المساعد الشخصي الرقمي

مشاهدة النسخة كاملة : سياسة فيد..واستفيد...


أم الوليد
05-18-2010, 01:13 PM
مسا الخير شباب

كتير اوئات بس كنت احتار بموضوع اطرحو الكم للنقاش..وبيطلع من بين راي حد..او وجهة نظر شي بفيدني وبدلني للصح

وهالموضوع فعلا محيرني وخدو لنشوف وجهة نظركم:

سياسة خود ..,هات...

قدم السبت..تلائي الاحد

اعطيني...بعطيك

فيد ..واستفيد..


شو هي حدود العطاء!!

كل عطاء لازم يكون الو مقابل!!

طب بيخلص العطاء متل كل شي حولينا!!

اذا اخدت وعطيت!!افضل من عطاء وبس!!ولا هي مش مشرطة وكلو بظروفو!

شو الي بخلي البشر منن يعطي بلا حدود وبدون مقابل..ومنهم ياخد ومايعطي ابدا!!

وهلا وئت اسمع رايكم

.:.!دموع الرحيل!.:.
05-19-2010, 10:37 AM
.

.

هلآ حبيبتي ملـك ..

ممم

أظن أنه هالسياسة قائمة على أساس :

" لكل مقام مقال "

مش كل شي بحيآتك بتقدري تقولي رح اعطيه وقدملو بدون مقابل ..

ولا كـل شي ... بتقدري تقولي .. لازم يكون في مقابل مادي أو دنيوي بحت خلينا نقول ! ..

هلأ بداية خلينا نتفق على شغله ..


أظن انه النفس البشرية

جُبلت على إنهـا تلاقي مقابل لأي شي بتقدموآ !


حـتى ذكر ربنا .. العمل الصالح .. ربنا وعدنا بالمقابل

بحسنـات ودرجـات بالآخرة

كـ تحفيز .. وتشجيع .. وعدل وكرم من ربنآ ..

لذلك ما أظن انه في أي انسان بالدنيا

بيقدر يوصل لمرحلة

أنه يقدم كل شي بحياته تقدمه وعطاء ..

بدون أي مقابل من أي شي !

..

بـس بنفس الوقت أظن إنهـا بنسب متفاوتة /

مثلا لمآ تكوني موظفه بمكـان مآ :

طبيعي ما تقبلي إلا تاخدي حقك

كامل مكمّل ..

وعلى قدر جهدك وتعبك ..

والساكت عن الحق شيطـان أخرس .. .. لذلك من الخطأ أنه الواحد يسكت عن حقه

بهيك مواطن ! ..

لكـن مثلا لو انت بتشتغلي بـ جمعيه خيريه

ونادرة فيها عملك لـ [ الله ] .. !

طبعا هـون مهمآ قدمتي ..

المقابل عمبكون معنـوي .. الي هـو تقربك من رب العالمين بالعمل

وإحساسك بنفسك إنك إنسانه قادرة تقدمي

خير لدينك ومجتمعكـ

ولاحظي حـتى هـون في مقابل . . بس مقابل معـنوي ! ..

وأخروي بنفـس الوقت ..

وعلى هذا الموال أظن تُقآس بآقي الأمور ..

هيك رأيي :) ..


وسمعينا إنت ِ كمـان رأيك ..

أم الوليد
05-19-2010, 11:44 AM
هلا بالمديرة

مابعرف والله يادموع

كتير بوقف عند مواقف الحياة اليومية

وبطلع منها بنتيجة اما انو انا من زمن تاني او الناس مادية صايرة

يعني كل شي بتقدميه بدهم كمان عطول في حد ياخد

بس لمتى!

واذا بيوم تعبتي وماقدمتي..بصير حق مكتسب الهم !!!

بس تعي بالمقابل فكري مرة تلمحي انو بدك مقابل ..او تفكري بينك وبين نفسك فيها

بصير انو مالها!ليش هلا بطلت تعطي!او ليش فكرت بمقابل!

علما انو مش امور ماديه الي بحكي فيها..

لهيك احترت وطلبت رايكم

§عاشقة غزة§
05-19-2010, 02:05 PM
سياسة خود ..,هات...

قدم السبت..تلائي الاحد

اعطيني...بعطيك

فيد ..واستفيد..


