المساعد الشخصي الرقمي

مشاهدة النسخة كاملة : هل تقبلين ان تتزوجي شاب بمهر رمزي


قاهر الصعاب
03-02-2010, 09:07 AM
السلام عليكم

الاعضاء الكرام

صباح الخير


روى الإمام أحمد والبيهقي والحاكم مرفوعا ان النبي صلى الله عليه وسلم قال : " أن من يمن المرأة ، تيسير خطبتها ، وتيسير صداقها "

والمغالاة في المهور يجعل الزوجة كأنها سلعة ، تباع وتشترى ، مما يخل بالمروءة ، وينافي الشيم ، ومكارم الأخلاق .
وعلى أولياء الفتيان والفتيات ، تخفيف المهور ، وتيسير سبل الزواج ، ومراعاة حال الشباب اليوم ، ومواساتهم ، وعدم الطمع والجشع ، وتزويج الأيامى بما يتيسر ، وبذلك يتحقق التكافل الاجتماعي ، والتضامن الإسلامي ، وتسود الأخوة والمحبة والتعاون بين المسلمين ، الذين هم كالجسد الواحد ، وكالبنيان المرصوص ، يشد بعضه بعضاً .

اذا وصلنا لنتيجة ان غلاء المهور سبب رئيسي في عزوف الشباب عن الزواج وانتشار المشاكل الاخلاقية عند الشباب.

وقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره .
فسؤالي للشابات هل تقبلين ان تتزوجي بمهر رمزي 100 دينار او 500 ولا يزيد او حفظ بعض الاجزاء من القران الكريم واريد الصدق في ذلك ؟

اذا قبلت الزواج بمهر رمزي هل يقبل اهلك بذلك او يطلبون مهر غالي 5000 دينار او 10000 غير الهدايا والاثاث المرهق؟ وهل تستطيعين اقناعهم برايك في الزوج الصالح؟

هذه دعوة مني للمجتمع الفلسطيني بتيسير مهور الزواج لاني سمعت ان المهر في مدينة نابلس مثلا لا يقل عن 2500 دينار اردني ويصل 5000 و 10000 ، وايضا كثير من المدن المهر عالي .
لماذا لا يصبح المهر 500 دينار او 1000 لماذا يربط بسعر الدينار والذهب.
اذا ارتفع سعر الذهب بتصير ال1500 دينار ما بتجيب ذهب كثير وبالتالي يرفعوا المهر 2000 ؟ يعني المبدا مادي وهذا الي صاير.


موضوع للنقاش وابدا الراي واتمنى ان اجد التفاعل من الشابات اكثر شيء لاعرف رايهن ( اشير اني تزوجت بمهر عادي ليس غالي لان عادة بلدنا والحمد لله تيسير المهور).

:ShababSmile240::ShababSmile225:

متيمة الأقصى
03-02-2010, 10:49 AM
موضوع واقعي وعنجد يسلمو على طرحه.
وأنا بوافقك الرأي بأن غلاء المهور مشكلة كبيرة في مجتمعاتنا بحيث انه الناس صارت تفكر انه مقدار المهر دليل على قيمة بنتهم غافلين انه عاقبة هاد المهر الكبير رح تتحمله البنت وتعاني منه لفترة طويلة بحياتها . ولو فكرنا منيح بنشوف انه المال والدهب لا بيقدم ولا بيأخر المهم راحة البال والسترة ...
وحتى لو البنت رضيت بمهر متوسط بتضل تعاني من عقلية الأهل ورفضهم للموضوع .. فعشان نحل هالمشكلة لازم بداية نصحح تصور المجتمع لقضية المهر بانة تشريف للمراة وليس تقييم لها ...
وبالنسبة الي صراحة اذا كنت اريد الشخص وكان صالح فهذا يغنيني عن المهر العالي لاني ارفض ان يكون مستقبلي وحياتي سلعة تحدد بالدنانير .ووقتها رح احاول بكل جهدي اقنعهم واغير نظرة اهلي واكيد رح يستوعبو الوضع ويتفهمو لانهم بالاخر بدهم مصلحتي واعيش مرتاحة وسعيدة .

قاهر الصعاب
03-02-2010, 01:04 PM
(((((ولو فكرنا منيح بنشوف انه المال والدهب لا بيقدم ولا بيأخر المهم راحة البال والسترة ...
))))))

كلامك صحيح اخت متيمة الاقصى ، فالمهر العالي يؤدي الى وقوع الزوج في الدين لعدة سنوات وهو على حساب راحتهم.

بتمنى لو كل البنات يكون عندهم عزيمة وقدرة على الاقناع مثلك ، والله يسعدك ؟
بشكرك على صراحتك اختي الكريمة ، وان شاء الله يرزقك من حيث لا تحتسبين .

يلا بدنا ردود اكثر يا جماعة

في الانتظار

Anonymous Gril
03-02-2010, 01:18 PM
بس سؤال سؤال..

هل أنا سأتزوج الرجل أم ماله؟!

أنا عن نفسي أقبل بمهر رمزي ..

و المفروض الأهل يستشيروني بهذا الشيء..

