المساعد الشخصي الرقمي

مشاهدة النسخة كاملة : خلافك مع العضو هل يجعلك تتجاهل مواضيعه ؟؟


sofy
02-27-2010, 08:13 PM
خلافك مع العضو هل يجعلك تتجاهل مواضيعه ؟؟

خلافك مع العضو هل يجعلك تتجاهل مواضيعه ؟؟






أحبتي ,,
هذا المنتدى يرقى بكم لا بغيركم يمد لكم يده ويرجو منكم التعاون من أجل بقاءه
يرفض أي طعن أوتجريح للآخر مهما كانت فكرتنا الشخصية عنه
فكلنا بشر يخطىء ويصيب ف .. "كل ابن آدم خطاء وخير الخطائين التوابون"

مدوا يدكم هنا قولوا ما تريدون وشاركوني الحديث
أقرأوا كلامي بكل حياديّة
فالله وحده يعلم بأنه ليس لي أي غرض شخصي في طرح هذا الموضوع.


====

انتظر مداخلاتكم

:ShababSmile229:

دمع المطر
02-27-2010, 09:24 PM
كلنا نعلم صوفي ونعلم نيتها ، طبعا خلافي مع اي عضو مهما كان لا يجعلني اتجاهله بل اتابع مواضيعه وارد عليها لكي اصلح الموقف ، وينتهي الخلاف بأرضه ، اقول قولي هذا ولا يوجد لدي اي خلاف مع اي احد وخصوصا ان هذا اول منتدى اشارك فيه ، منورة حبيبتي صوفي انت ومواضيعك ، شو اخبار المجلة ،، وانشاالله انت اليوم صحتك احسن والله ما فضيت ادخل المنتدى واطمن عليك ، سامحيني حبيبتي

sofy
02-27-2010, 09:54 PM
يا هلا بالزين .. منور المنتدى والله .. ولك يسعدلياكي .. بس في إلي حكي تاني معك ..

حبيبتي إنت بعرف إنك زووووووء يا بنت .. وبرافو عليكي .. كلامك في محلووو في ناس .. بيطلعووا لما تصير معهم شغلة وما بحبوا يضلوووا

في المنتدى .. بس شان صارت مشكلة صغيرة ..

§عاشقة غزة§
02-28-2010, 12:59 AM
الاختلاف في الراي لا يفسد للمودة قضية
اما اذا صار خلاف بين الاعضاء
فهذا لا يعني يتجاهلوا بعض
اذا كانت الوسيلة الوحيدة للتواصل بيناتهم هي المواضيع والردود
اما اذا صار ها الشي للاسف وبقولها بصراحة
تفكير العضو يكون كثير ضيق ومحصور
وما بيشفشي ابعد من انفه هيك بنقول بالعامية
لازم نكون على مستوى من التفهم للاشياء والتفريق بين الاشياء
وعدم الخلط لانه في الاخير هيك راح نضر منتدانا ما نفيده
شكرا الك صوفي
ويعطيك العافية يا قمر

sofy
02-28-2010, 01:04 AM
يا هلا بالزين والله .. منورة الموضوووع .. على عيني وراسي حكيك .. ..

في ناس هيك وفي ناس هيك .. بدنا نعيش لنشوووف .. يا عاشقة

ماننحرم من هالطلة البهية .. يا عسل

sofy
02-28-2010, 02:23 AM
منورين كل الصبايا الحلوووين

عبير الورد
02-28-2010, 02:25 AM
من وجهة نظري ان التسامح جميل ويجب ان نقتدي بافضل الخلق
بانه كان اعظم من تسامح مع الظالمين له
اشكرك اختي صوفيا عالطرح الرائع

sofy
02-28-2010, 02:27 AM
حبيبتي تسلميلي على مرورك الطيب يا قمر .. صدقتي والله .. مافي أحلى من التسامح .. في هاد الزمن ..

