ممكن جواب صريح من الشباب والبنات؟؟

[قمر الخليل]

مرحبا شباب وصبايا كيفكم ؟؟ انا حابة نحكي بموضوع شوي مهم
بصراحة انا دخلت قبل فترة عالتشات بنيك نيم عجبني هو الاسلام هو الحل المهم ما لقيت الا نص شباب التشات داخلين عليي ونازلين مسبات ومسبات وبس اسألهم ليش هيك بقولولي لانك حمساوية؟؟؟
هل هادا الشعار خاص بس لحماس؟؟ والا حماس بس الي متدينة؟؟ واحنا خلص ؟؟ تركنا الدين
وبعدين احنا كلنا ولاد بلد وحدة ليش هالانقسام هادا يعني ليش هالكره الي بيننا مش حماس وفتح والجبهة وألخ.... كلها مقاومة؟؟ مش عدونا واحد هو اليهود؟؟ مش هدفنا واحد هو تحرير بلدنا فلسطين؟ والا احنا هيك طول عمرنا رح انضلنا منقسمين وما عننا رأي ولا حتى كلمة وحدة طيب لو ضلينا هيك فساد بفساد وما عنا رأي ولا كلمة متفقين عليها ايمتى رح تتحرر فلسطين؟؟ لما نشوف المسجد الاقصى بتهدم ادام عيونا واحنا واقفين بنتفرج على حالنا وبنبكي عليها؟؟ طيب ايش الي مخلينا بعاد عن الدين؟؟ عن الصلاة ؟؟ عن الله مع انو قريب كتير مننا مع انو شرفنا وخلانا فلسطينين من بلد الانبياء والمرسلين ؟؟؟ مع انو احنا ولاد البلد الي رح يكون الحشر فيها يوم القيامة . مع الاسف ازا احنا ما غيرنا حالنا مستحيل وضعنا يتغير او حتى يتحرر شبر من فلسطين ولو بدنا غيرنا يتغير ويصلح حالو لازم اول نبدأ بحالنا ونغير حالنا ونصلح حالنا بالأول .

ياريت تكتبولي وبكل صراحة لو كنت انا غلطانة بكلامي والا لأ لأنو بصراحة حالنا والله ببكي هالأيام والواحد مش عارف شو صار بالدنيا وليش هيك كلها فساد بفساد.

[jikoo]

عين العقل والله يا اختي

بالنسبة للتشات كل واحد بعمل بأصلو يا بنت الناس

وكل واحد بعمل شي بلاقي ...وربنا ما بنسى حدا ...

وبالنسبة للشتايم ....مش معقول حكو وشتمو عليكي من دون سبب

ورجاء يا بنت الناس لما تلاقي غلط من شخص لا تعممي

لان التعميم هو اللي ضر البلد أكتير شي

والفتحاوية والحمساوية كلهم واحد شوفي القيادات كيف مع بعض

هادا بس العناصر اللي تتقاتل ....

والدين للكل مش بس لحماس ...

وكل الشعب بشهد ان لا اله الا الله محمد رسول الله

وانتي يا أختي تاج ع روسنا بس لا تعممي ...

وخطاً شخص حتى تلاقيه لا ينتمى للمنتدى او يكون كعضو بالمنتدى ...

إنك تعممي ع كل الشباب ....

وبالنسبة كمان للشعب لا تقلقي كلوو مفرق

حماس وفتح وكمان اهلي وزمالك وشمال وجنوب ....والاحتلال أعتمد هالمبدأ بقتالنا

............جزاك الله كل خير يا بنت الناس .......

[عاشقة الليل]

اختي قمر الخليل موضوعك كتير حلو
وفعلا لازم عشان نغير حالنا نغير اللي بقلوبنا اول
قال تعالى ( ان الله لا يغير ما بقوم حتى يغيروا ما بأنفسهم )
وكمان في مثل بحكي ( اتفق العرب على ان لا يتفقوا )

[anos]

فلسطيني واعتز بكوني فلسطيني

أختي هذا الانقسام لا يفيد الا عدونا وعدونا هو الذي اوجده

وفي قاعدة عن الصليبين تقول (( فرق تسد)) وهذا ما هو حادث

يسلموووو لموضوعك الحلو ^^ منورة المنتدى

تحياتي للجميع

[قمر الخليل]

