المساعد الشخصي الرقمي

مشاهدة النسخة كاملة : :. يامشحر .. شوف وين صرنا .!!


أنين
02-19-2010, 11:39 PM
السلام عليكم


بعد لت وعجن وهون وهناك

قررنا نعمل فرمته للقسم

وطبعاً ., عشان نبلش بالتغير

لازم نبلش خطوة خطوة .,

فاحبيت أنزل هـ الموضوع الخفيف اللطيف

والي هو .,

لغتنا

وماتشهده من معارك طاحنه في سبيل التطور والعلم

يعني شو رأيك وين صارت لغتنا ( الأصليه )

في الحضيض ولا ع وشك

ولا لساتها بضل لغة كبيره وما بتهتز

وكمان مصطلحاتنا النهفة ., متل

مشحر .. كشيلك .. عارض ..وما إلى ذلك ..

وين صارت هـ الكلمات ..

عند جدتي وجدتك

نسيناها وصرنا أل وئلنا

ولا لساتنا صامدون .,!

بغض النظر عن اختلاف اللهجات .. بس الكل بنشوف

الغزو الـ مش طبيعي لكل شي بتعلق بماضينا

يعني بدل ( كيفك حالك ؟ )

صار (waz up ya man )

وصار الي بكون حدا من عيلة بحكي بهـ اللغة .. يعتبره عار .!

ويخجل منه

وهاد الحكي من مواقف شفتها بحياتي

أحكيلكم قصة

السنه هاي أجت عنا بنت جديده من ايطاليا

هي فلسطينية من غزة بس عايشه هناك طول حياتها

أول مادخلت الصف اتوقنعها ماتحكي عربي

لما بلشت تحكي ., أنلخمنا :ShababSmile225:

بتحكي غزاوي أباً عن جد

ولما سألنها ., حكت هناك أغلبهم هيك بحكوا

وكتير مواقف كمان


برأيكم ., شو السبب أحنا .. ولا المؤثرات الي بتشدنا لكل شي جديد

وكيف ممكن نرجع لـ لغتنا الأصيلة .؟

وسلامتكم

بنت فلسطين المجروحة
02-19-2010, 11:43 PM
جميل،، بدا الخير يهل


الي رجعة ياانين ان شاء الله

sofy
02-19-2010, 11:56 PM
حلوووووو هاي ( إلتخمتووووووا ) لخمة خير إنشاءالله :ShababSmile221:

المهم صحصحي معي ...:ShababSmile116::ShababSmile250:

شوفي من رأي الشخصي .. أنا بشوووف العرب بشكل عام تقليد أعمى للغرب للأسف

سواء لبس .. حكي .. هبل ... وأي خرابيط تانية ..

هلا مو الكل هيك ... بس بنسبة 80 بالمية بئلدوا الغرب .. مش عارفة هما الغرب أحسن منا بشوو

هلا لو في واحد عربي بس يخترع إختراع ولا شي كبير .. مش بصيروا الغرب يئلدووا هاد الحكي على زمن

الزهراوي وإبن سينا والرازي وجابر بن حيان وغيرهم ..

:ShababSmile256:هلا تعالي سبحان الله إنئلبت الآية صار العرب ياخد من الغرب ... هاد شان إنهم فالحين .. ما بفكروا

إلا بلأكل والشرب ... واللبس .. لو واحد فيهم بس يفكر يحكي حكي متل الناس مو بلغتو بلغة الغرب

ئال يعني هيك مثقف ومش عارفة شو كمان .. وهوا بتلائيه مش حافظ غير كلمة ولا كلمتين

وهوا خرطي كل على بعضو ....:ShababSmile235:

هاد عشان ضعف الإيمان الي عندهم .. وعنجد أنا في بجامعة شاكلة متل هيك ..ودخيل الله شو نفسي

أعجب عليهم كلهم .. وأبهدلهم بهدلة بس المشكلة محضاراتي مو مناسبة معهم

وكمان شغلة ...لأنهم ما بفكروا .. وناسين مبادئ الدين الإسلامي وناسين الرسوول وحكيوو

للأسف .. بس يتعرفي العتب مو عليهم العتب على عقولهم الفاضية ..