منورو يا ئمر

almuhandes
02-28-2010, 09:10 AM
الكمال لله
والملائكية لايمكن أن تتجسد فينا
لأبعد الحدود
:
أنا لست اليسوع
لإدارة خدي الأيمن لمن صفع الأيسر
ولست شيطان لأقفل عقلي وقلبي
أنا بشر
أحب وأكره
أًصيب وأخطأ
والخلافات تترك ندبا سوداء
نتأثر بها
أحب أن اكون واقعيا
في كل شيء

:

خلافي إن كان مع عضو على الثوابت
ديني,وطني
لا يجعلني أتجاهل مواضيعه فحسب
بل أتجاهل وجوده وأعتبره لم يكن
أما غير ذلك
فالنفس قد تصفو وأعود للمشاركة .


وإن كان تغريدا
خارج السرب
فأنا أحب هكذا
أن أكون

sofy
02-28-2010, 01:36 PM
جمـــــــــــــــيل بارك المولى فيك ..

هادي
02-28-2010, 02:21 PM
يسلمو صوفيا .. مهم الموضوع:ShababSmile240:
الخلاف في الأغلب اختلاف في رأي أو وجهة نظر .. أو سوء فهم ..
في كل الأحوال لكل عضو أسلوب في الكتابة أو في التفكير وحتى أسلوب في التعبير عن انزعاجه .. ولو زعلت من أي حد بالمنتدى رح أحاول أكون في مكانه واسئل نفسي ليش؟ في أي شي غير التجريح الشخصي ما رح أفكر إني ما أفوت بمواضيعو مهما كان السبب .. (خاطبوا الناس على قدر عقولهم). ممكن يكون هوه الصح، ولو اختلفت معاه بنقطه معينه ممكن أتفق معو بألف نقطه تانيه، بالنهاية احنا بمنتدى ثقافي مش بساحة حرب!

دموع الغربة واشواق العودة
02-28-2010, 02:36 PM
حلووو ..شوفي ياستي ..انا زمان اختلفت مع اعضاء ..
واصلا هاي هي طبيعة الحال انو لكل انسن رايو ووجهة نظرو ..
بس بالنهاية كلنا حبياب واهل ارض وحدة ..ولازم مانخلي اشياء بسيطة تفرق بينا ..
ومانسمح للشيطان باللعب بعقولنا والدخول بيناتنا ..
حلو انو الواحد يكون متسامح ..ومتفهم وعاقل وكبير
واختلاف الراي لا يفسد الود بالقضية
اصلا لما بدي ارد ع موضوع لازم اعرف اولا شو الهدف منو وشو فكرتو الاساسية ..
وبعدين الكاتب او الكاتبة
صوفيا ..تسلميلي ما احلاكي ومااحلى موضيعك ..
بجد بجد حلووووين
.^.^..

sofy
02-28-2010, 02:39 PM
صحيح .. كلامك .. أخ أمجد .. لازم نعامل الناس على حسب عقلياتهم .. ومهما صار من خلاف .. وما إلى ذلك

مو معناتو إنو يترك المنتدى .. أوبلأحرى .. ماعاد يفوت مواضيع هالشخص . .. مع إحترامي للكل بشوفها حركة مو حلوووة

من أي عضووو أنو يترك المنتدى منشان موضووع فارط .. بنفس الوئت إحنا ما بنعرف بعض عز المعرفة

طبعا مو الكل .. بس برضو أنا بشووف أنو عدم الرد على مواضيع هالشخص .. حركة مو حلووووة

سبحان الله المفرووض يرد .. وعادي .. مشان كل واحد يفهم وجهة نزر التاني ...

منور أخ أمجد ..

sofy
02-28-2010, 02:44 PM
حلووو ..شوفي ياستي ..انا زمان اختلفت مع اعضاء ..
واصلا هاي هي طبيعة الحال انو لكل انسن رايو ووجهة نظرو ..
بس بالنهاية كلنا حبياب واهل ارض وحدة ..ولازم مانخلي اشياء بسيطة تفرق بينا ..
ومانسمح للشيطان باللعب بعقولنا والدخول بيناتنا ..
حلو انو الواحد يكون متسامح ..ومتفهم وعاقل وكبير
واختلاف الراي لا يفسد الود بالقضية
اصلا لما بدي ارد ع موضوع لازم اعرف اولا شو الهدف منو وشو فكرتو الاساسية ..
وبعدين الكاتب او الكاتبة
صوفيا ..تسلميلي ما احلاكي ومااحلى موضيعك ..
بجد بجد حلووووين
.^.^..


