المساعد الشخصي الرقمي

مشاهدة النسخة كاملة : هل تشكي ؟؟ أم تصمت !!


layla ahmad
03-27-2010, 11:30 PM
http://rooosana.ps/Down.php?d=x11Cهل تشكي ؟؟ أم تصمت !!



الانسان عندما يعيش بعالم من الحزن والكدر بعالم يحيط به كثير من المصائب والمشاكل
اما مشاكل عائليه او اي مشكله تعكر النفس وتثير الضيق والحزن


فتجد هذا الانسان محاصر من كل الجهات


البعض منا
تنفجر نفسه من الضيق


ويشكي لمن يستحق ان نشكي له


ويزيح الحمل الذي على ظهره لفتره توصف كأستراحه او راحه له


والبعض ..


يصمت ويبلع همه وكدره
ولايتكلم بشيء
خوفا من عدم ايجاد الحل او خوفا من عدم
ايجاد صديق حقيقي يسمعه ويحس به .



السؤال ؟


عندما تحيطك المصائب والمشاكل , هل تشكي وتزيل جزء من الهم؟؟؟؟


هل تحب ان يشاركك الاخرون في همومك ومشاكلك ؟؟؟؟
ام تصمت وتترك الحل الى ماتخفيه لك الدنيا وتترك الهموم لنفسك ولقلبك ؟؟؟؟



بإنتظــــاركم
وانتظار ارائكم ومشاراتكم التي تدعم الاخرين نفسياً


مع امنياتي للجميع ان لا يتعرض للهم والكدر ويرتاح بالكم ع طول ويبعد عنكم المشاكل
ويزل عنكم الهم


سوالين

sofy
03-28-2010, 12:45 AM
موضووع للنقاش ..يعني في قسم جلسة نقاش ..يا كووووووووول

سبحان الله أحيانا ..الصمت بيلعب دووور ..

هلا في ناس بتفضل الصمت على أنها تحكي لحدا .. بتحب أنو يضل جواتها ولا يطلع لبرا ..

وبتشووفووا الحل الأمثل ..ليش لعدة أسباب منها ..

في ناس ما بتئدر تعبر عن الشي الي جواتها بمجرد الكلام بس ..أو أنها صعب توصف شعوورها .عن الشي الي

مدايئها ..
وكذا سبب لا حصر إلهم

وفي ناس بتفضل تحكي ..ولا تترك شي جواتها ..لأنو بتعبها ..وبتخليها ترووح لحالة نفسية سيئة ..

فبتفضل الحكي .. على أنها تحبس جواتها ..

في كذا نقطة ..بس ما بدي ..أغلبك بالقراءة

من ناحيتي ..

أفضل الصمت ..أحيانا .. وأحيانا أني أحكي جزء بسيط من الي جواتي

يعني على الحالتين

بارك الله فيكي ..

ويسلموووو كتير يا كووووووووووووووول

عبير الورد
03-28-2010, 12:50 AM
حسب الشي اللي مزعلني احيانا ممكن احكي فيه واحيانا اخرى
افضل الصمت وذلك يعتمد على الناس اللي ممكن احكي معهم
عن اسراري او اي شي بخصني

layla ahmad
03-28-2010, 01:23 AM
بس انا بشوف انو الصمت مو منيح للانسان نفسو ولا للناس الي بتعامل معهم
لانو ممكن وع الارجع ردود الافعال ح تكون سلبيه جدا
لانو الصمت بعبر عن الضعف احيانا او ضعف الموقف
والصمت معروف للناس انو ردة فعل لشخص شخصيتو ضعيفه او في نقص ما
والصمت بولد الحقد والكره والعصبيه والانطوائيه وللخطا احيانا
لانو التفريج عن مشاعر الانسان بالقول او الفعل لشخص مقرب مسلا الوالده او الاخت كأقرب اشخاص للانسان
الو دور كبير في تخفيف الهم والوجع
بالمختصر متل مابتشاركي الناس بأفراحك شاركيهم بأحزانك
وخديها نصيحه مني
لا للصمت