عنجد إتنرفزت .......:ShababSmile108:

مو على الكل بينطبئ هالحكي

:ShababSmile225::ShababSmile225:

أنين
02-20-2010, 12:09 AM
جميل،، بدا الخير يهل


الي رجعة ياانين ان شاء الله

حجزتلك مكان .. بس بسرعه بلاش حدا يجي ياخده :ShababSmile221:

بستناكي :ShababSmile240:

أنين
02-20-2010, 12:14 AM
حلوووووو هاي ( إلتخمتووووووا ) لخمة خير إنشاءالله :ShababSmile221:

المهم صحصحي معي ...:ShababSmile116::ShababSmile250:

شوفي من رأي الشخصي .. أنا بشوووف العرب بشكل عام تقليد أعمى للغرب للأسف

سواء لبس .. حكي .. هبل ... وأي خرابيط تانية ..

هلا مو الكل هيك ... بس بنسبة 80 بالمية بئلدوا الغرب .. مش عارفة هما الغرب أحسن منا بشوو

هلا لو في واحد عربي بس يخترع إختراع ولا شي كبير .. مش بصيروا الغرب يئلدووا هاد الحكي على زمن

الزهراوي وإبن سينا والرازي وجابر بن حيان وغيرهم ..

:ShababSmile256:هلا تعالي سبحان الله إنئلبت الآية صار العرب ياخد من الغرب ... هاد شان إنهم فالحين .. ما بفكروا

إلا بلأكل والشرب ... واللبس .. لو واحد فيهم بس يفكر يحكي حكي متل الناس مو بلغتو بلغة الغرب

ئال يعني هيك مثقف ومش عارفة شو كمان .. وهوا بتلائيه مش حافظ غير كلمة ولا كلمتين

وهوا خرطي كل على بعضو ....:ShababSmile235:

هاد عشان ضعف الإيمان الي عندهم .. وعنجد أنا في بجامعة شاكلة متل هيك ..ودخيل الله شو نفسي

أعجب عليهم كلهم .. وأبهدلهم بهدلة بس المشكلة محضاراتي مو مناسبة معهم

وكمان شغلة ...لأنهم ما بفكروا .. وناسين مبادئ الدين الإسلامي وناسين الرسوول وحكيوو

للأسف .. بس يتعرفي العتب مو عليهم العتب على عقولهم الفاضية ..

عنجد إتنرفزت .......:ShababSmile108:

مو على الكل بينطبئ هالحكي

:ShababSmile225::ShababSmile225:

يا اهلين صوفي .. منوره الـGـعده :ShababSmile116:

كلامك صحيح .. الدنيا انقلبت ..

وين زمان كيف كنا .. وكيف سرنا .!

الله يرحم العصر الأندلسي .. والأموي لما كان العرب

عرب مش عربين ونص

وفعلاً شو صار هم العرب

كورة :ShababSmile250: واخر موضه نزلت .. والشقف الي بالمول :ShababSmile221:

صحيح سببها ضعف الايمان .. وكمان قلة الوعي ..

والي بيجلط .. أنو العربي صار يخجل

سواء من لغته أو من كونه عربي

نورتي حبيبتي صوفي وأنا مصحصحه ماتخافي :ShababSmile221:

sofy
02-20-2010, 12:19 AM
هههههههههههه

بعرف إنك مصحصحة .. لو مو مصحصحة ما كان نزلتي هالموضووع

بمزح معك يا بنت ..

