قفشات ....غير بريئة

[حسام المصرى]

الآن مش مجال للمزايدة .. يتهم اتهام أطراف صادقة وتغيير تصريحاتهم ..

وحين يأخذ كل حق حقه .. تصبح مزايدة .. !!

عموما ليس جديدا ..

أيضا اتهمتى أن قبل الثورة كان مبارك هو الرمز ولا يخطئ فيه أحدا .. لا أعرف إذا كان الاتهام يخصنى ام لااااا

ولكن هذا اقتباس يوضح أنى لم أقل أن مبارك بطل ورجل نظيف ومثل هذه الأشياء ولم أعترض على شخص شتمه ..

http://rooosana.ps/Down.php?d=NIiW

لكن عندما يأتى شخص ويشتم رجل مثل الجنزورى سواء كان ناسب للفترة هذه أم لاااا .. ألأا أن سجله نظيف ..

وأيضا يسئ للعسكر ككل .. فهذا لا يقبله معظم المصريين ...

[sofy]

؛



لـآَ ضَييْر َ أن ْ الْكَلـآَمَ كِلـآم ِ , يُنْثَر َ ويرْمى َ ويُسْتَنْشَقُ
وَمَتىَ ما َ مَر َ الْعَآبِروُن ْ تَجِد ُ منه ُ الْنفوس ُ , أنْفَآس ُ
يَسْتَنْشِقُونهـآ ِ , إِذآ ما آسْتَوْحَشُوآ الْفرآق ِ أو كَـآبَدوآ
العنـآء و وَلـآآءه ِ .,!!


الْبَعَضُ مِنـآ يَمنحنـآ مُتَعة َ الْبَوح ِ إِذْ مآ أسْتوقَفْونـآ ِ
وعلى َ يُسْر ِ نَمضي ِ وب ِ قلة ِ الْحيرة ِ نُبَجِل ْ !!


ولـآَ رَيْبَ أَيضـآ أنـآ ونحن ُ سـآئحون َ غـآئِصون ِ
فِي عَوآالِم ْ الْمَآضِي ِ الْمُمِيت ْ ,
نُقَيدهـآ بِ البنـآن ِ ونحكِيهـآ بِ ثنـآيـآ الْخصًوصية ِ
لتَنْضُجَ فينا ثِماراً يانعة ، حُلوةَ المَذاقِ
ثم نَوَدُّ لوْ أنّنا قَاسَمْناهَا معَ الأخيارِ ، معشرَ الأبرار



؛



,’

[almuhandes]

حكمة وموعظة تدب على الأرض

بالأمس القريب لم تكن كذلك

سبحان مغير الأحوال
يبدو أن الحكمة فن لا يتقنه إلا اصحاب المآرب
//
الحكمة شيء عظيم يؤتيها الله من يشاء

[almuhandes]

حماس تتهم عباس بالتلكؤ في تشكيل الحكومة



حماس وثقت بعباس
عباس لايؤمن جانبه
قيل المستحيلات ثلاثة
الغول والعنقاء والخل الوفي
الآن أصبحت أربعة
الغول والعنقاء والتقة وعباس الوفي

[.. ليآل ~]

إجتماعات

منها مهم ومنها مستعجل ومنها ضروري جدا جدا جدا

ومتابعات

وخفايا وماورائيات كتير

الحرئصة إشتغلت :)

[almuhandes]

إجتماعات

منها مهم ومنها مستعجل ومنها ضروري جدا جدا جدا

ومتابعات

وخفايا وماورائيات كتير

الحرئصة إشتغلت :)

لك والله مجلس الأمن ما عمل اجتماعات قدها
يالله
القدر على أجر المشقة

[almuhandes]

أنا راحلة
إليك عني كفاني المرار الذي ذقت

اليوم التالي
غيري مبسوط وأنا مهانة
أنا من يدفع الثمن
سأرمي بكل شيء في حاوية القمامة


//

إذا المخلوق تودع وانحكى لأهله سلام باي باي
ضروري نلعن سنسفيله

[almuhandes]

فلان الضيف القادم
إختيار موفق
يالا بالانتزار

فلانة الضيفة القادمة
اختيار موفأ
بالانتزار

//
متى الإختيار ماكانش موفأ.؟!!
بعدين عوج الثم لشو.............؟!
والله ما عرفت أكتبها كلمات العوج
الرقة مفهومه للناس غلط

[برآءة عبد]

ع فكرة بتنكتب هيك

.. موفئ ..~~~~

وئت تيجي عنا بتعرف ليش بنكتب هيك ع فكرة ..