برافو عليكي .. كلام سليم .. إحنا بنضل بلأخر أخوووة ولله الحمد .. أمة محمد .. المسامحة ..

الله يئدرنا ونسامح كل واحد يا رب


تسلميلي يا ئمر إنت .. والله تواجدك بمواضيعي أحلى يا عسل

حبيبتي مااننحرم من طلتك البهية ...والحلوووووووووة

منورة عطوووووووووووووول :ShababSmile229:

ميس مسلمه
02-28-2010, 03:00 PM
لا ابدا بالعكس انا ارد عليه لعل يكون ده سبيل للصلح بينا جزيتى الجنه صوفيا واحب احيكى لاختيارك الموضوع ده

sofy
02-28-2010, 03:07 PM
حبيبتي إنت منورة عطوووول ... صحيح حكيك برضو الصلح جميل .. يا عسل .. منورة

حسام المصرى
03-01-2010, 12:16 AM
أها ساعات الخلاف يخلينى اتجاهل مواضيعه .. بصراحة

sofy
03-01-2010, 12:20 AM
حلووووووووووووو الواحد يكووون صريح .. بس التجاهل مو حل من الحلول

حسام المصرى
03-01-2010, 12:25 AM
حلووووووووووووو الواحد يكووون صريح .. بس التجاهل مو حل من الحلول

uادى انا شايف ان اهم حاجة انى أستفاد من الموضوع وخلاص مش لازم أرد .. الرد ده بيبقى تقدير لصاحب الموضوع لكن اكيد أنا لو زعلان مش هقدره فى غيرى بقى يقدره :ShababSmile221:

sofy
03-01-2010, 12:29 AM
برضووو مش غلط كلامك .. على عيني وراسي أخ حســــــــــــــام

لكن أحيانا سبحان الله في مواضيع تحتاج إلى الرد من قبل الدخيل ..

وحلوووووووو الواحد يستفيد كمان مش غلط ..

almuhandes
03-01-2010, 07:23 AM
مرة أخرى أعود

فقد لفتت نظري الردود الملائكية

فأيقنت أني شيطان يدب بين أناس وادعين متسامحين
لاشحناء ولا بغضاء في قلوبهم البيضاء
:



أمنية
يا ريت ما اصير زيهم
وأظل صريح

الطالب المجتهد
03-01-2010, 08:33 AM
لا طبعا اذا صار خلاف بين وبين عضو ما بتجاهل مواضيعه

الطالب المجتهد
03-01-2010, 08:34 AM
الذين يشاهدون محتوى الموضوع الآن : 2 ( الأعضاء 2 والزوار 0)
‏الطالب المجتهد, ‏لالا-فلسطين 48

اهلا فيكي اختي

لالا-فلسطين 48
03-01-2010, 08:52 AM
مرحبا صوفيا، موضوعك عنجد حلو وواقعي!

بس قبل ما ابدي رايي، اكيد رايي كونتو من قبل بس بعد ما مريت على الردود حابة اعلق عليها شوي وبعدين ابدي رايي، عادي لطالما انو موضوع للنقاش.

خلافي إن كان مع عضو على الثوابت
ديني,وطني
لا يجعلني أتجاهل مواضيعه فحسب
بل أتجاهل وجوده وأعتبره لم يكن
أما غير ذلك
فالنفس قد تصفو وأعود للمشاركة .

بحب اعلق انو مين حكى او شرَّع انو التناقش في الثوابت: الدين او الوطن حرام او غير شرعي، بالعكس النقاش بهاي الامور مطلوب، حتى لو كان في لالنا راي قاطع وحازم بامور زي هيك، حلو انو نشوف ونسمع وجهات نظر تانية ومش نضلنا متقوقعين بارائنا علشان ما ننصدم بهالاراء هاي بعدين. ومعنى ذلك مش انو نتخلى بارائنا بالمرة ولا انو نلغي الاراء التانية.

والاراء التتانية موجودة شئنا ام ابينا ومش جل انو نتجحاهلها طالما انها لا تمس فيي وبمعتقداتي كانسان، بالعكس احنا هيك منسكر عحالنا بزيادة!

مرة أخرى أعود

فقد لفتت نظري الردود الملائكية

فأيقنت أني شيطان يدب بين أناس وادعين متسامحين
لاشحناء ولا بغضاء في قلوبهم البيضاء
:




أمنية
يا ريت ما اصير زيهم
وأظل صريح

هون بحكي انك ولا مرة تحكم على مدى ملائكيتك او شيطانيتك من خلال المقارنة مع غيرك. الاحسن من خلال معايير انت بتحطها لحالك ويمكن هاي المعايير تكون مبنية على ما يسمى "نسبة للاخرين"، بس كمان بحب ازكرك انو يمكن كتير ناس بتفكر حالها انها رح تتصرف تصرف معين، بس لما يصير الاشي على ارض الواقع بتصرفوا بشكل مغاير تماما. مش لانهم خداعين بس لانو ظروف اللي بصير فيها الحدث في الواقع لا يمكن تقديرها ونتخيل حالنا انو عم نعيشها ونتصرف فيها بهاي الطريقة وبالفعل يتطابق الاشي النظري مع الواقعي!

عفكرة انا شايفة انك انت هيك عحالك صريح، فلا تتمنى انو تكون اشي تاني وتكون صريح لتظهر هالاشي التاني، لانو يمكن وقتها تبطل صريح!


ادى انا شايف ان اهم حاجة انى أستفاد من الموضوع وخلاص مش لازم أرد .. الرد ده بيبقى تقدير لصاحب الموضوع لكن اكيد أنا لو زعلان مش هقدره فى غيرى بقى يقدره

انا شابفة انو مش بالزبط انو ازا انت بترد عالموضوع انك بتقدره، يمكن تكون كل القصة انو الموضوع عنجد استفزك ومستني فرصة تبدي رايك للي حوليك بهيك موضوع، فليش تضيِّع هالفرصة من تحت راس خلاف، ويمكن يكون بس على وجهة نظر ما بتمس فيك ولا نتفة! ووجود وجهات هالنظر شرعي جدا، من حق هالانسان يحملها!

وكمان ازا انت زعلان منو مش معناتو متقدروش ولا تتجاهلو، اكيد ازا حدا في حامل عقلبو تجاه حدا تاني مبيكونش مناه انو يمنحو التقدير ويرفع من مكانتو ويعززو، بالاخر كلنا بشر، بس مش لدرجة انو نخلي الرد عموضوعو مقترن بالتقدير لالو!

الله يستر اللي بوقع معك بس!

بالاخر هاد رايكم واكيد كل حدا حر برايو!


اما انا رايي:

ازا كان الخلاف مع شخص على وجهة النظر بدون ما تمس كل وجهة نظر بالتاني، فبهاي الحالة كل واحد حر بتفكيرو. يعني عادي، بالعكس بكثف من الدخول بنقاشات معو. لاني انا من النوع اللي بحب اشوف وجهة النظر المخالفة، بحس بمتعة بالتناقش معها، ولو اني كتير بتأثر وباخد الموضوع على محمل الجد في اني ادور عالنقاط الايجابية والسلبية بوجهة نظر زي هاي عندي وعندو!

بس ازا وجهة نظرو بتمس فيي كانسانة، وقتها كل حالة وكل موقف عالم بحد ذاته والو المناسب اللي ما بتناسب مع غيرو. يمكن يكون في بعض الحالات التجاهل كحل انسب ويمكن في حالات تانية اكثف من ردودي عليه لحتى ابرزلو المواقع الغلط والسيئة بتفكيرو!

ويمكن انو نفكر انو هاد الحل المناسب بموقف معين ولما نيجي نطبقو يتضحلنا انو غير مناسب بالمرة. وبالاخر الحياة تجارب والشاطر اللي بتعلم من تجارب غيرو وكمان من تجاربو!

بشكل عام هاي وجهة نظري، وهيك بشوف!

بتمنى ما اكون تقلت!


تحياتي..
لالا-فلسطين 48.

