يبحث عن ابنة الحلال.

[سوسو -فلسطين 48]

يبحث عن ابنة الحلال
طلب حسام من صديقه أن يدلّه على فتاة يتزوجها وتسعده...
قال له الصديق: ما هي المواصفات التي تريدها لهذه الفتاة؟
قال حسام: بسيطة، أريدها أن تكون ابنة حلال...
قال الصديق: أتظنّ أن هذا الطلب سهل المنال، فهذا الأمر ليس باستطاعتي...
قال حسام: لا تصعّب الأمر يا صديقي، فلتكن هذه الفتاة جميلة وذات خلق ودين وعقل رزين.
قال الصديق: أما الأولى فهي سهلة، ولكنك فيما بعد عدتَ مرّة أخرى -يا صديقي- لتصّعب عليّ عملية البحث.
قال حسام: حسنًا، إذا تدبّرت الأولى، فلا يهمّ إن نقصت أخلاقها، فمع الزمن أحسنها وأهذّبها... ولا يهمّ إن خفّ عقلها ودينها، فمع الزمن أعلّمها وأرشدها...
قال الصديق: إذن، لا تقلق يا صديقي حسام، "بنات الحلال كثار".

"بتصرف"

[حسام المصرى]

انا ملاحظ ان حسام فى كل القصص ..هههههههههه

حلو الموضوع بس أنا مش وافق حسام ..

لازم الواحد من الأول ياخد واحدة ليها أساس فى الدين كويس وبنت حلال بصحيح ..

هو ايش ضمنه انها بعد الزواج ممكن يعرف يهذبها .. والجمال مش كل حاجة

شكرا سوسو

[سوسو -فلسطين 48]

شكرا لمرورك .... هو طبعا الروح مهم والشكل مهم والدين مهم والموضوع مطروح للنقاش وايضا للترويح عن النفس فهو موضوع ساخر ....

[حسام المصرى]

شكرا لمرورك .... هو طبعا الروح مهم والشكل مهم والدين مهم والموضوع مطروح للنقاش وايضا للترويح عن النفس فهو موضوع ساخر ....

أكيد الشكل مهم .. بس مش باهمية الخلق ...

بجد الموضوع جميل

[.:.!دموع الرحيل!.:.]

هههههههههه جميلة :) ..

للأسف في كتير شباب وبنـات كمـان

مآ بيعرفوآ مصلحتهم في هالمووضوع وبتكون نظرتهم سطحيه ..

رسولنا الكريم عليه الصلاة والسلام قالها : اظفر بذات الدين ..

الله يهدي الجميع ..

مشكورة حبيبتي

[سوسو -فلسطين 48]

شكرا لمرورك ودمتي بالف الف خير..........

[sofy]

يعطيكي العافية حبيبتي ..على المووضووع

والله يهدي شباب أمتنا .آجمعين

بارك الله فيكي يا عسل

[فارس الوطن]

أهم شي عندي الجمال ..

تكون حلوة كتير ..حسناء

و طبعا الأخلاق مهمة جدا عندي ..

وبرأيي البنت اللي بتكون ذات جمال فائق و أخلاقها عالية ومتمسكة بالدين ..جوهرة نادرة .. اللهم ارزقني

[اجمل احساس]

الجمال الخارجي ما بيدوم

طبعا ان الله جميل يحب الجمال

لكن في جمال داخلي كمان كتير مهم

وهو ايلي الانسان رح يتعايش معو

وبيضل الجمال الخارجي الو دور كبير

موضوعك رائع وفعلا واقعي بنسمع حوار متل هيك كتير

يعطيكي الف عافية حبيبتي:ShababSmile240:

[سوسو -فلسطين 48]

يعطيكي العافية حبيبتي ..على المووضووع

والله يهدي شباب أمتنا .آجمعين

بارك الله فيكي يا عسل


شكرا كثيرررررررر الي بعجبني فيكي انك دائما نشيطة ومتواجدة وبتستاهلي لقب ملكة المنتدى بجدارة .

