احذروآ مسلسل صرخة حجر !!

[.:.!دموع الرحيل!.:.]

صرخـة حجر !!

http://files.shabab.ps/vb/images_cash/up12/100730092025TpgR.png

مسلسل يسيء للقضية والشعب الفلسطيني أكثر ممآ يخدمه بكثير !!



ضج الإعلام العربي في الأيام الاخيرة بمسلسل تركي مدبلج اسمه الفراق وسموه العرب باسم صرخة حجر بثت هدد خلالها بعض القيادات الصهيونية بمقاطعة تركيا سياسيا وحتى بعض الشركات العاملة في السياحة ألغت حجوزاتها في الفنادق والمرافق السياحية التركية وقد تابعت المسلسل منذ اللحظة الأولى ودعوت كل من أعرف من الزملاء والأصدقاء لمتابعته لما كان فيه من دعم واضح للقضية الفلسطينية واظهار لظلم وجور العدوان الصهيوني على أهل فلسطين ومع بث الحلقة الأولى لهذا المسلسل على التلفزيون الحكومي حتى ازدادت الضجة وازداد الضغط السياسي على تركيا وبدأت تظهر بوادر أزمة سياسية حقيقية بين الكيان وتركيا .

وانتظرنا الحلقة التالية من المسلسل على احر من الجمر وكلنا أمل في أن يستمر هذا المسلسل بفضح ولو جزء مما يتعرض له شعبنا المحتلة أرضه وتاريخه ومقدساته ولكن وأنا أتابع الحلقة الثانية بدأ يراودني شعور مؤلم حيث بدأ وتيرة المواجهة مع الكيان الصهيوني في المسلسل تخف وتتراجع شيئا فشيئا وما إن وصلنا حلقته الثالثة حتى انفجرت من الغضب حيث صور فيه المخرج المقاومة الفلسطينية بأنها مقاومة متخلفة حيث تقتل المرأة الفلسطينية من قبل أخيها المقاوم وبأمر من قيادة المقاومة لأنها أحتجزت عند الاحتلال لساعات بحجة أن هذا مصير كل فلسطينية يختطفها المحتل وكذلك فإن بعض المواقف ظهر فيها الشعب الفلسطيني همجيا بحيث يخرج في الشوارع لدعم مثل هذه الاجراءات ومن ثم يستمر المسلسل بقصص خيالية لا علاقة لها بالواقع الفلسطيني إلا في بعض العنوانين

وأصبح بالضبط لا يختلف إلا في بعض الأحداث السياسية عن المسلسلات التركية التي تعالج مشاكل المناطق القروية التركية .

المسلسل استطاع أن يشد له الجمهور وبقوة خاصة أنصار القضية الفلسطينية ولكنه بعدها إما بشكل مخطط له مسبقا أو أنه بانصياع للضغوط الصهيونية اضطر لتغيير بعض الحقائق فكان الرد في اليوم التالي من المشرف السياسي للمسلسل هاكان البايراك والذي أصبح بعدها مساعد لمستشار رئيس الوزراء التركي رجب أردوغان حيث أعلن في بيان صحفي عن اعتذاره للشعب الفلسطيني ومقاومته أولا ثم لكل من دعاه هو لمتابعة المسلسل من أنصار القضية الفلسطينية وطالب إدارة المسلسل بسحب اسمه من قائمة الأسماء في مقدمة وخاتمة المسلسل وقال أنه اطلع على فكرة وحلقات المسلسل بشكل عام ولكنه أصابه الاحباط حين رأى بعض الجزئيات من المسلسل لا تمثل الحقيقة وهو بالمناسبة من المختصين في قضية فلسطين ويجيد اللغة العربية بطلاقة.

منقول // لكـي تنخدع به العقول والعواطف ! نظرآ لأنه يظهر على أنه يحاكي القضية الفلسطينية !

.