ها المفاهيم تكون صحيحة احيانا
بس في مجالات مختلفة
وبحكي عن تجربتي بالحياة
ممكن نستعملها بالمجال العملي
لانه كله يكون مبني على ضوابط وقوانين
ومشان نظمن حقوقنا وما تضيع حقوق الاخرين
الصرامة في معاملات الشغل ضرورية الصراحة

نيجي للعطاء بلا حدود
بيكون في الجانب الانساني..
ما نستنى مقابل والا هيك بتصير مصلحة
وبتفسد العلاقة بين الناس
العطاء في سبيل الله وما نمن على الله شي
(يوثرون على انفسهم ولو كانت بهم خصاصة)
العطاء في الحب اعظم عطاء
حين نجود بعواطفنا واحاسيسنا
ولا نبخل بها على غيرنا

والله ممكن الموضوع يتشعب
وبده صفحات للنقاش
اكتفي بهذا القدر
وشكرا لك ام الوليد لطرح الموضوع
اه تسيت اخكي شي..
في ناس ممكن تستغل ها النقطة
وتعتبر العطاء ضعف عند الاخرين
مشان تجني من ورائهم مصالحها الخاصة

أم الوليد
05-19-2010, 02:08 PM
ها المفاهيم تكون صحيحة احيانا
بس في مجالات مختلفة
وبحكي عن تجربتي بالحياة
ممكن نستعملها بالمجال العملي
لانه كله يكون مبني على ضوابط وقوانين
ومشان نظمن حقوقنا وما تضيع حقوق الاخرين
الصرامة في معاملات الشغل ضرورية الصراحة

نيجي للعطاء بلا حدود
بيكون في الجانب الانساني..
ما نستنى مقابل والا هيك بتصير مصلحة
وبتفسد العلاقة بين الناس
العطاء في سبيل الله وما نمن على الله شي
(يوثرون على انفسهم ولو كانت بهم خصاصة)
العطاء في الحب اعظم عطاء
حين نجود بعواطفنا واحاسيسنا
ولا نبخل بها على غيرنا

والله ممكن الموضوع يتشعب
وبده صفحات للنقاش
اكتفي بهذا القدر
وشكرا لك ام الوليد لطرح الموضوع
اه تسيت اخكي شي..
في ناس ممكن تستغل ها النقطة
وتعتبر العطاء ضعف عند الاخرين
مشان تجني من ورائهم مصالحها الخاصة









عليكي نور ياعشوقة...

لخصتي من الاخر...

بس شو الحل!

مافيكي تبطلي تعطي اذا هاد طبعك!

ومافيهم يبطلو يستغلو عطائك!

هادي
05-19-2010, 03:46 PM
كلام حلو ملك ..
بصرحه ما همني المضوع (كموضوع للنقاش) .. حسيت إنك بتعبري عن نفسك بجانب معين .. إنو الإنسان أحياناً ممكن يتعب .. أو ممكن يكون هوه بحاجة غيرو .. والسؤال كيف ممكن يكون في حالة توازن في التضحية والعطاء من أجل الآخر مع مراعاة حق النفس.. وبصراحه ما بعرف الجواب!!

أم الوليد
05-19-2010, 05:35 PM
امرك عجيب امجد!!

مش مهتم ليش فايت!!:ShababSmile233:

ماعلينا!

طيب التوزان الي مفروض نئدر نعملو! هاد مابخليك تسال حالك كيف!!:ShababSmile248:

ماصار معك مرة...انو عطيت بلاحد!!وحسيت انو وبعدين!شو النهاية!!

ولا انت من النوع الي بياخد ومابيعطي! لهيك مش حاسسها مشكلة!!:ShababSmile250:

وردة البستان
05-19-2010, 05:57 PM
برأيي العطاء ما في الو حدود،لأنه الانساان المعطاء هوي الانسان اللي بعطي وما بستنى مئابل
والاهم ولا بعمرو يتطلع الانسان على ئيمة الاشي بالعكس يتطلع اديش تأثر هالاشي على اللي اعطاه لغيرو ..
بس المشكله انه امرات بنظل نعطي ونعطي لغيرنا بس هالنااس ما بيقدرونا ولا بيستاهلو نعطيهن
وانا ما بعرف اذا هااي بسااطه فينا انه نظل نعطي ..اذا كانت بسااطه لازم نوئفا
او نكون احسن منهن ونظل نعطي؟ ما بعرف ..
ام الوليد
موضوعك كتير حلو،لانه بيستحق النقاش
لهيكي ابديت رايي.. يعطيكي العافيي،
تحيااتي الك ..