عسل إنت ولوووووو

مع إني مبارح دخلت عموضووعك وأول مرة بحكي معك

بس الهيأة إنك صبية لزيزة وحبوبة

وبتنحبي كمان

النووور نور الله ثم نووورك

هدووووووووووووول لو يحسووووا على حالهم العرب

ماكان صار معانا كل شي سيء بهزمن

sofy
02-20-2010, 12:21 AM
عجبتني ... هالكلمة .. ( الكعدة )

كعدة كعدة ... بدي أخليها .. ( كعدات )

ههههههههه

حسام المصرى
02-20-2010, 12:25 AM
السلام عليكم


بعد لت وعجن وهون وهناك

قررنا نعمل فرمته للقسم

وطبعاً ., عشان نبلش بالتغير

لازم نبلش خطوة خطوة .,

فاحبيت أنزل هـ الموضوع الخفيف اللطيف

والي هو .,

لغتنا

وماتشهده من معارك طاحنه في سبيل التطور والعلم

يعني شو رأيك وين صارت لغتنا ( الأصليه )

في الحضيض ولا ع وشك

ولا لساتها بضل لغة كبيره وما بتهتز

وكمان مصطلحاتنا النهفة ., متل

مشحر .. كشيلك .. عارض ..وما إلى ذلك ..

وين صارت هـ الكلمات ..

عند جدتي وجدتك

نسيناها وصرنا أل وئلنا

ولا لساتنا صامدون .,!

بغض النظر عن اختلاف اللهجات .. بس الكل بنشوف

الغزو الـ مش طبيعي لكل شي بتعلق بماضينا

يعني بدل ( كيفك حالك ؟ )

صار (waz up ya man )

وصار الي بكون حدا من عيلة بحكي بهـ اللغة .. يعتبره عار .!

ويخجل منه

وهاد الحكي من مواقف شفتها بحياتي

أحكيلكم قصة

السنه هاي أجت عنا بنت جديده من ايطاليا

هي فلسطينية من غزة بس عايشه هناك طول حياتها

أول مادخلت الصف اتوقنعها ماتحكي عربي

لما بلشت تحكي ., أنلخمنا :ShababSmile225:

بتحكي غزاوي أباً عن جد

ولما سألنها ., حكت هناك أغلبهم هيك بحكوا

وكتير مواقف كمان


برأيكم ., شو السبب أحنا .. ولا المؤثرات الي بتشدنا لكل شي جديد

وكيف ممكن نرجع لـ لغتنا الأصيلة .؟

وسلامتكم


انا شايف الحل فى كتاب القراءة بصراحة ناس كتير افتقدت المعنى ده ... :ShababSmile221:
غير ان الأطفال بقى اهتماهم بميكى زيادة عن اللزوم .. ممكن يكون ده السبب

ميس مسلمه
02-20-2010, 12:44 AM
ما بعرف احتى بس والله الاعلام شارك بتلك الظواهر الغريبه علينا كمجتمع عربى وكمان الحق علينا انا بدانا ننخلط فيها.مشكوره اختى لطرحك الموضوع القيم

أنين
02-20-2010, 12:54 AM
هههههههههههه

بعرف إنك مصحصحة .. لو مو مصحصحة ما كان نزلتي هالموضووع

بمزح معك يا بنت ..

عسل إنت ولوووووو

مع إني مبارح دخلت عموضووعك وأول مرة بحكي معك

بس الهيأة إنك صبية لزيزة وحبوبة

وبتنحبي كمان

النووور نور الله ثم نووورك

هدووووووووووووول لو يحسووووا على حالهم العرب

ماكان صار معانا كل شي سيء بهزمن


حبيبت قلبي .. انتي العسل والله

الله يسعدك

:ShababSmile224:

عجبتني ... هالكلمة .. ( الكعدة )

كعدة كعدة ... بدي أخليها .. ( كعدات )

ههههههههه

هههههههههههههه مش غلط

والله انو حكينا حلو .. بس خدلك مين يقدر :ShababSmile221:

أنين
02-20-2010, 12:56 AM
انا شايف الحل فى كتاب القراءة بصراحة ناس كتير افتقدت المعنى ده ... :ShababSmile221:
غير ان الأطفال بقى اهتماهم بميكى زيادة عن اللزوم .. ممكن يكون ده السبب

شكراً ع رأيك

ما بعرف احتى بس والله الاعلام شارك بتلك الظواهر الغريبه علينا كمجتمع عربى وكمان الحق علينا انا بدانا ننخلط فيها.مشكوره اختى لطرحك الموضوع القيم

معك حق .. العلام طمس حاضرتنا .. وخلنا ورا الحكي الفاضي

واحياناً الاختلاط هاد بكون شي مجبورين عليه

يعني انا هلأ عشان أقدم ع الجامعه لازم اعمل امتحان انجليزي .؟

طيب ليش .. مش أنا بجامعه بدولة عربيه

بتحكي عربي

وجامعه عربيه .!!