[أبومجاهد]

يعمي حدا شكى الهم علشان يعملو مسلسل لقضيتنا .. ؟

بس يحلو عنا حسبي الله عليهم ،،،

تسلمي أخت دموع ع التنبيه

[PaLeStiNe FlOwEr]

انا اول ما شفت الدعاي انبسطت ئلت رح تابعوا

حضرت مرة انا وماما اخر ربع حلقة منو لما تهرب اللي بدها تتزوج وتاني يوم ما كملتها بس ماما ئالتلي انوا هالمسلسل غلط لانوا شافت منو هي لقطة المقاومة بس ماما ما كملتها للحلقة

وانا ما عدت شفتها

بس وحدة ئالتلنا انوا بتحضروا وبرضوا انتبهت انوا في اخطاااااااااء كتيييييييييييييييير

دايما الاعلام هو اللي بعمل وبسبب المشاكل

المسلسل الوحيد اللي مثل الفلسطينين بحق

هو التغريبة الفلسطينية

مع انوا ما حضرتوا كلوا

شكرا دموع..~

[§عاشقة غزة§]

المقاومة الفلسطينية بأنها مقاومة متخلفة حيث تقتل المرأة الفلسطينية من قبل أخيها المقاوم وبأمر من قيادة المقاومة لأنها أحتجزت عند الاحتلال لساعات بحجة أن هذا مصير كل فلسطينية يختطفها المحتل وكذلك فإن بعض المواقف ظهر فيها الشعب الفلسطيني همجيا

انا متابعة المسلسل
وفعلا استغرب لها الموقف
وقلت مستحيل
مستحيل يعالج الظلم بالظلم
والي استغربتله اكثر
لا احد اتحرك مشان يغير ها الاساءة
وهيك راح يصير تفكير سلبي اتجاه المقاومة
وبضن انها مقصودة
لغرض في نفس يعقوب
لازم توضح الصورة
او يتم الاحتجاج على المسلسل
بكل الطرق
شكرا لك دموع الرحيل

[.:.!دموع الرحيل!.:.]

هلا ابو مجاهد

هههههههههههه

فعلا الممثلين الاتراك الله يهديهم نحن ما بدنا منهم شي

لكن طبعا ما بنقصد الشعب التركي الأصيل ..

.
.

المهم انا ما حابة اني انشر صيت المسلسل

بس للأسف هو فعلا انتشر بشكل رهييب !!

واصبح كأنه الشي المقدس والكل بحكي فيه !

قلت لاحضرو .. نشوف وكنت متفائله جدا الحقيقة ..

اول حلقة كانت لا بأس فيها تظهر البعض من جرائم الصهاينة

لكن انصدمـت .. بعدين بأنهم اظهروآ المقاومين بطريقة انه همجييين !!!

متخلفين ..

فتاة خطفوها الصهاينه .. فأنقذها مسؤول صهيوني ..

وبعد ما رجعت لبيت اهلها .. سحبوها شباب المقاومة

الي بالمناسبة ( لابسين قسام )

بطريقة جدا جدا همجية .. ليعدموها !

.
.

وهلم جر .. وصارت قصة حب ومش عارفه شو

يعني شيء مخزي .. !

وين هـو وون قضيتنا ؟!

واضح انه مسألة الضجة الي أثيرت أنه صار مشاكل بين تركيا واسرائيل

بسبب المسلسل مخطط إلها ..

.

.

علينا أنه ننتبه لأنه اجمالا المشاهد العربي بيتعاطف مع هيك أمور

جدآ وجدآ جدا كمان

بس ما بيعرف انهم داسين السم بالعسل ..

.

.

على كل موقف المشرف السياسي جميل ورائع

عالاقل ( شهد شاهد من أهله ) .. !

والله يهدي الجميع ،،

نحن بحاجة لأعمال قووية .. لكن من الناس الصادقة ..

لكن .. أكيد مش رح يسمحو انو تنتشر :)

.

.

والله الإعلام سلآآآح !

ربنا يهدينا بـس ..

