المساعد الشخصي الرقمي

مشاهدة النسخة كاملة : ثــانـويـتـكــ فـــي ورطــة...~ lll

الصفحات : 1 [2]
الفتاة المشرقة
04-17-2010, 07:43 PM
:)

ننتظر اختياركم
الفتاة المشرقة
04-17-2010, 07:43 PM
:)

ننتظر اختياركم
§عاشقة غزة§
04-18-2010, 02:40 AM
نورتي عاشقه

حياتك حسيتها كانت صعبه شوي عليكي

يمكن عشان تغيريت لمدراس تانيه

عدات ع خير ^^

ربنا يوفقك

اختاري عضو تاني

النور نورك غاليتي
الصراحة ايه
بس الحمد لله كل شي صار بعد هيك تمام
الله يوفق الجميع
نورتي
§عاشقة غزة§
04-18-2010, 02:42 AM
يعطيكِ العافية اختي عاشقة غزة

الله يرحم ابوكِ يارب


تسلم اخوي
الله يرحم موتى المسلمين جميعا
نورت
§عاشقة غزة§
04-18-2010, 02:46 AM
هلا عاشقة نورتي
النور نورك غاليتي


وين كنتي؟؟
مستخبية تحت السرير
مشان ما اروح ع المدرسة :ShababSmile221:


شكرا للأجابة
العفو غاليتي
نحنا في الخدمة


الله يعينك
مرسي الك حبيبتي

يلا فات وعدى

نورتي
الطالب المجتهد
04-20-2010, 04:40 PM
بانتظار الجديد
الفتاة المشرقة
04-20-2010, 06:12 PM
بنختار الاخ

.::. قسامي غزه .::.
شهيد
04-20-2010, 11:03 PM
يعطيك العافية عاشقة :)

بس اظن قسامي تم اخيتاره ؟!

يلا مش مشكلة ^^
الطالب المجتهد
04-21-2010, 12:38 PM
بانتظار الأخ قسآمي غزة
الطالب المجتهد
04-21-2010, 12:38 PM
حتى انا بظن انو الأخ قسآمي غزة تم اختياره
الفتاة المشرقة
04-21-2010, 05:01 PM
اختارو قبل فتره بس ما جاوب !

ننتظره من جديد ..
إيمـان
04-21-2010, 05:17 PM
قسآمي يلاآ بنستنآ
قسامي غزة
04-21-2010, 05:29 PM
قسامي قاعد بتغدي
إيمـان
04-21-2010, 06:18 PM
صحه وعافيـــه..بس بنستنآكـــ....وجبلنآ صحن بالله..
PaLeSt!Ne SouL
04-21-2010, 10:50 PM
ههه

و هلقيت بيتعشى


بانتظاره
فلسطينيه والراس مرفوع
04-22-2010, 08:50 AM
ههه صحة ع البوو

بانتظــآرو (:
قسامي غزة
04-22-2010, 10:23 AM
يا جماعة الاسئلة كتار
اعملوا معروف واختاروا حدا غيري
الفتاة المشرقة
04-22-2010, 10:29 AM
ماشي اخي قسامي

بختار بقاياآآ انسان

: )
فلسطينيه والراس مرفوع
04-22-2010, 10:40 AM
طيب يلاا بقايا انسان :>
Maram .. ~
04-22-2010, 02:02 PM
wainting ~
PaLeStiNe FlOwEr
04-25-2010, 10:29 AM
هاد الموضوع من يوم ما تركتوا على هي الحالة :ShababSmile235:

شكلوا مش ناجح هالموضوع :ShababSmile223:

خلص بختار هلأ لا لا - فلسطين 48

وازا ما اجت بشوف شو بصير
لالا-فلسطين 48
04-25-2010, 11:25 AM
سبحان الله بالصدفة فوتت عالموضوع وهاي وال مرة بفوت افحص تفاصيله...

وبلقى إني مورطة!!!!

(طلعت فايتة قوي)


يعني هيك بثبت حضوري.. بس اكيد بدكو تعطوني فرصة لاتعرف على الموضوع!


ويا مها.. عدم حضور الاعضاء المختارين لا يعني عدم نجاح الموضوع..

بحكيلك هيك قبل ما اعرف الموضوع اصلا!



اوكي..
اللي رجعة (إن شاء الله)!
لالا-فلسطين 48
04-25-2010, 11:25 AM
سبحان الله بالصدفة فوتت عالموضوع وهاي وال مرة بفوت افحص تفاصيله...

وبلقى إني مورطة!!!!

(طلعت فايتة قوي)


يعني هيك بثبت حضوري.. بس اكيد بدكو تعطوني فرصة لاتعرف على الموضوع!


ويا مها.. عدم حضور الاعضاء المختارين لا يعني عدم نجاح الموضوع..

بحكيلك هيك قبل ما اعرف الموضوع اصلا!



اوكي..
اللي رجعة (إن شاء الله)!
PaLeStiNe FlOwEr
04-25-2010, 11:59 AM
هلا لا لا خدي وئتك وراحتك بالرد بس مو زيادة

وزيدي وحطي ع الموضوع ئد ما بدك


هي السنة ما بتتكرر فاحكي عنها ئد ما بدك

ونورتي
PaLeStiNe FlOwEr
04-25-2010, 12:00 PM
هلا لا لا خدي وئتك وراحتك بالرد بس مو زيادة

وزيدي وحطي ع الموضوع ئد ما بدك


هي السنة ما بتتكرر فاحكي عنها ئد ما بدك

ونورتي
الفتاة المشرقة
04-25-2010, 03:43 PM
: )

بتنوري باي وقت اختي

بس لا تتأخري متل البقيه ^^
Maram .. ~
04-25-2010, 08:45 PM
بإنتظآركـ حبيبتـي .. ~
PaLeStiNe FlOwEr
04-25-2010, 09:09 PM
يلا لا لا...~
إيمـان
04-25-2010, 09:12 PM
..تيب بنستنآ..لآ لآ..نشوف..شقآوتهآآ.هل العسوله
شهيد
04-25-2010, 09:15 PM
:ShababSmile248:

يلا
لالا-فلسطين 48
04-26-2010, 04:26 PM
مرحبا يا جماعة،

وحياتكو ما نسيتكو..

بس ضغط اكتر من المعتاد بالدراسة هالاسبوع..

عم نحضر لمشاريع التخرج (بما اخر سنة لالي بالتعليم).. وكل اشي لازم يكون جاهز علشان الاسبوع الجاي ننفذ شو خططنا!

فبدكو تعزروني..

وأحسن اشي تتمنولي التميز في مشروعي التخرج..

بل التميز الدائم والتوفيق...


هياني رح أبلش!
لالا-فلسطين 48
04-26-2010, 06:08 PM
* كوكتيل *


شـو كـان اسم الـمـدرسـة؟؟!


المدرسة الثانوية للعلوم والتكنولوجيا



شـو هــو الـتـخـصـص؟؟!


علمي>> بيولوجيا- كيمياء (بيولوجيا انتوا بتحكولي أحياء)



كـم كــانـت الـنـسـبـة؟؟!


معدلي البجروت يعني التوجيهي كان 110 (ملاحظتين: الاولى، انو حساب معدل البجروت مش من 100% زي ما هو الوضع بشوفو في كتير من الدول العربية... التانية، حساب المعدل بختلف من معهد اكاديمي للتاني!)



هـل هــاد كـان الـتـوقـع ولا لأ؟؟!

لع توقعت اكتر من هيك بشوي!!!



أعلى مــادة بالـدرجــات؟؟!


98



أقــل مــادة؟؟!


انجليزي او تاريخ (مش متزكرة اني اقل بالزبط)



أكـتـر مـادة كـنـت تـحـبـهـــا / تـحـبـيهـــا؟؟!


بيولوجيا (أحياء)



مادة ما بتحبها/يها؟؟!


طبعا التاريخ!



* * * * *


* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!


أستاذ البيولوجيا



مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!


برضه أستاذ البيولوجيا وكان اسمه محمد فريد عثامنة (وكنا ناديلو أستاذ محمد الفريد)



مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!


يعني مش كلهم سيئين التعامل لهدرجة وكمان مش كلهم تطلي..

بس مكنتش احب اسلوب معلم الكيمياء بالتعامل مع انه كان منيح معي، اسمه جلال (المشكلة عيلته زي عيلتي :( )

ومعاملة جافة كانت من معلم الدين يلي اسمه حسني (ولا مقرب عالحسن باشي!!!)، بس مزكرتوش بالاول لانو احنا كنا نتعلم دين بس بصف العاشر واحداش (حادي عشر) وحصة وحدة بالاسبوع.. وكان نقديم بجروت توجيهي بالدين يعلموا وِحدة واحدة ومش اجباري، يعني اللي بدو، وانا معملتهاش هاي الوِحدة واممتحنتش فيها!



أفضل مدرس/ـة بالشرح؟؟!


طبعا معلم البيولوجيا محمد الفريد، لا يُعلى عليه!



أسوأ مدرس بالشرح؟؟!


معلم التاريخ



احكي لنا موقف حصل مع مدرس ان كان موقف سلبي ام ايجابي؟؟!

في موقف سلبي صار معي اول ما بلش يعلمنا معلم جديد بصف احداش ويا ويلي يا ويلي شو كان شديد ولشدته كنت امرهو مع انو تعليمو كان منيح وقوي... بس بعدين طري الجو وبعد مكنتش طايقة اتصورو اكتشفت انو في جوانب حلوة بشخصيته!

بس كمان مش هاد الموقف اللي راح احكي عنه

اما الموقف اللي رح احكي عنه مضحك اكثر من كونه سلبي او ايجابي:
في درس العربي كنت دايما اواظب على حضور الدروس وما اشْلَعِّش (يعني ما أقدحش يعني ما اهربش وما اطلعش من الدرس>> مصطلحات لازم الكل يفهمها ويستعملعا وخصوصا الاول "ما أشلعش") متل ما كان يعملوا البعض.. ولانو كان في شلعان وتسرب مش بسيط من الدرس كان المعلم يواظب على تسجيل الحضور والغياب..

فمرة طلعت شوي برا الصف بالاتفاق مع صاحبتي انو نطلع وحدة ورا التتانية... واحنا قاعدين عالمقاعد الخارجية اجانا خبر انو الاستاذ بحط ناقص وغياب للي "شلعوا".. فاضطرينا نفوت ونرجع على الصف..

وبعد ما قعدت حضرتي محلي بحكي للاستاذ وأنا منرفزة وبمط بالحكي مط: "أستاااااااد عنجد يعني مش عدل، يعني اللي بواظب عالحضور وبطلع شوي من الدرس هيك بتعمل فيه"..

رد عليّ: "طيب وما يطلعوا".. (يعني اه وشو فيها ازا طلعوا)

بحكيله: "كيييف ما يطلعوا وانت بتحطلنا نوااااااااقييييييص" (ديروا بالكو مش ناقص واحد ولا نواقص ولا نواااااااقص الا نواااااااااقيييييييييييييص)

فضحكوا علي كل الصف بقولولي "نوااااااااااااااقيييييص" مع مط زيادة هيك ومياعة (قال بحاولوا يقلدوني.. بس بطلعش بايديهم)

والمعلم فرط من الضحك وحكالي انو لع مش حاططللي "نوااااااااااقيييييص"




* * * * *

* مواقف *


موقف سيء حصل معك؟؟!


بالرغم من اني كنت من اكتر الناس اشارك في الدروس وقايمة الدنيا على راسي وخصوصا بدرس العبراني، الا انه ببجروت العبراني بالرغم من الثروة اللغوية المنيحة عندي بهاللغة.. أدائي مكنش كالمطلوب وكنت بغدر اعمل احسن من هيك بكتييييييير..

يعني المواقف السيئة تقتصر عندي على حدوث الواقع عكس المتوقع والمطلوب والمرغوب!



موقف جميل غير نفسيتك للأفضل؟؟!

بكتير مواد خصوصا اللي كنت احبها متل دروس البيولوجيا ودروس الادب العبري، كنت خلال مشاركاتي استفرد بمشاركات مميزة.. وطبعا اخد عليها بوووش كان يرفعلي كتييير من معنوياتي...

وموقف اكتر تحديدا.. بامتحان "المقين" (العلامة الواقية لامتحان البجروت- التوجيهي) في البيولوجيا، كان في سؤال بتطلب انه نحلل رسم بياني، الرسم كان بسيط بس انا رحت محللته تحليل مركب ودقيق عالاخر، فلما اجا يصلحه الاستاذ هيك كتبلي: "خطوة الى الامام أعلى مما هو مطلوب.. لكن لا يجدي في جميع الحالات.. احضري إليّ عند استلامك الامتحان!"

طيب.. بعد ما اخدت الامتحان وقريت الملاحظة ورحت للاستاذ، قعد يشرحلي انه دايما بتروحي تفكري عالجانب الاعمق، وهلاشي لازم تنتبهي كتييير منيح منه لانو مش دايما لصالحك، متلا في امتحان البجروت كل مصلِّح بكون معه نموضج اجابات يمشي حسبه واي إجابة خارجة عنه، مهما تكن تعتبر خطأ...

كان الهدف انه يدعمني ويحذرني بس بنفس الوقت مس يحبطني...



موقف محرج حصلك؟؟!



كتير مواقف محرجة كانت تصيرلي خصوصا بدرس التاريخ، اللي بحياتي ما انتبهت لشرح الاستاذ، لانه كان شرحه ممل والمادة بتطقق.. فيروح الاستاذ سأئلني اشي عن اللي شرحه وافيحتاه وقتها.. بس بعرفش كيف كنت اخلص حالي بسهولة...

كاينة سلسة وانا مش دارية!!! :)



موقف حزين؟؟!



طبعا احنا بصف الـ10 اللي بتخصصوا علمي، بكون علمي شامل لكل المواضيع (بيولوجيا، كيمياء، فيزياء، بيئة)، وبصف 11 بتم التخصص... فاشي مفروغ منه كان اني رح اتخصص بيولوجيا- كيمياء عكتر ما كنت احب كل اشي بتعلق بالبيولوجيا...

بس اللي صار انه على سنتي صارت التقسيمات انهم عملوا صف لتخصصين: بيولوجيا-كيمياء وفيزياء-كيمياء، واللي بدو يتخصص هدول المواضيع وينقبلهن لازم يكون معدله فوق الـ90، طبعا انا وصاحبتي فوتنا عالبيولوجيا.. بس اللي صار انه في كمان اصحاب لالي، كنا عاملين مع بعض شلة مرحة مغدروش يفوتوا: من بنات الشلة بس انا وصاحبتي فوتنان، ومن شباب الشلة بس اتنين فاتوا..

ولما جينا عصف 11 كان شوي غريب بالنسبة لالي ومش ماخذة راحتي فيو؟، لانو كل اللي فيه كانوا من صفوف تانية غير صفي!!!

فبلش الاشي يصير جدي اكتر وراحت ايام الهبل والمرح واللعب والفرفشة.....!!!!!

آخ... والله أيام! :)



هل مررت/ـي بصعوبات خلال مرحلة التوجيهي؟؟!



طبعا الضغط كان يواجهنا او يواجهني عالاغلب بفترة امتحانات البجروت.. كانت فترة لا توصف...

بالرغم من انه فيها بعض الكآبة الا انه فيها بعض اللحظات الحلوة والعفوية!



* * * * *

* الحالة النفسية *


الكثير يقولون أن مرحلة التوجيهي تؤثر على شخصية الطالب!!

فكيف كان تأثيرها عليك؟؟ هل هو ايجابي ام سلبي؟؟!


مع اني بستغرب مرات ليش بالدول العربية بحكوا عن التوجيهي او البكالوريا وكأنه اشي جاي من الفضاء واشي بموِّت..

بنكرش انها مرحلة مصيرية والها وزتن كبير بتقرير جوانب مهمة بمستقبلنا، هاد غير صعوبة المرحلة وطول مدتها... بحسسوني انه اشي بخوِّف وبرعب، اشي حياة أو موت، مع انه القبول للجامعات بكتيييييييييير في الدول العربية اسهل بكتيييييييييير من القبول في الجامعات والمعاهد العليا الاسرائيلية مع الشروط العنصرية بغالبيتها اللي بتحطها دولة اسرائيل!


أما عن تأثير فترة التوجيهي عليّ.. ضليت احس لحد صف 11 اني بتعلم عادي لانو لازم نتعلم زي كل مرحلة، لحد ما اجا صف 12، فكان تواجدنا بالمدرسة وفق المادة يعني احنا ووضعنا بالمادة اللي وصلناها وطبعا كله حسب تركيز البجروت اللي بتنزله وزارة المعارف.. فكنت احس انه التعليم كان ركاض (يعني ركض)، وبفتقد بكتير من حالته المتعة اللي ممكن تكون فيو... وكمان الفائدة...

والتغيير والشعور بفترة التوجيهي اكتر كانت تظهر عندي بشكل خاص بفترة الامتحانات نفسها.. وازا كانت الامتحانات متواصلة ورا بعضها... الله يستر وقتها...

يعني بلخِّص التأثير في ترك هالفترة عندي شعور يعتريه الضغط ومرات مصحوب بالاكتئاب ووينتا بدي اخلص لانه الفترة المتواصلة للامتحانات كانت منهكة بشكل! :(

أما لا أنكر وجود بعض اللحظات اللزيزة هون وهناك اللي بالرغم من الضغط بس كانت تصير، ويمكن السبب الرئيسي لانها تصير هاللحظات العفوية هو الضغط نفسه..

يعني في منظور ايجابي وآخر سلبي للضغط!



كيف كانت حالتك النفسية خلالها؟؟! هل كنت كثير الاضطراب والقلق؟؟!


تطرقت للحالة النفسية بالسؤال اللي قبله!



هل كنت تشعر/ي انك غير ويجب ان يكون التعامل معك غير؟؟!


بصراحة كتيييييييير كنت احس بهالشعور... مرات بالتعامل ومرات اكتر بمجريات بعض الاحداث والوقائع!...

يعني، اشي مكنش لازم يكون هيك، لالي انا بالذات، وكان لازم يكون اشي تاني او بصورة وبشكل تاني!!!



كيف كان تعامل الأهل معك؟؟!


كانوا يوفرولي كل وسائل الراحة والجو الهادي مشان ادرس... الامر الذي ولَّد معي صراعات مستمرة مع اخي الاصغر..



من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!


بحياتهم اهلي ما حولي ادرسي، غير بعض المرات وبشكل تلقائي، كانوا يحكولي يللا عمطالعتك.. عدراستك!

اصلا اهلي شايفيني تطلي بالنسبة لاخوي...