منوره حبيبتي :ShababSmile224:

sofy
02-20-2010, 12:57 AM
وبشرح كمآآآآآآآآآآآآآآآآآآآآآآآآآآن

هيو بنط عكلبي مثل العسل

ههههههههههه

أنين
02-20-2010, 12:59 AM
وبشرح كمآآآآآآآآآآآآآآآآآآآآآآآآآآن

هيو بنط عكلبي مثل العسل

ههههههههههه

يسعده كلبك ههههههههههههه

sofy
02-20-2010, 01:08 AM
مو هلا بتحكي عن إمتحان الإنجليزي تبعك ...

ماهاد صار شي طبيعي يعني هلا ...

لأنو اللغة المتعارف عليها بشكل عام اللغة الإنجليزية ...

بالعكس هيا مفيدة

لما حدا واحد أجنبي يسألك فرضا عن حجابك ... بدك تحكيلو وتشرحيلو بللغة العربية يا بنت ...؟؟

طبعا لأ بدك تحاولي تشرحيلو بلغتك .. طيب كيف وإنت معارضة هالسلافة

أنا مو مناقضة أبدا للحكي الي حكيتو ئبل

بس شي عن شي بيفرق

فهمتي عليا يا عسل

أنين
02-20-2010, 01:15 AM
مو هلا بتحكي عن إمتحان الإنجليزي تبعك ...

ماهاد صار شي طبيعي يعني هلا ...

لأنو اللغة المتعارف عليها بشكل عام اللغة الإنجليزية ...

بالعكس هيا مفيدة

لما حدا واحد أجنبي يسألك فرضا عن حجابك ... بدك تحكيلو وتشرحيلو بللغة العربية يا بنت ...؟؟

طبعا لأ بدك تحاولي تشرحيلو بلغتك .. طيب كيف وإنت معارضة هالسلافة

أنا مو مناقضة أبدا للحكي الي حكيتو ئبل

بس شي عن شي بيفرق

فهمتي عليا يا عسل

صح حكيك حبيبتي .. بس أنو ما أنقبل بالجامعه بسببه .!!

انا مابحكي مش مهمه .. لا مهمه ونص انو الواحد يتعلم أنجليزي

بس هاد لايعني .. انو لو كان مش فزلك فيها .. يروح عليه نص عمره

طيب .. ليش لو بدي أدخل تخصص عربي .. لازم يكون عندي توفل ..الي هو الامتحان الانجليزي .!

انا هاد الي بقصده

صرنا نحشر الانجليزي .. وين ماكان .. لو الواحد بد يشتغل زبال .. صار لازم يكون معه خبره انجليزي

دولنا .. مزوديتها حبتين ..

وبرجع وبحكي .. انا مش ضد الأنجليزي بالعلم

:ShababSmile224:

sofy
02-20-2010, 01:22 AM
صح حكيك حبيبتي .. بس أنو ما أنقبل بالجامعه بسببه .!!

انا مابحكي مش مهمه .. لا مهمه ونص انو الواحد يتعلم أنجليزي

بس هاد لايعني .. انو لو كان مش فزلك فيها .. يروح عليه نص عمره

طيب .. ليش لو بدي أدخل تخصص عربي .. لازم يكون عندي توفل ..الي هو الامتحان الانجليزي .!

انا هاد الي بقصده

صرنا نحشر الانجليزي .. وين ماكان .. لو الواحد بد يشتغل زبال .. صار لازم يكون معه خبره انجليزي

دولنا .. مزوديتها حبتين ..

وبرجع وبحكي .. انا مش ضد الأنجليزي بالعلم

:ShababSmile224:



فهمتك عليكي هلا ..

