استفسار [الأرشيف] - منتديات شباب فلسطين

نور الهدى

06-11-2010, 12:43 AM

السلام عليكم يا جماعة الخير

من فترة بسيطة صارت بتظهرلي نافذة باستمرار

http://rooosana.ps/Down.php?d=HnfQ

انا بستخدم avast

بدي اعرف شو يعني لما تطلعلي

و هل هاد بيعني انه جهازي العزيز و بياناتي في خطر ؟

ولا شو بالزيط

علما انه بالرسالة بحكولي انه التهديد انعمله بلوك - مش عارفة كيف اترجم بس هاي الفكرة اجمالا -

شو لازم اعمل ؟؟؟؟؟

إسراء الفلسطينية

06-11-2010, 01:03 AM

وعليكم السلام ورحمة الله وبركاته..

والله ما بعرف يا نور

الا ليجي حدا ويفيدك :)

نور الهدى

06-11-2010, 01:07 AM

:)

معلش ^^

شكرا اسراء :))

شهيد

06-11-2010, 01:28 PM

مش فاهم اللغة :s

نور الهدى

06-11-2010, 01:57 PM

كيف راحت من بالي هاي :s

طيب انا غيرت اللغة للعربي ..

رح استنى لتطلعلي تاني و اجيب الصورة ^^

نور الهدى

06-11-2010, 02:05 PM

هي بالعربي

http://rooosana.ps/Down.php?d=FX2e

شهيد

06-11-2010, 02:25 PM

ههههههههههه شو هادا ؟ ع طول طلعت :d

انا قولت فترتها بسأل حد

طيب بسألك هالحد وبرجعلك ^^

شهيد

06-11-2010, 02:25 PM

ههههههههههه شو هادا ؟ ع طول طلعت :d

انا قولت فترتها بسأل حد

طيب بسألك هالحد وبرجعلك ^^

الفتاة المشرقة

06-11-2010, 02:58 PM

اختي ..

شكلو كان في جهازك فايروس والانتي فيستا قدر يكتشف مكانو ..

هذا الي قدرت افهمو ان شاء الله بفيدوكِ

نور الهدى

06-12-2010, 03:19 AM

ههههههههههه شو هادا ؟ ع طول طلعت :d

انا قولت فترتها بسأل حد

طيب بسألك هالحد وبرجعلك ^^

بتطلع بمعدل 10 مرات في الساعة !!!

مش فاهمة ابدا شو القصة

//

شكرا الك و لهالحد ^^

نور الهدى

06-12-2010, 03:21 AM

اختي ..

شكلو كان في جهازك فايروس والانتي فيستا قدر يكتشف مكانو ..

هذا الي قدرت افهمو ان شاء الله بفيدوكِ

شو هو الانتي فيستا ؟؟؟؟

ما بستخدم نظام الفيستا انا !!

بعدين انا عملتله فحص للجهاز و ما طلعلي فايروسات

امتزاج ..!

06-12-2010, 03:35 AM

نور الهدى

06-12-2010, 12:44 PM

وعليكم السلام والرحمة ~

كيفك نور ايش اخبارك > بالله وقته !
المهم
انا خبرتي قليلة جداً بس من خلال تجربتي للأفاست زمان
فهمت شي مابعرف اذا فهمتو صح او غلط
فيه عندك ثغرة اختراق عن طريق الأي بي وبتتعرضي لهجمات كآسحه :p
والآفاست كفشوا وبيتعامل معاه
مابعرف اذا الأفاست بينهي لك المشكلة او لا والله !

ع فكرة تحذيرات الآفاست مافي آكثر منها
حساس كثير هالبرنامج ومزعج عشان كذا استبدلتوا بالكاسبر
ونمت :p

ان شاء الله اخوي شهيد يجيب الخبر الأكيد

تحيتي

حبيبتي امتزاج ^^

نورتي والله

انا بخير و الحمد لله :)

ايش اخبارك انتي ؟؟

//

والله اللي فهمته اني بتعرض لهجمات بس ما فهمت من اي نوع يعني ولا كيف لازم اتصرف !!

بالنسبة للافاست انا عاجبني لانه خفيف و كمان لانه مجاني !!