وبالعكس بفترة التوجيهي كانوا يترجوني اني اترك الكتب واقوم انام او آكل او اعمل استراحة..



* * * * *


* النتيجة *


شو كان شعورك لما بدأ العد التنازلي للإمتحانات النهائية؟؟!


انا من النوع اللي بخاف قبل الامتحانات بدقايق، خصوصا لما اطلع من البيت عالمدرسة عشان اقدم الامتحان..

قلبي بسقط.. بس بتدارك هاد الشعور بعد ما استلم الامتحان واعرف أسئلته..



ماذا حصل لكم بالتفصيل يوم النتائج!!


فش عنا يوم اسمه يوم نتائج، منعمل امتحانات والامتحانات اللي بتتصلح طوالي بتفوت عالنت وكل مجموعة امتحانات، متلا امتحانات شتاء 2007 او صيف 2007 بنغدر ناخدها بكمجموعة نموذج من سكرتارية المدرسة..

قبل النتيجة:

بس طبعا قبل ما اعرف كل علامة كان الشعور اطقع من الشعور اللي كان يكون (جملة هبلة) قبل الامتحان نفسه!


بعد النتيجة:

اما بعد النتيجة، ازا العلامةزي ما توقعت او احسن كنت اطير من الفرحة... وازا لع كنت اعمل مناحة وافتح عزا..

كنت اروح عالدار (ومع اني مكنتش احب انام بالنهار اصلا مكنتش اعرف انام بالنهار)، بهداك اليوم كنت طوالي اروح انام... طبعا اهلي وخصوصا اختي الكبيرة (يما منها) كانت طوالي تعرف السيرة... وازا لزم الامر عياط آه بعيَّط وطبعا المزاج والاكتئاب وقتها تسألوش عنه... على الله!



كيف تلقيت النتيجة ومين خبرك اياها؟؟!


اللي كان يفوت عالنت من الصف ويلقى انها علامة طالعة، كان يذيعها بين كل اولاد الصف.. وكل واحد يا يروح يفحص علامته لحاله من النت او يروح ياخد ورقة العلامات من عند سكرتارية المدرسة.. واللي بدو المعدل نيتو او بحسبه يدوي او بفوت على موقع وزارة المعارف او موقع الجامعات في هناك آليات مخصوص لتحسبه.



شو كان شعورك وشعور أهلك ومن حولك؟؟!


راضيين وفخورين ببنتهم (الله عليِّ:)



* * * * *


وااااااااااو ما اكتر الاسئلة..

اوكي..

مشاهدينا.. مستمعينا الاعزاء..

فاصل ونواصل "ثانويتك بورطة مع لالا-فلسطين 48"


وتحديدا مرحلة "ما بعد التوجيهي"..

خليكو معنا... وووووووووووووووو........... وووووووووووووووو...........

.......... ووووووووووووووووووو.........


:


:

:


والله يستر :)
sofy
04-26-2010, 06:15 PM
لا لا فلسطين ..

بدي صير غني بإسمك لا لا لا لا لا لا لا ..بتعرفي اللعبة لمن يصيروا يحكوا لا لا لا ههههه وبعدين معك يعني ههه ..

طيب شوو بدي أحكي ..شكلك من محبين الكلام .يابنتي ..بتحبي ترغي كتير هههه

بس حلوووين حكيـــــاتك ..مشاءالله عنك ..ثابري ثابري ..الله معاكي ..

يلا متابعين ..حبيبتي ..
الفتاة المشرقة
04-26-2010, 06:19 PM
^^
نورتي

عن التوجيهي ^^ بس انتي ذكرتي عده صفوف

استمري ياعسل
جاآرة الوادي’’
04-26-2010, 08:21 PM
حلو كتيير

متآبعه ^^
PaLeStiNe FlOwEr
04-26-2010, 08:40 PM
اخخخخخخخخ

تعبت وانا بقرأ

رح علئ على حكيك بس تخلصي

نورتي
PaLeStiNe FlOwEr
04-26-2010, 08:40 PM
اخخخخخخخخ

تعبت وانا بقرأ

رح علئ على حكيك بس تخلصي

نورتي
لالا-فلسطين 48
04-26-2010, 10:14 PM
لا لا فلسطين ..

بدي صير غني بإسمك لا لا لا لا لا لا لا ..بتعرفي اللعبة لمن يصيروا يحكوا لا لا لا ههههه وبعدين معك يعني ههه ..

طيب شوو بدي أحكي ..شكلك من محبين الكلام .يابنتي ..بتحبي ترغي كتير هههه

بس حلوووين حكيـــــاتك ..مشاءالله عنك ..ثابري ثابري ..الله معاكي ..

يلا متابعين ..حبيبتي ..



يللا وانا بغني معك ازا بدك... يللا انبلش...

ست صوفيا انت بالزات تحكيش عن الرغي، لانو بتخيلش في حدا ارغى منك مش بس بالمنتدى بالكون كله- ههههههههه :)


تسلمي يا حلوة..

خليكي متابعة ايتها المثابرة!
لالا-فلسطين 48
04-26-2010, 10:19 PM
^^
نورتي

عن التوجيهي ^^ بس انتي ذكرتي عده صفوف

استمري ياعسل

هلا فتاة، تسلميلي!

بس مهو انا بعرفش شو بالزبط بتقصدوا بالتوجيهي..

هل هو مرحلة بحالها (يعني المرحلة الثانوية: صف 10 و11 و12)..

والا امتحانات التوجيهي وفترتها..

والا اخر سنة بالثانوية يلي هي صف 12..


بس عكل حال.. كل الطرق تؤدي الى روما، والصفوف اللي حكيت عنها كتييييييير مرتبطة ببعض وبامتحانات التوجيهي.. لانه التعليم اصلا بكون فيها على اساس امتحانات التوجيهي وشو رح يدخل مواد فيو وشو رح ينشال مواد تانية من المنهاج...

والله هيك الوضع عنا... بعرفش كيف بالزبط عندكو!


هياني رح استمر يا قمر!
لالا-فلسطين 48
04-26-2010, 10:23 PM
حلو كتيير

متآبعه ^^


هلا جارة وين هالغيييييييييييبة!


اهلا فيكي......
لالا-فلسطين 48
04-26-2010, 10:25 PM
اخخخخخخخخ

تعبت وانا بقرأ

رح علئ على حكيك بس تخلصي

نورتي


:(

خلص بطلت اكمل :(

اوكي علقي قد ما بدك... بكييييييييف :)

نورك!
لالا-فلسطين 48
04-26-2010, 10:25 PM
* ما بعد التوجيهي *


بماذا كنت تحلم ان تدرس؟؟!

بصراحة كنت حابة ادرس سمع ونطق (إعاقة في الاتصال) او علاج في التشغيل... يعني موضوع علاجي اكتر..


هل كان المعدل بيسمح لدخول هالتخصص؟؟!

معدل البجروت يمكن كان بسمح بس في أشياء تانية انحطت عقبات قدامي وما بتسمح ويمكن اجا الوقت اللي ما بعرفها يطلع عليها:

زي ما هو معروف الجامعات الاسرائيلية بتحط شروط قبول صعبة.. بدناش نحكي انه الشغلة عنصرية بحت، بس احد اهم اهدافها هو هو تقليل نسبة الطلاب العرب الفلسطينيين في الجامعات وخصوصا المواضيع الماشية واللي على مستوى...

واحدى الطرق لذلك انها عملت تحديد جيل لاهم المواضيع اللي في الها التفات، يعني الطب وكل اشي علاجيّ، الصيدلة، المختبرات... احد شروط القبول لالها جيل 20 سنة..

يعني ازا انت ازغر من 20 سنة مستحيل تفوت عالتخصص.. طبعا الاسباب واضحة، لانو العرب بس يخلصوا صف 12 وثانوية طوالي بتجهوا للتعليم والجامعات وهالنسبة آخذة بالازدياد، اما الطالب اليهودي بخلص تانوية وبروح يخدم بالجيش وبدو سنتين تلات تا يخلص وتا يبا يفكر بالتعليم، الله اعلم وينتا..

فكان الحل الانسب هو تحديد جيل الدخول لبعض التخصصات، والتخصصات اللي انا كنت ناويها عليها تحديد جيل.. ولما انا خلصت صف 12 وقعدت سنة حسيت انه صعب كتييييييير اقعد (استريح) كمان سنة واضيعها من عمري!


أما الطريقة الثانية وهي انه في امتحان بسيخومتري او سيكومتري، امتحان القياس النفسي كشرط للقبول للجامعات ويتم دمج علامة البسيخومتري مع علامة البجروت والعلامة الملائمة هاي تعتبر حد القبول لأي تخصص...

بديش احكي انه الامتحان عنصري كمان واشيل المسؤولية عن انفسنا نهائيا، بس كمان لا يخلو من العنصرية المتمثلة باحضار اسئلة الامتحان بالنسخة العربية متجمة ترجمة عن الامتحان بالنسخة العبرية، واكيد بتعرفوا انه شغل الترجمة ولا مرة بوصل للهدف المطلوب وبكونش متقن كمان... شغلة تانية كتير من اسئلة البسيخومتري بتناسب البيئة اليهودية ولا تناسب وغير موجودة اصلا في البيئة العربية، والاشي الاخير انه في المدارس اليهودية من جيل زغير ببلشوا يعلموا مهارات التفكير المطلوبة بامتحان البسيخومتري بينما بالمدارس العربية بتعرفوش عليها اللهم انه الطالب العربي بآخر تعليمه الثانوي او بعد الثانوية بدخل دورة تحضير للبسيخومتري لمدة شهرين.. وهالدورة شو بدها تلقي تا تلقي... في اسباب تانية بس هاي اهمها!



طبعا مع انو العلامة اللي جبتها بالبسيخومتري مش شنعة كتير وهالعلامة مدموجة مع علامة البجروت فوتتني "مسار الممتازين" في الكلية اللي بتعلم فيها حاليا!

بس كان المفروض وكمان كان ممكن اجيب اعلى.. بس ازا اصريت عنفس الموضوع اللي كنت بدي اياه بالاول لازمني اقعد كمان سنة واعيد كمان بسيخومتري، اللي ازا بدي اعيده كمان لازم اقعد كمان سنة لانه الموعد التالي كان بعد بداية السنة الدراسية!


(حاسة حالي حاملة قضية الشرق الاوسط.. تخنتها ما؟!...

بس هالحكي ازا ما حكيته بهالمجال مش رح احكيه بمجال تاني!!!....)



هل حصلت معك معوقات لدخول الجامعة؟؟!

المعوقات مفصلة (تفصيلا شبه مملا) اعلاه!


* * * * *


* الجامعة *


شو تخصصك الحالي؟؟!

تربية خاصة وكمان لغة عربية


مقتنع/ـة في دراستوا؟؟!

مش كتيييييير


مبسوط/ـة في؟؟!

التعليم والدراسة شو ما كان نوعه وبالرغم من كل الضغط والمعاناة اللي منعيشها، بس بضله حلو!!!

وصح اني على ابواب التخرج وشاعرة بضغط كبييير.. بس بيني وبين حالي بحس انه في نوع من المتعة بالتعليم اللي مش ممكن نلقاها بمحل تاني ولو يستمر هالاشي!


احكيلنا شوي عن حياة الجامعة؟؟!

حياة ضِغطة وبترفع التوتر... بس بشوف مرات انه الضغط هو سبيل للكشف عن خبايا ومكنونات الانسان.. فقد يبدع على غير علم منه... وبالطرف التاني في ناس ما بتعرف تشتغل بالضغط وبصيروا يخبصوا...

بس كمان شغلة مهمة بالنسبة للعلاقة بين الطلاب، بايام الضغط الجدية بسنة تانية كان الواحد مش طايق حاله فكتير توترت العلاقات بينا كزملاء.. بس بالاخر كل اشي بيهدى.. اما في حالات تانية كان بالعكس الضغط يقربنا من بعض ونحس انا ايد وحدة وايد على ايد رحمة!


يمكن طول الوقت بحكي عن التوتر والضغط لانو باخر الفصل (يلي هي الفترة هاي) كتير منعيش هالحالة.. خصوصا مع اقتراب مشار يع التخرج (الاسبوع الجاي والتحضير لالها هالاسبوع)...

بس يمكن لو اتيحت الفرصة احكي بأول الفصل رح احكي قديش منعيش حياة فرفشة ومرح خصوصا لما نلتقي عوجبة الاكل ان كان بالكفتيريا او عند ابو البيتسا (بنفع اعمله دعاية، خليه بلكي صار يمشيني ببلاش- ههههههه)...

في اللي زميلات فاقعات من مرة.. مؤخرا اكتشفت المنفة تبعتهن، وهي انهن اضفين جو حلو طول هالـ3 سنين...

وكانت تظهر مواهبهن بالرحلات اشي مش طبيعي! :)


جو الجامعة اللي بتدرسوا فيها مريح؟؟!

مريح الى حد ما.. بس في شغلات لو تتغير رح يكون اريح


شو التغيرات اللي صارت معك بعد دخول الجامعة؟؟!

كتييير تغيرات اكتر اشي بشخصيتي..

حسب فلسفتي الخاصة بشوف انه شخصيتي يتم بلورتها وصقلها منذ ولدت، ان لم يكن من قبل.. من خلال عملية تراكمية!!!

وبفترة تعليمي بشوف انه كان الها حيز كبير في صقل شخصيتي، بدءا من نظرتي للاشياء، ثقتي بنفسي، ثقافتي صارت اوسع شوي شوي، لغتي والمصطلحات اللي بحكيها، جرأتي، عدم تبعيتي واتكاليتي...

يمكن بكل الجوانب اللي زكرتها صار تغير زغير، بس ازا هالتغيرات الزغيرة اجتمعت مع بعضها بتشكل اشي عظيم!!!


* * * * *


هيك أنا بنهي المشوار...

وبتمنى اني كنت خفيفة عليكو وانبسطتوا باستضافتي زي ما انبسطت فيكو...


تحياتي..
لالا-فلسطين 48.
sofy
04-26-2010, 10:45 PM
يللا وانا بغني معك ازا بدك... يللا انبلش...

ست صوفيا انت بالزات تحكيش عن الرغي، لانو بتخيلش في حدا ارغى منك مش بس بالمنتدى بالكون كله- ههههههههه :)


تسلمي يا حلوة..

خليكي متابعة ايتها المثابرة!

يلا على الإيـــــــقاع يا بنتي ..
بس صدئيني أنـــــا ..مو رغاية ههههه بس بتهيألكم .. هههههههه عاد أنـــــــا هادية وحكياتي يادوووب
بس هووون على المنتدى الله وكيــــــــلك ..هههه مافي حدا بسبئني ..:ShababSmile221:

يعطيكي العافية يا ئمـــــــــر ..

لا لا لا لا لا لا لا لا لا لا لا لا ..نلعب ..ههههههه
بتعجبني ..ههههههه

نــــــــــايس إستمتعت وأنا أقرأ .. ويآكي

ضلك هيك شطووورة ..عطوووووول متلي صلاة النبي ..تعلمي مني ..هههههه

عسل يا لا لا لا لا لا ... إنفنتي ..
همسة العشاق~
04-26-2010, 10:57 PM
متابعة ^^
أبومجاهد
04-27-2010, 02:20 AM
الله يكون في عونكو مضايقين عليكو في كل شي

هالصهاينة حسبي الله عليهم ،،

بس بجد برضو الله يعنيك والله بتتعبي وانتي بتكتبي ..

وثانويتك كانت ممتعة كتيـــر اخت لالا ،،،

و يعطيكي الف العافية >> نواااقيييص :p
أبومجاهد
04-27-2010, 02:21 AM
الذين يشاهدون محتوى الموضوع الآن : 4 ( الأعضاء 4 والزوار 0)

‏أبومجاهد (http://shabab.ps/vb/member.php?u=189)*, ‏لالا-فلسطين 48 (http://shabab.ps/vb/member.php?u=22148), ‏حـــــ المسك ـــــامل (http://shabab.ps/vb/member.php?u=25687), ‏~][وحيدة كالقمر][~ (http://shabab.ps/vb/member.php?u=25539)

منــورين المنطقــة والله .. ^^
لالا-فلسطين 48
04-27-2010, 06:41 AM
متابعة ^^


هلا همسة منورة بعد غياب...

أما عني أنا فخلصت:)
لالا-فلسطين 48
04-27-2010, 06:45 AM
الله يكون في عونكو مضايقين عليكو في كل شي

هالصهاينة حسبي الله عليهم ،،

بس بجد برضو الله يعنيك والله بتتعبي وانتي بتكتبي ..

وثانويتك كانت ممتعة كتيـــر اخت لالا ،،،

و يعطيكي الف العافية >> نواااقيييص :p







هلا أبو مجاهد.. بس الله اللي بعينّا وبعينكو...

وبالنسبة للكتابة، انا بحسش عحالي وانا اكتب... ببدا اكتب وبخلص الفكرة اللي براسي باسترسال... وبعدين لما اخلص نهائي بتطلع اشوف شو مع حجمها...

ومشان في نفس متواصل بالكتابة بالمرة بتعبش... بتعب في حالة اني معبرتش عن الاشي زي ما لازم وماظهرتوش!


وتسلم والله يعافيك...

هاد نورك اللي طاغي عالمنطقة... بس اهم اشي متمسكش عليّ النواااااااقيييص :)
§عاشقة غزة§
04-27-2010, 08:47 AM
لا لا فلسطين
الله يوفقك يا رب
منورة
فلسطينيه والراس مرفوع
04-27-2010, 12:13 PM
فعلا مدايقين عليكم بكلشي ..

حلوة ثانويتك لالا حبيبتي

:ShababSmile116:
لالا-فلسطين 48
04-27-2010, 03:51 PM
لا لا فلسطين
الله يوفقك يا رب
منورة


الله يخليكي عاشقة..

نورك يا قمر :)
لالا-فلسطين 48
04-27-2010, 03:58 PM
فعلا مدايقين عليكم بكلشي ..

حلوة ثانويتك لالا حبيبتي

:shababsmile116:

هلا فلسطينية..

يا ستي الله بعين...

تسلميلي عيونك الحلوة :)
الفتاة المشرقة
04-28-2010, 05:35 PM
بوركتي اختي

جد الله يعينكم ..

بس مرحله وعدت وانتي ما شاء الله عنك متفوقه ..

تخصصك الي كنتي بدك اياه يكون علاجي اكتر اتوقع متل العلاج الوظيفي ..لانو كتير من اهل الداخل بدرسوا عنا هيك شي
هو تخصص حلو كتير وكمان العلاج الطبيعي احلى :)

والله يوفقك

نورتي
لالا-فلسطين 48
04-28-2010, 09:08 PM
بوركتي اختي

جد الله يعينكم ..