لالا-فلسطين 48
03-01-2010, 08:54 AM
الذين يشاهدون محتوى الموضوع الآن : 2 ( الأعضاء 2 والزوار 0)
‏الطالب المجتهد, ‏لالا-فلسطين 48

اهلا فيكي اختي

يا هلا فيكككككك!!!!!

منور!

بعدين شو بتعمل عهالصبح المفروض انك تكون في المدرسة يا طالب يا مجتهد

بتمنى انك بخير!

almuhandes
03-01-2010, 09:26 AM
مرحبا صوفيا، موضوعك عنجد حلو وواقعي!

بس قبل ما ابدي رايي، اكيد رايي كونتو من قبل بس بعد ما مريت على الردود حابة اعلق عليها شوي وبعدين ابدي رايي، عادي لطالما انو موضوع للنقاش.



بحب اعلق انو مين حكى او شرَّع انو التناقش في الثوابت: الدين او الوطن حرام او غير شرعي، بالعكس النقاش بهاي الامور مطلوب، حتى لو كان في لالنا راي قاطع وحازم بامور زي هيك، حلو انو نشوف ونسمع وجهات نظر تانية ومش نضلنا متقوقعين بارائنا علشان ما ننصدم بهالاراء هاي بعدين. ومعنى ذلك مش انو نتخلى بارائنا بالمرة ولا انو نلغي الاراء التانية.

والاراء التتانية موجودة شئنا ام ابينا ومش جل انو نتجحاهلها طالما انها لا تمس فيي وبمعتقداتي كانسان، بالعكس احنا هيك منسكر عحالنا بزيادة!



أهلا بك
وبرأيك
وباقتباسك
وتعليقك
يلي قصدته من وطني وديني
إنه واحد يتطاول عليهن
يهين وطني
ويهين ديني
مو يناقشني في مواضيعهن
وبالتالي
زي ما انت حكيتِ (لا تمس معتقداتي)
هون بعمل بريك قوي
اتفق معك أن الآراء الثانية موجودة شئنا أم أبينا لكن
تصبح وقاحة وقلة حياء وتعدي للخطوط الحمراء إن حاول أحد المساس بديني ووطني
وعليه سيكون ردي لاذعا بما يتوافق مع السياق
ومن ثم القي بصاحب الموضوع في سلة المهملات
من مبدأ
قمة الأدب أن تكون قليل الأدب مع قليل الأدب




هون بحكي انك ولا مرة تحكم على مدى ملائكيتك او شيطانيتك من خلال المقارنة مع غيرك. الاحسن من خلال معايير انت بتحطها لحالك ويمكن هاي المعايير تكون مبنية على ما يسمى "نسبة للاخرين"، بس كمان بحب ازكرك انو يمكن كتير ناس بتفكر حالها انها رح تتصرف تصرف معين، بس لما يصير الاشي على ارض الواقع بتصرفوا بشكل مغاير تماما. مش لانهم خداعين بس لانو ظروف اللي بصير فيها الحدث في الواقع لا يمكن تقديرها ونتخيل حالنا انو عم نعيشها ونتصرف فيها بهاي الطريقة وبالفعل يتطابق الاشي النظري مع الواقعي!



عمري ما قست نفسي إلا بنفسي
لأني لا أحب ألا أن اكون أنا
لكن هنا
أردت أن أدلل على شيء غير واقعي
خرج من فوهة بعض الأقلام
وهي تعرف نفسها تماما
ولي تجربة مقاطعة من بعض أمراء التسامح المزعوم
لأن فلسفتي بالحياة قائمة على الصدق مع نفسي لأستطيع أن اكون صادقا مع الآخرين
وأن لا أرتدي أكثر من وجه
فأنا لا أحب القناع وما يخفي تحته
حتى لو كان ذلك من باب التهريج
أو وسيلة لإسعاد الآخرين



عفكرة انا شايفة انك انت هيك عحالك صريح، فلا تتمنى انو تكون اشي تاني وتكون صريح لتظهر هالاشي التاني، لانو يمكن وقتها تبطل صريح!