حسام المصرى
03-28-2010, 01:29 AM
هل تحب ان يشاركك الاخرون في همومك ومشاكلك ؟؟؟؟
ام تصمت وتترك الحل الى ماتخفيه لك الدنيا وتترك الهموم لنفسك ولقلبك ؟؟؟؟

انا بحب أصمت لأنى بحس بمتعة كبيرة وأنا بتغلب على هموم وأحزانى لوحدى .. دى وجهة نظرى

Ala2
03-28-2010, 11:55 AM
يعنى اذا بقدر احل المشاكل دى لوحدى ماشى والا بحاول اشرك حد باثق فيه معايا:ShababSmile225: .جزاك الله خيرا الموضوع عسوووووووووول:ShababSmile240:

rawaa
03-28-2010, 02:08 PM
امممممممم
هلا انا دايما بفضل الصمت على اني احكي وازا حكيت لمرجرد استشاره بالشي اللي ببالي مش اكتر
بس هلا بحس انو بلشت اتغير بحس اني ازا ماحكيت لحدا بموت يمكن هالشي بس لسبب الضغط وبعدين برجع متل اول

يسلموو على الموضوع

nader ~
03-28-2010, 09:46 PM
بداية السلام ورحمة الله وبركاته
عندما تحيطك المصائب والمشاكل , هل تشكي وتزيل جزء من الهم؟؟؟؟
أن كان ولابد أن أشكو فانـــِ أشكو همـِ وحزنـــِ الى الله وغالباً أكتب الخواطر والشعر لكـِ أنسى


هل تحب ان يشاركك الاخرون في همومك ومشاكلك ؟؟؟؟
بكل سرور لا وذلك لاأسباب خاصة
ام تصمت وتترك الحل الى ماتخفيه لك الدنيا وتترك الهموم لنفسك ولقلبك ؟؟؟؟
طبعاً أستخدم الورقة والقلم دوماً لاأزالة الهموم
بوركتـِ على المجهود

نور الهدى
03-28-2010, 10:21 PM
بشكي لربنا احسن شي ..

ما حدا رح يفهمني مثله

بصير انه احكي لشخص تاني .. لكن نادر جدا و عادة ما بحكي لحد انا مش واثقة منه مئة بالمئة

شهيد
03-28-2010, 11:11 PM
لا لا بصمت أحسن شيء :)

بنبلعها يعني

فارس الوطن
03-28-2010, 11:17 PM
انا بميل للصمت جدا ..

لما اكون بحزن بضيق او حرقة اشتياق ..

مستحيل أحكي لحد ..لكن بضل أتأمل ..بالدنيا كل ما فيها حقير إلا ذكر الله

بذكر ناس بحبهم ..شو حالهم ..اخبارهم ..بستغرب جدا جدا ليش راحوا ..وين كل شي كان زمان .. او ليش هيك بصير

معي ...الله وحده بكون هو العالم بحالي ..

بضل صامت مرات بتمشى لوحدي بالليل بتأمل خلق الله ..القمر النجوم ..أنا لوحدي وفوق فضاء رهيب

خليها في القلب تجرح

بعين الله ..

ويسلمو ع الموضوع

إسراء الفلسطينية
03-28-2010, 11:17 PM
متل ما بقولوا

الشكوى لغير الله مذلة ..

بس بنفس الوقت الإنسان بيحتاج أوقات لحتى يشكي ويفضفض ..

و هل شي بيرجع للإنسان .. وللموقف يلي هوي فيه :)

انا عن حالي أبدا ما بحب أشكي لحدا .. بصمت وبخليها على رب العالمين ..

وبالعكس الصمت مش يعني انو الإنسان ضعيف ..

الصمت فن عظيم من فنون الكلام ..

وما ننسى كمان قول سيدنا محمد صلى الله عليه وسلم

[ من كان يؤمن بالله واليوم الآخر فليقل خيرا او ليصمت ]

لهيك الصمت أبدا مش عيب .. بالعكس إن كانت الشكوى مش حتفيد ..

فليش لحتى ما نصمت ونشكي لرب العالمين :)

..

