المساعد الشخصي الرقمي

مشاهدة النسخة كاملة : ّ::..نقاش:: الضرائب التي تفرضها حكومة غزة :: شرعيتها ..واقعيها ::


الفلسـطيني
05-10-2010, 03:59 PM
بسم الله الرحمن الرحيم
بعد غيابي لفترة طويلة وفي اول عودتي لشباب فلسطين
موضوع شغل كثير من الناس خصوصا في قطاع غزة
حيث قررت الحكومة الفلسطينية فرض ضرائب عديدة
ومتعددة الانواع والجهات ...
فهنا نناقش بكل حياء ودون التعرض للاساءة لاي احد :..
ما هي شرعية الضرائب ؟؟
وهل نحن في وقت يسمح ؟؟
وهل هي صادقة ومنطقية ؟؟

موااضيع نناقشها سويا ...
سمعونا اراءكم شاركو معنا

أبو يقين
05-10-2010, 05:19 PM
موضوعك في محله

سأكوووون طرفا في المناقشة

عندما ارى راي الاعضاء

أبو يقين
05-10-2010, 05:20 PM
موضوعك في محله

سأكوووون طرفا في المناقشة

عندما ارى راي الاعضاء

الفلسـطيني
05-10-2010, 05:44 PM
ابو يقينـ
رفحـ
رايك ولنبدا النقاشـ

عاشقة فلسطين..
05-10-2010, 09:19 PM
موضوع جميل
ابدأ..

عاشقة فلسطين..
05-10-2010, 09:19 PM
موضوع جميل
ابدأ..

الفلسـطيني
05-10-2010, 11:34 PM
نعمـ لنتحـاور
ابو يقينـ
انت من رفحـ
يعني يسري عليك قانون الضرائب المفروض
ما رايك في موضوع الضريبة كمواطن واذا كانت شكلت عليك فايدة او ضرر
وهلـ انت معها او لا تؤيدها
اختي عاشقة المعشوقة الابدية فلسطين
رايكـ يمهمنا ويضع طابع لكي على نقاشنا شاريكنا برايك وهل انتي مع او ضد ولماذا !!!

نور الهدى
05-11-2010, 01:57 AM
ما بعرف كيف نظام الضرائب عندكو ..

لكن من اللي بشوفه انه كل بلد بيفرض ضرائب على المواطنين .. لانه اساسا هاي الضرائب بتكون مصدر سيولة للدولة

مش ممكن نتصور بلد من غير ضرائب اساسا .. ببساطة لانه الدول مش ممكن تتحمل المصاريف لحالها

و عادة مال الضرائب يعود بالنفع على المواطنين .. لانه بتصرف في القطاعات العامة و البنى التحتية ..

//

لكن من العدل انه تكون الضرائب نسبية حسب مدخول الافراد ..

مش معقول الغني يدفع نفس مبلغ الفقير !!

بل لما يكون المدخول تحت المعدل العادي ما بكون في ضرائب ..

//

بالنسبة للقطاع مش ممكن نقول انه الضرائب ما الها لازمة

بالعكس تماما .. لانه ما في دخل كبير للدولة فالافراد لازم يساعدوا كمان

و هاي المساعدة بتكون على شكل ضرائب ببساطة ..

//

و سلامتكم و تعيشوا

الله يفرجها ع الجميع

:)

يسلموا على الموضوع

PaLeSt!Ne SouL
05-11-2010, 06:12 AM
لي عودة

بارك الله فيك

الفلسـطيني
05-11-2010, 11:12 AM
اختي نور الهـ دى
تحية طيبة
طبعا واكيد الضرائب موجودة بكل بلد
وايضا هي احد اهم مصادر دخل الدولة
وطبعا الي بيدرسو اقتصاد بيعرفو انه الضرائب هي الي بتحدد نسبةالرفاهية بالعلاقة مع دخل الفرد
.....
بس كمان انه مش معقول يفرضو على بياع حلويات اطفال 500 شيكل مثلا وهوا ابصر بيطلعهم ولا لا
وحتى عاي محلات يعني يفرضو ضرايب عالية لانه
لانه وضع غزة ما في بيع منيح وكدا ...
لكن السؤال الك يا نور هل ممكن تتطلع بمسيرة ضد الضرائب ؟؟؟

الفلسـطيني
05-11-2010, 01:04 PM
دمــع ـة اسى
عودي باطلالة رايك
دمتي
::::::

عاشقة فلسطين..
05-11-2010, 03:18 PM
رأيي من العدل انه تكون الضرائب نسبية حسب مدخول الافراد ..