لأ ستي صريح
لكن أتجنب أن تكون صراحتي وقحة
وأمنيتي هي من باب
التندر بالملائكية
ولدي القدرة أن اضع اصبعي فوق الجرح
وإذا استلزم الأمر بداخله
لإخراج ما يلهبه


اما انا رايي:

ازا كان الخلاف مع شخص على وجهة النظر بدون ما تمس كل وجهة نظر بالتاني، فبهاي الحالة كل واحد حر بتفكيرو. يعني عادي، بالعكس بكثف من الدخول بنقاشات معو. لاني انا من النوع اللي بحب اشوف وجهة النظر المخالفة، بحس بمتعة بالتناقش معها، ولو اني كتير بتأثر وباخد الموضوع على محمل الجد في اني ادور عالنقاط الايجابية والسلبية بوجهة نظر زي هاي عندي وعندو!

بس ازا وجهة نظرو بتمس فيي كانسانة، وقتها كل حالة وكل موقف عالم بحد ذاته والو المناسب اللي ما بتناسب مع غيرو. يمكن يكون في بعض الحالات التجاهل كحل انسب ويمكن في حالات تانية اكثف من ردودي عليه لحتى ابرزلو المواقع الغلط والسيئة بتفكيرو!

ويمكن انو نفكر انو هاد الحل المناسب بموقف معين ولما نيجي نطبقو يتضحلنا انو غير مناسب بالمرة. وبالاخر الحياة تجارب والشاطر اللي بتعلم من تجارب غيرو وكمان من تجاربو!

بشكل عام هاي وجهة نظري، وهيك بشوف!

بتمنى ما اكون تقلت!


تحياتي..
لالا-فلسطين 48.

أعجبني رأيك باللجوء إذا اقتضى الأمر
في حالات معينة الى التجاهل
وهذا ما قلته أنا بالضبط
يعني أحيانا الكي مطلوب
وأحيانا أخرى قد نضطر للبتر
مرحبا بك
وبرأيك مرة أخرى وأعجبتني جرأتك

الطالب المجتهد
03-01-2010, 09:40 AM
يا هلا فيكككككك!!!!!

منور!

بعدين شو بتعمل عهالصبح المفروض انك تكون في المدرسة يا طالب يا مجتهد

بتمنى انك بخير!

انا والله مريض

فرحت على المدرسه وامتحنت واخذت علامة كاملة والحمد لله

ورجعت مع امي

لالا-فلسطين 48
03-01-2010, 10:01 AM
هلا فيك خيو........ تسلم كتيييير!

بس قبل كل اشي، اعجبتني لغتك الفصحة المتينة "والجزلة" (بحطها بين قوسين اقتباس لاني كل ما استعملها بتحكيلي صاحبتي هاي الكلمة لالي وانت عم تعملي سرقة ادبية)....

لسا امبارح كان المحاضر ببهدلنا لانو 90% من اللي قدموا الوظايف لغتهم فيها "ركيكة" (بس انا لع!)!


اولا: بالنسبة لنقطة الدين والوطن معتقدش اني بختلف معك بهالنقطة. بالعكس امور زي هيك لازم نكون حازمين فيها عالاخر! لانو مش من حق اي حدا على وجه البسيطة يسببللي شعور مش حلو بطريقة بحقلوش يتبعها! لازم ندافع وبقوة وبجرأة ووقاحة عقلانية حتى عن ابسط واتفه حقوقنا!


ثانيا: لا أحب ألا أن اكون أنا

جملة بتجنن كتير بحب ازرعها بحذافيرها بذاتي وبذوات من حولي، بس كمان واطبقهاش بطريقة متطرفة او مغلوطة لحتى ما احيِّد امكانية تطوير ذاتي للاحسن!

وبالنسبة للناس اللي بينوا متسامحين من خلال ردودهم، بحكي حرام انو نحكم عليهم كلهم انهم بحاولوا يعملوا تمويه او انو يكونوا غير واقعيين. لانو بهيك مجال احنا عم نحكي شو منفكر عن حالنا ويمكن بلحظة نعمل النقيض لكل هالنظريات اللي منلوَّح فيها! وبالاخر انا بشوف انو تطابق النظري مع التطبيقي عند كل انسان هي مهارة تُكتسب وتتطور مع التجربة على مر الزمن، طبعا لالي معنبي يطورها!