و بفضل انه يكون حساس زيادة حجبتين ولا انه يكون معدوم الاحساس :p

الكاسبر كان عندي زمان بس ثقيل جدا و موتلي الجهاز من ثقله !

مش عارفة شو اعمل

هيني بستنى شهيد :ShababSmile256:

شهيد

06-12-2010, 12:55 PM

حساس كثير هالبرنامج ومزعج عشان كذا استبدلتوا بالكاسبر

والله في منه كلامك يا امتزاج ^^

هو لسا ما اجا هان :@

مع اني قولتله مر ع هالموضوع لأنه هو مجرب الافاست من سنين

اما انا ما الي عليه كتير :@

دقيقة نشوفه :s

نور الهدى

06-12-2010, 01:10 PM

طيب ماشي ^^

مغسي

أمل

06-12-2010, 04:16 PM

فيه عندك ثغرة اختراق عن طريق الأي بي وبتتعرضي لهجمات كآسحه :p

إنتو مش عارفين هدول المخابرات تبع ساغكوزي:p

إنتِ بس صفي نيتك و راح يفك عنك ^^

نور الهدى

06-12-2010, 04:25 PM

إنتو مش عارفين هدول المخابرات تبع ساغكوزي:p

إنتِ بس صفي نيتك و راح يفك عنك ^^

فكرك رح ياخدوني ع السجن ؟

على سيرة السجن

روحي لموضوع في قسم النقاش .. حبسوني هناك

بسرعة طلعيني

//

انا رحت على موقع و حطيت رقم الاي بي اللي بيطلع في النافذة كل مرة عشان احدد المكان

طلع في بلد باوروبا الشرقية اعتقد

مش متذكرة

تفتكري متعاونين مع مخابرات فرنسا ؟؟

عاشقة فلسطين..

06-12-2010, 04:28 PM

ههههه
الله يفك اسرك..

عاشقة فلسطين..

06-12-2010, 04:28 PM

ياريت لو بقدر اطلعك.. :!!

نور الهدى

06-12-2010, 04:30 PM

ياريت لو بقدر اطلعك.. :!!

شو مانعك طيب ؟

أمل

06-12-2010, 04:32 PM

فكرك رح ياخدوني ع السجن ؟

على سيرة السجن

روحي لموضوع في قسم النقاش .. حبسوني هناك

بسرعة طلعيني

//

انا رحت على موقع و حطيت رقم الاي بي اللي بيطلع في النافذة كل مرة عشان احدد المكان

طلع في بلد باوروبا الشرقية اعتقد

مش متذكرة

تفتكري متعاونين مع مخابرات فرنسا ؟؟

مش قلتلك القصة فيها مخابرات :ShababSmile221:

..

بالنسبة للسجن لا تهكلي هم أنا شفت الموضوع طبعا ما بتهوني علي :p

نور الهدى

06-12-2010, 04:42 PM

طيري

امتزاج ..!

06-12-2010, 05:06 PM

أنا بخير الحمدلله واشتقتلكم يختي :$
نور حبيبتي قعدت ادور لك شوي بالنت ولقيت إن كثير بيعانوا من الهجمة العشوائية هذي
بمعنى إنها منتشرة هالأيام
والأغلب بيحكوا دودة تحاول تخترق الجهاز من منفذ 350 الموجود بالوندوز !
طبعاً المحاولات تبوء بالفشل بسبب تصدي الآفاست
طيب حاولت ادور لك حل ع أساس مايطلع التنبيه كل شوي
مابعرف اختلفت الحلول بعضهم بيحكوا لازم تعمل تحديثات لنسخة الوندوز عشان تسد المنفذ
والبعض بيحكوا لازم تحط جدار حماية أقوى من الأفاست
وناس حكوا لازم تعمل الغاء تفعيل DCOM الموجود بالوندوز لانه الديدان والفايروسات بتستغل تفعيله وتعمل الهجمات من خلاله
طريقة الإلغاء إما عن طريق برنامج يتم تحميله أو عن طريق الـ run

الحلول هذي كلها اتكررت والأغلبية بيحكوا ان الموضوع مش مخيف بس بيعمل قلق من كثر تحذيرات الأفاست !!