بس مرحله وعدت وانتي ما شاء الله عنك متفوقه ..

تخصصك الي كنتي بدك اياه يكون علاجي اكتر اتوقع متل العلاج الوظيفي ..لانو كتير من اهل الداخل بدرسوا عنا هيك شي
هو تخصص حلو كتير وكمان العلاج الطبيعي احلى :)

والله يوفقك

نورتي




تسلمي فتاة... الله يبارك بعمرك...

والله يعينا ويعينكو معنا!!!


صحيح انه هالمواضيع العلاجية حلوة وانا كتييير بميل لالها.......

ولانو في عليها توجهات وطلب فكتيييييير من عرب الداخل اللي بكونوا حابين يتخصصوا فيها بالجامعات الاسرائيلية وما بصحلهم، بطلعوا يدرسوها برا دولة اسرائيل ان كان بامريكا او اوروبا.. واكتر اكتر اشي بالاردن وكمان بجامعات بالضفة زي الجامعة الامريكية بجنين........


بس عندكو وين قصدك بالزبط فتاة؟!


ويسلموووووو يا قمر!
الفتاة المشرقة
04-28-2010, 10:19 PM
صحيح انه هالمواضيع العلاجية حلوة وانا كتييير بميل لالها.......

ولانو في عليها توجهات وطلب فكتيييييير من عرب الداخل اللي بكونوا حابين يتخصصوا فيها بالجامعات الاسرائيلية وما بصحلهم، بطلعوا يدرسوها برا دولة اسرائيل ان كان بامريكا او اوروبا.. واكتر اكتر اشي بالاردن وكمان بجامعات بالضفة زي الجامعة الامريكية بجنين........


بس عندكو وين قصدك بالزبط فتاة؟!


ويسلموووووو يا قمر!






اهاا بالزبط كلامك

عنا يعني الجامعه العربيه الامريكيه-جنين

:)
امتزاج ..!
04-29-2010, 01:00 AM
الله يعينكم عنجد يا هديل ..
ويفرجها يارب ويقلعهم من كل الأرض ,,
بس والله استمتعت جداً وانا بقرأ تجربتك مع الدراسة ,,
أسلوبك خطير ممتع سلس يا بنت
لدرجة بدي احكيلك
لا توقفي
لا توقفي ..
لا توقفي ^^
الله يوفقك يا عسل ويبارك بعقلك وعلمك ودينك وينفعك وينفعنا فيهم يآرب ..


مها ربي يسلمك ع هالموضوع الفللي ^^
الله يسعدكـ
الفتاة المشرقة
04-29-2010, 09:50 AM
نختار الاخت

امتزاج ..

^^
لالا-فلسطين 48
04-29-2010, 11:12 AM
اهاا بالزبط كلامك

عنا يعني الجامعه العربيه الامريكيه-جنين

:)

اه يعني انتي بتدرسي هنااااك.......

والله بصراحة اتفاجأت لما عرفت انه ناس كتييييييير حوَلَيّ بروحوا يتعلموا بجنين..... ابن جيراننا وصاحباتي.. وكتيييييير... ابقي سلميلي عليهم :)

وبحكوا انو التعليم هناك كتيييييير قوي ولما يرجعوا عبلادهم اسرائيل بتعترف بالالقاب والشهادات من هالجامعات اكتر من اي جامعات تانية.........

بس في اشياء كانت مش مريحة لعرب الداخل انهم يدرسوا هناك وبتسببلهم كتير غلبة وهي كترة الحواجز ولما مرات يعملوا "سيجر" ومنع تجول بكون صعب عليهم يوصلوا لهناك.... اما انا من ناحيتي بحكيلهم خلينا كمان نذوق شوي من المعاناة اللي بعيشها شعبنا خارج الـ48..........


وبالرغم من انه مش موضوعنا هون فتاة، بس مغدرتش اسكت..... واخبرك بخبر خليه سكووووب لالك.....


بعرفش ازا رح بعنيلك اشي هالخبر...... انه رح يفتحوا عنا بالكلية فرع للجامعة الامريكية بجنين.....

كليتنا هي "أكاديمية القاسمي" في مدينة باقة الغربية......... ازا بتسمعي عن هيك اشي!


الله يوفقك فتاة دنيا وآخرة..........

وبانتظار امتزاج وتجربتها الثانوية :)
لالا-فلسطين 48
04-29-2010, 11:19 AM
الله يعينكم عنجد يا هديل ..
ويفرجها يارب ويقلعهم من كل الأرض ,,
بس والله استمتعت جداً وانا بقرأ تجربتك مع الدراسة ,,
أسلوبك خطير ممتع سلس يا بنت
لدرجة بدي احكيلك
لا توقفي
لا توقفي ..
لا توقفي ^^
الله يوفقك يا عسل ويبارك بعقلك وعلمك ودينك وينفعك وينفعنا فيهم يآرب ..


مها ربي يسلمك ع هالموضوع الفللي ^^
الله يسعدكـ



تسلميلي امتزاجووووووو.........

الله بفرجها :)

لهدرجة اسلوبي خطير... خجلتيني:)


الله يوفقك ويوفقنا ويبارك فيكي.......

تسلمي يا عسل بشكرك كتيييييييير!!


يللا هسا انتي اجا دورك تكشفيلنا عن مغامراتك!
شهيد
04-29-2010, 11:26 AM
امتزاج :)

متابع ^^
شهيد
04-29-2010, 11:26 AM
امتزاج :)

متابع ^^
الفتاة المشرقة
04-29-2010, 12:09 PM
اه يعني انتي بتدرسي هنااااك.......

والله بصراحة اتفاجأت لما عرفت انه ناس كتييييييير حوَلَيّ بروحوا يتعلموا بجنين..... ابن جيراننا وصاحباتي.. وكتيييييير... ابقي سلميلي عليهم :)

وبحكوا انو التعليم هناك كتيييييير قوي ولما يرجعوا عبلادهم اسرائيل بتعترف بالالقاب والشهادات من هالجامعات اكتر من اي جامعات تانية.........

بس في اشياء كانت مش مريحة لعرب الداخل انهم يدرسوا هناك وبتسببلهم كتير غلبة وهي كترة الحواجز ولما مرات يعملوا "سيجر" ومنع تجول بكون صعب عليهم يوصلوا لهناك.... اما انا من ناحيتي بحكيلهم خلينا كمان نذوق شوي من المعاناة اللي بعيشها شعبنا خارج الـ48..........


وبالرغم من انه مش موضوعنا هون فتاة، بس مغدرتش اسكت..... واخبرك بخبر خليه سكووووب لالك.....


بعرفش ازا رح بعنيلك اشي هالخبر...... انه رح يفتحوا عنا بالكلية فرع للجامعة الامريكية بجنين.....

كليتنا هي "أكاديمية القاسمي" في مدينة باقة الغربية......... ازا بتسمعي عن هيك اشي!


الله يوفقك فتاة دنيا وآخرة..........

وبانتظار امتزاج وتجربتها الثانوية :)

اهاا صحيح نسبه كبير من عرب الداخل بدرسوا عنا

وقصتهم طويله لو بدنا نحكي عنها

بالنسبه للحواجز صحيح كتير بتغلبو ايام اعياد اليهود او لما يسكر الحاجز بس ماخدين سكنات

وخبر حلو انو رح ينفتح فرع للجامعه العربيه الامريكيه ..

الجامعه كل ما بالها بتكبر اكتر واكتر ..

باقه الغربيه ^^ والله ايام كنا نروح عيها :(

الله يوفقك يارب

<<<<<<< مشرفه وبتحكي ههه
امتزاج ..!
04-29-2010, 07:28 PM
نختار الاخت

امتزاج ..

^^




متأكدين أنكم حآبين تعرفو ثآنويتي :ShababSmile235:
هههههه
تسلمي فتفوتة ياقمر
ع الإختيار يلا يلا جايه جاوب :ShababSmile224:







تسلميلي امتزاجووووووو.........

الله بفرجها :)

لهدرجة اسلوبي خطير... خجلتيني:)


الله يوفقك ويوفقنا ويبارك فيكي.......

تسلمي يا عسل بشكرك كتيييييييير!!


يللا هسا انتي اجا دورك تكشفيلنا عن مغامراتك!


ربي يسلمك يا عسولة ~
ههههه والله جد أسلوبك بيجنن ماشاء الله
عنجد بحب أقرأ مشاركآتك بسم الله ماشاء الله :ShababSmile224:
ربي يحميكِ ويحفظك ,,
يلا خليكي معي وركزي بدي اسئلك بعد ما خلص من تجربتي
لشوف انتبهتي معاي والا لع :ShababSmile108:



امتزاج :)

متابع ^^


ركزوا منيح الله يرضى عليكم :ShababSmile221:
بتشرف والله يا شهيد =)
PaLeStiNe FlOwEr
04-29-2010, 10:25 PM
والله وانا استمتعت معك لا لا

والله يعينك يارب عنجد مغلبينكم كتييييييييير

والله الدراسة بكل مكان صعبة

ازا انتوا داخل وطنكم متغلبين شو نحكي احنا اللي خارج الوطن

يلا رح تعرفوا كل شي لما ورط حالي بس مو هالفترة لأنوا الوئت مزنوء عندي شوي


نورتي يا عسولة

وع ئولت امتزاج حكياتك حلوين

حتى الألفاظ اللي مستخدمة بتعجبني

وفي كتيييييييييير الفاظ ما بنستخدمها

فبحب أقرأها

الله يوفئك وتتخرجي على خير
لالا-فلسطين 48
04-30-2010, 03:57 AM
والله وانا استمتعت معك لا لا

والله يعينك يارب عنجد مغلبينكم كتييييييييير

والله الدراسة بكل مكان صعبة

ازا انتوا داخل وطنكم متغلبين شو نحكي احنا اللي خارج الوطن

يلا رح تعرفوا كل شي لما ورط حالي بس مو هالفترة لأنوا الوئت مزنوء عندي شوي


نورتي يا عسولة

وع ئولت امتزاج حكياتك حلوين

حتى الألفاظ اللي مستخدمة بتعجبني

وفي كتيييييييييير الفاظ ما بنستخدمها

فبحب أقرأها

الله يوفئك وتتخرجي على خير



هلا بلاستينووووووووووو.........

منورة :)

وين كنتي غايبة كل هالفترة...


والله اللي قرر يتخذ الدراسة سبيل لالو.. ذنبه عجنبه... بدو يتحمل ويكابد>> بس كمان بظل في الها حلاوتها ونكهتها الخاصة برغم كل متاعبها!!!!


وعفكرة قد ما نتغلب بالنسبة لالي نموووووووت وننذل داخل وطننا ولا نعيش ملوك خارج وطننا...

لانه بهالحالة المذلة بتكون عز وشموخ... ومش مذلة!


تسليميلي..

عيونك الحلوين...

وان شاء الله نتخرج عخير وبتميز كماااااااان!!!!!!!!

صحيح اني قربت اتخرج... كلهن اكمن شهر.........

بس رح أكمل لقب تاني مع بداية السنة الجديدة وهالمرة بجامعة تل-أبيب....... ادعولي بس!



وعفكرة انتظت تعليقك.... لانه زي ما حكتيلي قبل:

"عندي تعليق بس لتخلصي!"
PaLeStiNe FlOwEr
04-30-2010, 10:38 AM
هلا بلاستينووووووووووو.........

منورة :)

وين كنتي غايبة كل هالفترة...


والله اللي قرر يتخذ الدراسة سبيل لالو.. ذنبه عجنبه... بدو يتحمل ويكابد>> بس كمان بظل في الها حلاوتها ونكهتها الخاصة برغم كل متاعبها!!!!


وعفكرة قد ما نتغلب بالنسبة لالي نموووووووت وننذل داخل وطننا ولا نعيش ملوك خارج وطننا...

لانه بهالحالة المذلة بتكون عز وشموخ... ومش مذلة!


تسليميلي..

عيونك الحلوين...

وان شاء الله نتخرج عخير وبتميز كماااااااان!!!!!!!!

صحيح اني قربت اتخرج... كلهن اكمن شهر.........

بس رح أكمل لقب تاني مع بداية السنة الجديدة وهالمرة بجامعة تل-أبيب....... ادعولي بس!



وعفكرة انتظت تعليقك.... لانه زي ما حكتيلي قبل:

"عندي تعليق بس لتخلصي!"



معك حئ بكل اللي حاكتيه :ShababSmile240:

مهما نتعب عشان العلم هو اشي لازم بحياتنا

ومستحيل نعيش بدونوا

بالنسبة للجملة الأخرانية عنجد كان عندي تعليق وهو الي اخرني بالرد لأني نسيتوا :ShababSmile221:

كنت بدي ئول شي وأجلتها وهلأ يا ريتني ما اجلتوا للرد

عشان مو متزكرة شو كنت بدي احكي :ShababSmile235:


بالتوفيق يارب وبدنا الحلوان لما تتخرجي :ShababSmile116:
الطالب المجتهد
04-30-2010, 03:01 PM
بانتظار الأخت امتـــزاج
الفتاة المشرقة
04-30-2010, 03:25 PM
ننتظر الاخت امتزاج :)
PaLeStiNe FlOwEr
04-30-2010, 03:38 PM
امتزااااااااااااااجوا
امتزاج ..!
04-30-2010, 07:35 PM
السلام عليكم ورحمة الله ~

والله ثلاث مرات بكتب بكتب وبالنهاية يفصل الجهاز أو يصير شي يشغلني :ShababSmile235:
ع قولة حورية مش مصفية النية شكلي :ShababSmile221:


بسم الله نبدأ ~



شـو كـان اسم الـمـدرسـة؟؟!
الثانوية السابعة ~

شـو هــو الـتـخـصـص؟؟!
علمي ..

كـم كــانـت الـنـسـبـة؟؟!
90,45%

هـل هــاد كـان الـتـوقـع ولا لأ؟؟!
لا والله ~
قيآساً على مستواي من اول ابتدائي لحد ثاني ثانوي :ShababSmile221:
لا جد كنت شآدة حيلي بس شكلو على التوجيهي انقطع
هههههه

أعلى مــادة بالـدرجــات؟؟!
الأحياء , الحديث , الفقة كانو 100%

أقــل مــادة؟؟!
الفيزياء , مابحبها هي اللي خسفت بمعدلي خسف :ShababSmile108:
بفتكر اني جبت يمكن بالستينات

أكـتـر مـادة كـنـت تـحـبـهـــا / تـحـبـيهـــا؟؟!
الأحياء يالله قديش بعشقها ^^
كمان الكيمياء , الأدب بحب اقرأه بس مابحب اذاكره > حلوها عاد :ShababSmile221:
والإنجليزي يعني هو أن بتفصحن أني بحب هالمادة رغم إني مابتقنها :p

مادة ما بتحبها/يها؟؟!
الفيزياء
دمها ثقييييل :ShababSmile108:



* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!
والله بالثانوي الكل كان كفؤ وعلى قد المسؤولية ربي يرضى عليهن ..
بس بالمتوسط والإبتدائي كان فيه معلمتين رائعتين تأثيرهن علي كان واضح جداً ~

مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
والله كنت بحب الكل ~
بس بحترم جداً جداً معلمة الأحياء نجاح ..
متمكنة جداً من حالها والمادة الله يسعدها ..

مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
معلمة الرياضيات عصبيـــــه بس عصبيتها كوميدية كنت اكيف عليها
كانت من النوع اللي بدو كل الصف عبقري غصب
فبتفقد أعصابها وتزت حكي من نوعية : غبيآت , بفهم في حيط , الخ , الخ :ShababSmile221:
بس والله قلبها طيب ع طول بتعتذر مننا ربي يوفقها ~

أفضل مدرس/ـة بالشرح؟؟!
معلمة الأحياء + معلمة الرياضيات + معلمة الفيزياء
بس والله لو تجيبوا لي آنشتاين يشرح لي اشي بالفيزياء ماراح افهم عليه :ShababSmile108:

أسوأ مدرس بالشرح؟؟!
هههههه
معلمة الكيمياء الكل بيحكي
مابتفهم بس والله كنت ال بفهم عليها انا !!!

احكي لنا موقف حصل مع مدرس ان كان موقف سلبي ام ايجابي؟؟!
مع معلمة الأدب ..
كنت لسى طالبة اول ثانوي .. وكنت بسمع البنات يسموا معلمة الأدب [ زنبرك ]
ففكرت انو هذا اسمها !!
مره من المرات رحت اسألها عن الامتحانات فـ دخلت غرفة المعلمات وبكل ثقة الأرض
وين أبلا زنبرك ؟!!
وحده من المعلمات : مين ؟؟؟؟
قلت : زنبـــــــــــــــرك معلمة الأدب ..
شوي الا واشوفها ع جنب قاعده قلت وبإبتسامة خلابة : هـذي :ShababSmile221:
طبعاً هي كبرت رأسها وما حكت اشي ..
بس بعدين عرفت ان اسمها زينب والبنات الله يسامحهن يتريقوا عليها زنبرك !!


* مواقف *


موقف سيء حصل معك؟؟!
تلقيت خبر وفاة اولاد خالي الله يرحمهم وانا بالمدرسة .. :ShababSmile223:

موقف جميل غير نفسيتك للأفضل؟؟!
اختياري ضمن مجموعة طالبات لـ تمثيل المدرسة في مسابقاات المحافظة ~
طبعاً مافزنا هههههه بس يلا أهم شي اختارونا :ShababSmile221:

موقف محرج حصلك؟؟!
مره ضربت برآسي أنا وأختي نصبغ شعرنا لون مرعب مابعرف وين عقولنا وقتها [ أحمرررر فاقع :s ]
فعلاً صبغنا ورحنا اليوم الثاني ع المدرسة فرحانات بحالنا :ShababSmile221:
واحنا لسى بالطابور الصبآحي .. قامت المديرة ووقفت الطوابير ومسكت المايك وبأعلى صوت :ShababSmile223:
البنات اللي عاملات موضة الديك يطلعن :ShababSmile223:
ماشي اللون كان زي الديك بالزبط بس ماكان له داعي تهدمي شخصيتنا قدام الجماهير الغفيرة :ShababSmile223:
ههههههههه

موقف حزين؟؟!
أخر يوم بالمدرسة كان درامي :ShababSmile223:

هل مررت/ـي بصعوبات خلال مرحلة التوجيهي؟؟!
نوعاً ما ..
وطبيعي لأن فيه ضغط وجهد مضاعف ~



* الحالة النفسية *


الكثير يقولون أن مرحلة التوجيهي تؤثر على شخصية الطالب!! فكيف كان تأثيرها عليك؟؟ هل هو ايجابي ام سلبي؟؟!
والله سلبي وقتياً فقط , لأني كنت مهملة أكلي وصحتي ومضطربة جداً ~
ولكن ايجابي على المدى البعيد , لأنه أعطاني النواة الأولى لمواجهة صعوبات المستقبل

كيف كانت حالتك النفسية خلالها؟؟! هل كنت كثير الاضطراب والقلق؟؟!
جداً قلقة

هل كنت تشعر/ي انك غير ويجب ان يكون التعامل معك غير؟؟!
انا ماكنت اشعر اني غير بذآتي .. ولكن وضعي بهذيك الفترة مقارنة بأخواني كان غير


كيف كان تعامل الأهل معك؟؟!
ممتاز جداً والله , ربي يخليهم لي

من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!
لا الحمدلله من يومي قلبي حي وبدرس من حالي ولحالي :ShababSmile221:



* النتيجة *


شو كان شعورك لما بدأ العد التنازلي للإمتحانات النهائية؟؟!
توتر فضيع ~

ماذا حصل لكم بالتفصيل يوم النتائج!!