يآ هلا ابو مجآهد

[.:.!دموع الرحيل!.:.]

انا اول ما شفت الدعاي انبسطت ئلت رح تابعوا

حضرت مرة انا وماما اخر ربع حلقة منو لما تهرب اللي بدها تتزوج وتاني يوم ما كملتها بس ماما ئالتلي انوا هالمسلسل غلط لانوا شافت منو هي لقطة المقاومة بس ماما ما كملتها للحلقة

وانا ما عدت شفتها

بس وحدة ئالتلنا انوا بتحضروا وبرضوا انتبهت انوا في اخطاااااااااء كتيييييييييييييييير

دايما الاعلام هو اللي بعمل وبسبب المشاكل

المسلسل الوحيد اللي مثل الفلسطينين بحق

هو التغريبة الفلسطينية

مع انوا ما حضرتوا كلوا

شكرا دموع..~

هلا والله ..

الحمدلله الي ربنا جعل فينا العقول لنميز الخبيث من الطيب ..

وربنا يبارك بأهل الخير

وييريحنآ من كل من أراد انه يسيء لديننآ وقضيتنآ

هلا والله يا غاليه

[sofy]

صبـــــــــــاح الورد ..أحلى نانا ..

والله من ناحيتي ..أنا ماأستصغت المسلسل ..من يوووم ..ما شفت

كيف التعامل مع المرأة للأسف ..

يعني التخلف ... خلوه في الفلسطنين ..في المسلسل ..

ما حبيت الفكرة أبدا ..

وأكيد ما بمثل الشعب الفلسطيني ..أبدا ..

والله المستعان .. على ما يفعلووون ..

بارك الله فيكي ..

والله يهدي الكل للصواب يا رب

[.:.!دموع الرحيل!.:.]

انا متابعة المسلسل
وفعلا استغرب لها الموقف
وقلت مستحيل
مستحيل يعالج الظلم بالظلم
والي استغربتله اكثر
لا احد اتحرك مشان يغير ها الاساءة
وهيك راح يصير تفكير سلبي اتجاه المقاومة
وبضن انها مقصودة
لغرض في نفس يعقوب
لازم توضح الصورة
او يتم الاحتجاج على المسلسل
بكل الطرق
شكرا لك دموع الرحيل


حسبنا الله ونعم الوكيل يا عاشقة ..

فعلا العلمانيين ما تتوقعي منهم شي صآفي

المشكلة في كتير ناس متآخدين فيه

بشكل رهيب ..

احتجاج من عنآ مآ صار ..

بل العكس للأسف صار الكل يشيد بشجآعة الـ mbc

لأنهـآ اتجرأت تعرض المسلسل !

والاعتذار الحمدلله طلع من عندهم .. من قلب تركيآ

ومن مسؤول سياآسي ..

اصبح قريب من أردوغان ..

وهالشي ممكن يكون صفعه لكل مين

يرى في المسلسل أنه الأمثل لتصوير القضية الفلسطينية ..

,

ربنآ يبارك بكل مين بحكي كلمة حق ..

.

.

هلا يا قمر نورتــي

[PaLeStiNe FlOwEr]

الذين يشاهدون محتوى الموضوع الآن : 5 ( الأعضاء 4 والزوار 1)
‏PaLeStiNe FlOwEr*, ‏.:.!دموع الرحيل!.:.+, ‏الحان الحرية, ‏§عاشقة غزة§+


هلا فيكم

هلا احنا كنا مو متوقعين يكمل بسبب اليهود رح يمنعوا

بس شكلوا هلأ احنا اللي رح نمنعوا

[الحان الحرية]

سمعت عنو هالمسلسل ..

كنت مفكرة احضرو حتى .. لأنه عمل ضجة ..

بس يلا منيح عرفت ..

و الله الاذية صايرة تيجي من القريب و البعيد =)..

حسبنا الله و نعم الوكيل ..