خلينا نتأكد من أخي شهيد

/

[ الكاسبر ممتااااز حطيه وروحي نامي , مابعرف ليش مثقلك الجهاز هو صحيح حجمو كبير بس
ممكن لانك ركبتيه بطريقة خاطئة او فيه شي مش مزبوط !!
لانو معاي بيكون ثقيل بس اول ما اركبه بعدين بيتأقلم مع الجهاز ويصير ممتاز !! ]

/

أمولتي منوغه قد الدنيا

نور الهدى

06-12-2010, 09:34 PM

شكرا كتير امتزاج والله و عزبناكي معنا ..

شو هو الـ DCOM ؟؟

التحديثات بتنعمل ع الجهاز بشكل دائم و اتوماتيكي يعني ..

//

بالنسبة للكاسبر

والله مش قادرة انسى المشاكل اللي عملها بالجهاز القديم

هلأ انا عندي واحد جديد و الافاست مش مثقله بالمرة و بعمل فحص كامل كل يومين 3 ..

و ما بلاقي فايروسات ..

هلأ ازا هاي التحذيرات مش خطيرة فالحمد لله .. الشغلة بسيطة معناها

بس ازا كانت عبارة عن اختراق هون بتصير مشكلة :s

عموما عم نستنى هالحدا يعبرنا ^^

شكرا امتزاجي :)

~][وحيدة القمر][~

06-12-2010, 09:46 PM

نووووور الهدى

أنا عندي نفــــــــــــــــــــــس المشكلة :( من يومين صار يعطيني هالرسالة الحمرااا

كمان مش عارفة شو أعمل

ومش عارفة ازا بهالطريقة توقف عن العمل .. مش عارفة ازا لازم أنزّل غيره !!

والله مش عارفة شي بالمرة :icon29:

يا رب يفيدنا هيدا الحدا .. لأن كل مرة بيخرب جهازي بس بسبب الانتي فايروس

بكون بدي احمل انتي فايروس جديد بيضل القديم وبيصير عندي 2 انتي فايروس هههه .. فففف حالة

مع اني كتير شاطرة بالكمبيوتر .. إلا بالانتي فايروس ( قفل) ههه

::حمادة::

06-12-2010, 09:49 PM

والله زي مابتعرفوا يعني ثقافتي روسية يعني ف أسف مابقدر أفيدك

نور الهدى

06-12-2010, 09:50 PM

نور الهدى

06-12-2010, 09:51 PM

والله زي مابتعرفوا يعني ثقافتي روسية يعني ف أسف مابقدر أفيدك

بسيطة اخي

انت بس طلعنا من السجن

و رح اسامحك على عدم مساعدتي بهالموضوع

شو رأيك :ShababSmile237:

شهيد

06-12-2010, 09:52 PM

انا بحب الافاست و مش مستعدة اتخلى عنه p:

ما زال هيك شو ما يكون يكون ههههههههه

يعني علاقة المحبة ما رح تتأسر خخخ

والله يا ربي قولتله بس لسا ما شرفنا بالموضوع :@

~][وحيدة القمر][~

06-12-2010, 10:16 PM

هههههههههه

وحيدة كالقمر

مش عارفة كيف بتقدري تحملي 2 انتي فايرس بجهاز واحد

لانه لما تيجي تنصبي الجديد بيحكيلك شيلي القديم بالاول .. مش هيك برضو ؟؟

انا بحب الافاست و مش مستعدة اتخلى عنه p:

انا بس بدي افهم شو معنى الرسالة اللي بالنافذة اللي بتطلع :(

و الله يعين

ههههه هو من ناحية مفروض يكون بدل القديم إي المفروض

بس آخر مرة كان عندي avira نزلت الكاسبر ما رضي يروح الأفيرا

نزلت اللابتوب لعند المصلح حتى يعمل فورمات وانصدم هو الآخر هههه

حطلي هيدا أفست

بس أنا ما حبيّته .. نفسي أشيله وأحط غيرة بس خايفة أخرّب الدنيا

مش وقته هلأ

يلا منشوف كيف بدنا نحلهاا

نور الهدى

06-12-2010, 10:16 PM

أكيد علاقة المحبة ما رح تتأثر شهيد

هو في بعد الوفا ؟؟

هههههههه

//

بسيطة اخي ايمتى ما اجا بييجي ..