مش من منطلق رقة ..

أحنآ أهل الرقة أصلآ ..

بس هيك لهجتنآ ..

شو نعمل ؟؟؟؟

كل واحد بيمشي حسب لهجته ..

يعني انت ما بتكتب اوئات كلمات متل لهجتك ؟؟؟؟؟؟؟

مستحيل ..

[برآءة عبد]

وبخصوص الإنتزار ..

ههههه .. فببشرك .. هدول الي بيكتبوا هيك .. ليسوا الا حثالة المجتمع ..

بيحاولوا يئلدوا بعض الناس هههه

وهدول منبوذين بمجتمعنا .. لانه الكل عارف شو همه وكيف حكيهم

وبعدين الا ما الواحد يزلئ بشي كلمة تدل على اصله ..

وهون الكسفة .. هههه

[almuhandes]

ع فكرة بتنكتب هيك

.. موفئ ..~~~~

شكرا ع التصحيح


وئت تيجي عنا بتعرف ليش بنكتب هيك ع فكرة ..

إن شاء الله ما رح آجي
مش من منطلق رقة ..

أحنآ أهل الرقة أصلآ ..

ما قلنا شي
إنتو أصلها وأهلها وعشيرتها كمان
أنعم وأكرم

بس هيك لهجتنآ ..

شو نعمل ؟؟؟؟

كل واحد بيمشي حسب لهجته ..

يعني انت ما بتكتب اوئات كلمات متل لهجتك ؟؟؟؟؟؟؟

مستحيل ..

بكتب دايما
بس عمري ما أكلت حرف ولا عمري اخترعت حرف

شغلة ثانية
الحكي مش موجه الك
الحكي نقد بشكل عام
اللي بحب يلوي الحكي عليه هو حر
معلش برآءة
مشكلتي لساني ما بعرف أسكت عن عوج

[almuhandes]

الشب بدور على عروس
كيفك
شو صفات زوج المستقبل

//
ههههههههههههههههههههه
هههههههههههههههههههههه

يا عمري أنا
ولي على بختي وحظي
يكون ياماما
أسمر ومسمسم وشعره طويل
بس مش غبي
ولا منافق
ولا كذاب
ولا عميل
ولا ركب من قبل بعير
مش مهم عنده شقة ولا لأ
المهم يكون جذاب مو كذاب

رح احترم البنت كتير يلي رح تجاوب
لو أنك آخر ( بني آدم ) في الكون
ما بتزوج حد مثلك

[حسام المصرى]

اللهم لا تؤاخذنا بما فعل السفهاء منا ..

[بيلسان]

المُهندس
بهالوقت بطل يتزوجو هيك
صاروا عن طريق الفيس بوك بتزوجوا وع التويترز
الله يحمينا ..!

[بيلسان]

يا جماعة الخير نيابه عن المهندس
هاد إنتقاد مو حكي موجهه لحدا معين

( بعدين يلي ع راسو بطحه بحسس عليها ) هيك بيحكو ابو محمد

[حسام المصرى]

قفشة .. غير بريئة

... لو كل كلب عوى ألقمته حجرا ** لأصبح الصخر مثقالا بدينار ..

[almuhandes]

اللهم لاتؤاخذنا بما فعل العملاء منا

كان همهم شقة فبلغوا عن الثوار
كان همهم شقة فركبوا ظهر البعير
كان همهم شقة فصفقوا طويلا للهاملين

[almuhandes]

المُهندس
بهالوقت بطل يتزوجو هيك
صاروا عن طريق الفيس بوك بتزوجوا وع التويترز
الله يحمينا ..!


أهلا بيلسان
أهلا براقية الحرف والفكر
هذه الحضارة بيلسان
روج لنفسك بشقة
تقمص دور النبوة والأدب والشرف
ثم أقدم يا شجاع

//

حتما سينقرض المروجون
كوني بخير كثير

[almuhandes]

يا جماعة الخير نيابه عن المهندس
هاد إنتقاد مو حكي موجهه لحدا معين

( بعدين يلي ع راسو بطحه بحسس عليها ) هيك بيحكو ابو محمد

أحسنتِ جبتيها من الآخر بيلسان اللي على راسو بطحة بحسس عليها
اللي في بطنو عظام ما بعرف ينام
المهندس ما خصص
المهندس بحكي عن عوج عام
يلي بدو يوخذها عليه ذنبو مش ذنبي
لأنو بكون هالشي متأصل فيه حتى النخاع
//

بيلسان
دائما كوني بخير

[almuhandes]

لو أن كل خائن وعميل ألقمتة طلقة لتحررت الأوطان ونجحت الثورات

[almuhandes]

تقييمك لهرطقتي

الخيارات المتاحة

ممتاز
جيد جدا
جيد
عادي


الخيارات ناقصة ياماما
في كمان

سيئة
أسوأ من السيئة
قذرة
زبالة

في خيارات كثير ناقصة مفروض تكون تحت ايد أي مجنون أهدر وقته الثمين في ربوع قذارتكم

[حسام المصرى]

نحن ك ( شرفاء )

طالما تربينا .. ان نترفع عن صغار القوم ~

نقصد بهم .. (أقلهم عقلا ) . و (أكثرهم حماقة .. )

ولا تجادل الأحمق .. فقد يخطئ الناس فى التفريق بينكما ..

[بيلسان]

المهندس : بِصراحه انا خايفه عليك .
ديربالك ع حالك ,
وبتعطيني وصيتك قبل لتطلع من المنتدى
(( قلب الام دليلها ))
فاهمني اكيد

[almuhandes]

المهندس : بِصراحه انا خايفه عليك .
ديربالك ع حالك ,
وبتعطيني وصيتك قبل لتطلع من المنتدى
(( قلب الام دليلها ))
فاهمني اكيد

والله عندك حق بيلسان
لازم اكتب وصيتي
يلي بذبح ثائر عن ظهر جمل أو مشجع بسيط بعملها بدم بارد ولا بتفرق معو
اليوم لما ارجع إذا لحقت أرجع أصلاً بكتبها
الشغلة الثانية فاهم عليك وعارف ساعة الصفر قربت
وصبر غيري نفذ
ورغم هيك ما رح وقف عن الحكي
بس حتى لو طلعت بيلسان البركة بالناس يلي ما بتقبل العوج وانتِ منهم أكيد
//
ربي يحميك
كوني بخير رجاء

[almuhandes]

فتح تسمي محمود عباس مرشحها الوحيد للرئاسة


رئيس
رئيس وزراء
مفاوض
معاهد
مقاتل (مو لألهم إلنا)
مزايد
محاصر (كمان هاي)
مناكف
مهادن
موقع
بصيم

وعالوحدة ونص انتخبني
ودقي يا شعارات

[almuhandes]

أنا ابن فلان كنت وكنت وكنت



لا عظم الله لكم أجرا ولا شكر لكم سعيا

كنتم رجال وكانوا كالتي صلت
لكنها وباخر ركعةٍ نقضت
نقضت صلاتها قبل وضوئها
كيف القبولُ ولو سجدت وركعت

[almuhandes]

يتوجه اليوم الثلاثاء اليمنيون لإنتخاب رئيسهم التوافقي عبد ربه منصور هادي




عبد ربه رئيس توافقي
يعني في الساحة لحالو
يعني غصب عن عِمة الشيوخ
ودم الشهداء
وأنات المصابين
وعويل الثكالى
ودموع الأيتام
الرئيس عبد ربه منصور