يعني جامعتك ما بتئبل إلا بإمتحان التوفل .. شو هاد :ShababSmile239:

لا لا بس هيك مو حلوو من الجامعة تعمل هيك .. :ShababSmile233:

إن الله لا يغير بقوم حتى يغيروا ما في أنفسهم

بك تعيشي لتشوفي يا أنين :ShababSmile256:

وهاد حال الدنيا والناس الي فيها ..

الله بعينك على هيك شاكلة من الناس ..:ShababSmile111:

إسراء الفلسطينية
02-20-2010, 01:53 AM
هل مشكلة منعاني منها كتير ..

والكلمات المستعارة يلي صارت بحكينا ، عم تكتر يوم بعد يوم!

طبعا هل شي بيرجع للشخص ، ولظروفه الشخصية ..

بدي أحكيلك مثل ..

هون بالدنمارك .. بتلاقي ولاد ما بيعرفوا كلمة عربي ..

وهل شي نتج من ترباية الأهل .. يلي ما فضّوا حالهم لولادهم لحتى يعلموهم أكم كلمة عربية ..

مع انو في مدارس بتعلم عربي بالبلد ،

لكن لا لشوو ، ما هو في المدرسة الدنماركية طول الاسبوع !

وبتعرفي ، حتى الاولاد بالبيت ما بيحكوا عربي مع أهاليهم ..

خلص اتعودوا هيك ، وهلا لما كبروا ، صار صعب عليهم انهم يتعلموا العربي ..

الصراحة ما بعتب على هل ولاد ،لانو تربايتهم من الأصل كانت غلط بغلط ..

مش لانو الواحد مش ساكن ببلد عربي ، ينسى أصلو وفصلو !

::

اما بالنسبة للعرب يلي ساكنين ببلد عربية ..

فمش عارفة الصراحة ؟

ما بعرف ليش ، بس يلي بدحشولي كلمات انجليزية بنص محادثتهم .. بينزلوا من عيني !

بس عنجد مش راكبة ع بعضهاا .. عربي + انجليزي!!

وين صارت هاااي :ShababSmile235:

الله بعييين ، ويصلح حال هل أمة ..

//

موضوعك حلو ومهم ..

تسلم ايديكي حبيبتي أنين ..

يعطيكي الف عافية

أمل
02-20-2010, 04:38 PM
أحجز مقعد راجعة بعدشوي إن شاء الله

قسامي غزة
02-20-2010, 11:53 PM
يعطيكي العافية اختي
برأيي السبب بهيك مشكلة
التقليد الأعمي للغرب
وتقليد هذه الكلمات بدون معرفة معناها
والمشكلة واحد بحكي كلمة
بتلاقي مليون واحد حكاها
والحل برايي المدارس والجامعات لازم ينتبهوا لهيك قصة حتي نطلع جيل متعلم ومثقف
بالفعل هاد مشكلة كبيرة
ومشكورة علي طرحك للموضوع

إسراء الفلسطينية
02-21-2010, 04:34 PM
يعطيكي العافية اختي
برأيي السبب بهيك مشكلة
التقليد الأعمي للغرب
وتقليد هذه الكلمات بدون معرفة معناها
والمشكلة واحد بحكي كلمة
بتلاقي مليون واحد حكاها
والحل برايي المدارس والجامعات لازم ينتبهوا لهيك قصة حتي نطلع جيل متعلم ومثقف
بالفعل هاد مشكلة كبيرة
ومشكورة علي طرحك للموضوع

مزبوط المدارس والجامعات دورهم كبير كمان !

لفتت إنتباهي لنقطة مهمة ..

نحنا هون بالمدارس الدنماركية ، لما نحكي أي كلمة عربية .. بحاسبونــا !!

لانو ممنوووع نحكي أي لغة تانية الا الدنماركي بالمداارس ..

ياما محاسبيني لاني باجي لاحكي كلمة عربي مع رفيقتي العربية يلي بالصف ..

وببصيروا يحكوا نحنا هون بمدرسة دنماركية .. إنسي العربي يا إسرااء !

فكيف منقبل ع حالنا انو نحكي لغة الغرب ، ونحنا ببلد عربي ،وبمدارس وجامعات عربية

ما دام هني الغرب ببلادهم ما بيسمحوا انو نحكي لغة تانية غير لغتهم !