قبل النتيجة: كنت يومياً اراقب الجرايد والانترنت
النتيجة اتأخرت يمكن اسبوعين
انا وقتها خلص انتهيت فـ كنت أحكي ياااارب بس أني ناجحه !!

بعد النتيجة: بالأول انبسطت اني ارتحت ونجحت بس بعدين زعلت ع النسبة وصرت اتشرط :ShababSmile108:


كيف تلقيت النتيجة ومين خبرك اياها؟؟!
كانت الساعة 2 بالليل لما دخل أخوي وحكالي : مبروووك ناجحه تقديرك ممتاز
طبعاً ماصدقت بالبداية وصرت احكيلو ما اثقل دمك ماتمزح بهالموضوع قال والله العظيم ناجحه !!
نطيت برقبتو ونطنطت وصرخت وصحيت البيت كلو , بس بعدين لما عرفت النسبة كأن مي باردة انكبت علي :ShababSmile221:

شو كان شعورك وشعور أهلك ومن حولك؟؟!
اهلي فرحوا عشاني لأنهم شافوني جداً مضغوطة أيامها ~



* ما بعد التوجيهي *


بماذا كنت تحلم ان تدرس؟؟!
طب

هل كان المعدل بيسمح لدخول هالتخصص؟؟!
معدلي النصف الأول كان بيسمح بس واجهت احباطات وظروف معينة خلتني اتشتت وافقد تركيزي
وبالتالي جبت معدل منخفض ~

هل حصلت معك معوقات لدخول الجامعة؟؟!
نعم بس علها كانت خيره ..
سجلت بجامعة وفجأة انسحب رقمي الجامعي لصآلح وحده ثآنية !!
المهم بعدين سجلت بجامعتي اللي اتخرجت منها والحمدلله راضية جداً عن حالي



* الجامعة *


شو تخصصك الحالي؟؟!
أحياء

مقتنع/ـة في دراستوا؟؟!
جداً بحسو قريب نوعاً ما من رغبتي الأولى الطب ~
عدا عن أنو ممتع جداً جداً

مبسوط/ـة في؟؟!
الحمدلله كثير

احكيلنا شوي عن حياة الجامعة؟؟!
والله زيها زي أي جامعه محاضرات نظري , محاضرات عملي , تطبيق ميداني
طبعاً انا بطبيعتي بحب الشغل والحركة , فكنت بأوقات الفراغ
اشترك مع نشاطات الجامعة ولما وصلت مستوى رابع كنت مسؤولة عن اقامة نشاطات وتحضيرها ..
حياة الجامعة جد رائعة ومستحيل تتكرر ~

جو الجامعة اللي بتدرسوا فيها مريح؟؟!
كان فيه قوانين صارمة بالبداية ماكنت منسجمة معها بس مع الوقت اتعودت عليها

شو التغيرات اللي صارت معك بعد دخول الجامعة؟؟!
ثقتي بحالي وصلت لمستويات مرتفعة والحمدلله ..
صارت مهاراتي الاجتماعية جيده جداً .. احتكيت بنماذج مختلفة من البنات عرفت وقتها ان العالم مش وردي ابداً :ShababSmile221:
وأهم شي حصل ..
اتعرفت على صديقات من أروع الصديقات ربي يتم عليهن عقلهن ودينهن الغاليات :ShababSmile229:




الله عليكم !!
والله رجعتوني لتجربة بحن له كثير ~
تسلمي مهوش ع الموضوع الحلو والشكر موصول لفتفوتة اللي سمحت لي بهالفرصة


ان شاء الله ماكون طولت عليكم ^^

يلا انطلقووووا :ShababSmile221:
إيمـان
04-30-2010, 09:41 PM
هههههههه..حــلو كتر ثآنويتك..والله والله آنك عسل مصفى..

تسلميلي .مآزكآكي..والله يوفقك
*أحلى رتآآج*
04-30-2010, 10:27 PM
كتير حلوة..~

يعطيك العافية..~

متابعين..~


^^
PaLeStiNe FlOwEr
05-01-2010, 05:56 AM
السلام عليكم ورحمة الله ~

والله ثلاث مرات بكتب بكتب وبالنهاية يفصل الجهاز أو يصير شي يشغلني :shababsmile235:
ع قولة حورية مش مصفية النية شكلي :shababsmile221:


بسم الله نبدأ ~



شـو كـان اسم الـمـدرسـة؟؟!
الثانوية السابعة ~

شـو هــو الـتـخـصـص؟؟!
علمي ..

كـم كــانـت الـنـسـبـة؟؟!
90,45%

هـل هــاد كـان الـتـوقـع ولا لأ؟؟!
لا والله ~
قيآساً على مستواي من اول ابتدائي لحد ثاني ثانوي :shababsmile221:
لا جد كنت شآدة حيلي بس شكلو على التوجيهي انقطع
هههههه

أعلى مــادة بالـدرجــات؟؟!
الأحياء , الحديث , الفقة كانو 100%

أقــل مــادة؟؟!
الفيزياء , مابحبها هي اللي خسفت بمعدلي خسف :shababsmile108:
بفتكر اني جبت يمكن بالستينات

أكـتـر مـادة كـنـت تـحـبـهـــا / تـحـبـيهـــا؟؟!
الأحياء يالله قديش بعشقها ^^
كمان الكيمياء , الأدب بحب اقرأه بس مابحب اذاكره > حلوها عاد :shababsmile221:
والإنجليزي يعني هو أن بتفصحن أني بحب هالمادة رغم إني مابتقنها :p

مادة ما بتحبها/يها؟؟!
الفيزياء
دمها ثقييييل :shababsmile108:



* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!
والله بالثانوي الكل كان كفؤ وعلى قد المسؤولية ربي يرضى عليهن ..
بس بالمتوسط والإبتدائي كان فيه معلمتين رائعتين تأثيرهن علي كان واضح جداً ~

مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
والله كنت بحب الكل ~
بس بحترم جداً جداً معلمة الأحياء نجاح ..
متمكنة جداً من حالها والمادة الله يسعدها ..

مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
معلمة الرياضيات عصبيـــــه بس عصبيتها كوميدية كنت اكيف عليها
كانت من النوع اللي بدو كل الصف عبقري غصب
فبتفقد أعصابها وتزت حكي من نوعية : غبيآت , بفهم في حيط , الخ , الخ :shababsmile221:
بس والله قلبها طيب ع طول بتعتذر مننا ربي يوفقها ~

أفضل مدرس/ـة بالشرح؟؟!
معلمة الأحياء + معلمة الرياضيات + معلمة الفيزياء
بس والله لو تجيبوا لي آنشتاين يشرح لي اشي بالفيزياء ماراح افهم عليه :shababsmile108:

أسوأ مدرس بالشرح؟؟!
هههههه
معلمة الكيمياء الكل بيحكي
مابتفهم بس والله كنت ال بفهم عليها انا !!!

احكي لنا موقف حصل مع مدرس ان كان موقف سلبي ام ايجابي؟؟!
مع معلمة الأدب ..
كنت لسى طالبة اول ثانوي .. وكنت بسمع البنات يسموا معلمة الأدب [ زنبرك ]
ففكرت انو هذا اسمها !!
مره من المرات رحت اسألها عن الامتحانات فـ دخلت غرفة المعلمات وبكل ثقة الأرض
وين أبلا زنبرك ؟!!
وحده من المعلمات : مين ؟؟؟؟
قلت : زنبـــــــــــــــرك معلمة الأدب ..
شوي الا واشوفها ع جنب قاعده قلت وبإبتسامة خلابة : هـذي :shababsmile221:
طبعاً هي كبرت رأسها وما حكت اشي ..
بس بعدين عرفت ان اسمها زينب والبنات الله يسامحهن يتريقوا عليها زنبرك !!


* مواقف *


موقف سيء حصل معك؟؟!
تلقيت خبر وفاة اولاد خالي الله يرحمهم وانا بالمدرسة .. :shababsmile223:

موقف جميل غير نفسيتك للأفضل؟؟!
اختياري ضمن مجموعة طالبات لـ تمثيل المدرسة في مسابقاات المحافظة ~
طبعاً مافزنا هههههه بس يلا أهم شي اختارونا :shababsmile221:

موقف محرج حصلك؟؟!
مره ضربت برآسي أنا وأختي نصبغ شعرنا لون مرعب مابعرف وين عقولنا وقتها [ أحمرررر فاقع :s ]
فعلاً صبغنا ورحنا اليوم الثاني ع المدرسة فرحانات بحالنا :shababsmile221:
واحنا لسى بالطابور الصبآحي .. قامت المديرة ووقفت الطوابير ومسكت المايك وبأعلى صوت :shababsmile223:
البنات اللي عاملات موضة الديك يطلعن :shababsmile223:
ماشي اللون كان زي الديك بالزبط بس ماكان له داعي تهدمي شخصيتنا قدام الجماهير الغفيرة :shababsmile223:
ههههههههه

موقف حزين؟؟!
أخر يوم بالمدرسة كان درامي :shababsmile223:

هل مررت/ـي بصعوبات خلال مرحلة التوجيهي؟؟!
نوعاً ما ..
وطبيعي لأن فيه ضغط وجهد مضاعف ~



* الحالة النفسية *


الكثير يقولون أن مرحلة التوجيهي تؤثر على شخصية الطالب!! فكيف كان تأثيرها عليك؟؟ هل هو ايجابي ام سلبي؟؟!
والله سلبي وقتياً فقط , لأني كنت مهملة أكلي وصحتي ومضطربة جداً ~
ولكن ايجابي على المدى البعيد , لأنه أعطاني النواة الأولى لمواجهة صعوبات المستقبل

كيف كانت حالتك النفسية خلالها؟؟! هل كنت كثير الاضطراب والقلق؟؟!
جداً قلقة

هل كنت تشعر/ي انك غير ويجب ان يكون التعامل معك غير؟؟!
انا ماكنت اشعر اني غير بذآتي .. ولكن وضعي بهذيك الفترة مقارنة بأخواني كان غير


كيف كان تعامل الأهل معك؟؟!
ممتاز جداً والله , ربي يخليهم لي

من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!
لا الحمدلله من يومي قلبي حي وبدرس من حالي ولحالي :shababsmile221:



* النتيجة *


شو كان شعورك لما بدأ العد التنازلي للإمتحانات النهائية؟؟!
توتر فضيع ~

ماذا حصل لكم بالتفصيل يوم النتائج!!

قبل النتيجة: كنت يومياً اراقب الجرايد والانترنت
النتيجة اتأخرت يمكن اسبوعين
انا وقتها خلص انتهيت فـ كنت أحكي ياااارب بس أني ناجحه !!

بعد النتيجة: بالأول انبسطت اني ارتحت ونجحت بس بعدين زعلت ع النسبة وصرت اتشرط :shababsmile108:


كيف تلقيت النتيجة ومين خبرك اياها؟؟!
كانت الساعة 2 بالليل لما دخل أخوي وحكالي : مبروووك ناجحه تقديرك ممتاز
طبعاً ماصدقت بالبداية وصرت احكيلو ما اثقل دمك ماتمزح بهالموضوع قال والله العظيم ناجحه !!
نطيت برقبتو ونطنطت وصرخت وصحيت البيت كلو , بس بعدين لما عرفت النسبة كأن مي باردة انكبت علي :shababsmile221:

شو كان شعورك وشعور أهلك ومن حولك؟؟!
اهلي فرحوا عشاني لأنهم شافوني جداً مضغوطة أيامها ~



* ما بعد التوجيهي *


بماذا كنت تحلم ان تدرس؟؟!
طب

هل كان المعدل بيسمح لدخول هالتخصص؟؟!
معدلي النصف الأول كان بيسمح بس واجهت احباطات وظروف معينة خلتني اتشتت وافقد تركيزي
وبالتالي جبت معدل منخفض ~

هل حصلت معك معوقات لدخول الجامعة؟؟!
نعم بس علها كانت خيره ..
سجلت بجامعة وفجأة انسحب رقمي الجامعي لصآلح وحده ثآنية !!
المهم بعدين سجلت بجامعتي اللي اتخرجت منها والحمدلله راضية جداً عن حالي



* الجامعة *


شو تخصصك الحالي؟؟!
أحياء

مقتنع/ـة في دراستوا؟؟!
جداً بحسو قريب نوعاً ما من رغبتي الأولى الطب ~
عدا عن أنو ممتع جداً جداً

مبسوط/ـة في؟؟!
الحمدلله كثير

احكيلنا شوي عن حياة الجامعة؟؟!
والله زيها زي أي جامعه محاضرات نظري , محاضرات عملي , تطبيق ميداني
طبعاً انا بطبيعتي بحب الشغل والحركة , فكنت بأوقات الفراغ
اشترك مع نشاطات الجامعة ولما وصلت مستوى رابع كنت مسؤولة عن اقامة نشاطات وتحضيرها ..
حياة الجامعة جد رائعة ومستحيل تتكرر ~

جو الجامعة اللي بتدرسوا فيها مريح؟؟!
كان فيه قوانين صارمة بالبداية ماكنت منسجمة معها بس مع الوقت اتعودت عليها

شو التغيرات اللي صارت معك بعد دخول الجامعة؟؟!
ثقتي بحالي وصلت لمستويات مرتفعة والحمدلله ..
صارت مهاراتي الاجتماعية جيده جداً .. احتكيت بنماذج مختلفة من البنات عرفت وقتها ان العالم مش وردي ابداً :shababsmile221:
وأهم شي حصل ..
اتعرفت على صديقات من أروع الصديقات ربي يتم عليهن عقلهن ودينهن الغاليات :shababsmile229:




الله عليكم !!
والله رجعتوني لتجربة بحن له كثير ~
تسلمي مهوش ع الموضوع الحلو والشكر موصول لفتفوتة اللي سمحت لي بهالفرصة


ان شاء الله ماكون طولت عليكم ^^

يلا انطلقووووا :shababsmile221:


هلا امتزاج

نورتي

استمتعت بالقراءة, حكياتك بتدل على انك هااادية

الله يوفئك

والله الأحياء حلو كتييييييير كان من ضمن المواد الي ببالي

بسببوا حبيت ادرس هندسة وراثية بس مو متواجدة عنا

انتي تخرجتي ولا لسة؟؟
لالا-فلسطين 48
05-02-2010, 01:00 PM
امتزاج..

تجاربك فريدة من نوعها...

والله ضحكتيني كتييير وانا بنص الضغط والعصبية.....

قلتيلي "زمبرك" اه؟!...

الله يجبرك.. بحكولك "زمبرك" وانتي مصدقة..


بس بالنسبة "لموضة الديك"، فبحكيلك خرجك!

يعني ضرورة تتزعرني بالمدرسة.. استني بس لتخلصي...

بس يا حرام .. انهدمت شخصيتها قدام الجماهير الغفيرة :) هههههه


بس كل احترام لالك انك كملتي بيولوجيا لاني هالموضوع كنت كتييييير بحبو ايام التانوية...

وفي البداية سجلتلو للجامعة ومع انه تمت اجراءات القبول بس غيرت عموضوع تاني!!!!



ثانويتك مشحونة بالمغامرات اللذيذة والممتعة :)

الاشي اللي بخليها احلى الذكريات...


موفقة يا رب....


شفتي اني ركزت معك!
الفتاة المشرقة
05-03-2010, 08:40 PM
ما شاء الله عنك اختي امتزاج

موفقه في حياتك ان شاء الله


نختار الاخ حسام المصري ..
PaLeStiNe FlOwEr
05-03-2010, 09:29 PM
حسام جاوب..~
حسام المصرى
05-03-2010, 11:00 PM
انا اشتركت فى الموضوع ده قبل كده ..

ياريت تختاروا حد تانى
الفتاة المشرقة
05-04-2010, 05:19 PM
: )

حياك الله اخي حسام

نختار الاخت دموع الرحيل ^^
امتزاج ..!
05-04-2010, 06:41 PM
هههههههه..حــلو كتر ثآنويتك..والله والله آنك عسل مصفى..

تسلميلي .مآزكآكي..والله يوفقك

ياحبيبتي أنتِ :ShababSmile109:
ربي يسعدكـ أي والله أحلى آشي مرحلة الدرآسة
آستمتعي فيها يا عسل ^^
نوووورتي والله


كتير حلوة..~

يعطيك العافية..~

متابعين..~


^^

أهلين رتوجة منوره حبيبتي
تسلمي ع المرور الحلو

هلا امتزاج

نورتي

استمتعت بالقراءة, حكياتك بتدل على انك هااادية

الله يوفئك

والله الأحياء حلو كتييييييير كان من ضمن المواد الي ببالي

بسببوا حبيت ادرس هندسة وراثية بس مو متواجدة عنا

انتي تخرجتي ولا لسة؟؟

ههههه والله يا مهوش كنت هآديه وشطورة
بس مرآت يضرب عرق الهدوء برآسي :ShababSmile237:
ربي يوفقك كمان يا قمر ..
والأحياء رآئع جداً وممتع
وبالنسبة للهندسة الوراثية يعتبر من أصعب فروع الأحياء وآكثرها تطور =)
أنا اتخرجت صرلي 3 سنين تقريباً ^^

مهوووش يا سكر نورتي قد الدنيا :ShababSmile109:

امتزاج..

تجاربك فريدة من نوعها...

والله ضحكتيني كتييير وانا بنص الضغط والعصبية.....

قلتيلي "زمبرك" اه؟!...

الله يجبرك.. بحكولك "زمبرك" وانتي مصدقة..