لي عودة أخي الفاضل..

قسامي غزة
05-11-2010, 04:20 PM
يعطيك العافية أخي الفلسطيني
موضوع فيه كثير من الإختلافات
أنا من رأيي إنوا الضرائب هاد حق الدولة
بس الضرائب تكون معقولة شوية
يعني أنا مش شايف أي مشكلة بضرائب علي السجائر
حتي لو تصير العليبة ب 50 شيكل بكون أحسن :ShababSmile116:
خلي المدخنيين يقللوا التدخين هههههههه
وأنا مع فرض الضرائب بس تكون بالمعقوووول
وضريبة السولار طبيعية جداً
وأنا مش شايف ضرائب بكم كبير
بس الناس دائمة التذمر والشكوي
ويعطيك العافية علي موضوعك
ومتابع معكم

.:.!دموع الرحيل!.:.
05-11-2010, 08:13 PM
ما بعرف طبيعة الضرائب المفروضة بقطاع غزة ,,,

أنآ معهآ طالما هيه ضمن حدود المعقول

وطالما هيه عمبتعود بالنفع على المواطنين ..

وأكيد مستحيل بلد بدون ضرائب !

لكن الأهم انه يتم مرآعآة الحالات المادية لكل مواطن

وما أظن حكومة ابو العبد تغفل عن هيك شي ..

نسأل الله أن يلهمهم ما فيه الصواب ..

بس في شغله الحقيقة

بتعرف من موضوعك عرفت

أنه انفرضت الضرائب على بضائع تانية غير الدخـان ؟!

قامت الدنيا وقعدت .. مشـان الضريبة على الدخـان لدرجة اني فكرت

انه ما في ضريبة إلا على الدخـان !

واحتار مين بدو يصطاد بالمي العكرة ويحكي ...

الي كانو يحرمو الدخـان مبارح صارو يعتاشو منهآ

لأن القلوب السوداء ما فرجتهم إلا الأسود في كل شيء ..

وتناست انه الحكومة بهيك خطـوة

عمبتحاول تقلل من هالوباء المتفشي بهالطريقة ..

المهم ..

الضريبة أمر طبيعي .. بس المهم ما يتخطى المعقول

ويعـود بالنفع المطلوب على البلد وأهله ..

ربنا يلهمهم الي فيه الخير

بارك الله فيك أخـي

أبومجاهد
05-11-2010, 11:48 PM
يا عمي نص الكلام للي منتشر في البلد نصب في نصب

مرة بقلك للي بدو يروح ع مستشفى الشفاء بدفع 2 شيكل ضريبة

والحين مطلعين كمان للي بدو يروح ع البحر ،،

والله نار هههههههههههههههه

مش كل شي بنسمعو بنصدقو

بس بنفس الوقت في ضرائب انفرضت جديد

ونسبتها معقولة بعض الشئ يعني مش مبالغ فيها زي ما الكل بتصور

لكن الكل بعرف انو في هجمة مسعورة على الحكومة في نشر الاشاعات والاكاذيب المبالغ فيها

ولو تيجي تقارن الضرائب للي بتفرضها حكومة غزة

بالنسبة للضرائب للي بتفرضها حكومة رام الله ستجد فروق كبيرة

يعطيك العافيـــة

^^

الفلسـطيني
05-12-2010, 12:14 AM
نبدا من البداية
طرحت الاخت عاشقة نقطة ان تكون الضرائب نسبية
هذا جميل
لكن هل بالفعل الضرائب نسبية
يعني محل ربحه من 800 ل 1200 شهريا يحطو عليه ضريبة نسبية 1000
مش منطق ولا توزيع نسبي
طبعا هادا مجرد مثال

لكن ما ننسى انه حكومة غزة محتاجة للدعم المادي لانه بعيدا عنالامور السياسية هيا قامت بعملية بناء تحتي جبارة
رصفت شوارع باتت مغلقة من زمن غيره وغيره
لكن.....