والبنات والشباب لسا ياما تشوف
رح يكون الأخ رئيس
طيب مادام الأخ الجديد طخ توافقي
وما في رجال في اليمن غيره
وانقطع نسل اليمنيين
بعد النسوان ما بطلت تحبل وتولد
والرجال صابها العقم
لشو كل هالمصاريف
وكل هالتهليل

يا جماعة التوافق
خلص رئيس رئيس رئيس من ظهر عتريس سلموه لحانا وشواربنا ومقاليد أمرنا وبلا من المسخرة على عقولنا والضحك على لحانا
الله يخرب بيوتكم زي ما خربتو بيوتنا
زي ما قرفتونا
زي ما ذبحتونا
زي ما بهدلتونا

من اليوم كل الشعب رح يغني للرئيس ابن عتريس
والليل من فرحو رئيس ليلة عتريس
//
ثالثة الأثافي أن تراق الدماء
تُذبح الفضيلة
تُقَتّل الشباب
تُسبى النساء
تُبهدل المساجد
تُدك البيوت بالطائرات
تُقطع الأطراف
يُعتقل اللسان
ليكون المولود رئيس توافقي على كيف كيف كيف سما دول الخليج

[.. ليآل ~]

عفواً ... شو يعني رئيس توافقي ؟

[.. ليآل ~]

حروفي (يا سويدة الوجه) لما جعلته يظن أني لا أجيد نطق حروف إسمه ؟؟

ما أن يبغلك عصب النطق أني سأنادي ... حتى تتسابقون للهتاف به

فتخرجون دون إصطفاف مثلعثمين متداخلين لا أبجدياً !!

أشعر بالخزي من ضعفي حتى في نطق الإسم في حضرتة ؟

أيرضيك يا تحفة المجانين ؟؟

يا سيد المختلين !!

جنونك عدوى أصابت أبجديتي

حتماً سأقاضيك ~

[.. ليآل ~]

كيف أرضى ؟

ومكللة أنا بغضبي ؟

و أستعصي ثواب العودة ؟

تباً لي ~

كم أشبه أمطار الصيف ~

[almuhandes]

دخل إلى القاعة أحد الطلاب الجدد
تأمله بعينه الفاحصة
كان يضع أحمر شفاه
شعره منتصب كإبر شيطانية
ليس فيه من مظاهر الرجولة شيء

تعمد أن يهينه
أسمكِ
قال
أنا ذكر
رد عليه نعم أنتِ كذلك
لكنك لا تشبه الرجال في شيء
إذهب للأحوال المدنية وغير الجنس
وطرده



تباً لأهلك
وللذكورة التي تنتمي إليها
ولكل مدارس تعلمت بها

[.. ليآل ~]

قال:
حددي نوع العلاقة..
حب
او حب
او صداقه ؟
قالت - بمرح - وهي تخشى فراقه :

"حباقه" !

::

محمد الرطيان ~

[.. ليآل ~]

أين أنا منكـ

وكل كلامك ،،

........................ [ صح مطبعي ] ~

[almuhandes]

إلهام شاهين
صرحت أنها تعاني من إنهيار نفسي فظيع
الهام قالت ليس بسبب الشغل فشغلي والحمد لله تمام
بل بسبب التعامل الفظ مع مبارك
عقبت ( أنا لا أحبه ولا أكرهه ) لكن إرحموا عزيز قوم ذل

إلهام
وما أدراك ما إلهام
مفسدة لجيل كامل
وقحة لدرجة تعجز الوقاحة عن وقاحتها
ساقطة لدرجة أن السقوط تبرأ منها
حدث عنها ولا حرج بكل ما لايمت للأخلاق الفاضلة بصلة
لديها التعري في أفلام الخلاعة وممارسة الفاحشة بداعي التمثيل أسمى الأهداف وأنبلها وأرقاها
كيف لا تكون في مقدمة المنافحين عن الصنم المخلوع