بس بالنسبة "لموضة الديك"، فبحكيلك خرجك!

يعني ضرورة تتزعرني بالمدرسة.. استني بس لتخلصي...

بس يا حرام .. انهدمت شخصيتها قدام الجماهير الغفيرة :) هههههه


بس كل احترام لالك انك كملتي بيولوجيا لاني هالموضوع كنت كتييييير بحبو ايام التانوية...

وفي البداية سجلتلو للجامعة ومع انه تمت اجراءات القبول بس غيرت عموضوع تاني!!!!



ثانويتك مشحونة بالمغامرات اللذيذة والممتعة :)

الاشي اللي بخليها احلى الذكريات...


موفقة يا رب....


شفتي اني ركزت معك!

هههههههههه
ربي يسعدكـ ياهديل والله ردكـ ضحكني وانبسطت فيه كثير ..
بعدين بآين والله إنكـ شطورة بتركزي منيح يا بنت :ShababSmile116:
والله زنبرك كنت بأول ثآنوي ولسى مافتحت عيوني ع الدنيا كلمة تجيبني وكلمة توديني هههههه
بعدين بيني وبينك توبة أكرر موضة الديكـ خلص طلعت من نفسي :ShababSmile108:
فعلاً مرحلة الدراسة كانت ممتازة بالنسبة لي ولو حدا بيخيرني بين الشغل أو الدراسة رح آختار أدرس طبعاً ^^
ربي يسعدك لولتي والله بفكر أعمل رابطة محبي بيولوجيا !!!
نووورتي نووورتي نوووورتي و بالثلاث !!

ما شاء الله عنك اختي امتزاج

موفقه في حياتك ان شاء الله


نختار الاخ حسام المصري ..



الله رضا عليكِ فتفوتة يا قمر ..
ويوفقك حبيبتي ~



يلا كلنا مع دموعتي وأكيد رح تكون تجربة مميزة :ShababSmile116:
ربي يسعدها ^^
.:.!دموع الرحيل!.:.
05-04-2010, 06:46 PM
تسلمـي حبيبة قلبـي ع الإختيآر :ShababSmile224:

هيـنـي معكم ~



شـو كـان اسم الـمـدرسـة؟؟!

طبعا المدرسة ما رح أحكي عن الإبتدآئي .. كآنت دراستي بمدرسة خآصة

مدرسة الإخآء الوطنيـة

اما الدراسة المتوسطـة لحد التاسع

بـ ثانوية عمـر فروخ للبنـات ..

والثانوية كآنت معهد شـرعي ..


شـو هــو الـتـخـصـص؟؟!

كـل شي طبعآ ..

مى كـان في خيارات ..




كـم كــانـت الـنـسـبـة؟؟!


من التآسع مش متذكرة بس يا دوب نجحـت

كنت مش طايقه المدرسة أساسا :ShababSmile248:

كـنـت مآ أحضر .. مدري كيف دب فيني النشآط

أخر الشهـر طلعوآ عيوني عن 8 اشهـر :ShababSmile108:

والحمدلله ربنآ ستر ومشي الحال بالشهادة الرسمية

والناس انصدمـت وأولهن أهلي

بابا يحكي هاي كيف نجحـت ما درست إلا أخر شهر :ShababSmile225:

بس شو شهـر كنت ما أنام يا لطيف
:ShababSmile108:

يلا هاي عقاب الي بهمـل بالسنة الدرآسيـة ..

طبعا ايامهآ كـانت عمري تقريبا 14 ...

اما من الثانوية ..

كـانت معهد شرعـي ..

تآبع للمدرسة الي درسـت فيها أنا وصغيره ..

وتخرجـت بتقدير جيدجدآ ..

الحمدلله

كنت حاب الاختصاص .. وكنت أدرس من كل قلبي








هـل هــاد كـان الـتـوقـع ولا لأ؟؟!


الحمدلله .. علامآتي كـانت ممتآزة ..

كـنـت حآبة أجيبها الأولى عالصف

بس جبتها التالتـة ..

بس يعني الحمدلله ،، العلآمات والتقدير لآ بأس فيهم


أعلى مــادة بالـدرجــات؟؟!


القرآن ... كـان 100 منـ 100 ..

بفضل الله


أقــل مــادة؟؟!


المواريث أكيد .. من يومي ما بتفق معها :ShababSmile226:


أكـتـر مـادة كـنـت تـحـبـهـــا / تـحـبـيهـــا؟؟!


تفسير القرآن ... طبعا هاي بالنسبة للثانوية ..

لأنه بالجامعه اتوسعـت الموآد ..

وصآر في موآد تآنية كتير قريبة مني


مادة ما بتحبها/يها؟؟!


مممم كلهم بحبهم ,,,

بس المواريث كـان مش صحبة مع عقلي ...

بس هيـك :ShababSmile108:


طبعآ هيدا كلو بالنسبة للمعهد .. عمبخلط ردودي مآ بين المتوسط والثآنوي



* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!


الأستآذ محمد سآلم .. بالمعهد

استاذ الفقه والخطابة

كـان رآئع وبجـنن .. يوقف معناا

ويرفع من معنوياتنآ ..

الله يجزيه الخير يا رب



مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!



بعـمر فروخ .. في معلمة اتعلقت فيها كتييير



كـانت تعلمنا انجليزي - مـس نآدين :ShababSmile226:

يا لطيف شو انقهر بس احسها ما اهتمت فيني بالصف :ShababSmile108:

هلأ بتذكر حالي وبضحك :ShababSmile222:

مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!



بالمدرسـة ... الناظرات كانو يقهروني :ShababSmile108:

اما المدرسآت عآدي..

ما في حدا منهم دايقني



أفضل مدرس/ـة بالشرح؟؟!

بالمدرسة : مس الانجلش




أسوأ مدرس بالشرح؟؟!



كمـان بالمدرسة :

مس البيولوجي يا لطيف ..

تفوت والله كأنها بعالم تآني ..

يوقفوآ البنات وراها

ويقعدو يقلدوها بحركآاتها


وقد ما هي قليلة حيلة

تتقل همة تعيط عليهم

يعني عندها انه يتمسخروآ عليها .. أسهل من مسألة

انه تصرخ عليهم وتعاقبهم ..

ههههههههه

..

وكمـان مس العربي يا لطيـف

كــــــل يوم نفـس الحكي ..

وكل يوم تعطينا أمثلة موضوع انشائي عن الجنوب ..

وتحرير الجنوب

من أول السنة لأخرها

لحد ما حفظنا الكلام حفظ ..

طيب يا مخلوقة خلي مخنا يشتغل بأمور تآنية

تطلع إبداعاتنا :ShababSmile225:

عبث ,,

إلا بأخر السنــــــــــة

مدري كيف اجا ببالها

تحكي عن موضوع تآني غير الجنوب

راحوآ البنـات صرخوآ هديك الصرخة

ما صدقوآ الي سمعوووه :ShababSmile237:







احكي لنا موقف حصل مع مدرس ان كان موقف سلبي ام ايجابي؟؟!

هههه مـرة كـام الصف قايم قاعد

ما في معلمة ..

وانا كل الوقت قاعدة عاقله

فجأه خطر ببالي اقوم اشاغب

واصررررخ مع هالبنـات

ولآ فجأه بيسكتوآ البنات كلهم

إلا انا بقيت لحالي بالميدان

بصرخ وبقلب قوي ..

التفتت ليش الكل سكـت

طلع الكل شايف انه الناظرة صارت عالباب

إلا أنـا

ههههههههههههههه

ويا وردي وقتها .. ما كنت متعودة اكون مشاغبه

ولما جيت اشاغب .. انئفشت

من اول مرة ههههههههههههههههههه

وصارت تحكيني كلام مقلوب

( إنتي ليش واقفه هـون ؟ ..

هـون إنتي ليش واقفه ؟ )

تقول عمتقلب الجملة من إسمية لفعليه ولا العكس :ShababSmile248:

صرت بدل ما بدي اجاوبها ..

فرطـت ضحك على طريقة حكيها ..

وصارت نكتة بالمدرسة جملتها المقلوبة :ShababSmile222:




* مواقف *


موقف سيء حصل معك؟؟!



بالمعهد .. كنت مسؤولة عن تسجيل حضور الاساتذة والطلاب .. بالتوقيت

وكل اسبوع بنزلوآ للنآظرة ..

في مرة نزلته وضآع عندهآ ..

وأصرت انه انا ما نزلته ... واتبهدلنا يومتهآ

حكتلي رح تدفعي راتب الاساتذة انتي


ههههههههههه
:ShababSmile223:




موقف جميل غير نفسيتك للأفضل؟؟!

كمـان المعهد .. كله كـان مواقف جميلة ..






موقف محرج حصلك؟؟!


هو نفسه لمآ ضآعت ورقة الحضـور :ShababSmile235:



موقف حزين؟؟!


اليـوم الأخير بالامتحـانـات .. كـان صعب .. [ يوم ودآع ]



هل مررت/ـي بصعوبات خلال مرحلة التوجيهي؟؟!


شوي مآ كتـير .. لأني كنت حآبة تخصصي


* الحالة النفسية *


الكثير يقولون أن مرحلة التوجيهي تؤثر على شخصية الطالب!!

فكيف كان تأثيرها عليك؟؟ هل هو ايجابي ام سلبي؟؟!

لا كآنت جيدة جدآ ..

الحمدلله ..

اثبتت إني قد الحمل من جميع النوآحي ..

والكل كـان مبسوط فيني ..




كيف كانت حالتك النفسية خلالها؟؟! هل كنت كثير الاضطراب والقلق؟؟!


تقريبا والله ..

مـع إني ما كنت احس ع حالي إلا أيام الامتحـانـات ..

بس الكل كـان يحكيلي انك عطول متوترة .. ومش رايقه

بس انا مآ كنت احس بهالشي :ShababSmile256:



هل كنت تشعر/ي انك غير ويجب ان يكون التعامل معك غير؟؟!


مـش احس اني غير ..

الوضع الي حطتني فيه الإدارة

فرض عليي انـه الكل يشوفونـي غير ..

كنت مسؤولة .. عن تسجيل وقت حضور

الطلاب .. والأسآتذة

يعني طلاب وآستاذة يعملوآ حسآب للورقة والقلم الي بإيدي
:ShababSmile226:

يجوا الطلاب يحكوآ تأخرنا عشـان كزا وكزا

,,

والأساتذة احيانا يحكوآ

جاييين بسرعه خايفين من نجاح ههههههههههههههه

طبعا لأنه التأخير بأثر على معاشاتهم

هـع :ShababSmile222:



كيف كان تعامل الأهل معك؟؟!


جيد .. الله يخليلي يآهم ..




من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!

من أخر شهـر بالبريفيه ( التاسع ) وطلوع .. لا لحالي بدرس


بس أحيانا بابا لمآ يشوفني مطنشة

يصير يطرشئ حكي هههههههه

ولحد آخر إمتحـان بأخر سنة بالجامعه

وهـو بتنرفز إذا شافني شوي مطنشة ..

حبيبي والله

الله يحفظه يا رب ..



* النتيجة *


شو كان شعورك لما بدأ العد التنازلي للإمتحانات النهائية؟؟!


بالنسبة للبريفيه يا لطيف ..

شعـور ما بينوصف ..


خصوصي هون بلبنـان ايام الامتحانات الرسمية

بتضوج الدنيا ..

فالجو بيفرض عالطالب شعـور معين .. وتوتر فظيع

بس بنفس الوقت كـان عندي طمأنينة ..

والحمدلله ربنآ قر الأعين

_

بالنسبة للثانوية ..

كمـان توتر والخ .. بس مش متل ايام البريفيه ..

بس كـانت درآآسة مكثفه يا لطيف

لهلأ بحس عقلي مليااان ملفات منهم هههه


ماذا حصل لكم بالتفصيل يوم النتائج!!


طبعا رح أحكي عن نتيجة البريفيه

لأنهآ كأنت رسمية وبننطرها عالراديو والخ ..

يومهآ كأنه يوم مدري كيف مش من هالدنياا

بس كان لازال شعور الاطمئنان موجود

بس اهلي كانوآ كتير خايفين ..

كانوآ شاكين انه دراسة شهر ..

تعوض عن السنة كلها ..






قبل النتيجة:

قبل ما تطلع النتيجة بكم ساعه

حملت حالي وطلعت من البيت ..

وكنت رايحة على درس دين أو مولد مش متذكرة بالزبط .. أو يمكن التنين والله

كنت بدرس دين ..

خلص .. وحملت حالي ورايحة عالمولد

كل هيدا وانا مطنشة النتيجة .. خايفه اسمعها أو اسأل عنها ههههههههه


والمشكلة انه الله وكيل العيله .. ورفقاتي .. والمعارف .. ومعلماتي


والكل قاعد ناطر .. وانا قال برا البيت ههههههههه



بعد النتيجة:


كيف تلقيت النتيجة ومين خبرك اياها؟؟!




طلعت عند رفيقتي

قبل ما روح عالمولد ..

وانا طالعه عالدرج .. بتلقطني اخت ررفييقتي

شووو مبروووك نجحتتتي !!!!!!!!!!

( أخر حدا كنت بتوقعه يخبرني نتيجتي ههههههه )



شو كان شعورك وشعور أهلك ومن حولك؟؟!



طبعا :

:ShababSmile225:

:ShababSmile223:

:ShababSmile225:


:ShababSmile223:

شعـور الوآحد بيتوقف وقتها والله ..

وبهالطريقة عرفتت ..

ورجعـت لقيت البيت عميرقص فرحااا :ShababSmile237:

هههههههههههههه

الحمدلله والله ..

كـانت عناية ربآنية والله ..


* ما بعد التوجيهي *


بماذا كنت تحلم ان تدرس؟؟!



شريعه طبعا ..

لحتى كمل المجال الي فتت فيه وحبيته ..

ولمآ دخلت الجامعه حبيته أكتر وأكتر


هل كان المعدل بيسمح لدخول هالتخصص؟؟!


أكيد الحمدلله

اساسا ما بده معدل ..

بس كمـان الفضل لله .. كانت شهادتي الثانوية ممتازة



هل حصلت معك معوقات لدخول الجامعة؟؟!


لا الحمدلله


بس خلال درآستي ..

صآرت بعض الأمور ..

منها الشخصية ..

ومنها الحرب الإسرائليه

ومنها الحرب الداخليه الي صارت عنآ

وكانت جامعتنا بمنطقة تماس

بين السنة والشيعه

فـ اضطريت اوقف سنتين ..

لذلك تأخر تخرجي ..


* الجامعة *


شو تخصصك الحالي؟؟!


شريعة إسلامية ولغة عربية


مقتنع/ـة في دراستوا؟؟!


أكيد ..


مبسوط/ـة في؟؟!

كنت مبسوطة كتير والله




احكيلنا شوي عن حياة الجامعة؟؟!


إستقلالية .. الواحد بدو يعتبر شخصيته قبل الجامعه شي

وبعدها شي تآني ..

لأنه بدو يبدأ يثبت ذاته فعليا ..

بتغير بشخصية الطالب جدآ ..

ولازم الواحد يثبت حالو إيجابيا .. وما يستخدم

الوضع لشيء يسيء إله

لأنه جو الجامعـات صاير بخوف ..

لذلك .. جدآ مهم الوعي .. والثبات

والإرادة بهالمرحلة


جو الجامعة اللي بتدرسوا فيها مريح؟؟!



والله مش مريح للحد الي ممكن ينحكى عنه جيد

بس جميــــــــــــــــــــــــل ..

كتير بشتقلو وبحنلو ..

وبتمنى لو أرجع أعيد من الأول

أحلى مرحلة بحيآتي ...

كـانت أيام الجامعه .. :(

مآ في أحلى منها

شو التغيرات اللي صارت معك بعد دخول الجامعة؟؟!


الإنسـان بتقوى شخصيته أكتر .. بصير معتمد ع حالو أكـتر ..

بيكتشف حـالو أكتر

وكمـان بيكتشف قديش الدنيآ قآسيـة ..

وبيتعلم من تجارب غيره اشيا كتييير

وتجاربه كمـان هـو ..

إجمآلآ المرحلة الجآمعيه هي الخطوة الأولى نحو الحيآة

العملية بحيآة الانسـان ..

وكمـان الرفقة اذا كانوآ صالحين ..

هني الي رح يستمرو معك ..

انا لهلأ أدوم صحباتي .. هني صحبات الجامعه ..

وكمـان لهلأ بحب اطل عالجامعه

:( ..


____

ممم

ذكرتوني بأحلى ايام

موضوع كتير جميل ..

الله يبآرك فيكم يا رب

,,

تسلميلي فتآتنآ :ShababSmile224:
*أحلى رتآآج*
05-04-2010, 07:02 PM
كتير حلو دموع..

وأحلى شئ الموقف بضحك كتيييير :ShababSmile222:

يعطيك العآفية يا عسل..

^^
sofy
05-04-2010, 07:42 PM
إمتزاج يعطيكي العافية يا قمر ..
شكلك مو من محيبن الرغي لأنو حكياتك على قدك
إجابة ورد غطاها .
بس إستمتعت وأنا أقرأ
والأحيــــــــاء تخصص جدا جمـــــــــيل ..
بتمنالك السعادة .الدائـــــمة ..يا عســــل
وضلك مبسوووطة عطوووووول ..

//

نجــــــــاح ..أنا ما شدني في كلامك إلا { يا لطيــــــف }
يعني هذي الكلمة إلي لفتت إنتباهي بكل كلامك
على قولتهم { بغيت أطيح على وجهي من الضحك }
والموووقف كان كووووووول
وسواليفك أحلى وأحلى
إستمتعت بالقرآءة ..

وإنشاءالله عطوووول ضلك مبسوووطة ..

منووووورن يا صبـــــايا الكعدة
.:.!دموع الرحيل!.:.
05-04-2010, 10:20 PM
هههههههههههههه فعلا مليون مرة حكيت يا لطيف

ههههههههه

هلا والله حبيبآتي :)
الفتاة المشرقة
05-05-2010, 03:54 PM
هه

ما شاء الله عنك عسوله

ربنا يوفقكم كمان وكمان

قصتك بالتوجيهي متذكرها هههه لما ما كنتي تدرسي وما كنتي متوقعه نجاحك بس الحمد لله ربنا وفقك
PaLeStiNe FlOwEr
05-05-2010, 04:23 PM
هلا دموع منورة والله

الله يوفئك

وأنا بئول ليش تخرجها متأخر

الله يعينك

كتيييير عندي رفئات من الجنوب

انتو متل سوريا شهادة التاسع مهمة

يلا وأخيرا خلصتي

عئبالنا
.:.!دموع الرحيل!.:.
05-05-2010, 07:42 PM
آمين

حبيبآتي والله

تسلمولي يا غاليات منورات
.:.!دموع الرحيل!.:.
05-05-2010, 07:42 PM
آمين

حبيبآتي والله

تسلمولي يا غاليات منورات
sofy
05-05-2010, 07:47 PM
يا لطـــــــــــيف بس ..وين نانا ..