الفلسـطيني
05-12-2010, 12:21 AM
اخي قسام غزة
بيطلعلك تحكي منتو مع الحكومة:p:p
بمزح اخي نور الموضوع
طبعا ضريبة الدخان هادي بتجيب مصدر دخل كبيير للحكومة
لانه نسبة المدخنين ما شاء الله
لو كان الهدف انه الناس تخففها
تعال اتذكر معي لما وصلت حق السيجارة الواحدة نفل 2 شيكل او اكتر
اما بالنسبة لضرائب الممحروقات فهي طبيعية وقد لا تكون كذلك لكن ما في صوت عنها لانه احنا زمان كان عن اللتر باكثر من ضعف الثمن فيمكن هادا خلى الناس مش كتير متطلعة لزيادة السعر في المحروقات
دمت اخي
في حدا بطل ؟
الي ما معو ياكل كانت يتداين السيجارة وينذل عشانها
فانا اشك بقدرتهم على حد الناس من التخدين
وامر اخر الدخان حرام وهادا متفق عليه
فكيف الحكومة تاخد ربح من ورا اشي حرام

الفلسـطيني
05-12-2010, 12:23 AM
اختي دموع الرحيل اشرقتي برايك لكن ادعوكي بكل احترام ان تقراي ردودي على الاخوة فهي تتناول نقاشي معك حول الموضوع وردي على رايك الفاضل ولنتحاور كما تريدين

الفلسـطيني
05-12-2010, 12:28 AM
اخي ابو مجاهد
طرحك رائع كما انت
نقطة مميزة انه كتير من المواضيع بتكون اشاعات
والي بيجري وراها بس بيكون مستني غلطة
لكن لا تستطيع ان تقارن بين حكومة غزة وحكومة رام الله
لانه وضع غزة غير عن رام الله المادي
وايضا حكومة غزة اسلامية يعني المفروض تطبق الشريعة
الضرائب غير واردة في شريعتنا حتى وان كانت الدولة في امس الحاجة
وكما قلت لالاخ قسامي غزة كيف تاخد الحكومة ضريبة على السجائر التي هي بالاصل حرام

دمت اخي مجاهد وفي انتظار مناقشتك

نور الهدى
05-12-2010, 12:50 AM
كيف يعني الضرائب غير واردة في الشريعة الاسلامية ؟؟

ما في شي بمنع انه تكون في ضرائب نسبية ..

//

حتى يكون لانظام الاقتصادي اسلامي يجب انه يكون في تغيير جذري في المجتمع .. و مش هاد اللي حاصل اصلا ..

في عندك ناس بتعطي الزكاة و ناس لأ .. ليش لانه الفكر مش موحد

بعدين مال الزكاة اله وظيفة خاصة .. مش رح يستعمل في المصاريف العامة ..

و مش كل الناس بيبلغ مالهم النصاب .. شو يعني ؟؟ مش رح يدفعوا ضريبة ؟؟

أكيد لازم يساهموا .. لكن حسب مدخولهم

العصر تغير و الانظمة كمان .. و نحن في فترة انتقال بين فكر و فكر آخر .. فالشغلة مش رح تتغير بين ليلة و ضحاها ..

PaLeSt!Ne SouL
05-12-2010, 03:55 AM
السلام عليكم و رحمة الله و بركاته

متل ما حكى ابو ماهد نصها اشاعات

او شي فاعوا الناس على قصة 2 شيكل زيارة المشافي

و صاروا يحكوا بدهم يمنعوا الناس من الزيارة و هيك شي

لكن الحق انو هاي مش ضريبة هاي غرامة للي بيكون بالمشفى بغير وقت الزيارة

غرامة عن مخالفته لقوانين المسشفى و مواعيد الزيارة محددة اللي بيخالف بيتعاقب

اما للبحر فهاي اشاعة و ما في منها

..

بالنسبة للتدخين

مش كلالناس بتنذل عشان دخان

و مش كل المدخنين ما بيقدروا يعيشوا بدون دخان

اكيد في ناس بطلت تدخن

و في ناس ما رح تقدر تبطله

يعني حققت الضريبة نتيجة و ان كانت مش كاملة

...