لماذا لم يرحم لا شيخ ولا طفل ولا شاب ولا إمرأة ولماذا لم تصاب بانهيار نفسي على هؤلاء القوم..؟
أم هؤلاء لا تجوز عليهم الرحمة ..؟ ومبارك هو فقط من تجب له
إلهام
مفسدة هي ومجموعة من قطعان التمثيل المسعورة بلا خلق ولا أدب
جاءت تتباكى على سيدها
تدعي إصابتها بإنهيار نفسي
وهي تعلم أن مرضها إنهيار خلقي
انهيار قيم
انهيار شرف

[almuhandes]

استفتاء على الدستور السوري الجديد


اليوم الذي سبق الإستفتاء آلة الموت حصدت 107
في يوم الإستفتاء حتى وقت الغروب نفس آلة الموت حصدت 57
وتستمر الهجمة الشرسة على كل من تسول له نفسه بالتسبيح بحمد لله عوضا عن التسبيح بحمد بشار
ويستمر النزف في خاصرة كل من طالب بالحرية
وتستمر الإعتقالات لكل من لم تطاله زخات الرصاص وتقصف عمره قذائف الدبابات
ويأتينا السيد الوالي بدستور جديد
قرآن اسدي لا يأتيه الباطل من بين يديه ولا من خلفها وما على القطيع سوى هز ذيلهم بالموافقة والخنوع

//
دستور لا يساوي ثمن الحبر الذي أريق لكتابتة
دستور بالي اسود
الدستور الذي يطالب به البشر حكم جمهوري
وليس حكم جمهوري ملكي
حرية
وليس مصادرة الحناجر
ديمقراطية
يحكمني من أنتخب لا من يطأ رأسي
مواطنة
ليس أن أكون أجيرا في قطعة أرض تسمى وطن
أهلين دستور واصلاحات وانتخابات
ومرحبا رئيس جمهوري ملكي لأبد الآبدين

[almuhandes]

في أول تصريح للرئيس اليمني الجديد
لايمكن لأحد أن يشكك في إرادة الشعب
ونحن جئنا بإرادتهم



//

لهلا بحلل فيها كيف بارادتهم يعني..؟!!
مرشح وحيد
موافقة عليه دول الخليج
وبقايا النظام
وبعض النفعيين ممن ينسبون أنفسهم للثورة ظلما وزورا
وكل مواطن لازم يروح يدلي بصوته

شي فاخر عالآخر
أكيد يا سيادة الرئيس بعد كل هالديباجة ما رح يكون غيرك رئيس
وأهم شي إنك جاي بإرادة الشعب
بس مش عارف ليش لهلا الشعب في الشوارع
يمكن بحتفل بفوز الرئيس ...؟!

[almuhandes]

في معرض تبريره لرفع سعر الكهرباء قال أحد المتنفذين
على المواطن أن يرشد في الإستهلاك ويعود لإستخدام الكاز
عليه أن يشعر مع الحكومة ويعينها على سداد ديونها
زمان كنا بدون كهرباء وكانت عيشتنا من أبدع ما يكون



الله لا يوفقك يالبعيد
بدك ترجع الناس للعصر الحجري
إذا الكاز أغلى من الذهب والكهرباء أغلى من الماس والحطب شحيح وعزيز
يعني المواطن لا رح يقدر يرجع لعهد أبوك المحنط ولا يمشي مع عصره المجنون
حلها يا ابو الترشيد بليز
هلا المواطن لازم يشعر مع الحكومة ويسد الدين عنها لازم
لأنو المواطن هو اللي سرق وهو الفاسد وهو المرتشي وهو الحرامي
لازم يدفع غصب عن لحية أبوه الدين يلي برقبتة وإلا بكون فاسد وخاين كمان
//

أنا مش عارف من وين هالبلاوي بتتحذف علينا
الواحد شكلو مكهرب وضاوي وبلمع
اتاري الكهربا وين بتروح
بيوكلها مع الدولارات شحنات شحنات
يخرب بيوتكم كيف ما بهدلتوا الناس

[.. ليآل ~]

وقعت !