يلا الي بعدووو ..

عم نستنى ..
PaLeStiNe FlOwEr
05-05-2010, 07:52 PM
الذين يشاهدون محتوى الموضوع الآن : 2 ( الأعضاء 2 والزوار 0)
‏PaLeStiNe FlOwEr, ‏الفتاة المشرقة

فتفوتة مين ناوية تورطي

اسمعي انا بعد الي رح تورطي

=)
PaLeStiNe FlOwEr
05-05-2010, 08:05 PM
شو رأيك بوحيدة كالقمر؟؟
sofy
05-05-2010, 08:08 PM
مع مهــــا في الإختيــار ..يا عيني عليكي مهوووش شوو بتفهمي ..

فتوتة ..يلا إدحلي ويآنا ..
PaLeSt!Ne SouL
05-06-2010, 07:17 AM
أقــل مــادة؟؟!


المواريث أكيد .. من يومي ما بتفق معها



^^

هاي من تخصص المجادلة هه

انا جبت فيها امتياز

بس بجد غازني الموقف

ال ادغع رواتب الساتزة بحلم فيهم و الله

بس اكيد كان الكل يعملك الف حساب

نورتي دموع ^^
الطالب المجتهد
05-06-2010, 03:48 PM
يعطيكِ العافية اختي .:.!دموع الرحيل!.:.
الفتاة المشرقة
05-06-2010, 03:55 PM
ولا يهمك

وحيده القمر ننتظرهاا
~][وحيدة القمر][~
05-06-2010, 04:35 PM
شكرا لاختياري ^_^

بس عندي مشوار ضروري بروح وبس ارجع بجاوب على الأسئلة إن شاء الله :)
~][وحيدة القمر][~
05-06-2010, 06:48 PM
صحيح!! ... يعطيكي العافية نانا حبيبتي

يحرق حريشك شو مهضومة هع هع هع
الفتاة المشرقة
05-07-2010, 03:30 PM
ننتظرك اختي ..
sofy
05-07-2010, 05:52 PM
آيووووووش
أعتذر منك ..على كل ..أنا وضحت ..ليش هيك فصل
يلا بإنتظار أجوبتك العسل متلك ..
دمع المطر
05-07-2010, 06:32 PM
بانتظارك يا آية
~][وحيدة القمر][~
05-07-2010, 07:17 PM
فلنبدأ مع الأسئلة:




* كوكتيل *


شـو كـان اسم الـمـدرسـة؟؟!
ثانوية شرعية / معهد صيدا للتعليم الشرعي


شـو هــو الـتـخـصـص؟؟!
تخصص شرعي ومواد عربية

كـم كــانـت الـنـسـبـة؟؟!
جيد جدا

هـل هــاد كـان الـتـوقـع ولا لأ؟؟!
كنت أتوقع إمتياز .. فرقت على علامات قليلة :ShababSmile223:

أعلى مــادة بالـدرجــات؟؟!
التجويد 100/100

أقــل مــادة؟؟!
تاريخ :ShababSmile222:

أكـتـر مـادة كـنـت تـحـبـهـــا / تـحـبـيهـــا؟؟!
العقيدة الإسلامية والفقه كماآآآن

مادة ما بتحبها/يها؟؟!
الأدب الجاهلي يع :ShababSmile237:




* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!
الأستاذ حسين الحسن كان يعطينا مادة العقيدة .. مش بس أثر بشخصيتي .. أثر بمجرى حياتي .
والله بسببه كملت دراستي بمعهد العلم الشرعي .. لأن كان بدي تخلص السنه الأولى من المعهد وبعدها أغيّر الاختصاص بس كان عنده أسلوب ما ورد عليي من قبل .. والله بعض الأحيان نبكي بالصف من شدة التاثر .. وأنا بشهد له إنه السبب في التزامي دينيا ومعرفة معنى الإيمان .. الله يديمها علينا نعمة

مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
أستاذ حسين الحسن .. العقيدة الإسلامية

مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
أستاذ التجويد .. ناسية إسمه .. كان بس يكتب الدرس على اللوح .. حتى صوته ما بعرف شو شكله ههههه

أفضل مدرس/ـة بالشرح؟؟!
ييييييي نفسه الأستاذ حسين الحسن

أسوأ مدرس بالشرح؟؟!
أستغفر الله العظيم :ShababSmile221: إسمه عبد اللطيف .. كان يدرسنا بلاغة .. نحنا نشرح له الدرس بالصف :ShababSmile221:


احكي لنا موقف حصل مع مدرس ان كان موقف سلبي ام ايجابي؟؟!
:ShababSmile236:

* مواقف *


موقف سيء حصل معك؟؟!
بالثانوية ما حصل شي .. فينا نعتبر الموقف السيء هو نفسه الموقف المحرج إللي رح أكتبه هلأ ..

موقف جميل غير نفسيتك للأفضل؟؟!
ممممممم مش عم يخطر ببالي شي .. سامحونا

موقف محرج حصلك؟؟!
.. هيدا يا حلوين .. مرة كان في مخدة (وسادة) بالصف خاصة بزميلتي .. تضعها وراء ظهرها لأجل الألم .. المهم .. صار وغابت المسكينة .. كان الأستاذ عم يكتب على اللوح ونحنا البنات زهقنا .. صرنا نرمي هالمخدة على بعض .. ما عرف الأستاذ يلتفت علينا إلا والمخدة بإيدي وأنا ما انتبهت له خخخخ فخبطتها براس رفيقتي .. أكيد هنّناني على الشغب وطلعني برا :ShababSmile222: بس يا ريت انتهى الموضوع هيك .. إلا إنه عنّد وقال لرفقاتي إنو ما لح يفوت يشرح المنهج إلا إذا اعتذرت منه .. رحت تاني يوم متل الشاطرة واعتذرت منه :ShababSmile237:
بس بيني وبينكم .. لو عارفة القصة فيها إعتذار كنت خبطتها براس حدا تاني :ShababSmile222:

موقف حزين؟؟!
وفاة زميلي بحادث سير :icon5: الله يرحمه يا رب .. كان ناوي يسجل بالجامعة .. سافر أربع أيام وعلى أساس يسجل بس يرجع .. توفاه الله هناك .. يجعل مثواه الجنة :ShababSmile223:

هل مررت/ـي بصعوبات خلال مرحلة التوجيهي؟؟!
إي أول سنة بالمعهد .. عشان ما كنت بدي أكمل دراستي فيه .. لأني استغربت الجو أول شي واستغربت المواد .. بس بعدين تعودت وحبيت روح الأخوة فيه




* الحالة النفسية *


الكثير يقولون أن مرحلة التوجيهي تؤثر على شخصية الطالب!!
نعم هي مرحلة انتقالية .. تتوسط بين مرحلة الطفولة ومرحلة الرشد ..

فكيف كان تأثيرها عليك؟؟ هل هو ايجابي ام سلبي؟؟!
كان تأثيرها إيجابي .. لأني كنت أقل إلتزام بالشرع الاسلامي قبل دخولي للمعهد الشرعي .. وهناك .. صار في بناء شخصية جديدة من الناحية الدينية والسلوكية ..

كيف كانت حالتك النفسية خلالها؟؟! هل كنت كثير الاضطراب والقلق؟؟!
لا بالعكس .. وقتها شعرت بالطمأنينة .. ووجدت نفسي

هل كنت تشعر/ي انك غير ويجب ان يكون التعامل معك غير؟؟!
أنا بحب عامل الناس بلطافة وبراعي مشاعر الناس .. عشان هيك بتضايق إذا حد عاملني بطريقة مش لطيفة .. أو بأسلوب حاد وبطريقة فظّة .. حتى لو كان قصده ينصحني .. بس إجمالا ما بحب إزعل من حد ولا بحب حد يزعل مني .. :)

كيف كان تعامل الأهل معك؟؟!
الحمد لله كتير منيح .. الله يخليلي إياهم :)

من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!
في الثانوية كنت أدرس لحالي بدون ما حد يطلب مني .. بس بالمدرسة كانوا يطلبوا مني أدرس وما كنت أردّ عليهم ههه .. كنت يا دووب أنجح :ShababSmile222:




* النتيجة *


شو كان شعورك لما بدأ العد التنازلي للإمتحانات النهائية؟؟!

عادي كنت عارفة النتيجة بل توقعتها أفضل من هيك
:ShababSmile235:

ماذا حصل لكم بالتفصيل يوم النتائج!!

قبل النتيجة:
عآآاادي كوووول على الآخر .. كانت النتيجة الساعة 11 وانا استيقظت الساعة 10 وكأنه يوم عادي ولا توتر ولا شي D:

بعد النتيجة:
ماما جابت الحلويات وفرحانة فيي هع وأنا أكيد فرحانة .. أصلا النجاح أحلى شعور بالدنيا

كيف تلقيت النتيجة ومين خبرك اياها؟؟!
ما كنت خايفة .. الناظر كان عم يعطي كل تلميذ علامته ..

شو كان شعورك وشعور أهلك ومن حولك؟؟!
فرحت كتير وحسيت إنو صار بقدر ادخل الجامعة واعرف شو هو جوّها المُبهم بالظبط .. لأني من وقت كنت صغيرة وأنا حابة شوفها عن قرب ..




* ما بعد التوجيهي *


بماذا كنت تحلم ان تدرس؟؟!
كمبيوتر .. لإني كتير ذكية بالإلكترونيات الحمد لله والكل بالبيت بيسألني :ShababSmile108:

هل كان المعدل بيسمح لدخول هالتخصص؟؟!
سبب عدم دخولي هالتخصص ما بيخص العلامات .. إلا إنه شهادتي شرعية لا تخوّلني إلا إني أكمل تخصص شرعي

هل حصلت معك معوقات لدخول الجامعة؟؟!
لا الحمد لله .. الجامعة تابعة للمعهد اللي درست فيه




* الجامعة *


شو تخصصك الحالي؟؟!
انهيت ليسانس أدب عربي ودراسات إسلامية
تسجلت ماجستير علم نفس تربوي ..
أعمل على إنهاء الدبلوم منه حاليا

مقتنع/ـة في دراستوا؟؟!
إي الحمد لله :ShababSmile229: خاصة علم النفس بتحس إنه بيعطيك الملكة إنك تفهم اللي حولك وتقدر تصنّف شخصياتهم والحلو إنك بتصير تعرف تتعامل مع كل شخصية بما يناسبها ..

مبسوط/ـة في؟؟!
إي .. على فكرة مش أنا اللي اخترت الاختصاص الشرعي .. الاختصاص هو اللي اختارني
دايما بقول هالكلمة .. لأنه صار معي ظروف تجمعت بطرق ربانية حتى أدرس العلم الشرعي
بس هلأ الحمد لله كتير مبسوطة إنو الله يسر لي هالعلم (ومن يرد الله به خيرا يفقه بالدين) الحمد لله

احكيلنا شوي عن حياة الجامعة؟؟!
أحلى مرحلة بحياتي .. هي مرحلة النضوج الفكري .. علميا واجتماعيا ..
وكمان من الناحية التانية هي لعب ونزهات ومزح وضحك يعني بذكر كنت أنا ورفيقتي كنا نخرج من الجامعة وقت محاضرات الأساتذة المملّين ونروح على البحر خخخخ

جو الجامعة اللي بتدرسوا فيها مريح؟؟!
حلو الجو بشكل عام .. بس جامعتنا مقيّدة أكتر من غيرها بحكم إنها خاصة للدراسة الإسلامية
بس نحنا البنات ما دخلنا بحدا .. بناخد جانب بعيد وبنتصرف براحتنا وأكتر شوي هههه :ShababSmile221:

شو التغيرات اللي صارت معك بعد دخول الجامعة؟؟!
ممممم صرت أجرأ .. إجتماعية أكتر .. أعرف إتعامل مع الناس .. أقدر أعالج المواضيع والمشكلات بالشكل المناسب .. توسّعت الآفاق والمدركات هيك يعني ..
دمع المطر
05-07-2010, 07:30 PM
منورة التحقيق أيوتا ،،بس عجبني الموقف المحرج ،،مخدة يا آية ؟؟ هههههههههههههه
~][وحيدة القمر][~
05-07-2010, 11:52 PM
هههههههه شايفة دموعة !! بالمخدة هع

التحقيق منور بوجوووودك :) مية أهلا وسهلا :) :)
~][وحيدة القمر][~
05-08-2010, 12:17 AM
هههههههه شايفة دموعة !! بالمخدة هع

التحقيق منور بوجوووودك :) مية أهلا وسهلا :) :)
الفتاة المشرقة
05-08-2010, 03:17 PM
ما شاء الله عنك ^^

الشريعه كتير حلو والله

ربنا يوفقك

موقف المخده من الاخر : )
~][وحيدة القمر][~
05-08-2010, 07:02 PM
الله يخليكي يا الفتاة المشرقة ويوفقك.. يا رب

إي موقف ولا كل المواقف .. ههههه
الفتاة المشرقة
05-09-2010, 03:19 PM
: )

اختاري حد تاني اختي وحيده
~][وحيدة القمر][~
05-09-2010, 04:27 PM
اللي تم تويط ثانويتهم هم :


صوفيا
اسد
حورية فلسطين
دمعة أسى
بنك روز
الفتـآة المشرقة
أبو مجآهد‏
فارس الوطن
لوليتا
حسام
عاشقة غزة
لالا - فلسطين 48
دموع الرحيل
وحيدة كالقمر


بختار .. PaLeStiNe FlOwEr

:ShababSmile116:
الفتاة المشرقة
05-09-2010, 04:51 PM
خلصت توجيهي^^

ما بعرف والله :)

ماشي ننتظرك عسوله
~][وحيدة القمر][~
05-09-2010, 05:17 PM
بانتظار PaLeStiNe FlOwEr

:ShababSmile229:
PaLeStiNe FlOwEr
05-10-2010, 09:51 AM
هلا وحيدة نورتي والشريعة حلوة كتير

الله يوفئك

وشكرا ع الاختيار

رايحة جاوب=)
PaLeStiNe FlOwEr
05-10-2010, 09:51 AM
هلا وحيدة نورتي والشريعة حلوة كتير

الله يوفئك

وشكرا ع الاختيار

رايحة جاوب=)
~][وحيدة القمر][~
05-10-2010, 10:17 AM
شكرا حبّوبة وإنتي الله يوفقك يا رب ^_^

يلا بننتظر إجاباتك :)
~][وحيدة القمر][~
05-10-2010, 10:17 AM
شكرا حبّوبة وإنتي الله يوفقك يا رب ^_^

يلا بننتظر إجاباتك :)
PaLeStiNe FlOwEr
05-10-2010, 11:09 AM
* كوكتيل *


شـو كـان اسم الـمـدرسـة؟؟!
مدرسة الإخلاص الأهلية


شـو هــو الـتـخـصـص؟؟!
علمي


كـم كــانـت الـنـسـبـة؟؟!
87.4


هـل هــاد كـان الـتـوقـع ولا لأ؟؟!
لا أكتر بكتير,, بس ع أخر امتحانات ئدمتها توقعت جيب بالتمنينات


أعلى مــادة بالـدرجــات؟؟!
في عندي اكتر من مادة 100% وفي مواد بأخر فترة جبت فيهم 100% متل الدين ومادة اسمها الرياضيات والاحصاء والحاسوب والالعاب بس في منهم مع التجميع تبع كل الفترت بكون نائصة بفترة منهم ومع التقسيم بنئص نص او درجة وفي منهم اكتر يعني الاحصاء كل فتراتوا كانت كاملة الا الفترة التانية منوا فهاد أثر عليها,, وفي كمان مادتين اختياريات كانوا كاملين مع كل الفترات وحدة طباعة والتانية كانت زراعة وتخضير


أقــل مــادة؟؟!
أكيد العربي والانجليش


أكـتـر مـادة كـنـت تـحـبـهـــا / تـحـبـيهـــا؟؟!
الصراحة كل مادة حسب مدرستها هي الي بتحببك بالمادة او بتكرهك فيها،، يعني الفيزيا كنت احبها بـ 11 ومو بس أحبها كنت أعشقها،، وكرهتها بالتوجيهي..

الأحياء حبيتها بكل مراحل الثانوي

الكيمياء حسب,, متفاوت الحب،،

أما الدين تئريبا هي المادة الوحيدة الي عندي بكل مراحل الثانوي ما نئصت فيها وازا نئصت بكون نائصة درجة او نص فكنت أحبها حتى بتزكر بأخر امتحان دين ئدمتوا كانت الورقة كلها زرقاء من الحبر ئد ما كتبت يوميتها وكان الامتحان صعب وما توقعت انجح في بس ما خليت شي الا كتبتوا وجبت الحمدلله 100% في..


مادة ما بتحبها/يها؟؟!
الرياضيات بحبوا كتير كنت بس بأخر سنة كرهتوا من مدرستوا وكل ما أجي احبوا ما أئدر

بس الانجليش كان هو والعربي اكتر مادتين ما بحبهم
الفتاة المشرقة
05-10-2010, 08:52 PM
بدايه موفقه اختي ..

استمري
~][وحيدة القمر][~
05-11-2010, 12:15 AM
متآبعة ^^
PaLeStiNe FlOwEr
05-11-2010, 12:20 PM
* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!
ما في



مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
كلوا واحد ,, ههههههه



مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
ما بدي أظلمهم وأئول الكل,, بس أكتر شي كانت تاعت الرياضيات كانت تدرسني بالتوجيهي ومدرسة الانجليزي كانت تدرسني بـ10 و 11


أفضل مدرس/ـة بالشرح؟؟!
مدرسة الأحياء


أسوأ مدرس بالشرح؟؟!
الرياضيات والفيزيا


احكي لنا موقف حصل مع مدرس ان كان موقف سلبي ام ايجابي؟؟!
المواقف جاية بالطريق..~
PaLeStiNe FlOwEr
05-12-2010, 04:57 PM
رح أحكي عن التوجيهي بشكل عام

هلا احنا عنا بالكويت التوجيهي 3 سنين

هاد الشي أول مرة بتطبق كان على دفعتي انا ,, بعيد عنكم فئرآن تجارب مفكرينا =(

لما صرت بالصف العاشر طبقوا هالنظام و كان عبارة عن انهم ياخدوا 20% من نسبة العاشر و 30% من نسبة الحادي عشر و 50% من نسبة الثاني عشر وهيك بصيروا 100% وبيطلع معدلنا ..