الله يجزيكي الخير نانتي ع التنبيهـ ..

[.:.!دموع الرحيل!.:.]

صبـــــــــــاح الورد ..أحلى نانا ..

والله من ناحيتي ..أنا ماأستصغت المسلسل ..من يوووم ..ما شفت

كيف التعامل مع المرأة للأسف ..

يعني التخلف ... خلوه في الفلسطنين ..في المسلسل ..

ما حبيت الفكرة أبدا ..

وأكيد ما بمثل الشعب الفلسطيني ..أبدا ..

والله المستعان .. على ما يفعلووون ..

بارك الله فيكي ..

والله يهدي الكل للصواب يا رب


يسعد صباحك يا قمر ..

هلا والله ..

صحيح .. الله يكون بالعون

وأهم شي نكون واعيين لهيـك أمـور ..

ونحذر من خطرهآ اذا كنآ ببلاد الإعلام فيها شيء أساسي ..

.
.

نورتـي حبيبتي

[.:.!دموع الرحيل!.:.]

الذين يشاهدون محتوى الموضوع الآن : 5 ( الأعضاء 4 والزوار 1)
‏palestine flower*, ‏.:.!دموع الرحيل!.:.+, ‏الحان الحرية, ‏§عاشقة غزة§+


هلا فيكم

هلا احنا كنا مو متوقعين يكمل بسبب اليهود رح يمنعوا

بس شكلوا هلأ احنا اللي رح نمنعوا


الصهاينة مش رح يمنعوه ، والي صار من ضجة بإسرائيل مجرد

مفرقعات إعلامية

لأنه احداث المسلسل بتصب بمصلحتهم

اي حدا رح يشوف شراسة الفلسطنييين انفسهم وعقولهم المتخلفة الي


أظهرتهآ المشاهد

رح يحكي حق مع اليهود يساووآ هيك فيهم !

..

نحن لازم نحذر منه ...

مع اني دايما ضد المساعدة على انتشآر هيك اعمال من خلال التحذير

إلا أنه للأسف الانتشآر حصل ومشي الحال

لذلك صار دورنا ننشر التحذير بالمقابل ..

هلا يا قمر منورة

سمعت عنو هالمسلسل ..

كنت مفكرة احضرو حتى .. لأنه عمل ضجة ..

بس يلا منيح عرفت ..

و الله الاذية صايرة تيجي من القريب و البعيد =)..

حسبنا الله و نعم الوكيل ..

الله يجزيكي الخير نانتي ع التنبيهـ ..


هلا وغلا باللي منورة المنتدى كلو والله ،،

لو حضرتيه كنتي رح تلاحظي الي لاحظنآه ..

يا هلا بالقمر نورتي

[عاشقة فلسطين..]

مستحيل يعالج الظلم بالظلم

لانه ما في احد اتحرك مشان يغير ها الاساءة

وهيك راح يصير تفكير سلبي اتجاه المقاومة الشريفة تبعتنا

حسبي الله عليهم

شكرآآآ حبيتبي على تنبيهكــ

جزيت خيرآ..

[rawaa]

انا شفت عنو اعلان بس انا كرهت المسلسلات التركيه
ماعم تابع ولا شي بالتلفزيون ابدا وماتابعتو الحمدلله

وبعدين الناس مش لهدرجه يسدأو اي شي ومعروف انو المسلسلات بتم فيها اضافات لازم يعني مش كلوو صح

ويعطيكي العافيه على التنبيه

[حسام المصرى]

مليش فى المسلسلات بصراحة خالص ..

وأعتقد أن أى فيلم او أى مسلسل لازم يشوهوا سمعة العرب والمجاهدين والاسلام ...

[اميره البنات]

بالعكس انا احضرته وشفت انه حلووو بس هاد رايك ....
شكرا على جهودك...
تقبلي مروري

[إسراء الفلسطينية]

حضرت أول حلقة بس ..

وبعدين سافرت .. وقلت بس أرجع بكفيه ..