يسلمو حبيبتي :)

layla ahmad
03-28-2010, 11:20 PM
حكيك عسل يااسراء وجد ابهرتيني بردك
ماشالله
عليه الف صلا وسلام شكرا لتعليقك ع الموضوع وسامحينا ع بعض الردود

layla ahmad
03-28-2010, 11:21 PM
شكرا لمرورك
وبحترم رأيك
صح الصمت مو عيب

إسراء الفلسطينية
03-28-2010, 11:29 PM
يا جمــــآعة

بيكفي !

صرت حاذفة ابصر اكم رد

يا ريت الردود ما تخرج عن إيطـــار الموضوع !

استهدوا بالله .. في إحترام للنقاش وارآء الغير ..

layla ahmad
03-29-2010, 12:01 AM
ياهوووووووو ياجماعه
انا اعملت نكشة مخ ع اختي صوفي وبحبها كتييييييييييييير وبتجنن وبس اتشفوها شو طيبه ودمها خفيف
وكنت امزح معكو واعمل جو غير طبيعي ههههههههههههههههه
شكلي زودتها كتير بس والله بحب اعمل نهفات وئصص غير شكل
بس جد سامحوني ياجماعه ولا تحطو ببالكو كلو حكي وتخويت خوات وجد صوفي مافي منها وبحسدها انها معكو
لانها اكتير بتحب هالمنتدى واللي فيه وكتير بالبيت بنغار من هالمنتدى ههههههههههههه لانو اغلب وئتها ع النت ومعكو
بطلنا انشوفها كتير
هههههههه وهلا راحت اتنام شان عندها دوام بالله عليكو ديمن ادعولها لانها والله بتستاهل كل خير
وانا مش ليلى هههههههههه هدا اسم مستعار لنفبرك العبه ونلعبها صح ومع هيك كشفتني ههههههههههه
انا ربى وانشالله ماكون دايئت حدا او زعلتو
ديرو بالكو ع صوفي هاي صوفي

العطر الفرنســـــي
03-29-2010, 06:46 AM
حبيبتي ربروب أنا متأكده أنو الصمت بيولد الكتمان والضيق وأكيد في مساوء جانبية
بس الأكيد في أشيا خاصة وحلاتها بالكتمان يعني مو كل شي بينحكى وحو يكون في خصوصية
أكيد في إختلافات بالأراء بس هادا برجع حسب شخصيت الإنسان
حبيبتي ربروب الله يبعد عنك الأحزان وماتضطري للكتمان

وَطنْ~♥
03-30-2010, 07:47 PM
لو ما شكيت ممكن أبكي


بس ما بصمت ...


آحتراماتي لكي

اجمل احساس
03-30-2010, 08:54 PM
ما بشكي الا لشخص قريب مني كتير

لغير هالشخص ما بحكي شي نهائي

واوقات ببكي وما بشكي من أصلو

طبعي كتومة شوي صح انو طبع مو حلو وبيخنق بس الله بيعين

شكرا عالموضوع الحلو

sofy
03-30-2010, 08:54 PM
طيب والله فهمت يا ربروب فضحتيني يا بنتي ..أسكتي ..

غزال الجبل
03-30-2010, 10:29 PM
السلام عليكم ورحمة الله وبركاته
أنا بفضل الصمت أثناء المشكلة ممكن بعد ما تخلص المشكلة أحكي لإختي بس

جزائرية وقلبي في فلسطين
03-30-2010, 11:55 PM
شكرا اختي على الموضوع ....انا دايما بميل الى الصمت لو حكيت وشكيت راح يكون لربي الخالقني ...لاني مش متعودة احكي للغير لانه مش اي شخص راح يسمعك ويفهمك وهاد مش معناه انو تكون علاقتي مع الغير ضعيفة بلعكس بس لكل منا شخصية وطبيعة

sofy
03-31-2010, 12:03 AM
السلام عليكم ورحمة الله وبركاته
أنا بفضل الصمت أثناء المشكلة ممكن بعد ما تخلص المشكلة أحكي لإختي بس

وعليكم السلام ..والرحمة والإكرام ...:ShababSmile229:

شوو ئصدك يا عســــل ..!! :ShababSmile108:

sara0
03-31-2010, 09:32 AM
بالنسبة لي انا افضل الصمت و لا احب ان ازعج الاجرين بمشاكلي