وحيدة خلاص لما ييجي اخونا بنشوف شو بده يصير ^^

::حمادة::

06-12-2010, 11:02 PM

بسيطة اخي

انت بس طلعنا من السجن

و رح اسامحك على عدم مساعدتي بهالموضوع

شو رأيك :shababsmile237:
Не обращайте внимания أو بالعربي لا امانع

عزيز النفس

06-13-2010, 05:08 PM

السلام عليكم ,,

اول شئ ال DCOM هو بروتوكل المسؤول عن اتصال جهازك بشبكة الانترنت او بروتكول مساعد لاتصالك بالانترنت ,,

كذلك هذه البروتوكل يستخدم عادة في الاختراق او زراعه الباتشات للتجسس "" لانه يعتبر كـ وسط ناقل بين الجهاز وعالم الانترنت

فلذلك قد يكون الامر بسيط وقد لايكون إن كان هناك فايروس على الشبكة

المهم ,,

بإمكانك اغلاق هذا المنفذ بإتباع هذه الخطوات ,,,

اول شئ من Run تشفيل يعني بتجيبيها من علامه الوندوز + حرف ال R او من ابدأ

بتكتبي هذه الامر regedit

وبتروحي على هذا المسار .. HKEY_LOCAL_MACHINESoftwareMicrosoft OLE

وفي بتلاقي حاجه اسمها EnableDCOM دبل كلك عليها وغيري القيمه من Y لـ N وسسوي ريستارت للجهاز ..

هذه صور توضيحيه if you want

http://rooosana.ps/Down.php?d=81e9

http://rooosana.ps/Down.php?d=GOt9U

برشلونه دايما في الميدان :ShababSmile226:

وان شاء الله بتنحل قصتك :)

شهيد

06-13-2010, 08:15 PM

يعطيك العافية :ShababSmile229:

نور الهدى

06-13-2010, 09:17 PM

يعطيك الف عافية اخي عزيز النفس

تم التطبيق خطوة بخطوة ^^

و لهلأ ما ظهرت النافذة :ShababSmile237:

شكرا ^^

//

شهيد جزاك الله خيرا انت كمان ^^

عزيز النفس

06-13-2010, 09:26 PM

يعطيك الف عافية اخي عزيز النفس

تم التطبيق خطوة بخطوة ^^

و لهلأ ما ظهرت النافذة :ShababSmile237:

شكرا ^^

//

شهيد جزاك الله خيرا انت كمان ^^

عفوا ,,,

يارب تضل مش ظاهره :ShababSmile248:

~][وحيدة القمر][~

06-13-2010, 09:31 PM

يعطيك العافية أخي عزيز النفس

ما قصّرت والله

بجرّب هلأ

عزيز النفس

06-14-2010, 09:08 AM

يعطيك العافية :ShababSmile229:

الله يعافيك ,,

تصدق اني توي شفت ردك :ShababSmile225:

نور الهدى

06-15-2010, 12:10 AM

قبل شوي رجعت ظهرت !!

Why ??

PaLeStiNe FlOwEr

06-15-2010, 08:50 AM

امممم

هاد البرنامج ما جربتوا

بس انا جربت الكاسبر وكان تقيل بشكل مو طبيعي ع الجهاز لدرجت ما استحملوا

كنا عاملين اشتراك لمدة سنة وبفلوس للكاسبر بس الجهاز ما استحمل من رابع شهر فرط ع الأخر

حاليا بستخدم واحد ما بعرف شو اسمو لأنوا الصراحة مختفي ومو مبين من شي يومين بئولي بابا انوا برنامج الحماية مو مبين ع الجهاز وهلأ دورت عليه عنجد مختفي تماما