والسنة بتكون عبارة عن 4 فترات الفترة الأولى والتالتة كل مادة عليها 50 درجة والفترة التانية و الرابعة كل مادة عليها 100 درجة,, وبصير المجموع 300 وبيقسموها على 3 بيطلع المعدل من 100

طبعا لهون حلو بس المصيبة انوا ( هي عملية حسابية الي ما بفهم بالرياضيات لا يقرأ :p )@_@ كل مادة بضربوها بعدد حصصها وبقسموها على مجموع الحصص فبتطلع نسب عشرية وبجمعوا كل المواد بعد القسمة فبيطلع المعدل من 100 وبعدين بقسموا عشان يطلعوا النسبة منوا..

فالفترة الاولى بالصف العاشر كانت امتحاناتنا صعععععععععععععععععععععععبة كانوا مفكرينا عباقر بعدين صار في اعتراضات واستجوابات وئلبوا الطلاب وعملوا اضراب,, المهم راحوا ئالوا بما انهم انظلموا رح نوخد من نسبة عاشر 10% المهم ومشي الوضع وع امتحانات الفترة التانية رجعوا لعبوا فينا أخر شي قرروا يوخدوا من عاشر 5%

ومشي صف العاشر

طبعا نسيت ئول بهالنظام كان مادة الرياضة الي بسموها عنا العاب محسوبة من المعدل والفنية وكل المواد الهبلة,, كنا نوخد بكل سنة 14 مادة والله كانوا مجرمين فينا=( وع أيام الامتحانات لأنوا المواد كتيرة كانوا يمتحنونا مادتين مادتين كان العربي يكون معوا اقتصاد والقرآن مع الالعاب وهكذا بس الفيزيا والكيميا والأحياء والرياضيات كانوا لحالهم


وبالحادي عشر كان عنا كتابين رياضيات واحد رياضيات عادي

والتاني اسموا الرياضيات والإحصاء هاد كنا نوخدوا احنا والأدبي


وعنا بس علمي وأدبي ما في غير هالتخصصين

وبالحادي عشر شديت حالي اكتر وكانت علاماتي كتير عالية كنت أعشق اشي اسموا فيزيا كنت أنجن ازا نئصت نص درجة وكل المواد العلمية كانت عندي عالية وكلهم كانوا فوق 96 ما عدا الكيميا بتزكر جبت فيها 92

وبهالسنة اخدوا منا 35% لأنوا بعاشر أخدو 5 بس

فصار المجموع 40%

المهم دخلت التوجيهي وأنا ضامنة أجيب 95% فما فوق

لأنوا بعد علامات الحادي عشر كنت أتوقع ما أنزل بالتوجيهي عن 95

هاد كان أقل توقع

المهم بالتوجيهي نئلت ع مدرسة جديدة,, وطبعا المدرسات ما بعرفوني بس مو لحالي كنت جديدة أنا والبنات والمدرسات كنا جداد حتى المدرسة نفسها كانت جديدة

بس حاولت أثبت حالي

طبعا داومنا بنص رمضان وما كان اللبس جاهز فكان كل البنات والاولاد لبس خارجي,, بعيد عنكم الواحد شاف العجب وئتها والمشكلة انوا التلت تربع فلسطينيات.. ئعدنا تئريبا 40 يوم ازا مو اكتر بلبس خارجي نروح ع المدرسة

نرجع لموضوعنا:

بأول فترة خبصت شوي فئلت ان شاء الله بزبط بالفترات التانية وما بنزل عن 95 وبتاني فترة استمر التخبيص وئلت ان شاء الله ما بنزل عن 94 بأخر السنة

لحد ما اجت الفترة التالتة فصرت أحكي 90 وأنا ئبلانة بس ما أنزل أكتر من هيك بأخر السنة

للعلم كنت أجيب بالتسعين بهي الفترات بس تحت 95 كنت جيب فلازم يكون أعلى عشان أئدر جيب بالتسعين لأنوا النظام الي هو عاملينوا الي بقسموا في علامة كل مادة على عدد حصصها هاد كتير بنزلنا رح احكي في برد خاص هاد الشي...


المهم جينا ع أخر فترة زبطت فيها بس بالتوتال ما جبت بالتسعين

والحمدلله على كل حال
PaLeStiNe FlOwEr
05-12-2010, 05:21 PM
الموضوع الي كنت بدي ئولوا

انوا الزنخ بهالنظام بتكوني جايبة بالتسعين وبتنزلي

او اي نسبة المهم بعد ما يقسموا ويضربوا وينتفوا العلامات المعدل بنزل

وكمان عنا العربي بكون دمار الكل بخبص في والعربي اكتر مادة عليها وزن نسبي لأنها اكتر مادة عليها حصص


رح أعطيكم مثال لتفهموا شوي<< ئلبتها معلمة رياضيات :p

مثلا العربي 6 حصص بالاسبوع

وبعد جمع كل علامات الفترات بتقسموها ع تلات بتطلع من 100

ومن 100 جبتوا 90

هالتسعين بتضربوها بعدد حصص العربي وهي 6 حصص

بيطلع 540

الـ 540 بتقسموها على مجموع حصص الاسبوع لكل المواد والي هو 35

يعني 540/35=15.428 وهكذا مع كل المواد نفس الطريئة بس كل مادة بتنضرب بعدد حصصها

مثلا التربية الاسلامية حصتين وجايبين فيها 100

100*2=200

200/35=5.7

وبتكملوا كل مادة هيك بعدين بتجمعوا هي النسب الي بتطلع فبيطلع المعدل من 100

طبعا احنا بنجيب علامات عالية بالمواد الي عدد حصصها شوي

وأنا كان أقل علامتين عندي العربي والانجليزي عشان هيك نزل معدلي لأنوا هما اكتر عدد حصص
إيمـان
05-12-2010, 08:10 PM
ههههههههه..كتير..رآئعه آنتي آستمري
الفتاة المشرقة
05-15-2010, 03:55 PM
استمتعت بقراءه حديثك ..

ننتظرك بالتكمله ..~
PaLeStiNe FlOwEr
05-17-2010, 03:34 PM
أسفة ع الـتأخير

شوي وراجعة مع الأجوبة ^^
PaLeStiNe FlOwEr
05-17-2010, 03:56 PM
* الحالة النفسية *


الكثير يقولون أن مرحلة التوجيهي تؤثر على شخصية الطالب!!

فكيف كان تأثيرها عليك؟؟ هل هو ايجابي ام سلبي؟؟!
كانت سنة عادية متل اي سنة,,

بس أكيد بكون في خوف منها لأنوا هي الي بتحدد مستقبل الانسان


كيف كانت حالتك النفسية خلالها؟؟! هل كنت كثير الاضطراب والقلق؟؟!
ما بيخلى هاد شي في فترة الامتحانات خصوصا..


هل كنت تشعر/ي انك غير ويجب ان يكون التعامل معك غير؟؟!
لا عادي ,, حتى كانت أختي أصغر مني بسنة كانت امتحاناتنا بنفس الوئت حتى اخواني الأصغر كلنا كنا نمتحن بنفس الوئت .. فطبعا يكون الكل بدو اهتمام .. فمو عشني توجيهي لازم يكون غير بالعكس.. ريلاكس


احنا عنا كل المراحل بتمتحن نفس الوئت حتى التوجيهي معهم .. يعني مو التوجيهي بكون الهم وئت لحال زي بعض الدول .. بنكون كوكتيل


كيف كان تعامل الأهل معك؟؟!
تمام الحمدلله


من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!

طبعا كنت بدرس.. بس برضوا كانوا يطلبوا .. يعني مجرد ما اطلع من الغرفة ببدوا يئولولي ادرسي ومن هاد الحكي

بس فترة الامتحانت ما حد بطلب بكون عارفة مصلحتي وبدرس
PaLeStiNe FlOwEr
05-17-2010, 04:24 PM
* النتيجة *


شو كان شعورك لما بدأ العد التنازلي للإمتحانات النهائية؟؟!
أكيد خوف,, والألة الحاسبة كانت ما تبعد عني ,, كنت كل يوم أحسب وأقدر وأشوف كم حجيب .. وطبعا بدأت الدراسة تزيد .. والنوم يخف .. كوكتيل برضوا

ماذا حصل لكم بالتفصيل يوم النتائج!!

قبل النتيجة:
طبعا من الصبح كان تعزيل للبيت وشطف وتنضيف .. لأنوا ستي ( أم بابا )كانت جاي عنا زيارة من الأردن .. فهاد الشي نساني النتيجة .. ع العصر راحوا أهلي يجيبوا ستي من المطار وئتها بلشت الاتصالات .. طبعا الأغلب ما كان يعرف انوا بهاد اليوم النتيجة كانوا المفروض اليوم الي بعدوا ,, بس أختي كانت شايفها ع التلفزيون ئبل بليلة كانوا حاطين الموعد والساعة ,,

المهم المفروض الساعة 8 بليل النتيجة ع الساعة 7 صحبيتي بعتتلي مسج انوا افتحي ع قناة الكويت الأولى ولا كانت الوزيرة طالعة وحكت شوي بعدين أعلنت أسماء الأوائل وطبعا ما بتطلع النتائج الا لما تبصم بصمة >> هبل يعني

وأحنا النتائج بتبعتلنا اياها الوزارة مسج .. او بنشوفها ع النت .. يعني مجرد ما تبصم البصمة بتبدا الوزارة تبعت مسجات للطلاب..


بعد النتيجة:

اول شي حكيت مع خالي ال عنا وخبرتوا .. وبعتنا المسج الي بعتتوا الوزارة لخالاتي وخوالي الي بالاردن وبابا بعتوا لعمامي وعماتي ,,

وبعدين حكيت مع صحباتي المقربات اطمن عليهم .. وفتحت موقع التربية أتأكد من النتيجة,,

وبعدها اجوا عنا دار خالي ..

كيف تلقيت النتيجة ومين خبرك اياها؟؟!
كان بابا بالدوام بعدين اتصل ردت أختي ما ئبل يئلها .. اخدت التلفون منها وما ئبل يوئلي وبلش لعب الأعصاب ويسألني كم بتتوقعي ومن هالحكي المهم ما ئلي


بعدين حكى مع ماما وئلها لما شفت تعابير وجه ماما عرفت انو مو بالتسعين .. وماما ئالت الحمدلله الحمدلله وسكرت التلفون

توقعت انو نازلة كتيييييير

بس بعدين اتصلت ببابا وسألتوا وئلي .. طبعا ماما ئالت بس ما استوعبت الموضوع .. فاتصلت ببابا أتأكد ..


شو كان شعورك وشعور أهلك ومن حولك؟؟!

هو تعابير وجه ماما وئت تلقي الخبر من بابا ما عجبتني .. بس بالعكس كانوا فرحانين كتيييييير .. ستي صارت تدمع وطبعا ماما أولهم واخواني ينطنطوا وانا مو مستوعبة شي من الي حولي وخواتي يباركوا بس كنت متل الي انضرب كف ع وجهوا او انكب علي مي باردة ..
PaLeStiNe FlOwEr
05-17-2010, 05:04 PM
نسيت ئول شي

أنا خلصت امتحاناتي 2009/6/25

والنتائج طلعت 2009/6/29

النتائج بدها يومين بس لتطلع

بس الي صار انوا خلصنا يوم خميس

والجمعة بكون المدرسين معطلين فما كان في تصليح والسبت بكونوا بس نص دوام

فالأحد كملوا تصليح وعملوا النتائج بس الوزيرة كانت مسافرة واجت الاتنين فطلعت النتائج الاتنين بليل الساعة 8


* ما بعد التوجيهي *


بماذا كنت تحلم ان تدرس؟؟!
طبعا حلم الطفولة كان هندسة

بعدين تغير .. المهم طول ما أنا بالتوجيهي خلص كنت حاطة ببالي مختبرات وتحاليل طبية

وما في أي مجال للتغيير .. بس الي صار انوا طلع للوافدين المختبرات بس سنتين وبابا ئلي مهضوم حقهم كتير يعني هو بشوفهم بالمستشفى وشايف شو بصير معهم

وبعدين تغيرت الفكرة وبابا قرر يوديني ع الأردن.. أنا ما كنت حابة أتغرب وماما ما كانت مرتاحة .. وأصر بابا ع صيدلة بالأردن ..

وأهل صحبيتي السورية أقترحوا أروح أردس بسوريا مع بناتهم .. بابا عجبتوا الفكرة وئلي ازا سوريا طب وازا الأردن صيدلة

وماما بدها طب أسنان وانا بدي مختبرات وتحاليل طبية

وما حد عرف يقنع التاني .. بس طبعا قرار سوريا ما كان بالحسبان لانوا ما الي حد فيها والأردن الي كل ئرايبي فيها ما كنت مقتنعة فيها


المهم بلشت الاستخارة كل يوم يطلع حلم مزعج لماما وأنا ما رتحت بالمرة للسفر .. يعني نجيبها يمن نجيبها شمال في أضرار لسفرتي ودراستي ببلد غير الي أهلي فيها

كنت لما أفكر اني بدي أبعد انجن

وبعدين ئلت أدرس شو ما أدرس المهم جنب أهلي



هل كان المعدل بيسمح لدخول هالتخصص؟؟!
انوا لو بدي أروح ع الأردن كنت موازي رح أدرس لأني مغتربة .. ولو لو سوريا طبعا كان احتمال اني اروحها 1% طبعا جامعة خاصة لاني وافدة


وبالكويت عنا جامعتين حكوميات فقط ..

وحدة للكويتين وكل التخصصات موجودة فيها ,, وأقل تخصص اربع سنين .. طبعا لازم أكون من الأوائل بس في استثناءات للي معدلاتهم عالية ولازم واسطة

صحبيتي كانت جايبة 96 وما طلعلها ..


والتانية فينا ندخل فيها ومو كل التخصصات فيها بس مواد التربية وكم مادة علمية بس أغلب التخصصات الي حتكون متاحتلنا بتكون كلها دبلوم بس مدتها سنتين ونص

وفيها تخصصات 3 ونص وفيها 4

طبعا النصاص هي بتكون تدريب ميداني يعني بعد الدراسة النظري بكون في فصل دراسة عملي بتوزعوا فيها الطلاب على شركات أو مدارس أو مستشفيات .. بتدربوا فيها كأنوا شغل بس من غير معاش وعليه درجات ومن غيروا الطالب ما بتخرج

المهم سجلت فيها ما طلعلي لأنوا بدون واسطة =(

<< والكورس التاني رجعت حاولت وما طلعلي والسنة الجاي رح أرجع أحاول أسجل ولو طلع رح كمل بالجامعة الي بدرس فيها هلأ ورح أدرس برضوا بهي ..

لأنوا رح يطلعلي تخصص سنتين فبكمل بالتنتين >>


فطبعا رحت جامعة خاصة .. وكل الجامعات الخاصة تخصصاتها بتكون شغل كمبيوتر وبزنس وانجليزي

ما في فيها اشياء علمية

فأخترت it

هل حصلت معك معوقات لدخول الجامعة؟؟!

اه كل الي حكيتوا فوق

بس الحمدلله على كل حال

درست it بس المهم انو جنب أهلي

ولا إني اروح ادرس شي برا واكون بعيدة عن أهلي
PaLeStiNe FlOwEr
05-17-2010, 05:14 PM
* الجامعة *


شو تخصصك الحالي؟؟!
Information & Communication Technologies


مقتنع/ـة في دراستوا؟؟!
الحمدلله

مبسوط/ـة في؟؟!
الحمدلله.. مع انوا بحياتي ما توقعت ادرسوا او خطر عبالي أ, كان من الخيارات

بس قدر الله واختيار الله تعالى


احكيلنا شوي عن حياة الجامعة؟؟!
بتختلف عن حياة المدرسة بكون الشخص ناضج أكتر .. واعي اكتر ..

لازم يكون منتبه لالوا وللأشخاص الي بتعامل معهم

حلوة نوعا ما

جو الجامعة اللي بتدرسوا فيها مريح؟؟!
كجو أخلاقي مو مرتاحة بالمرررررررررررررة.. بس الي بحالوا ما حد بئرب عليه
وبضلني محصنة حالي وماما بتدعيلي والله الموفق ..


شو التغيرات اللي صارت معك بعد دخول الجامعة؟؟!
الثقة بالنفس.. الاعتماد على الذات

تغيرات مو كتيرة بس بحس الواحد انو كبر ولازم يعتمد على نفسوا أكتر



الأيام بتمر بسرعة

متل مبارح كنت توجيهي ,, ئربت أخلص السنة الأولى من الجامعة ,, الخميس بتبدا امتحاناتي الفاينل ,,

دعواتكم ^^
PaLeStiNe FlOwEr
05-17-2010, 05:15 PM
الذين يشاهدون محتوى الموضوع الآن : 2 ( الأعضاء 2 والزوار 0)
‏PaLeStiNe FlOwEr, ‏الفتاة المشرقة

منورة

أكيد تعبتي بالقراءة

لسة كنت ناوية اكتب اكتر بس اختصرت كتييييييير

بانتظار تعليقك ^^
الفتاة المشرقة
05-20-2010, 01:57 PM
ههههه

نورك هذا

صحيح تعبت وانا اقرأ بس حلو كتير اسلوبك

يعني بالتفصيل الممل ههههه بمزح مو ممل


نورتي اختي وربنا يوفقك بحياتك

يلا اختاري حد تاني :)
*أحلى رتآآج*
05-20-2010, 02:04 PM
أجوبة رائعة مها..~

الله يوفقك يا رب..~

بانتظآر التالى..


^^^
هادي
05-20-2010, 02:27 PM
.. استمتعت مها:ShababSmile240:
عين فلسطين
05-20-2010, 03:58 PM
:d
PaLeStiNe FlOwEr
05-20-2010, 04:41 PM
هلا بالكل والله

الله يخليكم ^^


شكرا الكم

بختار امجد او ام الوليد ^^
*أحلى رتآآج*
05-20-2010, 05:20 PM
بالانتظآر..~


^^
الفتاة المشرقة
05-20-2010, 08:18 PM
بنختار ام الوليد

ننتظرها ^^ ..
~][وحيدة القمر][~
05-20-2010, 08:52 PM
يلا يا أم الوليد

الساحة كلها إلك

إشجينا :)
~][وحيدة القمر][~
05-20-2010, 08:52 PM
يلا يا أم الوليد

الساحة كلها إلك

إشجينا :)
Maram .. ~
05-20-2010, 09:13 PM
wainting ~

^^
أم الوليد
05-21-2010, 12:38 PM
مين ام الوليد!!!