شكرا كتير الكم عالمشاركة والمرور بس عنجد الموضوع محتاج لنقاش ومحتاج مننا احنا كشباب وبنات اننا نوخد موقف من الي بصير يعني احنا لازم نحاول بكل الطرق اننا نغير الي حوالينا ان ما قدرنا بأيدنا بنقدر بالقلم والورقة وازا ما قدرنا نحارب بالسلاح بنحارب بالقلم والورقة واكتر شي بكيد العدو انو يطلع مننا علماء واطفال ينولدو رجال من بطون امهاتهم وان شالله الامل بأيدنا احنا جيل اليوم وبأيد الجيل الي جاي من بعدنا وياريت نوصل هالرسالة للأطفال عشان نوعيهم ويقدرو يعملو شي بالمستقبل

ومشكورين عالصراحة وعلى ردودكم

تسسسسسسسسلموووووووووووو

تحياتي

[صقر جباليا]

رحم الله فتى قد هذب الدين شبابه .. فمضى يجزي الى العلياء في عزم ركابه
واردا من منهل الهادي ومن نبع الصحابة
اختي قمر الخليل ....
اول شي مشكورة كتير على طرحك للموضوع وبجد هو موضوع خطير ويحتاج لنقاش مطول
ولكن قبل ان ندخل اي نقاش يجب على ان نتفق ان الاسلام هو الحل شعار لا يمكن التنازل عنه ولا المزاودة عليه ... واذا كنتي انتي يا اختي في حماس تقولين هذا الشعار فانا كابن من ابناء فتح اغني بهذا الشعار وانادي به لانو فعلا هو الحل وهو القادر على ان يخرج بنا من هذا المأزق الذي ارق منامنا واتعبنا وارهقنا
فتح .. حماس ... الجبهة ... الجهاد .. الخ ... نعم كلنا فلسطينيون كلنا مسلمون كلنا عرب ولكن ... لكل تنظيم منهجه وطريقته في هذه الحكاية الطويلة الا وهي حكاية الاسلام هو الحل
الكل يحاول ان يثبت أن طريقته هي الاصوب وهي الانجح
وفي النهاية يأتي المصاب على رأس هذا الشعب الضعيف
والحديث يطوووووووول ....
وارجوا ان لا اكون قد جرحت احدا في كلامي
مشكورة اختي ..

[رولينا]

والله فتح حماس والى اخره كلو واحد كلنا فلسطينيي
واللي بصير في التشات ما تاخديه على محمل الجد لأنو هاد تشات مو كل واحد بحكي كلمة بدنا نقعد نفكر فيها نحط في عقلنا
طنش تعش تنتعش

[وردة فلسطين]

اختي قمر الخليل
أولاً أشكركِ عزيزتي على طرحكِ لهذاا لموضوع المهم والخطير جداً ،
ثانياً هذا الشئ هو الذي يريده عدونا وعدو الاسلام ، هو الذي يشيع
التفرقة والعنصرية بين أبنائنا وشعبنا المناضل ، وأغلب الشعب للأسف
سمح لهذا العدو المحتل بنشر هذه التفرقة وقول حماس وفتح والجبهة
وغيرها من الفصائل ، أنا أؤيد رأيكِ غاليتي ، فنحن أولاً وأخيراً شعب
واحد ومسلمين وننتمي لبلد واحدة فلماذا هذه العنصرية والتمييز ؟؟!!
في رأيي أنه يجب علينا أن نتوحد جميعنا تحت كلمة لا إله إلا الله حتى نتمكن
من التغلب على العدو الصهيوني المحتل ونفسد مخططاته ، ولا ندع له المجال
بأن يفرق بيننا ، وأدعو الله أن ينصرنا على القوم الكافرين وأن يقوي صفوفنا
ويوحدنا لإعلاء كلمته ودينه ،، جزاكِ الله خيراً اختي قمر ...

[ابن الانتفاضة]

