقولوا لانه شب

حتى بتخصصات الجامعة هاد تخصص ما بيليق بالبنات !!

آخ منها هالكلمة

الناس اللي كرهونا فيها

بحب كوني بنت بس بكره التمييز هاد

...

بدي اقول انا بشوف كل واحد اكبر مني كبير
و اي واحد اصغر مني صغير

لكن هاد ما بعني اني بدي احطم نفسيته


شكرا لك انينوو