فلسفتي بالحياة قائمة على الصدق مع نفسي لأستطيع أن اكون صادقا مع الآخرين

فلسفة حلوة! حلو يكون لكل انسان فلسفة يتمسك فيها ويحاول يطبقها بكل مجالات حياتو!


عفكرة انا شايفة انك انت هيك عحالك صريح، فلا تتمنى انو تكون اشي تاني وتكون صريح لتظهر هالاشي التاني، لانو يمكن وقتها تبطل صريح!



لأ ستي صريح


شكلك مفهمتنيش، انا قصدي انك لما انت هيك عحالك، زي ما ظهرتلنا، بشوف انك صريح، فلا تتمنى تكون اشي تاني، لانو وقتها، لما تيجي تظهر هالاشي التتاني اللي تمنيتو رح تبطل تكون صريح!

الا اذا تمنيك هاد استخدم "كمفارقة"!

بتمنى تكون فهمت عليّ هسا!


ولدي القدرة أن اضع اصبعي فوق الجرح
وإذا استلزم الأمر بداخله
لإخراج ما يلهبه

اي بوجع!

ما اقواك، بس هالقدرة مطلوبة جدا في الحالات الحرجة، انا مش هيك بس بحاول اني انميّ هالقدرة!


أعجبني رأيك باللجوء إذا اقتضى الأمر
في حالات معينة الى التجاهل

والله بهالدنيا كلو مطلوب، والتجاهل مرات بكون انجع حل! (مراااااااات!!!!!!!)



يعني أحيانا الكي مطلوب
وأحيانا أخرى قد نضطر للبتر


واحيانامداواة الجراح ووووووو...... (استنى بس القى الكلمة المناسبة!) التضميد مطلوب!

اليس كذلك؟!




تحياتي لالك.. وطريقتك حلوة في النقاش، يا ريت تتواجد بمواضيع النقاش اللي مخططة اطرحها (ازا مانضغطتش بالوظايف هالفترة اكتر من حالة الضغط هاي وكان عندي مجال اشرف عنقاشات)، لانو شكلها ارائك (شو ما كانت) رح تثريها!
لالا-فلسطين 48.

sofy
03-01-2010, 12:52 PM
اما انا رايي:

ازا كان الخلاف مع شخص على وجهة النظر بدون ما تمس كل وجهة نظر بالتاني، فبهاي الحالة كل واحد حر بتفكيرو. يعني عادي، بالعكس بكثف من الدخول بنقاشات معو. لاني انا من النوع اللي بحب اشوف وجهة النظر المخالفة، بحس بمتعة بالتناقش معها، ولو اني كتير بتأثر وباخد الموضوع على محمل الجد في اني ادور عالنقاط الايجابية والسلبية بوجهة نظر زي هاي عندي وعندو!

بس ازا وجهة نظرو بتمس فيي كانسانة، وقتها كل حالة وكل موقف عالم بحد ذاته والو المناسب اللي ما بتناسب مع غيرو. يمكن يكون في بعض الحالات التجاهل كحل انسب ويمكن في حالات تانية اكثف من ردودي عليه لحتى ابرزلو المواقع الغلط والسيئة بتفكيرو!

ويمكن انو نفكر انو هاد الحل المناسب بموقف معين ولما نيجي نطبقو يتضحلنا انو غير مناسب بالمرة. وبالاخر الحياة تجارب والشاطر اللي بتعلم من تجارب غيرو وكمان من تجاربو!

بشكل عام هاي وجهة نظري، وهيك بشوف!

بتمنى ما اكون تقلت!


تحياتي..
لالا-فلسطين 48.[/b][/QUOTE]



أهلا وسهلا فيكي .. نورتي .. الموضوووع بردودك

بما أنو علقتي على كل رد ... طبعا بشكرك على ردك ..

أنا بشوووف أنو في كل خلاف .. لازم يكون أو يوجد لبس في وجهات النظر ..

تاني شي .. هلا إنت حكيتي إنك حتكثفي من دخولك لمواضيع هالشخص وتدخلي معو في نقاشات

شان دوري على النقاط السلبية والإجابية ( وجهة نظر ) .. طيب فرضا ليش حكيك أو نقاشك ما يكوون

هوا الغلط .. وإنت حابة تثبتي أو تناقشي شي من أصلوو غلط بغلط ...؟؟؟

وعم بدوري على النقاط السلبية والإجابية .. في موضووع هالشخص .. .. مع إنك بتعرفي أنو وجهة

نظرك خاطئة ...؟؟؟

تالت شي .. مو حل أبدا التجاهل .. إزا كان مسك كإنسانة ....!!! لأنو التجاهل بحد ذاته .. .. هروووب

ليس دائما طبعا ...

وبعدين الإنفعال والإثارة .. والتوتر .. برضو بيبرز للعضووو إنك ضعيفة .. فهادي شغلة .. بس برضو مو دايما

بيعتمد على العضووو ..

وبعدين إزا مسك كإنسانة بوجهة نظرو... ليش ممكن هاد المس فرضا صحح .. بنفس الوئت

ليش الواحد يناقش شي .. صححح .. وبدووو يثبت وجهة نظر خاطئة من طرفك .. ؟؟؟


فدائما لازم نحط هادي الإحتمالات ئدامنا حتى نعرف .... الصحح من الغلط ...:ShababSmile225:

ومتل ما حكيتي وجهة نظر جمــــــــــــــــــيلة .. يا ئمر

وبرضووو .. بلأخر كل واحد ورأيو...

أحترم كل الردووود ...

منورة مرة تانية :ShababSmile229:


:ShababSmile111:

sofy
03-01-2010, 12:57 PM
لا طبعا اذا صار خلاف بين وبين عضو ما بتجاهل مواضيعه


أوكي حلوووو ... بس حيجي يوووووم وحتتجاهل ... شووو بكووون موقفك ... مع أني بشوووف

التجاهل ليس حلا ...؟؟:ShababSmile250:

sofy
03-01-2010, 01:03 PM
مرة أخرى أعود

فقد لفتت نظري الردود الملائكية

فأيقنت أني شيطان يدب بين أناس وادعين متسامحين
لاشحناء ولا بغضاء في قلوبهم البيضاء
:



أمنية
يا ريت ما اصير زيهم
وأظل صريح



منور .. يا هلا فيك ...بموضووعي

ليست كل الردووود ملائكية .. هناك ردود تتفاوت في الملائكية ..

( شيــــــطان ) بالعكس .. لو كنت شيـــــــــطان كما تزعم ... ما كان دخلت المووضوووع

ورديت لأنو ( الشياطين ) مستحيل أن تتواجد في مجتمع الملائكة ...

:ShababSmile225:

اسد 22
03-01-2010, 01:58 PM
الاختلاف العضو في الرآي مع عضو آخر ليس سبباً لتجاهل مواضيعه إلا إذا كان الحوار والنقاش غير ناجح

كل منهم يريد أن يفرض أرائه أما إذا كانوا يريدون أن يتوصلوا لنقطة ما فيكون الحوار ناجح ولا يظهر أي نوع

من المعداة وقد يكون من نناقشه غير اجتماعي بحاجة لمن يعلمه أو ربما يتعلم بعدأ الخطأ ويفهم أنه إما أنه لم يفهم الموضوع وغير مساره

أو اسلوبه بحاجة لتغير حتى يستطيع النقاش

.:.هــــلا.:.
03-01-2010, 02:36 PM
والله اكيييييد ما بتجاهل مواضيعه اكييييد رح رد ع المواضيع الي بطراحها لانو هاد سبب يخليلي العلاقة ترجع بينا

بس المشكلة انو اوقاتنا الشخص بكون عندو عدم تقبل اي رايه وبفرض رايه ع الجميع والاسلوب بكون سلبي بس الحمد لله انو هاد الشي مو موجود عنا بالمنتدى

وشكرا صوفيا ع الموضوع
ويعطيكي الف عافية

sofy
03-01-2010, 03:15 PM
أسد زهلا .. حلوووووو كلامك .. عجبني .. منورين بهطلة .. الحلوووة