قمر الخليل مشكورة عالموضوع الحلو.
اولا بحب احكيلك رايي بالهموضوع هاد ، برايي اعمال الفتنه اللي بتصير بين شباب التنظيمات اساسها الشاباك الاسرائيلي ومخابراته القذرة عن طريق الطابور الخامس ، يمكن اوك الشباب يكون عندهم حس وطني كبير وطنية عالية ، لكنهم بينسو انهم عمالهم بيفرقو بين بعض وعمالهم بيعطو الاحتلال وبيكرسولو تواجده وبييحققو اهدافه بطريقة او باخرى ، بدون علمهم بهاد الشي ، اوك في اختلافات في النظر وفي الايديولوجيات لكن بالاخير الكل بيعمل لتحقيق هدف واحد هوي فلسطين ، بعدين في شي بالنسبة الي، ورايي بكل هدول الناس ، الي بيضل يحكي انا فتحاوي وابصر شو وهداك انا حمساوي وانا ما بعرف ايش ، هدول لا هم فتح ولا هم حماس ولا شي ، هدول ناس بدهم مفخرة وكبرة راس عالفاضي ، ولا هم وطنية ولا بيفيدو الوطن بشي ، بالعكس بسيؤو لسمعة التنظيمات اللي بنتسبولها وبشوهو صورة ناس كتير وطنية فيها ، فنصيحتي الهم اللي بدو يحكي انا فتح والا انا حماس والا غيرو ، يقوم من مكانها من ورا الشاشة ويروح عالمواجهة ويشتغل ، مهي التنظيمات ما انخلقت عشان نتباهى فيها ، انخلقت عشان نشتغل من خلالها .
مع احترامي للجميع ومشكورة قمر الخليل مرة تانية

[طالب الامريكية]

حماس طول عمرها صح لكن احنا ما عطناها فرص

فتح صارلها سنيييييييييين بتنهب فى اموالنا وبتبيع اراضينا و ما فى حد طعن فيهم

ليش لما حماس اجا دورها ما بنعطيها على الاقل لو 3 شهور

مع العلم انه اشبالنا و شهدائنا هم الى صنعو شىء اسمه حماس فكيف احنا هلأ بنتنصل منها

!!!!!!!!!!!!!!!!!!!!!!!!!!!!!!!!

[atallah97]

جميع الردود جميلة جدا ولكن أين نحن من هذا الحديث؟؟ هل نحن نطبق هذا على أنفسنا ولا ننجر للجدال الذي لا يأتي إلا بالتنافر؟
وبعدين أنا بسأل نفسي وبسأل كل فتحاوي سؤال لابد من الإجابة عليه وهو:

لماذا حركة فتح لا تمتلك أي منهج تربوي لأبنائها؟ ولماذا لا تبني المساجد؟ ولماذا لا يوجد عندها أئمة وخطباء؟ ولماذا لا يوجد لها برنامج دعوي على أساس الاسلام هو الحل يا استاذ صقر جباليا؟؟

اجلس مع نفسك واسأل نفسك واسأل الكبار والقادة في فتح هذه الأسئلة

أتمنى من قيادة وأبناء وأنصار فتح ان يعملوا ولا يتخذوا فقط شعاراً للإسلام هو الحل

اخوكم ابوصلاح

[قمر الخليل]

مشكورين كلكم عالمرور ومعك حق يا طالب الامريكية هم ابدا ما اعطو فرصة لحماس ومفكرينها مش قد المسؤولية

بس ان شالله الله رح يبين كل شي وبنشوف مين الصح والغلط

واكبر دليل على انو حماس بتقاوم العدو انو الامريكان مش معطينها فرصة بالمرة وعمبعاقو فينا احنا الفلسطنين لاننا اخترناها لانهم عارفين انها بتقاوم وانها ما رح تعترف باسرائيل
بتمنى ما اكون ظلمت حدا بكلامي
وانت كمان ابو صالح وكلكم كلامك صحيح مية بالمية بس بدنا تنفييييذ

هاي المشكلة الحقيقية انو الحكي اسهل من التنفيذ فياريت انو نقدر نوصل هالرسالة لكل حد بنعرفو وياريت لو كل واحد فينا عندو صاحب او حد عزيز عليه يحاول يصححلو هالتفكير انو التنظيمات للمقاومة وبس ومش للانقسامات والله كأنو احنا اعدء ولا كأنا شعب واحد
وهادا الي بدو يوصلو العدو ولو احنا شاطرين وبنعرف نستغل قوتنا وأراءنا كان بنقدر نحرر فلسطين اليوم قبل بكرا وبدون مساعدة من اي دولة بس احنا ما عنا لا دين ولا رأي ولا قوة حتى الصلاة نسيناها وبعدين ليش الشباب بستغلو التشات للحكي الفاضي طيب ما ممكن يستغلوه في انهم يحسنو من تفكيرهم الخطأ عن التنظيمات وممكن يستغلوه في النقاشات عن فلسطين الي ولا حد بحس بقيمتها الا ابنها وبس

بتمنى ما اكون طولت عليكم او ازعجتكم بس لانو هالكلمات بقلبي من زمان وما بكزب عليكم لو قلتلكم انو فلسطين معزباني بحياتي وانو فلسطين قلبي المجروح