وهتف الكل : بسم الله عليكـ ~

بس ليش عطول بحس إنو ماحدا سما علي ؟؟

[almuhandes]

يا سمرة يا تمر هندي
يا أطيب مشروب عندي
كل ما بئلها ارويني ضي
بتئلي
الكهرباء مقطوعة يا أفندي

[almuhandes]

عباس في اللقاء الذي يبث الآن

المحاور
كيف تلقفت إسرائيل أتفاق الدوحة
عباس
خيرونا بين حماس والسلام
فأجبتهم
حماس اخوة
وأنتم شركاء
أريدكم الأثنين


//
ليش لأ
الواحد بصحله يجمع بين أربعة
بدها توقف على اثنين

عليَّ النعمة صاحب واجب وقلب كبير
ها
يا هيك الرئيس يا بلاش
وراكم وراكم
والله لو ..............
وراكم

[برآءة عبد]

العثور على أحد جنود جيش الاحتلال "الإسرائيلي" مقتولاً في بيته في منطقة "بيتاح تيكفا" مساء اليوم الأحد.

[almuhandes]

العثور على أحد جنود جيش الاحتلال "الإسرائيلي" مقتولاً في بيته في منطقة "بيتاح تيكفا" مساء اليوم الأحد.


علينا تقديم واجب العزاء لممباس

الشهر الماضي اعلنها مدوية بتفاخر رهيب
حررنا ضابط برتبة رائد وأعدناه لهم من أيدي الجهاد الإسلامي
يوم أول أمس صرح
فقط نريدها سلمية
مبارح انحرق منهم كلب
هلا الرجال بنلاقيه فتح بيت عزاء أو يمكن ما يرضى يوخد عزا فيه لحتى ينتقم لدمه (هيك عادات العرب )
عموما يلي علينا رح نعملوا
ونقوم بالواجب
ونروح نعزي ونخفف المصاب الجلل حتى لو اعتقلونا

//
المقاومة في الضفة ستدفع الثمن غاليا
مداهمات واعتقالات
على أيدي حبايبنا
وهي لحيتي
خلينا نقعد عالحيطة ونسمع الزيطة
ويارب نكون غلط

[برآءة عبد]

ههههه ينعن ديخك شو بحب مسخرتك ..

ههههه بترضيني غالباً ..

[almuhandes]

ههههه ينعن ديخك شو بحب مسخرتك ..

ههههه بترضيني غالباً ..

برآءة
هل الديخ من دايخ....؟
كثير بسمعها بس ما بفهمها
عموما هي مش مسخرة ولا سخرية بلا ما تودينا بداهية
سمع هوص المخابرات بتبص
هي حب زايد يعني بالعربي الفصيح صار عندي (ليك )من كتر الحب لهيك عم يطلع معي الحكي مطرطش

//
دوم ان شاء الله بتكوني راضية ومبسوطة
كوني بخير

[almuhandes]

نبيلة حمزة
تونسية
رئيسة مؤسسة المستقبل الدولية
تقول
فقدنا الكثير من المكتسبات التي حققتها المرأة والمجتمع أيام زين العابدين وأيام مبارك
أصبح تفكيرنا
يتمحور في التيارات السلفية والإسلامية
يتمحور كيف نحجب البنت وما إلى هذا من قتل


//

نبيلة
والنبل منها براء
بمنظرها المقرف وشعرها المنكوش ومكياجها المخزي
جاءت تعيب على المرأة حجابها
وعلى المجتمع الإسلامي التفكير بالمحافظة عليها
جاءت تبث سموم فكرها
فأضاعت الطريق فكيف بها وهي رئيسة لمؤسسة المستقبل
فأي مستقبل مظلم تستشرفه لنا مثل هذه الضلالية
أصبح زين العابدين ومبارك رموز للطهارة تتغنى بهم فقد حرروا المرأة من عفتها وشرفها وخلقها ودينها
جاءت تتحفنا بفكر أديب الفراش قاسم أمين وتستشهد بآيات منه وكأنه الكتاب المقدس