يا انوا حد ماسحوا يا انو ما بعرف .. ههههه

طيب سؤال شو أفضل برنامج حماية؟؟

PaLeStiNe FlOwEr

06-15-2010, 08:56 AM

نسيت خبرك نور انو ما فيني اساعدك

**

بس شوفي شو مكتوب باخر الصورة علمتلك عليه بالأزرق جربي اعمليها

وشوفي شو بصير معك

http://files.shabab.ps/store/1/100615065508LCDz.jpg

~][وحيدة القمر][~

06-15-2010, 10:36 AM

فلسطين فلور .. عملتي search تحت على الشمال جنب كلمة start ؟

إذا لا .. اعملي سيرتش اكتبي anti-virus احتمال يكون مخبي هيك أو هيك

أو ابحثي عنه بالـ control panel

..

أنا عندي نفس الانتي فيروس اللي عند نور .. بس كل شوي بيقولي بعد 15

ما بحبه اصلا بس عم فكّر جرّب الـ nod هالمرة .. حدا بيعرف عنه شي؟

نور الهدى

06-15-2010, 02:23 PM

نسيت خبرك نور انو ما فيني اساعدك

**

بس شوفي شو مكتوب باخر الصورة علمتلك عليه بالأزرق جربي اعمليها

وشوفي شو بصير معك

http://files.shabab.ps/store/1/100615065508lcdz.jpg

بعرف انه مش رح تظهر لو عملت هيك

بس الهجمة بتضل موجودة و ان ما شفتها ^^

فـ اني اكون عارفة اللي عم بصير احسن .. لانه النافذة بذاتها ما بتزعجني ..

شكرا فلاور ^^

نور الهدى

06-15-2010, 02:25 PM

[وحيدة كالقمر][~;1514705']فلسطين فلور .. عملتي search تحت على الشمال جنب كلمة start ؟

إذا لا .. اعملي سيرتش اكتبي anti-virus احتمال يكون مخبي هيك أو هيك

أو ابحثي عنه بالـ control panel

..

أنا عندي نفس الانتي فيروس اللي عند نور .. بس كل شوي بيقولي بعد 15

ما بحبه اصلا بس عم فكّر جرّب الـ nod هالمرة .. حدا بيعرف عنه شي؟

ليش طيب ؟؟

اكيد عملتيله شي عشان يقولك هيك :ShababSmile226:

الافاست خفيف و حلو :ShababSmile331:

نور الهدى

06-15-2010, 02:27 PM

طيب سؤال شو أفضل برنامج حماية؟؟

!avast

اكيد خخخ

و مجاني كمان

شهيد

06-15-2010, 02:32 PM

طيب سؤال شو أفضل برنامج حماية؟؟

nod :ShababSmile119:

نور الهدى

06-15-2010, 02:48 PM

مجاني ؟

شهيد

06-15-2010, 02:50 PM

بعرفش :s

انا بنزله و بعدين بفعله وكل شيء تمام بصير

بصيد الفايروسات خخخ

نور الهدى

06-15-2010, 02:53 PM

ازا مجاني مستعدة اجربه و اقارنه مع الافاست

مجرد مقارنة .. متمسكة دائما بالافاست انا خخخخ

شهيد

06-15-2010, 03:02 PM

ههههههههههههههههههههههههههه

ع كل ^^

كل واحد بينام ع الجنب يللي بريحه :)

عزيز النفس

06-15-2010, 08:54 PM

طيب سؤال شو أفضل برنامج حماية؟؟

BitDefender هذا افضل برنامج حمايه في عام 2007 و 2008 و 2009 و 2010

وهو افضل برنامج حمايه حالي ,,

لان كل برامج الحمايه بتفحص بالبايت وفي بعضها بالكيلو بايت اما ال BitDefender يفحص الجهاز بالبت (Bit)

الـ Bit هذه اصغر وحده كمبيوتريه

يعني ابسطها : لما تنقي رز انو احسن لما تنقي كبشة كبشة ولا تمسكي حبه حبه ؟

اكيد الانضف حبه حبه بس بكلفك جهد

كذلك هذا البرنامج بالحمايه فش بعده بس تقيل شوي مشكلته :ShababSmile332:

http://dl2.softvnn.net/10/theanhosc/Pictures/bitdefender%202010.jpg