الشريعة الإسلامية فيها ضرائب يا خ فلسطيني
و كانت نسبية يعني كل واحد حسب قدرته
وايضا حكومة غزة اسلامية يعني المفروض تطبق الشريعة

لما يكون في نظام اسلامي متكامل بتقدر تقول بدي اطبق الشريعة

ما بتقدر تطبق الزكاة و الضرائب و تسيب القوانين الوضعية بالمحاكم

لما يكون كل شي اسلامي على اصوله بنقوال نحنا بدنا نطبق الشريعة


فكيف الحكومة تاخد ربح من ورا اشي حرام


بصراحة شي حيرني

لانه كلامك صح

و قبل فترة ما كان في ضرايب لكن لانه حرام باخدو ربح منه

صادره كميات كبيرة منه و حرقوها

لانه حرام بيعها و الإتجار فيها و حرام الضرايب

يمكن لقوا انو اللي بيحرقوه بيدخل بداله

عشان هيك راحوا لحل تاني

ما بعرف و الله


بس عندهم علماء و شيوخ و اكيد لهم دليل ع الشي اللي بيعملوه

بارك الله فيك

الفلسـطيني
05-12-2010, 12:08 PM
كلامـ جميل جدا
اختي نور ما يوجد بالاسلام ومصادر مال الدولة هيا من اربعة مصادر : وهي: الخمس، الزكاة، الجزية والخراج فقط، وغير هذه فهو حرام ولم يكن له ورد في الشريعة هذا طبعا والله اعلم
ولكن نحن نحاول ان نكون اقرب للشريعة فلماذا نفرض ضرائب على شعب لا يتوفر لديه اقل مقومات الحياة الكريمة
دام عزك اخيتي

الفلسـطيني
05-12-2010, 12:21 PM
اختيـ دمعة
طبعا كتير من الكلام اشاعات
زي 35 شيكل في السنة عجرة الغاز
وقصة البحر وقصة المستشفى
وغيرها وعيرها وغيرها
لكن في اشياء صحيحة


وطبعا اكيد مش كل الناس بتنذل عشان الدخان
بس انا باتحدى تكون نسبة الناس الي بطلت الدخان تجاوزت 1%

وبرضو برجع احكيلك يختي المفروض بالاسلام
الخمس
الزكاة
الجزية
الخراج
وطبعا احنا عنا كتيييييييييييير قوانين وضعية او كلها
بس احنا بنسعى انه نكون اقرب للشريعة
لكن سؤالي الك يعني لو ادخلو الخمرا والكحول واخدو ضرائب باهظة عليها
بما انه االدخان والكحول حرام يعني
الاولى انهم يمنعوها تصير زيها زي المخدرات ممنوعة
مع العلم انه في دول بتمنع التدخين بالاماكن العامة
ومنها الاردن منعت التدخين بالماكان العامة والعقوبة سجن شهر

دمتي"ـ دمعة

PaLeSt!Ne SouL
05-13-2010, 01:59 PM
وإنما الضريبة التي يجوز أن تفرضها الدولة المسلمة هي في حدود ظروف معينة تحيط بتلك الدولة. مثلاً -وأظن أن هذا المثال هو الذي جاء به الإمام الشاطبي :- إذا هوجمت بلدة من البلاد الإسلامية، ولم يكن هناك في خزينة الدولة من المال ما يقوم بواجب تهيئة الجيوش لدفع ذلك الهجوم من أعداء المسلمين، ففي مثل هذه الظروف تفرض الدولة ضرائب معينة وعلى أشخاص معينين، عندهم من القدرة أن يدفعوا ما فرض عليهم، ولكن لا تصبح هذه الضريبة ضريبة لازمة، وشريعة مستقرة -كما ذكرنا آنفاً- فإذا زال السبب العارض وهو هجوم الكافر ودفع عن بلاد الإسلام؛ أُسقطت الضرائب عن المسلمين؛ لأن السبب الذي أوجب تلك الضريبة قد زال، والحكم -كما يقول الفقهاء- يدور مع العلة وجوداً وعدماً، فالعلة أو السبب الذي أوجب تلك الفريضة قد زال، فإذاً تزول بزوالها هذه الضريبة. وباختصار جواب ذاك السؤال: ليس هناك ضرائب تتخذ قوانين في الإسلام، وإنما يمكن للدولة المسلمة أن تفرض ضرائب معينة لظروف خاصة، فإذا زالت الظروف زالت الضريبة.