[سوسو -فلسطين 48]

شكرا الك اجمل احساس ومعاكي حق الجهتين ضروري يكونن موجودات جمال الشكل وجمال الروح وشكرا لمرورك .

[rawaa]

انا بشوف انو الجمال مهم برضو مابعتئد في واحد رح يتزوج وحده مش عجباه والناس ازواق يعني كل واحد الو زوئو
واهم شي رح يكون اخلاقها ودينها والله يوفق الجميع
موضوع رائع ويسلموو كتير عالطرح

[سوسو -فلسطين 48]

أهم شي عندي الجمال ..

تكون حلوة كتير ..حسناء

و طبعا الأخلاق مهمة جدا عندي ..

وبرأيي البنت اللي بتكون ذات جمال فائق و أخلاقها عالية ومتمسكة بالدين ..جوهرة نادرة .. اللهم ارزقني








شكرا لمرورك والله يعطيك ملكة جمال وملكة اخلاق يا رب...

[سوسو -فلسطين 48]

هو للصراحة كلو مهم والي بقول انا بهمني الروح بس اكيد مو صادق لانو الانسان بطبيعتو بحب الجمال ومثل ما قلتي الجمال اذواق بس ما فيني احب شخص ما معجبني شكلو ابدا ممكن يكون مقبول بس مو بشع وطبعا كلو بالنهاية خلقة ربنا ...
شكرا لمرورك ودمتي بالف خير

[sofy]

شكرا كثيرررررررر الي بعجبني فيكي انك دائما نشيطة ومتواجدة وبتستاهلي لقب ملكة المنتدى بجدارة .


ههههههههههههههههههههه خجلتيني والله ..حمرووا خدودي يا بنت

الله يسعدك يا رب ..

والله يا ئمر أنت ملوووك والله لأنو كل شخص هوون بالمنتدى بيملك ألب كبير والله ..:ShababSmile229:

بارك الله فيكي ..

بس حتمر فترة ..أخفف شووي من تواجدي ..

شان تشتاؤولي ..ههههه
:ShababSmile229:

[حسام المصرى]

انا عايز مراتى تكون شبه مى عز الدين ..يعنى مش جمال اوى اهو ..ههههه

بصراحة الجمال برده مهم بس نادرا ما يكون جمال ودين مع بعض ..

يا رب تكون امى دعيالى وييجوا الاتنين ..ههههههههههه

[سوسو -فلسطين 48]

الى حسام المصري لا مي عز الدين حلوة ما فيك تقول يعني وطبعا في ناس بحسوها ملكة جمال وفي ناس بحسوها عادية بس في اكيد جميلات وخلوقات المهم تعرف تختار .....

[سوسو -فلسطين 48]

ههههههههههههههههههههه خجلتيني والله ..حمرووا خدودي يا بنت

الله يسعدك يا رب ..

والله يا ئمر أنت ملوووك والله لأنو كل شخص هوون بالمنتدى بيملك ألب كبير والله ..:shababsmile229:

بارك الله فيكي ..

بس حتمر فترة ..أخفف شووي من تواجدي ..

شان تشتاؤولي ..ههههه
:shababsmile229:


اكيد رح يشتاقولك كثير ما بدها سؤال لانك الوحيدة الي بتعبري الكل عاد انا بدي اقضيها مدححححح الك شكلك كفتي وعشتي الحالة "بمزح "

[الطالب المجتهد]

اهم اشي انو الواحد يتزوج وحده عندها اخلاق ومحترمة تكون

اللهم ارزقني الخير يارب

[سوسو -فلسطين 48]

الى الطالب المجتهد شكرا بمرورك ودمت بالف خير والله يرزقك بذات الدين والجمال مرة وحدة بس اذا بتطلع كثير حلوة نقبهااااا ..

[الطالب المجتهد]

شكرا لكي اختي سوسو -فلسطين 48

[سوسو -فلسطين 48]

العفو وشكرا لمرورك ........

[فلسطينية مدوخة الحكومة]

أهم شي عندي الجمال ..

تكون حلوة كتير ..حسناء

و طبعا الأخلاق مهمة جدا عندي ..