تحياتي الكم

[aBo SaLeeM]

اه والله كلامك صحيح دايما بيصير هيك اذا انتا فتحاوي بيحكو عنك الحمساوية كذا وكذا واذا انتا حمساوي بيحكوا الفتحاوية كذا وكذا ياعااااااااااالم عدونا وااحد (( اسرائيل )) وبس
والله يصلح حالنا

[قمر الخليل]

مزبوط كلامك ابو سالم كلنا شعب واحد

شعب الجبارين الي ان شالله منصورين بأذن الله

شكرا عالمرور

[محمد زكارنة]

بسم الله الرحمن الرحيم

طبعا انا شاب فلسطيني جديد على المنتدى
طبعا فتحاوي
ولكن انا انسان غير عنصري
حابب احكي كلام وهوا رايح يفجرني
اول اشي احنا الفتحاوين منغاضين كيف حماس الي كانت على الرف السياسي تدخل وتصير
واحنا الاصل انصير على الرف
طبعا الكلام هيدا مش لحماس او فتح
وانا متل ما ذكرت انسان غير عنصري
طبعا الشباب يوم ما يشوفوا واحد من حماس في المنتدى ما بيضل في عثلهم اي اشي
ببلشوا فيه مسبيات والخ ما بحب اذكر اشي
يعني اخوي هي فشة غل
ولكن هيدا الاشي ما لازم يصير واي شخص اخواني بيسب على اخوه اي كان فصيلة حماس فتح اي اشي
فهوا حرام

واريد ان ابشر اخواني في المنتدى الفتحاوين والحمساوين والديموقراطية والشعبية والجهاد الخ
ان اليوم تم في فلسطين _ جنين
حوار وطني ما بين الفصائل الفلسطينة
وتم بالاجماع
انه كل من يرفع السلاح في وجه اخية المسلم اي كان فصيله
فهوا حرام
وايضا اكدت حركة حماس مع حركة فتح اليوم انهما انشاء الله لن يختلفوا باي شيء
وعلى هذا اليوم تم الاتفاق على صلخ ما بين فتح وحماس

واليكم اخواني
في الحساة انت تقول جماس فقرتنا حماس
لا هي لم تعمل شيء هي استلمت فقط الحكومة ولم يطلع لها ان عملت شيء
انها قاعدة متفرجة
لان الحصار الاسرائيلي الامريكي على الحركة ادى الى فقر الناس وتشديد الحصار
ومنها ضغوط على حماس للاعتراف باسرائيل

اخواني في المنتدى ارجوكم
ان يتفاهم كل شخص مع الاخر وان يصلح ما اخطئه مع اخية المسلم

اخوكم الفتحاوي محمد زكارنة

[nashow2007]

اه والله كلامك صحيح دايما بيصير هيك اذا انتا فتحاوي بيحكو عنك الحمساوية كذا وكذا واذا انتا حمساوي بيحكوا الفتحاوية كذا وكذا ياعااااااااااالم عدونا وااحد (( اسرائيل )) وبس
والله يصلح حالنا


يسلمو اخ ابو اسلام على هذا الكلام

ويا ريت الكل يعرف

نشوو

[aBo SaLeeM]

كلنا فلسطينيين وانا اعتز باني فلسطيني

[البتار الصارم]

اختي قمر الخليل سلام عليك وتحية وبعد :
" ان الدين عند الله الاسلام "
ولانقول الا ان القافلة تسير والكلاب تنبح
ومشكورة على الموضوع الحد مهم بس كيف ممكن نوصل صوتنا للجميع انا راح انزل موضوع كيف ممكن احنا الشباب هون ممكن نسمع اصواتنا للجميع .

[dody]

مهو القصة بطلت عدو واحد اذا الفتحاوي بعتبر الحمساوي عدو و العكس صحيح صارت حرب من عدة اطراف بس لما نتحد و تصير وحدة وطنية رايتنا الاسلام ببطل غير اسرائيل العدو و بسهل
التخلص منه
بس اذا كل واحد متعصب لمنظمته و هو الصح لو كان غلط فما بعرف شو بدي اقول يعني
و بالنسبة للشات هدول ناس تافهين و كل واحد بحكي باصلو و شكراااا

[قمر الشام]

ولله معك خق حالنا بكي وبــــــــــــــــــــــــس .............

[العملاق صغير]

لا تعليق