كلام الإمام الشاطبي/كتاب الاعصام

الفلسـطيني
05-13-2010, 06:53 PM
صحيح 100% مش مختلفين
لكن انا اذكر عندما كانت المساجد تعمل حملتا لتجهيز المقاتلين للجهاد كانت الناس تدفع
وكانت تبعت النساء دهبها ولا تبخل بشيئ وايضا كما قلتي على اشخاص معينيين وغير ملزمة

تحهيز المقاتلين كلنا مستعدين ندفعلو من دمائنا مش من اموالنا

دمتي اخيتي

نسيم الخلد
05-13-2010, 07:29 PM
السلام عليكم ورحمة الله وبركاته

والله يا اخي الضرائب لا بد منها
لان ذلك يساعد في تطور الدولة اقتصاديا
ولكن حقيقة جاءت في غير وقتها

وسامحني لاني راح اطلع عن نطاق الموضوع
في عندك حملة المخالفات الي فاعت مرة وحدة
واذ الواحد بيتخالف بيخالفوه 50 شيكل مش 200 شيكل
وما عم بنجم انا لانه الي صار صار مع خالي
كان محمل من غزة للوسطى
قال وقفوه وحكوله ممنوع واعطوه مخالفة 200 شيكل
لا والمصيبة كتبوله فيها قشاش ع الجنوب
هي لعبة شدة ولا شو
لازم خفو شوية ع الناس
والله المساوء صارت كثيرة


وبالنهاية بعد الي قلته
انا ما زال قلبي ينبض بحب حماس

الفلسـطيني
05-14-2010, 01:49 AM
نسيم الخلد
لما كانت الحكومات السابقة تفرض الضرائب
ما حدا كان يقول تلتل التلاتة كام
ام الان عشان حكومة غزة فرضتها الكل رفضها
؟؟؟؟

§عاشقة غزة§
05-17-2010, 02:13 PM
ما بعرف كيف نظام الضرائب عندكو ..

لكن من اللي بشوفه انه كل بلد بيفرض ضرائب على المواطنين .. لانه اساسا هاي الضرائب بتكون مصدر سيولة للدولة

مش ممكن نتصور بلد من غير ضرائب اساسا .. ببساطة لانه الدول مش ممكن تتحمل المصاريف لحالها

و عادة مال الضرائب يعود بالنفع على المواطنين .. لانه بتصرف في القطاعات العامة و البنى التحتية ..


كلامك صحيح نور الهدى
من الناحية القانونية
اجمالا لكن ما خفي كان اعظم
من الناحية التطبيقية
بنية تحتية شو وقطاع عام ..
على حد معلومي انتي من المغرب
ونحنا بنعرف وين بتروح فلوس الضرائب
خلي الطابق مستور
ما بدي انحرف عن الموضوع لانه صاحب الموضوع طرح مشكل الضرائب بغزة
وانا قرأت مأخرا انه بغزة تم رفع اسعار السجائر
طيب هل من تفسير ؟؟..
او حدا يفيدني بها الخصوص
لانه استغربت الصراحة لها الخبر
وشكرا لك اخي على طرح الموضوع

الفلسـطيني
05-17-2010, 06:05 PM
اختي عاشقة المحاصرة غزة
نعم زادت اسعار السجائر
لان الحكومة الفلسطينية في غزة فرضت الضرائب على السجائر
كما قالت انها تود ان تحث الناس على التقليل من التدخين

هدوء الورد
05-18-2010, 04:44 PM
كتـــــــــــر الضغــــــط بيولــــــد الإنفجــــــــــــااار ,,, الضرائب ترهق كاهل المواطن المثقل بالفقر والبطالة وتدهور الأوضاع المعيشية، حيث أن
ظروف الحرب والحصار وتداعياتهما تستوجب تجميد تطبيق هذه القوانين، فالبسطاء يدفعون في ظل أوضاع اقتصادية متردية".

الفلسـطيني
05-21-2010, 11:37 AM
سلمتي اخيتي
ولكن الضرائب تفرض على اصحاب المحلات
وهي ايضا غير متكافئة
ولكن انا مع الضرائب على السجائر
لان الفقير هل يجب ان ينفق ما يتوفر معه من نقود على السجائر
!!!