ولكن كأن 1500 كثيرة ..

و المهر قليل .. البركة كثيرة..

و الذهب ليس بالضرورة إلا إذا طلبت العروس ذلك..


و كذلك

المهور الغالية .. تزيد من نسبة العوانس.. وبالتالي اللجوء لفتاة أخرى لا من شاف من درى

امورة حبيبي
03-02-2010, 05:59 PM
من رأي انو كل فتاة يجب ان تراعي حالة الشاب الي يتقدم لخطبتها وانا عن نفسي اقبل بأي مهر رمزي المهم يكون الشاب كويس وبكون انا مقتنعة فيه وبحبو ويحبني هد اهم اشي وبالتالي رح تكون سعيدة معو لانو المال لا بيشتري السعادة ولا راحة البال والزواج هو ع الحلوة وع المرة ....ولازم هي تقنع اهلها بهالشي لانو هي الي رح تزوج مش الاهل

بنت فلسطين المجروحة
03-02-2010, 07:50 PM
بظن اذا الشب منيح كل هالتفاصيل مش مهمة!

لانو بالنهاية العريس اللي قادر يلبي المهر الفلاني والعرس الغاليي والبيت الغير شكل

يمكن يتعسها اكتر من واحد عقد حاله

بنت فلسطين المجروحة
03-02-2010, 07:50 PM
بظن اذا الشب منيح كل هالتفاصيل مش مهمة!

لانو بالنهاية العريس اللي قادر يلبي المهر الفلاني والعرس الغاليي والبيت الغير شكل

يمكن يتعسها اكتر من واحد عقد حاله

شهيد
03-02-2010, 08:06 PM
لا تزيد المهور حتى لا تصبح النساء سلعة زهيدة تشترى في نهار وتباع في ليل !

PaLeStiNe FlOwEr
03-02-2010, 10:37 PM
لا تزيد المهور حتى لا تصبح النساء سلعة زهيدة تشترى في نهار وتباع في ليل !

100%

§عاشقة غزة§
03-02-2010, 10:51 PM
الزواج ليس صفقة مالية
بل صفقة تالف بين القلوب بالرحمة والمودة
فالمهر يضل دائما شئ رمزي
لا يكلف الله نفسا الا وسعها
وليس للاهل التدخل
بل الدعاء العروسين بالتوفيق فقط
انا عن نفسي لم اطلب مهرا
سوى تراب غزة
أغلى من كل المهور
فاتمنى من الاهل والبنات كمان
ان يستوعبوا ان السعادة لا تقدر بالمال
بل بالمعاملة الطيبة والزوج الصالح
شكرا لك ع الموضوع

شهيد
03-02-2010, 10:58 PM
الزواج ليس صفقة مالية
بل صفقة تالف بين القلوب بالرحمة والمودة
فالمهر يضل دائما شئ رمزي
لا يكلف الله نفسا الا وسعها
وليس للاهل التدخل
بل الدعاء العروسين بالتوفيق فقط
انا عن نفسي لم اطلب مهرا
سوى تراب غزة
أغلى من كل المهور
فاتمنى من الاهل والبنات كمان
ان يستوعبوا ان السعادة لا تقدر بالمال
بل بالمعاملة الطيبة والزوج الصالح
شكرا لك ع الموضوع

:ShababSmile240:

قاهر الصعاب
03-04-2010, 08:37 AM
Anonymous Gril
.|[ عضـــو نشــــيط ]|.
المهور الغالية .. تزيد من نسبة العوانس.. وبالتالي اللجوء لفتاة أخرى لا من شاف من درى ؟

كلامك 100 % حياك الله

الف شكر لردك وتفاعلك مع الموضوع
*********************************** **********
امورة حبيبي
.|[ عضـــو جديـــــد ]|.

مشكور جدا لردك اختي الكريمة كمان انتي ضد غلاء المهور والله يعطيكي من فضله

قاهر الصعاب
03-04-2010, 08:47 AM
بنت فلسطين المجروحة
..{ مشرفة عــامـة }..

بظن اذا الشب منيح كل هالتفاصيل مش مهمة!

لانو بالنهاية العريس اللي قادر يلبي المهر الفلاني والعرس الغاليي والبيت الغير شكل

يمكن يتعسها اكتر من واحد عقد حاله

كلامك صحيح بس ايش قصدك ((( اكثر من واحد عقد حاله )) ؟!!!!!!!!!!!!!!!!!!!!!!!!!!!!!! نرجوا التوضيح

مشور لتواجدك

قاهر الصعاب
03-04-2010, 08:51 AM
الزواج ليس صفقة مالية
بل صفقة تالف بين القلوب بالرحمة والمودة
فالمهر يضل دائما شئ رمزي
لا يكلف الله نفسا الا وسعها
وليس للاهل التدخل
بل الدعاء العروسين بالتوفيق فقط
انا عن نفسي لم اطلب مهرا
سوى تراب غزة
أغلى من كل المهور
فاتمنى من الاهل والبنات كمان
ان يستوعبوا ان السعادة لا تقدر بالمال
بل بالمعاملة الطيبة والزوج الصالح
شكرا لك ع الموضوع

يعني كفيتي وفيتي

وما شاء الله عليكي لو كل الناس بفكروا مثلك الدنيا بخير .