لانو ما شفت شي غلط من أول حلقة ..

وسبحان الله .. ما بعرف شو صار معي وما رجعت حطيت مشان أحضرو

بس ما دام الحكي وصل لهل درجة .. فأكيد ما بيستاهل انو حدا يتابعو !

يا حسرة علينا .. من وين ما كان لاحقينا ..

فكرنا المسلسل لصالحنا .. طلع العكس

خلص ما عاد بدي أتابعو :p

ورح انبه يلي حوالي مشان يعرفو هل شي ان شاء الله

لانو متل ما قلتي الاغلبية مخدوعين بالمسلسل .. ومفكرينو شغلة إيجابيبة

لصالح الشعب الفلسطيني .. والقضية الفلسطينية ..

الله ينصر كلمة الحق دايما ..

تسلمي حبيبتي نانا ع التنبيه

يعطيكي العافية :)

[&نسيم الروح&]

ما عندي فكره عنه ما جابوا عنا لسه من هون ليخلص تاع الحرب هاد الي ما بعرف اسمه يمكن يجيبوا

اصلا هدول ما عاملين الوطن العربي شغلتهم والناس نازله تحضر بهالمسلسلات "انا من هالناس بس انا مو لشي لانه وئت المسلسل ما بكون شي تاني بالتلفزيون"

ميرسي الك ننوش على التنبيه

[وَطنْ~♥]

خيتو دموع //

أول شي بتشكرك علي هالافادة


ويلي كتير غفيو عنها


وتاني شي بس بحب أأكد أنو يلي بصير


أحنا السبب فيه الفلسطينين

تمزق الجسد الفلسطيني

جعل منا قافلة تنهش فيها الكلاب

فكل ما دب وهب بدو ياخدله حصة

قبل فترة الجزيرة واليوم تركيا

ولسه ياما نشوف

آحتراماتي خيتو


.....

[نسمة جزائرية]

انا ماسمعتش بيه خلاص ومانتبعش المسلسلات

تبعت واحد فقط هو واد الذئاب وانا ننتظر في الجزء الموالي

حسبنا الله ونعم الوكيل

[نسمة جزائرية]

مشكووووووووووووورة دموع على الموضوع تسلمي

[a7la sereen]

انا مش متابعه المسلسل بس حضرتك اكم لقطة منو واتفاجأت وما قدرت اكملو

لما شفت الدعايه بيحكو فيها المسلسل الذي فجر العلاقات التركية الاسرائيليه

قلت هدا المسلسل رح يكون مصور الواقع الفلسطيني بشكل واقعي

بس عنجد اتفاجأت .. انو هيك بيشوهو المقاومة والحقائق .


لازم القناة الي بتعرضو توقف عن عرضو . لانو في ناس ما بيعرفو هاي الاشياء صحيحة او لاء

ممكن الاشي الوحيد الي فيه صح , هو معاملة اليهود للفلسطنين

يعيطيكي العافية يا دموع ، ع فكرة كنت ناوية اطرح الموضوع بس سبقتيني هه

[hajora]

شكرا ...على المعلومة الحقيقة شكيت فيه كتير ....منورة

[اجمل احساس]

حضرت الحلقة الأولى وفي بالي اني احضرو واتابعو بس ما بعرف ما تابعتو التهيت

منيح انك حكيتي حبيبتي ربنا يحميكي

[شهيد]

آول مرة أسمع بهيكـ شغلآت ..

ع قولة أبو مجاهد يفكنا عنا وبدناش منهم شيء ههههههههه

يعطيك العآفية دموع :)

[جزائرية وقلبي في فلسطين]

والله سمعت كتير عن المسلسل وشوقوني كتير ليه لاني بحب هالنوع من المسلسلات شفت منو حلقة وحدة بس ما حبيتو وحسيت انه مجرد من كتير اشياء وماعاد شفتو وهو لهلئ عم ينعرض مشكورة اختي على تنبيهك