وبرأيي البنت اللي بتكون ذات جمال فائق و أخلاقها عالية ومتمسكة بالدين ..جوهرة نادرة .. اللهم ارزقني




هههههههههههههههههههههههه
حلو جوااااااابك كتير وصراحتك لسا احلى
ممكن يكون الجمال الخارجي شي كتير مهم
للشب او للبنت بس ماحيكون اهم اشي او
اهم صفة بمتلكها الشخص لانو الجمال الداخلي
اكيد راح يطغى على الجمال الخارجي بالاخلاق والدين
شكرااا......

[فلسطينية مدوخة الحكومة]

وشكراااااا كتييير سوسوو عالموووضوووع الروووعة

و بس روعة وبجنن كمان ازا بدكو

تقبلي مرووووري

[شهيد]

أي حاgـة تبسط الشعب :)

[سوسو -فلسطين 48]

شكرا للمرور ..... دمت بالف خير

[&نسيم الروح&]

مو عارفه شو احكي

برجع بعدين لانه الي من الضهر هون وافكاري اتشتت

[سوسو -فلسطين 48]

وشكراااااا كتييير سوسوو عالموووضوووع الروووعة

و بس روعة وبجنن كمان ازا بدكو

تقبلي مرووووري

طبعا بتنوري وشكرا لمرورك والله يبسطك دايما يا رب .....

[سوسو -فلسطين 48]

مو عارفه شو احكي

برجع بعدين لانه الي من الضهر هون وافكاري اتشتت

انشالله ...بانتظارك وعلى كل حال طبعا شكرا على مرورك ودمت بالف خير .......

[حسام المصرى]

الى حسام المصري لا مي عز الدين حلوة ما فيك تقول يعني وطبعا في ناس بحسوها ملكة جمال وفي ناس بحسوها عادية بس في اكيد جميلات وخلوقات المهم تعرف تختار .....

ان شاء الله ربنا يكرمنى وأعرف اختار كويس

يا مسهل .. نتخرج بس ونختار :ShababSmile221:

[متيمة الأقصى]

الجمال الخارجي مو كل شي والغلط الكبير انه هو يكون اساس الزواج لأنه متل مبيقول الشاعر(فلا يغرنك الحسن فالحسن طرفة.........تمر كحلم العين وهي ظنون)وجمال الروح هو المهم لأنه اذا كنت بتحب اللي قدامك حتشوفو حلو لو شو ما كان .
موضوعك حلو ومهم ...

[دمع المطر]

يعني شو بدو فيها لو كانت ملكة جمال وما كان عندها دين ولا أخلاق
بالعكس رح تكون حياته تعيسة

[سوسو -فلسطين 48]

الجمال الخارجي مو كل شي والغلط الكبير انه هو يكون اساس الزواج لأنه متل مبيقول الشاعر(فلا يغرنك الحسن فالحسن طرفة.........تمر كحلم العين وهي ظنون)وجمال الروح هو المهم لأنه اذا كنت بتحب اللي قدامك حتشوفو حلو لو شو ما كان .
موضوعك حلو ومهم ...

كلامك صحيح اذا كنت بتحب الي قبالك رح تحسو ملك جمال بس الي بيجذب المعظم للوهلة الاولى هو الشكل هسا مع الوقت ممكن يتعرف على الشخصية ويصير بعينو احلى واحلى ...واحيانا العكس بكون حلو بس شخصيتو بشعة ...بصير يحسو بشع ......

شكرا لمروك ودمتي بخير ....

[سوسو -فلسطين 48]

يعني شو بدو فيها لو كانت ملكة جمال وما كان عندها دين ولا أخلاق
بالعكس رح تكون حياته تعيسة

دمع المطر شكرا لمرورك....... اكيد جمال لوحدو ما بينفع وكمان روح لوحدها ما بتنفع خلينا نكون واقعيين الروح والجمال مهمات جدا .......وطبعا مو ضروري فائقة الجمال لانو اصلا الجمال اذواق والي بيعجبني احتمال ما يعجبك ........