((((انا عن نفسي لم اطلب مهرا
سوى تراب غزة )))))))))) بتمنى ان تطبقي قولك . وتكوني عبرة لغيرك من الناس. :ShababSmile235:

قاهر الصعاب
03-04-2010, 08:52 AM
المشرف شهيد اهلا بك

ومشكور لنصيحتك وتواجدك

§عاشقة غزة§
03-04-2010, 12:40 PM
((((انا عن نفسي لم اطلب مهرا
سوى تراب غزة )))))))))) بتمنى ان تطبقي قولك . وتكوني عبرة لغيرك من الناس.

أخ قاهر الصعاب
مو محتاجة اطبق قولي لانه طبق بالفعل
انا متزوجة فلسطيني غزاوي وافتخر
مع اني لست فلسطينية
ومهري كان تراب غزة

rawaa
03-04-2010, 05:42 PM
ممممم بالنسبه اللي انو ازا الشب بحبو ومقتنعه في لو على مابدي منو مهر بس اهم شي اكون معو وكون مبسوطه بس الاهل مابقبلو لانو بحكو ليش بنتنا نعطيها لواحد هيك او بشوفو انو لمى بحط مبلغ كبير بالمهر مارح يتخلى عنها بسهوله بس نحنا البنات بس مش الكل طبعا يعني انا متلا لو موافقه على الشب مارح بهمني شو مارح يحطلي مهر ولا كيف رح يكون الاثاث وسار معي موقف وتفرقت انا وشخص مشان هالموضوع بابا ماقبل والشب مابادر يعني هالموضوع بتطرحو على الاهل يمكن نعرف شو جوابهم

ريـما الفلسطينية
03-04-2010, 05:47 PM
انا بالنسبه الي ما بهمني المبلغ كمبلغ بس يلي بهم قيمه الواحد ..برضو بالاخر البنت ما بدها تطلع اقل من باقي البنات

وطبعا انا ضد المهور الكتير عاليه ..يعني يكون الواحد معتدل ..

وهاد معنا اني ما بوافق على مهر رمزي بس بالاخر في استثناءات


يسلمو عالموضوع

حسام المصرى
03-04-2010, 11:59 PM
انا بقول عادى يعنى البنت توافق اها على مهر بسيط لكن المصيبة بقى فى الوالد بيتشرط وبيحط شروط تعجيزية تعقد أى شاب وكأن بنته دى بيعة بيبيعها عشان يكسب منها فلوس ...

&نسيم الروح&
03-06-2010, 08:57 AM
اول شي متلا انا من قريه عين كارم والمهر عنا من 3000 اردني واطلع وازا انتا من بره القريه تاكد انك رح تدفع مهر اكتر لانه بالنسبه للاهل حتى لو فلسطيني فانتا غريب

اما بالنسيه الي انا تزوجت ومشى الحال بس بتعرف انه مستحيل احكيلك انه المهر الغالي لانه الدنيا غاليه يعني متلا الاهل الميسورين ما بطلبوا مهر لبنتهم متل الي وضعهم زفت

يعني بدهم يجهزوا بنتهم زيها زي غيرها

انا لما تزوجت طلبوا مهر 3000 اردني طبعا بس اهلي كملوا منهم للجهاز اكتر من 1500 اهلي بئدروا غيرهم لا عارف كيف بس في كتير بنات بتشرط انه بدها يحفظ اشي من القران او مهر رمزي حلو مو غلط بس ازا اهلها عندهم قدره يجهزوها مو ما عندهم القدره ويئعد الاب يخصم من فلوسه والصرف على ولاده عشان يجهز بنته
حرام برضو خصوصا انه الناس ما بترحم يعني شو ما عملوا لبنتهم رح ينحكى عنهم وعنها

بس لو انا ما تزوجت وكان شب محترم وديين وميسورر الحال "ئادر يعيشني ويفتح بيت" ممكن ارضى وبابا كمان بيرضى لانه متدين وكل الي بمخه انه "من ترضو دينه وخلقه" و" اقلكم مهرا اكثركم بركه"

يمكن وجهه نضري متناقده بس الهيك الدنيا يعني لو كان ابوها ميسور ووضعه منييييييييح فليش ما يكون مهرها ئليل ويجهزها هو اما ازا كان وضعه على ئد حاله لا حرام انا مو معه بضلم عيلته وحاله ليش هيك يعمل

على العموم ميرسي الك على الموضوع

قاهر الصعاب
03-07-2010, 10:16 AM
الاخت رواء

ريما الفلسطينية


حسام المصري



نسيم الروح

مشكورين للمرور وابداء رايكم

وكل احترمي لكم جميعا وكل واحد حر في حياته ، وبعد ان يرى كل عضو رد الاخر بجوز يتاثر وهذا املنا .

وارى ان المعظم يؤيد المهر الرمزي ولكن يوجد معيقات من الاهل بفعل العادات والتمسك بالتقاليد الزائفة .

والله يصلح الاحوال