ملك!!!

جاي يلا هلا بشوف الاسئلة وبرجعلكو..

بس كنتوا قربو المسافات للجامعة..انا مش ادكو ماما
أم الوليد
05-21-2010, 01:16 PM
* كوكتيل *


شـو كـان اسم الـمـدرسـة؟؟!

كانت مدرسة قطر الثانوية للبنات

شـو هــو الـتـخـصـص؟؟!
أدبي (رياضيات وعلوم)

كـم كــانـت الـنـسـبـة؟؟!
احم احم 92 تقريبا

هـل هــاد كـان الـتـوقـع ولا لأ؟؟!
بصراحة لا

أعلى مــادة بالـدرجــات؟؟!
الانجليزي وعلم النفس

أقــل مــادة؟؟!
العلوم

أكـتـر مـادة كـنـت تـحـبـهـــا / تـحـبـيهـــا؟؟!
علم النفس

مادة ما بتحبها/يها؟؟!
الرياضيات بكره الارقام لانو




* الــمـدرسـيـن *


مدرس/ـة كان له/ـا أثر واضح في تحسين نفسيتك ودراستك؟؟!
كانت مس هاله تبعت الانجلش كانت تحكيلي انتي اروع بنت درستها

مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
مس هاله ..ومس وفاء علم النفس والانجلش لانو كنت كتير مدلله بحصتهم وبحب موداهم

مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
ماكانت سيئة بس انا مابحبها كنت مس زاهرة تبعت العربي..كانت تاخدنا اربع حصص ادب باليوم..كنت احب اعصبها الله يسهل عليها

أفضل مدرس/ـة بالشرح؟؟!
مس هاله الانجلش

أسوأ مدرس بالشرح؟؟!
مس الهام رياضيات كانت كتير تضيع الحصة ومانفهم شي

احكي لنا موقف حصل مع مدرس ان كان موقف سلبي ام ايجابي؟؟!
مممممم، طيب هو نفسو مع ست الهام كنت انا الغلطانة فيه بصراحة..كنا بالصف 15 بنت ماحد كان يحبها ..واجى يوم الامتحان التجريبي..وكنت عاساس اشطر وحده بالصف..المهم هي مسكينة نظرها ضعيف شوي..بدا الامتحان وبلشنا نحل وكان كتير سهل..فخلصت وبلشت غشش يمين وشمال(الله يسامحنا) المهم بالاخر صرت شو اعمل ارمي ورقة الاجابة تبعتي عالاض وبدون اسم..وعاساس خربطت مع الي جنبي..لحد ماحليت ورق كل الصف (كنت شيطانة ايامها) وطلعت النتائج الصف كلو فل مارك..شكوا فينا بالادارة وعادو الامتحان وبانت الحقيقة المرة..واخدت انذار جميل يومها




* مواقف *


موقف سيء حصل معك؟؟!
مممممممم، تكريم الي كطالبة مثالية انا بنظري ماكنت استحقو وئتها..فحسيت بظلم وحده من البنت مع انو مش انا الي اخترت

موقف جميل غير نفسيتك للأفضل؟؟!
اها حلو كان يوم رحلة المدرسة لمدينة العاب الدين نفس يوم عيدميلادي..فكنت مروحة منها كانو بابانويل..هدايا من المدرسة والبنات والرحلة كان كتييييييييييير حلو عيد ميلادي 16غير نفسيتي لانو كنت زعلانة م الصبح لانو بابا سافر بهاليوم

موقف محرج حصلك؟؟!
انو بنفس هاليوم كانت الدنيا مطر وكنا بالالعاب وكنا نركض عالطين والتنورة توسخت بشكل فظيع من اللعبه الي كنت فيها ولحسن حظي البوت كانت ابيض فتوسخ برضو طين..وانا مروحة زلئت عالارض ادام الناطور تبع المدرسة ههههههههههه متت من الضحك وئتها لانو وشي كمان صار طين وعمو محمدالناطور ماعرف ايش يعمل فك الربطة الي حاطها عراسو لامسح الطين عن وشي ههههههه

موقف حزين؟؟!
انو بابا سافر صباح يوم ميلادي وماحضرو كانت اول مرة

هل مررت/ـي بصعوبات خلال مرحلة التوجيهي؟؟!
اه انتكست بعد امتحان النص الاول توقعت نتيجة عالية والي صار انو طلع معدلي 84 % ولاول مرة بعمري بنزل عن التسعينات..فاخدت قرار ماكمل مدرسة وغبت اسبوعين ويحكو كل يوم معي انو ماتيئسي وعادي وكملي وهيك اصص لحد مااقتنعت اخيرا ومشي الحال




* الحالة النفسية *


الكثير يقولون أن مرحلة التوجيهي تؤثر على شخصية الطالب!!
صراحه اه كنت حس قلق والكل حاطط عليك امل من المدرسة والبيت وزها وبحس حالك مجروم من الدنيا

فكيف كان تأثيرها عليك؟؟ هل هو ايجابي ام سلبي؟؟!
بالاول اه كنت اهتم بس انا من النوع الي مااااااااااابدرس الا وئت الامتحان ابلها بيوم وبس..فكنت العب فيديو جيم وبس يمر حد من اهلي امسك الكتاب هههههههه

كيف كانت حالتك النفسية خلالها؟؟! هل كنت كثير الاضطراب والقلق؟؟!
التريم الاول اه ..بس بعدين طنش تعش تنتعش ولاكانو توجيهي

هل كنت تشعر/ي انك غير ويجب ان يكون التعامل معك غير؟؟!
ماكنت حس هيك لا..بس انو اتعامل غير.طبعا فانا عطول معاملتي غير

كيف كان تعامل الأهل معك؟؟!
كتييييييييييييييييرمدلله طبعا لجيب مجموع مش لسواد عيوي

من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!
لا اهلي تعودو علي انو مابدرس بس دايما معدلي عالي الحمدلله بس التوجيهي كنت اسمع نغزات اومي ..حني عالكتاب..ناسية انك توجيهي..هيك الحكي وبس





* النتيجة *


شو كان شعورك لما بدأ العد التنازلي للإمتحانات النهائية؟؟!
ترقب وقلق وزها برضو

ماذا حصل لكم بالتفصيل يوم النتائج!!
يييييييييييييييي كان يوم طويييييييييييييل مانمت ابلها بيوم طبعا..والسخافة انو كان يطلع الاسم عالردايو يعني فضيحة علنية وكل الاهل والصحاب بستنوا النتيجة لانو عارفين الي صار معي الفصل الاول..المهم بدا النهار وبلشوا اهلي لعب باعصابي وكل مايرن تلفون اركض الو يطلع حد بسال عن الاخبار..صارت الساعه 5 بالظبط رن التلفون كانت مس الانجلش حكت لماما مبروك لملك 92 طبعا شفت دموع يعيون ماما ..فكرت رسبت او شي لئيتها بترد عالمس وسكرت..وتطلعت في ماما هيك انا ارتعبت ..حضنتني حكت مبروك ياعمري حكيتلها ماما كم؟؟؟حكتلي والدموع بتنزل من عيونها 92 حبيبة ماما يااااااااااااااااااااالله بدون ماحس صارت دموع تنزل من عيوني لكن مع بسمة مابعرف هالشعور كتير غريب انو خلصت 12 سنة دراسة واخيرا وخصوصا ماكنت متوقعة شي بعدا لفصل الاول..وبعدها بلشت اغاني النجاح تعلى في البيت وتلفون ورا تلفون بس اهم لحظة وئت سمعت اسمي من الردايو..شي تااااااني صحيح كنت عارفة النتيجة ابلها ب3 ساعات بس برضو الها نكهة تانية مابتنتسى..وتاني يوم الاسم بالجريدة بعدها عندي لهلا..الله يفرحنا بكل الطلاب هالسنة..طبعا اجى وئت الهدايا وكان احلى شي ..اتفئت معهم انو كل مرة بروح مع حد بختار هديتي عشان ضل حاسه بالدلال اسبوع ولهلا عندي هدايا التوجيهي


* ما بعد التوجيهي *


بماذا كنت تحلم ان تدرس؟؟!
علم نفس

هل كان المعدل بيسمح لدخول هالتخصص؟؟!
اها بس ماكان في التخصص نفسو بالجامعه

هل حصلت معك معوقات لدخول الجامعة؟؟!
لاالحمدلله ميسرة جدا



* الجامعة *


شو تخصصك الحالي؟؟!
هلا طالبة ماستر (علم النفس) موضوع التوحد

البكالوريس كان إعلام


مقتنع/ـة في دراستوا؟؟!
بصراحة بالاول كان عناد في بابا لان بدو ادرس ادب انجليزي وانا مابدي فحكيتلو اعلام رفض..حكيتلو اذا اول فصل ماخدت امتياز رح ادرس عكيفك

مبسوط/ـة في؟؟!
بس فتت فيه حبيتو وتمتعت عنجد

احكيلنا شوي عن حياة الجامعة؟؟!
احلى تجربة واذا بتمنى شي انو ارجع طااااااااالبة من جديد فيها

جو الجامعة اللي بتدرسوا فيها مريح؟؟!
الحمدلله فيه شوي اشيا بتنكد الواحد بس احسن من غيرها طبعا

شو التغيرات اللي صارت معك بعد دخول الجامعة؟؟!
انو بتتغير الشخصية ..بتقوى....بتتعلم الصبر..بتصقل البني ادم عنجد..بتعتمد عحالك..بتحس انو الحياة مش مفروشة ورد..بتحتك بااااااااااااصناف من البشر..بتعلم وبتتعلم..اهم شي بتطلع منها وانت قادر تقدم شي لغيرك


* رجعتوني لايام الشباب دردشة حلوة كتيييييييييير..بالتوفيق لكل الطلاب هالسنة مع اطيب الامنيات باعلى المعدلات

وشكر لميمي عاستضافتها الي هون

واذا بدكم تحطو امجد ..فالله يعينا معناتو ..
هادي
05-22-2010, 03:15 PM
ملك .. الله يعينهم عليي:ShababSmile222:
.. متلازمة اسبيرغر! من أول كنت شاكك (اللهم عافينا)!
الفتاة المشرقة
05-22-2010, 04:36 PM
ما شاء الله عنك اخي ام الوليد ..

ربنا يوفقك في الماستر وفي حياتك

ومنها لاعلى : )

ننتظر اخونا امجد ..~
هادي
05-22-2010, 05:32 PM
أبل أي شي .. يسلمو بلاستين وبنت فلسطين:ShababSmile240:
وهيني جيت اختي المشرقه .. (وعلى رأي هالحدا الله يكون بعونكم):ShababSmile237:
بسم الله
* المدرسة: الحسين بن علي
* التخصص أدبي
* النسبه 78 وبصراحه كتير عليي:ShababSmile250:
* أعلى ماده بالدرجات التربية الإسلامية وأقل ماده الرياضيات:ShababSmile227:
* وما بحب الرياضيات!:ShababSmile222:
* مدرس له اثر في نفسيتك ودراستك..
بصراحه هوه سكرتير المدرسه (أبو شادي) وما درسني:ShababSmile233:
* مدرس بتحبو:
الأستاز جواد السلايمه .. درسني رياضه:ShababSmile221: الصراحه حلوه
* مدرس سيء:
ما رح احكي اسمو بيضل استازي .. درسني عربي ! كنت منشف ريئو:ShababSmile237:
*أفضل مدرس بالشرح..
الاستاز راتب النتشه حئيئي بيفهم يدرس..
* موقف إيجابي من مدرس:
الاستاز جواد .. صار عندي ظرف غبت عن المدرسه أجا عنا للبيت علشان يتطمن عليي..:ShababSmile229:
* موقف سي .. شو اتزكر لأتزكر ..
:ShababSmile250:
( بكرى بكمل)!:ShababSmile233::ShababSmile2 22:
أم الوليد
05-23-2010, 07:32 AM
ملك .. الله يعينهم عليي:shababsmile222:
.. متلازمة اسبيرغر! من أول كنت شاكك (اللهم عافينا)!

يييييييييييييييييي انا !!

اه الله يعنيهم مليون مرة عليك

عالاقل احسن من الشوزفرانيا
أم الوليد
05-23-2010, 07:32 AM
ما شاء الله عنك اخي ام الوليد ..

ربنا يوفقك في الماستر وفي حياتك

ومنها لاعلى : )

ننتظر اخونا امجد ..~


كلك زوء حبيبتي

جميعا يارب
أم الوليد
05-23-2010, 07:34 AM
أبل أي شي .. يسلمو بلاستين وبنت فلسطين:ShababSmile240:
وهيني جيت اختي المشرقه .. (وعلى رأي هالحدا الله يكون بعونكم):ShababSmile237:
بسم الله
* المدرسة: الحسين بن علي
* التخصص أدبي
* النسبه 78 وبصراحه كتير عليي:ShababSmile250:
* أعلى ماده بالدرجات التربية الإسلامية وأقل ماده الرياضيات:ShababSmile227:
* وما بحب الرياضيات!:ShababSmile222:
* مدرس له اثر في نفسيتك ودراستك..
بصراحه هوه سكرتير المدرسه (أبو شادي) وما درسني:ShababSmile233:
* مدرس بتحبو:
الأستاز جواد السلايمه .. درسني رياضه:ShababSmile221: الصراحه حلوه
* مدرس سيء:
ما رح احكي اسمو بيضل استازي .. درسني عربي ! كنت منشف ريئو:ShababSmile237:
*أفضل مدرس بالشرح..
الاستاز راتب النتشه حئيئي بيفهم يدرس..
* موقف إيجابي من مدرس:
الاستاز جواد .. صار عندي ظرف غبت عن المدرسه أجا عنا للبيت علشان يتطمن عليي..:ShababSmile229:
* موقف سي .. شو اتزكر لأتزكر ..
:ShababSmile250:
( بكرى بكمل)!:ShababSmile233::ShababSmile2 22:

:ShababSmile239:

:ShababSmile239:

فضحتنا 78%

والك عين تحكي!!!

اصلا الله يعين المدرسة نفسها عليك مش بس الاساتذه..:ShababSmile233:

هلا حنضل شهر معلئين هالموضوع عبال مايجي ويتزكر..لانو زهايمر ياااااحرام :ShababSmile250:
هادي
05-23-2010, 09:52 AM
:ShababSmile239:

:ShababSmile239:

فضحتنا 78%

والك عين تحكي!!!

اصلا الله يعين المدرسة نفسها عليك مش بس الاساتذه..:ShababSmile233:

هلا حنضل شهر معلئين هالموضوع عبال مايجي ويتزكر..لانو زهايمر ياااااحرام :ShababSmile250:
ولسه ما بستحئهم .. ما ك؛نت أدرس هاد المعدل اخدتو بطرق غير مشروعه

:ShababSmile233:
(اللهم عافينا... اللهم لا اعتراض):ShababSmile250:
هادي
05-23-2010, 10:04 AM
يييييييييييييييييي انا !!

اه الله يعنيهم مليون مرة عليك

عالاقل احسن من الشوزفرانيا
اعملي عخاطرك .. مبين لازم أشوف دكتور نفساني عالبدري .. اقنعتيني

:ShababSmile250:
هادي
05-23-2010, 11:41 AM
.. آسف عالتأخير .. (شو تعملوا زهايمر لازم تتحملوني):ShababSmile111:

* موقف سيء حصل معك:
والله مش عارف شو أحكيي..:ShababSmile229:
إنمسكت وأنا بغش بإمتحان.. الله لا يورجيوا .. (إذا بيليتم فاستتروا):ShababSmile111:

* موقف جميل + محرج 2in1
مره كنت أحكي تلفون من غرفة السكرتير ..آم فات عليي المدير: شو بتعمل؟ حكيتلو بدور على أبو شادي - السكرتير-.. حكالي أبو شادي جواة التلفون؟! حكيتلو هيني بتصل عليه .. ابتسم المدير (ابتسامه صفرا) وحكالي أبو شادي ما معو جوال!!! أنا لسه صامد .. حكيتلو بتصل على بيتو .. ما تحمل المدير صارد يدحك .. وطبعاً كالعاده .. اتصل على أبوي وحكالو:ShababSmile221:

* حياة الجامعة:
أكيد فتره حلوه .. عالم تاني .. بيكون في تأثير مباشر على الشخصية .. بداية حياة جديده .. هلأ شو كان نفسي أدرس بالفعل درست .. داتا بيز (قواعد بيانات) وكان معدلي يسمح وحافظت على معدلي التراكمي .. بس كيف لليوم ما بعرف! ربنا سهّل:ShababSmile116:
* شعوري والحالة النفسية:
طبعاً مش سهل وخاصة إني ما كنت أدرس:ShababSmile229: والكل من حوالي بيعاملوني معامله خاصه .. (توجيهي شو!!) بس الصراحه أنا نوعي كير لس:ShababSmile227:
ويوم النتائج .. كنت بنابلس حكى صاحبي معي وئلي مبروك:ShababSmile116:

.. ويا رب كا أكون طولت عليكم .. وتسلمو عالاستضافه:ShababSmile240:
الفتاة المشرقة
05-23-2010, 05:56 PM
ربنا يوفقك اخي امجد ..

ياريت تختار عضو تاني :)
PaLeStiNe FlOwEr
05-23-2010, 08:13 PM
منورين ملك وأمجد

الله يوفئكم

وعئبال ما تتخرجي من الماستر ميمي


اجابات سريعة ومختصرة كالعادة أمجد

الله يوفئكم كلكم

شكرا ع قبول الاستضافة ^^
أم الوليد
05-26-2010, 07:30 AM
ال طول وهو نسي نص الاسئلة!!

شو هالناس يارب!!

زهاااااااااااااااااااااااااايمر ياحرام ..
هادي
05-27-2010, 11:56 AM
:ShababSmile109:
آسف كتير يا جماعه .. ما عرفت إنو لازم اختار حد بعدي ..
بختار شهيد أو أحلى ريتاج ..
.. ـــــــ ..
سيدة ملك .. فعلاً الطبع غلب التطبع
التنمر عندك وراثه يعني جينات!!:ShababSmile226:
الفتاة المشرقة
05-27-2010, 05:36 PM
اتنين ما خلصو توجيهي ^^

بختار الاخ اسد 22
اسد 22
05-27-2010, 06:14 PM
شكراً لكم على الاختيار تم اختياري مسبقاً

http://shabab.ps/vb/showthread.php?t=112664&page=8


اختار بعدي حنين المهاجرة
الفتاة المشرقة
05-27-2010, 06:31 PM
اممم

مين حنين المهاجره ..؟؟