عاشقة رونالدو
05-19-2010, 06:37 PM
انا برأيي إنو اللي باخذ لازم يعطي أحسن لدينه و سمعته بهالأيام الناس اللي بتاخذ وما بتعطي تعتبر قليلة أدب بس كمان حسب حالة الشخص و يا ريت الناس بقدّروا كل هالأشياء.
و بتوقع إنو اللي باخذ وما بعطي رح يكون خجلان كتيييييييير كل ما شاف اللي اخذ منه الحاجة و بتوقع إنو اللي كتبتيه كلياتو صحيح و مش بس بتوقع لا أنا متأكدة كل شي بهالزمن بيصير.
و إن شاء الله يعجبك رأيي:ShababSmile240::ShababSmile240 ::ShababSmile109::ShababSmile229:

أم الوليد
05-20-2010, 09:23 AM
برأيي العطاء ما في الو حدود،لأنه الانساان المعطاء هوي الانسان اللي بعطي وما بستنى مئابل
والاهم ولا بعمرو يتطلع الانسان على ئيمة الاشي بالعكس يتطلع اديش تأثر هالاشي على اللي اعطاه لغيرو ..
بس المشكله انه امرات بنظل نعطي ونعطي لغيرنا بس هالنااس ما بيقدرونا ولا بيستاهلو نعطيهن
وانا ما بعرف اذا هااي بسااطه فينا انه نظل نعطي ..اذا كانت بسااطه لازم نوئفا
او نكون احسن منهن ونظل نعطي؟ ما بعرف ..
ام الوليد
موضوعك كتير حلو،لانه بيستحق النقاش
لهيكي ابديت رايي.. يعطيكي العافيي،
تحيااتي الك ..

ماهو لهيك وردة فتحنا حزب للأشرار

لنصير ناخد وبس

بكفينا هبل مو:ShababSmile116:

أم الوليد
05-20-2010, 09:24 AM
انا برأيي إنو اللي باخذ لازم يعطي أحسن لدينه و سمعته بهالأيام الناس اللي بتاخذ وما بتعطي تعتبر قليلة أدب بس كمان حسب حالة الشخص و يا ريت الناس بقدّروا كل هالأشياء.
و بتوقع إنو اللي باخذ وما بعطي رح يكون خجلان كتيييييييير كل ما شاف اللي اخذ منه الحاجة و بتوقع إنو اللي كتبتيه كلياتو صحيح و مش بس بتوقع لا أنا متأكدة كل شي بهالزمن بيصير.
و إن شاء الله يعجبك رأيي:ShababSmile240::ShababSmile240 ::ShababSmile109::ShababSmile229:

يااااااااااااااااااريت بحسو او بخجلوا الله وكيلك مافي دم ابدا:ShababSmile239:

اكيد برحب بتواجدك ومشاركتك:ShababSmile116:

هادي
05-20-2010, 10:10 AM
امرك عجيب امجد!!

مش مهتم ليش فايت!!:ShababSmile233:

ماعلينا!

طيب التوزان الي مفروض نئدر نعملو! هاد مابخليك تسال حالك كيف!!:ShababSmile248:

ماصار معك مرة...انو عطيت بلاحد!!وحسيت انو وبعدين!شو النهاية!!

ولا انت من النوع الي بياخد ومابيعطي! لهيك مش حاسسها مشكلة!!:ShababSmile250:
شو هالإستفزاز

:ShababSmile256:
أنا ئصدي إنو إللي لفت انتباهي إنك بتعبري عن حاله بتعيشيها:ShababSmile223:

أم الوليد
05-20-2010, 10:18 AM
شو هالإستفزاز

:ShababSmile256:
أنا ئصدي إنو إللي لفت انتباهي إنك بتعبري عن حاله بتعيشيها:ShababSmile223:


:ShababSmile223:

دايما الاستفزاز بدايتو من عندك

والي بدق الباب بسمع الجواب

:ShababSmile111: