المساعد الشخصي الرقمي

مشاهدة النسخة كاملة : خ ــآدمـة أم هـــآدمـة؟؟


أمل
03-23-2010, 06:11 PM
السلام عليكم و رحمة الله





لا تكاد البيوت العربية تخلو من "خـ[هـ]ــآدمة" ،،

سواء اقترن الأمر بانشغال الزوجين بالعمل خارج البيت أو أن الزوجة ليس لديها الوقت الكافي لتدبر حاجيات بيتها و أولادها "لإنشغالها بأمور أخرى يتهيئ لها أنها أهم"

فيعكف أرباب البيوت على جلب "خادمة" خاصة بدول الخليج نلحظ تفشي هذه الظاهرة بشكل أكبر

و أغلب الخادمات هناك مستقدمون من دول آسيـآ

و ربما تكون إحداهن ممن يعبد الشجر و الحجر ..

فيوكل لها أمر تربية جيل نحسبه وقود أمة،،ناهيك عما يحدث خلف الكواليس فقاعات المحاكم تشهد بما هو حقا " شر مستطير" يدمر خلايا الأسر

و هناك من يجلب الخدم كـ"برستيج" أسر غنية و من طبقات راقية

فيتم جلب ما يسمى "بالمربية"( و كلها مسميات في خانة واحدة) من دول أوربا حتى يتمكن الطفل من إتقان الفرنسية و الاسبانية و الإنجليزية و الإتيكيت و و..و..

و كل هذا في غياب شبه تام لأولياء الامور





إرتايت طرح هذا الموضوع، لأنها ظاهرة تفشت في أوساطنا و تستوجب منا الوقوف عندها و مناقشتها مليا

-فما تعليقكم على ما سبق؟

-و هل ترون فعلا أنها "شر مستطير" و أنها تهدم أكثر مما تخدم؟

-و هل أصبحت الخادمة من البرستيج و الماباهاة في أوساطنا؟

و سؤالي الأخير للبنات :

-هل ترين حقا أن الخادمة ضرورة لا يمكن الإستغناء عنها في بيتك؟

اسد 22
03-23-2010, 09:00 PM
متابع الموضوع للنساء

مشكورة على الموضوع

rawaa
03-24-2010, 04:55 AM
امممم موضوع لازم طرحو
لانو بصراحه سار كتير هالايام
والمشاكل اللي بتسير من ورى الخادمه
انا مابأيد فكره انو هالخادمه تكون في البيت لا هون عند اهلي(لشو مافي احنا البنات الحمدلله)
ولا حتى لمى اتزوج بعدين يعني مستحيل تماما افوتها بيتي لو بدي موت من تعب البيت
بررتب حالي لحالي من غير مااجيبها واجيب لحالي المشاكل

مع انو اللي كم يوم عم بحكي لبابا بدي وحده لتساعدني بالبيت بس مش معناتو ضل عنا نوو يعني
ليوم واحد تساعديني وتمشي بس مشان مافيي احمل شي تئيل لحالي وازا ادرت صرف حالي مارح جيبها
وماتيجي تاني ابدا عنجد بخاف منهم اللي بسمعو الواحد هالايام مافي مجال ليجيبهم عالبيت


هاد رائ لنشوف شوو بحكو الصبايا

§عاشقة غزة§
03-24-2010, 12:02 PM
طبعا كما ذكرتي اخت امل
كل واحد يجلب الخادمة لغرض ما
لكن لتربية الاولاد امانع ها الشي وبشدة
هذه المهمة تسند للام والاب بالدرجة الاولى
بل هذا واجبهم مهما كانت انشغالاتهم
وهنا اقف عند قوله صلى الله عليه وسلم
(مَا مِنْ مَوْلُودٍ إِلاَّ يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ)
فاتمنى من الاباء ان يتقوا الله في ابنائهم
ولا يوكلوا تربيتهم لاي كان
وتضل تضل مهمة الشغالة محضورة بشغل البيت اذا لزم الامر
-هل ترين حقا أن الخادمة ضرورة لا يمكن الإستغناء عنها في بيتك؟

بالنسبة الي ايه هب ضرورية
لكن كما ذكرت مهمتها تنحصر في شغل البيت لاغير
اما فيما يخص تعليم الاطفال الاتيكيت واللغات وغيره
ممكن نلاقي معاهد خاصة بهيك شي
لكن الاجمل ان نعطي اطفالنا تربية اسلامية صحيحة
فهي الاتكيت والذوق كله
شكرا لك ع الموضوع
http://files.shabab.ps/vb/images_cash/up12/100730090851maHU.gif

PaLeStiNe FlOwEr
03-24-2010, 03:23 PM
موضوع حلو للنقاش

فعلا ظاهرة الخدم منتشرة بشكل مو طبيعي عنا

احنا ببيتنا ما بنستخدمها ع ئولت رواء احنا البنات لشو بالبيت

هو احيانا في ناس بتستخدمها لحاجة ضرورية

اما شغلة الفشخرة هي كترانة

يعني بتكوني ماشية بالبحر ولا بالسوق

بتيجي الام معها مثلا 3 اولاد كل واحد ماسكتوا خدامة

هي بتلبسوا وبتطعمي وماسكتوا واموا ولا سائلة في

يعني بعرف ناس ابنهم بدرس برة لما يجي زيارة عندهم بيعدوا يدوروا عليه بيلائوا مع الخدم بالمطبخ

بيحكيلهم كل شي بيصير معاه وأهلوا ما بيعرفوا شي

تعود ع خدامتوا تعلئ في الخدم من هو صغير كان مع الخدم


لسة ئبل يوم قارئة بالجريدة واحد عمروا بالـ 80 تعلئ بخدامتوا الصغيرة هي بتعملوا كل شي وأولادوا ولا بيسألوا في

راح كتب الفيلا باسم الخدامة ئد ما لعبت بعئلوا وطلعت باينة عمارة ببلدها من ورا الفلوس اللي بتاخدها منوا

يعني لو أبنائوا بسئلوا في ما صار هيك

احنا جارتنا الكويتية عندها خدامتين

بنتها الصغيرة متعلئة بالخدامة بشكل مو طبيعي

صار موقف ئدامنا ئبل فترة قصيرة

كانت عنا وبدها تطلع عند دار أهلها فالخدامة سكرت الباب ولحئتها عنا

ولما اجت تطلع مسكت الخدامة الأغراض واجت الام بدها تحمل بنتها عمرها سنتين ونص ما ئبلت البنت وصارت تبكي

الا بدها الخدامة وامها تئولها انا بحملك

والبنت تدفش امها الا بدها الخدامة

والخدامة مبسوووووطة ع الموقف

بس يلا هيها الخدامة هربت

شكرا امل على طرح الموضوع

والله لسة في حكي كتير بس بيكفي هيك

عاشقة فلسطين..
03-24-2010, 04:34 PM
مووضوع جمييل

نعم اصبحت موضة الخادمة امر غير مقبول نهائيا و قد حدثت الكثير من المشاكل و الكوارث على الاسر التي تحوي في بيوتها خادمة و ما خفي كان اعظم ما هذا الترف

وفي بعض المجتمعات عندها الخدم للمباهاه والبريستيج وما بتكمل الاناقه الا لما تكون الخادمه تمشي ورا المدام بالسوق

بس بنفس الوقت وانا عن نفسي مع انو تكون خادمه بالبيت الاسباب ازا كان الأب سفراتو كتيره والاهل بعاد يعني ما بيمنع بس بنفس الوقت مو تترك كلشي عليها

مشكورة ولي عودة للنقاش...

أمل
03-24-2010, 05:54 PM
متابع الموضوع للنساء

مشكورة على الموضوع

بل الموضوع أوسع نطاقا من أن يشمل النساء فقط

فالرجال معنينون أيضا بالامر

عموما بارك الله بتواجدك

و ننتظر رأيك أكيد

أمل
03-24-2010, 06:08 PM
امممم موضوع لازم طرحو
لانو بصراحه سار كتير هالايام
والمشاكل اللي بتسير من ورى الخادمه
انا مابأيد فكره انو هالخادمه تكون في البيت لا هون عند اهلي(لشو مافي احنا البنات الحمدلله)
ولا حتى لمى اتزوج بعدين يعني مستحيل تماما افوتها بيتي لو بدي موت من تعب البيت
بررتب حالي لحالي من غير مااجيبها واجيب لحالي المشاكل

مع انو اللي كم يوم عم بحكي لبابا بدي وحده لتساعدني بالبيت بس مش معناتو ضل عنا نوو يعني
ليوم واحد تساعديني وتمشي بس مشان مافيي احمل شي تئيل لحالي وازا ادرت صرف حالي مارح جيبها
وماتيجي تاني ابدا عنجد بخاف منهم اللي بسمعو الواحد هالايام مافي مجال ليجيبهم عالبيت


هاد رائ لنشوف شوو بحكو الصبايا

بتفق معك رواء

تقريبا نفس وجهة نظري

و كمان ما بننسى إنو فيه جانب آخر إنو الخادمات كثير منهم شريفات و بيعملو من أجل إنهم يعيلو عائلاتهم

و يمكن تسلط أرباب البيوت و معاملاتهم اللإنسانية كمان هو الي بيوصلهن لهالدرجة

ولا شو رأيك؟؟

sofy
03-24-2010, 06:21 PM
وعليكـــــــــــــــــــــــــم السلام والرحمة والإكرام ..

أنا بشووف أنو الكل بهلأيام صار يجيب خادمات ومن هالحكي .. هلا .. سبحان الله متل حكيتي ..لو وكلووا الخادمة بترباية

الطفل ..فينشأ على ما ربتهو عليه الخادمة ..وطبعا هاد شي أبدا مو منيح ..خاصة لما تكوون ديانتها غير الإسلام ..فبكوون

هاد أكبر غلط ..أنو الأم والأب يوكلووا الترباية لغيرهم ..هاي نئطة

تاني شغلة ..أنو صحيح متل ما حكيتي ..صار ( برستيج ) شان يتباهوا الأسر ..بووجوود الخادمات في بيوتهم ..

يعني أنا غنية ..مثلا ..( ليش ما يكوون عندي خدامة ..) يعني الناس بإختصار عم تطلع في بعض ..

تالت تنئطة ..هلا الأم والأب لو كانو مشغوولين ممكن ياخدوهم على .. حضانة ..على الأقل الحضانة بضل أحسن

من الخدامة .. حتى لو كانت مسلمة .. يعني أنا أخت صاحبتي ,,من كذا يوووم ..

الخدامة .. طلعت بتعجب على ولدها ..وئت ما تطلع هيا وزوجها ..على الشغل في الصبح ..

يعني الولد صابتو حالة نفسية .. والله ..بخاف من خيالوو ..وهاد غلط كبير .. كبير ..

بعدين لو الأم تعبانة من شغل البيت .. وهاد الحكي ..هلا ممكن تستعين بخدامة ..تنضف وتمشي ..

هلا الواحد ..لو ماجاب خدامة حيموووووت .. يعني ..

هلا الخدامة ..يعني ممكن بلأخر يضرر منها ويمكن لأ إلا من رحم ربي ..

وأكيد هيا منا ضروري وجوودها أبدا ..

إلا إزا كان الوضع عنجد بيحتاج .. يعني ..

وبس

يسلمووو أمووولة ..

نور الهدى
03-24-2010, 09:14 PM
ما أظن انه المشكلة بالخادمة نفسها بقدر المفهوم الخاطئ المنتشر عند الناس ..

ما في مشكلة ازا الوحدة جابت مساعدة .. لكن هالشي مش لازم ينتقل لتربية الابناء ..

شغلة تانية : العرب عادة بيحبوا الفشخرة و مظاهر العظمة مع انهم احيانا بكونوا صفر ع الشمال

فبيلجؤوا للظلم و لاحتقار الخدم .. الشيء اللي بيخلي الخدم يأذوهم سواء عن طريق اولادهم او غيره

لذلك اصل - الشر المستطير - مش من الخدم نفسهم .. انما هو في مستقدمينهم ..

شغلة أخيرة .. شخصيا ما اظن اني رح احتاج خادمة لانه اساسا بحياتي ما جبنا خدامة للبيت ههههه

لكن لو اقتضت الحاجة فليش لأ :)

//

أمل يسلموا هالايدبن على الموضوع ^^

عبير الورد
03-25-2010, 03:27 AM
يسلموو موضوع رائع
الخادمة اصبح كل منزل لايستغني عن وجودها
وذلك ليس للحاجة لها ولكن من اجل البرستيج
وانامل ربة المنزل وكسلها ولا اوافق على وجودها
لتربية الاطفال لانها سوف تعلمهم عادات ليست موجودة
لدينا وان كانت مسلمة وكم سمعنا عن حوادث نتيجة
لعدم وجود الدين لديهم الافضل ان نستغني عنهم
ونعمل بانفسنا

سوسو -فلسطين 48
03-25-2010, 11:59 AM
انا للصراحة ضد وجود الخادمات في البيوت لانو بوجود شخص غريب في البيت في اختراق للخصوصية وللصراحة ما بعرف شو بصير بست البيت اذا بتعب حالها شوي وبتكلف خاطرها تطبخ وتربي .....

اجمل احساس
03-25-2010, 02:07 PM
كل اشي الو سلبيات وايجابيات

لكن وجود الخادمة بالبيت انا ضد هالشغلة تماما لانو سلبياتها اكتر صايرة بهالايام

صح انها بتريح بشغلات لكن مساوئها اكتر منها انها بتعلم الولاد تقاليد معينة على حسب البلد ايلي هيا جاية منو

في ناس بعرفهم صاروا لهلأ جايبين فوق العشر خدامات وكلهم بيطفشوا بسبب انو ست البيت بتخلي على هاي الشغالة كل شغل البيت وبيتهم طابقين وتربية ولادها كمان من اكل ولبس وحتى التدريس على الشغالة !!!

طب شو فايدة الام بهاي الحالة ؟؟

والام هاي ما بترفع الورقة من الارض يعني اعتمادها الكلي على الخادمة

وبس تطفش هالشغالة بنشوف هالام حايسة ولايصة ومو عارفة تعمل شي لأ وغيييير هيك بتكون ضعفت وخست النص ههههه

في ناس بتكون حريصة بوجود الشغالات بالبيت يعني مو كل الاصابع متل بعضها برضو بعرف ناس عندهم شغالة بس عينهم عليها وما دخلها بالاطفال ايلي بالبيت

لكن انا بعد زواجي ما رح اجيب شغالة في بيتي هاي قناعتي وما اتوقع اني رح اغيرها

طولت عليكي حبيبتي بكفي هيك بس الموضوع حلو كتير وبدو نقاش لسه

يعطيكي الف عافية يارب

أمل
03-25-2010, 05:17 PM
طبعا كما ذكرتي اخت امل
كل واحد يجلب الخادمة لغرض ما
لكن لتربية الاولاد امانع ها الشي وبشدة
هذه المهمة تسند للام والاب بالدرجة الاولى
بل هذا واجبهم مهما كانت انشغالاتهم
وهنا اقف عند قوله صلى الله عليه وسلم
(مَا مِنْ مَوْلُودٍ إِلاَّ يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ)
فاتمنى من الاباء ان يتقوا الله في ابنائهم
ولا يوكلوا تربيتهم لاي كان
وتضل تضل مهمة الشغالة محضورة بشغل البيت اذا لزم الامر


بالنسبة الي ايه هب ضرورية
لكن كما ذكرت مهمتها تنحصر في شغل البيت لاغير
اما فيما يخص تعليم الاطفال الاتيكيت واللغات وغيره
ممكن نلاقي معاهد خاصة بهيك شي
لكن الاجمل ان نعطي اطفالنا تربية اسلامية صحيحة
فهي الاتكيت والذوق كله
شكرا لك ع الموضوع
http://files.shabab.ps/vb/images_cash/up12/100730091249LDZv.gif

بارك الله بك يا عاشقة

فردك ملم بكثير جوانب

باركالله لك ببيتك :)

أمل
03-25-2010, 05:21 PM
موضوع حلو للنقاش

فعلا ظاهرة الخدم منتشرة بشكل مو طبيعي عنا

احنا ببيتنا ما بنستخدمها ع ئولت رواء احنا البنات لشو بالبيت

هو احيانا في ناس بتستخدمها لحاجة ضرورية

اما شغلة الفشخرة هي كترانة

يعني بتكوني ماشية بالبحر ولا بالسوق

بتيجي الام معها مثلا 3 اولاد كل واحد ماسكتوا خدامة

هي بتلبسوا وبتطعمي وماسكتوا واموا ولا سائلة في

يعني بعرف ناس ابنهم بدرس برة لما يجي زيارة عندهم بيعدوا يدوروا عليه بيلائوا مع الخدم بالمطبخ

بيحكيلهم كل شي بيصير معاه وأهلوا ما بيعرفوا شي

تعود ع خدامتوا تعلئ في الخدم من هو صغير كان مع الخدم


لسة ئبل يوم قارئة بالجريدة واحد عمروا بالـ 80 تعلئ بخدامتوا الصغيرة هي بتعملوا كل شي وأولادوا ولا بيسألوا في

راح كتب الفيلا باسم الخدامة ئد ما لعبت بعئلوا وطلعت باينة عمارة ببلدها من ورا الفلوس اللي بتاخدها منوا

يعني لو أبنائوا بسئلوا في ما صار هيك

احنا جارتنا الكويتية عندها خدامتين

بنتها الصغيرة متعلئة بالخدامة بشكل مو طبيعي

صار موقف ئدامنا ئبل فترة قصيرة

كانت عنا وبدها تطلع عند دار أهلها فالخدامة سكرت الباب ولحئتها عنا

ولما اجت تطلع مسكت الخدامة الأغراض واجت الام بدها تحمل بنتها عمرها سنتين ونص ما ئبلت البنت وصارت تبكي

الا بدها الخدامة وامها تئولها انا بحملك

والبنت تدفش امها الا بدها الخدامة

والخدامة مبسوووووطة ع الموقف

بس يلا هيها الخدامة هربت

شكرا امل على طرح الموضوع

والله لسة في حكي كتير بس بيكفي هيك

لا حول ولا قوة إلا بالله

أي نعم ليس عيبا أن يكون للمرء خادم يعينه

لكن ماذكرته أعلاه هو ما أتار حفيظتي

أن يكون للخادم النصيب الأكبر في البيت

لا يمشي ركبه إلا به

أما الأبوينفلا حياة لمن تنادي

حبيبتي بلاستاين

شكرا لوجودك هنا

مشاركتك بروعتك

لا حرمنا تواجدك:)

أمل
03-25-2010, 05:29 PM
مووضوع جمييل

نعم اصبحت موضة الخادمة امر غير مقبول نهائيا و قد حدثت الكثير من المشاكل و الكوارث على الاسر التي تحوي في بيوتها خادمة و ما خفي كان اعظم ما هذا الترف

وفي بعض المجتمعات عندها الخدم للمباهاه والبريستيج وما بتكمل الاناقه الا لما تكون الخادمه تمشي ورا المدام بالسوق

بس بنفس الوقت وانا عن نفسي مع انو تكون خادمه بالبيت الاسباب ازا كان الأب سفراتو كتيره والاهل بعاد يعني ما بيمنع بس بنفس الوقت مو تترك كلشي عليها

مشكورة ولي عودة للنقاش...

و هذا لب الموضوع ذلك الجانب المخفي

فإن كان الكل يصب جام غضبه على الخادمات

فأرباب البيوت هم المسؤولون بالدرجة الاولى عما يحدث

إما لانحراف سلوكياتهم أو التنكيل و التعذيب الذي يمارس عليهن

فهذا هو ما أنتج لنا هذا النوع من الخدم ايضا

أما أصحاب البرستيج والمباهاة فهؤلاء طامة اكبر

باركالله بك عاشقة و بمشاركتك

وبانتظار عودتك اكيد:)

أمل
03-26-2010, 02:14 PM
وعليكـــــــــــــــــــــــــم السلام والرحمة والإكرام ..

أنا بشووف أنو الكل بهلأيام صار يجيب خادمات ومن هالحكي .. هلا .. سبحان الله متل حكيتي ..لو وكلووا الخادمة بترباية

الطفل ..فينشأ على ما ربتهو عليه الخادمة ..وطبعا هاد شي أبدا مو منيح ..خاصة لما تكوون ديانتها غير الإسلام ..فبكوون

هاد أكبر غلط ..أنو الأم والأب يوكلووا الترباية لغيرهم ..هاي نئطة

100 بـ 100

تاني شغلة ..أنو صحيح متل ما حكيتي ..صار ( برستيج ) شان يتباهوا الأسر ..بووجوود الخادمات في بيوتهم ..

يعني أنا غنية ..مثلا ..( ليش ما يكوون عندي خدامة ..) يعني الناس بإختصار عم تطلع في بعض ..

تالت تنئطة ..هلا الأم والأب لو كانو مشغوولين ممكن ياخدوهم على .. حضانة ..على الأقل الحضانة بضل أحسن من الخدامة .. حتى لو كانت مسلمة .. يعني أنا أخت صاحبتي ,,من كذا يوووم ..

و الله الي بالحضانات مصيبة أكبر يا صوفي

الخدامة .. طلعت بتعجب على ولدها ..وئت ما تطلع هيا وزوجها ..على الشغل في الصبح ..

يعني الولد صابتو حالة نفسية .. والله ..بخاف من خيالوو ..وهاد غلط كبير .. كبير ..

بعدين لو الأم تعبانة من شغل البيت .. وهاد الحكي ..هلا ممكن تستعين بخدامة ..تنضف وتمشي ..

هلا الواحد ..لو ماجاب خدامة حيموووووت .. يعني ..

هلا الخدامة ..يعني ممكن بلأخر يضرر منها ويمكن لأ إلا من رحم ربي ..

وأكيد هيا منا ضروري وجوودها أبدا ..

إلا إزا كان الوضع عنجد بيحتاج .. يعني ..

وبس

يسلمووو أمووولة ..



الله يسلم عمركحبيبة قلبي

ع المشاركة الطيبة

جزاك ربي الخير

أمل
03-26-2010, 02:15 PM
وعليكـــــــــــــــــــــــــم السلام والرحمة والإكرام ..

أنا بشووف أنو الكل بهلأيام صار يجيب خادمات ومن هالحكي .. هلا .. سبحان الله متل حكيتي ..لو وكلووا الخادمة بترباية

الطفل ..فينشأ على ما ربتهو عليه الخادمة ..وطبعا هاد شي أبدا مو منيح ..خاصة لما تكوون ديانتها غير الإسلام ..فبكوون

هاد أكبر غلط ..أنو الأم والأب يوكلووا الترباية لغيرهم ..هاي نئطة

100 بـ 100

تاني شغلة ..أنو صحيح متل ما حكيتي ..صار ( برستيج ) شان يتباهوا الأسر ..بووجوود الخادمات في بيوتهم ..

يعني أنا غنية ..مثلا ..( ليش ما يكوون عندي خدامة ..) يعني الناس بإختصار عم تطلع في بعض ..

تالت تنئطة ..هلا الأم والأب لو كانو مشغوولين ممكن ياخدوهم على .. حضانة ..على الأقل الحضانة بضل أحسن من الخدامة .. حتى لو كانت مسلمة .. يعني أنا أخت صاحبتي ,,من كذا يوووم ..

و الله الي بالحضانات مصيبة أكبر يا صوفي

الخدامة .. طلعت بتعجب على ولدها ..وئت ما تطلع هيا وزوجها ..على الشغل في الصبح ..

يعني الولد صابتو حالة نفسية .. والله ..بخاف من خيالوو ..وهاد غلط كبير .. كبير ..

بعدين لو الأم تعبانة من شغل البيت .. وهاد الحكي ..هلا ممكن تستعين بخدامة ..تنضف وتمشي ..

هلا الواحد ..لو ماجاب خدامة حيموووووت .. يعني ..

هلا الخدامة ..يعني ممكن بلأخر يضرر منها ويمكن لأ إلا من رحم ربي ..

وأكيد هيا منا ضروري وجوودها أبدا ..

إلا إزا كان الوضع عنجد بيحتاج .. يعني ..

وبس

يسلمووو أمووولة ..



الله يسلم عمرك حبيبة قلبي

ع المشاركة الطيبة

جزاك ربي الخير

أمل
03-30-2010, 02:53 PM
ما أظن انه المشكلة بالخادمة نفسها بقدر المفهوم الخاطئ المنتشر عند الناس ..

ما في مشكلة ازا الوحدة جابت مساعدة .. لكن هالشي مش لازم ينتقل لتربية الابناء ..



تمام حكيك و تقريبا فيه إجماع ع هالفكرة

الحمدلله إنو فيه وعي كبير بين اوساط شبابنا:ShababSmile240:

شغلة تانية : العرب عادة بيحبوا الفشخرة و مظاهر العظمة مع انهم احيانا بكونوا صفر ع الشمال

فبيلجؤوا للظلم و لاحتقار الخدم .. الشيء اللي بيخلي الخدم يأذوهم سواء عن طريق اولادهم او غيره

لذلك اصل - الشر المستطير - مش من الخدم نفسهم .. انما هو في مستقدمينهم ..


و هالشي طرحنو بسؤال قبل على إحدى الأخوات و إنتِ جاوبتي

يعني الي بنشوفو من مصايب اكيد أرباب البيوت الهعم نصيب اكبر فيه

شغلة أخيرة .. شخصيا ما اظن اني رح احتاج خادمة لانه اساسا بحياتي ما جبنا خدامة للبيت ههههه

لكن لو اقتضت الحاجة فليش لأ :)

//

أمل يسلموا هالايدبن على الموضوع ^^

:ShababSmile221:

أحسن لك

مهو بعرف إنك شطورة :p

تسلميلي حبيبة قلبي:ShababSmile229:

أمل
03-30-2010, 02:55 PM
يسلموو موضوع رائع
الخادمة اصبح كل منزل لايستغني عن وجودها
وذلك ليس للحاجة لها ولكن من اجل البرستيج
وانامل ربة المنزل وكسلها ولا اوافق على وجودها
لتربية الاطفال لانها سوف تعلمهم عادات ليست موجودة
لدينا وان كانت مسلمة وكم سمعنا عن حوادث نتيجة
لعدم وجود الدين لديهم الافضل ان نستغني عنهم
ونعمل بانفسنا

كلام سليم

الفشكر الك حبيبتي

ع المشاركة الطيبة

دمتي بود

أمل
03-30-2010, 02:57 PM
انا للصراحة ضد وجود الخادمات في البيوت لانو بوجود شخص غريب في البيت في اختراق للخصوصية وللصراحة ما بعرف شو بصير بست البيت اذا بتعب حالها شوي وبتكلف خاطرها تطبخ وتربي .....

وجهة نظر برضو

لإنو لما ينعطى للخادمة اكثر من الي مطلوب منها

هالشي مش بس بيخترق الخصوصية بل احيانا بيكون سبب في انتهاك حرمات البيوت

ربي يبارك فيك يا غالية

كل الود

أمل
03-30-2010, 03:02 PM
كل اشي الو سلبيات وايجابيات

لكن وجود الخادمة بالبيت انا ضد هالشغلة تماما لانو سلبياتها اكتر صايرة بهالايام

صح انها بتريح بشغلات لكن مساوئها اكتر منها انها بتعلم الولاد تقاليد معينة على حسب البلد ايلي هيا جاية منو

في ناس بعرفهم صاروا لهلأ جايبين فوق العشر خدامات وكلهم بيطفشوا بسبب انو ست البيت بتخلي على هاي الشغالة كل شغل البيت وبيتهم طابقين وتربية ولادها كمان من اكل ولبس وحتى التدريس على الشغالة !!!

طب شو فايدة الام بهاي الحالة ؟؟

والام هاي ما بترفع الورقة من الارض يعني اعتمادها الكلي على الخادمة

وبس تطفش هالشغالة بنشوف هالام حايسة ولايصة ومو عارفة تعمل شي لأ وغيييير هيك بتكون ضعفت وخست النص ههههه

في ناس بتكون حريصة بوجود الشغالات بالبيت يعني مو كل الاصابع متل بعضها برضو بعرف ناس عندهم شغالة بس عينهم عليها وما دخلها بالاطفال ايلي بالبيت

لكن انا بعد زواجي ما رح اجيب شغالة في بيتي هاي قناعتي وما اتوقع اني رح اغيرها

طولت عليكي حبيبتي بكفي هيك بس الموضوع حلو كتير وبدو نقاش لسه

يعطيكي الف عافية يارب

ربي يكرمك يا اجمل إحساس ع المشاركة

ففعلا أنا الي بنتقدو و بشدة

ظاعهرة تفشي الخادمات بطريقة رهيبة جدا

و زي ما حكيتي بتلاقي في البيت الواحد اكثر من خدامة و يمكن ست البيت ما وراها أي شغل غير التلفزيون و المانيكير و البديكير و اشيا ممكن أتفه

و اطامة الكبرى لما الاولاد بيتحطو ضمن اهنمامات الخدم

بس كون الواحد يجلب خادمة للمساعدة و تحت إشراف رة البيت و المراقبة طبعا

فهالشي مش مشكلة

..

الله يصلح احوالنا بس

الف شكر الك يا غالية مرة تانية

وَطنْ~♥
03-30-2010, 07:44 PM
أول شي مشكورة خيتو


طرح مميز ...


بالنسبة لقضية الخادمات


ما بشجعها نهائيا


أصلا كيف ست بيت بتأمن حد غريب علي بيتها

وبتطلع وبتترك أولادها


ولو كانت موظفة هاد ما بعني ما توفق بين شغلها وبين بيتها


هاد رأيي ...


آحتراماتي